Liars Catastrophe

Liar 27: Together

Note: Happy Hearts Day! <3 This chapter is a light one. And kinda filler chapter. LAME din sya for me. Huhu. Pasensya na. Daming gawain e. Sa next update na iyong mas importanteng pangyayari. As for now, feel the hearts muna. Hahaha. Joke lamang. So yeah. Ang hirap isulat ng chappy na ito, dahil hindi ko forte ang romance. Haha. Sana ma-enjoy niyo, kahit papano. T_T Bawi na lamang ako sa susunod. Mian.

27: Together
Nathaniel Gabriel's POV

"Improbus Ille Imperium... Meet my real wife, Princess Light Smith-Evans."

Nakakabingi ang tunog na sunod naming narinig. Walang nagsalita, walang gumalaw, lahat tulala at hindi makapaniwala. Kulang na lamang siguro ay mahimatay sila dahil sa matinding pagkakabigla. Kitang kita ko sa mga mata nila ang pagtatanong at pagtatakha. Ang ipinapahiwatig nila, ay tila ba hindi makatotohanan ang sinabi namin.

Hindi ko maiwasan mapangisi nang mas malawak dahil doon. Matapos ang napakatagal naming paglilihim ng tunay na ugnayan namin ni Light, sa wakas ay nasabi na din namin sa harap ng ibang tao kung ano ba talaga ang estado namin.

Isa sa binuong patakaran namin ay ang hindi kami magsisinungaling kung sasagot kami ng 'dangyunhaji' at ito ang resulta. Hindi kami nagsabi ng isang haka-haka. Ang lumabas na sagot sa bibig namin ay pawang katotohanan na matagal na naming ipinagkakaila at inililihim.

"A-Anong?" Nanginginig ang mga labi ni Lian noong banggitin niya iyon. Nakahawak siya sa dibdib niya na tila ba hindi na makahinga. At pagkatingin ng mga mata ko sa kaniya ay bigla na lamang siyang napa-upo sa upuan na nanginginig at hinihingal. Napailing-iling pa siya na wari mo'y hindi maiproseso sa utak ang kaniyang narinig.

Iyong iba naman ay parang nabato na sa kinatatayuan nila dahil hindi pa din sila makakilos at maka-imik. Takot at kaba ang kaninang kanina pang pumapalibot sa kanila, at ngayon ay nasisiguro kong parang may binasag na napakahalagang bagay sa kanila at imbis na magsisigaw at mag-wala ay hindi sila makapaniwala sa nangyari.

Hinawakan ko ng mahigpit ang kamay ni Light, at saka ko siya tingnan. Nakita ko sa mga mata niya ang pag-aalab ng damdamin. Samantalang ako, ay parang nakawala na sa mahigpit na hawak ng demonyo dahil sa wakas ang matagal ko nang gustong mangyari ay nagawa na naming dalawa. Ang ipaalam sa iba ang relasyon namin sa isa't-isa.

Princess Light Smith-Evans.

Iyon na ata ang pinakamagandang pangalan na narinig ko sa buong buhay ko. Idagdag mo pa na nasa kaniya na talaga ang apelyido ko. Kahit nasa isang tensyonadong sitwasyon kami ay hindi mapigilan ng puso ko na matuwa tuwing bumabalik sa ala-ala ko kung paanong lumapit si Light sa akin kanina at kung paano namin sabay na nasabi ang katagang dangyunhaji.

Parang bumalik ako sa araw kung paano, kailan at saan niya ibinigay ang isang salitang nakapagdala sa akin sa kalangitan. Ang pag-oo niya sa akin noong mga pagkakataong iyon na nagbigay sa akin ng kaba, tuwa, at marami pang ibang damdamin ay parang bumalik lahat ngayon.

"Lian." Madiing bigkas ni Light, kaya naman naagaw niya ang pansin naming lahat. Kung kanina ay nerbyos at takot ang nararamdaman nila sa akin, sigurado akong mas higit pa sa salitang iyon ang nararamdaman nilang lahat ngayon lalo na at nandito na siya.

"P-Princess." Wala sa ulirat at nangangatog na sambit ni Lian. Napatitig ako sa kaniya, at hindi ko mawari kung ano ba talaga ang itinatago niya, kung sino ba talaga siya... Ngunit isa lamang ang sigurado ko, ayaw niyang malaman namin iyon kaya't iyon ang tinanong niya, dahil ang akala niya ay kasal ko kay Cassidee.

"Lian Analiz Valle, ang dugong nanalaytay sa ugat mo, ay siya ding dugo na dumadaloy sa..." Napatitig ako kay Light ng seryoso noong sabihin niya iyon. Hindi ko alam kung bakit biglang kumabog nang sobra sobra ang puso ko dahil doon. Idagdag mo pa ang ngiting nakakakilabot sa mga labi niya.