المحاق.

Part7

* أكرهُ الحروب الباردة ، الحَرب التي لا تُشبع غرائزي ولا تُطفئ ناري ، تلك الحرب التي بيني و بينك !

#وتين

تقلب ع السرير و هو يعقد حاجبه بضيق ، منزعج من اليد اللي تهزه بشكل متواصل و بشويش ، و قطعت عليه أحلامه اللذيذة.

نور : وتيين قوم يلا للدوام لا تتأخر

-وتين ينقلب على بطنه و يكمل نوم بدون م يعطيها رد ولا آي اهتمام -

نور بإصرار : وتيييين قوم لدوامك بسرعة

وتين : انقلعي مابي أروح اليوم

نور : محل ابوك ؟ قوم تحرك لا ينخصم الراتب منك و هو كله مبلغ بسيط اصلاً يعني لو ينخصم منه بيطير نصه

وتين يتثاوب و يفرك عيونه : الساعة كم ؟

نور : الساعة ثمانية و نص الحين

وتين فتح عيونه و رفع راسه بسرعة : كذااابببة ؟؟

- نور مسكت جواله القديم و قربت شاشته المكسوره لوجه وتين المصدوم -

نور: هاه شوف

وتين يمسك الجوال بصدمة و يقوم بسرعة: كييييييف تو تصحيني ؟

نور ترفع حاجبها بإستنكار : تو أصحيك ؟ صار لي ساعة فوق راسك و انت نايم بالعسل

وتين يرمي الجوال و يركض للحمام : طلعي لي ملابسي بسرعة بسرعة و إطلعي برا

نور تتحلطم : طيب

دقيقتين و طلع من الحمام بعجل يتحرك بسرعة داخل الغرفة ، و يبدل ملابسه و يضبط شعره و يسحب باقي اغراضه و هو متمسك بلبس المقهى البنفسجي المميز بشعار المحل و طلع من الغرفة بسرعة للصالة الصغيره اللي كانت شهد و نور مستقرين فيها بصمت ..

شهد متفاجئة : وتين ! غريبه صاحي بدري

وتين : بدري ؟ الساعة 8:40 و متأخخخخر مره ، قومي بسرعة وصليني

شهد تناظر ساعتها : قصدك الساعة 6:40 ؟

- وتين و شهد إلتفتوا بنفس الوقت لصوت ضحكة نور المكتومه -

شهد تلوي فمها : مقلب ثاني ؟

وتين يقرب لها بعصبية : غيرتي ساعة الجوال يالكلبة ؟