*بُليت بك و ما انت إلا بألذ البلاء.# إلياس
حبيبنا مزاجه اليوم عالي جداً و محد يقدر يلومه لأن كل شي خطط له صار بحذافيره و الحين محد يقدر يخفض عُلو مزاجه مهماً كان ، مستعد تماماً للتسلط و الاستبداد، مستعد لفرض الأوامر و القيادة، مستعد للأخذ قبل العطاء ..
و من فرط استعداده كان سعيد جداً لفكرة إرتباك ملاك اللي انوجدت بطريقه الضحل صُدفةً ! و ما كان فيه مانع يمنعه عن مُمارسة السيطرة عليها شوي بهدف الاستمتاع .
-كان مستند بظهره على الجدار بهدوء و يدينه تقاطعت فوق صدره العريض و هو يتأمل شكل ملاك الحذر المُضحك بنظره، و يحاول م تنفلت منه ضحكته و تفزعها و تنخرب جُل متعته-
إلياس بسُخرية : سارقة شي ؟
-ملاك إلتفتت وراها بسرعة و هي منخرشة و واضح عليها الارتباك-
ملاك بسرعة تتدارك التفاجئ اللي بان عليها : هه .. لا طبعاً بس طالعة !
إلياس يناظرها من فوق لتحت بهدوء: بس شكلك منحاشة مو طالعة ..
ملاك تعدل وقفتها و تنزل الكعب بشويش : لا بس ما حبيت أزعج أحد
إلياس بـ ابتسامه مايلة : أحد زي مين يعني ؟... أنا مثلاً ؟
-ملاك نزلت عيونها للارض و بلعت ريقها بضيق؛ لان الجواب كان "ايوه"، م كانت تبي تصادفه هو بالذات لأنها عارفه انه لو سمع اسم تليد بيتشبث فيها و بتنقلب طلعتها نكد-
ملاك : لا أكيد بس أقصد أم علاء و أبو علاء
إلياس بـ سُخرية أشد : هم يالله يدرون انك بينهم مستحيل تزعجين أحد تطمني.
-ملاك م حبت تخوض بهالحوار أكثر فـ رفعت عيونها تناظر فيه و بلبسه اللي يوحي انه مستعد للطلعة -
ملاك : مو انتي المفروض مداومة الحين ؟
-إلياس يرفع ظهره عن الجدار بشويش و يتقرب لها خطوة بـ عيون ثابته و أسنانه بانت من تحت ابتسامته المايلة -
إلياس : أعتبرها طريقة لتغيير الموضوع ولا فضول ؟
ملاك تنكر : مجرد سؤال لاني استغربت وجودك في البيت الحين بهالوقت لا أكثر ولا أقل.
إلياس يناظر في مفتاح سيارتها : مو مهم انا الحين .. انتي اللي على وين بالله ؟
![](https://img.wattpad.com/cover/77141494-288-k261348.jpg)
YOU ARE READING
المحاق.
Romance-Tomboy story- - ذنبك على جنبك - الرواية حقيقية 60% - مجهولة الموقع ما تنتمي لـ دولة. - لا تقرأ اذا كنت تحت الـ 18 سنة