ﺃﻧﻬﻰ " ﻋﺒﺪ ﺍﻟﺤﻤﻴﺪ " ﺻﻼﺓ ﺍﻟﻌﺸﺎﺀ ﻭﻇﻞ ﻳﺴﺒﺢ ﺭﺑﻪ ﻭﻳﺴﺘﻐﻔﺮﻩ , ﺃﻗﺒﻠﺖ ﺯﻭﺟﺘﻪ ﻣﻦ ﺧﻠﻔﻪ ﻗﺎﺋﻠﻪ :
- ﺣﺮﻣﺎً ﻳﺎ ﺳﻲ " ﻋﺒﺪ ﺍﻟﺤﻤﻴﺪ "
ﻧﻬﺾ ﻓﺄﺳﺮﻋﺖ " ﺳﻤﻴﺔ " ﺑﺄﺧﺬ ﺳﺠﺎﺩﺓ ﺍﻟﺼﻼﺓ ﻣﻦ ﻳﺪﻩ ﻭﻃﻮﺗﻬﺎ ﻭﻭﺿﻌﺘﻬﺎ ﻋﻠﻰ ﺍﻟﻜﺮﺳﻲ
- ﺟﻤﻌﺎً ﺇﻥ ﺷﺎﺀ ﺍﻟﻠﻪ
ﺍﺗﺠﻪ " ﻋﺒﺪ ﺍﻟﺤﻤﻴﺪ " ﺍﻟﻰ ﺍﻟﺴﺮﻳﺮ , ﻓﺄﺳﺮﻋﺖ " ﺳﻤﻴﺔ " ﺑﻔﺮﺩ ﺍﻟﻐﻄﺎﺀ ﻋﻠﻴﻪ , ﻭﻭﻗﻔﺖ ﺑﺠﻮﺍﺭ ﺍﻟﻔﺮﺍﺵ ﻭﻳﺒﺪﻭ ﻋﻠﻴﻬﺎ ﻋﻼﻣﺎﺕ ﺍﻟﺘﺮﺩﺩ , ﺍﻧﺘﺒﻪ ﺍﻟﻴﻬﺎ ﻗﺎﺋﻼً :
- ﺧﻴﺮ ﻓﻰ ﺣﺎﺟﻪ ؟
- ﻗﺎﻟﺖ ﺑﺘﺮﺩﺩ : ﺑﺼﺮﺍﺣﺔ ﻓﻰ ﻣﻮﺿﻮﻉ ﻛﻨﺖ ﻋﺎﻳﺰﺓ ﺃﻛﻠﻤﻚ ﻓﻴﻪ
- ﺧﻴﺮ ﺇﻥ ﺷﺎﺀ ﺍﻟﻠﻪ
- ﻷ ﺧﻴﺮ .. ﺧﻴﺮ ﺇﻥ ﺷﺎﺀ ﺍﻟﻠﻪ .. ﺃﺻﻞ .. ﻳﻌﻨﻲ .. ﺍﻟﻤﻮﺿﻮﻉ ﺑﺨﺼﻮﺹ " ﻳﺎﺳﻤﻴﻦ "
ﺍﻋﺘﺪﻝ " ﻋﺒﺪ ﺍﻟﺤﻤﻴﺪ " ﻓﻰ ﺟﻠﺴﺘﻪ ﻗﺎﺋﻼً :
- ﺧﻴﺮ ﺣﺼﻞ ﺣﺎﺟﺔ ﺑﻴﻨﻬﺎ ﻭﺑﻴﻦ ﺧﻄﻴﺒﻬﺎ ؟
ﺃﺳﺮﻋﺖ " ﺳﻤﻴﺔ " ﺑﺈﺟﺎﺑﺘﻪ :
- ﻷ .. ﻷ ﻛﻔﻰ ﺍﻟﻠﻪ ﺍﻟﺸﺮ , ﺩﻩ ﺍﻟﺠﺪﻉ ﺑﺼﺮﺍﺣﺔ ﻣﺎ ﻳﺘﻌﻴﺒﺶ
- ﺃﻣﺎﻝ ﻓﻲ ﺍﻳﻪ ﻣﺎ ﺗﻘﻮﻟﻰ ﻭﻗﻌﺘﻰ ﻗﻠﺒﻲ
- ﺃﺻﻞ ﺑﺼﺮﺍﺣﺔ ﻛﺪﺓ " ﻳﺎﺳﻤﻴﻦ " ﻣﻀﺎﻳﻘﺔ ﺍﻥ ﻣﻌﺎﺩ ﺍﻟﻔﺮﺡ ﺍﺗﺤﺪﺩ ﺑﺴﺮﻋﺔ
ﻗﺎﻝ ﻭﻗﺪ ﻇﻬﺮﺕ ﻋﻠﻴﻪ ﻣﻼﻣﺢ ﺍﻟﻐﻀﺐ : ﺑﺴﺮﻋﺔ ﺍﻳﻪ ﻭﺯﻓﺖ ﺍﻳﻪ .. ﻫﻮ ﻟﻌﺐ ﻋﻴﺎﻝ .. ﺍﻟﻤﻌﺎﺩ ﻣﺘﺤﺪﺩ ﻣﻦ ﻳﻮﻡ ﻣﺎ ﺍﻟﺠﺪﻉ ﺟﻪ ﺍﺗﻘﺪﻡ
- ﺁﻩ ﻳﺎ ﺃﺧﻮﻳﺎ ﻣﺎ ﻗﻮﻟﻨﺎﺵ ﺣﺎﺟﺔ .. ﺑﺲ ﻫﻲ ﻳﻌﻨﻲ ﺑﺘﻘﻮﻝ ﺍﻧﻬﺎ ﻟﺴﻪ ﻣﻌﺮﻓﺘﻬﻮﺵ ﻛﻮﻳﺲ ﻭﻋﺎﻳﺰﺓ ﻓﺘﺮﺓ ﺍﻟﺨﻄﻮﺑﺔ ﺗﻄﻮﻝ ﺷﻮﻳﺔ ﻋﺸﺎﻥ ﺗﻔﻬﻢ ﺷﺨﺼﻴﺘﻪ
ﺍﺯﺩﺍﺩﺕ ﺣﺪﺗﻪ ﻗﺎﺋﻼً : ﺑﻼ ﺩﺍﻩ ﺑﻨﺎﺕ ﺑﻼ ﻣﺴﺨﺮﻩ .. ﻗﺎﻝ ﺗﻔﻬﻢ ﺷﺨﺼﻴﺘﻪ ﻗﺎﻝ .. ﻣﺎ ﻛﻠﻨﺎ ﺍﺗﺠﻮﺯﻧﺎ ﻭﺑﻌﺪ ﺍﻟﺠﻮﺍﺯ ﻓﻬﻤﻨﺎ ﻛﻞ ﺣﺎﺟﺔ .. ﺩﻩ ﺃﻧﺎ ﺧﻄﺒﺘﻚ ﻭﺃﻧﺎ ﻣﻌﺮﻓﺶ ﺷﻜﻠﻚ ﻳﺎ ﻭﻟﻴﻪ
ﺣﺎﻭﻟﺖ " ﺳﻤﻴﺔ " ﺍﻣﺘﺼﺎﺹ ﻏﻀﺒﻪ ﻗﺎﺋﻠﻪ : ﺃﻳﻮﺓ ﻣﻌﺎﻙ ﺣﻖ ﻳﺎ ﺃﺧﻮﻳﺎ .. ﻫﻰ ﺑﺲ ﻋﺎﻳﺰﻩ ....
ﻗﺎﻃﻌﻬﺎ ﻓﻰ ﻏﻀﺐ : ﻻ ﻋﺎﻳﺰﻩ ﻭﻻ ﻣﺶ ﻋﺎﻳﺰﻩ .. ﺍﻟﺒﺖ ﺍﻟﻤﺘﺮﺑﻴﻪ ﻛﻮﻳﺲ ﺑﺘﺴﻤﻊ ﻛﻼﻡ ﺃﺑﻮﻫﺎ .. ﺃﻧﺎ ﻣﺶ ﻫﻀﺮﻫﺎ ﺍﻟﺠﺪﻉ ﺩﻩ ﻣﺶ ﻫﺘﻼﻗﻰ ﺯﻳﻪ .. ﻣﺘﺮﺑﻲ ﻭﻣﺘﻌﻠﻢ ﻭﻛﻔﺎﻳﺔ ﺍﻧﻪ ﺷﺎﻳﻞ ﺍﻟﻠﻴﻠﻪ ﻟﻮﺣﺪﻩ ﻭﻣﻄﻠﺒﺶ ﻣﻨﻨﺎ ﺃﻛﺘﺮ ﻣﻦ ﻃﺎﻗﺘﻨﺎ .. ﺃﻣﺎ ﺑﻘﻰ ﺗﺮﻭﺡ ﺑﻴﺘﻪ ﺗﺒﻘﻰ ﺗﻔﻬﻢ ﺷﺨﺼﻴﺘﻪ ﺑﺮﺍﺣﺘﻬﺎ .. ﺩﻟﻊ ﻣﺮﺉ
- ﺧﻼﺹ ﻣﺘﺰﻋﻠﺶ ﻧﻔﺴﻚ ﻳﺎ ﺃﺧﻮﻳﺎ .. ﺍﻧﺖ ﺑﺮﺩﻩ ﺃﺑﻮﻫﺎ ﻭﺃﺩﺭﻯ ﺑﻤﺼﻠﺤﺘﻬﺎ
- ﺍﻃﻔﻰ ﺍﻟﻨﻮﺭ ﺧﻠﻴﻨﺎ ﻧﻨﺎﻡ .. ﻭﻣﺶ ﻋﺎﻳﺰ ﻛﻼﻡ ﻓﻰ ﺍﻟﻤﻮﺿﻮﻉ ﺩﻩ ﺗﺎﻧﻰ
****************************
ﺗﻌﺎﻟﺖ ﺃﺻﻮﺍﺕ ﺍﻟﻤﻮﺳﻴﻘﻲ ﻭﺍﻣﺘﻸ ﺍﻟﺒﺴﺖ ﺑﺮﺟﺎﻝ ﻭﻧﺴﺎﺀ ﻭﻗﺪ ﺃﺧﺬﺗﻬﻢ ﺣﻤﻰ ﺍﻟﺮﻗﺺ ﻭﺍﻟﻤﻴﻞ ﻣﻊ ﻧﻐﻤﺎﺕ ﺗﻠﻚ ﺍﻟﻤﻮﺳﻴﻘﻲ ﺍﻟﺼﺎﺧﺒﺔ
ﻗﺎﻝ " ﻋﻤﺎﺩ " ﻟـ " ﻧﺎﻧﺴﻲ " ﺍﻟﺠﺎﻟﺴﺔ ﺑﺠﻮﺍﺭﻩ :
- ﻳﻼ ﻧﻘﻮﻡ ﻧﺮﻗﺺ
ﻗﺎﻣﺖ ﻣﻦ ﻓﻮﺭﻫﺎ ﻭﻫﻰ ﺗﺒﺘﺴﻢ ﻟﻪ , ﻭﺷﺮﻋﺎ ﺍﻟﻺﺛﻨﺎﻥ ﻓﻰ ﺍﻹﻧﻐﻤﺎﺱ ﻭﺍﻹﻧﺪﻣﺎﺝ ﻓﻰ ﺗﻠﻚ ﺍﻟﺮﻗﺼﺔ ﺍﻟﻤﺤﻤﻮﻣﺔ , ﻗﺎﻝ ﺑﺼﻮﺕ ﻣﺮﺗﻔﻊ ﻟﺘﺴﺘﻄﻴﻊ ﺳﻤﺎﻋﻪ :
- ﻛﻨﺖ ﺧﺎﻳﻒ ﻣﺘﺠﻴﺶ
- ﻟﻴﻪ ﺑﺄﻩ
- ﻳﻌﻨﻲ .. ﻗﻮﻟﺖ ﻫﺘﺨﺎﻓﻰ ﻣﻦ ﺧﻄﻴﺒﻚ
- ﺃﻧﺎ ﻣﺒﺨﻔﺶ ﻣﻦ ﺣﺪ ﺃﻧﺎ ﺃﻋﻤﻞ ﺍﻟﻠﻰ ﺃﻧﺎ ﻋﺎﻳﺰﺍﻩ
- ﻭﺭﺑﻨﺎ ﺍﻧﺖ ﺟﺎﻣﺪ
ﺍﻧﺘﻬﺖ ﺍﻟﺮﻗﺼﺔ ﻓﺈﻗﺘﺮﺏ " ﻋﻤﺎﺩ " ﻣﻨﻬﺎ ﻭﻧﻈﺮ ﺍﻟﻰ ﻋﻴﻨﻴﻬﺎ ﻗﺎﺋﻼً :
- ﻭﺣﺸﺘﻴﻨﻲ ﻋﻠﻰ ﻓﻜﺮﺓ
- ﻗﺎﻟﺖ ﻟﻪ ﻓﻰ ﺩﻻﻝ : ﻭﺍﻧﺖ ﻛﻤﺎﻥ
- ﻣﻴﻦ ﺍﻟﻠﻰ ﻭﺣﺸﻚ .. " ﻋﻤﺎﺩ " ﺻﺤﺒﻚ .. ﻭﻻ " ﻋﻤﺎﺩ " ﺣﺒﻴﺒﻚ ؟
ﺍﺑﺘﺴﻤﺖ ﻭﺃﺧﺬﺕ ﺧﺼﻠﻪ ﻣﻦ ﺷﻌﺮﻫﺎ ﺗﺘﺴﻠﻰ ﺑﻠﻔﻬﺎ ﺣﻮﻝ ﺻﺎﺑﻌﻬﺎ ﻭﻗﺎﻟﺖ :
- ﺍﻻﺗﻨﻴﻦ
- ﻟﻮ ﻛﻨﺖ ﻓﺎﺭﻕ ﻣﻌﺎﻛﻰ ﻣﻜﻨﺘﻴﺶ ﺍﺗﺨﻄﺒﺘﻰ
- ﻗﺎﻝ ﻳﻌﻨﻲ ﻟﻮ ﻣﻜﻨﺘﺶ ﺍﺗﺨﻄﺒﺖ ﻛﻨﺖ ﺍﻧﺖ ﻫﺘﺨﻄﺒﻨﻰ , ﺃﻧﺎ ﻭﺍﻧﺖ ﻋﺎﺭﻓﻴﻦ ﻛﻮﻳﺲ ﺍﻧﻚ ﻣﺶ ﺑﺘﺎﻉ ﺣﻮﺍﺯ
- ﺑﺲ ﺩﻩ ﻣﻴﻤﻨﻌﺶ ﺍﻧﻚ ﺗﻬﻤﻴﻨﻲ ﺃﻭﻯ , ﻭﻣﺶ ﻗﺎﺩﺭ ﺃﻋﻴﺶ ﻣﻦ ﻏﻴﺮﻙ
- ﻻ ﺍﻧﺖ ﻋﺎﻳﺶ ﻭﻋﺎﻳﺶ ﺃﻭﻯ ﻛﻤﺎﻥ
- ﺩﻯ ﺣﻼﻭﺓ ﺭﻭﺡ , ﺃﻧﺎ ﺑﻤﻮﺕ ﻣﻦ ﻏﻴﺮﻙ
" - ﻋﻤﺎﺩ " ﺃﻧﺎ ﺩﻟﻮﻗﺘﻰ ﻣﺨﻄﻮﺑﺔ ﻭﻫﺘﺠﻮﺯ " ﻗﺮﻳﺐ "
- ﺑﺎﻟﺴﺮﻋﺔ ﺩﻯ ؟ !
- ﺃﻫﺎﺍ
- ﺍﻧﺘﻰ ﺣﻜﺎﻳﺘﻚ ﺍﻳﻪ ﺑﺎﻟﻈﺒﻂ .. ﺧﻄﻮﺑﺔ ﻭﺑﺤﺎﻭﻝ ﺃﺑﻠﻌﻬﺎ .. ﻟﻜﻦ ﺟﻮﺍﺯ ﻭﻣﻦ ﻭﺍﺣﺪ ﻣﻌﻘﺪ ﺯﻯ ﺩﻩ .. ﺃﻛﻴﺪ ﻓﻰ ﺍﻥ ﻓﻰ ﺍﻟﻤﻮﺿﻮﻉ
ﺗﻨﻬﺪﺕ " ﻧﺎﻧﺴﻲ " ﺑﺤﺴﺮﻩ ﻓﺠﺬﺑﻬﺎ ﻣﻦ ﺫﺭﺍﻋﻬﺎ ﻭﺳﺎﺭ ﺑﻬﺎ ﻧﺤﻮ ﻃﺎﻭﻟﺘﻬﻢ ﻗﺎﺋﻼً :
- ﺃﻧﺎ ﺑﺮﺩﻩ ﻗﻮﻟﺖ ﻛﺪﻩ .. ﺗﻌﺎﻟﻰ ﻗﻮﻟﻴﻠﻰ ﺑﺄﻩ ﺣﻜﺎﻳﺘﻚ ﺍﻳﻪ ﺑﺎﻟﻈﺒﻂ
***************************
ﻛﺎﻧﺖ " ﺭﻳﻬﺎﻡ " ﺗﻘﻒ ﻣﻊ ﺯﻣﻴﻼﺗﻬﺎ ﺧﺎﺭﺝ ﺍﻟﻤﺪﺭﺝ , ﻛﺎﻧﺖ ﺍﻟﻜﻠﻴﺔ ﻣﺰﺩﺧﻤﺔ ﻓﻰ ﺫﻟﻚ ﺍﻟﻴﻮﻡ ﻟﻮﺟﻮﺩ ﺍﻣﺘﺤﺎﻥ ﻟﻄﻼﺏ ﺍﻟﻔﺮﻗﺔ ﺍﻟﺮﺍﺑﻌﺔ , ﻛﺎﻧﺖ ﺗﺘﺤﺪﺙ ﻣﻊ ﺻﺪﻳﻘﺘﻴﻬﺎ ﻭﺗﺮﺍﺟﻊ ﺍﺟﺎﺑﺎﺕ ﻣﺎ ﺟﺎﺀ ﻓﻰ ﺍﻹﻣﺘﺤﺎﻥ ﻣﻦ ﺃﺳﺌﻠﺔ ﺣﻴﻨﻤﺎ ﺍﻗﺘﺮﺏ ﻣﻨﻬﺎ " ﻣﻌﺘﺰ " ﻓﺠﺄﺓ ﻭﻭﻗﻒ ﺃﻣﺎﻣﻬﺎ , ﻧﻈﺮﺕ ﺍﻟﻴﻪ ﻭﻗﻠﺒﻬﺎ ﻳﺪﻕ ﺑﺸﺪﺓ ﻭﻗﺎﻝ ﻓﻰ ﻧﻔﺴﻬﺎ ( ﺍﺗﺠﻨﻦ ﺩﻩ ﻭﻻ ﺍﻳﻪ ) , ﺭﻣﻘﺘﻪ ﺑﻨﻈﺮﺍﺕ ﺩﻫﺸﺔ ﻣﻤﺰﻭﺟﺔ ﺑﺎﻟﺘﻮﺗﺮ .. ﺍﻧﺘﻈﺮﺕ ﺃﻥ ﻳﺘﺤﺪﺙ .. ﻟﻜﻨﻬﺎ ﻓﻮﺟﺌﺖ ﺑﻪ ﻭﻗﺪ ﺃﺧﺮﺝ ﺳﻠﺴﻠﺔ ﺻﻐﻴﺮﺓ ﺫﻫﺒﻴﺔ ﻣﻦ ﺟﻴﺒﻪ ﻭﺣﺮﻛﻬﺎ ﺃﻣﺎﻡ ﻭﺟﻬﻬﺎ ﺣﻴﺚ ﻛﺎﻧﺖ ﺗﺤﻤﻞ ﺍﻟﺴﻠﺴﻠﺔ ﻓﻰ ﻧﻬﺎﻳﺘﻬﺎ ﺣﺮﻑ
R
ﻧﻘﻠﺖ ﻧﻈﺮﺗﻬﺎ ﻣﻦ ﺍﻟﺴﻠﺴﻠﺔ ﺍﻟﻰ " ﻣﻌﺘﺰ " ﻭﻫﻰ ﻣﻨﺪﻫﺸﺔ ﻭﻻ ﺗﻔﻬﻢ ﻣﺎ ﻳﺮﻣﻰ ﺍﻟﻴﻪ , ﻗﺎﻝ ﺑﺼﻮﺕ ﻣﺮﺗﻔﻊ ﻭﻗﺪ ﺍﺭﺗﺴﻤﺖ ﻋﻠﻰ ﻭﺟﻬﻪ ﺍﺑﺘﺴﺎﻣﺔ ﺳﺎﺧﺮﺓ :
" - ﺭﻳﻬﺎﻡ " ﻧﺴﻴﺘﻲ ﺩﻯ ﻣﻌﺎﻳﺎ ﺍﻣﺒﺎﺭﺡ
ﺧﻔﻖ ﻗﻠﺒﻬﺎ ﺑﺸﺪﺓ ﻭﻗﺎﻟﺖ ﺑﺈﻧﺪﻫﺎﺵ
- ﻣﺶ ﻓﺎﻫﻤﺔ
- ﻗﺎﻝ ﻟﻬﺎ ﻭﻫﻮ ﻳﺮﻣﻘﻬﺎ ﺑﻨﻈﺮﺍﺕ ﺍﻟﺘﺸﻔﻰ : ﻭﻗﻌﺖ ﻣﻨﻚ ﻟﻤﺎ ﻛﻨﺘﻰ ﻣﻌﺎﻳﺎ ﻳﺎ ﺣﺒﻴﺒﺘﻰ .. ﻓﺠﻴﺖ ﺃﺭﺟﻌﻬﺎﻟﻚ
- ﻗﺎﻟﺖ ﺑﺼﻮﺕ ﺧﺎﻓﺖ ﻣﺒﺤﻮﺡ : ﺩﻯ ﻣﺶ ﺑﺘﺎﻋﺘﻰ
ﺷﻌﺮﺕ ﺑﺄﻥ ﺍﻷﺭﺽ ﺗﻨﻬﺎﺭ ﺗﺤﺖ ﺃﻗﺪﺍﻣﻬﺎ , ﻭﻧﻈﺮﺕ ﺣﻮﻟﻬﺎ ﻟﺘﺠﺪ ﺑﻌﺾ ﺯﻣﻼﺋﻬﺎ ﻭﺯﻣﻴﻼﺗﻬﺎ ﻳﺘﺎﺑﻌﻮﻥ ﻣﺎ ﻳﺤﺪﺙ ﻭﻳﺘﻬﺎﻣﺴﻮﻥ , ﻭﻓﺠﺄﺓ ﺃﻇﻠﻤﺖ ﺍﻟﺪﻧﻴﺎ ﺃﻣﺎﻡ ﻋﻴﻨﻴﻬﺎ .
*********************************
ﺩﺧﻞ " ﻋﻤﺮ " ﺍﻟﻰ ﻏﺮﻓﺔ ﺍﻟﻄﻌﺎﻡ ﻭﻗﺪ ﺍﺭﺗﺪﻯ ﺣﻠﺔ ﺃﻧﻴﻘﺔ ﺩﺍﻛﻨﺔ ﺍﻟﻠﻮﻥ , ﺳﺎﺭ ﻋﺒﺮ ﺍﻟﻐﺮﻓﺔ ﻭﺗﻮﺟﻪ ﺍﻟﻰ ﻭﺍﻟﺪﻩ ﺍﻟﺬﻯ ﻳﺠﻠﺲ ﻋﻠﻰ ﺭﺃﻯ ﺍﻟﻄﺎﻭﻟﺔ ﻭﻣﻨﺪﻣﺠﺎً ﻓﻰ ﻗﺮﺀﺓ ﺟﺮﻳﺪﺗﻪ ﻗﺎﺋﻼً :
- ﺻﺒﺎﺡ ﺍﻟﺨﻴﺮ ﻳﺎ ﺑﺎﺑﺎ
ﺭﻓﻊ ﻭﺍﻟﺪﻩ ﺭﺃﺳﻪ ﻭﻧﻈﺮ ﺍﻟﻴﻪ ﻗﺎﺋﻼً :
- ﺻﺒﺎﺡ ﺍﻟﺨﻴﺮ ﻳﺎ " ﻋﻤﺮ "
ﺍﻟﺘﻔﺖ ﺍﻟﻰ ﺃﻣﻪ ﺍﻟﺘﻰ ﺗﺠﻠﺲ ﻋﻠﻰ ﻳﺴﺎﺭ ﺍﻷﺏ ﻭﺃﻣﺴﻚ ﻳﺪﻫﺎ ﻭﻃﺒﻌﺎ ﻋﻠﻴﻬﺎ ﻗﺒﻠﺔ ﺻﻐﻴﺮﻩ ﻭﻗﺎﻝ :
- ﺻﺒﺎﺡ ﺍﻟﺨﻴﺮ ﻳﺎ ﺃﻣﻰ
- ﺻﺒﺎﺡ ﺍﻟﺨﻴﺮ ﻳﺎ ﺣﺒﻴﺒﻰ .. ﻳﻼ ﻋﺸﺎﻥ ﻧﻔﻄﺮ ﺳﻮﺍ
ﺟﻠﺲ " ﻋﻤﺮ " ﻓﻰ ﻣﻜﺎﻧﻪ ﻋﻠﻰ ﻳﻤﻴﻦ ﺍﻷﺏ ﺍﻟﺬﻯ ﺗﺮﻙ ﺍﻟﺠﺮﻳﺪﻩ ﻣﻦ ﻳﺪﻩ ﻭﺷﺮﻉ ﺛﻼﺛﺘﻬﻢ ﻓﻰ ﺗﻨﺎﻭﻝ ﻃﻌﺎﻡ ﺍﻟﻔﻄﻮﺭ , ﻗﺎﻟﺖ " ﻛﺮﻳﻤﺔ " ﻣﻮﺟﻬﻪ ﺣﺪﻳﻘﻬﺎ ﺍﻟﻰ " ﻋﻤﺮ " :
- ﺍﺯﻯ ﺧﻄﻴﺒﺘﻚ ؟
- ﺍﻟﺤﻤﺪ ﻟﻠﻪ ﻳﺎ ﺃﻣﻰ ﺑﺘﺴﻠﻢ ﻋﻠﻴﻜﻲ ﻛﺘﻴﺮ
- ﻣﺶ ﺍﻟﻤﻔﺮﻭﺽ ﻳﺎ " ﻋﻤﺮ " ﻧﻌﺰﻣﻬﺎ ﻋﻨﺪﻧﺎ ﻫﻰ ﻭﺃﻫﻠﻬﺎ ؟
ﻧﻘﻞ ﻧﻈﺮﺓ ﺑﻴﻦ ﺃﻣﻪ ﻭﺃﺑﻴﻪ ﻭﻗﺎﻝ :
- ﺍﻟﻠﻰ ﺗﺸﻮﻓﻮﻩ .. ﺃﺳﺎﺳﺎً ﻛﺎﻧﺖ ﻣﺪﺍﻡ " ﻧﺎﺩﻳﻦ " ﻗﺎﻟﺘﻠﻰ ﺍﻧﻬﺎ ﻫﺘﻌﺰﻣﻨﺎ ﻣﻠﻨﺎ ﻋﻠﻰ ﺍﻟﻐﺪﺍ ﻋﻨﺪﻫﻢ ﻓﻰ ﺍﻟﻔﻴﻼ ﺑﺲ ﻣﺤﺪﺩﺗﺶ ﻣﻌﺎﺩ
- ﻣﻔﻴﺶ ﻣﺸﻜﻠﺔ ﺍﺣﻨﺎ ﺃﻭ ﻫﻤﺎ ﻭﺍﺣﺪ ﻣﺶ ﻫﺘﻔﺮﻕ .. ﺑﺲ ﺍﺣﻨﺎ ﺧﻼﺹ ﻫﻨﻜﻮﻥ ﻋﻴﻠﺔ ﻭﺍﺣﺪﺓ ﻓﻼﺯﻡ ﻳﻜﻮﻥ ﺑﻴﻨﺎ ﺯﻳﺎﺭﺍﺕ ﻭﻭﺩ ﻋﺸﺎﻥ ﻧﻘﺮﺏ ﻣﻦ ﺑﻌﺾ ﺃﻛﺘﺮ
- ﻣﻌﺎﻛﻰ ﺣﻖ ﻳﺎ ﺃﻣﻰ .. ﺑﺎﺑﺎ ﺍﻳﻪ ﺭﺃﻳﻚ ؟
- ﻃﺒﻌﺎً ﻳﺎ ﺍﺑﻨﻰ ﻭﺃﻧﺎ ﺑﻨﻔﺴﻲ ﻫﻜﻠﻢ ﻭﺍﻟﺪﻫﺎ ﺍﻟﻨﻬﺎﺭﺩﺓ ﻭﺃﻋﺰﻣﻬﻢ
" - ﻛﺮﻳﻤﺔ : " ﻭﺃﻧﺎ ﻫﻜﻠﻢ ﻣﺪﺍﻡ " ﻧﺎﺩﻳﻦ "
- ﺍﺑﺘﺴﻢ " ﻋﻤﺮ " ﻗﺎﺋﻼً : ﻳﺎ ﺳﻼﻡ ﻫﻰ ﺟﺖ ﻋﻠﻴﺎ .. ﺃﻧﺎ ﻛﻤﺎﻥ ﻫﻜﻠﻢ " ﻧﺎﻧﺴﻲ " ﺃﻋﺰﻣﻬﺎ
ﺿﺤﻚ ﺛﻼﺛﺘﻬﻢ ﻓﻰ ﻣﺮﺡ .. ﻭﺑﺪﺃﺕ ﺳﻤﻴﺔ ﻓﻰ ﺍﻻﺗﻔﺎﻕ ﻣﻊ ﺍﻟﺨﺪﻡ ﻭﺍﻷﻋﺪﺍﺩ ﻟﺘﺮﺗﻴﺒﺎﺕ ﺗﻠﻚ ﺍﻟﺰﻳﺎﺭﺓ .
************************************
ﻛﺎﻧﺖ " ﻳﺎﺳﻤﻴﻦ " ﺗﻘﻒ ﺳﺎﻫﻤﺔ ﻋﻠﻰ ﺷﺮﻓﺔ ﺣﺠﺮﺗﻬﺎ ﺗﺘﺴﻠﻰ ﺑﺎﻟﻨﻈﺮ ﺍﻟﻰ ﺍﻟﻨﺎﺱ ﻓﻰ ﺍﻟﺸﺎﺭﻉ .. ﻛﺎﻥ ﻋﻘﻠﻬﺎ ﻳﻌﻤﻞ ﺑﺪﻭﻥ ﺗﻮﻗﻒ .. ﻟﺪﻳﻬﺎ ﻋﺸﺮﺍﺕ ﺍﻷﺳﺌﻠﺔ ﻓﻰ ﺭﺃﺳﻬﺎ ﻻ ﺗﺠﺪ ﻟﻬﺎ ﺍﺟﺎﺑﻪ .. ﻭﻟﺪﻳﻬﺎ ﺍﻟﻜﺜﻴﺮ ﻣﻦ ﺍﻟﻤﺨﺎﻭﻑ .. ﻛﺎﻧﺖ ﺗﻔﻜﺮ ﻓﻰ ﺷﻜﻞ ﺣﻴﺎﺗﻬﺎ ﺍﻟﺠﺪﻳﺪﺓ ﻭﻣﺴﺘﻘﺒﻠﻬﺎ ﻣﻊ " ﻣﺼﻄﻔﻰ .. " ﻧــُﺮﻯ ﻣﺎﺫﺍ ﺗُﺨﺒﺊ ﻟﻬﺎ ﺍﻷﻳﺎﻡ ؟ ...
ﺃﻓﺎﻗﺖ ﻣﻦ ﺷﺮﻭﺩﻫﺎ ﻋﻠﻰ ﺟﺮﺱ ﻫﺎﺗﻔﻬﺎ .. ﺍﺑﺘﺴﻤﺖ ﻭﻫﻰ ﺗﺮﺩ :
- ﺍﻟﺴﻼﻡ ﻋﻠﻴﻜﻢ " .. ﺳﻤﺎﺡ " ﺍﺯﻳﻚ
ﺃﺗﺎﻫﺎ ﺻﻮﺕ " ﺳﻤﺎﺡ " ﻋﺒﺮ ﺍﻟﻬﺎﺗﻒ ﻭﻋﻼﻣﺎﺕ ﺍﻟﺤﺰﻥ ﺑﺎﺩﻳﻪ ﻋﻠﻴﻪ :
- ﻭﻋﻠﻴﻜﻢ ﺍﻟﺴﻼﻡ .. ﺍﺯﻳﻚ ﺍﻧﺘﻰ ﻳﺎ " ﻳﺎﺳﻤﻴﻦ "
- ﺍﻳﻪ ﻳﺎ ﺑﻨﺘﻰ ﻣﺎﻝ ﺻﻮﺗﻚ ﻓﻰ ﺣﺎﺟﺔ ﺣﺼﻠﺖ ؟
- ﻋﺎﻳﺰﺓ ﺃﺗﻜﻠﻢ ﻣﻌﺎﻛﻰ
- ﺧﻴﺮ ﻗﻠﻘﺘﻴﻨﻲ .. ﺍﻧﺘﻰ ﻛﻮﻳﺴﺔ .. ﻭ ﻃﻨﻂ ﻭﻋﻤﻮ ﻛﻮﻳﺴﻴﻦ
- ﺁﻩ ﻳﺎ ﺑﻨﺘﻰ ﻣﺎﺗﻘﻠﻘﻴﺶ ﺑﺲ ﻓﻰ ﻣﻮﺿﻮﻉ ﻳﺨﺼﻨﻰ ﻋﺎﻳﺰﺓ ﺃﺗﻜﻠﻢ ﻣﻌﺎﻛﻰ ﻓﻴﻪ
- ﻃﻴﺐ ﺍﺗﻜﻠﻤﻰ ﺳﻤﻌﺎﻛﻰ
- ﻻ ﻣﺶ ﻫﻴﻨﻔﻊ ﻓﻰ ﺍﻟﺘﻠﻴﻔﻮﻥ .. ﻳﺎ ﺗﺠﻴﻠﻴﻰ ﻳﺎ ﺃﺟﻴﻠﻚ .. ﺑﺼﺮﺍﺣﺔ ﺃﻓﻀﻞ ﺍﻧﻰ ﺃﺟﻴﻠﻚ ﻋﺸﺎﻥ ﺃﻋﺮﻑ ﺃﺗﻜﻠﻢ ﻣﻌﺎﻛﻰ ﺑﺮﺍﺣﺘﻰ
- ﺍﻧﺘﻰ ﺑﺘﺴﺘﺄﺫﻧﻰ ﻳﺎ " ﺳﻤﺎﺡ .. " ﻃﺒﻌﺎ ﺗﻌﺎﻟﻰ ﻳﺎ ﺑﻨﺘﻰ ﺩﻩ ﺑﻴﺘﻚ
- ﺗﺴﻠﻤﻰ ﻳﺎ ﺣﺒﻴﺒﺘﻰ .. ﻃﻴﺐ ﻳﻨﺎﺳﺒﻚ ﺑﻜﺮﺓ ﺍﻟﺴﺎﻋﺔ 5 ﻛﺪﻩ ؟
- ﻻ ﺧﻠﻴﻬﺎ ﺍﻟﻀﻬﺮ ﻋﺸﺎﻥ ﻧﺘﻐﺪﺍ ﺳﻮﺍ
- ﻏﺪﺍ ﺍﻳﻪ ﺑﺲ ﻣﺶ ﻭﻗﺖ ﻛﺪﺓ ﺧﺎﻟﺺ
- ﻗﺎﻟﺖ " ﻳﺎﺳﻤﻴﻦ " ﺑﺈﺻﺮﺍﺭ : ﻫﺴﺘﻨﺎﻛﻰ ﺍﻟﻀﻬﺮ .. ﻣﺎ ﺗﺄﻭﺣﻴﺶ
- ﻗﺎﻟﺖ " ﺳﻤﺎﺡ " ﻓﻰ ﺍﺳﺘﺴﻼﻡ : ﺣﺎﺿﺮ .. ﺃﺷﻮﻓﻚ ﺑﻜﺮﺓ ﺍﻥ ﺷﺎﺀ ﺍﻟﻠﻪ
- ﺍﻥ ﺷﺎﺀ ﺍﻟﻠﻪ ﻳﺎ ﺣﺒﻴﺒﺘﻰ .. ﻣﻨﺘﻈﺮﺍﻛﻰ
- ﺳﻼﻡ
- ﺳﻼﻡ
ﺃﻏﻠﻘﺖ " ﺑﺎﺳﻤﻴﻦ " ﻭﻫﻰ ﺗﺤﺎﻭﻝ ﺃﻥ ﺗﺨﻤﻦ ﻣﺎ ﻫﻮ ﻫﺬﺍ ﺍﻟﻤﻮﺿﻮﻉ ﺍﻟﺬﻯ ﻳﺨﺺ " ﺳﻤﺎﺡ " ﻭﺗﺮﻳﺪ ﺃﻥ ﺗﺤﺪﺛﻬﺎ ﻓﻴﻪ ؟ !
*****************************
ﻧﺎﺩﺕ " ﻧﺎﺩﻳﻦ " ﺧﺎﺩﻣﺘﻬﺎ ﻭﺳﺄﻟﺘﻬﺎ ﻗﺎﺋﻠﺔ :
- ﻓﻴﻦ " ﻧﺎﻧﺴﻲ " ؟
- ﻗﺎﻟﺖ ﺍﻟﺨﺎﺩﻣﺔ : ﻓﻮﻕ ﺣﻀﺮﺗﻚ ﻟﺴﻪ ﻣﺼﺤﺘﺶ
- ﺍﻳﻪ ﺩﻩ ﻟﺴﻪ ﻧﺎﻳﻤﺔ .. ﻃﻴﺐ ﺭﻭﺣﻰ ﺍﻧﺘﻰ
ﺻﻌﺪﺕ " ﻧﺎﺩﻳﻦ " ﻟﺤﺠﺮﺓ " ﻧﺎﻧﺴﻲ " ﻭﻧﺎﺩﺗﻬﺎ ﻗﺎﺋﻠﺔ :
" - ﻧﺎﻧﺴﻲ " .. " ﻧﺎﻧﺴﻲ " .. ﻗﻮﻣﻰ ﻋﺎﻳﺰﺍﻛﻰ ﺑﺴﺮﻋﺔ
ﻟﻢ ﺗﺠﺪ ﺍﺳﺘﺠﺎﺑﺔ ﻣﻨﻬﺎ .. ﻓﺎﻗﺘﺮﺑﺖ ﻣﻦ ﻓﺮﺍﺷﻬﺎ ﻭﻫﺰﺗﻬﺎ ﺑﻴﺪﻫﺎ :
" - ﻧﺎﻧﺴﻲ " ﻗﻮﻣﻰ " .. ﻧﺎﻧﺴﻲ "
ﺗﻤﻠﻤﻠﺖ " ﻧﺎﻧﺴﻲ " ﻓﻰ ﻓﺮﺍﺷﻬﺎ ﻭﻫﻰ ﻻ ﺗﺴﺘﻄﻴﻊ ﻓﺘﺤﻌﻴﻨﻴﻬﺎ ﻭﺍﻧﺰﺍﺡ ﺍﻟﻐﻄﺎﺀ ﻋﻨﻬﺎ ﻗﻠﻴﻼً ﻓﺮﺃﺕ " ﻧﺎﺩﻳﻦ " ﻓﺴﺘﺎﻥ ﺍﻟﺴﻬﺮﺓ ﺍﻟﺬﻯ ﻣﺎﺯﺍﻟﺖ ﺗﺮﺗﺪﻳﻪ
- ﺍﻳﻪ ﺩﻩ ﺍﻳﻪ ﺍﻟﻠﻲ ﺍﻧﺘﻰ ﻻﺑﺴﺎﻩ ﻭﺍﻧﺘﻰ ﻧﺎﻳﻤﻪ ﺩﻩ .. ﺍﻧﺘﻰ ﺧﺮﺟﺘﻰ ﺍﻣﺒﺎﺭﺡ ؟
ﻗﺎﻟﺖ ﻭﻫﻰ ﺗﺠﺪ ﺻﻌﻮﺑﺔ ﻓﻰ ﺍﺑﻘﺎﺀ ﻋﻴﻨﻴﻬﺎ ﻣﻔﺘﻮﺣﺘﻴﻦ :
- ﺁﻩ ﺧﺮﺟﺖ
- ﺧﺮﺟﺘﻰ ﺭﻭﺣﺘﻰ ﻓﻴﻦ .. ﺧﺮﺟﺘﻰ ﻣﻊ " ﻋﻤﺮ " ؟
ﺿﺤﻜﺖ " ﻧﺎﻧﺴﻲ " ﺑﺸﺪﺓ ﻗﺎﺋﻠﺔ :
- ﻭﺍﻧﺘﻰ ﻣﺘﺼﻮﺭﻩ ﺍﻥ " ﻋﻤﺮ " ﻣﻤﻜﻦ ﻳﺴﺒﻨﻰ ﺃﺧﺮﺝ ﺑﺎﻟﻔﺴﺘﺎﻥ ﺩﻩ .. ﺍﻧﺘﻰ ﻣﺶ ﻋﺎﺭﻓﻪ ﺧﻄﻴﺐ ﺑﻨﺘﻚ ﻭﻻ ﺍﻳﻪ
- ﺃﻣﺎﻝ ﺧﺮﺟﺘﻰ ﻓﻴﻦ
ﻗﺎﻟﺖ ﻭﻫﻰ ﺗﺠﻠﺲ ﺑﺼﻌﻮﺑﺔ ﻋﻠﻰ ﺍﻟﺴﺮﻳﺮ :
- ﺧﺮﺟﺖ ﺭﻭﺣﺖ ﺍﻟﺪﻳﺴﻜﻮ .. ﻗﺎﺑﻠﺖ " ﻋﻤﺎﺩ " ﻭﺑﺎﻗﻰ ﺍﻟﺸﻠﺔ ﻫﻨﺎﻙ
ﺷﻌﺮﺕ " ﻧﺎﺩﻳﻦ " ﺑﺎﻟﻐﻀﺐ ﺻﺮﺧﺖ ﻓﻰ ﻭﺟﻬﻬﺎ ﻗﺎﺋﻠﻪ :
- ﺩﻳﺴﻜﻮ ؟ .. ﺩﻳﺴﻜﻮ ﻳﺎ " ﻧﺎﻧﺴﻲ " .. ﺍﻓﺮﺿﻰ " ﻋﻤﺮ " ﺷﺎﻓﻚ .. ﺍﻓﺮﺿﻰ ﺣﺪ ﺷﺎﻓﻚ ﻭﻗﺎﻟﻪ .. ﺍﻧﺘﻰ ﻣﺶ ﻋﺎﺭﻓﻪ ﺍﻧﻪ ﻣﻨﻌﻚ ﺗﻤﺎﻣﺎً ﺍﻧﻚ ﺗﺮﻭﺣﻰ ﺍﻟﻤﻜﺎﻥ ﺩﻩ
ﺃﺯﺍﺣﺖ " ﻧﺎﻧﺴﻲ " ﺍﻟﻐﻄﺎﺀ ﻋﻨﻬﺎ ﻭﻫﺒﺖ ﻭﺍﻗﻔﺔ :
- ﺃﻭﻑ ﺃﻭﻑ .. ﻛﻞ ﺷﻮﻳﺔ " ﻋﻤﺮ " ﻗﺎﻝ " .. ﻋﻤﺮ " ﻋﺎﺩ .. ﺃﻧﺎ ﺍﺗﺨﻨﻘﺖ ﺃﻧﺎ ﻣﺶ ﻣﺘﻌﻮﺩﺓ ﻋﻠﻰ ﻛﺪﺓ .. ﻣﺘﻌﻮﺩﺓ ﺃﻋﻤﻞ ﺍﻟﻠﻰ ﺃﻧﺎ ﻋﺎﻳﺰﺍﻩ ﻭﻓﻰ ﺍﻟﻮﻗﺖ ﺍﻟﻠﻰ ﺃﻧﺎ ﻋﺎﻳﺰﺍﻩ
- ﺍﻧﺘﻰ ﻫﺘﻔﻀﻠﻰ ﻣﺪﻟﻌﺔ ﻟﺤﺪ ﺍﻣﺘﻰ .. ﻟﺤﺪ ﻣﺎ ﻧﻀﻴﻊ ﻛﻠﻨﺎ .. ﺃﻧﺎ ﻣﻜﻨﺘﺶ ﻋﺎﻳﺰﺓ ﺃﻗﻮﻟﻚ ﻋﺸﺎﻥ ﻣﺎ ﺃﺃﺛﺮﺵ ﻋﻠﻰ ﻧﻔﺴﻴﺘﻚ ﺑﺲ ﻃﺎﻟﻤﺎ ﺍﻧﺘﻰ ﻣﺎ ﻋﻨﺪﻛﻴﺶ ﺍﺣﺴﺎﺱ ﻛﺪﺓ ﻫﻘﻮﻟﻚ .. ﺍﻟﺒﻨﻚ ﺣﺠﺰ ﻋﻠﻰ ﻛﻞ ﺣﺎﺟﺔ ﺑﻨﻤﻠﻜﻬﺎ .. ﻣﺎﻓﻀﻠﺶ ﻏﻴﺮ ﺍﻟﻔﻴﻼ ﺩﻯ ﻭﻋﺮﺑﻴﺔ ﺃﺑﻮﻛﻰ ﻭﻋﺮﺑﻴﺘﻲ ﻭﻋﺮﺑﻴﺘﻚ ﻭﺍﻟﻠﻰ ﻗﺮﻳﺐ ﺃﻭﻯ ﻫﻴﻀﻴﻌﻮﺍ ﻫﻤﺎ ﻛﻤﺎﻥ
ﺍﻣﺘﻘﻊ ﻭﺟﻪ " ﻧﺎﻧﺴﻲ " ﺑﺸﺪﺓ .. ﻛﺎﻧﺖ ﺗﻌﻠﻢ ﺍﻟﻈﺮﻭﻑ ﺍﻟﺘﻰ ﻳﻤﺮﻭﻥ ﺑﻬﺎ ﻟﻜﻨﻬﺎ ﻟﻢ ﺗﺘﻮﻗﻊ ﺃﻥ ﺗﺘﺪﻫﻮﺭ ﺃﻣﻮﺭﻫﻢ ﺍﻟﻰ ﻫﺬﻩ ﺍﻟﺪﺭﺟﺔ ﻭﺑﻬﺬﻩ ﺍﻟﺴﺮﻋﺔ , ﻇﻠﺖ ﻭﺍﺟﻤﺔ ﻻ ﺗﻨﻄﻖ ﺑﺸﺊ .. ﺍﻗﺘﺮﺑﺖ ﻣﻨﻬﺎ " ﻧﺎﺩﻳﻦ " ﻗﺎﺋﻠﻪ :
- ﻓﻬﻤﺘﻰ ﺑﺄﻩ ﺍﻥ ﺍﻟﻤﻮﺿﻮﻉ ﺟﺪ ﻣﺶ ﻫﺰﺍﺭ .. ﻭﺇﻥ " ﻋﻤﺮ " ﻫﻮ ﺁﺧﺮ ﺃﻣﻞ ﻟﻴﻨﺎ ﻭﺍﻥ ﺍﻟﻮﺿﻊ ﻣﺶ ﻣﺘﺤﻤﻞ ﺃﺑﺪﺍً ﺍﺳﺘﻬﺘﺎﺭﻙ ﻭﺩﻟﻌﻚ ﺩﻩ .. ﺃﻧﺎ ﻛﻨﺖ ﺟﺎﻳﻪ ﺃﺻﺤﻴﻜﻲ ﻋﺸﺎﻥ ﺃﻗﻮﻟﻚ ﺍﻥ ﺣﻤﺎﺗﻚ ﺍﻟﻤﺴﺘﻘﺒﻠﻴﻪ ﻛﻠﻤﺘﻨﻰ ﻭﻋﺰﻣﺘﻨﺎ ﻛﻠﻨﺎ ﺑﻌﺪ ﺑﻜﺮﺓ ﻭﻫﻴﻜﻮﻥ ﻣﻮﺟﻮﺩ ﻋﻤﺔ " ﻋﻤﺮ " ﻭﻭﻻﺩﻫﺎ ﻛﻤﺎﻥ .. ﻣﺶ ﻋﺎﻳﺰﺓ ﻏﻠﻄﺔ ﻳﺎ " ﻧﺎﻧﺴﻲ " ﺧﻠﻰ ﺍﻟﻤﻮﺿﻮﻉ ﻳﺘﻢ ﻋﻠﻰ ﺧﻴﺮ .. ﺍﻧﺘﻰ ﺳﺎﻣﻌﻪ
ﻗﺎﻟﺖ ﺫﻟﻚ ﻭﺗﺮﻛﺘﻬﺎ ﻭﺧﺮﺟﺖ ...
******************************
ﺃﺛﻨﺎﺀ ﺍﻧﻬﻤﺎﻙ " ﻳﺎﺳﻤﻴﻦ " ﻓﻰ ﻣﺴﺎﻋﺪﺓ ﻭﺍﻟﺪﺗﻬﺎ ﻓﻰ ﺗﺤﻀﻴﺮ ﻃﻌﺎﻡ ﺍﻟﻐﺬﺍﺀ ﺳﻤﻌﺖ ﺑﺎﺏ ﺍﻟﺸﻘﺔ ﻳُﻔﺘﺢ ﺛﻢ ﻳُﻐﻠﻖ .. ﺍﻟﺘﻔﺘﺖ ﻟﻮﺍﻟﺪﺗﻬﺎ ﻗﺎﺋﻠﻪ :
- ﺩﻯ ﺃﻛﻴﺪ " ﺭﻳﻬﺎﻡ " .. ﺑﺎﺑﺎ ﻟﺴﻪ ﻧﺎﺯﻝ ﻣﻦ ﺷﻮﻳﺔ
ﻧﺎﺩﺗﻬﺎ ﻗﺎﺋﻠﺔ :
" - ﺭﻳﻬﺎﻡ ".. " ﺭﻳﻬﺎﻡ "
ﺳﻤﻌﺖ ﺑﺎﺏ ﺣﺠﺮﺗﻤﺎ ﻳُﻐﻠﻖ ﺑﻘﻮﺓ .. ﻓﻘﺎﻟﺖ ﻟﻨﻔﺴﻪ ( ﻣﺎﻟﻬﺎ ﺩﻯ )
ﺗﺮﻛﺖ ﻣﺎ ﺑﻴﺪﻫﺎ ﻭﺫﻫﺒﺖ ﻟﺘﺮﻯ ﺃﺧﺘﻬﺎ .. ﺻﺪﻣﺖ " ﻳﺎﺳﻤﻴﻦ " ﻋﻨﺪﻣﺎ ﻓﺘﺤﺖ ﺑﺎﺏ ﺍﻟﻐﺮﻓﺔ ﻭﻭﺟﺪﺕ " ﺭﻳﻬﺎﻡ " ﻣﻨﻬﺎﺭﺓ ﻣﻦ ﺍﻟﺒﻜﺎﺀ .. ﺃﻏﻠﻘﺖ ﺍﻟﺒﺎﺏ ﺑﺸﺮﻋﺔ ﻭﺗﻮﺟﻬﺖ ﺍﻟﻴﻬﺎ ﻗﺎﺋﻠﻪ ﺑﻠﻮﻋﻪ :
" - ﺭﻳﻬﺎﻡ " ﻣﺎﻟﻚ ﻓﻰ ﺍﻳﻪ .. ﺍﻳﻪ ﺍﻟﻠﻰ ﺣﺼﻞ .. ﻗﻮﻟﻴﻠﻰ
ﻛﺎﻧﺖ " ﺭﻳﻬﺎﻡ " ﺗﺮﺗﺠﻒ ﻣﻦ ﺷﺪﺓ ﺍﻟﺒﻜﺎﺀ ﻓﺠﻠﺴﺖ " ﻳﺎﺳﻤﻴﻦ " ﺑﺠﻮﺍﺭﻫﺎ ﻭﺃﺧﺬﺗﻬﺎ ﻓﻰ ﺣﻀﻨﻬﺎ ﻗﺎﺋﻠﻪ :
- ﺑﺲ ﻳﺎ ﺣﺒﻴﺒﺘﻰ .. ﺑﺲ ﻣﺘﻌﻴﻄﻴﺶ .. ﻓﻰ ﺍﻳﻪ ﻣﺎﻟﻚ .. ﻃﻤﻨﻴﻨﻲ ﻭﻗﻌﺘﻰ ﻗﻠﺒﻲ
ﺃﺯﺍﺣﺘﻬﺎ ﻗﻠﻴﻼً ﻟﺘﻨﻈﺮ ﺍﻟﻴﻬﺎ ﻭﻣﺴﺤﺖ ﻣﺎ ﺗﺴﺎﻗﻂ ﻋﻠﻰ ﻭﺟﻬﻬﺎ ﻣﻦ ﺩﻣﻌﺎﺕ ﺛﻢ ﻗﺎﻟﺖ :
- ﺣﺒﻴﺒﺘﻰ ﺍﺳﺘﻌﻴﺬﻯ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ ﻭﺍﺣﻜﻴﻠﻰ ﺍﻟﻠﻰ ﺣﺼﻞ
ﺍﺳﺘﻌﺎﺫﺕ " ﺭﻳﻬﺎﻡ " ﺑﺎﻟﻠﻪ ﻭﺭﻭﺕ ﻷﺧﺘﻬﺎ ﻣﺎ ﺣﺪﺙ ﺑﺎﻟﺘﻔﺼﻴﻞ .. ﻗﻢ ﺃﺭﺩﻓﺖ :
- ﺍﺗﻔﻀﺤﺖ ﻳﺎ " ﻳﺎﺳﻤﻴﻦ .. " ﻣﺘﺨﻴﻠﺔ ﺍﻟﻜﻼﻡ ﺍﻟﻠﻰ ﻗﺎﻟﻬﻮﻟﻰ ﻳﻮﺣﻲ ﺑﺈﻳﻪ .. ﻭﺍﻟﻤﺼﻴﺒﺔ ﺍﻥ ﺻﺤﺎﺑﻲ ﻛﺎﻧﻮﺍ ﻭﺍﻗﻔﻴﻦ .. ﻭﻣﺶ ﺑﺲ ﺻﺤﺎﺑﻲ ﺩﻩ ﻛﻤﺎﻥ ﺯﻣﺎﻳﻠﻲ ﻓﻰ ﺍﻟﺪﻓﻌﺔ .. ﻫﻴﻘﻮﻟﻮﺍ ﻋﻠﻴﺎ ﺍﻳﻪ ﺩﻟﻮﻗﺘﻰ
ﻗﺎﻟﺖ ﺫﻟﻚ ﺛﻢ ﺍﻧﻔﺠﺮﺕ ﻓﻰ ﺍﻟﺒﻜﺎﺀ ﻣﺮﺓ ﺃﺧﺮﻯ .. ﻓﻘﺎﻟﺖ ﻟﻬﺎ " ﻳﺎﺳﻤﻴﻦ " :
- ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ .. ﺑﻨﻲ ﺁﺩﻡ ﻣﻌﻨﺪﻭﺵ ﺭﻳﺤﺔ ﺍﻟﻀﻤﻴﺮ .. ﻛﻮﻳﺲ ﺍﻧﻪ ﺭﺑﻨﺎ ﻛﺸﻔﻪ ﺑﺪﺭﻯ ﻋﺸﺎﻥ ﺗﻌﺮﻓﻴﻪ ﻋﻠﻰ ﺣﻘﻴﻘﺘﻪ
- ﺃﻧﺎ ﺧﻼﺹ ﻣﻌﺪﺗﺶ ﺭﺍﺣﻪ ﺍﻟﻜﻠﻴﺔ ﺩﻱ ﺗﺎﻧﻰ .. ﻣﻌﺪﺵ ﻳﻨﻔﻊ ﺃﻭﺭﻯ ﻭﺷﻰ ﻟﺤﺪ
ﻗﺎﻟﺖ ﻟﻬﺎ " ﻳﺎﺳﻤﻴﻦ " ﺑﺼﺮﺍﻣﺔ :
- ﺑﺘﻬﺮﺟﻰ .. ﺻﺢ .. ﺍﻧﺘﻰ ﻣﺎ ﻏﻠﻄﺘﻴﺶ ﻋﺸﺎﻥ ﺗﺴﺘﺨﺒﻲ ﻣﻦ ﺍﻟﻨﺎﺱ .. ﻫﻮ ﺍﻟﻠﻰ ﻏﻠﻂ ﻭﻫﻮ ﺍﻟﻠﻰ ﺍﻟﻤﻔﺮﻭﺽ ﻳﺘﻜﺴﻒ ﻳﻮﺭﻯ ﻭﺷﻪ ﻟﻠﻨﺎﺱ .. ﺍﻭﻋﻰ ﺗﺨﻠﻰ ﻭﺍﺣﺪ ﺯﻯ ﺩﻩ ﻳﻜﺴﺮﻙ .. ﺍﻧﺘﻰ ﻟﺴﻪ ﺻﻐﻴﺮﻩ ﻭﻳﺎﻣﺎ ﻫﺘﺸﻮﻓﻰ ﻓﻰ ﺣﻴﺎﺗﻚ .. ﻣﻴﻨﻔﻌﺶ ﺗﺴﻤﺤﻰ ﻟﺤﺪ ﺍﻧﻪ ﻳﺪﻭﺱ ﻋﻠﻴﻜﻲ ﺑﺎﻟﺸﻜﻞ ﺩﻩ .. ﺍﻭﻋﻰ ﺗﺪﻯ ﻟﺤﺪ ﻓﺮﺻﺔ ﺍﻧﻪ ﻳﺠﺮﺣﻚ ﺃﻭ ﻳﻬﻴﻨﻚ .. ﺍﻧﺘﻰ ﻫﺘﺮﻭﺣﻰ ﺍﻟﻜﻠﻴﺔ ﺑﻜﺮﺓ ﻭﺍﻧﺘﻰ ﺭﺍﻓﻌﺔ ﺭﺍﺳﻚ ﻷﻧﻚ ﻣﻐﻠﻄﺘﻴﺶ ﻭﺭﺑﻨﺎ ﻋﺎﺭﻑ ﺍﻧﻚ ﻣﻐﻠﻄﺘﻴﺶ ﻭﺃﻛﻴﺪ ﻫﻴﺠﺒﻠﻚ ﺣﻘﻚ ﻣﻨﻪ .. ﻷﻧﻚ ﻣﺮﺿﺘﻴﺶ ﺗﻐﻀﺒﻰ ﺭﺑﻨﺎ ﻭﻋﻤﻠﺘﻰ ﺍﻟﺼﺢ ﻓﺄﻛﻴﺪ ﺭﺑﻨﺎ ﻣﺶ ﻫﻴﺴﻴﺒﻚ ﻭﻫﻴﻜﻮﻥ ﺟﻤﺒﻚ
- ﺍﻭﻋﻰ ﺗﻘﻮﻟﻰ ﺣﺎﺟﺔ ﻟﺒﺎﺑﺎ ﻳﺎ " ﻳﺎﺳﻤﻴﻦ " ﻟﻮ ﺑﺎﺑﺎ ﻭﺍﺟﻬﻪ ﻣﻌﺮﻓﺶ ﺍﻟﻮﻟﺪ ﺩﻩ ﻣﻤﻜﻦ ﻳﺘﺒﻠﻰ ﻋﻠﻴﺎ ﻭﻳﻘﻮﻝ ﺍﻳﻪ ﻭﺍﻧﺘﻰ ﻋﺎﺭﻓﻪ ﺑﺎﺑﺎ ﺻﻌﺐ ﺃﺩ ﺍﻳﻪ ﻭﻣﻤﻜﻦ ﻳﺼﺪﻗﻪ
- ﻣﺘﺨﺎﻓﻴﺶ ﺑﺎﺑﺎ ﻣﺶ ﻫﻴﻌﺮﻑ .. ﺑﺲ ﺍﻟﻮﻟﺪ ﺩﻩ ﻻﺯﻡ ﻳﺘﺮﺑﻲ .. ﻻﻥ ﻟﻮ ﻣﺤﺪﺵ ﻭﻗﻔﻠﻪ ﻫﻴﺴﻮﻕ ﻭﻳﺘﻤﺎﺩﻯ ﻓﻴﻬﺎ .. ﻟﻤﺎ ﺳﺄﻟﻮﺍ ﻓﺮﻋﻮﻥ ﻭﻗﺎﻟﻮﻟﻪ ﺍﻳﻪ ﺍﻟﻠﻰ ﻓﺮﻋﻨﻚ ﻗﺎﻝ ﻣﻠﻘﺘﺶ ﺣﺪ ﻳﻠﻤﻨﻰ
- ﺍﺯﺍﻯ ﻳﻌﻨﻲ ﻫﺘﻌﻤﻠﻰ ﺍﻳﻪ ؟
- ﺍﺳﻤﻬﺎ ﻫﻨﻌﻤﻞ ﻣﺶ ﻫﺘﻌﻤﻠﻰ .. ﺑﻜﺮﺓ ﻫﺘﺸﻮﻓﻰ
**************************
ﻓﻰ ﺍﻟﻴﻮﻡ ﺍﻟﺘﺎﻟﻰ ﻭﻓﻰ ﻣﻜﺘﺐ ﺳﻜﺮﺗﻴﺮﺓ ﻋﻤﻴﺪ ﻛﻠﻴﺔ ﺍﻟﺘﺠﺎﺭﺓ ﺑﺠﺎﻣﻌﺔ ﻋﻴﻦ ﺷﻤﺲ ﻭﻗﻔﺖ " ﻳﺎﺳﻤﻴﻦ " ﻣﻊ " ﺭﻳﻬﺎﻡ " ﻓﻰ ﺍﻧﺘﻈﺎﺭ ﺍﻟﺴﻤﺎﺡ ﻟﻬﻤﺎ ﺑﺎﻟﺪﺧﻮﻝ , ﺧﺮﺟﺖ ﺍﻟﺴﻜﺮﺗﻴﺮﺓ ﻣﻦ ﺣﺠﺮﺓ ﺍﻟﻌﻤﻴﺪ ﻭﻧﻈﺮﺕ ﺍﻟﻰ ﺍﻟﻔﺘﺎﺗﺎﻥ ﻗﺎﺋﻠﻪ :
- ﺍﺗﻔﻀﻠﻮﺍ
ﺷﻌﺮﺕ " ﺭﻳﻬﺎﻡ " ﺑﺎﻟﺘﻮﺗﺮ ﻭﻛﺎﺩﺕ ﺃﻥ ﺗﺘﺮﺍﺟﻊ ﻓﺠﺬﺑﺘﻬﺎ " ﻳﺎﺳﻤﻴﻦ " ﻣﻦ ﻳﺪﻫﺎ ﻭﺩﺧﻠﻮﺍ ﺍﻟﻰ ﺩﺍﺧﻞ ﺍﻟﻐﺮﻓﺔ , ﻗﺎﻟﺖ " ﻳﺎﺳﻤﻴﻦ " :
- ﺍﻟﺴﻼﻡ ﻋﻠﻴﻜﻢ ﻳﺎ ﺩﻛﺘﻮﺭ
- ﻗﺎﻝ ﺍﻟﻌﻤﻴﺪ : ﻭﻋﻠﻴﻜﻢ ﺍﻟﺴﻼﻡ .. ﺍﺗﻔﻀﻠﻮﺍ
ﺟﻠﺴﺖ ﻛﻞ ﻣﻨﻬﻤﺎ ﻋﻠﻰ ﻣﻘﻌﺪ ﻣﻮﺍﺟﻬﻪ ﻟﻠﻤﻜﺘﺐ .. ﻧﻈﺮ ﺍﻟﻴﻬﻤﺎ ﺍﻟﻌﻤﻴﺪ ﻗﺎﺋﻼً :
- ﺍﺗﻔﻀﻠﻮﺍ .. ﺍﻳﻪ ﺍﻟﻤﻮﺿﻮﻉ ﺍﻟﻤﻬﻢ ﺍﻟﻠﻲ ﻋﺎﻳﺰﻧﻲ ﻓﻴﻪ
ﺭﻭﺕ ﻟﻪ " ﻳﺎﺳﻤﻴﻦ " ﺗﻔﺎﺻﻴﻞ ﻣﺎ ﺣﺪﺙ ﻣﻦ " ﻣﻌﺘﺰ " ﻭﺍﻫﺎﻧﺘﻪ ﻟـ " ﺭﻳﻬﺎﻡ " ﺃﻣﺎﻡ ﺯﻣﻼﺋﻬﺎ .. ﺛﻢ ﺃﺭﺩﻓﺖ ﻗﺎﺋﻠﻪ :
- ﺃﻧﺎ ﺑﻌﺪ ﺍﻟﻠﻰ ﺣﺼﻞ ﻓﻜﺮﺕ ﻧﻴﺠﻲ ﻭﻧﺘﻜﻠﻢ ﻣﻊ ﺣﻀﺮﺗﻚ ﻷﻧﻚ ﺍﻟﻤﺴﺆﻝ ﺍﻷﻭﻝ ﻋﻦ ﺍﻟﻜﻠﻴﺔ ﻫﻨﺎ ﻭﺃﻧﺎ ﻋﺎﺭﻓﻪ ﺍﻥ ﺣﻀﺮﺗﻚ ﺑﻤﺮﻛﺰ ﻳُﻤﻠﻰ ﻋﻠﻴﻚ ﺗﺤﻤﻞ ﻣﺴﺆﻟﻴﺔ ﺍﻟﻜﻠﻴﺔ ﻛﻠﻬﺎ ﻭﺃﻛﻴﺪ ﻛﻞ ﺍﻟﺒﻨﺎﺕ ﻭﺍﻟﻮﻻﺩ ﺍﻟﻠﻲ ﻫﻨﺎ ﻫﻤﺎ ﺃﺑﻨﺎﺋﻚ ﻭﺑﻨﺎﺗﻚ ﺍﻟﻠﻰ ﻻﺯﻡ ﺣﻀﺮﺗﻚ ﺗﺤﺎﻓﻆ ﻟﻴﻬﻢ ﻋﺸﺎﻥ ﻛﺪﺓ ﺍﺣﻨﺎ ﺟﻴﻨﺎ ﻟﺤﻀﺮﺗﻚ ﺍﻟﻨﻬﺎﺭﺩﺓ ﻳﺎ ﺩﻛﺘﻮﺭ ﻷﻥ ﺃﻛﻴﺪ ﻣﺘﺮﺿﺎﺵ ﺍﻥ ﺣﺪ ﻳﻬﻴﻦ ﺑﻨﺖ ﻣﻦ ﺑﻨﺎﺗﻚ ﺍﻟﻠﻰ ﻣﺴﺆﻟﻴﻦ ﻣﻨﻚ ﻃﻮﻝ ﻭﺟﻮﺩﻫﻢ ﻓﻰ ﺍﻟﻜﻠﻴﺔ ﻭﺗﺤﺖ ﺍﺷﺮﺍﻓﻚ
- ﺭﺩ ﺍﻟﻌﻤﻴﺪ ﻗﺎﺋﻼً : ﻃﺒﻌﺎً .. ﺃﻛﻴﺪ ﺍﻫﺎﻧﺔ ﺑﻨﺖ ﻣﻦ ﺍﻟﺒﻨﺎﺕ ﻭﺍﻥ ﻭﻟﺪ ﻳﺘﻌﺮﺿﻠﻬﺎ ﻭﻳﻀﺎﻳﻘﻬﺎ ﺩﻩ ﻣﺎ ﺃﺳﻤﺤﺶ ﺑﻴﻪ ﺃﺑﺪﺍً ﻓﻰ ﻛﻠﻴﺘﻲ .. ﻭﺍﻟﻮﻟﺪ ﺍﻟﻠﻰ ﺫﻛﺮﺗﻰ ﺍﺳﻤﻪ ﻓﻌﻼَ ﻣﺸﺎﻏﺐ ﻭﺑﻴﺠﻴﻠﻰ ﺍﺳﻤﻪ ﻛﺘﻴﺮ
- ﺛﻢ ﻭﺟﻪ ﺣﺪﻳﺜﻪ ﺍﻟﻰ " ﺭﻳﻬﺎﻡ " ﻗﺎﺋﻼً :
- ﻣﺎ ﺗﻘﻠﻘﻴﺶ .. ﻣﺤﺪﺵ ﻳﻘﺪﺭ ﻳﺘﻌﺮﺿﻠﻚ ﻭﻻ ﻳﺘﻌﺮﺽ ﻷﻯ ﺑﻨﺖ ﺩﺍﺧﻞ ﺍﻟﻜﻠﻴﺔ ﻭﺍﻟﻮﻟﺪ ﺩﻩ ﻻﺯﻡ ﻳﺘﻌﺎﻗﺐ
- ﺷﻜﺮﺗﻪ " ﺭﻳﻬﺎﻡ " ﻗﺎﺋﻠﻪ : ﺃﻧﺎ ﻣﺘﺸﻜﺮﻩ ﺟﺪﺍ ﻳﺎ ﺩﻛﺘﻮﺭ .. ﺑﺠﺪ ﺭﺑﻨﺎ ﻳﻜﺮﻣﻚ
ﻭﻓﻰ ﺍﻟﻴﻮﻡ ﺍﻟﺘﺎﻟﻰ ﻛﺎﻧﺖ ﺳﻌﺎﺩﺓ " ﺭﻳﻬﺎﻡ " ﻏﺎﻣﺮﺓ ﻋﻨﺪﻣﺎ ﻗﺮﺃﺕ ﺍﻟﺘﻨﻮﻳﻪ ﺍﻟﻤﻮﺿﻮﻉ ﻓﻰ ﺑﻬﻮ ﺍﻟﻜﻠﻴﺔ ( ﻗﺮﺭﻧﺎ ﻓﺼﻞ ﺍﻟﻄﺎﻟﺐ ﻣﻌﺘﺰ ﻣﺤﻤﻮﺩ ﺻﺒﺤﻰ ﻟﻤﺪﺓ ﺍﺳﺒﻮﻋﻴﻦ ﻋﻘﺎﺑﺎً ﻟﻪ ﻋﻠﻰ ﺍﻫﺎﻧﺘﻪ ﻟﺰﻣﻴﻼﺗﻪ ﻭﻣﺸﺎﻏﺒﺘﻪ ﻓﻰ ﺍﻟﻜﻠﻴﺔ )
ﺣﻤﺪﺕ ﺍﻟﻠﻪ ﻋﺰ ﻭﺟﻞ ﻭﺃﻳﻘﻨﺖ ﺃﻥ ﻣﻦ ﻳﺼﺪﻕ ﺍﻟﻠﻪ ﻳﺼﺪﻗﻪ
*********************************
- ﻳﻌﻨﻲ ﺍﻳﻪ ﺍﻟﻜﻼﻡ ﺩﻩ ؟
ﻧﻄﻖ " ﻋﻤﺮ " ﺑﻬﺬﻩ ﺍﻟﻌﺒﺎﺭﺓ ﻓﻰ ﻏﻀﺐ ﻫﺎﺩﺭ ﻭﻫﻮ ﻳﺘﻄﻠﻊ ﺍﻟﻰ ﺍﻟﻤﻠﻒ ﺍﻟﻤﻮﺿﻮﻉ ﺃﻣﺎﻣﻪ ﻋﻠﻰ ﻣﻜﺘﺒﻪ ﺑﺎﻟﺸﺮﻛﺔ . ﻗﺎﻟﺖ ﺍﻟﺴﻜﺮﺗﻴﺮﺓ :
- ﺩﻩ ﺍﻟﻔﺎﻛﺲ ﺍﻟﻠﻲ ﺟﻠﻨﺎ ﻳﺎ ﻓﻨﺪﻡ
ﻫﺐ " ﻋﻤﺮ " ﻭﺍﻗﻔﺎً ﻭﻗﺎﻝ ﻓﻰ ﻏﻀﺐ :
- ﺃﻧﺎ ﻣﺸﻐﻞ ﺷﻮﻳﺔ ﻧﺎﺱ ﻻ ﻳﻌﺘﻤﺪ ﻋﻠﻴﻬﻢ .. ﻳﻌﻨﻲ ﻛﺪﺓ ﺍﻟﺼﻔﻘﺔ ﻫﺘﻀﻴﻊ ﻋﻠﻴﻨﺎ
ﺣﻤﻞ ﻫﺎﺗﻔﻪ ﻭﺳﺎﻋﺘﻪ ﻭﺍﻟﺠﺎﻛﺖ ﻭﺗﻮﺟﻪ ﺍﻟﻰ ﺍﻟﺒﺎ ﻗﺎﺋﻼً :
- ﺍﻟﻐﻲ ﻛﻞ ﻣﻮﺍﻋﻴﺪﻱ ﺍﻟﻨﻬﺎﺭﺩﺓ ﻭﺑﻜﺮﺓ
ﻗﺎﻟﺖ ﺍﻟﺴﻜﺮﺗﻴﺮﺓ ﺑﻨﺒﺮﺓ ﺭﻭﺗﻴﻨﻴﻪ :
- ﺣﺎﺿﺮ ﻳﺎ ﻓﻨﺪﻡ
********************************
ﺃﻗﺒﻞ " ﻋﻤﺮ " ﻋﻠﻰ ﻭﺍﻟﺪﺗﻪ ﺍﻟﺘﻰ ﺗﺠﻠﺲ ﻓﻰ ﺣﺪﻳﻘﺔ ﺍﻟﻔﻴﻼ ﻭﻗﺒﻠﻬﺎ ﻋﻠﻰ ﺭﺃﺳﻬﺎ ﻭﺟﻠﺲ ﻋﻠﻰ ﺍﻟﻤﻘﻌﺪ ﺍﻟﻤﺠﺎﻭﺭ ﻟﻬﺎ .. ﺭﺃﺕ ﺃﻣﻪ ﻋﻼﻣﺎﺕ ﺍﻟﻘﻠﻖ ﻭﺍﻟﻀﻴﻖ ﺑﺎﺩﻳﻪ ﻋﻠﻰ ﻣﺤﻴﺎﻩ ﻓﺴﺄﻟﺘﻪ :
- ﺧﻴﺮ ﻳﺎ ﺣﺒﻴﺒﻰ ﻓﻰ ﺣﺎﺟﺔ ؟
ﺗﻨﻬﺪ ﻓﻰ ﺿﻴﻖ ﻗﺎﺋﻼً :
- ﻟﻸﺳﻒ ﻫﻨﻀﻄﺮ ﻧﺄﺟﻞ ﻋﺰﻭﻣﺔ " ﻧﺎﻧﺴﻲ " ﻭﺃﻫﻠﻬﺎ ﺍﻟﻠﻲ ﻛﺎﻧﺖ ﺍﻟﻤﻔﺮﻭﺽ ﺗﻜﻮﻥ ﺑﻜﺮﺓ
- ﻟﻴﻪ ﺍﻳﻪ ﺣﺼﻞ ؟
- ﻓﻰ ﻣﺸﻜﻠﺔ ﻓﻰ ﺍﻟﺸﻐﻞ ﻭﻻﺯﻡ ﺃﺳﺎﻓﺮ ﺍﻟﻨﻬﺎﺭﺩﺓ ﺿﺮﻭﺭﻯ ﻭﻣﻌﺮﻓﺶ ﻫﻐﻴﺐ ﻛﺎﻡ ﻳﻮﻡ
- ﻣﺎ ﻳﻨﻔﻌﺶ ﺣﺪ ﻏﻴﺮﻙ ﻳﻘﻮﻡ ﺑﺎﻟﻤﻬﻤﺔ ﺩﻯ
- ﻻ ﻣﻴﻨﻔﻌﺶ ﻻﺯﻡ ﺃﺭﻭﺡ ﺑﻨﻔﺴﻲ
ﺳﻜﺖ ﻗﻠﻴﻼً ﺛﻢ ﺃﺭﺩﺕ ﻗﺎﺋﻼً :
- ﻻﺯﻡ ﺃﺳﺎﻓﺮ ﺍﻟﻨﻬﺎﺭﺩﺓ ﻋﻠﻰ ﺍﻟﻤﺰﺭﻋﺔ
