* الوداع الأخير ~
# نور
في زاوية المدرسة الخلفية البعيدة عن انظار الكل ، انزوى قيس بنور و عيونها الجميلة الواسعة برموشها الكثيفة تناظر فيه بحزن و داخلها ألف سؤال و سؤال.
قيس يبتسم : يلا قولي حبيبتي
نور : احكي لي كل شي
قيس يستغبي : عن ايش ؟
نور : عن ايش يعني ؟ قيس لا تستغبي ، عن شهد أكيد ..
قيس توسعت ابتسامتة و نزل راسه يضحك بدون صوت و كتوفه العريضة تهتز بخفه ! و تنتهي ضحكته المكتومة بشهيق طويل يساعده على الاستمرار.
- نور حست ان قلبها بدأ يوخزها و القهر ينتشر فيه ببطئ -
نور بكل جدية : قلت شي يضحك ؟
- قيس يرفع راسه و يمسح ذقنه بأصابعه و هو يشتت نظرته لبعيد و يحاول يسيطر على ضحكته لا تبدأ من جديد -
قيس يثبت نظره عليها و ابتسامته المشرقة لسه على شفايفه : وش اقول لك بالضبط ؟
نور بدأت تفقد اعصابها : ابي الحقيقة و كل الحقيقة و الحين
قيس : فرت راسك عليّ شهد ؟
نور : محد يقدر يفر راسي على أحد و انت عارف بهالشي زين !!
قيس يهز راسه : لا ما أعرف
نور نبرتها صارت أعلى : الا تعرف !!
قيس تكتف بهدوء : كل اللي أعرفه ان اختك تكرهني و مستعدة تسوي اي شي عشان تفرقنا
نور صوتها بدأ يرتجف و بعصبية نطقت : ما تعرف ان الكل يتكلم عن ابوي و يسبه و يشتمه و يلعنه و أنا للحين ما أقدر اكرهه ؟ و تقول اختي تقدر تفر راسي عليك ؟ ..
- قيس يطلع الأرض و هو باقي متكتف -
نور تكمل برجفه : انا ما قدرت أكره شخص ما عرفته ولا شفته بحياتي كيف تتوقع اني ممكن أكرهك أو احد يقدر يفر راسي عليك و أنا احبك و اعشقك و أعيش كل يوم على حِسك حولي ؟
- قيس سكت و ضل جامد مكانه -
نور رجعت نبرتها تهدأ : و الحين أنا أحتاج الحقيقة قيس ، جيتك أسمع منك قبل ما أحكم ..
قيس ناظرها : تحكمين بـ ايش ؟
نور تبلع ريقها و نطقت بصعوبة : اما نستمر .. او نفترق ..
أنت تقرأ
المحاق.
Romance-Tomboy story- - ذنبك على جنبك - الرواية حقيقية 60% - مجهولة الموقع ما تنتمي لـ دولة. - لا تقرأ اذا كنت تحت الـ 18 سنة