ﻧﻈﺮ ﺍﻟﻴﻬﺎ " ﻋﻤﺮ " ﻧﻈﺮﻩ ﺻﺎﺭﻣﺔ ﺑﺎﺭﺩﺓ ﺧﺎﻟﻴﻪ ﻣﻦ ﺃﻯ ﺷﻌﻮﺭ ﻭﻗﺎﻝ ﺑﺼﻮﺕ ﻫﺎﺩﺭ :
- ﺍﺣﻨﺎ ﻻﺯﻡ ﻧﺘﻄﻠﻖ ﻳﺎ " ﻳﺎﺳﻤﻴﻦ "
ﺻﺪﻣﺖ ﻋﻨﺪﻣﺎ ﺳﻤﻌﺖ ﺗﻠﻚ ﺍﻟﻜﻠﻤﺔ ﺍﻟﺘﻰ ﻓﻜﺮﺕ ﻓﻴﻬﺎ ﻣﺮﺍﺭﺍً .. ﻟﻜﻦ ﻋﻨﺪﻣﺎ ﺧﺮﺟﺖ ﻣﻦ ﻓﻤﻪ ﻋﻠﻤﺖ ﻛﻢ ﻫﻰ ﻛﻠﻤﺔ ﻣﺮﻳﺮﺓ .. ﺗﺠﻤﻌﺖ ﺍﻟﺪﻣﻮﻉ ﻓﻰ ﻋﻴﻨﻴﻬﺎ ﻭﻫﻰ ﺗﻨﻈﺮ ﺍﻟﻴﻪ ﺑﺤﺴﺮﺓ ﻭﺃﻟــﻢ .
*******************
( ﻓﻼﺵ ﺑﺎﻙ ﻗﺒﻞ ﻳﻮﻣﻴﻦ )
ﺩﺧﻞ ﻓﺮﺍﺷﻪ ﻭﻧﺎﻡ ﻋﻠﻰ ﻃﺮﻓﻪ ﻭﺃﻋﻄﺎﻫﺎ ﻇﻬﺮﻩ ﻭﺗﺪﺛﺮ ﺑﺎﻟﻐﻄﺎﺀ .. ﻭﻗﻔﺖ ﻣﻜﺎﻧﻬﺎ ﻃﻮﻳﻼً .. ﺩﻭﻥ ﺍﻥ ﺗﺘﺤﺮﻙ .. ﻟﻢ ﻳﺘﺤﺪﺙ .. ﺑﻞ ﺃﺭﻫﻒ ﺳﻤﻌﻪ ﻟﻤﻌﺮﻓﺔ ﻣﺎ ﺗﻔﻌﻞ .. ﺩﻭﻥ ﺍﻥ ﻳﺤﺎﻭﻝ ﺍﻻﻟﺘﻔﺎﺕ ﺍﻟﻴﻬﺎ .. ﺑﺒﻂﺀ ﻭﺗﺮﺩﺩ .. ﻭﺑﻌﺪ ﻓﺘﺮﺓ ﻃﻮﻳﻠﺔ .. ﺍﺯﺍﺣﺖ ﺍﻟﻐﻄﺎﺀ ﻋﻦ ﻃﺮﻑ ﺍﻟﻔﺮﺍﺵ ﻭﻫﻰ ﺗﻨﻈﺮ ﺍﻟﻴﻪ ﺑﺨﻮﻑ ﻭﺗﻮﺗﺮ .. ﺛﻢ ﻧﺎﻣﺖ ﻋﻠﻰ ﻃﺮﻓﻪ ﺍﻵﺧﺮ ﻭﻣﻌﻈﻢ ﺟﺴﻤﻬﺎ ﺍﻟﻰ ﺍﻟﺨﺎﺭﺝ .. ﻭﺗﺪﺛﺮﺕ ﻭﺣﺎﻭﻟﺖ ﺃﻥ ﺗﻬﺪﺉ ﻣﻦ ﺗﻨﻔﺴﻬﺎ ﺍﻟﺴﺮﻳﻊ ﻭﺿﺮﺑﺎﺕ ﻗﻠﺒﻬﺎ ﺍﻟﻤﻀﻄﺮﺑﻪ .. ﺍﺑﺘﺴﻢ " ﻋﻤﺮ " ﻭﻟﻢ ﻳﺤﺎﻭﻝ ﺍﻟﺘﺤﺮﻙ ﻣﻦ ﻣﻜﺎﻧﻪ .. ﻗﺮﺏ ﻛﻔﻪ ﻣﻦ ﺃﻧﻔﻪ ﻟﻴﺸﻢ ﻋﻄﺮﻫﺎ ﺍﻟﺬﻯ ﻋﻠﻖ ﺑﻴﺪﻩ .. ﺃﻏﻤﺾ ﻋﻴﻨﻴﻪ ﻭﻫﻮ ﻳﺴﺮﺡ ﺑﺨﻴﺎﻟﻪ ﻓﻰ ﺯﻭﺟﺘﻪ ﺍﻟﻨﺎﺋﻤﺔ ﺑﺠﻮﺍﺭﻩ .
ﺃﺧﻴﺮﺍً ﻫﺪﺀ ﺍﺿﻄﺮﺍﺏ " ﻳﺎﺳﻤﻴﻦ " ﻭﺍﺳﺘﺴﻠﻤﺖ ﻟﻠﻨﻮﻡ ﺍﻟﻌﻤﻴﻖ .. ﺍﺳﺘﻴﻘﻈﺖ ﻣﻦ ﻧﻮﻣﻬﺎ ﻭﻓﺘﺤﺖ ﻋﻴﻨﺎﻫﺎ ﻟﺘﻔﺎﺟﺄ ﺑـ " ﻋﻤﺮ " ﺍﻟﻨﺎﺋﻢ ﺑﺠﻮﺍﺭﻫﺎ ﺳﺎﻧﺪﺍً ﺭﺃﺳﻪ ﺑﻴﺪﻩ ﺍﺑﺘﺴﻢ ﻗﺎﺋﻼً :
- ﺻﺒﺎﺡ ﺍﻟﺨﻴﺮ ﻳﺎ ﺣﺒﻴﺒﻰ
ﺍﺑﺘﺴﻤﺖ ﺑﺨﺠﻞ ﻗﺎﺋﻠﻪ :
- ﺻﺒﺎﺡ ﺍﻟﻨﻮﺭ
ﻧﻈﺮ ﻓﻰ ﻋﻴﻨﻴﻬﺎ ﻗﺎﺋﻼً :
- ﺍﻧﺘﻰ ﻋﻠﻰ ﻃﻮﻝ ﺑﺘﻨﺎﻣﻰ ﻫﺎﺩﻳﻪ ﻛﺪﻩ ؟ .. ﻻ ﺑﺘﺘﻘﻠﺒﻲ ﻭﻻ ﺑﺘﺘﺤﺮﻛﻰ ﻣﻦ ﻣﻜﺎﻧﻚ
ﺣﺎﻭﻟﺖ ﺍﻟﺠﻠﻮﺱ ﻓﺘﺮﻛﻬﺎ ﺗﺠﻠﺲ ﺛﻢ ﻗﺎﻟﺖ :
- ﺍﻳﻮﺓ ﺍﻧﺎ ﻣﺎﺑﺘﻘﻠﺒﺶ ﻛﺘﻴﺮ
ﺟﻠﺲ ﺑﺠﻮﺍﺭﻫﺎ ﻗﺎﺋﻼً :
- ﻧﻤﺘﻰ ﻛﻮﻳﺲ ؟
ﺃﻭﻣﺄﺕ ﺑﺮﺃﺳﻬﺎ .. ﻓﻘﺎﻝ :
- ﺃﻧﺎ ﻣﻦ ﺑﻌﺪ ﻣﺎ ﺻﻠﻴﻨﺎ ﺍﻟﻔﺠﺮ ﻣﻨﻤﺘﺶ ﺗﺎﻧﻰ ﻓﻀﻠﺖ ﺻﺎﺣﻰ ﺟﻤﺒﻚ .. ﺍﻋﻤﻠﻰ ﺣﺴﺎﺑﻚ ﻣﻌﺪﺗﺶ ﻫﺴﻤﺤﻠﻚ ﺗﻨﺎﻣﻰ ﺑﻌﻴﺪ ﻋﻨﻰ ﺃﺑﺪﺍً .. ﺍﻟﻨﻬﺎﺭﺩﺓ ﻫﻨﻨﻘﻞ ﻫﺪﻭﻣﻚ ﻭﺣﺎﺟﺘﻚ ﻫﻨﺎ ﻓﻰ ﺍﻷﻭﺿﺔ ﺑﺘﺎﻋﺘﻨﺎ
ﺍﺑﺘﺴﻤﺖ ﻟﻪ .. ﻧﻬﺾ ﺍﻻﺛﻨﺎﻥ ﻭﺫﻫﺒﺖ ﺍﻟﻰ ﻏﺮﻓﺘﻬﺎ .. ﺗﻘﺎﺑﻞ ﺍﻻﺛﻨﺎﻥ ﻋﻠﻰ ﻃﺎﻭﻟﺔ ﺍﻟﻄﻌﺎﻡ .. ﺟﺎﺀﻩ ﺍﺗﺼﺎﻝ ﻣﻦ " ﻛﺮﻳﻤﻪ " ﻗﺎﺋﻠﻪ :
- ﺍﻋﻤﻞ ﺣﺴﺎﺑﻚ ﺍﻧﻨﺎ ﻣﻨﺘﻈﺮﻳﻨﻜﻮﺍ ﺍﻟﻨﻬﺎﺭﺩﺓ .. " ﻋﻼﺀ " ﺟﻪ ﻣﻦ ﺍﻟﺴﻔﺮ .. ﻭﻋﻤﺘﻚ ﺯﻋﻼﻧﻪ ﻣﻨﻚ ﺟﺪﺍً ﻋﺸﺎﻥ ﻣﺴﺘﻘﺒﻠﺘﻮﺵ
ﻗﺎﻝ " ﻋﻤﺮ " ﺑﻨﻔﺎﺫ ﺻﺒﺮ :
- ﻫﻰ ﻋﻤﺘﻮ ﻣﺶ ﻋﺎﺭﻓﻪ ﺍﻥ ﺃﻧﺎ ﻋﺮﻳﺲ ﻭﻻ ﺍﻳﻪ
ﻗﺎﻟﺖ " ﻛﺮﻳﻤﻪ " ﺑﻬﺪﻭﺀ :
- ﻣﺎ ﻫﻨﺎ ﺑﻴﺘﻜﻮﺍ ﺑﺮﺩﻩ ﻳﺎ " ﻋﻤﺮ " ﻭﺍﻧﺘﻮﺍ ﻟﻴﻜﻮﺍ ﻓﻰ ﺍﻟﻔﻴﻼ ﺟﻨﺎﺡ ﺧﺎﺹ ﺑﻴﻜﻮﺍ ﻳﻌﻨﻲ ﺃﻛﻨﻜﻮﺍ ﻋﺎﻳﺸﻴﻦ ﻟﻮﺣﺪﻛﻮﺍ ﺑﺮﺩﻩ .. ﻭﻣﺘﻨﺴﺎﺵ ﺍﻧﻚ ﺍﺗﺠﻮﺯﺕ ﻣﻦ ﻏﻴﺮ ﻣﺎ ﻫﻰ ﺗﻜﻮﻥ ﻣﻮﺟﻮﺩﺓ .. ﻣﻌﻠﺶ ﻳﺎ ﺣﺒﻴﺒﻰ ﺗﻌﺎﻟﻰ ﺑﺲ ﻃﻴﺐ ﺧﺎﻃﺮﻫﺎ ﺑﻜﻠﻤﺘﻴﻦ ﻭﻟﻮ ﻋﺎﻳﺰﻳﻦ ﺗﺴﺎﻓﺮﻭﺍ ﺗﺎﻧﻰ ﺳﺎﻓﺮﻭﺍ .. ﺑﺲ ﺑﻌﺪ ﺍﻟﺤﻔﻠﺔ ﺍﻟﻠﻰ ﻫﻨﻌﻤﻠﻬﺎﻟﻜﻮﺍ ﺍﻥ ﺷﺎﺀ ﺍﻟﻠﻪ
- ﺍﻣﺘﻰ ﺍﻟﺤﻔﻠﺔ ﺩﻯ
- ﺑﻌﺪ 10 ﺃﻳﺎﻡ ﺑﺎﻟﻈﺒﻂ ﺍﻥ ﺷﺎﺀ ﺍﻟﻠﻪ
- ﻣﺎﺷﻰ ﺧﻼﺹ ﻫﺘﻜﻠﻢ ﻣﻊ " ﻳﺎﺳﻤﻴﻦ " ﻭﺍﻥ ﺷﺎﺀ ﺍﻟﻠﻪ ﻫﻜﻠﻤﻚ ﺃﺃﻛﺪ ﻋﻠﻴﻜﻲ ﻳﺎ ﻣﺎﻣﺎ
ﺃﻧﻬﻰ " ﻋﻤﺮ " ﻣﻜﺎﻟﻤﺘﻪ ﻭﺍﻟﺘﻔﺖ ﺍﻟﻰ " ﻳﺎﺳﻤﻴﻦ " ﻗﺎﺋﻼً :
- ﻣﺎﻣﺎ ﻋﻴﺰﺍﻧﺎ ﻧﻨﺰﻝ ﺍﻟﻘﺎﻫﺮﺓ ﻋﺸﺎﻥ ﻋﻤﺘﻮ ﻭﻛﻤﺎﻥ ﺍﺑﻦ ﻋﻤﺘﻮ ﺟﻪ ﻣﻦ ﺍﻟﺴﻔﺮ .. ﺩﻩ ﻏﻴﺮ ﺍﻟﺤﻔﻠﺔ ﺍﻟﻠﻰ ﻗﻮﻟﺘﻠﻚ ﺍﻧﻬﺎ ﻋﺎﻳﺰﻩ ﺗﻌﻤﻠﻬﺎﻟﻨﺎ .. ﺍﻳﻪ ﺭﺃﻳﻚ ؟
ﻗﺎﻟﺖ " ﻳﺎﺳﻤﻴﻦ : "
- ﻣﻔﻴﺶ ﻣﺸﻜﻠﺔ .. ﻧﺴﺎﻓﺮ ﺍﻟﻨﻬﺎﺭﺩﺓ ﻟﻮ ﺗﺤﺐ
ﺍﺑﺘﺴﻢ ﻗﺎﺋﻼً :
- ﺣﺎﺑﺐ ﻛﻤﺎﻥ ﺃﻭﺭﻳﻜﻰ ﺍﻟﻤﻜﺎﻥ ﺍﻟﻠﻰ ﻫﻨﻌﻴﺶ ﻓﻴﻪ .. ﻭﺑﻌﺪﻳﻦ ﻣﻤﻜﻦ ﺑﻌﺪ ﺍﻟﺤﻔﻠﺔ ﻧﺴﺎﻓﺮ ﺃﻯ ﻣﻜﺎﻥ ﺍﻧﺘﻰ ﺗﺨﺘﺎﺭﻳﻪ .. ﻗﻮﻟﺘﻰ ﺍﻳﻪ
ﺍﺑﺘﺴﻤﺖ ﻗﺎﺋﻠﻪ :
- ﺗﻤﺎﻡ .. ﺍﺗﻔﻘﻨﺎ
ﺃﻧﻬﻴﺎ ﻃﻌﺎﻣﻬﻤﺎ ﻭﺃﺧﺬﻫﺎ " ﻋﻤﺮ " ﺍﻟﻰ ﺍﻟﻤﻨﺼﻮﺭﺓ .. ﻟﺸﺮﺍﺀ ﻣﻼﺑﺲ ﺟﺪﻳﺪﺓ ﻭﺑﻌﺾ ﺍﻷﻏﺮﺍﺽ ﻟﻬﺎ .. ﺭﻏﻢ ﺍﻋﺘﺮﺍﺿﻬﺎ ﻟﻜﻨﻪ ﺃﺻﺮ ﺗﻮﻗﻒ ﺑﺴﻴﺎﺭﺗﻪ ﺃﻣﺎﻡ ﺍﺣﺪ ﺍﻟﻤﻮﻻﺕ ﻗﺎﺋﻼً :
- ﻣﺶ ﻋﺎﻳﺰﻙ ﺗﻌﻤﻠﻰ ﻓﺮﻕ ﺑﻴﻨﻰ ﻭﺑﻴﻨﻚ ﺩﻟﻮﻗﺘﻰ ﺍﻧﺘﻰ ﻣﺮﺍﺗﻰ ﻭﻣﻠﺰﻣﺔ ﻣﻨﻰ .. ﺑﻼﺵ ﺍﻟﺤﺴﺎﺳﻴﺔ ﺍﻟﺰﺍﻳﺪﺓ ﺩﻯ ﻳﺎ " ﻳﺎﺳﻤﻴﻦ " ﻟﻮ ﺳﻤﺤﺘﻰ
ﻗﺎﻟﺖ ﺑﺤﺮﺝ :
- ﻣﺶ ﺣﺴﺎﺳﻴﺔ ﻭﻻ ﺣﺎﺟﻪ ﺑﺲ ﺃﻧﺎ ﻋﻨﺪﻯ ﻟﺒﺲ ﻛﺘﻴﺮ
- ﻭﺍﻳﻪ ﺍﻟﻤﺸﻜﻠﺔ .. ﻭﺑﻌﺪﻳﻦ ﺍﻧﺘﻰ ﻋﺮﻭﺳﺔ .. ﻭﻻﺯﻡ ﺗﻠﺒﺴﻲ ﺟﺪﻳﺪ
ﻗﺎﻟﺖ ﺑﺤﺮﺝ ﻭﺿﻴﻖ :
- ﺍﻟﻤﻔﺮﻭﺽ ﺍﻧﺎ ﺍﻟﻠﻰ ﺃﺷﺘﺮﻯ ﻟﻨﻔﺴﻲ .. ﻭﺑﻌﺪﻳﻦ ﺃﻧﺎ ﻋﻨﺪﻯ ﻫﺪﻭﻡ ﻛﺘﻴﺮ ﺑﺘﺎﻋﺔ ﺟﻬﺎﺯﻯ ﺳﻴﺒﺎﻫﺎ ﻓﻰ ﺍﻟﻘﺎﻫﺮﺓ ﻟﻤﺎ ﻧﺮﻭﺡ ﻫﻨﺎﻙ ....
ﻗﻘﺎﻃﻌﻬﺎ " ﻋﻤﺮ " ﺑﻐﻀﺐ ﻣﻜﺒﻮﺕ :
- ﺍﻟﻬﺪﻭﻡ ﺩﻯ ﺗﻮﻟﻌﻰ ﻓﻴﻬﺎ ﺗﺮﻣﻴﻬﺎ ﺗﺘﺒﺮﻋﻰ ﺑﻴﻬﺎ .. ﻟﻜﻦ ﻣﺶ ﻋﺎﻳﺰﻙ ﺗﻠﺒﺴﻴﻬﺎ ﺃﺑﺪﺍً
ﻧﻈﺮﺕ ﺍﻟﻴﻪ ﻭﻗﺪ ﻓﻬﻤﺖ ﺳﺒﺐ ﻏﻀﺒﻪ .. ﻏﻴﺮﺗﻪ .. ﻓﻘﺎﻟﺖ :
- ﺧﻼﺹ ﻣﻔﻴﺶ ﻣﺸﻜﻠﺔ ﻫﺘﺒﺮﻉ ﺑﻴﻬﻢ
ﻗﺎﻝ ﻭﻗﺪ ﻫﺪﺃ ﻗﻠﻴﻼ :
- ﻃﻴﺐ ﻳﻼ ﻋﺸﺎﻥ ﻧﺨﻠﺺ ﺑﺴﺮﻋﺔ ﻭﻧﺮﺟﻊ ﻧﺠﻬﺰ ﺍﻟﺸﻨﻂ ﻋﺸﺎﻥ ﻣﻨﺴﺎﻓﺮﺵ ﻣﺘﺄﺧﺮ
****************************
ﺭﻛﺒﺖ " ﻳﺎﺳﻤﻴﻦ " ﻓﻰ ﺍﻟﺴﻴﺎﺭﺓ ﻭﺍﻧﺘﻈﺮﺕ " ﻋﻤﺮ " ﺍﻟﺬﻯ ﻳﺤﻀﺮ ﺍﻟﺸﻨﻂ ﻣﻦ ﺍﻟﺒﻴﺖ .. ﺍﻟﺘﻔﺘﺖ ﻓﻮﺟﺪﺗﻪ ﻭﻗﺪ ﺃﺣﻀﺮ ﺷﻴﺌﺎً ﻳﺒﺪﻭ ﻛﻔﺴﺘﺎﻥ ﻃﻮﻳﻞ ﻣﻐﻠﻒ .. ﺭﻛﺐ ﺑﺠﻮﺍﺭﻫﺎ ﻓﻘﺎﻟﺖ ﻟﻪ :
- ﺍﻳﻪ ﺍﻟﻠﻰ ﺍﻧﺘﻰ ﺣﻄﻴﺘﻪ ﻓﻰ ﺍﻟﺸﻨﻄﺔ ﺩﺓ ؟
ﺍﺑﺘﺴﻢ ﻭﻗﺎﻝ :
- ﻓﺴﺘﺎﻥ ﻓﺮﺣﻚ
ﻗﺎﻟﺖ ﺑﺪﻫﺸﺔ :
- ﺑﺲ ﻳﺎ " ﻋﻤﺮ " ﺍﻟﻔﺴﺘﺎﻥ ﻣﻜﺸﻮﻑ ﺧﺎﻟﺺ ﻣﺴﺘﺤﻴﻞ ﺃﻟﺒﺴﻪ ﺃﺩﺍﻡ ﺣﺪ ﻭﻻ ﺣﺘﻰ ﻫﻌﺮﻑ ﺃﻟﺒﺴﻪ ﺃﺩﺍﻡ ﺳﺘﺎﺕ
ﻧﻈﺮ ﻓﻰ ﻋﻴﻨﻴﻬﺎ ﻭﺍﻗﺘﺮﺏ ﻣﻨﻬﺎ ﻗﺎﺋﻼً :
- ﻣﺶ ﻫﺘﻠﺒﺴﻴﻪ ﺃﺩﺍﻡ ﺣﺪ .. ﻫﺘﻠﺒﺴﻴﻪ ﻟﻴﺎ ﺃﻧﺎ
ﺍﺑﺘﺴﻢ ﻛﻞ ﻣﻨﻬﻤﺎ ﻟﻶﺧﺮ ﻭﺍﻧﻄﻠﻖ ﻓﻰ ﻃﺮﻳﻘﻪ ﺍﻟﻰ ﺍﻟﻘﺎﻫﺮﺓ .. ﺫﻛﺮﺗﻪ " ﻳﺎﺳﻤﻴﻦ " ﻗﺎﺋﻠﻪ :
- ﻣﺘﻨﺴﺎﺵ ﺗﻘﻮﻝ ﺩﻋﺎﺀ ﺍﻟﺴﻔﺮ
ﺻﻤﺖ " ﻋﻤﺮ " ﻗﻠﻴﻼ ﺛﻢ ﻧﻈﺮ ﺍﻟﻴﻬﺎ ﻗﺎﺋﻼً :
- ﺍﻧﺘﻰ ﺣﻔﻈﺎﻩ
- ﺃﻳﻮﺓ
- ﻃﻴﺐ ﻗﻮﻟﻴﻪ ﻭﺃﻧﺎ ﻫﻘﻮﻟﻪ ﻭﺭﺍﻛﻰ
ﻭﺻﻼ ﺍﻟﻰ ﺍﻟﻘﺎﻫﺮﺓ ﺑﻌﺪ ﺛﻼﺙ ﺳﺎﻋﺎﺕ .. ﻋﺒﺮ " ﻋﻤﺮ " ﺑﺴﻴﺎﺭﺗﻪ ﺑﻮﺍﺑﺔ ﺍﻟﻔﻴﻼ .. ﺷﻌﺮﺕ " ﻳﺎﺳﻤﻴﻦ " ﺑﺎﻹﻧﺒﻬﺎﺭ .. ﻧﻌﻢ ﻛﺎﻧﺖ ﺗﻌﻠﻢ ﻣﺪﻯ ﺛﺮﺍﺀ ﺯﻭﺟﻬﺎ ﻭﺃﻫﻠﻪ .. ﻟﻜﻦ ﺍﻷﻣﺮ ﻓﺎﻕ ﺗﺼﻮﺭﻫﺎ .. ﺷﻌﺮﺕ ﺑﺎﻹﺿﻄﺮﺍﺏ ﻭﺍﻟﺮﻫﺒﺔ .. ﺃﻟﻘﺖ ﻧﻈﺮﺓ ﻋﻠﻰ ﺯﻭﺟﻬﺎ ﺍﻟﺬﻯ ﻳﻘﻮﺩ ﺑﻬﺪﻭﺀ ﻻ ﻳﺪﺭﻯ ﺷﻴﺌﺎً ﻋﻤﺎ ﻳﺪﻭﺭ ﺑﺪﺍﺧﻠﻬﺎ .. ﻧﺰﻟﺖ ﻣﻦ ﺍﻟﺴﻴﺎﺭﺓ ﻟﺘﻠﻘﻰ ﻧﻈﺮﺓ ﻋﻠﻰ ﺍﻟﻔﻴﻼ ﻣﻦ ﺍﻟﺨﺎﺭﺝ ﻭﻋﻠﻰ ﺍﻟﺤﺪﻳﻘﺔ ﺍﻟﻤﺤﻴﻄﺔ ﺑﻬﺎ .. ﻗﻄﺒﺖ ﺟﺒﻴﻨﻬﺎ ﻭﻫﻰ ﺗﺸﻌﺮ ﺑﻤﺸﺎﻋﺮ ﻛﺜﻴﺮﺓ ﻣﺨﺘﻠﻄﻪ .. ﺃﻣﺴﻚ " ﻋﻤﺮ " ﺑﻴﺪﻫﺎ ﻭﺗﻔﺮﺱ ﻓﻴﻬﺎ ﻗﺎﺋﻼً :
- ﻓﻰ ﺣﺎﺟﺔ ﺿﺎﻳﻘﺘﻚ
ﻗﺎﻟﺖ ﺑﺴﺮﻋﺔ :
- ﻻ ﺃﺑﺪﺍُ
- ﺍﻣﺎﻝ ﻣﻜﺸﺮﺓ ﻟﻴﻪ
ﺣﺎﻭﻟﺖ ﺍﻻﺑﺘﺴﺎﻡ :
- ﻷ ﻣﺶ ﻣﻜﺸﺮﺓ ﻭﻻ ﺣﺎﺟﻪ .. ﻳﻤﻜﻦ ﺑﺲ ﺗﻌﺒﺖ ﺷﻮﻳﺔ ﻣﻦ ﺍﻟﺴﻔﺮ
ﻗﺎﻝ ﺑﺤﻨﺎﻥ :
- ﻣﺘﻘﻠﻘﻴﺶ ﻫﻨﺴﻠﻢ ﻋﻠﻴﻬﻢ ﻭﻧﻄﻠﻊ ﺃﻭﺿﺘﻨﺎ ﺗﺮﺗﺎﺣﻰ ﺷﻮﻳﻪ
ﺩﺧﻼ ﺍﻟﻔﻴﻼ .. ﻓﺈﺯﺩﺍﺩ ﺍﻧﺒﻬﺎﺭﻫﺎ ﻭﺍﺿﻄﺮﺍﺑﻬﺎ .. ﻛﺎﻧﺖ ﺭﺍﺋﻌﺔ ﺍﻟﺘﺼﻤﻴﻢ .. ﺷﻌﺮﺕ ﺑﻀﺂﻟﺘﻬﺎ ﻭﺳﻂ ﻛﻞ ﻫﺬﺍ ﺍﻟﺘﺮﻑ .. ﻭﻫﺬﺍ ﺍﻟﺸﻌﻮﺭ ﺿﺎﻳﻘﻬﺎ ﻟﻠﻐﺎﻳﺔ .. ﺣﺎﻭﻟﺖ ﺍﺯﺍﻟﺔ ﺗﻌﺒﻴﺮ ﺍﻟﻀﻴﻖ ﻣﻦ ﻭﺟﻬﻬﺎ .. ﺍﺳﺘﻘﺒﻠﺘﻬﻤﺎ " ﻛﺮﻳﻤﻪ " ﺑﺎﻟﺘﺮﺣﺎﺏ ﻗﺎﺋﻠﻪ :
- ﺣﻤﺪﺍﻟﻠﻪ ﻋﻠﻰ ﺍﻟﺴﻼﻣﺔ ﻧﻮﺭﺗﻮﺍ ﺍﻟﻘﺎﻫﺮﺓ
ﻋﺎﻧﻘﺘﻬﺎ " ﻳﺎﺳﻤﻴﻦ .. " ﻛﻢ ﺗﺤﺐ ﻫﺬﻩ ﺍﻟﻤﺮﺃﺓ ﺍﻟﻄﻴﺒﺔ .. ﻛﺎﻧﺖ ﺗﺸﻌﺮ ﻣﻌﻬﺎ ﺑﺎﻟﺮﺍﺣﺔ ﻭﻛﺄﻧﻬﺎ ﺗﻌﺮﻓﻬﺎ ﻣﻨﺬ ﺯﻣﻦ .. ﻗﺎﻟﺖ " ﻳﺎﺳﻤﻴﻦ " :
- ﺍﻟﻠﻪ ﻳﺴﻠﻤﻚ ﻳﺎ ﻣﺎﻣﺎ .. ﺃﺧﺒﺎﺭ ﺣﻀﺮﺗﻚ ﺍﻳﻪ
- ﺑﺨﻴﺮ ﻳﺎ ﺣﺒﻴﺒﺘﻰ ﺍﻟﺤﻤﺪ ﻟﻠﻪ .. ﻳﻼ ﻳﺎ " ﻋﻤﺮ " ﺧﺪ ﻣﺮﺍﺗﻚ ﺗﻐﻴﺮﻭﺍ ﻫﺪﻭﻣﻜﻮﺍ ﻭﺗﺮﺗﺎﺣﻮﺍ ﺷﻮﻳﺔ ﻋﻠﻰ ﻣﺎ ﺑﺎﺑﺎﻙ ﻭﻋﻤﻠﺘﻚ ﻳﻴﺠﻮﺍ ﻭﻧﺠﻬﺰ ﺍﻟﺴﻔﺮﺓ
ﺻﻌﺪﺕ " ﻳﺎﺳﻤﻴﻦ " ﻣﻊ " ﻋﻤﺮ " ﻭﻫﻰ ﺗﻨﻈﺮ ﺍﻟﻰ ﻛﻞ ﻣﺎ ﺣﻮﻟﻬﺎ ﺑﺮﻫﺒﺔ .. ﺃﻣﺴﻚ " ﻋﻤﺮ " ﺑﻴﺪﻫﺎ ﻓﺈﻃﻤﺌﻨﺖ ﻗﻠﻴﻼً .. ﺍﻟﺘﻔﺖ ﺍﻟﻴﻬﺎ ﻗﺎﺋﻼً ﺑﺤﻨﺎﻥ :
- ﺍﻟﺠﻨﺎﺡ ﺑﺘﺎﻋﻨﺎ ﺩﻩ ﻣﺤﺪﺵ ﻫﻴﺪﺧﻠﻪ ﻏﻴﺮﻧﺎ ﻳﻌﻨﻲ ﺗﻘﺪﺭﻯ ﺗﻌﺘﺒﺮﻳﻪ ﻣﻤﻠﻜﺘﻚ ﺍﻟﺼﻐﻴﺮﺓ .. ﻣﻤﻠﻜﺘﻰ ﺃﻧﺎ ﻭﺍﻧﺘﻰ ﻭﺑﺲ
ﺃﺩﺧﻠﻬﺎ " ﻋﻤﺮ " ﻭﺗﺮﻛﻬﺎ ﺗﺘﻔﺤﺺ ﻣﺎ ﺣﻮﻟﻬﺎ ﺑﻌﻴﻨﻴﻬﺎ ﺛﻢ ﺳﺄﻟﻬﺎ ﻗﺎﺋﻼً :
- ﻫﺎ ﻋﺠﺒﻚ
ﺃﻭﻣﺄﺕ ﺑﺮﺃﺳﻬﺎ ﻗﺎﺋﻠﻪ :
- ﻃﺒﻌﺎ ﻋﺠﺒﻨﻰ
ﺧﻄﺮﺕ ﻓﻰ ﺑﺎﻟﻬﺎ ﺳﺆﺍﻝ ﻓﻘﺎﻟﺖ :
- ﺍﻧﺖ ﺟﻬﺰﺕ ﻛﻞ ﺩﺓ ﺍﻣﺘﻰ
ﺻﻤﺖ ﻗﻠﻴﻼً ﻭﺑﺪﺍ ﻣﺘﺮﺩﺩﺍً ﺛﻢ ﻗﺎﻝ :
- ﺃﻧﺎ ﻛﻨﺖ ﻣﺠﻬﺰ ﻛﻞ ﺣﺎﺟﻪ ﻣﻦ ﺯﻣﺎﻥ .. ﻳﻌﻨﻰ ....
ﺻﻤﺖ .. ﻓﻔﻬﻤﺖ .. ﺟﻬﺰﻩ ﻣﻦ ﺃﺟﻞ ﺧﻄﻴﺒﺘﻪ ﺍﻷﻭﻟﻰ .. ﺷﻌﺮﺕ ﺑﺒﻌﺾ ﺍﻟﻀﻴﻖ .. ﻻﺣﻆ " ﻋﻤﺮ " ﺫﻟﻚ ﻓﻘﺎﻝ ﺑﺴﺮﻋﺔ :
- ﻟﻮ ﺗﺤﺒﻲ ﻧﻐﻴﺮ ﻛﻞ ﺍﻷﺛﺎﺙ ﻭﻛﻞ ﺍﻟﺪﻳﻜﻮﺭ ﻣﻌﻨﺪﻳﺶ ﻣﺸﻜﻠﺔ .. ﺃﺣﻨﺎ ﺟﻮﺍﺯﻧﺎ ﺟﻪ ﺑﺴﺮﻋﺔ ﻭﻣﻠﺤﻘﺘﺶ ﺁﺟﻰ ﻫﻨﺎ ﻭﺃﻏﻴﺮﻟﻚ ﻛﻞ ﺣﺎﺟﻪ
ﻗﺎﻟﺖ ﻟﻪ ﺑﺼﻮﺕ ﺧﺎﻓﺖ :
- ﺍﻧﺖ ﺍﻟﻠﻰ ﺍﺧﺘﺮﺕ ﺍﻟﺪﻳﻜﻮﺭ ﻭﺍﻟﻌﻔﺶ ﻭﻻ ﺍﺧﺘﺮﺗﻮﻩ ﺳﻮﺍ ؟
ﻗﺎﻝ ﺑﺴﺮﻋﺔ :
- ﻷ ﺃﻧﺎ ﺍﻟﻠﻰ ﺍﺧﺘﺮﺗﻪ .. ﺣﺘﻰ ﻫﻰ ﻣﺸﺎﻓﺘﻮﺵ
ﺷﻌﺮﺕ ﺑﺎﻻﺭﺗﻴﺎﺡ ﻓﺈﺑﺘﺴﻤﺖ ﻟﻪ ﻗﺎﺋﻠﻪ :
- ﺧﻼﺹ ﻃﺎﻟﻤﺎ ﺫﻭﻗﻚ ﻣﻔﻴﺶ ﻣﺸﻜﻠﺔ
- ﻣﺘﺄﻛﺪﺓ
- ﺃﻳﻮﺓ ﻣﺘﺄﻛﺪﺓ
ﺃﺧﺬﺕ " ﻳﺎﺳﻤﻴﻦ " ﺩﺷﺎً ﻭﺍﺭﺗﺪﺕ ﻣﻼﺑﺴﻬﺎ .. ﻭﺍﺳﺘﻌﺪﺕ ﻣﻊ " ﻋﻤﺮ " ﻟﻠﻨﺰﻭﻝ ﻟﻸﺳﻔﻞ .. ﻧﺰﻻ ﻟﻴﺠﺪﺍ ﻣﺪﺍﻡ " ﺛﺮﻳﺎ " ﻗﺪ ﻭﺻﻠﺖ ﺑﺼﺤﺒﺔ ﺍﺑﻨﻬﺎ " ﻋﻼﺀ " ﻭ ﺍﺑﻨﺘﻬﺎ " ﺍﻳﻨﺎﺱ " .. ﻛﺎﻥ ﺍﻟﺘﺮﺣﻴﺐ ﺑﻬﺎ ﺑﺎﺭﺩﺍً ﺟﺎﻓﺎً .. ﻭﻫﻰ ﺃﻳﻀﺎً ﻟﻢ ﺗﻈﻬﺮ ﺍﻟﺤﻤﺎﺱ ﻓﻰ ﺍﻟﺴﻼﻡ ﻋﻠﻴﻬﻢ .. ﻟﻜﻨﻬﺎ ﻓﻮﺟﺌﺖ ﺑﺈﻳﻨﺎﺱ ﺗﻨﺪﻓﻊ ﺍﺗﺠﺎﻩ " ﻋﻤﺮ " ﻗﺎﺋﻼً :
" - ﻋﻤﺮ " ﺣﺒﻴﺒﻰ ﻭﺣﺸﺘﻨﻰ ﺃﻭﻯ
ﺃﺷﺎﺣﺖ " ﻳﺎﺳﻤﻴﻦ " ﺑﻮﺟﻬﻬﺎ ﻭﻫﻰ ﺗﺮﻯ ﺗﻠﻚ ﺍﻟﻤﺮﺃﺓ ﻣﻘﺒﻠﺔ ﺍﻟﻰ ﺃﺣﻀﺎﻥ ﺯﻭﺟﻬﺎ .. ﻟﻜﻨﻬﺎ ﺩﻫﺸﺖ ﻋﻨﺪﻣﺎ ﺳﻤﻌﺖ " ﻋﻤﺮ " ﻳﻘﻮﻝ :
- ﻣﻴﺼﺤﺶ ﻛﺪﻩ ﻳﺎ " ﺍﻳﻨﺎﺱ "
ﺍﻟﺘﻔﺘﺖ " ﻳﺎﺳﻤﻴﻦ " ﻟﺘﺠﺪﻩ ﻣﻤﺴﻜﺎً ﺑﺬﺭﺍﻋﻴﻬﺎ ﻳﺒﻌﺪﻫﺎ ﻋﻨﻪ
ﻭﻗﻔﺖ " ﺍﻳﻨﺎﺱ " ﻗﺎﺋﻠﻪ ﺑﻐﻴﻆ :
- ﻣﺎ ﻃﻮﻝ ﻋﻤﺮﻧﺎ ﺑﻨﺴﻠﻢ ﻋﻠﻰ ﺑﻌﺾ ﻛﺪﻩ
ﻗﺎﻝ ﺑﺤﺰﻡ :
- ﻣﻌﺪﺵ ﻳﻨﻔﻊ
ﺃﻟﻘﺖ " ﺍﻳﻨﺎﺱ " ﻧﻈﺮﺓ ﺣﻘﺪ ﻋﻠﻰ " ﻳﺎﺳﻤﻴﻦ " ﻓﺘﺠﺎﻫﻠﺘﻬﺎ " ﻳﺎﺳﻤﻴﻦ " ﺗﻤﺎﻣﺎ
ﺟﻠﺲ ﺍﻟﺠﻤﻴﻊ ﺍﻟﻰ ﻃﺎﻭﻟﺔ ﺍﻟﻄﻌﺎﻡ .. ﺿﺎﻳﻘﻬﺎ ﺟﻠﻮﺱ " ﻋﻼﺀ " ﻓﻰ ﻣﻮﺍﺟﻬﺘﻬﺎ .. ﻭﺫﻟﻚ ﺑﺴﺒﺐ ﺗﻔﺮﺳﻪ ﻓﻴﻬﺎ .. ﻭﺷﻌﺮﺕ ﺑﺎﻟﺤﺮﺝ ﻣﻦ ﺃﻥ ﺗﻄﻠﺐ ﻣﻦ " ﻋﻤﺮ " ﺗﻐﻴﻴﺮ ﻣﻜﺎﻥ ﺟﻠﻮﺳﻬﺎ .. ﻓﺎﻟﺠﻤﻴﻊ ﻳﺮﺍﻗﺐ ﺣﺮﻛﺎﺗﻬﺎ ﻭﺳﻜﻨﺎﺗﻬﺎ .. ﻟﻢ ﺗﺴﺘﻄﻊ ﺗﻨﺎﻭﻝ ﺷﺊ ﺃﻣﺎﻡ ﻧﻈﺮﺍﺕ ﻫﺬﺍ ﺍﻟﺮﺟﻞ ﺍﻟﻤﺘﻔﺼﺤﻪ .. ﻟﻢ ﺗﺸﺘﺮﻙ ﻣﻌﻬﻢ ﻓﻰ ﺍﻟﺤﺪﻳﺚ ﻟﻜﻨﻬﺎ ﻛﺎﻧﺖ ﺗﺠﻴﺐ ﺍﺫﺍ ﻣﺎ ﻭﺟﻪ ﺍﻟﻴﻬﺎ " ﻧﻮﺭ " ﺃﻭ " ﻛﺮﻳﻤﻪ " ﺳﺆﺍﻻً .. ﻗﺎﻝ " ﻋﻼﺀ " ﻓﺠﺄﺓ :
- ﺍﻧﺖ ﻣﻜﻠﺘﻴﺶ ﺣﺎﺟﻪ ﻣﻦ ﺳﺎﻋﺔ ﻣﺎ ﺃﻋﺪﺗﻰ .. ﻋﻤﺎﻟﻪ ﺑﺲ ﺗﻠﻌﺒﻰ ﺑﺎﻟﻤﻌﻠﻘﺔ ﻓﻰ ﻃﺒﻘﻚ
ﺷﻌﺮﺕ ﺑﺎﻟﻀﻴﻖ ﻣﻦ ﻛﻠﻤﺎﺗﻪ ﺍﻟﺘﻰ ﺗﺸﻰ ﺑﻤﺮﺍﻗﺒﺘﻪ ﻟﻬﺎ ﻛﻤﺎ ﻛﺎﻧﺖ ﺗﺸﻌﺮ .. ﺷﻌﺮ " ﻋﻤﺮ " ﻛﺬﻟﻚ ﺑﺎﻟﻀﻴﻖ .. ﺃﻛﻤﻞ " ﻋﻼﺀ " ﻣﻮﺟﻬﺎً ﻛﻼﻣﻪ ﺍﻟﻴﻬﺎ :
- ﻋﻠﻰ ﻓﻜﺮﺓ ﺍﺣﻨﺎ ﺯﻣﺎﻳﻞ ﻣﻬﻨﺔ ﻭﺍﺣﺪﺓ .. ﺃﻧﺎ ﻛﻤﺎﻥ ﺩﻛﺘﻮﺭ ﺑﻴﻄﺮﻯ .. ﺑﺲ ﻣﻠﻴﺶ ﻓﻰ ﺷﻐﻞ ﺍﻟﻔﻴﻠﺪ ﺯﻳﻚ
ﻟﻢ ﺗﺘﻜﻠﻢ .. ﻭﻟﻢ ﺗﻨﻈﺮ ﺍﻟﻴﻪ .. ﻗﺎﻟﺖ " ﺍﻳﻨﺎﺱ " ﺑﺨﺒﺚ ﻭﺣﻘﺪ ﻭﻫﻰ ﺗﺮﻣﻘﻬﺎ ﺑﻨﻈﺮﺍﺕ ﻏﻴﺮ ﻣﺮﻳﺤﻪ :
- ﺷﺘﺎﻥ ﻣﺎ ﺑﻴﻨﻚ ﻭﺑﻴﻦ " ﻧﺎﻧﺴﻰ " ﻳﺎ " ﻳﺎﺳﻤﻴﻦ " .. ﺍﻧﺘﻰ ﻣﺸﻮﻓﺘﻴﺶ " ﻧﺎﻧﺴﻲ " ﻗﺒﻞ ﻛﺪﻩ ﺻﺢ ؟ .. ﻛﺎﻧﺖ ﻣﺰﻩ ﻭﺯﻯ ﺍﻟﻘﻤﺮ
ﻧﻈﺮ ﺍﻟﻴﻬﺎ " ﻋﻤﺮ " ﺑﺼﺮﺍﻣﺔ .. ﺷﻌﺮﺕ " ﻳﺎﺳﻤﻴﻦ " ﺑﺎﻟﺘﻮﺗﺮ ﻭﺍﻟﻀﻴﻖ .. ﻗﺎﻝ " ﻋﻤﺮ " ﺑﺤﺰﻡ :
- ﺍﻳﻪ ﻟﺰﻣﺔ ﺍﻟﻜﻼﻡ ﺩﻩ ﻳﺎ " ﺍﻳﻨﺎﺱ " ؟
ﻗﺎﻟﺖ ﺑﺒﺮﻭﺩ :
- ﻋﺎﺩﻯ ﻳﺎ " ﻋﻤﺮ "
ﻗﺎﻝ ﺑﻐﻀﺐ :
- ﻷ ﻣﺶ ﻋﺎﺩﻯ .. ﺍﻟﺴﻴﺮﺓ ﺩﻯ ﻣﺶ ﻋﺎﻳﺰﻫﺎ ﺗﺘﻔﺘﺢ ﺗﺎﻧﻰ
ﺷﻌﺮﺕ " ﻳﺎﺳﻤﻴﻦ " ﺑﻤﺰﻳﺞ ﻣﻦ ﺍﻟﻐﻀﺐ ﻭﺍﻟﺤﺮﺝ .. ﻭﻣﺎ ﺯﺍﺩ ﺍﻟﻄﻴﻦ ﺑﻠﻪ .. ﺃﻥ " ﻋﻼﺀ " ﻧﻈﺮ ﺍﻟﻴﻬﺎ ﺑﺠﺮﺃﺓ ﻭﻗﺎﻝ :
- ﻫﻮ " ﻋﻤﺮ " ﺍﺧﺘﻴﺎﺭﻩ ﺍﻟﻤﺮﻩ ﺩﻯ ﻣﺨﺘﻠﻒ .. ﺑﺲ ﺑﺼﺮﺍﺣﻪ ﺩﺧﻠﺘﻰ ﻣﺰﺍﺟﻰ
ﻫﻨﺎ ﻫﺐ " ﻋﻤﺮ " ﻭﺍﻗﻔﺎً ﻭﺃﺯﺍﺡ ﺍﻟﻜﺮﺳﻲ ﺑﻌﻨﻒ .. ﻛﺎﻥ " ﻋﻼﺀ " ﻻ ﻳﺘﺮﻙ ﻓﺮﺻﺔ ﺇﻻ ﻭﻳﺴﺘﻔﺰ ﻓﻴﻬﺎ " ﻋﻤﺮ " .. ﺑﺴﺒﺐ ﺷﻌﻮﺭﻩ ﺗﺠﺎﻫﻪ ﺑﺎﻟﻐﻴﺮﻩ ﻣﻨﺬ ﺍﻟﺼﻐﺮ .. ﻭﻛﺎﻥ ﻗﺪ ﻓﻌﻞ ﺑﺎﻟﻤﺜﻞ ﻣﻊ " ﻧﺎﻧﺴﻲ " ﺍﻟﺘﻰ ﺃﻋﺠﺒﻬﺎ ﺍﻃﺮﺍﺀﻩ .. ﺃﻣﺎ " ﻳﺎﺳﻤﻴﻦ " ﻓﺮﺩ ﻓﻌﻠﻬﺎ ﻛﺎﻥ ﻣﺨﺘﻠﻔﺎً .. ﻇﻬﺮ ﻋﻠﻰ ﻭﺟﻬﻬﺎ ﻋﻼﻣﺎﺕ ﺍﻟﻐﻀﺐ ﻭﺍﻟﻀﻴﻖ .. ﺍﻟﺘﻔﺖ " ﻋﻤﺮ " ﺍﻟﻰ " ﻋﻼﺀ " ﻗﺎﺋﻼً :
- ﻟﻤﺎ ﺗﺒﻘﻰ ﺗﻌﺮﻑ ﺗﺘﻜﻠﻢ ﺑﺈﺣﺘﺮﺍﻡ ﻣﻊ ﻣﺮﺍﺗﻰ ﻫﺒﻘﻰ ﺃﻋﺪ ﻣﻌﺎﻙ ﻋﻠﻰ ﺳﻔﺮﺓ ﻭﺍﺣﺪﺓ
ﻭﺃﻣﺴﻚ " ﻳﺎﺳﻤﻴﻦ " ﻣﻦ ﻳﺪﻫﺎ ﻭﺟﺬﺑﻬﺎ ﻭﺻﻌﺪﺍ ﺍﻟﻰ ﻏﺮﻓﺘﻬﻤﺎ .. ﻗﺎﻝ " ﻋﻼﺀ " ﺑﻐﺮﻭﺭ :
- ﻣﺎﻟﻪ ﺩﻩ ﺣﺪ ﺟﻪ ﺟﻤﺒﻪ
ﻗﺎﻝ " ﻧﻮﺭ " ﺑﻐﻀﺐ :
- ﺍﻧﺖ ﻣﺶ ﺷﺎﻳﻒ ﺍﻥ ﺍﻟﻠﻰ ﺍﻧﺖ ﻋﻤﻠﺘﻪ ﺩﻩ ﻣﻴﺼﺤﺶ ﻳﺎ " ﻋﻼﺀ .. " ﻳﻌﻨﻲ ﺍﻳﻪ ﺗﻘﻮﻟﻬﺎ ﺩﺧﻠﺘﻰ ﻣﺰﺍﺟﻰ .. ﻭﺍﻧﺖ ﻋﺎﺭﻑ ﺍﺑﻦ ﺧﺎﻟﻚ ﻏﻴﻮﺭ ﺃﺩ ﺍﻳﻪ
ﻗﺎﻟﺖ " ﻋﻼﺀ " ﺑﺤﻨﻖ :
- ﻫﻮ ﺍﻟﻠﻰ ﻣﻌﻘﺪ ﺯﻳﺎﺩﺓ ﻋﻦ ﺍﻟﻠﺰﻭﻡ .. ﺃﻧﺎ ﻗﻮﻟﺖ ﻛﻠﻤﺔ ﻋﺎﺩﻳﺔ ﻭﻣﻜﻨﺶ ﻗﺼﺪﻯ ﺑﻴﻬﺎ ﺣﺎﺟﻪ
ﻧﻬﻀﺖ " ﻛﺮﻳﻤﺔ " ﻭﺫﻫﺐ ﺍﻟﻤﻄﺒﺦ ﻟﺘﻄﻠﺐ ﻣﻦ ﺍﻟﺨﺪﻡ ﺍﺭﺳﺎﻝ ﺍﻟﻄﻌﺎﻡ ﺍﻟﻰ " ﻋﻤﺮ " ﻭ " ﻳﺎﺳﻤﻴﻦ " ﺑﺎﻷﻋﻠﻰ .. ﻧﻈﺮﺕ " ﻳﺎﺳﻤﻴﻦ " ﺍﻟﻰ " ﻋﻤﺮ " ﺍﻟﻐﺎﺿﺐ .. ﺍﻗﺘﺮﺑﺖ ﻣﻨﻪ ﻭﺣﺎﻭﻟﺖ ﺍﻣﺘﺼﺎﺹ ﻏﻀﺒﻪ ﻗﺎﺋﻠﻪ :
- ﻣﺘﻀﺎﻳﻘﺶ ﻧﻔﺴﻚ ﻳﺎ " ﻋﻤﺮ "
ﻧﻈﺮ ﺍﻟﻴﻬﺎ ﻭﺟﺬﺑﻬﺎ ﻣﻦ ﻳﺪﻫﺎ ﻭﺃﺟﻠﺴﻬﺎ ﺑﺠﻮﺍﺭﻩ ﻋﻠﻰ ﺍﻷﺭﻳﻜﺔ ﻭﻗﺒﻞ ﺟﺒﻴﻨﻬﺎ ﻗﺎﺋﻼً :
- ﺍﻧﺎ ﺍﻟﻠﻰ ﺁﺳﻒ ﺍﻧﻰ ﻋﺮﺿﺘﻚ ﻟﻜﻼﻣﻪ ﺩﻩ .. ﻭﺍﻧﺘﻰ ﺃﻋﺪﺗﻚ ﺃﺩﺍﻣﻪ ﻋﻠﻰ ﺍﻟﺴﻔﺮﺓ .. ﻣﻌﻠﺶ ﻏﻠﻄﺔ ﻭﻣﺶ ﻫﺘﺘﻜﺮﺭ
ﺍﻗﺘﺮﺑﺖ ﺃﻛﺜﺮ ﻣﻦ ﺯﻭﺟﻬﺎ ﻭﺍﺑﺘﺴﻤﺖ ﻭﻗﺎﻟﺖ :
- ﻋﺎﺭﻑ .. ﺃﻧﺎ ﺑﺤﺐ ﻏﻴﺮﺗﻚ ﺩﻯ ﺃﻭﻯ
ﺍﻟﺘﻔﺖ ﺍﻟﻴﻬﺎ ﻭﻗﺪ ﺍﺧﺘﻔﺖ ﻋﻼﻣﺎﺕ ﺍﻟﻐﻀﺐ ﻣﻦ ﻭﺟﻬﻪ ﻟﺘﺤﻞ ﻣﺤﻠﻬﺎ ﻧﻈﺮﺍﺕ ﺣﺐ ﻭﺷﻐﻒ ﻓﻰ ﻋﻴﻨﻴﻪ ﻭﻗﺎﻝ :
- ﻳﻌﻨﻲ ﻏﻴﺮﺗﻰ ﺩﻯ ﻣﺶ ﺑﺘﻀﺎﻳﻘﻚ ﻭﻻ ﺑﺘﺨﻨﻘﻚ
ﻗﺎﻟﺖ ﻣﺆﻛﺪﺓ :
- ﺑﺎﻟﻌﻜﺲ .. ﺃﻧﺎ ﺃﺣﺐ ﺍﻥ ﺟﻮﺯﻯ ﻳﺒﻘﻰ ﻏﻴﻮﺭ ﻋﻠﻴﺎ ﻛﺪﺓ
ﺃﻭﺷﻚ ﻋﻠﻰ ﺗﻘﺒﻴﻠﻬﺎ ﻋﻨﺪﻣﺎ ﺳﻤﻊ ﻃﺮﻗﺎﺕ ﻋﻠﻰ ﺍﻟﺒﺎﺏ .. ﻭﺟﺪ ﺍﻟﺨﺎﺩﻣﺔ ﻭﻗﺪ ﺃﺣﻀﺮﺕ ﺍﻟﻄﺎﻋﻢ .. ﺍﻟﺘﻔﺖ ﺍﻟﻰ " ﻳﺎﺳﻤﻴﻦ " ﻗﺎﺋﻼً :
- ﺣﻤﺎﺗﻚ ﻣﻬﻨﺶ ﻋﻠﻴﻬﺎ ﻧﻨﺎﻡ ﺟﻌﻨﻴﻴﻦ
ﻗﺎﻟﺖ ﺑﻤﺮﺡ :
- ﻣﺎﻣﺎ " ﻛﺮﻳﻤﻪ " ﺩﻯ ﻣﻔﻴﺶ ﺯﻳﻬﺎ
ﺳﺄﻟﻬﺎ ﺑﺈﻫﺘﻤﺎﻡ :
- ﻳﻌﻨﻲ ﺣﺒﻴﺘﻴﻬﺎ
ﻗﺎﻟﺖ ﺑﺤﻤﺎﺱ :
- ﺟﺪﺍً .. ﺑﺠﺪ ﺣﺒﻴﺘﻬﺎ ﺃﻭﻯ .. ﺑﺤﺲ ﺍﻧﻬﺎ ﻃﻴﺒﺔ ﺃﻭﻯ ﻭﺣﻨﻴﻨﻪ .. ﺑﺤﺲ ﻓﻴﻬﺎ ﻛﺘﻴﺮ ﻣﻦ ﻣﺎﻣﺎ ﺍﻟﻠﻪ ﻳﺮﺣﻤﻬﺎ
- ﺍﻟﻠﻪ ﻳﺮﺣﻤﻬﺎ .. ﻳﻌﻨﻲ ﻣﺶ ﻣﻀﺎﻳﻘﻪ ﺍﻧﻨﺎ ﻫﻨﻌﻴﺶ ﻣﻌﺎﻫﺎ ﻫﻨﺎ
ﻗﺎﻟﺖ " ﻳﺎﺳﻤﻴﻦ " ﺑﺜﻘﻪ :
- ﻷ ﻃﺒﻌﺎ .. ﺍﻧﺖ ﺑﺘﻌﻤﻞ ﻛﺪﻩ ﻋﺸﺎﻥ ﺗﺒﺮ ﺃﻫﻠﻚ ﻭﺩﻯ ﺣﺎﺟﻪ ﺗﻔﺮﺣﻨﻰ ﺟﺪﺍ .. ﻭﻛﻤﺎﻥ ﺃﻧﺎ ﻭﻣﺎﻣﺎ " ﻛﺮﻳﻤﻪ " ﻣﺘﻔﺎﻫﻤﻴﻦ ﻣﻊ ﺑﻌﺾ ﺟﺪﺍ ﻭﺍﻥ ﺷﺎﺀ ﺍﻟﻠﻪ ﻣﺶ ﻫﺘﺤﺼﻞ ﺑﻴﻨﺎ ﺃﻯ ﻣﺸﺎﻛﻞ .. ﻭﺃﻛﻴﺪ ﺳﺖ ﺯﻳﻬﺎ ﺃﻧﺎ ﻫﺘﻌﻠﻢ ﻣﻨﻬﺎ ﻛﺘﻴﺮ
ﻧﻈﺮ ﺍﻟﻴﻬﺎ ﺑﺘﻘﺪﻳﺮ ﻭﺍﻋﺠﺎﺏ ﻭﻗﺒﻞ ﺟﺒﻴﻨﻬﺎ .. ﺗﻨﺎﻭﻻ ﻃﻌﺎﻣﻬﻤﺎ ﻭﺩﺧﻠﺖ ﺍﻟﺤﻤﺎﻡ ﻟﺘﺠﻬﺰ ﻧﻔﺴﻬﺎ ﻟﻠﻨﻮﻡ .. ﺍﺣﺘﺎﺭﺕ ﻓﻴﻤﺎ ﺗﺮﺗﺪﻯ .. ﻭﻓﻰ ﺍﻟﻨﻬﺎﻳﺔ ﺍﺧﺘﺎﺭﺕ ﺑﻴﺠﺎﻣﺎ ﻭﺭﺩﻳﺔ ﺍﻟﻠﻮﻥ .. ﺧﺮﺟﺖ ﻟﺘﺘﺒﻌﻬﺎ ﻧﻈﺮﺍﺕ " ﻋﻤﺮ " ﺍﻟﻨﺎﺋﻢ ﻋﻠﻰ ﻓﺮﺍﺷﻪ .. ﺣﺎﻭﻟﺖ ﺗﺠﻨﺐ ﻧﻈﺮﺍﺗﻪ ﻭﺍﻗﺘﺮﺑﺖ ﻣﻦ ﺍﻟﻔﺮﺍﺵ ﻭﻭﻗﻔﺖ ﺃﻣﺎﻣﻪ ﻣﺘﻮﺗﺮﺓ .. ﻓﻀﺤﻚ " ﻋﻤﺮ " ﻗﺎﺋﻼً ﺑﺨﺒﺚ :
- ﻫﻨﺎﻙ ﻛﻨﺘﻰ ﺑﺘﻨﺎﻣﻰ ﺟﻤﺒﻰ ﺑﻤﺰﺍﺟﻚ .. ﺃﻣﺎ ﻫﻨﺎ ﻓﻬﺘﻨﺎﻣﻰ ﺟﻤﺒﻲ ﺍﺟﺒﺎﺭﻯ
ﺃﺯﺍﺣﺖ " ﻳﺎﺳﻤﻴﻦ " ﺍﻟﻐﻄﺎﺀ ﻭﻧﺎﻣﺖ ﻋﻠﻰ ﺍﻟﻄﺮﻑ ﻛﺎﻟﻌﺎﺩﺓ ﻭ ﺃﻋﻄﺘﻪ ﻇﻬﺮﻫﺎ .. ﺍﻗﺘﺮﺏ ﻣﻨﻬﺎ ﻭﻗﺒﻞ ﻭﺟﻨﺘﻬﺎ ﻭﻫﻤﺲ ﻓﻰ ﺃﺫﻧﻬﺎ :
- ﺩﻩ ﺁﺧﺮ ﻳﻮﻡ ﻫﺴﻴﺒﻚ ﻓﻴﻪ .. ﺳﻤﻌﺎﻧﻰ .. ﺍﻋﻤﻠﻰ ﺣﺴﺎﺑﻚ ﻋﻠﻰ ﻛﺪﻩ
ﻧﻈﺮﺕ ﺍﻟﻴﻪ ﻭﺃﻣﺄﺕ ﺭﺃﺳﻬﺎ ﻓﻰ ﺧﺠﻞ .. ﻓﻘﺒﻠﻬﺎ ﻣﺮﺓ ﺃﺧﺮﻯ ﻋﻠﻰ ﺟﺒﻴﻨﻬﺎ ﻗﺎﺋﻼً :
- ﺗﺼﺒﺤﻰ ﻋﻠﻰ ﺧﻴﺮ ﻳﺎ ﺣﺒﻴﺒﺘﻰ
- ﻭﺍﻧﺖ ﻣﻦ ﺃﻫﻞ ﺍﻟﺨﻴﺮ
ﻇﻨﺖ ﺑﺄﻧﻪ ﺳﻴﻨﺎﻡ ﻋﻠﻰ ﺍﻟﻄﺮﻑ ﺍﻵﺧﺮ .. ﻟﻜﻨﻬﺎ ﻛﺎﻧﺖ ﻣﺨﻄﺌﺔ .. ﻧﺎﻡ ﺑﺠﻮﺍﺭﻫﺎ ﻻﻓﻔﺎً ﺫﺭﺍﻋﻴﻪ ﺣﻮﻟﻬﺎ ﻋﻠﻰ ﺭﻏﻢ ﻣﻦ ﺧﺠﻠﻬﺎ ﻟﻬﺬﺍ ﺍﻟﻮﺿﻊ ﺇﻻ ﺃﻧﻬﺎ ﻛﺎﻧﺖ ﺳﻌﻴﺪﺓ ﻟﻠﻐﺎﻳﺔ .. ﻓﻬﺎﻫﻰ ﻧﺎﺋﻤــﺔ ﻓﻰ ﺣﻀﻦ ﺣﺒﻴﺒﻬــﺎ .. ﺯﻭﺟﻬــﺎ .. ﻛﺎﻧﺖ ﺗﺴﺘﻤﻊ ﺍﻟﻰ ﺃﻧﻔﺎﺳﻪ ﺍﻟﻤﻨﺘﻈﻤﺔ ﻭﺍﻻﺑﺘﺴﺎﻣﻪ ﻋﻠﻰ ﺛﻐﺮﻫﺎ .. ﻟﻢ ﺗﻨﻢ ﻣﻦ ﻓﻮﺭﻫﺎ .. ﺑﻞ ﺑﻘﺖ ﻣﺴﺘﻴﻘﻈﺔ ﻟﻔﺘﺮﺓ ﻣﺴﺘﻤﺘﻌﻪ ﺑﻘﺮﺑﻬﺎ ﻣﻨﻪ .. ﻭﺑﺤﻀﻨﺔ ﺍﻟﺪﺍﻓﺊ .. ﺣﺘﻰ ﻏﻠﺒﻬﺎ ﺍﻟﻨﻌﺎﺱ
ﺍﺳﺘﻴﻘﻈﺖ ﻋﻠﻰ ﺁﺫﺍﻥ ﺍﻟﻔﺠﺮ .. ﻭﺍﻟﺘﻔﺘﺖ ﺍﻟﻰ " ﻋﻤﺮ " ﺗﻮﻗﻈﻪ ﺑﻬﺪﻭﺀ :
" - ﻋﻤﺮ " ﺍﺻﺤﻰ .. ﺍﻟﻔﺠﺮ ﺃﺫﻥ
ﻗﺎﻝ ﻭﻫﻮ ﻳﻐﺎﻟﺐ ﺍﻟﻨﻌﺎﺱ :
- ﺳﺒﻴﻨﻲ ﺍﻟﻨﻬﺎﺭﺩﺓ ﻳﺎ " ﻳﺎﺳﻤﻴﻦ " ﻣﺶ ﻫﻘﺪﺭ ﺃﻗﻮﻡ
ﺍﻟﺘﻔﺘﺖ ﺍﻟﻴﻪ ﻭﺃﺯﺍﺣﺖ ﺍﻟﻐﻄﺎﺀ ﻭﻗﺎﻟﺖ ﺑﻌﻨﺪ :
- ﻷ ﻣﺶ ﻫﺴﻴﺒﻚ .. ﻗﻮﻡ ﻳﻼ ﺑﻼﺵ ﻛﺴﻞ
ﻓﺘﺢ ﻋﻴﻨﻴﻪ ﺑﺼﻌﻮﺑﺔ ﻗﺎﺋﻼً :
- ﻫﺼﻠﻴﻪ ﻟﻤﺎ ﺃﺻﺤﻰ
ﻗﺎﻟﺖ ﺑﺤﺰﻡ :
- ﻟﻤﺎ ﺗﺼﺤﻰ ﻫﻴﺒﻘﻰ ﺍﺳﻤﻪ ﺻﺒﺢ ﻣﺶ ﻓﺠﺮ
ﻗﺎﻡ ﻣﺘﻜﺎﺳﻼً ﺛﻢ ﻧﻈﺮ ﺍﻟﻴﻬﺎ ﻭﻗﺎﻝ :
- ﺩﻩ ﺍﻧﺘﻰ ﻟﺤﻮﺣﻪ
ﻗﺎﻣﺖ ﻭﻗﺎﻟﺖ ﻣﺒﺘﺴﻤﻪ :
- ﻳﻼ ﺍﻟﺼﻼﺓ
ﺗﻮﺿﺄ ﺍﻻﺛﻨﺎﻥ ﻭﺻﻠﻴﺎ ﻣﻌﺎً .. ﺃﻧﻬﻰ " ﻋﻤﺮ " ﺻﻼﺗﻪ ﻭﻋﺎﺩ ﺍﻟﻰ ﻓﺮﺍﺷﻪ .. ﺃﻣﺎ " ﻳﺎﺳﻤﻴﻦ " ﻓﺄﺣﻀﺮﺕ ﻣﺼﺤﻔﻬﺎ ﻭﺟﻠﺴﺖ ﻋﻠﻰ ﺳﺠﺎﺩﺓ ﺍﻟﺼﻼﺓ ﺗﻘﺮﺃ ﻭﺭﺩﻫﺎ .. ﻧﺪﺍﻫﺎ " ﻋﻤﺮ : "
" - ﻳﺎﺳﻤﻴﻦ "
ﻗﻄﻌﺖ ﺍﻟﻘﺮﺍﺀﺓ ﻗﺎﺋﻠﻪ :
- ﺃﻳﻮﺓ ﻳﺎ " ﻋﻤﺮ "
- ﺑﺘﻌﻤﻠﻰ ﺍﻳﻪ
- ﺑﻘﺮﺍ ﻓﻰ ﺍﻟﻤﺼﺤﻒ
- ﻃﻴﺐ ﺗﻌﺎﻟﻰ ﺍﻗﺮﻯ ﻫﻨﺎ
ﻗﺎﻣﺖ ﻭﺩﺧﻠﺖ ﺍﻟﻰ ﺍﻟﻔﺮﺍﺵ ﻭﺟﻠﺴﺖ ﺗﻘﺮﺃ ﻓﻰ ﻣﺼﺤﻔﻬﺎ .. ﻇﻞ " ﻋﻤﺮ " ﻳﻨﻈﺮ ﺍﻟﻴﻬﺎ ﻭﻫﻰ ﺗﻘﺮﺃ ﺑﺸﻔﺘﻴﻬﺎ .. ﻗﺎﻃﻌﻬﺎ ﻗﺎﺋﻼً :
- ﺍﻧﺘﻰ ﻣﺘﻌﻮﺩﺓ ﺗﻘﺮﻯ ﻛﻞ ﻳﻮﻡ ؟
ﺍﻟﺘﻔﺘﺖ ﻗﺎﺋﻠﻪ :
- ﺃﻳﻮﺓ ﺑﻘﺮﺃ ﻭﺭﺩﻯ .. ﺑﺤﺪﺩ ﻛﻞ ﻳﻮﻡ ﺟﺰﺀ ﻭﺑﻘﺮﺍﻩ ﻗﺒﻞ ﻣﺎ ﺃﻧﺎﻡ ﺃﻭ ﺑﻌﺪ ﻣﺎ ﺃﺻﻠﻰ ﺍﻟﻔﺠﺮ
ﻋﺎﺩﺕ ﻟﺘﻜﻤﻞ ﺍﻟﻘﺮﺍﺀﻩ .. ﻇﻞ ﻳﻨﻈﺮ ﺍﻟﻴﻬﺎ .. ﻗﺎﻃﻌﻬﺎ ﻣﺮﺓ ﺃﺧﺮﻯ ﻗﺎﺋﻼً :
- ﻣﻤﻜﻦ ﺗﻘﺮﻯ ﺑﺼﻮﺕ ﻋﺎﻟﻰ
ﻧﻈﺮﺕ ﺍﻟﻴﻪ ﻭﺍﺳﺘﻐﺮﺑﺖ ﻃﻠﺒﻪ .. ﻟﻜﻨﻬﺎ ﻓﻌﻠﺖ ﻭﻗﺮﺃﺕ ﺑﺼﻮﺕ ﺷﺠﻰ ﻟﻠﻐﺎﻳﺔ .. ﺑﻞ ﺗﻜﻦ ﻗﺮﺍﺋﺘﻬﺎ ﻋﺬﺑﻪ ﻓﻘﻂ ﺑﻞ ﻛﺎﻧﺖ ﻣﺠﻮﺩﺓ ﺃﻳﻀﺎً .. ﻓﺄﺿﺎﻓﺖ ﺍﻟﻘﺮﺍﺀﺓ ﺍﻟﺼﺤﻴﺤﺔ ﻟﻠﺤﺮﻭﻑ ﺍﻟﻰ ﺻﻮﺗﻬﺎ ﺍﻟﻤﺰﻳﺪ ﻣﻦ ﺍﻟﻌﺬﻭﺑﻪ .. ﺍﻗﺘﺮﺏ " ﻋﻤﺮ " ﻣﻨﻬﺎ ﻭﺃﺳﻨﺪ ﺭﺃﺳﻪ ﺍﻟﻰ ﺫﺭﺍﻋﻬﺎ ﻭﻧﻈﺮ ﻣﻌﻬﺎ ﺍﻟﻰ ﺍﻟﻤﺼﺤﻒ ﻭﻫﻮ ﻳﺴﺘﻤﻊ ﺍﻟﻴﻬﺎ ﺣﺘﻰ ﺍﻧﺘﻬﺖ .. ﻧﻈﺮ ﺍﻟﻴﻬﺎ ﻗﺎﺋﻼً :
- ﺍﻧﺘﻰ ﺑﺘﻘﺮﻯ ﻗﺮﺍﻥ ﺣﻠﻮ ﺃﻭﻯ .. ﻭﺻﻮﺗﻚ ﻛﻤﺎﻥ ﺣﻠﻮ ﺃﻭﻯ
ﺍﺑﺘﺴﻤﺖ ﻻﻃﺮﺍﺅﻩ .. ﻓﺴﺄﻟﻬﺎ ﺑﺈﻫﺘﻤﺎﻡ :
- ﺍﻧﺘﻰ ﺍﺯﺍﻯ ﺑﺘﻘﺮﻯ ﻛﺪﻩ .. ﻳﻌﻨﻲ ﺍﻟﺤﺮﻭﻑ ﺑﺘﻄﻠﻊ ﻣﻨﻚ ﺑﻄﺮﻳﻘﺔ ﺟﻤﻴﻠﺔ
- ﺃﻳﻮﺓ ﺃﻧﺎ ﻛﻨﺖ ﺑﺮﻭﺡ ﺍﻟﻤﺴﺠﺪ ﻣﻦ ﻭﺃﻧﺎ ﺻﻐﻴﺮﺓ ﻭﺍﺗﻌﻠﻤﺖ ﺍﻟﺘﺠﻮﻳﺪ ﻭﻋﺸﺎﻥ ﻛﺪﻩ ﺑﻌﺮﻑ ﺃﻗﺮﺍ ﻓﻰ ﺍﻟﻤﺼﺤﻒ ﺻﺢ
ﻧﻈﺮ ﺍﻟﻴﻬﺎ ﻓﻰ ﺍﻋﺠﺎﺏ ﻗﺎﺋﻼً :
- ﺳﻬﻞ ﻭﻻ ﺻﻌﺐ ؟ ﻳﻌﻨﻲ ﺍﻗﺼﺪ ﺳﻬﻞ ﺍﻧﻚ ﺗﺸﺮﺣﻴﻪ ﻟﺤﺪ ﻭﻻ ﻻﺯﻡ ﺣﺪ ﻣﺘﺨﺼﺺ ﻳﺸﺮﺣﻪ
ﻗﺎﻟﺖ ﺑﺤﻤﺎﺱ :
- ﺃﻛﻴﺪ ﺍﻷﻓﻀﻞ ﺍﻥ ﺣﺪ ﻣﺘﺨﺼﺺ ﻳﺸﺮﺣﻪ .. ﺑﺲ ﺃﻧﺎ ﻋﺎﺭﻓﻪ ﻛﻞ ﺍﻷﺣﻜﺎﻡ ﻭﺩﺭﺳﺘﻬﺎ
ﺻﻤﺘﺖ ﺗﺮﺍﻗﺐ ﻭﺟﻬﻪ ﺛﻢ ﻗﺎﻟﺖ :
- ﺗﺤﺐ ﺃﺷﺮﺣﻬﺎﻟﻚ
ﺍﺑﺘﺴﻢ ﻭﻗﺎﻝ :
- ﺗﻘﺪﺭﻯ ﺗﺨﻠﻴﻨﻲ ﺃﻗﺮﺍ ﺯﻳﻚ
ﻗﺎﻟﺖ ﺑﺤﻤﺎﺱ :
- ﺍﻳﻮﺓ ﻃﺒﻌﺎ ﺍﻗﺪﺭ .. ﺍﻳﻪ ﺭﺍﻳﻚ ﻛﻞ ﻳﻮﻡ ﺍﺷﺮﺣﻠﻚ ﺣﺎﺟﺔ ﻭﻧﻄﺒﻘﻬﺎ ﺳﻮﺍ
ﻗﺎﻝ ﺑﺤﻤﺎﺱ ﻣﻤﺎﺛﻞ :
- ﺍﺗﻔﻘﻨﺎ
ﺗﺒﺎﺩﻻ ﺍﻻﺑﺘﺴﺎﻡ .. ﺗﺮﻛﺖ ﻣﺼﺤﻔﻬﺎ .. ﻭﻗﺎﻝ ﻫﺎﻣﺴﺎً :
- ﺃﻧﺎ ﺳﺎﻳﺒﻚ ﺍﻟﻨﻬﺎﺭﺩﺓ ﺑﺎﻟﻌﺎﻓﻴﺔ ﻋﻠﻰ ﻓﻜﺮﺓ
ﺭﻓﻌﺖ ﺭﺃﺳﻬﺎ ﻟﺘﻨﻈﺮ ﺍﻟﻴﻪ .. ﻓﻘﺎﻝ :
- ﺑﻜﺮﺓ ﻋﺎﻳﺰ ﺃﺷﻮﻓﻚ ﺑﺎﻟﻔﺴﺘﺎﻥ ﺍﻷﺑﻴﺾ .. ﺍﺗﻔﻘﻨﺎ
ﻗﺎﻟﺖ ﻫﺎﻣﺴﻪ :
- ﺍﺗﻔﻘﻨﺎ
************************
ﻓﻰ ﺍﻟﺼﺒﺎﺡ ﺍﺳﺘﻴﻘﻈﺖ " ﻳﺎﺳﻤﻴﻦ " ﻣﺘﺄﺧﺮﻩ ﻋﻠﻰ ﻏﻴﺮ ﻋﺎﺩﺗﻬﺎ .. ﻟﻢ ﺗﺠﺪ " ﻋﻤﺮ " ﺑﺠﻮﺍﺭﻫﺎ .. ﻧﻬﻀﺖ ﻭﺃﺧﺬﺕ ﺩﺷﺎً ﻭﺍﺭﺗﺪﺕ ﻣﻼﺑﺴﻬﺎ ﻭﺣﺠﺎﺑﻬﺎ ﻭﻧﺰﻟﺖ ﻛﺎﻧﺖ ﺗﺒﺪﻭ ﺍﻟﻔﻴﻼ ﻓﺎﺭﻏﺔ .. ﻭﻗﻔﺖ ﻓﻰ ﻣﻨﺘﺼﻒ ﺍﻟﺮﺩﻫﺔ ﺍﻟﻮﺍﺳﻌﺔ ﺑﺎﻷﺳﻔﻞ ﻭﻫﻰ ﺗﻨﻈﺮ ﺍﻟﻰ ﻣﺎ ﺣﻮﻟﻬﺎ ﺑﺮﻫﺒﻪ .. ﻣﺎﺯﻟﺖ ﻻ ﺗﺴﺘﻄﻴﻊ ﺍﺳﺘﻴﻌﺎﺏ ﺃﻥ ﻫﺬﺍ ﺍﻟﻤﻜﺎﻥ ﻫﻮ ﻣﻨﺰﻟﻬﺎ ﻭﺑﻴﺘﻬﺎ .. ﺷﻌﺮﺕ ﺑﺎﻟﺘﻮﺗﺮ ﻭﺍﻻﺿﻄﺮﺍﺏ .. ﺣﺘﻰ ﺃﻧﻬﺎ ﻻ ﺗﺘﺬﻛﺮ ﻣﻜﺎﻥ ﻏﺮﻓﺔ ﺍﻟﻄﻌﺎﻡ ﺃﻭ ﻏﺮﻓﺔ ﺍﻟﻤﻌﻴﺸﺔ .. ﻛﺎﻧﺖ ﺗﺒﺪﻭ ﻛﺎﻟﻀﺎﺋﻌﺔ .. ﺃﺗﺎﻫﺎ ﺻﻮﺕ " ﻛﺮﻳﻤﻪ " ﻣﻦ ﺧﻠﻔﻬﺎ ﻗﺎﺋﻼً :
- ﺃﻧﺎ ﻛﻤﺎﻥ ﺃﻭﻝ ﻣﺮﺓ ﺁﺟﻰ ﻓﻴﻬﺎ ﺍﻟﻔﻴﻼ ﺩﻯ ﻛﻨﺖ ﺣﺴﻪ ﺯﻳﻚ ﻛﺪﻩ
ﺍﻟﺘﻔﺘﺖ " ﻳﺎﺳﻤﻴﻦ " ﻟﺘﺒﺘﺴﻢ ﻟﻬﺎ .. ﻓﺄﻛﻤﻠﺖ " ﻛﺮﻳﻤﻪ " :
- ﺗﻌﺎﻟﻰ ﻣﻌﺎﻳﺎ ﺍﻟﻤﻄﺒﺦ ﻟﻮ ﺩﻩ ﻣﺶ ﻫﻴﻀﺎﻳﻘﻚ .. ﺃﻧﺎ ﻛﻤﺎﻥ ﻟﺴﻪ ﻣﻔﻄﺮﺗﺶ ﺗﻌﺎﻟﻰ ﻧﻔﻄﺮ ﺳﻮﺍ ﻭﺃﻗﻮﻟﻚ ﺑﻌﺾ ﺃﺳﺮﺍﺭﻯ ﺍﻟﻤﻄﺒﺨﻴﻪ
ﺍﺑﺘﺴﻤﺖ " ﻳﺎﺳﻤﻴﻦ " ﻭﺗﺒﻌﺘﻬﺎ .. ﻛﺎﻧﺖ ﺗﺒﺪﻭ ﻛﺈﻣﺮﺃﺓ ﺑﺴﻴﻄﺔ .. ﺗﻌﺎﻣﻠﺖ ﻓﻰ ﺍﻟﻤﻄﺒﺦ ﻭ ﻛﺄﻧﻬﺎ ﺗﺪﺧﻠﻪ ﺁﻻﻑ ﺍﻟﻤﺮﺍﺕ .. ﻟﻢ ﺗﻜﻦ ﺗﺮﺍﻫﺎ ﻛﺈﻣﺮﺃﺓ ﻣﻦ ﻃﺒﻘﺔ ﺍﺭﺳﺘﻘﺮﺍﻃﻴﺔ .. ﻛﻤﺎ ﻗﺎﻟﺖ ﻣﻦ ﻗﺒﻞ ﺗﺸﻌﺮ ﺑﺄﻧﻬﺎ ﺃﻗﺮﺏ ﺍﻟﻰ ﻭﺍﻟﺪﺗﻬﺎ .. ﻻﺣﻈﺖ " ﻛﺮﻳﻤﻪ " ﻧﻈﺮﺍﺗﻬﺎ ﻓﻘﺎﻟﺖ ﻟﻬﺎ :
- ﻋﻠﻰ ﻓﻜﺮﺓ ﻓﻰ ﺣﺎﺟﻪ ﻣﺘﻌﺮﻓﻴﻬﺎﺵ ﻋﻨﻰ .. ﻭﺍﻟﺤﺎﺟﻪ ﺩﻯ ﻫﻰ ﺍﻟﻠﻰ ﻣﺨﻠﻴﻪ " ﺛﺮﻳﺎ " ﻣﺒﺘﺤﺒﻨﻴﺶ .. ﻳﻌﻨﻲ ﻋﺸﺎﻥ ﻟﻮ ﻻﺣﻈﺘﻰ ﺃﻯ ﺧﻼﻑ ﺑﻴﻨﺎ ﺗﻜﻮﻧﻰ ﻓﺎﻫﻤﺔ ﺍﻟﺴﺒﺐ .. ﻭﺃﻧﺎ ﻣﻦ ﺟﻬﺘﻰ ﺑﺤﺎﻭﻝ ﻋﻠﻰ ﺃﺩ ﻣﺎ ﺃﻗﺪﺭ ﻣﺤﺘﻜﺶ ﺑﻴﻬﺎ ﺍﻭ ﺃﻋﻤﻞ ﺣﺎﺟﻪ ﺗﻀﺎﻳﻘﻬﺎ
ﺟﻠﺴﺖ ﺑﺠﻮﺍﺭﻫﺎ ﻋﻠﻰ ﺍﻟﻄﺎﻭﻟﺔ ﻭﻗﺎﻟﺖ :
- ﺃﻧﺎ ﺯﻳﻚ ﻳﺎ " ﻳﺎﺳﻤﻴﻦ " ﻣﻦ ﺃﺳﺮﺓ ﺑﺴﻴﻄﺔ .. ﻣﺶ ﻣﻮﻟﻮﺩﻩ ﻭﻓﻰ ﺑﻘﻰ ﻣﻌﻠﻘﺔ ﺩﻫﺐ ﻳﻌﻨﻲ
ﺷﻌﺮﺕ " ﻳﺎﺳﻤﻴﻦ " ﺑﺎﻟﺪﻫﺸﺔ ﻣﻦ ﻫﺬﺍ ﺍﻟﺘﺼﺮﻳﺢ ﻓﺄﻛﻤﻠﺖ " ﻛﺮﻳﻤﻪ " :
- ﺑﺲ ﺍﻧﺎ ﻛﺎﻧﺖ ﻇﺮﻭﻓﻰ ﺃﺻﻌﺐ ﻣﻨﻚ ﺷﻮﻳﺔ .. ﺃﻧﺎ ﻛﻨﺖ ﻋﺎﻳﺸﺔ ﻓﻰ ﺍﻟﻘﺮﻳﺔ ﺍﻟﻠﻰ ﻓﻴﻬﺎ ﺍﻟﻤﺰﺭﻋﺔ .. ﻭﻣﻜﻨﺶ ﻟﻴﺎ ﻏﻴﺮ ﺃﺏ ﻣﺎﺕ ﻭﺳﺒﻨﻰ ﻓﻰ ﺍﻟﺪﻧﻴﺎ ﺩﻯ ﻟﻮﺣﺪﻯ .. ﺍﺷﺘﻐﻠﺖ ﻓﻰ ﺑﻴﺖ ﺍﻟﻤﺰﺭﻋﺔ ...
ﺻﻤﺖ ﻗﻠﻴﻼً ﺛﻢ ﻗﺎﻟﺖ :
- ﻛﻨﺖ ﺑﺸﺘﻐﻞ ﺧﺪﺍﻣﻪ
ﺍﺗﺴﻌﺖ ﻋﻴﻨﺎ " ﻳﺎﺳﻤﻴﻦ " ﻣﻦ ﺍﻟﺪﻫﺸﺔ .. ﻓﻠﻢ ﺗﺘﺨﻴﻞ ﺃﻥ ﺗﻠﻚ ﺍﻟﻤﺮﺃﺓ ﺍﻟﺠﻤﻴﻠﺔ ﻭﺍﻷﻧﻴﻘﺔ ﺍﻟﺘﻰ ﺗﺠﻠﺲ ﺑﺠﻮﺍﺭﻫﺎ ﻛﺎﻧﺖ ﺧﺎﺩﻣﺔ ﻓﻰ ﺑﻴﺖ ﺍﻟﻤﺰﺭﻋﺔ .. ﺍﻛﻤﻠﺖ " ﻛﺮﻳﻤﻪ " :
- ﻛﻨﺖ ﺑﺸﺘﻐﻞ ﻋﻨﺪ ﺟﺪ " ﻋﻤﺮ " ﻭﺟﺪﺗﻪ .. ﻭﻣﻦ ﻫﻨﺎ ﺍﺗﻌﺮﻓﺖ ﻋﻠﻰ " ﻧﻮﺭ " ﺟﻮﺯﻯ .. ﻣﺎﺗﻌﺮﻓﻴﺶ ﺍﻳﻪ ﺍﻟﻠﻰ ﺣﺼﻞ .. ﺑﺲ ﻫﻮ ﺍﻟﻨﺼﻴﺐ ﺍﻧﻪ ﺍﺧﺘﺎﺭﻧﻰ ﺩﻭﻥ ﻋﻦ ﺃﻯ ﺑﻨﺖ ﺗﺎﻧﻴﺔ .. ﺣﺒﻴﻨﺎ ﺑﻌﺾ ﺟﺪﺍً .. ﻭﺍﺗﺠﻮﺯﻧﺎ .. ﻭﻣﺶ ﻫﻘﻮﻟﻚ ﻋﻠﻰ ﺍﻟﻤﺸﺎﻛﻞ ﺍﻟﻠﻰ ﻭﺍﺟﻬﺘﻨﺎ ﻓﻰ ﺍﻷﻭﻝ ﻣﻦ ﻣﻌﺎﻣﻠﺔ ﺃﻫﻠﻪ ﺍﻟﺴﻴﺌﺔ .. ﺑﺲ ﺑﻌﺪ ﻭﻻﺩﺓ " ﻋﻤﺮ " ﻛﻞ ﺷﺊ ﺍﺗﻐﻴﺮ ﻭﺣﻤﺎﻳﺎ ﺍﻟﻠﻰ ﻫﻮ ﺟﺪ " ﻋﻤﺮ " ﺣﺒﻪ ﺟﺪﺍً ﻭﺭﺿﻰ ﺃﺧﻴﺮﺍ ﻋﻨﻪ ﻭﻋﻨﻰ ﻭﻋﻦ ﺍﺑﻨﻪ .. ﻭﻛﻤﺎﻥ ﺣﻤﺎﺗﻰ ﻗﻠﺒﻬﺎ ﺭﻕ
ﺻﻤﺘﺖ ﻗﻠﻴﻼً ﺛﻢ ﺍﻛﻤﻠﺖ :
- ﻣﻔﻴﺶ ﺍﻻ " ﺛﺮﻳﺎ " ﻫﻰ ﺍﻟﻠﻰ ﻣﻜﻨﺘﺶ ﻣﺘﻘﺒﻠﻪ ﺟﻮﺍﺯﻯ ﻣﻦ ﺃﺧﻮﻫﺎ .. ﻭﻋﺸﺎﻥ ﻛﺪﺓ ﻛﺎﻧﺖ ﺑﺘﺤﺎﺭﺏ ﺟﻮﺍﺯﻙ ﻣﻦ " ﻋﻤﺮ " .. ﺍﻧﺘﻰ ﺻﺤﻴﺢ ﻭﺿﻌﻚ ﺃﺣﺴﻦ ﻣﻨﻰ ﺑﻜﺘﻴﺮ .. ﺑﺲ ﻫﻰ ﺩﺍﻳﻤﺎً ﺑﺘﺤﺐ ﺍﻟﻤﻈﺎﻫﺮ .. ﻭﻋﺸﺎﻥ ﻛﺪﺓ ﻣﺶ ﻗﺎﺩﺭﺓ ﺗﻔﻬﻢ ﺍﻧﻚ ﺯﻭﺟﺔ ﻣﻤﺘﺎﺯﺓ ﻟـ " ﻋﻤﺮ .. " ﻭﺍﻧﻪ ﺍﺧﺘﺎﺭ ﺻﺢ
ﺳﻌﺪﺕ " ﻳﺎﺳﻤﻴﻦ " ﻟﻠﻐﺎﻳﺔ ﻟﻬﺬﺍ ﺍﻹﻃﺮﺍﺀ ﺍﻟﺬﻯ ﺳﻤﻌﺘﻪ ﻣﻦ ﺃﻡ ﺯﻭﺟﻬﺎ .. ﺃﻛﻤﻠﺖ " ﻛﺮﻳﻤﻪ " :
- ﺃﻧﺎ ﻋﺎﺭﻓﻪ ﺍﻧﻚ ﺣﺴﻪ ﺩﻟﻮﻗﺘﻰ ﺍﻧﻚ ﻏﺮﻳﺒﻪ ﺑﺲ ﻣﺘﻘﻠﻘﻴﺶ ﺑﻜﺮﺓ ﺗﺘﻌﻮﺩﻯ ﻋﻠﻰ ﻋﻴﺸﺘﻨﺎ ﻭﺗﺤﺴﻰ ﺍﻧﻪ ﺑﻴﺘﻚ
ﺍﺑﺘﺴﻤﺖ " ﻳﺎﺳﻤﻴﻦ " ﻭﻗﺎﻟﺖ ﺑﺘﺄﺛﺮ :
- ﺑﺠﺪ ﺣﻀﺮﺗﻚ ﻃﻴﺒﺔ ﺃﻭﻯ .. ﺣﺴﻪ ﺍﻧﻚ ﻓﻬﻤﺎﻧﻰ ﻭﺣﺴﻪ ﺑﻴﺎ .. ﻭﺩﻩ ﻣﻦ ﺃﻭﻝ ﻳﻮﻡ ﺍﺗﻜﻠﻤﻨﺎ ﻓﻴﻪ ﻣﻊ ﺑﻌﺾ ﻟﻤﺎ ﺣﻀﺮﺗﻚ ﺟﺘﻴﻠﻰ ﺍﻟﻤﻜﺘﺐ .. ﻣﻦ ﻳﻮﻣﻬﺎ ﻭﺃﻧﺎ ﺣﺴﻪ ﺑﻜﺪﻩ
ﻗﺎﻟﺖ " ﻛﺮﻳﻤﻪ " ﻣﺒﺘﺴﻤﻪ :
- ﻭﺃﻧﺎ ﻛﻤﺎﻥ ﻣﻦ ﺍﻟﻴﻮﻡ ﺩﻩ ﻭﺃﻧﺎ ﺣﺒﻴﺘﻚ ﺃﻭﻯ .. ﻣﻌﺮﻓﺶ ﻳﻤﻜﻦ ﻋﺸﺎﻥ ﺷﻮﻓﺖ ﻧﻔﺴﻲ ﻓﻴﻜﻲ
ﺻﻤﺖ ﺑﺮﻫﻪ ﺛﻢ ﻗﺎﻟﺖ ﺑﺘﺮﺩﺩ :
- ﺑﺼﺮﺍﺣﺔ ﺍﻟﺤﺎﺟﺔ ﺍﻟﻮﺣﻴﺪﺓ ﺍﻟﻠﻰ ﻛﺎﻧﺖ ﻣﻀﺎﻳﻘﺎﻧﻰ ﻫﻰ ﻣﻮﺿﻮﻉ ﺟﻮﺍﺯﻙ ﺍﻷﻭﻻﻧﻰ .. ﻳﻌﻨﻲ ﺃﻯ ﺃﻡ ﺗﺘﻤﻨﻰ ﺍﻥ ﺍﺑﻨﻬﺎ ﻳﺘﺠﻮﺯ ﺑﻨﻮﺗﻪ ﻣﺴﺒﻘﻠﻬﺎﺵ ﺍﻟﺠﻮﺍﺯ .. ﺑﺲ ﺗﻤﺴﻚ " ﻋﻤﺮ " ﺑﻴﻜﻲ ﻭ ﺍﻋﺠﺎﺑﻲ ﺑﺸﺨﺼﻴﺘﻚ .. ﺧﻠﻮﻧﻰ ﺍﺗﻐﺎﺿﻰ ﻋﻦ ﺍﻷﻣﺮ ﺩﻩ
ﺻﻤﺘﺖ " ﻳﺎﺳﻤﻴﻦ " .. ﺑﺪﺍ ﻋﻠﻴﻬﺎ ﺍﻟﺘﻔﻜﻴﺮ .. ﻓﻘﺎﻟﺖ " ﻛﺮﻳﻤﻪ " :
- ﺍﻭﻋﻰ ﻳﻜﻮﻥ ﻛﻼﻣﻰ ﺿﺎﻳﻘﻚ .. ﺃﻧﺎ ﺑﺲ ﺣﺴﻴﺖ ﺍﻧﻨﺎ ﻗﺮﺑﻨﺎ ﻣﻦ ﺑﻌﺾ ﻓﺤﺒﻴﺖ ﺃﻓﺘﺤﻠﻚ ﻗﻠﺒﻲ ﻭﻧﺘﻜﻠﻢ ﺑﺼﺮﺍﺣﺔ
ﻧﻈﺮﺕ " ﻳﺎﺳﻤﻴﻦ " ﺍﻟﻴﻬﺎ ﻗﺎﺋﻠﻪ ﺑﺸﺊ ﻣﻦ ﺍﻟﺨﺠﻞ :
- ﻷ ﻣﻀﺎﻳﻘﺘﺶ ﻭﺃﻧﺎ ﺣﺒﻪ ﺍﻥ ﺃﻧﺎ ﻭﺣﻀﺮﺗﻚ ﺍﻟﻌﻼﻗﺔ ﺑﻴﻨﺎ ﺗﻜﻮﻥ ﻛﻮﻳﺴﺔ ﻛﺪﺓ .. ﻭﺃﻧﺎ ﺣﺴﻪ ﻓﻌﻼً ﺍﻥ ﺣﻀﺮﺗﻚ ﻃﻴﺒﺔ ﻭﺣﻨﻴﻨﺔ ﻭﻣﻌﻮﺿﺎﻧﻰ ﻋﻦ ﻣﺎﻣﺎ ﺍﻟﻠﻪ ﻳﺮﺣﻤﻬﺎ .. ﺑﺲ ﻓﻰ ﺣﺎﺟﻪ ﺑﺲ ﺃﺣﺐ ﺃﻗﻮﻟﻬﺎﻟﻚ ﻋﺸﺎﻥ ﺃﻃﻤﻨﻚ ﺷﻮﻳﺔ
- ﺧﻴﺮ ﻳﺎ ﺣﺒﻴﺒﺘﻰ
ﻗﺎﻟﺖ ﺑﺘﻮﺗﺮ :
- ﻳﻌﻨﻲ ﺑﺨﺼﻮﺹ ﺟﻮﺍﺯﻯ ﺍﻷﻭﻻﻧﻰ .. ﻳﻌﻨﻲ .. ﺃﻧﺎ ﻣﺘﺠﻮﺯﺗﺶ .. ﻳﻌﻨﻲ ﻫﻮ ﻣﻠﻤﺴﻨﻴﺶ
ﻧﻈﺮﺕ ﺍﻟﻴﻬﺎ " ﻛﺮﻳﻤﺔ " ﺑﺪﻫﺸﺔ ﺛﻢ ﻗﺎﻟﺖ :
- ﺍﺯﺍﻯ " .. ﻋﻤﺮ " ﻗﺎﻝ ﺍﻧﻜﻮﺍ ﺍﺗﺠﻮﺯﺗﻮﺍ ﺷﻬﺮ ﺗﻘﺮﻳﺒﺎً
- ﺃﻳﻮﺓ .. ﻫﻮ ﺃﻋﺪ ﻣﻌﺎﻳﺎ ﺧﻤﺲ ﺃﻳﺎﻡ ﺑﺲ ﻭﺑﻌﺪﻳﻦ ﺳﺎﻓﺮ .. ﻭﺃﻧﺎ ﻛﻨﺖ ... ﻳﻌﻨﻲ .. ﺍﻟﻤﻌﺎﺩ ﻣﻜﻨﺶ ﻣﻨﺎﺳﺐ ﻟﻴﺎ
ﺍﺗﺴﻌﺖ ﺍﺑﺘﺴﺎﻣﺔ " ﻛﺮﻳﻤﺔ " ﻭﻭﻗﻔﺖ ﺗﺄﺧﺬﻫﺎ ﻓﻰ ﺣﻀﻨﻬﺎ ﻭﻗﺎﻟﺖ ﺑﺤﻤﺎﺱ :
- ﺣﺒﻴﺒﺘﻰ .. ﻣﺘﺘﺼﻮﺭﻳﺶ ﺃﻧﺎ ﻓﺮﺣﺖ ﺍﺯﺍﻯ ﺑﻜﻼﻣﻚ ﺩﻩ .. ﻭﻓﺮﺣﺖ ﺃﻛﺘﺮ ﻋﺸﺎﻥ " ﻋﻤﺮ "
ﺍﺑﺘﺴﻤﺖ " ﻳﺎﺳﻤﻴﻦ " ﻟﻠﺴﻌﺎﺩﺓ ﺍﻟﺒﺎﺩﻳﺔ ﻋﻠﻰ ﻭﺟﻪ " ﻛﺮﻳﻤﻪ " ﻭﺣﻤﺪﺕ ﺍﻟﻠﻪ ﺃﻥ ﻭﻓﻖ ﺑﻴﻨﻬﺎ ﻭﺑﻴﻦ ﺃﻡ ﺯﻭﺟﻬﺎ .. ﺟﻠﺴﺖ ﺍﻟﻤﺮﺃﺗﺎﻥ ﻣﺮﺓ ﺃﺧﺮﻯ ﻭﺗﻨﺎﻭﻻ ﺍﻟﻔﻄﺎﺭ ﻣﻌﺎً ﻭﻫﻤﺎ ﻣﻨﺴﺠﻤﺘﺎﻥ ﻓﻰ ﺍﻟﺤﺪﻳﺚ .. ﺣﺘﻰ ﻗﺎﻟﺖ " ﻳﺎﺳﻤﻴﻦ " :
- ﻣﻤﻜﻦ ﺃﺳﺄﻝ ﺣﻀﺮﺗﻚ ﺳﺆﺍﻝ ﻳﺎ ﻣﺎﻣﺎ
- ﺍﺳﺄﻟﻰ ﻳﺎ ﺣﺒﻴﺒﺘﻰ
- ﻫﻮ ﺍﻟﺤﺮﻕ ﺍﻟﻠﻰ ﻓﻰ ﺍﻳﺪ " ﻋﻤﺮ " ﺩﻩ ﻗﺪﻳﻢ ﻭﻻ ﺟﺪﻳﺪ
ﻗﺎﻟﺖ " ﻛﺮﻳﻤﻪ " ﻭﻫﻰ ﺷﺎﺭﺩﻩ :
- ﻷ ﺟﺪﻳﺪ ﻣﻦ ﻳﻮﻡ ﻣﺎ ﺳﺎﻓﺮ ﺍﻟﻤﺰﺭﻋﺔ ﺁﺧﺮ ﻣﺮﺓ .. ﺳﺄﻟﺘﻪ ﻋﻠﻴﻪ ﺑﺲ ﻛﺎﻥ ﺭﺩﻩ ﻏﺮﻳﺐ ﺃﻭﻯ
ﻗﺎﻟﺖ " ﻳﺎﺳﻤﻴﻦ " ﺑﺈﻫﺘﻤﺎﻡ :
- ﺭﺩ ﻗﺎﻝ ﺍﻳﻪ ؟
ﺭﺩﺕ " ﻛﺮﻳﻤﻪ " ﺑﺈﺳﺘﻐﺮﺍﺏ :
- ﺭﺩ ﻭﻗﺎﻟﻰ ﺍﻧﻪ ﻋﻘﺎﺏ ﻣﻦ ﺭﺑﻨﺎ
ﻻﺡ ﺍﻟﺤﺰﻥ ﻋﻠﻰ ﻭﺟﻪ " ﻳﺎﺳﻤﻴﻦ " ﻓﺄﻛﻤﻠﺖ " ﻛﺮﻳﻤﻪ " :
- ﻣﻌﺮﻓﺶ ﻛﺎﻥ ﻳﻘﺼﺪ ﺍﻳﻪ .. ﻭﺳﺎﻋﺘﻬﺎ ﺍﻧﺸﻐﻠﻨﺎ ﺑﺎﻷﺣﺪﺍﺙ ﺍﻟﻠﻰ ﺣﺼﻠﺖ ﻓﻰ ﺍﻟﻤﺰﺭﻋﺔ ﻭﻣﺴﺄﻟﺘﻮﺵ ﺗﺎﻧﻰ
ﻧﻈﺮﺕ " ﻛﺮﻳﻤﻪ " ﺍﻟﻰ " ﻳﺎﺳﻤﻴﻦ " ﺍﻟﺘﻰ ﺷﺮﺩﺕ ﻭﻗﺎﻟﺖ ﺑﺈﻫﺘﻤﺎﻡ :
- ﻟﻴﻪ ﻓﻰ ﺣﺎﺟﻪ ؟
ﻗﺎﻟﺖ " ﻳﺎﺳﻤﻴﻦ " ﺑﺴﺮﻋﺔ :
- ﻻ ﺃﺑﺪﺍً ﺃﻧﺎ ﺑﺴﺄﻝ ﺑﺲ .. ﻓﻀﻮﻝ ﻣﺶ ﺃﻛﺘﺮ
ﺗﻨﻬﺪﺕ " ﻳﺎﺳﻤﻴﻦ " ﻭﻫﻰ ﺗﺤﺎﻭﻝ ﻃﺮﺩ ﺍﻷﻓﻜﺎﺭ ﺍﻟﺴﻮﺩﺍﺀ ﻣﻦ ﺭﺃﺳﻬﺎ .
****************************
ﻛﺎﻧﺖ " ﻳﺎﺳﻤﻴﻦ " ﺗﺘﻤﺸﻰ ﻓﻰ ﺍﻟﺤﺪﻳﺜﺔ ﺃﺛﻨﺎﺀ ﺍﻧﺸﻐﺎﻝ " ﻋﻤﺮ " ﻓﻰ ﺍﻟﺤﺪﻳﺚ ﻣﻊ ﻭﺍﻟﺪﻩ ﻓﻰ ﺍﻟﻤﻜﺘﺐ ﻋﻨﺪﻣﺎ ﺍﻗﺘﺮﺏ ﻣﻨﻬﺎ " ﻋﻼﺀ .. " ﻓﺠﻔﻠﺖ ﻟﺮﺅﻳﺘﻪ ﻫﻤﺖ ﺑﻤﻐﺎﺩﺭﺓ ﺍﻟﻤﻜﺎﻥ ﻟﻜﻨﻪ ﺃﻭﻗﻔﻬﺎ ﻗﺎﺋﻼً :
- ﺍﻳﻪ ﺭﺍﺣﻪ ﻓﻴﻦ .. ﺧﻠﻴﻜﻲ ﻧﺘﻜﻠﻢ ﺷﻮﻳﺔ
ﻗﺎﻟﺖ ﺩﻭﻥ ﺃﻥ ﺗﻨﻈﺮ ﺍﻟﻴﻪ :
- ﻋﻦ ﺍﺫﻧﻚ
ﻫﻤﺖ ﺑﺄﻥ ﺗﻨﺼﺮﻑ ﻓﺈﻋﺘﺮﺽ ﻃﺮﻳﻘﻬﺎ ﻣﺮﺓ ﺃﺧﺮﻯ ﻗﺎﺋﻼً :
- ﺷﻜﻠﻚ ﺧﺎﻳﻔﻪ ﻣﻦ " ﻋﻤﺮ " .. ﻣﻌﻠﺶ ﻫﻮ ﺍﺑﻦ ﺧﺎﻟﻰ ﻛﺪﻩ ﻣﻌﻘﺪ ﻭﺑﻴﻌﻘﺪﻫﺎ ﻋﻠﻰ ﺍﻟﻨﺎﺱ ﺍﻟﻠﻰ ﺣﻮﺍﻟﻴﻪ
ﺷﻌﺮﺕ " ﻳﺎﺳﻤﻴﻦ " ﺑﺎﻟﻐﻀﺐ ﻟﺘﺤﺪﺛﻪ ﺑﻬﺬﻩ ﺍﻟﻄﺮﻳﻘﺔ ﻋﻦ " ﻋﻤﺮ " ﻓﻘﺎﻟﺖ ﻟﻪ :
- ﻷ ﺟﻮﺯﻯ ﻣﺶ ﻣﻌﻘﺪ ﻭﻟﻮ ﺳﻤﺤﺖ ﻋﺪﻳﻨﻲ
ﺃﻓﺴﺢ ﻟﻬﺎ ﺍﻟﻄﺮﻳﻖ ﻭﻗﺎﻝ ﺑﻠﻬﺠﺔ ﺳﺎﺧﺮﺓ :
- ﺍﺗﻔﻀﻠﻰ
ﻣﺸﺖ ﻓﻰ ﻃﺮﻳﻘﻬﺎ ﺑﺴﺮﻋﺔ ﻓﺎﻟﺘﻘﺖ ﺑـ " ﻋﻤﺮ " ﺍﻟﺬﻯ ﺃﻗﺒﻞ ﺍﺗﺠﺎﻫﻬﺎ ﻭﻗﻔﺖ ﺃﻣﺎﻣﻪ .. ﺃﻟﻘﻰ ﻧﻈﺮﺓ ﻋﻠﻰ " ﻋﻼﺀ " ﺍﻟﺬﻯ ﻳﻐﺎﺩﺭ .. ﺛﻢ ﻋﻠﻴﻬﺎ ﻭﻗﺎﻝ :
- ﻓﻰ ﺣﺎﺟﻪ ﻳﺎ " ﻳﺎﺳﻤﻴﻦ "
ﻗﺎﻟﺖ ﺑﺘﻮﺗﺮ :
- ﻷ ﻣﻔﻴﺶ ﺣﺎﺟﻪ
ﺃﻟﻘﻰ ﻋﻠﻰ " ﻋﻼﺀ " ﻧﻈﺮﺓ ﺃﺧﺮﻯ ﺛﻢ ﻗﺎﻝ :
- ﺣﺪ ﺿﺎﻳﻘﻚ
ﻧﻈﺮﺕ ﻟﻬﺎ ﻗﺎﺋﻠﻪ :
- ﻷ ﻣﺤﺪﺵ ﺿﺎﻳﻘﻨﻲ ﻳﺎ " ﻋﻤﺮ .. " ﻣﺘﻘﻠﻘﺶ
ﺗﻨﻬﺪ " ﻋﻤﺮ " ﻭﻗﺎﻝ ﺑﻀﻴﻖ :
" - ﻳﺎﺳﻤﻴﻦ .. " ﻟﻮ " ﻋﻼﺀ " ﺣﺎﻭﻝ ﻳﻜﻠﻤﻚ ﻣﺘﺮﺩﻳﺶ ﻋﻠﻴﻪ .. ﻫﻮ ﻛﺪﺓ ﻃﻮﻝ ﻋﻤﺮﻩ ﻳﺸﻮﻑ ﺍﻳﻪ ﺍﻟﻠﻰ ﺑﻴﻀﺎﻳﻘﻨﻲ ﻭﻳﻌﻤﻠﻪ .. ﻭﻫﻮ ﻋﺎﺭﻑ ﺍﻧﻰ ﺑﻐﻴﺮ ﻋﻠﻴﻜﻲ ﻭﻋﺸﺎﻥ ﻛﺪﻩ ﺑﻴﺘﻌﻤﺪ ﻳﺴﺘﻈﺮﻑ ﻭﻳﺴﺘﺨﻒ ﺩﻣﻪ
ﺍﺑﺘﺴﻤﺖ ﻭﻧﻈﺮﺕ ﻟﻪ ﺑﺤﺐ ﻗﺎﺋﻠﻪ :
- ﻣﺘﻘﻠﻘﺶ ﻣﺶ ﻫﺪﻳﻠﻪ ﻓﺮﺻﺔ ﻳﺘﻜﻠﻢ ﻣﻌﺎﻳﺎ
ﻛﺎﻧﺖ ﺗﺸﻌﺮ ﺑﺎﻟﺴﻌﺎﺩﺓ ﻛﻠﻤﺎ ﻟﻤﺴﺖ ﻏﻴﺮﺓ " ﻋﻤﺮ " ﻋﻠﻴﻬﺎ .. ﺍﻗﺘﺮﺏ ﻭﻧﻈﺮ ﺍﻟﻴﻬﺎ ﺑﺸﻐﻒ ﻫﺎﻣﺴﺎً :
- ﻣﺘﺒﺼﻠﻴﺶ ﻛﺪﻩ ﻭﺇﻻ ﺃﻧﺎ ﻣﺶ ﻣﺴﺆﻝ ﻋﻦ ﺍﻟﻠﻰ ﻫﻴﺤﺼﻞ
ﺍﺗﺴﻌﺖ ﺍﺑﺘﺴﺎﻣﺘﻬﺎ ﻓﺎﻗﺘﺮﺏ ﺃﻛﺜﺮ ﻭﻗﺎﻝ :
- ﻣﺸﺘﺎﻕ ﺃﻭﻯ ﺃﺷﻮﻓﻚ ﺑﺎﻟﻔﺴﺘﺎﻥ ﺍﻷﺑﻴﺾ .. ﺃﻛﻴﺪ ﻫﺘﻄﻠﻌﻰ ﻓﻴﻪ ﺯﻯ ﺍﻟﻘﻤﺮ
ﻟﻤﻌﺖ ﻋﻴﻨﺎﻫﺎ ﻓﻌﺎﻧﻘﺘﻬﺎ ﻋﻴﻨﺎﻩ ﻗﺎﺋﻼً :
- ﻫﺘﻠﺒﺴﻴﻪ ﺍﻣﺘﻰ
ﻗﺎﻟﺖ ﺑﺨﺠﻞ ﻭﻫﻰ ﺗﺘﺤﺎﺷﺎ ﺍﻟﻨﻈﺮ ﺍﻟﻴﻪ :
- ﺍﻟﻨﻬﺎﺭﺩﻩ ﺑﺎﻟﻠﻴﻞ
- ﻣﺎﺷﻰ .. ﻫﺤﺎﻭﻝ ﺃﺻﺒﺮ ﺍﻟﻜﺎﻡ ﺳﺎﻋﻪ ﺩﻭﻝ
ﺟﺎﺀﺕ " ﻛﺮﻳﻤﻪ " ﻓﺎﺑﺘﻌﺪﺕ " ﻳﺎﺳﻤﻴﻦ " ﻋﻦ " ﻋﻤﺮ " ﻗﻠﻴﻼً .. ﻭﺟﻬﺖ ﺣﺪﻳﺜﻬﺎ ﺍﻟﻴﻬﻤﺎ ﻗﺎﺋﻠﻪ :
- ﻳﻼ ﺑﻴﻨﺎ ﻋﺸﺎﻥ ﻧﻌﺪ ﻣﻊ ﺑﻌﺾ ﻭﻧﺘﻜﻠﻢ ﻓﻰ ﺗﻔﺎﺻﻴﻞ ﺍﻟﺤﻔﻠﺔ
ﺑﻌﺪ ﺍﻟﻐﺪﺍﺀ ﺻﻌﺪﺕ " ﻳﺎﺳﻤﻴﻦ " ﺍﻟﻰ ﻏﺮﻓﺘﻬﺎ ﻟﺘﻐﻴﺮ ﻣﻼﺑﺴﻬﺎ .. ﻓﺘﺤﺖ ﺩﻭﻻﺑﻬﺎ ﻭﻧﻈﺮﺕ ﺍﻟﻰ ﻓﺴﺘﺎﻥ ﺍﻟﻌﺮﺱ ﺑﺴﻌﺎﺩﺓ .. ﺫﻟﻚ ﺍﻟﻔﺴﺘﺎﻥ ﺍﻟﺬﻯ ﺗﻨﻮﻯ ﺍﺭﺗﺪﺍﺋﻪ ﺗﻠﻚ ﺍﻟﻠﻴﻠﺔ .. ﺍﺭﺗﺪﺕ ﻣﻼﺑﺴﻬﺎ ﻭﺣﺠﺎﺑﻬﺎ ﻛﻢ ﺗﻤﻨﺖ ﺭﺣﻴﻞ " ﻋﻼﺀ " ﻟﺘﺴﻄﻴﻊ ﺍﻟﺠﻠﻮﺱ ﻣﻌﻬﻢ ﺑﺪﻭﻥ ﺣﺠﺎﺏ .. ﺃﺛﻨﺎﺀ ﺍﺗﻤﺎﻣﻬﺎ ﻋﻠﻰ ﻣﻼﺑﺴﻬﺎ ﻭﺟﺪﺕ " ﻋﻤﺮ " ﻳﺪﺧﻞ ﺍﻟﻐﺮﻓﺔ ﻓﺎﻟﺘﻔﺘﺖ ﺍﻟﻴﻪ ﻗﺎﺋﻠﻪ ﺑﻤﺮﺡ :
- ﺟﻴﺖ ﺃﻏﻴﺮ ﻫﺪﻭﻣﻰ ﻭﻧﺎﺯﻟﺔ ﻟﻤﺎﻣﺎ " ﻛﺮﻳﻤﻪ " ﻓﻰ ﺍﻟﻤﻄﺒﺦ ﻗﺎﻟﺘﻠﻰ ﻫﺘﻌﻠﻤﻨﻰ ﻃﺮﻳﻘﻪ ﺃﻛﻠﻪ ﺍﻧﺖ ﺑﺘﺤﺒﻬﺎ
ﺑﺪﺍ " ﻋﻤﺮ " ﻭﺍﺟﻤﺎً .. ﻓﺎﺧﺘﻔﺖ ﺍﺑﺘﺴﺎﻣﺘﻬﺎ ﻭﺍﻗﺘﺮﺑﺖ ﻣﻨﻬﺎ ﻗﺎﺋﻠﻪ :
- ﻓﻰ ﺣﺎﺟﻪ ﻳﺎ " ﻋﻤﺮ "
ﻗﻄﺐ ﺟﺒﻴﻨﻪ ﻗﺎﺋﻼً :
- ﺍﻧﺘﻰ ﺳﺄﻟﺘﻰ ﻣﺎﻣﺎ ﻋﻦ ﺍﻟﺤﺮﻕ ﺍﻟﻠﻰ ﻓﻰ ﺍﻳﺪﻱ ؟
ﺍﺧﺘﻠﺞ ﻗﻠﺒﻬﺎ ﻭﻗﺎﻟﺖ ﺑﺼﻮﺕ ﺧﺎﻓﺖ :
- ﺃﻳﻮﺓ
- ﻟﻴﻪ ؟ .. ﻟﻴﻪ ﻣﺼﺮﺓ ﺗﺴﺄﻟﻰ ﻋﻦ ﺳﺒﺐ ﺍﻟﺤﺮﻕ
ﺑﻠﻌﺖ ﺭﻳﻘﻬﺎ ﻭﻗﺎﻟﺖ :
- ﻫﻰ ﻣﺎﻣﺎ ﻗﺎﻟﺘﻠﻚ ﺍﻳﻪ
- ﻗﺎﻟﺘﻠﻰ ﺍﻟﺤﺮﻕ ﺍﻟﻠﻰ ﻓﻰ ﺍﻳﺪﻙ ﻣﻦ ﺍﻳﻪ .. ﻗﻮﻟﺘﻠﻬﺎ ﺍﺷﻤﻌﻨﻰ ﺍﻳﻪ ﺍﻟﻠﻰ ﻓﻜﺮﻙ ﺑﻴﻪ ﺩﻟﻮﻗﺘﻰ .. ﻗﺎﻟﺘﻠﻰ " ﻳﺎﺳﻤﻴﻦ " ﺳﺄﻟﺘﻨﻰ ﻋﻨﻪ ﺍﻟﻨﻬﺎﺭﺩﻩ
ﻛﺎﻧﺖ " ﻳﺎﺳﻤﻴﻦ " ﺗﻬﺮﺏ ﻣﻦ ﺗﻠﻚ ﺍﻟﻤﻮﺍﺟﻬﻪ .. ﺑﻞ ﻻ ﺗﺮﻳﺪﻫﺎ ﻋﻠﻰ ﺍﻹﻃﻼﻕ .. ﻟﻢ ﺗﻜﻦ ﺗﺮﻳﺪ ﻟﺰﻭﺟﻬﺎ ﺃﻥ ﻳﻌﻠﻢ ﺑﻤﺎ ﻋﺮﻓﺘﻪ ﻋﻨﻪ .. ﺣﺘﻰ ﻳﻈﻞ ﻣﺘﺄﻛﺪﺍً ﻣﻦ ﺃﻥ ﺻﻮﺭﺗﻪ ﻟﻢ ﺗﺘﻐﻴﺮ ﻓﻰ ﻋﻴﻨﻴﻬﺎ .. ﻟﻜﻦ ﻫﺎ ﻫﻰ ﺍﻟﻤﻮﺍﺟﻬﻪ ﺣﺎﻧﺖ ﻭﻻ ﻣﻔﺮ .. ﻛﺎﻧﺖ ﺗﻠﻚ ﺍﻟﺬﻛﺮﻯ ﺗﺆﻟﻤﻬﺎ .. ﻭﻻ ﺗﻌﺮﻑ ﻛﻴﻒ ﺗﺘﺨﻴﺮ ﻛﻠﻤﺎﺗﻬﺎ .. ﺳﺄﻟﻬﺎ " ﻋﻤﺮ : "
- ﺍﻧﺘﻰ ﻟﻴﻪ ﻣﻬﺘﻤﺔ ﺑﻤﻮﺿﻮﻉ ﺍﻟﺤﺮﻕ ﻳﺎ " ﻳﺎﺳﻤﻴﻦ "
ﺃﺧﺬﺕ ﻧﻔﺲ " ﻋﻤﻴﻖ " ﻭﺗﺤﺎﺷﺖ ﺍﻟﻨﻈﺮ ﺍﻟﻰ ﻋﻴﻨﻴﻪ ﻭﻭﺟﻪ ﻭﻗﺎﻟﺖ :
- ﺃﻧﺎ ﻋﺮﻓﺖ ﻛﻞ ﺣﺎﺟﻪ ﻋﻦ ﺍﻟﺒﻴﺖ ﺍﻟﻤﺤﺮﻭﻕ ﻭﻋﻦ ﻋﻼﻗﺘﻚ ﺑﺼﻔﻴﺔ ﻣﺮﺍﺕ ﺍﻟﻐﻔﻴﺮ
ﺳﺎﺩ ﺍﻟﺼﻤﺖ ﻃﻮﻳﻼً ﺑﻴﻨﻬﻤﺎ .. ﻛﺎﻧﺖ ﺗﺘﺤﺎﺷﻰ ﺍﻟﻨﻈﺮ ﺍﻟﻰ ﻭﺟﻬﻪ .. ﻟﻜﻦ ﺍﻟﺼﻤﺖ ﻃﺎﻝ .. ﻓﺮﻓﻌﺖ ﻧﻈﺮﻫﺎ ﺍﻟﻴﻪ ﻟﺘﺮﺗﻄﻢ ﺑﺘﻌﺒﻴﺮﺍﺕ ﻭﺟﻬﻪ ﺍﻟﻤﺘﺠﻤﺪﻩ .. ﺳﺄﻟﻬﺎ ﺑﺼﻮﺕ ﺭﺧﻴﻢ :
- ﻋﺮﻓﺘﻲ ﺍﻳﻪ ﺑﺎﻟﻈﺒﻂ ؟
ﺷﻌﺮﺕ ﺑﻐﺼﺔ ﻓﻰ ﺣﻠﻘﻬﺎ ﻭﺑﻨﺎﺭ ﻓﻰ ﻗﻠﺒﻬﺎ .. ﻗﻄﺒﺖ ﺟﺒﻴﻨﻬﺎ ﻭﻗﺎﻟﺖ ﺑﺼﻮﺕ ﻻ ﻳﻜﺎﺩ ﻳﺴﻤﻊ :
- ﻋﺮﻓﺖ ﺍﻧﻚ ﻛﻨﺖ ﻋﻠﻰ ﻋﻼﻗﻪ ﺑﻴﻬﺎ ﻭﺟﻮﺯﻫﺎ ﻋﺮﻑ ﻭﺣﺮﻕ ﺍﻟﺒﻴﺖ ﻭﺍﻧﺖ ﻭﻫﻰ ﺟﻮﺍﻩ .. ﻭﺍﻥ ﺍﻟﺮﺍﺟﻞ ﺍﻟﻠﻰ ﺍﻧﻘﺬﻛﻮﺍ ﺍﺩﻳﺘﻪ ﻓﻠﻮﺱ ﻋﺸﺎﻥ ﻳﺘﺴﺘﺮ ﻋﻠﻴﻜﻮﺍ ..
ﻧﻈﺮﺕ ﺍﻟﻴﻪ ﻣﺮﺓ ﺃﺧﺮﻯ .. ﻣﺎﺯﺍﻝ ﻭﺟﻬﻪ ﺧﺎﻟﻰ ﻣﻦ ﺃﻯ ﺗﻌﺒﻴﺮ .. ﺳﺄﻟﻬﺎ ﺑﻬﺪﻭﺀ :
- ﻋﺮﻓﺘﻰ ﻣﻨﻴﻦ ﻛﻞ ﺩﻩ
- ﺍﻟﺮﺍﺟﻞ ﺟﺎﻟﻰ ﻗﺒﻞ ﻛﺘﺒﺖ ﺍﻟﻜﺘﺎﺏ ﺑﻴﻮﻡ ﻭﻗﺎﻟﻰ ﺍﻟﻜﻼﻡ ﺩﻩ .. ﻭﺃﻧﺎ ﺍﺗﺎﻛﺪﺕ ﺍﻥ ﺍﺳﻤﻚ ﻭﺍﺳﻤﻬﺎ ﻣﻮﺟﻮﺩ ﻓﻰ ﻣﻠﻔﺎﺕ ﺍﻟﻤﺴﺘﺸﻔﻰ ﻓﻰ ﻳﻮﻡ ﺍﻟﺤﺎﺩﺛﺔ
ﻗﺎﻝ ﺑﺒﺮﻭﺩ :
- ﻋﺸﺎﻥ ﻛﺪﻩ ﻗﻮﻟﺘﻴﻠﻰ ﻳﻮﻡ ﻛﺘﺐ ﺍﻟﻜﺘﺎﺏ ﺍﻧﻚ ﻣﺶ ﻋﺎﻳﺰﺍﻧﻰ
ﺃﻭﻣﺄﺕ ﺑﺮﺃﺳﻬﺎ ﺍﻳﺠﺎﺑﺎً .. ﺳﺎﺩ ﺍﻟﺼﻤﺖ ﻣﺮﺓ ﺃﺧﺮﻯ .. ﺭﻓﻌﺖ ﺭﺃﺳﻬﺎ ﺗﻨﻈﺮ ﺍﻟﻴﻪ ﻗﺎﺋﻠﻪ ﺑﺼﻮﺕ ﻣﺮﺗﺠﻒ :
- ﺃﻧﺎ ﺳﺎﻣﺤﺘﻚ ﻳﺎ " ﻋﻤﺮ " .. ﻭﺑﺤﺎﻭﻝ ﺃﻧﺴﻰ ﺍﻟﻠﻰ ﺍﻧﺖ ﻋﻤﻠﺘﻪ .. ﻻﻧﻰ ﺣﺴﻪ ﺍﻧﻚ ﺍﺗﻐﻴﺮﺕ .. ﻭﺍﻧﻚ ﺑﻘﻴﺖ ﺍﻧﺴﺎﻥ ﻛﻮﻳﺲ .. ﺃﻧﺎ ﺳﺎﻣﺤﺘﻚ
ﺻﻤﺖ .. ﻟﻢ ﻳﺘﺤﺪﺙ .. ﻟﻢ ﻳﺘﺤﺮﻙ .. ﺍﻗﺘﺮﺑﺖ ﻣﻨﻪ ﻟﺘﻠﻤﺲ ﺫﺭﺍﻋﻪ ﻗﺎﺋﻠﻪ :
"- ﻋﻤﺮ "
ﻭﻟﺪﻫﺸﺘﻬﺎ ﻧﻔﺾ ﺫﺭﺍﻋﻪ ﻟﻴﺒﻌﺪﻩ ﻋﻦ ﻳﺪﻫﺎ .. ﻭﺃﺧﻴﺮﺍً ﻇﻬﺮﺕ ﺗﻐﻴﺮﺕ ﺗﻌﺒﺮﻳﺎﺕ ﻭﺟﻬﻪ ﺍﻟﻤﺘﺠﻤﺪﺓ .. ﻭﻟﻜﻦ ﻟﺪﻫﺸﺘﻬﺎ ﺗﺤﻮﻟﺖ ﺍﻟﻰ ﻏﻀﺐ ﻫﺎﺩﺭ .. ﻟﻢ ﺗﺮﻯ ﻋﻴﻨﻴﻪ ﺗﺸﻌﺎﻥ ﺑﻬﺬﺍ ﺍﻟﻐﻀﺐ ﻣﻦ ﻗﺒﻞ .. ﻗﺎﻝ ﺑﺼﻮﺕ ﻫﺎﺩﺭ :
- ﻳﻌﻨﻲ ﻃﻮﻝ ﺍﻟﻮﻗﺖ ﺩﻩ ﻭﺍﻧﺘﻰ ﻋﺎﻳﺸﻪ ﻣﻌﺎﻳﺎ ﻭﻓﺎﻛﺮﺓ ﺍﻧﻰ ﻭﺍﺣﺪ ﺳﺎﻓﻞ
ﻧﻈﺮﺕ ﺍﻟﻰ ﻏﻀﺒﻪ ﺑﺪﻫﺸﺔ ﻭﺣﻴﺮﺓ .. ﻓﺄﻛﻤﻞ ﺑﻐﻀﺐ :
- ﻋﺎﻳﺸﺔ ﻣﻌﺎﻳﺎ ﻓﻰ ﺑﻴﺖ ﻭﺍﺣﺪ ﻭﺍﻧﺘﻰ ﻓﺎﻛﺮﺓ ﺍﻧﻰ ﻛﻨﺖ ﻋﻠﻰ ﻋﻼﻗﺔ ﺑﻮﺍﺣﺪﺓ ﻣﺘﺠﻮﺯﺓ .. ﻭﻣﺶ ﻛﺪﻩ ﻭﺑﺲ .. ﺟﻮﺯﻫﺎ ﺑﻴﺸﺘﻐﻞ ﻋﻨﺪﻯ .. ﻭﻛﻤﺎﻥ ﺩﻓﻌﺖ ﺭﺷﻮﻯ ﻋﺸﺎﻥ ﺃﺗﺴﺘﺮ ﻋﻠﻰ ﻋﻼﻗﺘﻰ ﺑﻴﻬﺎ
ﺍﻗﺘﺮﺏ ﻣﻨﻬﺎ ﻭﺍﻣﺴﻚ ﺑﺬﺭﺍﻋﻬﺎ ﺑﻘﻮﺓ ﺣﺘﻰ ﺃﻟﻤﺘﻬﺎ ﻗﺎﺋﻼً :
- ﻣﺶ ﻛﺪﻩ ﻳﺎ " ﻳﺎﺳﻤﻴﻦ .. " ﻫﻰ ﺩﻯ ﺍﻟﺼﻮﺭﺓ ﺍﻟﻠﻰ ﺍﻧﺘﻰ ﺭﺍﺳﻤﺎﻫﺎ ﻟﻴﺎ .. ﺍﻥ ﺃﻧﺎ ﻭﺍﺣﺪ ﻣﻨﺤﻂ ﻭﺣﻘﻴﺮ ﺑﺎﻟﺸﻜﻞ ﺩﻩ .. ﻫﻪ ﺭﺩﻯ
ﻛﺎﻧﺖ ﻗﺒﻀﺔ ﻳﺪﻩ ﺗﺆﻟﻤﻬﺎ ﺑﺸﺪﺓ ﻗﺎﻟﺖ ﺑﺄﻟﻢ :
" - ﻋﻤﺮ " ﺩﺭﺍﻋﻰ
ﺍﻧﺘﺒﻪ ﻟﻘﺒﻀﺘﻪ ﻓﺘﺮﻙ ﺫﺭﺍﻋﻬﺎ .. ﻓﺮﻛﺖ ﺫﺭﺍﻋﻬﺎ ﺑﻴﺪﻫﺎ ﻭﻫﻰ ﺗﻨﻈﺮ ﺍﻟﻴﻪ ﻧﻈﺮﺓ ﺣﻴﺮﺓ ﻭﺩﻫﺸﺔ .. ﻛﺎﻧﺖ ﻣﺎﺯﺍﻟﺖ ﻧﻈﺮﺍﺗﻪ ﻏﺎﺿﺒﺔ ﻧﺎﺭﻳﺔ .. ﺻﺎﺣﺖ ﻗﺎﺋﻠﻪ :
- ﺍﻧﺎ ﻋﺎﺭﻓﻪ ﻛﻮﻳﺲ ﺍﻟﻠﻰ ﺣﺼﻞ ﻳﺎ " ﻋﻤﺮ " ﻭﺃﻧﺎ ﺍﺗﺎﻛﺪﺕ ﺑﻨﻔﺴﻰ ﻣﻦ ﺳﺠﻼﺕ ﺍﻟﻤﺴﺘﺸﻔﻰ .. ﻭﻣﻦ ﻛﻼﻣﻚ ﺍﻧﺖ ﺷﺨﺼﻴﺎً .. ﻣﻦ ﺍﺟﺎﺑﺎﺗﻚ ﻋﻠﻰ ﻛﻞ ﺍﻟﻠﻰ ﺑﻴﺴﺄﻟﻚ ﻋﻦ ﺍﻟﺤﺮﻕ ﺩﻩ .. ﻭﺍﻧﺎ ﻗﻮﻟﺘﻠﻚ ﺍﻧﻰ ﺳﻤﺤﺘﻚ .. ﻓﻤﻔﻴﺶ ﺩﺍﻋﻰ ﺗﻜﺪﺏ ﻋﻠﻴﺎ ﻭﺗﻔﻬﻤﻨﻰ ﺍﻧﻚ ﺑﺮﺉ
ﺑﺪﺍ ﻭﻛﺄﻥ ﻏﻀﺒﻪ ﺗﻀﺎﻋﻒ ﻭﺍﺯﺩﺍﺩ ﺍﺣﻤﺮﺍﺭ ﻭﺟﻬﻪ ﻏﻀﺒﺎً ﻗﺎﻝ ﺑﺼﺮﺍﻣﺔ ﻭﺣﺰﻡ :
- ﺍﻟﻠﻰ ﺣﺼﻞ ﻛﺎﻟﺘﺎﻟﻰ ﻋﺎﻳﺰﺓ ﺗﺼﺪﻗﻰ ﺻﺪﻗﻰ ﻣﺶ ﻋﺎﻳﺰﺓ ﺍﻧﺘﻰ ﺣﺮﻩ .. ﺍﻟﺴﺖ ﺩﻯ ﻓﻌﻼ ﻛﺎﻥ ﺑﺘﺨﻮﻥ ﺟﻮﺯﻫﺎ ﺑﺲ ﻣﺶ ﻣﻌﺎﻳﺎ .. ﻣﻊ ﻣﻬﻨﺪﺱ ﻛﺎﻥ ﺷﻐﺎﻝ ﻓﻰ ﺍﻟﻤﺰﺭﻋﺔ ﻗﺒﻞ " ﺃﻳﻤﻦ " .. ﻭﺍﺳﺘﻤﺮﺕ ﻋﻼﻗﺘﻬﻢ ﺣﺘﻰ ﺑﻌﺪ ﻣﺎ ﻣﺸﻰ ﻣﻦ ﺍﻟﻤﺰﺭﻋﺔ ﻭﻛﺎﻧﻮﺍ ﺑﻴﺘﻘﺎﺑﻠﻮﺍ ﻓﻰ ﺍﻟﺒﻴﺖ ﺍﻟﻘﺪﻳﻢ
ﻫﺘﻔﺖ ﺑﻐﻀﺐ :
- ﺍﻟﺒﻴﺖ ﺍﻟﻠﻰ ﻫﻮ ﻣﻠﻜﻚ
- ﺃﻳﻮﺓ ﻣﻠﻜﻰ .. ﻭﻫﻮ ﻣﻌﻨﻰ ﺍﻧﻪ ﻣﻠﻜﻰ ﻳﺒﺄﻩ ﺃﻧﺎ ﺍﻟﻠﻰ ﻛﻨﺖ ﻣﻌﺎﻫﺎ ﻓﻴﻪ
ﺭﻓﻌﺖ ﺣﺎﺟﺒﻴﻬﺎ ﻭﻗﺎﻟﺖ ﺑﺼﺮﺍﻣﺔ :
- ﺍﻳﻪ ﺍﻟﻠﻰ ﻳﺨﻠﻰ ﻭﺍﺣﺪ ﺯﻳﻚ ﻳﺸﺘﺮﻯ ﺑﻴﺖ ﻗﺪﻳﻢ ﺯﻯ ﺩﻩ .. ﺑﻴﺖ ﻣﻬﺠﻮﺭ .. ﻭﻣﺒﻬﺪﻝ .. ﻭﻣﻔﻴﺶ ﻓﻴﻪ ﺍﻯ ﺣﺎﺟﻪ ﺗﺼﻠﺢ ﺍﻥ ﺍﻟﻮﺍﺣﺪ ﻳﻌﻴﺶ ﻓﻴﻪ .. ﺍﻳﻪ ﺍﻟﻠﻰ ﻳﺨﻠﻴﻚ ﺗﺸﺘﺮﻳﻪ
ﻗﺎﻝ ﺑﺼﺮﻣﺔ ﺑﺒﺮﻭﺩ :
- ﻋﺸﺎﻥ ﺃﻣﻰ
ﻧﻈﺮﺕ ﺍﻟﻴﻪ ﺑﺪﻫﺸﺔ ﻓﺄﻛﻤﻞ ﻗﺎﺋﻼً :
- ﺩﻩ ﺑﻴﺖ ﺃﻣﻰ ﺍﻟﻘﺪﻳﻢ ﺍﻟﻠﻰ ﻛﺎﻧﺖ ﻋﺎﻳﺸﺔ ﻓﻴﻪ ﻣﻊ ﺃﻫﻠﻬﺎ .. ﻟﻤﺎ ﺍﻫﻠﻬﺎ ﻣﺎﺗﻮﺍ ﺑﺎﻋﺖ ﺍﻟﺒﻴﺖ ﻭﺟﺖ ﻋﺎﺷﺖ ﻓﻰ ﺑﻴﺖ ﺍﻟﻤﺰﺭﻋﺔ ﻭﺍﺷﺘﻐﻠﺖ ﻓﻴﻪ .. ﻛﺎﻥ ﺍﻟﺒﻴﺖ ﺩﻩ ﺑﻴﻤﺜﻞ ﻟﻴﻬﺎ ﺫﻛﺮﻳﺎﺕ ﺟﻤﻴﻠﺔ ﻣﻊ ﺍﻫﻠﻬﺎ ﻭﻛﺎﻥ ﻧﻔﺴﻬﺎ ﺗﺤﺘﻔﻆ ﺑﻴﻪ ﺑﺲ ﻣﻜﺎﻧﺶ ﺻﺤﺎﺑﻪ ﺍﻟﺠﺪﺍﺩ ﺭﺍﺿﻴﻴﻦ ﻳﺒﻴﻌﻮﻩ ﻟﺤﺪ ﻣﻦ 6 ﺷﻬﻮﺭ ﺟﺎﻟﻰ ﺻﺎﺣﺐ ﺍﻟﺒﻴﺖ ﻭﺑﺎﻋﻬﻮﻟﻰ ﻭﺍﺷﺘﺮﻳﺘﻪ ﻋﺸﺎﻧﻬﺎ
ﻧﻈﺮﺕ ﺍﻟﻴﻪ " ﻳﺎﺳﻤﻴﻦ " ﺑﺄﻋﻴﻦ ﻣﺘﺤﺠﺮﺓ ﻭﺷﻠﺖ ﺍﻟﺼﺪﻣﺔ ﻟﺴﺎﻧﻬﺎ
ﺃﻛﻤﻞ ﺑﻘﺴﻮﺓ ﻭﺑﺼﻮﺕ ﻫﺎﺩﺭ :
- ﻣﺶ ﺍﻧﺎ ﺍﻟﻠﻰ ﻛﻨﺖ ﻣﻌﺎﻫﺎ ﻓﻰ ﺍﻟﺒﻴﺖ ﻳﺎ ﻣﺪﺍﻡ .. ﺍﻧﺎ ﻛﻨﺖ ﺭﺍﺟﻊ ﻣﻦ ﻋﻨﺪ " ﺃﻳﻤﻦ " ﻣﻦ ﺍﻟﻤﻨﺼﻮﺭﺓ ﻭﺷﻮﻓﺖ ﺍﻟﻨﺎﺭ ﻗﺎﻳﺪﻩ ﻓﻰ ﺍﻟﺒﻴﺖ .. ﻭﻗﻔﺖ ﺍﻟﻌﺮﺑﻴﺔ ﻋﻠﻰ ﺍﻟﻄﺮﻳﻖ ﻭﺟﺮﻳﺖ ﻧﺤﻴﺔ ﺍﻟﺒﻴﺖ ﻟﻘﻴﺘﻬﺎ ﺟﻮﻩ ﻭﻣﺶ ﻋﺎﺭﻓﻪ ﺗﺨﺮﺝ .. ﺑﻌﺪ ﻣﺎ ﺍﻟﺮﺍﺟﻞ ﺍﻟﻠﻰ ﻛﺎﻥ ﻣﻌﺎﻫﺎ ﺳﺒﻬﺎ ﻭﻫﺮﺏ .. ﺩﺧﻠﺖ ﺃﺣﺎﻭﻝ ﺍﺧﺮﺟﻬﺎ ﺑﺲ ﻛﺎﻧﺖ ﺍﻳﺪﻱ ﻣﺘﺠﺒﺴﻪ ﻭﻗﺘﻬﺎ ﻣﻌﺮﻓﺘﺶ ﺃﺷﻴﻠﻬﺎ ﻭﻫﻰ ﻛﺎﻧﺖ ﺧﺎﻳﻔﺔ ﺗﺨﺮﺝ ﻓﻰ ﺍﻟﻨﺎﺭ ﻻﻥ ﺍﻟﻨﺎﺭ ﻛﺎﻧﺖ ﻣﺤﺎﻭﻃﻪ ﺍﻟﺒﻴﺖ ﻛﻠﻪ .. ﻟﺤﺪ ﻣﺎ ﺍﻟﺮﺍﺟﻞ ﺍﻟﻠﻰ ﺟﺎﻟﻚ .. ﺷﻔﻨﺎ ﻭﺟﻪ ﻳﺴﺎﻋﺪﻧﺎ .. ﻭﻫﻰ ﻟﻤﺎ ﻋﺮﻓﺖ ﺍﻥ ﺍﻟﺮﺍﺟﻞ ﺷﺎﻑ ﺟﻮﺯﻫﺎ ﺍﻧﻬﺎﺭﺕ ﻭﻋﺮﻓﺖ ﺍﻧﻪ ﻋﺮﻑ ﺑﺨﻴﺎﻧﺘﻬﺎ ﻭﺍﻧﻪ ﻫﻮ ﺍﻟﻠﻰ ﺣﺮﻕ ﺍﻟﺒﻴﺖ .. ﺍﻭﻝ ﻣﺎ ﺳﻤﻌﺘﻬﺎ ﺑﺘﻘﻮﻝ ﻛﺪﻩ ﺍﺩﺍﻡ ﺍﻟﺮﺍﺟﻞ ﻃﻠﻌﺖ ﻓﻠﻮﺱ ﻭﺍﺩﻳﺘﻬﺎﻟﻪ ﻋﺸﺎﻥ ﻳﺘﺴﺘﺮ ﻋﻠﻴﻬﺎ ﻫﻴﺎ ﻣﺶ ﻋﻠﻴﺎ ﺍﻧﺎ
ﺷﻌﺮﺕ ﻭﻛﺄﻥ ﻗﻠﺒﻬﺎ ﻗﺪ ﺗﻮﻗﻒ ﻋﻦ ﺍﻟﺨﻔﻘﺎﻥ .. ﺃﻛﻤﻞ ﺑﻨﻔﺲ ﺍﻟﻘﺴﻮﺓ :
- ﻭﻟﻤﺎ ﺭﻭﺣﻨﺎ ﺍﻟﻤﺴﺘﺸﻔﻰ ﺣﻜﺘﻠﻰ ﻋﻠﻰ ﻛﻞ ﺣﺎﺟﺔ ﻭﻋﻦ ﻋﻼﻗﺘﻬﺎ ﺑﺎﻟﺒﺸﻤﻬﻨﺪﺱ " ﻣﺤﻤﺪ " .. ﺧﺮﺟﺖ ﻣﻦ ﺍﻟﻤﺴﺘﺸﻔﻰ ﻓﻰ ﻧﻔﺲ ﺍﻟﻴﻮﻡ ﻭﺭﻭﺣﺖ ﻟـ " ﻣﺤﻤﺪ " ﺑﻴﺘﻪ .. ﻭﺍﺗﺨﺎﻧﻘﺖ ﻣﻌﺎﻩ .. ﻭﺍﺗﺮﺟﺎﻧﻰ ﺍﻧﻰ ﺍﺗﺴﺘﺮ ﻋﻠﻴﻪ ﻋﺸﺎﻥ ﻣﺮﺍﺗﻪ ﻭﻭﻻﺩﻩ ﻻﻥ ﻣﺮﺍﺗﻪ ﻟﻮ ﻋﺮﻓﺖ ﻭﺍﻟﺨﺒﺮ ﻭﺻﻠﻬﺎ ﺃﻛﻴﺪ ﻫﺘﻄﻠﻖ ﻣﻨﻪ .. ﻭﻋﻴﻂ ﺃﺩﺍﻣﻰ ﻭﺃﻗﺴﻤﻠﻰ ﺍﻧﻬﺎ ﻏﻠﻄﺔ ﻭﻣﺶ ﻫﺘﺘﻜﺮﺭ ﻭﺍﻥ ﻫﻰ ﺍﻟﻠﻰ ﺃﻏﻮﺗﻪ ﻭﺧﻼﻧﻰ ﺃﻗﺴﻤﻠﻪ ﺍﻧﻰ ﻣﺘﻜﻠﻤﺶ ﻓﻰ ﺍﻟﻤﻮﺿﻮﻉ ﻣﻊ ﺣﺪ .. ﻭﻋﺸﺎﻥ ﻛﺪﻩ ﻣﺠﺒﺘﺶ ﺳﻴﺮﻩ ﻟﺤﺪ
ﺗﺠﻤﻌﺖ ﺍﻟﺪﻣﻮﻉ ﻓﻰ ﻋﻴﻨﻴﻬﺎ ﻭﻫﻰ ﺗﺸﻌﺮ ﺑﺪﻭﺍﺭ ﺑﺴﺒﺐ ﺻﺪﻣﺘﻬﺎ ﻣﻤﺎ ﺗﺴﻤﻊ .. ﻓﺄﻛﻤﻞ ﺑﻐﻀﺐ ﻣﻜﺘﻮﻡ :
- ﺑﻌﺪ ﻣﺎ ﺻﻔﻴﺔ ﻃﻠﻌﺖ ﻣﻦ ﺍﻟﻤﺴﺘﺸﻔﻰ ﺧﺎﻓﺖ ﺗﺮﺟﻊ ﻻﻫﻠﻬﺎ ﻋﺸﺎﻥ ﺟﻮﺯﻫﺎ ﻣﻴﻌﺮﻓﺶ ﺍﻧﻬﺎ ﻟﺴﻪ ﻋﺎﻳﺸﻪ ﻭﻳﺮﺟﻊ ﻳﻘﺘﻠﻬﺎ .. ﺍﺩﻳﺘﻠﻬﺎ ﻓﻠﻮﺱ ﻭﻗﻮﻟﺘﻠﻬﺎ ﺗﺴﺎﻓﺮ ﺍﻯ ﺑﻠﺪ ﺗﺎﻧﻴﺔ ﺗﻌﻴﺶ ﻓﻴﻬﺎ
ﻗﺎﻟﺖ ﺑﺼﻮﺕ ﻣﺮﺗﺠﻒ ﻣﻀﻄﺮﺏ ﻣﺒﺤﻮﺡ ﻭﺑﺄﻋﻴﻦ ﺣﺎﺋﺮﺓ :
- ﻟﻴﻪ ﻗﻮﻟﺘﻠﻰ ﺍﻧﻰ ﻟﻮ ﻋﺮﻓﺖ ﺳﺒﺐ ﺍﻟﺤﺮﻕ ﻫﺒﻌﺪ ﻋﻨﻚ ﻭﻟﻴﻪ ﻗﻮﻟﺖ ﻟﻤﺎﻣﺘﻚ ﺍﻧﻪ ﻋﻘﺎﺏ ﺭﺑﻨﺎ
ﺯﻓﺮ ﺑﻘﻮﺓ ﺛﻢ ﻗﺎﻝ ﺑﻐﻀﺐ :
- ﻻﻧﻰ ﻛﻨﺖ ﻋﺎﺭﻑ ﺍﻧﻬﺎ ﻣﺶ ﻣﻈﺒﻮﻃﻪ .. ﻭﻛﺎﻧﺖ ﺗﺼﺮﻓﺎﺗﻬﺎ ﻣﺶ ﻋﺠﺒﺎﻧﻰ ﻭﻣﻊ ﺫﻟﻚ ﺳﻜﺖ ﻭﺳﺒﺘﻬﺎ .. ﻟﻮ ﻛﻨﺖ ﻣﻦ ﺍﻻﻭﻝ ﻣﺸﺘﻬﺎ ﻫﻰ ﻭﺟﻮﺯﻫﺎ ﻣﻜﻨﺘﺶ ﻗﺪﺭﺕ ﺗﻮﺻﻞ ﻝ " ﻣﺤﻤﺪ " ﻭﻣﻜﻨﺘﺶ ﻋﻼﻗﺘﻬﺎ ﺑﻴﻪ ﺍﺳﺘﻤﺮﺕ ﻟﺤﺪ ﺩﻟﻮﻗﺘﻰ .. ﻭﻣﻜﻨﺶ ﺣﺼﻞ ﺩﻩ ﻛﻠﻪ
ﺃﻟﺠﻤﻬﺎ ﺑﻜﻼﻣﻪ .. ﻟﻢ ﺗﺴﺘﻄﻊ ﺃﻥ ﺗﺘﺤﺪﺙ .. ﻧﻈﺮﺕ ﺍﻟﻴﻪ ﻭﺍﻗﺘﺮﺑﺖ ﻣﻨﻪ .. ﻟﻜﻨﻪ ﺍﺑﺘﻌﺪ ﻋﻨﻬﺎ ﻭﺭﺟﻊ ﺍﻟﻰ ﺍﻟﺨﻠﻒ ﻭﻓﻰ ﻋﻴﻨﻴﻪ ﻧﻈﺮﺓ ﻗﺎﺳﻴﺔ ﻭﻗﺎﻝ :
- ﻣﻦ ﺃﻭﻝ ﻳﻮﻡ ﺟﻮﺍﺯ ﻗﻮﻟﺘﻠﻚ ﻻﺯﻡ ﻧﺒﻘﻰ ﺻﺮﺣﺎ ﻣﻊ ﺑﻌﺾ .. ﻭﺍﻟﻠﻲ ﻣﻀﺎﻳﻖ ﻣﻦ ﺍﻟﺘﺎﻧﻰ ﻓﻰ ﺣﺎﺟﻪ ﻳﻘﻮﻟﻬﺎ
ﻧﻈﺮﺕ ﺍﻟﻰ ﺍﻷﺭﺽ ﻭﻗﻄﺒﺖ ﺟﺒﻴﻨﻬﺎ ﻭﻗﺪ ﺷﻌﺮﺕ ﺑﺤﺠﻢ ﺫﻧﺒﻬﺎ .. ﻓﺄﻛﻤﻞ ﻗﺎﺋﻼً :
- ﻟﻜﻦ ﺍﻧﺘﻰ ﻋﻤﺮﻙ ﻣﺎ ﻛﻨﺘﻰ ﺻﺮﻳﺤﻪ ﻣﻌﺎﻳﺎ .. ﻭﻋﻤﺮﻙ ﻣﺎ ﻭﺛﻘﺘﻰ ﻓﻴﺎ .. ﻭﻋﻤﺮﻙ ﻣﺎ ﻋﺮﻓﺘﻴﻨﻲ ﺻﺢ
ﺛﻢ ﻗﺎﻝ :
- ﻭﻋﻤﺮﻙ ﻣﺎ ﺣﺒﺘﻴﻨﻲ
ﻧﻈﺮﺕ ﺍﻟﻴﻪ ﻓﻰ ﺃﻟﻢ .... ﻧﻈﺮ ﺍﻟﻴﻬﺎ " ﻋﻤﺮ " ﻧﻈﺮﻩ ﺻﺎﺭﻣﺔ ﺑﺎﺭﺩﺓ ﺧﺎﻟﻴﻪ ﻣﻦ ﺃﻯ ﺷﻌﻮﺭ ﻭﻗﺎﻝ ﺑﺼﻮﺕ ﻫﺎﺩﺭ :
- ﺍﺣﻨﺎ ﻻﺯﻡ ﻧﺘﻄﻠﻖ ﻳﺎ " ﻳﺎﺳﻤﻴﻦ "
ﺻﺪﻣﺖ ﻋﻨﺪﻣﺎ ﺳﻤﻌﺖ ﺗﻠﻚ ﺍﻟﻜﻠﻤﺔ ﺍﻟﺘﻰ ﻓﻜﺮﺕ ﻓﻴﻬﺎ ﻣﺮﺍﺭﺍً .. ﻟﻜﻦ ﻋﻨﺪﻣﺎ ﺧﺮﺟﺖ ﻣﻦ ﻓﻤﻪ ﻋﻠﻤﺖ ﻛﻢ ﻫﻰ ﻛﻠﻤﺔ ﻣﺮﻳﺮﺓ .. ﺗﺠﻤﻌﺖ ﺍﻟﺪﻣﻮﻉ ﻣﺮﺓ ﺃﺧﺮﻯ ﻓﻰ ﻋﻴﻨﻴﻬﺎ ﻭﻫﻰ ﺗﻨﻈﺮ ﺍﻟﻴﻪ ﺑﺤﺴﺮﺓ ﻭﺃﻟــﻢ .
ﺗﺠﻤﺪﺕ ﻓﻰ ﻣﻜﺎﻧﻬﺎ ﻭﺃﺧﺬﺕ ﺍﻟﻌﺒﺮﺍﺕ ﺗﺘﺴﺎﻗﻂ ﻣﻦ ﻋﻴﻨﻴﻬﺎ .. ﺑﺪﺕ ﻧﻈﺮﺍﺗﻪ ﻭﻗﺪ ﻻﻧﺖ ﻟﻠﺤﻈﺔ .. ﻟﻜﻨﻪ ﻋﺎﺩ ﻭﻧﻈﺮ ﺑﺼﺮﺍﻣﻪ ﻭﻗﺎﻝ :
- ﻫﻨﺴﺘﻨﻰ ﻟﺤﺪ ﻣﺎ ﺍﻟﺤﻔﻠﺔ ﺗﺨﻠﺺ ﻭﻧﺮﺟﻊ ﺍﻟﻤﺰﺭﻋﺔ ﻭﺑﻌﺪﻳﻦ ﻧﻨﻔﺼﻞ
ﻗﺎﻝ ﺫﻟﻚ ﻭﺗﺮﻛﻬﺎ ﻭﺣﺪﻫﺎ ﻓﻰ ﺍﻟﻐﺮﻓﺔ ﺗﻜﺎﺩ ﻗﺪﻣﺎﻫﺎ ﺗﺤﻤﻼﻧﻬﺎ ﺑﺼﻌﻮﺑﺔ ﻣﻦ ﻫﻮﻝ ﺍﻟﺼﺪﻣﺔ
