အိမ်ပြန်ရောက်တော့ ကလေးသားလေးက အိပ်ချင်လို့ပေနေချေပြီ။ထို့ကြောင့် ကလေးလေးကိုပွေ့ချီရင်း ဟိုလျှောက်ဒီလျှောက်လုပ်နေသော်လည်း ကလေးကဟင့်နေသေး၏။
"အဲ့ အဲ့ "
"အေးပါ နောက်တိုးလေးရယ် အိပ်တော့နော် ၊ လိမ္မာပါတယ် နောက်တိုးလေးက နော်..."
ပုခုံးပေါ်ပင့်တင်ထားရင်း ကလေးကိုချော့သော်လည်း ကလေးက ဟင့်မြဲဟင့်ဆဲ။ကြာတော့ သူ့အဖေက ရောက်ချလာပြီး ခန့်နောင်လက်ပေါ်မှကလေးကို ပွေ့ကာချီယူသွားတော့သည်။
"ဖေ့သားကြီးရေ အိပ်ချင်နေပြီလား ဟင်"
"ခစ် ခစ်"
သူ့ဖေလက်ထဲလည်းရောက်သွားတော့ ကလေးက မျက်နှာချက်ချင်းကြည်လင်သွားပြီး တစ်ခစ်ခစ်နဲ့ပြုံးရယ်လာသည်။ထိုအချင်းအရာကိုမြင်သွားသော ခန့်နောင်မှာ မျက်စောင်းကလေးရွယ်လို့ ပြောမိတော့သည်။
"အမလေးနော် သူ့အဖေလက်ထဲလည်းရောက်သွားတော့ မျက်နှာကြီးက ပြုံးလို့ဖြီးလို့ ၊ ဖေချစ်သားကြီး"
တစ်တွတ်တွတ်ဖြင့်သာရေရွတ်ပြောရင်း သားအဖနှစ်ယောက်ကိုထားခဲ့လိုက်သည်။
"မင့်သာထိန်းလိုက်တော့ ငါအောက်ကိုပေါင်ချည်အုံးမယ် ၊ မင့်တို့သားအဖ ဘယ်နှစ်ပါးသွားဘဲ က,က ၊ ငါတော့သွားပြီ"
ထိုသို့ပြောပြီး အောက်ကိုသာဆင်းခဲ့လိုက်တော့သည်။
"ယောက်ဖရေ..."
"ဝေး..."
ခန့်နောင် အောက်ကိုဆင်းရုံမျှဆင်းရသေးသည်။ခန့်နောင်၏ညီမနဲ့ အမေဖြစ်သူကရောက်ချလာ၏။ညီမဆိုသော်ငြား ညီမ,မဟုတ်သော ညီမဟုဆိုရပေလိမ့်မည်။သော်တာက အိမ်ပေါက်ဝမှ ဖွဖွထွေးကာ မင်းမောင်အားလှမ်းခေါ်တော့ အိမ်ပေါ်မှ သူ့ဖေဖြစ်သူကလည်း ခေါ်သံနဲ့အညီ အော်လို့ထူးရှာသည်။
"ရောက်ပြီလား ယောက်ဖ.."
ကလေးအားပွေ့ချီရင်း အောက်ကိုဆင်းပြီး ယောက်ဖဖြစ်သူကိုကြိုဆိုရသည်။
"အေး ရောက်ပြီလေး.."
"ရောက်လာပေးတာ ကျေးဇူးဘဲကွာ ယောက်ဖ"
YOU ARE READING
စိမ်းလန်းစိုပြေ ဒို့ယောမြေ☘️🍂
Randomအသားလည်းညို အပြောလည်းချိုတဲ့ ယောသားလေးကို လာချစ်ကြည့်လှည့်စမ်းပါဗျာ...