ايقونه في ميزان القاضي .
_____سعاد_____
_شاطت دلال ,,,وهو مبتسم عبرتهم وطلعت للمطبخ ضحكت ماغيرت عادتها اله تتوضى بالسنك رجعت للغرفه اكيد تصلي كمت حضرتلي صينيه ودخلت يمها تقبل الله.
بطه:منا ومنكم صالح الاعمال .
_بدون جدال ادنت على الصينيه واكلت ،،دلال
صوتها يلعلع ضلينا كاعدين ردت اكسر الصمت كتلها معليج بيها عمه هو متفق وياها قبل لا تجين رفعت راسها تباوعلي يبوووي على دموعج ولج كافي .
بطه:مايوجع كلبي شي بعد فراك حسين ماتهمني الدنيا كلها ماردت اعوفه بس لزمو بيه احتار اخوي تعب ياربيييييي .
_يمعوده صل على محمد اول وتالي تزوجين
خو ماتبقين العمر يمه وهاي هيه البصرة شوكت مايعجبج نروح .
بطه:ماردت ازوج كلت ابقه بحظنه بس شاهين وعمتي الي بعدوني ،،،تحملت عزلتي بمناسباتهم وسكتت لخاطرة ردت البيت يبقه اسمه بيت اهلنا اخخخخ ياربي رحمتك .
_الظاهر كلبها محمل الله يعينج تبجي مثل الطفل تناشغ بعبرة،، دخلت امي وهو واكف بالباب حاير .
الحجيه:شوكت تبطلين جا غير كافي هيج كارهه عيشتنا بطه يمه اهلج احنه و هذا بيتج اذا مامرتاحه هنا نطلع انه وياج .
_كومتها غسلت دك تلفونها وعبالك تعلم اخوها ركضت بلهفه تمسح بدموعها سوده عليه رجفت كعدتها وفتحت الصوت امي طلعت وسدت الباب حته ماتتقيد .
بطه:ها حسين ششلونكم اني
زينه لاتضوج .
حسين:عذريني قصرت .
_الله يساعدج يمه متت شنو
هل قهر واضح من صوته مخنوك .
حسين:بطه اذا تحبيني شيصير وياج
تطيني خبر تلفونج يمج شوكت مااتصل
تردين عليه .
بطه:اي بس انته لاتنقهر اني من زمان ردت ارجع لزوجي وتدري بيه احبهم ،،احسن الي ماعيش ولا كدرت اتقبل غيرهم اريدك تدعيلي .
_تقنع بي بس احسها ارتاحت ،،من سولفت ويا نهت مكالمتها وتمددت عفتها وطلعت للصاله كاعدين.
ابو الحكم:ها سعوده .
_همزين حجت ويه
حسين ارتاحت .
ابو الحكم:خل يجون الولد حته تقفلون بابكم .
الحجيه:وانته وين رايح ؟
ابو الحكم:اصعد فوك .
_كلمن راح لمكانه نمت يمها وقبل لا تطلع الشمس صعدت لبيتي ،،،،حضرت ملابس عدنان لان يطلع للشغل جاي اسوي بالريوك كعد .
عدنان:صباح الخير شوكت جيتي ؟
_من ساعه .
عدنان:شنو الوضع ؟
YOU ARE READING
ايقونه في ميزان القاضي
Mystery / Thrillerمن رحم الطفوله والصراعات خرجت امراءة غامضة هل سيوقفها الماضي الذي جعلها بهذة الشخصيه ام ستختار المستقبل المجهول؟ معا لنرى ماذا ينتضرنا في رواية ايقونه في ميزان القاضي............ 7x2708 انستا
