ﺟﻠﺲ ﺍﻷﺻﺪﻗﺎﺀ ﺍﻟﺜﻼﺛﺔ ﻓﻰ ﺑﻴﺖ ﺍﻟﻤﺰﺭﻋﺔ ﻳﺘﻀﺎﺣﻜﻮﻥ ﻭﻳﺘﺠﺎﺫﺑﻮﻥ ﺃﻃﺮﺍﻑ ﺍﻟﺤﺪﻳﺚ .. ﻗﺎﻝ " ﻛﺮﻡ " ﻓﻰ ﺍﺳﺘﻤﺘﺎﻉ :
- ﻳﺎﺍﺍﻩ .. ﻭﺍﻟﻠﻪ ﻭﺣﺸﻨﻰ ﻳﺎ ﻭﻻﺩ ﺍﻻﻳﻪ
ﺭﺑﺖ " ﻋﻤﺮ " ﺑﻜﻔﻪ ﻋﻠﻰ ﻛﺘﻒ " ﻛﺮﻡ " ﻗﺎﺋﻼً :
- ﻭﺍﻧﺖ ﻛﻤﺎﻥ ﻳﺎ " ﻛﺮﻡ .. " ﺑﺠﺪ ﺍﻓﺘﻘﺪﺗﻚ ﺟﺪﺍ .. ﻭﺍﻓﺘﻘﺪﺕ ﻏﺘﺎﺗﻚ
ﻗﺎﻝ " ﺃﻳﻤﻦ " :
- ﺃﻳﻮﺓ ﻭﺍﺗﻚ ﺃﻭﻯ ﻋﻠﻰ ﻏﺘﺎﺗﻪ ﺩﻯ
ﻗﺎﻝ " ﻛﺮﻡ " :
- ﺗﻨﻜﺮﻭﺍ ﺍﻧﻰ ﻋﻤﻠﺖ ﺟﻮ ﻟﻠﻤﺰﺭﻋﺔ ﻣﻦ ﺃﻭﻝ ﻣﺎ ﺟﻴﺖ ﻭﺃﻧﺎ ﻣﺒﻘﺎﻟﻴﺶ ﺳﺎﻋﺔ ﻭﺍﺻﻞ ..
ﺍﺑﺘﺴﻢ " ﻋﻤﺮ " ﻗﺎﺋﻼً :
- ﺁﻩ ﻭﺍﻟﻠﻪ ﻭﺃﺣﻠﻰ ﺟﻮ ﺃﻧﺎ ﻣﻦ ﺯﻣﺎﻥ ﻣﻀﺤﻜﺘﺶ ﻛﺪﻩ
ﻗﺎﻝ " ﻛﺮﻡ " ﺑﺠﺪﻳﻪ :
- ﺑﺼﻮﺍ ﺑﺄﻩ ﻋﺎﻳﺰﻛﻮﺍ ﺗﺸﻮﻓﻮﻟﻰ ﺳﻜﺮﺗﻴﺮﺓ ﻛﻮﻳﺴﺔ .. ﺃﻧﺎ ﻣﺶ ﺟﺎﻯ ﻋﺸﺎﻥ ﺃﻗﻀﻰ ﻳﻮﻣﻲ ﻓﻰ ﺍﻟﺸﻐﻞ ﻋﺎﻳﺰ ﻭﺍﺣﺪﻩ ﺗﻨﺠﺰ ﻣﻌﺎﻳﺎ
ﺳﺄﻟﻪ " ﻋﻤﺮ " ﺑﺈﻫﺘﻤﺎﻡ :
- ﻃﻴﺐ ﻣﺸﺘﺮﻁ ﻣﺆﻫﻼﺕ ﻣﻌﻴﻨﺔ
- ﺁﻩ ﻳﻌﻨﻲ ﺗﻜﻮﻥ ﺯﻯ ﻣﺪﺍﻡ " ﺣﻨﺎﻥ " ﻣﺪﻳﺮﺓ ﻣﻜﺘﺒﺘﻚ
ﻫﺘﻒ " ﻋﻤﺮ " ﻗﺎﺋﻼ :
- ﺍﻧﺖ ﻫﺘﻬﺮﺝ ﻳﺎ " ﻛﺮﻡ .. " ﻣﺪﺍﻡ " ﺣﻨﺎﻥ " ﺍﻳﻪ .. ﺍﻧﺖ ﻓﻰ ﺑﻠﺪ ﺃﺭﻳﺎﻑ ﻳﺎ ﺍﺑﻨﻰ ..
- ﻃﻴﺐ ﺷﻮﻓﻮﻟﻰ ﺃﻯ ﻭﺍﺣﺪﺓ ﺍﻟﻤﻬﻢ ﺗﻜﻮﻥ ﺫﻛﻴﺔ ﻭﺳﺮﻳﻌﺔ ﻭﻧﺸﻴﻄﺔ ﻭﺑﺘﻔﻬﻢ ﻓﻰ ﺍﻟﻜﻤﺒﻴﻮﺗﺮ ﻭﺑﺘﻌﺮﻑ ﺍﻧﺠﻠﺶ ﻛﻮﻳﺲ ﻭﻣﺮﻳﺤﺔ ﻓﻰ ﺍﻟﺘﻌﺎﻣﻞ
ﻃﻤﺄﻧﻪ " ﻋﻤﺮ " ﻗﺎﺋﻼً :
- ﺧﻼﺹ ﺳﻴﺐ ﺍﻟﻤﻮﺿﻮﻉ ﺩﻩ ﻋﻠﻴﺎ
ﻧﻈﺮ " ﺃﻳﻤﻦ " ﺍﻟﻰ " ﻋﻤﺮ " ﻗﺎﻟﺌﻼً :
" - ﺭﻳﻬﺎﻡ " ﻣﺶ ﻛﺪﻩ ؟
ﺃﻭﻣﺄ " ﻋﻤﺮ " ﺑﺮﺃﺳﻪ ﻗﺎﺋﻼً :
- ﺃﻳﻮﺓ ﺑﺲ ﻫﺘﺄﻛﺪ ﺍﻷﻭﻝ ﻟﻴﻬﺎ ﻓﻰ ﺍﻟﻜﻤﺒﻴﻮﺗﺮ ﻭﺍﻻﻧﺠﻠﺶ ﻭﻻ ﻷ
ﻫﺘﻒ " ﻛﺮﻡ " ﻓﻰ ﻣﺮﺡ :
- ﺍﻳﻪ ﻳﺎ ﻋﻢ ﺍﻧﺖ ﻭﻫﻮ ﺍﻧﺘﻮﺍ ﺟﺎﺑﻴﻴﻨﻰ ﺗﺠﻮﻋﻮﻧﻰ ﻭﻻ ﺍﻳﻪ .. ﻻ ﻭﻳﻘﻮﻟﻮﻟﻚ ﺑﻠﺪ ﻓﻼﺣﻴﻦ .. ﻓﻴﻦ ﺍﻟﻤﺸﻠﺘﺖ ﻭﺍﻟﻤﺤﻤﺮ ﻭﺍﻟﻤﺸﻤﺮ ﺃﻧﺎ ﻋﻠﻰ ﻟﺤﻢ ﺑﻄﻨﻰ ﻣﻦ ﺍﻟﺼﺒﺢ
ﻭﻫﻨﺎ ﺃﺗﺖ ﺍﻟﺨﺎﺩﻣﺔ ﻟﺘﺨﺒﺮﻫﻢ ﺑﺄﻧﻬﺎ ﺍﻧﺘﻬﺖ ﻣﻦ ﺗﺤﻀﻴﺮ ﺍﻟﻄﻌﺎﻡ .. ﺍﻟﺘﻒ ﺍﻟﺠﻤﻴﻊ ﺣﻮﻝ ﻃﺎﻭﻟﺔ ﺍﻟﻄﻌﺎﻡ ﻓﻰ ﺍﺳﺘﻤﺘﺎﻉ ﻭﻫﻢ ﻳﺴﺘﻌﻴﺪﻭﻥ ﺫﻛﺮﻳﺎﺗﻬﻢ ﻣﻌﺎً
****************
- ﺣﺎﻟﻚ ﻣﺶ ﻋﺎﺟﺒﻨﻰ ﺍﻟﻴﻮﻣﻴﻦ ﺩﻭﻝ
ﻗﺎﻟﺖ " ﺭﻳﻬﺎﻡ " ﻫﺬﻩ ﺍﻟﻌﺒﺎﺭﺓ ﻭﻫﻰ ﻭﺍﻗﻔﺔ ﻣﻊ " ﻳﺎﺳﻤﻴﻦ " ﻓﻰ ﺷﺮﻓﺔ ﻏﺮﻓﺘﻬﻤﺎ .. ﻗﺎﻟﺖ " ﻳﺎﺳﻤﻴﻦ " ﺩﻭﻥ ﺃﻥ ﺗﻠﺘﻔﺖ ﺍﻟﻴﻬﺎ :
- ﻻ ﺃﺑﺪﺍُ ﻣﻔﻴﺶ ﺣﺎﺟﻪ
ﺗﻔﺮﺳﺖ ﻓﻴﻬﺎ " ﺭﻳﻬﺎﻡ " ﻗﺎﺋﻠﻪ :
- ﻭﺍﺛﻘﻪ ؟
- ﺃﻳﻮﺓ ﻭﺍﺛﻘﻪ .. ﻳﻤﻜﻦ ﺑﺲ ﺷﻮﻳﺔ ﺍﺭﻫﺎﻕ ﻣﻦ ﺍﻟﺸﻐﻞ
ﻗﺎﻟﺖ " ﺭﻳﻬﺎﻡ " ﺑﻌﺪﻡ ﺍﻗﺘﻨﺎﻉ :
- ﻫﺤﺎﻭﻝ ﺃﺑﻠﻌﻬﺎ .. ﺑﺲ ﺍﻧﺘﻰ ﻋﺎﺭﻓﻪ ﺍﻧﻚ ﻭﻗﺖ ﻣﺎ ﺗﺤﺒﻲ ﺗﺘﻜﻠﻤﻰ ﺃﻧﺎ ﻣﻮﺟﻮﺩﻩ ﻭﻫﺴﻤﻌﻚ
ﺍﻟﺘﻔﺘﺖ ﺍﻟﻴﻬﺎ " ﻳﺎﺳﻤﻴﻦ " ﻭﺍﺑﺘﺴﻤﺖ ﺍﺑﺘﺴﺎﻣﻪ ﺿﻌﻴﻔﺔ .. ﻧﻈﺮﺕ " ﺭﻳﻬﺎﻡ " ﻟﻸﺳﻔﻞ ﻗﺎﺋﻠﻪ :
- ﻣﻴﻦ ﺩﻩ ؟
ﻧﻈﺮﺕ " ﻳﺎﺳﻤﻴﻦ " ﺣﻴﺚ ﺗﻨﻈﺮ ﺃﺧﺘﻬﺎ .. ﻓﺮﺃﺕ " ﻋﻤﺮ " ﻭ " ﺃﻳﻤﻦ " ﻭﻣﻌﻬﻤﺎ ﺷﺨﺺ ﺛﺎﻟﺚ ﻻ ﺗﻌﺮﻓﻪ
ﻗﺎﻟﺖ " ﺭﻳﻬﺎﻡ : "
- ﺃﻧﺎ ﺣﺴﻪ ﺍﻧﻰ ﺷﻮﻓﺘﻪ ﻗﺒﻞ ﻛﺪﻩ
ﻗﺎﻟﺖ ﻟﻬﺎ " ﻳﺎﺳﻤﻴﻦ " :
- ﺃﻧﺎ ﺃﻭﻝ ﻣﺮﺓ ﺃﺷﻮﻓﻪ ﻓﻰ ﺍﻟﻤﺰﺭﻋﺔ
- ﻷ .. ﻣﺶ ﻓﻰ ﺍﻟﻤﺰﺭﻋﺔ .. ﺗﻘﺮﻳﺒﺎ ﻟﻤﺤﺘﻪ ﻓﻰ ﺧﻄﻮﺑﺔ " ﺳﻤﺎﺡ " .. ﺃﺻﻼ ﺍﺣﻨﺎ ﻳﻮﻣﻴﻬﺎ ﻣﻠﺤﻘﻨﺎﺵ ﻧﻌﺪ ﻭﻻ ﻧﺸﻮﻑ ﺣﺪ .. ﺣﻀﺮﺗﻚ ﻣﺸﺘﻴﻨﺎ ﺑﺪﺭﻯ
ﺗﺬﻛﺮﺕ " ﻳﺎﺳﻤﻴﻦ " ﻳﻮﻡ ﺧﻄﻮﺑﺔ " ﺳﻤﺎﺡ " .. ﻛﺎﻧﺖ ﻓﻰ ﺻﺒﺎﺡ ﺫﻟﻚ ﺍﻟﻴﻮﻡ ﻓﻰ ﺍﻟﻤﺤﻜﻤﺔ .. ﻣﻊ " ﻣﺼﻄﻔﻰ " .. ﺃﺛﺎﺭﺕ ﺫﻛﺮﺍﻩ ﺍﻟﻘﺸﻌﺮﻳﺮﺓ ﻓﻰ ﺟﺴﺪﻫﺎ .. ﺃﺣﺎﻃﺖ ﺟﺴﺪﻫﺎ ﺑﺬﺭﺍﻋﻴﻬﺎ ﻭﻛﺄﻧﻬﺎ ﺗﺤﻤﻲ ﻧﻔﺴﻬﺎ ﻣﻦ ﺫﻛﺮﺍﻩ .. ﻧﻈﺮﺕ ﺍﻟﻰ ﺍﻷﺳﻔﻞ ﻣﺮﺓ ﺃﺧﺮﻯ .. ﻋﻠﻰ " ﻋﻤﺮ " ﺍﻟﺬﻯ ﻛﺎﻥ ﻳﺘﺤﺪﺙ ﻣﻊ ﺻﺪﻳﻘﻴﻪ ﻓﻰ ﻣﺮﺡ .. ﺣﺎﻧﺖ ﻣﻨﻪ ﺍﻟﺘﻔﺎﺗﻪ ﻷﻋﻠﻰ .. ﻓﺘﻼﻗﻄﺖ ﻧﻈﺮﺍﺗﻬﻤﺎ ﻓﻰ ﻟﺤﻈﺔ ﺧﺎﻃﻔﺔ .. ﺧﻔﻖ ﻟﻬﺎ ﻗﻠﺒﻬﺎ ﺍﻟﺼﻐﻴﺮ .. ﻭﻟﻢ ﺗﻜﻦ ﺗﺪﺭﻯ ﺃﻥ ﺧﻔﻘﺎﺕ ﻗﻠﺒﻬﺎ ﻛﺎﻥ ﺻﺪﺍﻫﺎ ﻳُﺴﻤﻊ ﻓﻰ ﻗﻠﺒﻪ ﻫﻮ ﺍﻵﺧﺮ .. ﺃﺷﺎﺣﺖ ﺑﻮﺟﻬﻬﺎ ﺑﺴﺮﻋﺔ ﻭﻗﺎﻟﺖ ﻟـ " ﺭﻳﻬﺎﻡ " :
- ﺃﻧﺎ ﺩﺧﻠﻪ
ﻫﺮﺑﺖ " ﻳﺎﺳﻤﻴﻦ " ﺍﻟﻰ ﺍﻟﺪﺍﺧﻞ ﺑﺴﺮﻋﺔ .. ﻭﻟﺤﻘﺖ ﺑﻬﺎ " ﺭﻳﻬﺎﻡ " ﺍﻟﺘﻰ ﻧﻈﺮﺕ ﺑﻌﺘﺎﺏ ﺍﻟﻰ " ﻳﺎﺳﻤﻴﻦ " ﺍﻟﺘﻰ ﺟﻠﺴﺖ ﻋﻠﻰ ﻓﺮﺍﺷﻬﺎ ﻭﺿﻤﺖ ﻭﺳﺎﺩﺗﻬﺎ ﺍﻟﺼﻐﻴﺮﺓ ﺍﻟﻰ ﺻﺪﺭﻫﺎ ﻗﺎﺋﻠﻪ :
- ﺑﺮﺍﺣﺘﻚ ﻣﺶ ﻫﻀﻐﻂ ﻋﻠﻴﻜﻲ
ﺷﺮﺩﺕ " ﻳﺎﺳﻤﻴﻦ " ﻓﻰ ﻭﺟﻮﻡ .
**********************
ﻛﺎﻧﺖ " ﻳﺎﺳﻤﻴﻦ " ﺟﺎﻟﺴﻪ ﻓﻰ ﺍﺳﺘﺮﺍﺣﺔ ﺍﻟﻐﺪﺍﺀ ﺑﺮﻓﻘﺔ " ﺷﻴﻤﺎﺀ " ﻭ " ﻣﻬﺎ " .. ﺍﻟﺘﻰ ﻛﺎﻧﺖ ﺗﺤﺎﻭﻝ ﺍﻹﻗﺘﺮﺍﺏ ﻣﻦ " ﻳﺎﺳﻤﻴﻦ " ﺑﺄﻯ ﻃﺮﻳﻘﺔ ﻟﺘﻌﻠﻢ ﻣﻌﻠﻮﻣﺎﺕ ﻋﻨﻬﺎ ﻭﻋﻦ ﺃﺳﺮﺗﻬﺎ .. ﻟﻜﻦ " ﻳﺎﺳﻤﻴﻦ " ﻛﺎﻧﺖ ﺫﻛﻴﺔ .. ﻓﻠﻢ ﺗﻜﻦ ﺗﺘﺤﺪﺙ ﻣﻌﻬﻤﺎ ﺃﻭ ﻣﻊ ﻏﻴﺮﻫﻤﺎ ﻓﻰ ﺃﻣﻮﺭﻫﺎ ﺍﻟﺨﺎﺻﺔ .. ﺣﺘﻰ ﻻ ﻳﺘﺼﻴﺪ ﺃﺣﺪ ﺍﻷﺧﻄﺎﺀ ﻟﻬﺎ .. ﻓﻜﺎﻥ ﺍﻟﺠﻤﻴﻊ ﻳﻈﻦ ﺑﺄﻧﻬﺎ ﺁﻧﺴﻪ ﻟﻢ ﻳﺴﺒﻖ ﻟﻬﺎ ﺍﻟﺰﻭﺍﺝ .. ﻫﻰ ﻟﻢ ﺗﻜﺬﺏ .. ﻟﻜﻦ ﻫﺬﺍ ﻣﺎ ﻇﻨﻮﻩ .. ﻭﻫﻰ ﺗﺮﻛﺘﻬﻢ ﻭﻇﻨﻮﻧﻬﻢ .. ﻗﺎﻟﺖ " ﺷﻴﻤﺎﺀ " ﻓﺠﺄﺓ ﻭﻛﺄﻧﻬﺎ ﺗﺪﻟﻰ ﺑﻤﻌﻠﻮﻣﺔ ﺧﻄﻴﺮﺓ :
- ﺗﻌﺮﻓﻮﺍ ﻣﻴﻦ ﺍﻟﻠﻲ ﺟﻪ ﺍﻟﻤﺰﺭﻋﺔ ﺍﻣﺒﺎﺭﺡ ؟
ﻗﺎﻟﺖ " ﻣﻬﺎ " ﻓﻰ ﺗﻌﺎﻟﻰ :
- ﺃﻳﻮﺓ ﻃﺒﻌﺎً ﻋﺮﻓﺖ .. ﻣﺶ ﻣﺴﺘﻨﻴﺎﻛﻰ ﺗﻌﺮﻓﻴﻨﻲ
ﻧﻈﺮﺕ " ﻳﺎﺳﻤﻴﻦ " ﺍﻟﻴﻬﻤﺎ ﺑﻌﺪﻡ ﻓﻬﻢ , ﻓﻘﺎﻟﺖ ﻟﻬﺎ " ﺷﻴﻤﺎﺀ : "
- ﺍﻟﺒﺸﻤﻬﻨﺪﺱ " ﻛﺮﻡ " ﺻﺎﺣﺐ ﺍﻟﺒﺸﻤﻬﻨﺪﺱ " ﻋﻤﺮ " ﻭ ﺍﻟﺒﺸﻤﻬﻨﺪﺱ " ﺃﻳﻤﻦ "
ﺃﻭﻣﺄﺕ " ﻳﺎﺳﻤﻴﻦ " ﺑﺮﺃﺳﻬﺎ ﻭﻗﺪ ﺗﺬﻛﺮﺕ ﺍﻟﺮﺟﻞ ﺍﻟﺬﻯ ﺭﺃﺗﻪ ﺑﺼﺤﺒﺔ " ﻋﻤﺮ " ﻭ " ﺃﻳﻤﻦ " ﻳﻮﻡ ﺃﻣﺲ
ﺃﻛﻤﻠﺖ " ﺷﻴﻤﺎﺀ " ﻫﺎﻣﺴﻪ ﻭﻫﻰ ﺗﺤﻨﻰ ﻗﺎﻣﺘﻬﺎ ﺍﻟﻰ ﺍﻷﻣﺎﻡ :
- ﺩﻩ ﺑﺄﻩ ﻏﻴﺮ ﺍﻻﺗﻨﻴﻦ ﺍﻟﺘﺎﻧﻴﻴﻦ ﺧﺎﻟﺺ .. ﺩﻣﻪ ﺯﻯ ﺍﻟﺸﺮﺑﺎﺕ .. ﻭﻣﺮﺡ ﺟﺪﺍً .. ﻭﺗﺤﺒﻲ ﺗﺘﻜﻠﻤﻰ ﻣﻌﺎﻩ .. ﻭﻣﺶ ﻗﻔﻞ ﺯﻯ ﺍﻟﺒﺸﻤﻬﻨﺪﺱ " ﺃﻳﻤﻦ .. " ﻭﻻ ﺟﺪ ﺃﻭﻯ ﺯﻯ ﺍﻟﺒﺸﻤﻬﻨﺪﺱ " ﻋﻤﺮ "
ﺍﻫﺘﻤﺖ " ﻳﺎﺳﻤﻴﻦ " ﺑﺘﻨﺎﻭﻝ ﻃﻌﺎﻣﻬﺎ ﻭﻛﺄﻥ ﺍﻷﻣﺮ ﻻ ﻳﻌﻨﻴﻬﺎ .. ﻓﻘﺎﻟﺖ " ﻣﻬﺎ " ﺑﻬﻴﺎﻡ ﻣﺼﻄﻨﻊ :
- ﻻ ﻛﻠﻪ ﻛﻮﻡ ﻭ " ﻋﻤﺮ " ﻛﻮﻡ ﺗﺎﻧﻰ ﺧﺎﻟﺺ .. ﻫﻮ ﻓﻰ ﺯﻯ " ﻋﻤﺮ .. " ﺩﻩ ﻣﻔﻴﺶ ﻣﻨﻪ ﺇﻻ ﻧﺴﺨﺔ ﻭﺍﺣﺪﺓ ﺑﺲ .. ﻭﻣﻔﻴﺶ ﺭﺍﺟﻞ ﻻ ﻗﻠﺒﻪ ﻭﻻ ﺑﻌﺪﻩ
ﺷﻌﺮﺕ " ﻳﺎﺳﻤﻴﻦ " ﺑﺎﻟﺤﻨﻖ ﻟﻜﻨﻬﺎ ﺗﻈﺎﻫﺮﺕ ﺑﻌﺪﻡ ﺍﻹﻫﺘﻤﺎﻡ ﻭﻇﻠﺖ ﻣﺤﺘﻔﻈﻪ ﺑﺘﻌﺒﻴﺮ ﺍﻟﻼﻣﺒﺎﻻﺓ ﻋﻠﻰ ﻭﺟﻬﻬﺎ
ﻓﺄﻛﻤﻠﺖ " ﻣﻬﺎ " ﻗﺎﺋﻠﻪ ﺑﺨﺒﺚ :
- ﻫﻮ ﻓﻌﻼً ﻳﺒﺎﻥ ﻋﻠﻴﻪ ﺍﻧﻪ ﺟﺪ .. ﺑﺲ ﻟﻤﺎ ﺑﻜﻮﻥ ﻋﻨﺪﻩ ﻓﻰ ﺍﻟﻤﻜﺘﺐ .. ﺑﺤﺲ ﺍﻧﻪ ﺑﻴﻔﻚ ﺧﺎﻟﺺ .. ﻭﺑﻴﺤﺐ ﺍﻟﻬﺰﺍﺭ ﺟﺪﺍ .. ﻫﻮ ﺗﻘﺮﻳﺒﺎً ﺑﻴﺮﻛﺐ ﺍﻟﻮﺵ ﺍﻟﺨﺸﺐ ﻋﺸﺎﻥ ﺍﻟﻤﻮﻇﻔﻴﻦ ﻣﻴﺴﻮﻗﻮﺵ ﻓﻴﻬﺎ .. ﻟﻜﻦ ﻣﻊ ﺍﻟﻨﺎﺱ ﺍﻟﻠﻰ ﺑﻴﻌﺰﻫﻢ ﺑﻴﻜﻮﻥ ﺣﺎﺟﻪ ﺗﺎﻧﻴﺔ
ﺷﻌﺮﺕ " ﻳﺎﺳﻤﻴﻦ " ﺑﺄﻥ ﺣﻨﻘﻬﺎ ﻭﺿﻴﻘﻬﺎ ﻳﺘﺼﺎﻋﺪ .. ﻟﻜﻨﻬﺎ ﻛﺎﻧﺖ ﻣﺼﺮﻩ ﻋﻠﻰ ﺃﻻ ﺗﻈﻬﺮ ﺃﻯ ﺭﺩ ﻓﻌﻞ ﻟﺤﺪﻳﺚ " ﻣﻬﺎ .. " ﺑﻌﺪ ﻟﺤﻈﺎﺕ ﻓﻮﺟﺌﻦ ﺑـ " ﻋﻤﺮ " ﻳﺪﺧﻞ ﺍﻻﺳﺘﺮﺍﺣﺔ .. ﻧﻈﺮﺕ " ﻣﻬﺎ " ﺍﻟﻴﻪ ﻣﺒﺘﺴﻤﻪ .. ﻓﺘﻮﺟﻪ ﺍﻟﻰ ﻃﺎﻭﻟﺘﻬﻢ .. ﻧﻈﺮﺕ " ﻳﺎﺳﻤﻴﻦ " ﺍﻟﻰ ﺍﻟﻄﻌﺎﻡ ﺃﻣﺎﻣﻬﺎ ﻭﻟﻢ ﺗﻌﻴﺮﻩ ﺃﻯ ﺍﻫﺘﻤﺎﻡ .. ﺑﻤﺠﺮﺩ ﺃﻥ ﻭﻗﻒ ﺃﻣﺎﻡ ﻃﺎﻭﻟﺘﻬﻢ ﻗﺎﻟﺖ " ﻣﻬﺎ " ﻣﺒﺘﺴﻤﻪ :
- ﺍﺯﻳﻚ ﻳﺎ ﺑﺸﻤﻬﻨﺪﺱ " ﻋﻤﺮ .. " ﺗﻌﺎﻟﻰ ﺍﺗﻔﻀﻞ ﻣﻌﺎﻧﺎ
ﺗﺠﺎﻫﻠﻬﺎ " ﻋﻤﺮ " ﺗﻤﺎﻣﺎ ﻭﻧﻈﺮ ﺍﻟﻰ " ﻳﺎﺳﻤﻴﻦ " ﻗﺎﺋﻼً :
- ﺑﻌﺪ ﺍﺫﻧﻚ ﻳﺎ ﺩﻛﺘﻮﺭﺓ " ﻳﺎﺳﻤﻴﻦ " ﺧﻠﺼﻰ ﺃﻛﻠﻚ ﻭﻣﻨﺘﻈﺮﻙ ﻓﻰ ﻣﻜﺘﺒﻲ
ﻗﺎﻝ ﺫﻟﻚ ﺛﻢ ﺍﻧﺼﺮﻑ .. ﺷﻌﺮﺕ " ﻣﻬﺎ " ﺑﺎﻟﺤﻨﻖ ﻭﺗﺼﺎﻋﺪﺕ ﺍﻟﺪﻣﺎﺀ ﻟﺘﻠﻮﻥ ﻭﺟﻬﻬﺎ ﺑﺎﻟﻠﻮﻥ ﺍﻷﺣﻤﺮ .. ﺳﺎﺩ ﺍﻟﺼﻤﺖ ﻟﻔﺘﺮﻩ .. ﺍﺳﺘﺄﺫﻧﺖ " ﻳﺎﺳﻤﻴﻦ " ﻭﻗﺎﻣﺖ ﻣﻐﺎﺩﺭﻩ .. ﻗﺎﻟﺖ " ﻣﻬﺎ " ﺑﺤﻨﻖ :
- ﻣﺶ ﻣﻜﺴﻮﻓﻴﻦ ﻣﻦ ﻧﻔﺴﻬﻢ .. ﻳﺠﻲ ﻳﻘﻮﻟﻬﺎ ﺗﻌﺎﻟﻴﻠﻰ ﺍﻟﻤﻜﺘﺐ .. ﻭﻫﻰ ﻣﺎ ﺻﺪﻗﺖ ﻗﺎﻣﺖ ﺟﺮﻳﺖ ﻭﺭﺍﻩ
ﺿﺤﻜﺖ " ﺷﻴﻤﺎﺀ " ﻗﺎﺋﻠﻪ :
- ﺍﻟﺮﺍﺟﻞ ﺃﻛﻴﺪ ﻋﺎﻳﺰﻫﺎ ﻓﻰ ﺷﻐﻞ
ﻗﺎﻟﺖ " ﻣﻬﺎ " ﺑﻐﻞ :
- ﺷﻐﻞ ﺁﻩ ﻣﺎ ﻫﻮ ﻭﺍﺿﺢ ﺃﻭﻯ ﻧﻮﻋﻴﺔ ﺍﻟﺸﻐﻞ ﺩﻩ
ﺍﺑﺘﺴﻤﺖ " ﺷﻴﻤﺎﺀ " ﻗﺎﺋﻠﻪ :
- ﻭﺍﻧﺘﻰ ﻣﺘﻐﺎﻇﻪ ﻟﻴﻪ ؟
ﺻﺎﺣﺖ ﻳﻐﻀﺐ :
- ﻭﻫﺘﻐﺎﻅ ﻣﻦ ﺍﻳﻪ ﻳﻌﻨﻲ .. ﻣﻌﺪﺵ ﺍﻻ ﺍﻟﺒﺘﺎﻋﻪ ﺩﻯ ﺍﻟﻠﻰ ﺃﺗﻐﺎﻅ ﻣﻨﻬﺎ
ﻭﻫﺒﺖ ﻭﺍﻗﻔﻪ ﻭﺧﺮﺟﺖ ﺩﻭﻥ ﺃﻥ ﺗﻜﻤﻞ ﻃﻌﺎﻣﻬﺎ .
**************************
ﺗﻮﺟﻬﺖ " ﻳﺎﺳﻤﻴﻦ " ﺍﻟﻰ ﻣﻜﺘﺐ " ﻋﻤﺮ " ﻭﻫﻰ ﺗﺸﻌﺮ ﺑﺎﻟﺘﻮﺗﺮ ﻭﺗﺘﺴﺎﺀﻝ .. ﻋﻦ ﻣﺎﺫﺍ ﻳﺮﻳﺪ ﺍﻟﺘﺤﺪﺙ ﺍﻟﻴﻬﺎ .. ﻃﺮﻗﺖ ﺍﻟﺒﺎﺏ ﻃﺮﻗﺎﺕ ﺧﻔﻴﻔﻪ ﺛﻢ ﺩﺧﻠﺖ ﺑﻌﺪﻣﺎ ﺃﺗﺎﻫﺎ ﺻﻮﺗﻪ :
- ﺍﺗﻔﻀﻠﻰ
ﺩﺧﻠﺖ ﻭﻭﻗﻔﺖ ﺃﻣﺎﻡ ﺍﻟﻤﻜﺘﺐ ﻓﺄﺷﺎﺭ ﺑﺮﺃﺳﻪ ﺍﻟﻰ ﺍﻟﻜﺮﺳﻲ ﺃﻣﺎﻣﻪ ﻗﺎﺋﻼً ﺑﺈﺑﺘﺴﺎﻣﻪ :
- ﺍﻳﻪ ﻫﺘﻔﻀﻠﻰ ﻭﺍﻗﻔﻪ .. ﺍﺗﻔﻀﻠﻰ ﺍﻋﺪﻯ
ﺟﻠﺴﺖ " ﻳﺎﺳﻤﻴﻦ " ﻓﻰ ﺍﻧﺘﻈﺎﺭ ﻣﺎ ﺳﻴﻘﻮﻟﻪ .. ﻧﻈﺮ ﺍﻟﻴﻬﺎ " ﻋﻤﺮ " ﻣﺘﺌﻤﻼً ﺇﻳﺎﻫﺎ .. ﺷﻌﺮ ﺑﻘﻠﺒﻪ ﻳﻘﻔﺰ ﻣﻦ ﻣﻜﺎﻧﻪ ﻣﺮﺓ ﺃﺧﺮﻯ .. ﺃﺿﺎﻕ ﻋﻴﻨﻴﻪ ﻳﺤﺎﻭﻝ ﺗﺮﺟﻤﺔ ﻣﺸﺎﻋﺮﻩ .. ﺃﻣﻌﻘﻮﻝ ﺃﻧﻪ ... ؟ .. ﻟﻤﺎﺫﺍ ؟ .. ﻭﻛﻴﻒ ؟ .. ﻟﻤﺎﺫﺍ ﻳﺸﻌﺮ ﺑﻬﺬﺍ ﺍﻟﺤﻨﺎﻥ ﺗﺠﺎﻫﻬﺎ .. ﻭﺍﻟﺤﻨﻴﻦ ﺍﻟﻴﻬﺎ .. ﻭﺍﻟﺮﻏﺒﺔ ﻓﻰ ﺍﻟﻘﺮﺏ ﻣﻨﻪ .. ﻭﺍﻟﻨﻈﺮ ﺍﻟﻴﻬﺎ .. ﻭﺍﻻﺳﺘﻤﺎﻉ ﻟﻬﺎ .. ﻟﻤﺎﺫﺍ ﻫﻰ ﺩﻭﻥ ﻏﻴﺮﻫﺎ .. ﺃﻷﻧﻪ ﻳﺸﻔﻖ ﻋﻠﻰ ﺣﺎﻟﻬﺎ ﻭﻋﻤﺎ ﺃﺻﺎﺑﻬﺎ .. ﻛﻼ .. ﻣﺎ ﻳﺤﺮﻙ ﻗﻠﺒﻪ ﺷﺊ ﺁﺧﺮ ﻏﻴﺮ ﺍﻟﺸﻔﻘﺔ ﻭﺍﻟﻌﻄﻒ .. ﺷﺊ ﺷﻌﺮ ﺃﻧﻪ ﻟﻢ ﻳﺬﻗﻪ ﻳﻮﻣﺎً .. ﻃﺎﻝ ﺻﻤﺘﻪ .. ﻭﺯﺍﺩ ﺗﻮﺗﺮﻫﺎ .. ﻓﺄﺧﺬﺕ ﺗﺘﻤﻠﻤﻞ ﻓﻰ ﺟﻠﺴﺘﻬﺎ .. ﻓﺄﻓﺎﻕ " ﻋﻤﺮ " ﻣﻦ ﺷﺮﻭﺩﻩ ﻭﺗﺴﺎﺅﻻﺗﻪ ﺗﻨﺤﻨﺢ ﻗﺎﺋﻼً ﺑﻬﺪﻭﺀ :
- ﻫﻰ " ﺭﻳﻬﺎﻡ " ﺗﻌﺮﻑ ﺍﻧﺠﻠﺶ ﻭﻛﻤﺒﻴﻮﺗﺮ ؟
ﺍﻧﺪﻫﺸﺖ ﻟﺴﺆﺍﻟﻪ ﻓﺮﻓﻌﺖ ﻧﻈﺮﻫﺎ ﺍﻟﻴﻪ ﻓﺘﻼﻗﺖ ﻧﻈﺮﺍﺗﻬﻤﺎ .. ﺷﻌﺮﺕ ﺑﺄﻥ ﻋﻴﻨﻴﻪ ﺑﺤﺮ ﻋﻤﻴﻖ .. ﻛﺎﻧﺖ ﺗﺨﺸﻰ ﺍﻟﻐﺮﻕ ﻓﻴﻬﻤﺎ .. ﻓﺘﺠﻨﺒﺖ ﺍﻟﻨﻈﺮ ﺍﻟﻴﻬﻤﺎ ﻗﺎﺋﻠﻪ :
- ﺃﻳﻮﺓ .. ﻫﻰ ﻭﺍﺧﺪﻩ ﻛﻮﺭﺳﺎﺕ ﻓﻴﻬﻢ
ﺍﺑﺘﺴﻢ ﻗﺎﺋﻼً :
- ﻃﻴﺐ ﺗﻤﺎﻡ .. ﺍﺣﻨﺎ ﻣﺤﺘﺎﺟﻴﻦ ﺳﻜﺮﺗﻴﺮﺓ .. ﺷﺮﻳﻜﻲ ﻫﻴﻌﺪ ﻫﻨﺎ ﻓﺘﺮﺓ ﻭﻣﺤﺘﺎﺝ ﺳﻜﺮﺗﻴﺮﺓ ﻋﺸﺎﻥ ﻳﻘﺪﺭ ﻳﺘﺎﺑﻊ ﺷﻐﻠﻨﺎ ﺍﻟﻠﻰ ﻓﻰ ﺍﻟﻘﺎﻫﺮﺓ
- ﻳﻌﻨﻲ ﺣﻀﺮﺗﻚ ﺗﻘﺼﺪ ﺍﻥ " ﺭﻳﻬﺎﻡ " ﺗﺸﺘﻐﻞ ﺳﻜﺮﺗﻴﺮﻩ
- ﺃﻳﻮﺓ ﺑﺎﻟﻈﺒﻂ ﻛﺪﺓ .. ﻟﻤﺎ ﻗﺎﻟﻰ ﺍﻧﻪ ﻣﺤﺘﺎﺝ ﺳﻜﺮﺗﻴﺮﺓ ﺃﻧﺎ ﻓﻜﺮﺕ ﻓﻰ ﺃﺧﺘﻚ ﻋﻠﻰ ﻃﻮﻝ
ﻗﺎﻟﺖ ﻟﻪ ﺑﺈﻣﺘﻨﺎﻥ :
- ﻣﺘﺸﻜﺮﺓ ﺃﻭﻻ ﻋﻠﻰ ﺍﻟﺜﻘﻪ ﺩﻯ .. ﺛﺎﻧﻴﺎً ﺃﻋﺘﻘﺪ ﺩﻯ ﺣﺎﺟﻪ ﻫﺘﻔﺮﺡ " ﺭﻳﻬﺎﻡ " ﻷﻧﻬﺎ ﺑﺘﻤﻞ ﻣﻦ ﺍﻷﻋﺪﻩ ﻟﻮﺣﺪﻫﺎ ﻃﻮﻝ ﺍﻟﻨﻬﺎﺭ .. ﻭﻛﻤﺎﻥ ﺩﻯ ﻓﺮﺻﺔ ﻛﻮﻳﺴﺔ ﻟﻴﻬﺎ ﻋﺸﺎﻥ ﻟﻮ ﺍﺿﻄﺮﺕ ﺍﻧﻬﺎ ﺗﺸﺘﻐﻞ ﺑﻌﺪ ﻛﺪﻩ
ﺳﺄﻟﻬﺎ ﻗﺎﺋﻼً :
- ﻭﻟﻴﻪ ﻣﻄﻠﺒﺘﻴﺶ ﻣﻨﻰ ﻗﺒﻞ ﻛﺪﻩ ﺍﻧﻰ ﺃﻻﻗﻴﻠﻬﺎ ﺷﻐﻞ ﻓﻰ ﺍﻟﻤﺰﺭﻋﺔ
ﻗﺎﻟﺖ ﺑﺤﺮﺝ :
- ﻣﺮﺿﺘﺶ ﺃﺯﻋﺞ ﺣﻀﺮﺗﻚ ﺃﻛﺘﺮ ﻣﻦ ﻛﺪﺓ .. ﻳﻌﻨﻲ ﻛﻔﺎﻳﺔ ﺍﻥ ﺣﻀﺮﺕ ﻭﻓﺮﺕ ﺷﻐﻞ ﻟﻴﺎ ﻭﻟﻮﺍﻟﺪﻯ ﻛﻤﺎﻥ
ﺍﺑﺘﺴﻢ " ﻋﻤﺮ " ﻗﺎﺋﻼً :
- ﻣﻔﻴﺶ ﺍﺯﻋﺎﺝ ﻭﻻ ﺣﺎﺟﻪ .. ﻗﻮﻟﺘﻠﻚ ﻗﺒﻞ ﻛﺪﻩ ﻟﻮ ﺍﺣﺘﺠﺘﻰ ﺣﺎﺟﻪ ﺗﻌﺮﻓﻴﻨﻲ
ﺛﻢ ﺍﺳﺘﻄﺮﺩ ﻗﺎﺋﻼً :
- ﺗﻤﺎﻡ ﻳﺒﻘﻰ ﺍﺗﻔﻘﻨﺎ .. ﺧﻠﻴﻬﺎ ﺗﻴﺠﻴﻠﻰ ﻣﻜﺘﺒﻲ ﺑﻜﺮﺓ ﺍﻟﺴﺎﻋﺔ 8 ﺍﻥ ﺷﺎﺀ ﺍﻟﻠﻪ .. ﻭﻣﺘﻘﻠﻘﻴﺶ ﻋﻠﻴﻬﺎ " ﻛﺮﻡ " ﺻﺎﺣﺒﻲ ﻭﻋﺸﺮﺓ ﻋﻤﺮ
ﺛﻢ ﻧﻈﺮ ﺍﻟﻴﻬﺎ ﻭﺍﺑﺘﺴﻢ ﺑﺨﺒﺚ ﻗﺎﺋﻼً :
- ﺑﺲ ﺗﺨﻠﻴﻬﺎ ﺗﻴﺠﻲ 8 ﺑﺎﻟﻈﺒﻂ ﻫﺎ .. ﻳﻌﻨﻲ ﻣﺘﺠﻠﻴﺶ ﺑﺪﺭﻯ ﺭﺑﻊ ﺳﺎﻋﺔ ﻭﺗﺘﺄﻣﺺ ﺍﻧﻰ ﺳﺎﻳﺒﻬﺎ ﺃﻋﺪﻩ ﻭﺑﻜﻤﻞ ﺷﻐﻠﻰ
ﺍﺑﺘﺴﻤﺖ " ﻳﺎﺳﻤﻴﻦ " ﺭﻏﻤﺎً ﻋﻨﻬﺎ ﻭﺗﺼﺎﻋﺪﺕ ﺣﻤﺮﺓ ﺍﻟﺨﺠﻞ ﺍﻟﻰ ﻭﺟﻨﺘﻴﻬﺎ .. ﺷﻌﺮﺕ ﺑﺎﻟﺤﺮﺝ ﻟﺘﺬﻛﺮﻫﺎ ﺗﺴﺮﻋﻬﺎ ﻓﻰ ﻫﺬﺍ ﺍﻟﻴﻮﻡ .. ﺗﺄﻣﻞ " ﻋﻤﺮ " ﻭﺟﻬﻬﺎ ﺑﺈﺑﺘﺴﺎﻣﻪ ﻗﺎﺋﻼ :
- ﺗﻌﺮﻓﻰ ﺍﻥ ﺩﻯ ﺃﻭﻝ ﻣﺮﺓ ﻓﻰ ﺣﻴﺎﺗﻰ ﺃﺷﻮﻑ ﺑﻨﺖ ﻭﺷﻬﺎ ﺑﻴﺤﻤﺮ ﻭﺑﻴﺤﻠﻮ ﻛﺪﻩ ﻟﻤﺎ ﺑﺘﺘﻜﺴﻒ
ﻧﻬﻀﺖ " ﻳﺎﺳﻤﻴﻦ " ﺑﺴﺮﻋﺔ ﻗﺎﺋﻠﻪ :
- ﺍﻥ ﺷﺎﺀ ﺍﻟﻠﻪ ﻫﺘﻜﻮﻥ ﻋﻨﺪ ﺣﻀﺮﺗﻚ ﻓﻰ ﺍﻟﻤﻌﺎﺩ
ﻗﺎﻟﺖ ﺫﻟﻚ ﻭﺍﻧﺼﺮﻓﺖ .. ﺑﻞ ﻫﺮﺑﺖ .. ﻣﻨﻪ .. ﻭﻣﻦ ﻧﻔﺴﻬﺎ ..
ﺃﺧﺒﺮﺕ " ﻳﺎﺳﻤﻴﻦ " " ﺭﻳﻬﺎﻡ " ﻭﻭﺍﻟﺪﻫﻤﺎ ﺑﻌﺮﺽ ﺍﻟﻌﻤﻞ ﺍﻟﺬﻯ ﻗﺪﻣﻪ " ﻋﻤﺮ " ﺍﻟﻰ " ﺭﻳﻬﺎﻡ .. " ﻓﻘﺎﻝ ﻭﺍﻟﺪﻫﻤﺎ :
- ﻭﺍﻟﻠﻪ ﺭﺍﺟﻞ ﻓﻴﻪ ﺍﻟﺨﻴﺮ .. ﺭﺑﻨﺎ ﻳﻮﺳﻊ ﺭﺯﻗﻪ
ﺻﻔﻘﺖ " ﺭﻳﻬﺎﻡ " ﻓﻰ ﻣﺮﺡ ﻃﻔﻮﻟﻰ ﻗﺎﺋﻠﻪ :
- ﺃﺧﻴﺮﺍً ﻫﻼﻗﻰ ﺣﺎﺟﻪ ﺍﻧﺸﻐﻞ ﻓﻴﻬﺎ .. ﺩﻩ ﺃﻧﺎ ﻛﻨﺖ ﻗﺮﺑﺖ ﺃﺗﺠﻨﻦ ﻣﻦ ﻛﺘﺮ ﺍﻟﺒﺺ ﻟﻠﺤﻴﻄﻪ
ﻗﺎﻟﺖ " ﻳﺎﺳﻤﻴﻦ " ﻭﻗﺪ ﺍﺑﺘﺴﻤﺖ ﻟﺴﻌﺎﺩﻩ ﺃﺧﺘﻬﺎ :
- ﻣﻌﺎﺩﻙ ﺑﻜﺮﺓ ﺍﻥ ﺷﺎﺀ ﺍﻟﻠﻪ ﺍﻟﺴﺎﻋﺔ 8 ﻣﺘﺘﺄﺧﺮﻳﺶ
- ﺃﺗﺄﺧﺮ ﺍﻳﻪ ﺩﻩ ﺃﻧﺎ ﻫﺮﻭﺡ ﺃﺑﺎﺕ ﻋﻠﻰ ﺑﺎﺏ ﻣﻜﺘﺒﻪ ﻣﻦ ﺩﻟﻮﻗﺘﻰ
ﺿﺤﻜﺖ " ﻳﺎﺳﻤﻴﻦ .. " ﻭﻋﺎﻧﻘﺘﻬﺎ " ﺭﻳﻬﺎﻡ " ﻓﻰ ﺣﺒﻮﺭ .. ﻏﺎﺩﺭ ﻭﺍﻟﺪﻫﻤﺎ ﺍﻟﻰ ﻏﺮﻓﺘﻪ .. ﻓﻘﺎﻟﺖ " ﻳﺎﺳﻤﻴﻦ " :
- ﻋﺎﺭﻓﻪ ﻣﻴﻦ ﺍﻟﻠﻰ ﻫﺘﺸﺘﻐﻠﻰ ﻣﻌﺎﻩ ؟
ﺗﺴﺎﺀﻟﺖ " ﺭﻳﻬﺎﻡ " ﺑﺈﻫﺘﻤﺎﻡ :
- ﻷ ... ﻣﻴﻦ ؟
- ﺻﺎﺣﺐ ﺍﻟﺒﺸﻤﻬﻨﺪﺱ " ﻋﻤﺮ " ﺍﻟﻠﻰ ﺷﻮﻓﻨﺎﻩ ﻣﻦ ﺍﻟﺒﻠﻜﻮﻧﻪ ﺍﻣﺒﺎﺭﺡ
ﻗﺎﻟﺖ " ﺭﻳﻬﺎﻡ " ﺑﻤﺮﺡ :
- ﺍﺍﺍﺍﻩ ﺍﻟﻮﺍﺩ ﺍﻟﻤﻮﺯ ﺍﻟﻠﻰ ﻭﺍﺧﺪ ﻗﻠﻢ ﻓﻰ ﻧﻔﺴﻪ ﺩﻩ
ﻗﺎﻟﺖ ﻟﻬﺎ " ﻳﺎﺳﻤﻴﻦ " :
" - ﺭﻳﻬﺎﻡ " ﻣﺶ ﻋﺎﻳﺰﻩ ﺟﻨﺎﻥ
ﻗﺒﻠﻬﺎ " ﺭﻳﻬﺎﻡ " ﻗﺎﺋﻠﻪ ﺑﻤﺮﺡ :
- ﻣﺘﺨﻔﻴﺶ ﻋﻠﻴﺎ ﺩﻯ ﺃﺧﺘﻚ ﺗﺠﻨﻦ ﺑﻠﺪ
ﺗﻮﺟﻬﺖ " ﺭﻳﻬﺎﻡ " ﻓﻰ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻰ ﺍﻟﻰ ﻣﻜﺘﺐ " ﻋﻤﺮ " ﺍﻟﺬﻯ ﺃﺧﺬﻫﺎ ﺍﻟﻰ ﻣﻜﺘﺐ " ﻛﺮﻡ " ﻧﻬﺾ " ﻛﺮﻡ " ﺑﻌﺪ ﺃﻥ ﺭﺁﻫﻤﺎ .. ﻓﻘﺪﻣﻬﻤﺎ " ﻋﻤﺮ " ﻟﺒﻌﻀﻬﻤﺎ ﺍﻟﺒﻌﺾ ﻗﺎﺋﻼً :
" - ﻛﺮﻡ " ﺩﻯ ﺍﻵﻧﺴﻪ " ﺭﻳﻬﺎﻡ " ﻫﺘﻜﻮﻥ ﺳﻜﻴﺮﺗﻴﺮﺗﻚ ﻃﻮﻝ ﻓﺘﺮﺓ ﻭﺟﻮﺩﻙ ﻫﻨﺎ .. ﺍﻧﺴﻪ " ﺭﻳﻬﺎﻡ " ﺩﻩ ﺍﻟﺒﺸﻤﻬﻨﺪﺱ " ﻛﺮﻡ "
ﻣﺪ " ﻛﺮﻡ " ﻳﺪﻩ ﻟﻴﺴﻠﻢ ﻋﻠﻰ " ﺭﻳﻬﺎﻡ " ﻗﺎﺋﻼ ﺑﺈﺑﺘﺴﺎﻣﻪ :
- ﺃﻫﻼ ﺑﻴﻜﻲ ﻳﺎ ﺁﻧﺴﻪ " ﺭﻳﻬﺎﻡ "
ﻧﻈﺮﺕ " ﺭﻳﻬﺎﻡ " ﺍﻟﻰ ﻳﺪﻩ ﺍﻟﻤﻤﺪﻭﺩﻩ ﺛﻢ ﻧﻈﺮﺕ ﺍﻟﻴﻪ ﻗﺎﺋﻠﻪ :
- ﺃﻫﻼ ﺑﺤﻀﺮﺗﻚ
ﻧﻈﺮ " ﻛﺮﻡ " ﺍﻟﻰ ﻳﺪﻩ ﺛﻢ ﺍﻟﻴﻬﺎ ﻗﺎﺋﻼً :
- ﻫﻔﻀﻞ ﻣﺎﺩﺩ ﺍﻳﺪﻯ ﻛﺪﻩ ﻛﺘﻴﺮ
ﺗﻨﺤﻨﺢ " ﻋﻤﺮ " ﻭﺍﺑﺘﺴﻢ ﺍﻟﻰ ﺻﺪﻳﻘﻪ ﻗﺎﺋﻼً :
- ﺍﻵﻧﺴﻪ ﻣﺒﺘﺴﻠﻤﺶ
ﻧﻈﺮ " ﻛﺮﻡ " ﺍﻟﻰ ﺻﺪﻳﻘﻪ ﺛﻢ ﺍﻟﻴﻬﺎ ﻭﺳﺤﺐ ﻳﺪﻩ ﻭﻣﺴﺢ ﺑﻬﺎ ﻋﻠﻰ ﺭﻗﺒﺘﻪ ﻭﺭﻓﻊ ﺣﺎﺟﺒﻴﻪ ﻗﺎﺋﻼً :
- ﻭﺍﻟﻠﻪ .. ﻃﺐ ﻛﻮﻳﺲ
ﺍﻧﺼﺮﻑ " ﻋﻤﺮ " ﻭﺗﺮﻛﻬﻤﺎ ﻳﺒﺪﺃﻥ ﻋﻤﻠﻬﻤﺎ .. ﺃﻋﻄﺎﻫﺎ " ﻛﺮﻡ " ﺗﻌﻠﻴﻤﺎﺗﻪ ﻭ ﺁﺭﺍﻫﺎ ﻣﻜﺘﺒﻬﺎ :
- ﺃﻫﻢ ﺣﺎﺟﻪ ﻋﻨﺪﻯ ﺍﻻﻟﺘﺰﺍﻡ ﺑﺎﻟﻤﻮﺍﻋﻴﺪ ﺃﻧﺎ ﺑﺎﺟﻰ ﺍﻟﻤﻜﺘﺐ .. 8 ﻋﺎﻳﺰﻙ 8 ﺑﺎﻟﻈﺒﻂ ﻣﻮﺟﻮﺩﻩ ﻣﺶ ﻋﺎﻳﺰ ﺩﻗﻴﻘﺔ ﺗﺄﺧﻴﺮ ... ﺍﻟﻠﻰ ﻋﺎﻳﺰﻩ ﻣﻨﻚ ﺩﻟﻮﻗﺘﻰ ﺍﻧﻚ ﺗﺠﻤﻌﻴﻠﻲ ﻛﻞ ﺍﻻﻳﻤﻴﻼﺕ ﺍﻟﻠﻰ ﻣﺤﺘﺎﺟﻪ ﺭﺩ ﻭﺗﻨﺴﺨﻴﻬﺎ ﻋﺸﺎﻥ ﻫﻤﻠﻴﻜﻰ ﺍﻟﺮﺩ ﺍﻟﻠﻰ ﻫﺘﺒﻌﺘﻴﻪ ﻟﻜﻞ ﻭﺍﺣﺪ ﻓﻴﻬﻢ .. ﻓﻰ ﺃﻯ ﻣﺸﻜﻠﺔ
ﻗﺎﻟﺖ " ﺭﻳﻬﺎﻡ " ﺑﺠﺪﻳﻪ ﻭﻫﻰ ﺗﺠﻠﺲ ﻋﻠﻰ ﻣﻜﺘﺒﻬﺎ :
- ﻻ ﻳﺎ ﻓﻨﺪﻡ .. ﻫﺒﺪﺃ ﺣﺎﻻ
ﺑﺪﺃﺕ " ﺭﻳﻬﺎﻡ " ﻓﻰ ﻋﻤﻠﻬﺎ ﺑﻨﺸﺎﻁ ﺃﻧﻬﺖ ﻣﺎ ﻃﻠﺒﻪ ﻣﻨﻬﺎ ﻭﺗﻮﺟﻬﺖ ﺍﻟﻰ ﻣﻜﺘﺒﻪ .. ﻃﺮﻗﺖ ﺍﻟﺒﺎﺏ ﺛﻢ ﺩﺧﻠﺖ .. ﻭﺟﺪﺕ " ﻛﺮﻡ " ﻳﺘﺤﺪﺙ ﻓﻰ ﺍﻟﻬﺎﺗﻒ ﻭﻗﻔﺖ ﺃﻣﺎﻣﻪ ﺣﺘﻰ ﺃﻧﻬﻰ ﻣﻜﺎﻟﻤﺘﻪ .. ﺛﻢ ﻗﺎﻝ :
- ﺟﻤﻌﺘﻴﻢ ؟
- ﺃﻳﻮﺓ ﻳﺎ ﻓﻨﺪﻡ
ﺃﺧﺬﻫﻢ ﻣﻨﻬﺎ .. ﻭﺃﺧﺬ ﻓﻰ ﺍﻣﻼﺋﻬﺎ ﺑﺎﻟﺮﺩﻭﺩ .. ﻛﺎﻧﺖ ﺳﺮﻳﻌﺔ ﻓﻰ ﺍﻟﻜﺘﺎﺑﺔ ﻭﻫﺬﺍ ﺃﺳﻌﺪﻩ .. ﺍﻧﺘﻬﺖ ﻣﻌﻪ ﻭﺫﻫﺐ ﺍﻟﻰ ﻣﻜﺘﺒﻬﺎ ﻟﻜﺘﺎﺑﻪ ﺍﻟﺮﺩﻭﺩ ﻭﺍﺭﺍﺳﻠﻬﺎ .. ﻛﺎﻧﺖ ﻓﺮﺣﻪ ﺗﻌﻤﻞ ﺑﻬﻤﻪ ﻭﺑﺪﻗﻪ ﻭﺍﺗﻘﺎﻥ .. ﺑﻌﺪ ﻟﺤﻈﺎﺕ ﻃﻠﺒﻬﺎ " ﻛﺮﻡ " ﻓﺘﻮﺟﻬﺖ ﺍﻟﻴﻪ .. ﻗﺎﻝ ﺩﻭﻥ ﺃﻥ ﻳﺮﻓﻊ ﻋﻴﻨﻴﻪ ﻋﻦ ﺍﻟﻮﺭﻕ ﺃﻣﺎﻣﻪ :
- ﻫﺘﻼﻗﻰ ﻋﻨﺪﻙ ﻋﻠﻰ ﺍﻟﻜﻤﺒﻴﻮﺗﺮ ﻣﻠﻒ ﺑﺈﺳﻢ ﺷﺮﻛﺔ ﺍﻟﺼﺒﺎﺣﻰ ﻫﺎﺗﻴﻠﻰ ﻣﻨﻪ ﻛﻞ ﺃﺭﻗﺎﻣﻬﻢ
ﻗﺎﻟﺖ ﻭﻫﻰ ﺗﻬﻢ ﺑﺎﻹﻧﺼﺮﺍﻑ :
- ﺣﺎﺿﺮ ﻳﺎ ﻓﻨﺪﻡ
ﺍﺳﺘﻮﻗﻔﻬﺎ " ﻛﺮﻡ " ﺑﺈﺷﺎﺭﺓ ﻣﻦ ﻳﺪﻩ ﻗﺎﺋﻼً ﻭﻫﻮ ﻣﺎﺯﺍﻝ ﻣﻨﻬﻤﻚ ﻓﻰ ﺍﻷﻭﺭﺍﻕ ﺃﻣﺎﻣﻪ :
- ﺍﻋﻤﻠﻴﻠﻰ ﻗﻬﻮﺓ ﺩﺑﻞ ﻟﻮ ﺳﻤﺤﺘﻰ
ﺗﻮﻗﻔﺖ " ﺭﻳﻬﺎﻡ " ﻭﻧﻈﺮﺕ ﺍﻟﻴﻪ ﻗﺎﺋﻠﻪ :
- ﺃﻓﻨﺪﻡ ؟
- ﻗﻬﻮﺓ ﺩﺑﻞ .. ﻭﺑﺴﺮﻋﺔ ﻟﻮ ﺳﻤﺤﺘﻰ
ﻭﻗﻔﺖ " ﺭﻳﻬﺎﻡ " ﻟﺤﻈﺎﺕ ﺻﺎﻣﺘﻪ ﻭﻫﻰ ﺗﺸﻌﺮ ﺑﺎﻟﻀﻴﻖ .. ﺛﻢ ﻧﻈﺮﺕ ﺍﻟﻴﻪ ﻭﻗﺎﻟﺖ ﺑﻬﺪﻭﺀ :
- ﺃﻧﺎ ﻫﻨﺎ ﺳﻜﺮﺗﻴﺮﺓ ﻣﺶ ﺧﺪﺍﻣﻪ .. ﺍﻋﻤﻠﻬﺎ ﻟﻨﻔﺴﻚ ﺃﻭ ﺍﻃﻠﺐ ﻣﻦ ﺍﻟﻔﺮﺍﺵ ﻳﻌﻤﻠﻬﺎ
ﻗﺎﻟﺖ ﺫﻟﻚ ﺛﻢ ﺗﻮﺟﻬﺖ ﺍﻟﻰ ﺍﻟﺨﺎﺭﺝ .. ﺭﻓﻊ " ﻛﺮﻡ " ﺭﺃﺳﻪ ﻳﻨﻈﺮ ﺍﻟﻰ ﺍﻟﺒﺎﺏ ﺍﻟﺬﻯ ﺧﺮﺟﺖ ﻣﻨﻪ ﻟﻠﺘﻮ .. ﻭﻫﻮ ﻳﺤﺎﻭﻝ ﺍﺳﺘﻴﻌﺎﺏ ﻣﺎ ﻗﺎﻟﺖ .. ﺟﻠﺴﺖ ﻋﻠﻰ ﻣﻜﺘﺒﻬﺎ ﻭ ﻗﺪ ﺑﺪﺃﺕ ﻓﻰ ﺍﻟﺒﺤﺚ ﻋﻠﻰ ﺍﻟﻤﻠﻒ ﻋﻨﺪﻣﺎ ﺃﻃﻞ ﻋﻠﻴﻬﺎ ﻗﺎﺋﻼً :
- ﺍﻧﺘﻰ ﻗﻮﻟﺘﻰ ﺍﻳﻪ ﺩﻟﻮﻗﺘﻰ ؟
ﻧﻈﺮﺕ ﺍﻟﻴﻪ ﻗﺎﺋﻠﻪ ﻭﻫﻰ ﻻﺗﺰﺍﻝ ﺟﺎﻟﺴﻪ ﻓﻰ ﻣﻜﺘﺒﻬﺎ :
- ﻗﻮﻟﺖ ﺃﻧﺎ ﺳﻜﺮﺗﻴﺮﻩ ﻣﺶ ﺧﺪﺍﻣﻪ
ﺛﻢ ﺃﻋﺎﺩﺕ ﺍﻟﻨﻈﺮ ﺍﻟﻰ ﺍﻟﻜﻤﺒﻴﻮﺗﺮ ﻣﺮﺓ ﺃﺧﺮﻯ
ﻧﻈﺮ ﺍﻟﻴﻬﺎ ﺑﻐﻴﻆ ﺛﻢ ﺧﺮﺝ ﻭﻃﻠﺐ ﻣﻦ ﺍﻟﻔﺮﺍﺵ ﺍﺣﻀﺎﺭ ﻗﻬﻮﺗﻪ ﻭﺗﻮﺟﻪ ﺍﻟﻰ ﻣﻜﺘﺒﻪ ﻟﻴﻜﻤﻞ ﻋﻤﻠﻪ
ﺍﺗﺼﻠﺖ " ﻳﺎﺳﻤﻴﻦ " ﺑـ " ﺳﻤﺎﺡ " ﻗﺎﺋﻠﻪ :
- ﻟﻮ ﺍﻧﺘﻰ ﻓﺎﺿﻴﺔ ﺣﺒﻪ ﺃﻋﺪﻯ ﻋﻠﻴﻜﻲ ﻧﺘﻜﻠﻢ ﺷﻮﻳﺔ
ﻗﺎﻟﺖ " ﺳﻤﺎﺡ " ﺑﻘﻠﻖ :
- ﺧﻴﺮ ﻓﻰ ﺣﺎﺟﻪ
ﺗﻨﻬﺪﺕ " ﻳﺎﺳﻤﻴﻦ " ﻗﺎﺋﻠﻪ :
- ﻻ ﺃﺑﺪﺍ ﻣﺘﻘﻠﻘﻴﺶ .. ﺑﺲ ﺣﺒﻪ ﺃﺗﻜﻠﻢ ﻣﻌﺎﻛﻰ .. ﻫﻮ ﺯﻭﺟﻚ ﻫﻴﺮﺟﻊ ﺍﻣﺘﻰ
- ﻻ ﺍﻟﻨﻬﺎﺭﺩﺓ " ﺃﻳﻤﻦ " ﻫﻴﻴﺠﻰ ﻣﺘﺄﺧﺮ ﻻﻧﻪ ﺧﺎﺭﺝ ﻳﺘﻌﺸﻰ ﺑﺮﻩ ﻣﻊ ﺻﺤﺎﺑﻪ
- ﻃﻴﺐ ﺗﻤﺎﻡ ﻫﻌﺪﻯ ﻋﻠﻴﻜﻲ ﺍﻟﻀﻬﺮ ﻛﺪﻩ
- ﻭﺷﻐﻠﻚ
- ﻫﺎﺧﺪ ﺃﺟﺎﺯﺓ ﺍﻟﻨﻬﺎﺭﺩﺓ .. ﻭﺃﺻﻼ ﻣﻔﻴﺶ ﺷﻐﻞ ﻛﺘﻴﺮ ﺍﻟﻨﻬﺎﺭﺩﺓ
ﻗﺎﻟﺖ " ﺳﻤﺎﺡ " ﺑﻘﻠﻖ :
- ﻗﻠﻘﺘﻴﻨﻲ ﻳﺎ " ﻳﺎﺳﻤﻴﻦ "
ﻃﻤﺄﻧﺘﻬﺎ ﻗﺎﺋﻠﻪ :
- ﻗﻮﻟﺘﻠﻚ ﻣﺘﻘﻠﻘﻴﺶ .. ﺣﺒﻪ ﺑﺲ ﺃﺗﻜﻠﻢ ﻣﻌﺎﻛﻰ
- ﻃﻴﺐ ﻫﺘﻌﺮﻓﻰ ﺗﻴﺠﻲ ﻟﻮﺣﺪﻙ ؟
- ﺃﻳﻮﺓ ﺍﻟﻄﺮﻳﻖ ﺳﻬﻞ ﻭﻛﻤﺎﻥ ﻫﺮﻛﺐ ﻣﺶ ﻫﻤﺸﻰ ﺃﻛﻴﺪ .. ﻗﻮﻟﻴﻠﻰ ﺑﺲ ﺃﺭﻛﺐ ﺍﻳﻪ ﻭﺃﻧﺰﻝ ﻓﻴﻦ .. ﺃﻧﺎ ﻋﺎﺭﻓﻪ ﺷﻜﻞ ﺍﻟﺸﺎﺭﻉ ﻭﺍﻟﻌﻤﺎﺭﺓ ﺑﺲ ﻣﻌﺮﻓﺶ ﺍﺳﻢ ﺍﻟﺸﺎﺭﻉ
ﺃﻋﻄﺘﻬﺎ " ﺳﻤﺎﺡ " ﺍﻟﻌﻨﻮﺍﻥ .. ﻭﺗﻮﺟﻬﺖ " ﻳﺎﺳﻤﻴﻦ " ﺍﻟﻰ ﺑﻴﺖ ﺻﺪﻳﻘﺘﻬﺎ ﺍﻟﺘﻰ ﺍﺳﺘﻘﺒﻠﺘﻬﺎ ﺑﺎﻟﺘﺮﺣﺎﺏ .. ﻋﺎﺩﺕ ﻣﻦ ﺍﻟﻄﺒﺦ ﺑﺎﻟﻌﺼﻴﺮ ﻭﻗﺪﻣﺘﻪ ﺍﻟﻰ ﺻﺪﻳﻘﺘﻬﺎ ﻗﺎﺋﻠﻪ :
- ﻗﻮﻟﻴﻠﻰ ﺑﺄﻩ ﻣﺎﻟﻚ ﻓﻰ ﺍﻳﻪ
ﺃﺧﺬﺕ " ﻳﺎﺳﻤﻴﻦ " ﺭﺷﻔﻪ ﻣﻦ ﺍﻟﻌﺼﻴﺮ ﻗﺎﺋﻠﻪ :
- ﻣﻔﻴﺶ .. ﺣﺒﻪ ﺃﺗﻜﻠﻢ ﻣﻌﺎﻛﻰ ﻋﺎﻣﺔ .. ﻣﺶ ﻓﻰ ﺣﺎﺟﻪ ﻣﺤﺪﺩﻩ ﻳﻌﻨﻲ
ﻧﻈﺮﺕ ﺍﻟﻴﻬﺎ " ﺳﻤﺎﺡ " ﺑﺈﻣﻌﺎﻥ .. ﺛﻢ ﻗﺎﻟﺖ :
- ﻃﻴﺐ ﻣﻔﻴﺶ ﻣﺸﻜﻠﺔ .. ﺍﺗﻜﻤﻠﻰ
ﻧﻈﺮﺕ ﺍﻟﻴﻬﺎ " ﻳﺎﺳﻤﻴﻦ " ﻗﺎﺋﻠﻪ :
- ﺃﺧﺒﺎﺭﻙ ﺍﻳﻪ .. ﻣﺒﺴﻮﻃﺔ ؟
ﺍﺑﺘﺴﻤﺖ " ﺳﻤﺎﺡ " ﻗﺎﺋﻠﻪ :
- ﺍﻟﺤﻤﺪ ﻟﻠﻪ .. ﺃﻧﺎ ﻣﻜﻨﺘﺶ ﺃﺗﻤﻨﻰ ﺯﻭﺝ ﺃﺣﺴﻦ ﻣﻦ " ﺃﻳﻤﻦ .. " ﺭﺑﻨﺎ ﻳﺒﺎﺭﻛﻠﻰ ﻓﻴﻪ
ﺍﺑﺘﺴﻤﺖ " ﻳﺎﺳﻤﻴﻦ " ﻗﺎﺋﻠﻪ :
- ﺍﻧﺘﻰ ﻳﺎ " ﺳﻤﺎﺡ " ﺣﺪ ﻃﻴﺐ ﺃﻭﻯ ﻭﺗﺴﺘﺎﻫﻠﻰ ﻛﻞ ﺧﻴﺮ .. ﻣﺶ ﺍﻟﻄﻴﺒﻮﻥ ﻟﻠﻄﻴﺒﺎﺕ .. ﻛﺎﻥ ﻻﺯﻡ ﺭﺑﻨﺎ ﻳﺮﺯﻗﻚ ﺑﻮﺍﺣﺪ ﺯﻯ " ﺃﻳﻤﻦ " .. ﻷﻧﻚ ﺗﺴﺘﺎﻫﻠﻴﻪ
ﻋﺎﻧﻘﺖ " ﺳﻤﺎﺡ " ﺻﺪﻳﻘﺘﻬﺎ ﻭﺍﺑﺘﺴﻤﺖ ﻗﺎﺋﻠﻪ :
- ﻭﺍﻧﺘﻰ ﻛﻤﺎﻥ ﻃﻴﺒﺔ ﻭﺗﺴﺘﺎﻫﻠﻰ ﻛﻞ ﺧﻴﺮ .. ﻭﺑﻜﺮﺓ ﺭﺑﻨﺎ ﻳﺮﺯﻗﻚ ﺑﻮﺍﺣﺪ ﻃﻴﺐ ﺯﻳﻚ
ﺍﺑﺘﺴﻤﺖ " ﻳﺎﺳﻤﻴﻦ " ﺑﻀﻌﻒ .. ﺳﺎﺩ ﺍﻟﺼﻤﺖ ﺑﻴﻨﻬﻤﺎ ﻟﻔﺘﺮﻩ .. ﻛﺎﻧﺖ " ﺳﻤﺎﺡ " ﺗﻔﻬﻢ ﺻﺪﻳﻘﺘﻬﺎ ﺟﻴﺪﺍً ﻭﺗﻌﻠﻢ ﺑﺄﻥ ﻫﻨﺎﻙ ﻣﺎ ﻳﺸﻐﻞ ﺑﺎﻟﻬﺎ .. ﻟﻜﻨﻬﺎ ﻟﻢ ﺗﺮﺩ ﺍﻟﻀﻐﻂ ﻋﻠﻴﻬﺎ .. ﻗﻄﻌﺖ " ﻳﺎﺳﻤﻴﻦ ﺍﻟﺼﻤﺖ ﻗﺎﺋﻠﻪ :
" - ﺳﻤﺎﺡ " ﻋﺎﻳﺰﺓ ﺃﺳﺄﻟﻚ ﻋﻦ ﺣﺎﺟﻪ
- ﺧﻴﺮ ﻳﺎ ﺣﺒﻴﺒﺘﻰ ﺍﺗﻔﻀﻠﻰ
ﻗﺎﻟﺖ " ﻳﺎﺳﻤﻴﻦ " ﺑﺸﺊ ﻣﻦ ﺍﻟﺘﺮﺩﺩ ﻭﻫﻰ ﺗﻌﺒﺚ ﺑﺄﺻﺎﺑﻌﻬﺎ ﺑﻜﻮﺏ ﺍﻟﻌﺼﻴﺮ ﺍﻟﺬﻯ ﺑﻴﻦ ﻳﺪﻳﻬﺎ :
- ﺻﺎﺣﺐ ﺯﻭﺟﻚ ..
ﺳﺄﻟﺘﻬﺎ " ﺳﻤﺎﺡ : "
- ﻣﻴﻦ ﺗﻘﺼﺪﻯ ؟
ﻗﺎﻟﺖ ﺑﺄﺭﺗﺒﺎﻙ :
- ﺍﻟﻠﻰ ﺍﻧﺎ ﺑﺸﺘﻐﻞ ﻓﻰ ﻣﺰﺭﻋﺘﻪ
- ﺃﻳﻮﺓ " .. ﻋﻤﺮ " .. ﻣﺎﻟﻪ
ﻗﺎﻟﺖ ﺑﺈﺭﺗﺒﺎﻙ :
- ﺗﻌﺮﻓﻰ ﻋﻨﻪ ﺍﻳﻪ ؟
ﺻﻤﺘﺖ " ﺳﻤﺎﺡ " ﻗﻠﻴﻼ ﺛﻢ ﻗﺎﻟﺖ :
- ﺍﻟﻠﻰ ﺃﻋﺮﻓﻪ ﺍﻥ ﻫﻮ ﻭ " ﺃﻳﻤﻦ " ﻭﺻﺎﺣﺐ ﺗﺎﻟﺖ ﻟﻴﻬﻢ ﺍﺳﻤﻪ " ﻛﺮﻡ .. " ﺻﺤﺎﺏ ﻣﻦ ﺃﻳﺎﻡ ﺍﻟﺠﺎﻣﻌﺔ .. ﻭ " ﺃﻳﻤﻦ " ﻓﻀﻞ ﻋﻠﻰ ﺗﻮﺍﺻﻞ ﻣﻌﺎﻫﻢ ﺑﻌﺪ ﻣﺎ ﺳﺎﻓﺮ ﻛﻞ ﻓﺘﺮﺓ .. ﺑﺲ ﻓﻰ ﺍﺧﺮ ﺳﻨﺘﻴﻦ ﺍﻻﺗﺼﺎﻻﺕ ﺑﻴﻨﻬﻢ ﺍﺗﻘﻄﻌﺖ ..
ﺗﺄﻣﻠﺖ " ﺳﻤﺎﺡ " " ﻳﺎﺳﻤﻴﻦ " ﻗﺎﺋﻠﻪ :
- ﺑﺘﺴﺄﻟﻰ ﻟﻴﻪ ؟
ﻗﺎﻟﺖ " ﻳﺎﺳﻤﻴﻦ " ﻭﻫﻰ ﺗﺘﻈﺎﻫﺮ ﺑﺎﻟﻼﻣﺒﺎﻻﺓ :
- ﻋﺎﺩﻯ .. ﻓﻀﻮﻝ ﻣﺶ ﺃﻛﺘﺮ
ﻟﻜﻦ " ﺳﻤﺎﺡ " ﺷﻌﺮﺕ ﺑﺄﻥ ﺍﻷﻣﺮ ﺃﻛﺜﺮ ﻣﻦ ﻣﺠﺮﺩ ﻓﻀﻮﻝ .
ﻣﻜﺜﺖ " ﻳﺎﺳﻤﻴﻦ " ﺳﺎﻋﺘﻴﻦ ﺛﻢ ﻫﻤﺖ ﺑﺎﻹﻧﺼﺮﺍﻑ .. ﻗﺎﻟﺖ ﻟﻬﺎ " ﺳﻤﺎﺡ :
- ﻳﺎ ﺍﺑﻨﺘﻰ ﻣﺘﺨﻠﻴﻜﻲ ﺷﻮﻳﺔ ﻛﻤﺎﻥ ﺍﻧﺘﻰ ﺟﻴﺘﻲ ﻓﻰ ﺍﻳﻪ ﻭﻣﺎﺷﻴﺔ ﻓﻰ ﺍﻳﻪ
- ﻣﻌﻠﺶ ﻳﺎ " ﺳﻤﺎﺡ " ﻋﺸﺎﻥ ﺃﺭﻭﺡ ﻗﺒﻞ ﻣﺎ ﺍﻟﺪﻧﻴﺎ ﺗﻠﻴﻞ
- ﻳﺎ ﺑﻨﺘﻰ ﺩﻩ ﺍﻟﻌﺼﺮ ﻟﺴﻪ ﻣﺄﺫﻧﺶ ﻭﺍﻟﻄﺮﻳﻖ ﻟﻠﻤﺰﺭﻋﺔ ﺭﺑﻊ ﺳﺎﻋﺔ ﻭﻻ ﺗﻠﺖ ﺳﺎﻋﺔ
- ﻣﻌﻠﺶ ﻫﻴﺠﻴﻠﻚ ﻣﺮﺓ ﺗﺎﻧﻴﺔ ﺍﻥ ﺷﺎﺀ ﺍﻟﻠﻪ
- ﻭﺃﻧﺎ ﺍﻟﻠﻲ ﻛﻨﺖ ﻣﺘﻌﺸﻤﺔ ﺍﻧﻨﺎ ﻧﺘﻐﺪﻯ ﻣﻊ ﺑﻌﺾ .. ﺑﺠﺪ ﺍﻧﺘﻰ ﺭﺧﻤﻪ
ﺍﺑﺘﺴﻤﺖ " ﻳﺎﺳﻤﻴﻦ " ﻗﺎﺋﻼ :
- ﻫﻮ ﺑﻌﺪ ﻛﻞ ﺍﻟﻠﻰ ﺍﻧﺘﻰ ﻋﻤﺎﻟﻪ ﺗﻘﺪﻣﻴﻬﻮﻟﻰ ﻣﻦ ﺳﺎﻋﺔ ﻣﺎ ﺟﻴﺖ ﻫﻴﺒﻘﻰ ﻓﻰ ﻣﻜﺎﻥ ﻟﻸﻛﻞ
- ﻷ ﺍﻋﻤﻠﻰ ﺍﺣﺴﺎﺑﻚ ﺍﻟﻤﺮﺓ ﺍﻟﺠﺎﻳﺔ ﻧﺘﻐﺪﻯ ﺳﻮﺍ .. ﻣﻤﻨﻮﻉ ﺍﻋﺬﺍﺭ
- ﺧﻼﺹ ﺍﺗﻔﻘﻨﺎ
ﻭﺩﻋﺖ " ﻳﺎﺳﻤﻴﻦ " ﺻﺪﻳﻘﺘﻬﺎ ﻭﺍﺳﺘﻘﻠﺖ ﺍﻟﺴﻴﺎﺭﺓ ﺍﻟﻤﺘﻮﺟﻬﻪ ﺍﻟﻰ ﺍﻟﻤﺰﺭﻋﺔ .. ﻗﺒﻞ ﺃﻥ ﺗﺼﻞ ﺍﻟﻰ ﺍﻟﻤﺰﺭﻋﺔ ﺑﺨﻤﺲ ﺩﻗﺎﺋﻖ ﺗﻌﻄﻠﺖ ﺍﻟﺴﻴﺎﺭﺓ .. ﻭﺍﺿﻄﺮﺕ ﺃﻥ ﺗﻨﺰﻝ ﻫﻰ ﻭﺍﻟﺮﻛﺎﺏ ﻟﻠﺒﺤﺚ ﻋﻦ ﺳﻴﺎﺭﺍﺕ ﻗﺎﺩﻣﺔ ﻓﻰ ﻫﺬﺍ ﺍﻻﺗﺠﺎﻩ .. ﻭﻗﻔﺖ ﻭﻫﻰ ﻣﺘﻀﺎﻳﻘﻪ ﻣﻦ ﺫﻟﻚ ﺍﻟﻤﺄﺫﻕ .. ﺳﻤﻌﺖ ﺻﻮﺕ ﺍﻣﺮﺃﺓ ﻋﺠﻮﺯ ﻣﻦ ﻋﻠﻰ ﺑﻌﺪ ﻋﺪﺓ ﺃﻣﺘﺎﺭ ﻣﻨﻬﺎ ﻭﻫﻰ ﺗﺘﺤﺪﺙ ﺍﻟﻰ ﻧﻔﺴﻬﺎ ﻭﺗﻨﺘﺤﺐ .. ﻛﺎﻧﺖ ﻓﻼﺣﻪ ﺑﺴﻴﻄﻪ .. ﺗﻮﺟﻬﺖ ﺍﻟﻴﻬﺎ " ﻳﺎﺳﻤﻴﻦ " ﻗﺎﺋﻠﻪ :
- ﻓﻰ ﺣﺎﺟﻪ ﻳﺎ ﺣﺠﻪ ؟
ﻗﺎﻟﺖ ﻟﻬﺎ ﺑﺎﻛﻴﺔ :
- ﺍﻟﻔﺮﺱ ﻫﺘﻤﻮﺕ .. ﺍﻟﻔﺮﺱ ﻫﺘﻤﻮﺕ ﻣﻨﻰ
ﺃﺷﺎﺭﺕ ﺍﻟﻤﺮﺃﺓ ﺍﻟﻰ ﺍﻟﻔﺮﺱ ﺍﻟﻨﺎﺋﻤﺔ ﻋﻠﻰ ﺟﻤﺒﻬﺎ ﻓﻰ ﻇﻞ ﺍﺣﺪﻯ ﺍﻷﺷﺠﺎﺭ .. ﺗﻮﺟﻬﺖ " ﻳﺎﺳﻤﻴﻦ " ﺍﻟﻰ ﺍﻟﻔﺮﺱ ﻟﺘﺠﺪﻫﺎ ﻋﻠﻰ ﻣﺸﺎﺭﻑ ﺍﻟﻮﻻﺩﺓ .. ﻓﻘﺎﻟﺖ ﻟﻠﻤﺮﺃﺓ :
- ﺩﻱ ﺑﺘﻮﻟﺪ
ﻫﺘﻔﺖ ﺍﻟﻤﺮﺃﺓ ﻗﺎﺋﻠﻪ :
- ﻋﺎﺭﻓﺔ ﻳﺎ ﺑﻨﺘﻰ ﺍﻧﻬﺎ ﺑﺘﻮﻟﺪ ﺑﺲ ﺑﺄﻟﻬﺎ ﺳﺎﻋﺔ ﺑﺘﺘﻮﺟﻊ ﻭﻧﺎﻳﻤﺔ ﻋﻠﻰ ﺟﻤﺒﻬﺎ ﻭﻣﺶ ﻋﺎﺭﻓﻪ ﺍﺗﺼﺮﻑ .. ﻭﺍﻟﻮﺍﺩ ﺍﺑﻨﻰ ﺭﺍﺡ ﻳﻨﺎﺩﻯ ﻟﺠﻮﺯﻯ ﻭﻟﺴﻪ ﻣﺮﺟﻌﺶ .. ﺧﺎﻳﻔﻪ ﻟﺘﻤﻮﺕ ﻣﻨﻰ ..
ﺗﻔﺤﺼﺖ " ﻳﺎﺳﻤﻴﻦ " ﺍﻟﻔﺮﺱ ﻟﺘﺠﺪ ﻛﻴﺲ ﺃﺣﻤﺮ ﺍﻟﻠﻮﻥ ﻭﻻ ﺃﺛﺮ ﻟﻠﻤﻬﺮ .. ﻓﻘﺎﻟﺖ ﻟﻠﻤﺮﺃﺓ :
- ﻣﺶ ﻫﻴﻨﻔﻊ ﻧﺴﺘﻨﻰ ﺃﻛﺘﺮ .. ﺩﻯ ﻋﻨﺪﻫﺎ ﻋﺴﺮ ﻭﻻﺩﻩ .. ﻻﺯﻡ ﻧﻘﻄﻊ ﺍﻟﻤﺸﻴﻤﺔ ﻭﻧﻮﻟﺪﻫﺎ ﺩﻟﻮﻗﺘﻰ ..
ﺃﺧﺬﺕ ﺍﻟﻤﺮﺃﺓ ﺗﻠﻄﻢ ﻭﺟﻬﻬﺎ ﻗﺎﺋﻠﻪ :
- ﻋﺴﺮ ﻭﻻﺩﻩ ﻳﻌﻨﻲ ﻫﺘﻤﻮﺕ
ﻧﻬﺮﺗﻬﺎ " ﻳﺎﺳﻤﻴﻦ " ﻗﺎﺋﻠﻪ :
- ﻳﺎ ﺣﺠﻪ ﺣﺮﺍﻡ ﺍﻟﻠﻰ ﺍﻧﺘﻰ ﺑﺘﻌﻤﻠﻴﻪ ﺩﻩ .. ﺩﻭﺭﻳﻠﻰ ﻋﻠﻰ ﺣﺎﺟﻪ ﺣﺎﺩﻩ ﻳﻌﻨﻲ ﻣﻘﺺ ﺳﻜﻴﻨﻪ ﺃﻯ ﺣﺎﺟﻪ ﺣﺎﻣﻴﻪ ..
ﻫﺮﻭﻟﺖ ﺍﻟﻤﺮﺃﺓ ﺍﻟﻰ ﺑﻴﺘﻬﺎ ﺍﻟﺬﻯ ﻳﺒﻌﺪ ﺃﻣﺘﺎﺭ ﻗﻠﻴﻠﺔ ﻭﻋﺎﺩﺕ ﺣﺎﻣﻠﺔ ﻣﻘﺺ .. ﺟﻠﺴﺖ " ﻳﺎﺳﻤﻴﻦ " ﺑﺠﻮﺍﺭ ﺍﻟﻔﺮﺱ .. ﺃﺧﺬﺕ ﺗﻤﺴﺢ ﻋﻠﻰ ﺟﺴﻤﻬﺎ ﺑﻴﺪﻫﺎ ﻭﻃﻠﺒﺖ ﻣﻦ ﺍﻟﻤﺮﺃﻩ ﺃﻥ ﺗﺠﻠﺲ ﺑﺠﻮﺍﺭ ﺭﺃﺱ ﺍﻟﻔﺮﺱ ﻭﺗﻤﺮﺭ ﻳﺪﻫﺎ ﻋﻠﻰ ﻭﺟﻬﻬﺎ ﻟﺘﻄﻤﺌﻨﻬﺎ .. ﺃﺧﺬﺕ ﺑﻘﺺ ﺍﻟﻤﺸﻴﻤﺔ ﻭﺣﺎﻭﻟﺖ ﻣﺴﺎﻋﺪﺗﻬﺎ ﻋﻠﻰ ﺳﺤﺐ ﺍﻟﻤﻬﺮ ﺍﻟﻰ ﺍﻟﺨﺎﺭﺝ .. ﺃﺛﻨﺎﺀ ﺍﻧﻬﻤﺎﻛﻬﺎ ﻓﻰ ﻋﻤﻠﻬﺎ ﻣﺮﺕ ﺳﻴﺎﺭﺓ " ﻋﻤﺮ " ﻓﻰ ﻃﺮﻳﻖ ﻋﻮﺩﺗﻪ ﺍﻟﻰ ﺍﻟﻤﺰﺭﻋﺔ .. ﻟﻔﺖ ﻧﻈﺮﻩ ﺍﻟﻔﺘﺎﺓ ﺍﻟﻤﻨﺤﻨﻴﺔ ﻋﻠﻰ ﺍﻟﻔﺮﺱ ﺍﻟﺮﺍﻗﺪ ﺗﺤﺖ ﻇﻞ ﺍﺣﺪﻯ ﺍﻷﺷﺠﺎﺭ .. ﻧﻈﺮ ﺍﻟﻰ ﺍﻟﺨﻠﻒ ﻟﻴﺘﺒﻴﻦ ﻫﻴﺌﺔ " ﻳﺎﺳﻤﻴﻦ .. " ﻋﺎﺩ ﻗﻠﻴﻼً ﺍﻟﻰ ﺍﻟﺨﻠﻒ ﻭﺃﻭﻗﻒ ﺍﻟﺴﻴﺎﺭﺓ ﻋﻠﻰ ﺟﺎﻧﺐ ﺍﻟﻄﺮﻳﻖ .. ﻭﻧﺰﻝ ﻟﻴﺘﺒﻴﻦ ﺍﻷﻣﺮ .. ﻣﺎﺫﺍ ﺗﻔﻌﻞ ﻫﻨﺎ .. ﻭﻣﻦ ﺗﻠﻚ ﺍﻟﻤﺮﺃﺓ ﺍﻟﺠﺎﻟﺴﻪ ﺑﺠﻮﺍﺭ ﺍﻟﻤﻬﺮ .. ﺍﻗﺘﺮﺏ ﻣﻨﻬﻤﺎ .. ﻭﻛﺎﻧﺖ " ﻳﺎﺳﻤﻴﻦ " ﻗﺪ ﺑﻠﻎ ﻣﻨﻬﺎ ﺍﻟﺘﻌﺐ ﻣﺒﻠﻐﻪ .. ﻓﻠﻢ ﺗﺴﺘﻄﻊ ﺑﺠﺴﺪﻫﺎ ﺍﻟﻨﺤﻴﻞ ﺃﺩﺍﺀ ﺍﻟﻤﻬﻤﺔ ﺑﻤﻔﺮﺩﻫﺎ .. ﺍﻗﺘﺮﺏ " ﻋﻤﺮ " ﻗﺎﺋﻼً :
- ﺑﺘﻌﻤﻠﻰ ﺍﻳﻪ ﻫﻨﺎ ؟
ﻧﻈﺮﺕ ﺍﻟﻴﻪ ﻭﻗﺎﻟﺖ ﺑﻠﻬﻔﺔ :
- ﺑﺴﺮﻋﺔ ﺗﻌﺎﻟﻰ ﺳﺎﻋﺪﻧﻰ
ﻭﻗﻒ " ﻋﻤﺮ " ﻟﺒﺮﻫﻪ ﻭﻛﺄﻧﻪ ﻻ ﻳﻌﻰ ﻣﺎ ﺗﻘﻮﻝ .. ﻓﺄﻋﺎﺩﺕ ﻣﺎ ﻗﺎﻟﺖ ﺑﺤﺪﻩ :
- ﺑﺴﺮﻋﺔ ﺑﻘﻮﻟﻚ
ﺟﻠﺲ " ﻋﻤﺮ " ﺍﻟﻰ ﺟﻮﺍﺭﻫﺎ ﻭﻻ ﻳﺪﺭﻯ ﻣﺎﺫﺍ ﻳﺼﻨﻊ ﻓﺄﻋﻄﺘﻪ ﻗﺪﻡ ﺍﻟﻤﻬﺮ .. ﻭﺃﻣﺴﻜﺖ ﻫﻰ ﺑﻤﺎ ﻇﻬﺮ ﻣﻦ ﺍﻟﺠﺴﻢ .. ﺗﺤﺎﻭﻝ ﺟﺬﺑﻪ ﻟﻠﺨﺎﺭﺝ .. ﺟﺬﺏ " ﻋﻤﺮ " ﻗﺪﻡ ﺍﻟﻔﺮﺱ ﺑﻘﻮﺓ ﻓﺼﺎﺣﺖ ﺑﻪ :
- ﺣﺎﺳﺐ ﺑﺮﺍﺣﻪ ﻣﺶ ﻛﺪﻩ .. ﻓﻌﻞ " ﻋﻤﺮ " ﻛﻤﺎ ﺗﻔﻌﻞ ﻫﻰ .. ﺍﺳﺘﻐﺮﻕ ﺍﻷﻣﺮ ﻗﺮﺍﺑﺔ ﺍﻟﺮﺑﻊ ﺳﺎﻋﺔ ﺣﺘﻰ ﻇﻬﺮ ﺍﻟﻤﻬﺮ ﻛﺎﻣﻼً .. ﻛﺎﻧﺖ ﻣﻬﺮﻩ ﺟﻤﻴﻠﺔ ﺫﺍﺕ ﻟﻮﻥ ﺃﺳﻮﺩ ﻓﺎﺣﻢ .. ﺃﺿﻔﻰ ﻟﻬﺎ ﺟﺎﺫﺑﻴﻪ ﺧﺎﺻﻪ .. ﺣﻀﻨﺖ " ﻳﺎﺳﻤﻴﻦ " ﺭﺃﺱ ﺍﻟﻤﻬﺮﻩ ﻭﺍﻻﺑﺘﺴﺎﻣﻪ ﺗﻌﻠﻮ ﺷﻔﺘﻴﻬﺎ ﻭﻭﺿﻌﺘﻬﺎ ﺑﺮﻓﻖ ﻋﻠﻰ ﺍﻷﺭﺽ .. ﺳﺒﺤﺎﻥ ﺍﻟﻠﻪ ﺍﻟﺬﻯ ﻳﺨﺮﺝ ﺭﻭﺡ ﻣﻦ ﺭﻭﺡ .. ﻭﺟﺴﺪ ﻣﻦ ﺟﺴﺪ .. ﻭﺣﻴﺎﺓ ﻣﻦ ﺣﻴﺎﺓ .. ﺗﺄﻣﻞ " ﻋﻤﺮ " ﺍﻟﻤﻬﺮﻩ ﻭﺍﻻﺑﺘﺴﺎﻣﻪ ﺗﻌﻠﻮ ﺷﻔﺘﻴﻪ ﻫﻮ ﺍﻵﺧﺮ ﺣﺎﻭﻝ ﺃﻥ ﻳﻤﺴﺢ ﻋﻠﻰ ﺟﺴﺪﻫﺎ ﻓﺄﻭﻗﻔﺘﻪ " ﻳﺎﺳﻤﻴﻦ " ﻗﺎﺋﻠﻪ :
- ﺍﺳﺘﻨﻰ ﻻﺯﻡ ﻣﺎﻣﺘﻬﺎ ﺗﺸﻤﻬﺎ ﻭﺗﻨﻀﻔﻬﺎ ﺍﻷﻭﻝ
ﺳﺄﻟﻬﺎ " ﻋﻤﺮ " ﻓﻰ ﺩﻫﺸﺔ :
- ﻟﻴﻪ
ﻗﺎﻟﺖ ﻣﺒﺘﺴﻤﺔ ﻭﻫﻰ ﺗﻨﻈﺮ ﺍﻟﻰ ﺍﻟﻤﻬﺮﻩ ﺍﻟﺼﻐﻴﺮﻩ ﻓﻰ ﺣﻨﺎﻥ :
- ﻋﺸﺎﻥ ﺗﺘﻌﺮﻑ ﻋﻠﻴﻬﺎ
ﻫﺸﺖ ﺍﻟﻤﺮﺃﺓ ﻭﺑﺸﺖ ﻭﺃﺧﺬﺕ ﺗﺰﻏﺮﻁ ﻭﻛﺄﻥ ﺍﺑﻨﺘﻬﺎ ﻫﻰ ﺍﻟﺘﻰ ﻛﺎﻧﺖ ﺗﻠﺪ .. ﻣﺜﻞ ﻫﺆﻻﺀ ﺍﻟﻔﻼﺣﻴﻦ ﺍﻟﺒﺴﻄﺎﺀ ﻳﻌﺘﺰﻭﻥ ﺑﺪﻭﺍﺑﻬﻢ ﺟﺪﺍً ﻭﻛﺄﻧﻬﺎ ﻓﺮﺩ ﻣﻦ ﺃﻓﺮﺍﺩ ﺃﺳﺮﺗﻬﻢ .. ﺧﺎﺻﺔ ﻟﻮ ﻛﺎﻧﺖ ﻫﻰ ﻣﺼﺪﺭ ﺭﺯﻗﻬﻢ ..
ﻛﺎﻧﺖ ﻣﻼﺑﺲ " ﻋﻤﺮ " ﻭ " ﻳﺎﺳﻤﻴﻦ " ﻓﻰ ﺣﺎﻟﺔ ﻳﺮﺛﻰ ﻟﻬﺎ ﻣﻦ ﺍﻓﺮﺍﺯﺍﺕ ﺍﻟﻮﻻﺩﻩ .. ﻧﻈﺮﺕ " ﻳﺎﺳﻤﻴﻦ " ﺍﻟﻰ ﻣﻼﺑﺴﻬﺎ ﻭﻻ ﺗﺪﺭﻯ ﻣﺎﺫﺍ ﺗﺼﻨﻊ .. ﻛﻴﻒ ﺳﺘﻮﻗﻒ ﺳﻴﺎﺭﺓ ﺑﻤﻼﺑﺴﻬﺎ ﺍﻟﻤﺘﺴﺨﺔ ﻟﺘﻌﻮﺩ ﺍﻟﻰ ﺍﻟﻤﺰﺭﻋﺔ .. ﺃﺧﺮﺟﺘﻬﺎ ﺍﻟﻤﺮﺃﺓ ﺍﻟﻌﺠﻮﺯ ﻣﻦ ﺣﻴﺮﺗﻬﺎ ﻭﻗﺎﻟﺖ ﻫﺎﺗﻔﻪ ﻓﻰ ﻓﺮﺡ :
- ﺍﺣﻨﺎ ﻻﺯﻡ ﻧﻜﺮﻣﻜﻮﺍ ﺑﺮﻛﻪ ﻭﻻﺩﻩ ﺍﻟﻤﻬﺮ .. ﻭﺗﻌﺎﻟﺖ ﺍﻟﺰﻏﺎﻳﺪ ﻣﺮﺓ ﺃﺧﺮﻯ .. ﻋﻨﺪﺋﺬ ﺃﻗﺒﻞ ﺭﺟﻞ ﻛﺒﻴﺮ ﻭﻣﻌﻪ ﻏﻼﻡ ﺻﻐﻴﺮ .. ﺿﺮﺑﺖ ﺍﻟﻤﺮﺃﺓ ﺍﻟﻐﻼﻡ ﻋﻠﻰ ﺭﺃﺳﻪ ﻗﺎﺋﻼ :
- ﻛﻞ ﺩﻩ ﺑﺘﻨﺎﺩﻯ ﻷﺑﻮﻙ ﻳﺎ ﻭﻟﻪ
ﻗﺎﻝ ﺍﻟﻮﻟﺪ ﻣﻌﺘﺬﺭﺍ :
- ﻭﺍﻟﻠﻪ ﻳﺎﻣﻪ ﺩﺧﺖ ﻋﻠﻰ ﻣﺎﻟﻘﻴﺘﻪ ﻓﻰ ﺍﻟﻐﻴﻂ
ﺃﻗﺒﻞ ﺍﻟﺮﺟﻞ ﻓﺮﺣﺎً .. ﺟﻠﺲ ﺑﺠﻮﺍﺭ ﺍﻟﻔﺮﺱ ﻭﻫﻮ ﻳﻤﺴﺢ ﺑﻴﺪﻩ ﻋﻠﻰ ﺭﺃﺳﻬﺎ ﻣﺮﺩﺩﺍً :
- ﺍﻟﻠﻬﻢ ﻟﻚ ﺍﻟﺤﻤﺪ ﻭﺍﻟﺸﻜﺮ
- ﻗﺎﻟﺖ ﻟﻪ ﺯﻭﺟﺘﻪ .. ﺍﻟﻬﺎﻧﻢ ﻭﺍﻟﺒﻴﻪ ﻫﻤﺎ ﺍﻟﻠﻰ ﻭﻟﺪﻭﺍ ﺍﻟﻔﺮﺳﻪ ﻳﺎ ﺣﺞ
ﻗﺎﻡ ﺍﻟﺮﺟﻞ ﺍﻟﻄﻴﺐ ﻣﻦ ﻓﻮﺭﻩ ﻭﻣﺪ ﻳﺪﻩ ﺍﻟﻰ " ﻋﻤﺮ " ﻗﺎﺋﻼً :
- ﺟﻤﻴﻠﻜﻮﺍ ﺩﻩ ﻋﻠﻰ ﺍﻟﺮﺍﺱ ﻭﺍﻟﻌﻴﻦ
ﺳﻠﻢ ﻋﻠﻴﻪ " ﻋﻤﺮ " ﻗﺎﺋﻼً :
- ﻣﺒﺮﻭﻙ ﻋﻠﻴﻜﻮﺍ ﺍﻟﻤﻬﺮ
ﺻﺤﺤﺖ " ﻳﺎﺳﻤﻴﻦ " ﻗﺎﺋﻠﻪ :
- ﻣﻬﺮﻩ
ﺍﻟﺘﻔﺖ ﺍﻟﺮﺟﻞ ﺍﻟﻰ " ﻳﺎﺳﻤﻴﻦ " ﻗﺎﺋﻼ :
- ﻣﺪﺍﻡ ﻣﻬﺮﻩ ﻭﺍﻧﺘﻰ ﺍﻟﻠﻰ ﻭﻟﺪﺗﻴﻬﺎ ﻳﺒﻘﻰ ﺗﺘﺴﻤﻰ ﻋﻠﻰ ﺍﺳﻤﻚ .. ﺍﺳﻤﻚ ﺍﻳﻪ ؟
ﺍﺑﺘﺴﻤﺖ " ﻳﺎﺳﻤﻴﻦ " ﺑﺨﺠﻞ ﻗﺎﺋﻠﻪ :
" - ﻳﺎﺳﻤﻴﻦ "
ﻗﺎﻝ ﺍﻟﺮﺟﻞ ﻓﻰ ﻓﺮﺡ :
- ﺍﻟﻠﻪ .. ﻋﺎﺷﺖ ﺍﻷﺳﺎﻣﻰ ﻳﺎ ﺳﺖ " ﻳﺎﺳﻤﻴﻦ .. " ﺧﻼﺹ ﺍﻟﻤﻬﺮﻩ ﻧﺴﻤﻴﻬﺎ " ﻳﺎﺳﻤﻴﻦ "
ﺳﻤﻌﺖ " ﻋﻤﺮ " ﺍﻟﻮﺍﻗﻒ ﺍﻟﻰ ﺟﻮﺍﺭﻫﺎ ﻳﻘﻮﻝ ﻟﻬﺎ ﻣﺒﺘﺴﻤﺎً :
- ﺍﻟﺤﻤﺪ ﻟﻠﻪ ﺍﻧﻪ ﻣﻄﻠﻌﺶ ﻣﻬﺮ .. ﻛﺎﻥ ﺯﻣﺎﻧﻬﻢ ﺳﻤﻮﻩ " ﻋﻤﺮ "
ﺿﺤﻜﺖ " ﻳﺎﺳﻤﻴﻦ " ﺿﺤﻜﻪ ﺧﺎﻓﺘﻪ .. ﺃﺻﺮ ﺍﻟﺮﺟﻞ ﻭﺍﻟﻤﺮﺃﺓ ﻋﻠﻰ ﺗﻘﺪﻳﻢ ﻭﺍﺟﺐ ﺍﻟﻀﻴﺎﻓﺔ ﻟـ " ﻳﺎﺳﻤﻴﻦ " ﻭ " ﻋﻤﺮ .. " ﻭﺣﻠﻒ ﺍﻟﺮﺟﻞ ﺑﺄﻏﻠﻆ ﺍﻷﻳﻤﺎﻥ .. ﻓﺈﻧﺼﺎﻉ ﻟﻪ ﺍﻻﺛﻨﺎﻥ .. ﻛﺎﻥ ﺑﻴﺘﻬﻢ ﺿﻌﻴﺮ ﻣﺒﻨﻰ ﺑﺎﻟﻄﻮﺏ .. ﺧﺮﺟﺖ ﺍﻟﻤﺮﺃﺓ ﺍﻟﻰ " ﻳﺎﺳﻤﻴﻦ " ﺣﺎﻣﻠﺔ ﺟﻠﺒﺎﺏ ﻣﻄﻮﻯ ﻭﺃﻋﻄﺘﻪ ﻟﻬﺎ .. ﻭﺃﻋﻄﺖ ﺟﻠﺒﺎﺑﺎ ﺍﻟﻰ " ﻋﻤﺮ " .. ﻧﻈﺮﺕ " ﻳﺎﺳﻤﻴﻦ " ﺍﻟﻰ ﻣﺎ ﺑﻴﺪﻫﺎ ﻭﻗﺎﻟﺖ ﻟﻬﺎ ﻣﺤﺮﺟﻪ :
- ﻣﺘﺸﻜﺮﺓ ﺃﻭﻯ ﺑﺲ .....
- ﺍﻳﻪ ﻳﺎ ﺑﻨﺘﻰ ﻫﺘﻜﺴﻔﻴﻨﻲ ﻭﻻ ﺍﻳﻪ .. ﺩﻩ ﺍﺣﻨﺎ ﻟﻮ ﻧﻄﻮﻝ ﻧﻘﺪﻣﻠﻜﻮﺍ ﺣﺘﻪ ﻣﻦ ﺍﻟﺴﻤﺎ ﻛﻨﺎ ﻗﺪﻣﻨﺎﻫﺎ .. ﺃﺩﺧﻠﺖ ﺍﻟﻤﺮﺃﺓ " ﻳﺎﺳﻤﻴﻦ " ﺍﻟﻰ ﺣﺠﺮﺓ ﺻﻐﻴﺮﺓ ﺗﺤﺘﻮﻯ ﻋﻠﻰ ﻓﺮﺍﺵ ﻣﻮﺿﻮﻉ ﻋﻠﻰ ﺍﻷﺭﺽ ﻋﻠﻤﺖ " ﻳﺎﺳﻤﻴﻦ " ﺃﻥ ﻫﺬﻩ ﻫﻰ ﻏﺮﻓﺔ ﺍﻟﻤﺮﺃﺓ .. ﺍﺭﺗﺪﺕ " ﻳﺎﺳﻤﻴﻦ " ﺍﻟﺠﻠﺒﺎﺏ ﺍﻟﻨﻈﻴﻒ ﻭﻧﻈﺮﺕ ﺍﻟﻰ ﻣﺮﺁﻩ ﺻﻐﻴﺮﻩ ﻣﺘﺂﻛﻠﻪ ﻣﻮﺿﻮﻋﻪ ﻋﻠﻰ ﺍﻷﺭﺽ .. ﻛﺎﻥ ﺟﻠﺒﺎﺏ ﻭﺍﺳﻊ ﺫﻭ ﻟﻮﻥ ﺃﺧﻀﺮ ﻣﻄﻌﻢ ﺑﺎﻟﻮﺭﻭﺩ ﺍﻟﺼﻐﻴﺮﺓ ﺍﻟﺤﻤﺮﺍﺀ ﻭﻃﺮﺣﻪ ﻣﻦ ﻧﻔﺲ ﻟﻮﻥ ﻭﻧﻮﻉ ﺍﻟﺠﻠﺒﺎﺏ .. ﻧﻈﺮﺕ " ﻳﺎﺳﻤﻴﻦ " ﺍﻟﻰ ﻧﻔﺴﻬﺎ ﻭﺿﺤﻜﺖ ﺿﺤﻜﺔ ﺧﺎﻓﺘﻪ ﻟﻬﻴﺌﺘﻬﺎ ﺍﻟﺘﻰ ﻟﻢ ﺗﻌﺘﺎﺩ ﻋﻠﻴﻬﺎ
ﺣﻤﻠﺖ " ﻳﺎﺳﻤﻴﻦ " ﻣﻼﺑﺴﻬﺎ ﺍﻟﻤﺘﺴﺨﺔ ﻭﺧﺮﺟﺖ ﻣﻦ ﺍﻟﻐﺮﻓﺔ .. ﻟﺘﻘﺎﺑﻞ " ﻋﻤﺮ " ﻓﻰ ﻣﻮﺍﺟﻬﺘﻬﺎ ﻭﻫﻮ ﻳﺨﺮﺝ ﻣﻦ ﻏﺮﻓﺔ ﺃﺧﺮﻯ .. ﻧﻈﺮﺕ ﺍﻟﻴﻪ ﻓﺮﺃﺗﻪ ﻭﻗﺪﺭ ﺍﺭﺗﺪﻯ ﺟﻠﺒﺎﺑﺎ ﺑﺪﻯ ﻗﺼﻴﺮﺍً ﻋﻠﻴﻪ ﻧﻈﺮﺍً ﻟﻄﻮﻝ ﻗﺎﻣﺘﻪ .. ﻟﻢ ﺗﺘﻤﺎﻟﻚ ﻧﻔﺴﻬﺎ ﻓﺈﺑﺘﺴﻤﺖ ﺛﻢ ﺍﻟﺘﻔﺘﺖ ﻟﺘﻐﻠﻖ ﺑﺎﺏ ﺍﻟﻐﺮﻓﺔ
ﻧﻈﺮ ﺍﻟﻴﻬﺎ " ﻋﻤﺮ " ﺑﺨﺒﺚ ﻗﺎﺋﻼً :
- ﻗﺒﻞ ﻣﺎ ﺗﻀﺤﻜﻰ ﻋﻠﻴﺎ ﺑﺼﻰ ﻟﻨﻔﺴﻚ ﻓﻰ ﺍﻟﻤﺮﺍﻳﺔ ﺍﻷﻭﻝ
ﺛﻢ ﺿﺤﻚ ﺿﺤﻜﺔ ﻋﺎﻟﻴﺔ .. ﻃﺎﺭ ﻟﻬﺎ ﻗﻠﺒﻬﺎ .. ﺃﻗﺒﻠﺖ ﺍﻟﻤﺮﺃﺓ ﻭﺗﻘﺪﻣﺖ " ﻋﻤﺮ " ﺍﻟﻰ ﺣﻴﺚ ﻳﺠﻠﺲ ﺯﻭﺟﻬﺎ ﻭﺍﺑﻨﻬﺎ ﻭﻗﺪﻣﺖ ﻟﻬﻢ ﺻﻨﻴﺔ ﺑﻬﺎ ﻛﺴﺮ ﻣﻦ ﺍﻟﺨﺒﺰ ﺍﻟﻨﺎﺷﻒ ﻭﻃﺒﻖ ﻋﺴﻞ ﻭﻃﺒﻖ ﺟﺒﻨﻪ ﻭﺑﻀﻊ ﺣﺒﺎﺕ ﺍﻟﻄﻤﺎﻃﻢ ﻭﺍﻟﺨﻴﺎﺭ .. ﺣﻠﻒ ﺍﻟﺮﺟﻞ ﻭﺃﻗﺴﻢ ﺃﻥ ﻳﺄﻛﻞ " ﻋﻤﺮ " ﻟﻴﺮﺩ ﺍﻟﻴﻪ ﺻﻨﻴﻌﻪ .. ﺟﻠﺴﺖ ﺍﻟﻤﺮﺃﺓ ﻣﻊ " ﻳﺎﺳﻤﻴﻦ " ﻭﺃﺧﺬﺕ ﺗﻘﺪﻡ ﻟﻬﺎ ﻛﺴﺮﺍﺕ ﺍﻟﺨﺒﺰ .. ﻛﺎﻧﺖ ﺍﻟﻤﺮﺃﺓ ﺳﻌﻴﺪﺓ ﺑﻤﺎ ﺗﻘﺪﻣﻪ ﻟـ " ﻳﺎﺳﻤﻴﻦ " ﻭﻗﺎﻟﺖ ﻟﻬﺎ :
- ﻭﺍﻟﻠﻪ ﻣﻘﺎﻣﻚ ﺃﻛﺒﺮ ﻣﻦ ﻛﺪﻩ ﻳﺎ ﺑﻨﺘﻰ .. ﺑﺲ ﺍﺣﻨﺎ ﻋﻠﻰ ﺃﺩ ﺣﺎﻟﻨﺎ ﺯﻯ ﻣﺎ ﺍﻧﺘﻰ ﺷﺎﻳﻔﻪ .. ﻭﺍﻟﺤﺞ ﺣﺎﻟﻒ ﺍﻧﻨﺎ ﻻﺯﻡ ﻧﻜﺮﻣﻚ ﺍﻧﺘﻰ ﻭﺍﻟﺒﻴﻪ .. ﻳﻼ ﻣﺪﻯ ﺍﻳﺪﻙ ﻭﻛﻠﻰ ﻣﺘﺘﻜﺴﻔﻴﺶ
ﺃﻛﻠﺖ " ﻳﺎﺳﻤﻴﻦ " ﺑﻨﻬﻢ ﻭﻫﻰ ﺗﺸﻌﺮ ﺑﺄﻥ ﻟﻬﺬﺍ ﺍﻟﻄﻌﺎﻡ ﺍﻟﻤﻘﺪﻡ ﻟﻬﺎ ﻣﺬﺍﻗﺎً ﺧﺎﺻﺎً ﻭﺑﺮﻛﺔ ﺧﺎﺻﺔ .. ﻛﺎﻧﺖ ﺍﻟﺘﺠﺮﺑﺔ ﺟﺪﻳﺪﺓ ﻋﻠﻰ " ﻋﻤﺮ " ﺃﻳﻀﺎً ﻟﻜﻨﻪ ﺷﻌﺮ ﺑﺴﻌﺎﺩﺓ ﻭﺳﻜﻴﻨﺔ ﻭﻫﻮ ﺟﺎﻟﺲ ﻣﻊ ﺃﻭﻟﺌﻚ ﺍﻟﻨﺎﺱ ﺍﻟﺒﺴﻄﺎﺀ .. ﺍﻧﻬﻴﺎ ﻃﻌﺎﻣﻬﻤﺎ ﻭﺻﻠﻴﺎ ﺍﻟﻌﺼﺮ ﻭﺍﺳﺘﺄﺫﻧﺎ ﻓﻰ ﺍﻹﻧﺼﺮﺍﻑ .. ﺧﺮﺟﺖ " ﻳﺎﺳﻤﻴﻦ " ﺑﺼﺤﺒﺔ " ﻋﻤﺮ " ﻟﻴﺘﻮﺟﻬﺎ ﺍﻟﻰ ﺍﻟﻄﺮﻳﻖ .. ﺍﻗﺘﺮﺏ " ﻋﻤﺮ " ﻣﻦ ﺳﻴﺎﺭﺗﻪ .. ﻓﻮﻗﻔﺖ " ﻳﺎﺳﻤﻴﻦ .. " ﺍﻟﺘﻔﺖ ﻟﻬﺎ " ﻋﻤﺮ " ﻗﺎﺋﻼً :
- ﺗﻌﺎﻟﻰ ﺃﻭﺻﻠﻚ ﺃﻧﺎ ﺭﺍﺟﻊ ﺍﻟﻤﺰﺭﻋﺔ
ﺗﻤﺘﻤﺖ " ﻳﺎﺳﻤﻴﻦ " ﺑﺨﻔﻮﺕ :
- ﺷﻜﺮﺍً ﺃﻧﺎ ﻫﻮﻗﻒ ﻋﺮﺑﻴﺔ ﻣﻦ ﻋﻠﻰ ﺍﻟﻄﺮﻳﻖ
ﺍﺑﺘﺴﻢ " ﻋﻤﺮ " ﻭﻧﻈﺮ ﺍﻟﻴﻬﺎ ﻗﺎﺋﻼً :
- ﻋﺎﺭﻓﻪ ﻣﻦ ﺿﻤﻦ ﺍﻟﺤﺎﺟﺎﺕ ﺍﻟﻠﻰ ﻋﺠﺒﺎﻧﻰ ﻓﻴﻜﻲ ﺍﻳﻪ ؟
ﺧﻔﻖ ﻗﻠﺒﻬﺎ ﻟﻮﻗﻊ ﻛﻠﻤﺎﺗﻪ .. ﻓﺄﻛﻤﻞ ﻗﺎﺋﻼً ﺩﻭﻥ ﺃﻥ ﻳﺮﻓﻊ ﻧﻈﺮﻩ ﻋﻨﻬﺎ :
- ﺍﻧﻚ ﻳﻌﺘﻤﺪ ﻋﻠﻴﻜﻲ .. ﻭﺑﺘﻌﺮﻓﻰ ﺗﺘﺤﻤﻠﻰ ﺍﻟﻤﺴﺆﻟﻴﺔ .. ﻭﺷﺨﺼﻴﺘﻚ ﻗﻮﻳﺔ .. ﺍﻟﻮﺍﺣﺪ ﻳﺴﻠﻢ ﻧﻔﺴﻪ ﻟﻴﻜﻲ ﻭﻫﻮ ﻣﻄﻤﻦ
ﺻﻤﺖ ﻟﺒﺮﻫﻪ ﺛﻢ ﻗﺎﻝ :
- ﺩﻩ ﻃﺒﻌﺎ ﺑﺎﻹﺿﺎﻓﻪ ﻟﺤﺠﺎﺕ ﺗﺎﻧﻴﺔ ﻛﺘﻴﺮ ﺃﻭﻯ
ﻧﻈﺮﺕ " ﻳﺎﺳﻤﻴﻦ " ﺍﻟﻰ ﺍﻟﺴﻴﺎﺭﺍﺕ ﺍﻟﻤﺎﺭﺓ ﺑﺠﻮﺍﺭﻫﺎ ﻟﺘﻬﺮﺏ ﻣﻦ ﺍﻟﻨﻈﺮ ﺍﻟﻴﻬﺎ .. ﻛﺎﻧﺖ ﺗﺨﺸﻰ ﺃﻥ ﻳﺴﻤﻊ ﺻﻮﺕ ﺧﻔﻘﺎﺕ ﻗﻠﺒﻬﺎ ﺍﻟﺬﻯ ﻳﺨﻔﻖ ﺑﺠﻨﻮﻥ .. ﻓﺴﺄﻟﻬﺎ ﺑﻬﺪﻭﺀ :
- ﻫﺘﻌﻤﻠﻰ ﺍﻳﻪ ؟
ﺭﺩﺕ ﺩﻭﻥ ﺃﻥ ﺗﻨﻈﺮ ﺍﻟﻴﻪ :
- ﺯﻯ ﻣﺎ ﻗﻮﻟﺖ ﻫﻮﻗﻒ ﻋﺮﺑﻴﻪ
ﻗﺎﻝ ﻟﻬﺎ :
- ﻷ ﺑﻼﺵ ﺗﺮﻛﺒﻲ ﻋﺮﺑﻴﺔ ﻣﻦ ﻋﻠﻰ ﺍﻟﻄﺮﻳﻖ ﻓﻰ ﺍﻟﻮﻗﺖ ﺩﻩ ﺧﻼﺹ ﺍﻟﺪﻧﻴﺎ ﻫﺘﻠﻴﻞ .. ﺍﻣﺸﻬﺎ ﺃﺣﺴﻦ ﺍﻟﻤﺴﺎﻓﺔ ﻣﺶ ﻛﺒﻴﺮﺓ .. ﺭﺑﻊ ﺳﺎﻋﻪ ﺑﺎﻟﻜﺘﻴﺮ ﻭﺗﻜﻮﻧﻰ ﻓﻰ ﺍﻟﻤﺰﺭﻋﺔ
ﻧﻈﺮﺕ ﺍﻟﻴﻪ " ﻳﺎﺳﻤﻴﻦ " ﺑﺪﻫﺸﺔ ﻭﻗﺎﻟﺖ :
- ﺑﺲ ﺃﻧﺎ ﺃﺧﺎﻑ ﺃﻣﺸﻰ ﻟﻮﺣﺪﻯ ﻓﻰ ﺍﻟﻮﻗﺖ ﺩﻩ ﺍﻟﻤﻐﺮﺏ ﺧﻼﺹ ﻫﻴﺄﺫﻥ
ﻧﻈﺮ ﺍﻟﻴﻬﺎ ﻭﻛﺄﻥ ﻋﻴﻨﻴﻪ ﺗﻌﺎﻧﻘﺎﻧﻬﺎ ﻭﻗﺎﻝ ﻓﻰ ﺣﻨﺎﻥ :
- ﻣﺶ ﻟﻮﺣﺪﻙ ..
ﻧﻈﺮﺕ ﺍﻟﻴﻪ ﻣﺴﺘﻔﻬﻤﻪ ﻓﺈﺳﺘﻄﺮﺩ ﻗﺎﺋﻼً :
- ﻫﻤﺸﻰ ﻭﺭﺍﻛﻰ ﺑﺎﻟﻌﺮﺑﻴﺔ
ﺷﻌﺮﺕ " ﻳﺎﺳﻤﻴﻦ " ﺑﺴﻌﺎﺩﺓ ﺗﻐﻤﺮ ﻗﻠﺒﻬﺎ .. ﺃﻫﻮ ﺧﺎﺋﻒ ﻋﻠﻴﻬﺎ ﺣﻘﺎً .. ﺃﺧﺮﺟﻬﺎ ﻣﻦ ﺃﻓﻜﺎﺭﻫﺎ ﻗﺎﺋﻼً ﺑﺼﻮﺕ ﺧﺎﻓﺖ :
- ﺃﻧﺎ ﻗﻮﻟﺘﻠﻚ ﺑﺲ ﻋﺸﺎﻥ ﺗﺒﻘﻰ ﻋﺎﺭﻓﻪ ﺍﻧﻰ ﻣﻌﺎﻛﻰ .. ﻳﻌﻨﻲ ﺍﻃﻤﻨﻰ ﻣﺘﺨﻔﻴﺶ
ﻣﺸﺖ " ﻳﺎﺳﻤﻴﻦ " ﺑﻀﻊ ﺧﻄﻮﺍﺕ ﻓﺄﻭﻗﻔﻬﺎ ﺻﻮﺗﻪ ﻗﺎﺋﻼ :
- ﻣﺶ ﺗﺠﻴﺒﻰ ﺍﻟﺒﺆﺟﻪ ﺍﻟﻠﻰ ﻣﻌﺎﻛﻰ ﺩﻯ .. ﺃﺣﻄﻬﺎ ﻓﻰ ﺍﻟﻌﺮﺑﻴﺔ ﺃﺣﺴﻦ
ﺍﺑﺘﺴﻤﺖ ﻭﻫﻰ ﻧﻈﺮﺕ ﺍﻟﻰ ﻣﻼﺑﺴﻬﺎ ﺍﻟﺘﻰ ﺗﺤﻤﻠﻬﺎ ﻭﺍﻟﺘﻰ ﻟﻔﺘﻬﺎ ﻋﻠﻰ ﺑﻌﻀﻬﺎ ﺍﻟﺒﻌﺾ ﻗﺎﺋﻠﻪ :
- ﻷ ﺷﻜﺮﺍ .. ﻫﺸﻴﻠﻬﺎ ﺃﻧﺎ
ﺛﻢ ﺳﺎﺭﺕ ﻓﻰ ﻃﺮﻳﻘﻬﺎ .. ﺭﻛﺐ " ﻋﻤﺮ " ﺳﻴﺎﺭﺗﻪ ﻭﺗﺒﻌﻬﺎ .. ﻛﺎﻧﺖ ﻛﻠﻤﺎ ﺍﺑﺘﻌﺪﺕ ﻗﻠﻴﻼ ﻓﻰ ﺧﻄﻮﺍﺗﻬﺎ ﺳﺎﺭ ﺑﺴﻴﺎﺭﺗﻪ ﻭﻭﻗﻒ ﺧﻠﻔﻬﺎ ﺑﺨﻄﻮﺍﺕ ﺛﻢ ﻳﺘﺮﻛﻬﺎ ﺗﺴﻴﺮ ﻟﻔﺘﺮﺓ ﺛﻢ ﻳﻌﻮﺩ ﻟﻴﻘﺮﺏ ﺍﻟﻤﺴﺎﻓﺔ ﻛﻠﻤﺎ ﺑﻌﺪﺕ .. ﻛﺎﻥ ﻳﺸﻌﺮ ﺑﺸﺊ ﻭﺍﺣﺪ .. ﺃﻥ ﻗﻠﺒﻪ ﺃﺻﺒﺢ ﻣﻠﻜﺎً ﺧﺎﻟﺼﺎً ﻟﺘﻠﻚ ﺍﻟﻔﺘﺎﺓ ﺍﻟﺘﻰ ﺗﺴﻴﺮ ﺃﻣﺎﻣﻪ .. ﻭﺍﻟﺘﻰ ﻳﺨﺎﻑ ﻋﻠﻴﻬﺎ ﻭﻳﺮﻏﺐ ﻓﻰ ﺣﻤﺎﻳﺘﻬﺎ ﺑﺄﻯ ﺷﻜﻞ .. ﻷﻧﻬﺎ ﻣﺘﺮﺑﻌﻪ ﻋﻠﻰ ﻋﺮﺵ ﻗﻠﺒﻪ ﺍﻟﺬﻯ ﻳﻨﺒﺾ ﺑﺪﺍﺧﻠﻪ .. ﺷﻌﺮ ﺑﺴﻌﺎﺩﺓ ﻟﺬﻳﺬﺓ ﺗﺴﺮﻯ ﺩﺍﺧﻠﻪ .. ﻭﻫﻮ ﻳﺮﺍﻫﺎ ﺃﻣﺎﻣﻪ .. ﻭﺩ ﻟﻮ ﺃﻭﻗﻒ ﺍﻟﺴﻴﺎﺭﺓ ﻭﻧﺰﻝ ﻟﻴﻌﺎﻧﻘﻬﺎ ﻋﻨﺎﻗﺎً ﻃﻮﻳﻼً ﻻ ﻳﻨﺘﻬﻰ ﺃﺑﺪﺍً .. ﻇﻠﺖ ﻋﻴﻨﻴﻪ ﻣﻌﻠﻘﺔ ﺑﻬﺎ .. ﺣﺘﻰ ﻋﺒﺮﺕ ﺍﻟﻄﺮﻳﻖ ﻭﻭﺻﻠﺖ ﺍﻟﻰ ﺑﻮﺍﺑﺔ ﺍﻟﻤﺰﺭﻋﺔ .. ﻛﺎﻥ ﻗﻠﺐ " ﻳﺎﺳﻤﻴﻦ " ﻳﺨﻔﻖ ﺑﺸﺪﺓ ﻃﻮﺍﻝ ﺍﻟﻄﺮﻳﻖ ﻭﻫﻰ ﺗﺨﺘﻠﺲ ﺍﻟﻨﻈﺮ ﺍﻟﻰ ﺍﻟﺨﻠﻒ ﻓﺘﺠﺪﻩ ﻳﺴﻴﺮ ﺑﺴﻴﺎﺭﺗﻪ ﺧﻠﻔﻬﺎ ﺑﺒﻂﺀ .. ﻛﺎﻧﺖ ﺍﻻﺑﺘﺴﺎﻣﻪ ﻭﺍﺳﻌﺔ ﻋﻠﻰ ﺷﻔﺘﻴﻬﺎ .. ﺣﻤﺪﺕ ﺭﺑﻬﺎ ﺃﻧﻪ ﻳﺴﻴﺮ ﺧﻠﻔﻬﺎ ﻭﻟﻴﺲ ﺃﻣﺎﻣﻬﺎ .. ﺣﺘﻰ ﻻ ﻳﺮﻯ ﺗﻠﻚ ﺍﻟﺴﻌﺎﺩﺓ ﺍﻟﺒﺎﺩﻳﺔ ﻋﻠﻰ ﻭﺟﻬﻬﺎ .. ﻃﺮﻗﺖ ﺍﻟﺒﻮﺍﺑﺔ ﻓﻔﺘﺢ ﺍﻟﻐﻔﻴﺮ ﻭﻧﻈﺮ ﺍﻟﻴﻬﺎ ﻗﺎﺋﻼً :
- ﻣﻴﻦ ﺍﻧﺘﻰ ؟
ﻓﻨﻈﺮﺕ ﺍﻟﻴﻪ ﻗﺎﺋﻠﻪ :
- ﺃﻧﺎ ﺩﻛﺘﻮﺭﺓ " ﻳﺎﺳﻤﻴﻦ "
ﺗﺬﻛﺮ ﺍﻟﺮﺟﻞ ﺃﻧﻪ ﺭﺁﻫﺎ ﺗﺨﺮﺝ ﻓﻰ ﺍﻟﺼﺒﺎﺡ .. ﺍﻧﺘﺒﻪ ﺍﻟﻰ ﻣﻼﺑﺴﻬﺎ ﻭﻧﻈﺮ ﺍﻟﻴﻬﺎ ﻓﻰ ﺩﻫﺸﺔ .. ﺩﺧﻠﺖ " ﻳﺎﺳﻤﻴﻦ " ﻭﺍﻟﺮﺟﻞ ﻳﺘﺒﻌﻬﺎ ﺑﻨﻈﺮﺍﺗﻪ ﻭﻳﻤﻂ ﺷﻔﺘﻴﻪ ﻓﻰ ﺩﻫﺸﺔ .. ﻛﺎﺩ ﺃﻥ ﻳﻐﻠﻖ ﺍﻟﺒﻮﺍﺑﺔ ﻋﻨﺪﻣﺎ ﺳﻤﻊ ﺻﻮﺕ ﺯﻣﻮﺭ ﺳﻴﺎﺭﺓ " ﻋﻤﺮ " ﻓﺎﻟﺘﻔﺖ ﺍﻟﻴﻪ ﻟﻴﺠﺪ ﺭﺟﻼ ﻳﺮﺗﺪﻯ ﺟﻠﺒﺎﺑﺎ ﻓﺼﺎﺡ ﻗﺎﺋﻼ :
- ﺍﻧﺖ ﻣﻴﻦ ؟
ﺃﺧﺮﺝ " ﻋﻤﺮ " ﺭﺃﺳﻪ ﻣﻦ ﺍﻟﺴﻴﺎﺭﺓ ﻗﺎﺋﻼً :
- ﺍﻓﺘﺢ ﺃﻧﺎ ﺍﻟﺒﺸﻤﻬﻨﺪﺱ " ﻋﻤﺮ "
ﻓﺄﺳﺮﻉ ﺍﻟﺮﺟﻞ ﺑﻔﺘﺢ ﺍﻟﺒﻮﺍﺑﺔ ﻋﻠﻰ ﻣﺴﺮﻋﻴﻬﺎ ﻣﺮﺩﺩﺍ :
- ﺍﺗﻔﻀﻠﻰ ﻳﺎ ﺑﻴﻪ .. ﻻ ﻣﺆﺍﺧﺬﻩ ..
ﻧﻈﺮ ﺍﻟﺮﺟﻞ ﺍﻟﻰ ﻣﻼﺑﺲ " ﻋﻤﺮ " ﻭﺍﻟﺴﻴﺎﺭﺓ ﺗﻤﺮ ﺃﻣﺎﻣﻪ ﻓﻀﺮﺏ ﻛﻔﺎً ﻋﻠﻰ ﻛﻒ ﻭﻫﻮ ﻳﻤﻂ ﺷﻔﺘﻴﻪ ﻓﻰ ﺩﻫﺸﺔ
ﺩﺧﻠﺖ " ﻳﺎﺳﻤﻴﻦ " ﺍﻟﻰ ﻏﺮﻓﺘﻬﺎ .. ﺭﺃﺗﻬﺎ " ﺭﻳﻬﺎﻡ " ﻓﻬﺒﺖ ﻭﺍﻗﻔﻪ .. ﻧﻈﺮﺕ ﺍﻟﻴﻬﺎ ﻓﻰ ﺩﻫﺸﺔ ﻗﺎﺋﻠﻪ :
- ﺍﻳﻪ ﻳﺎ " ﻳﺎﺳﻤﻴﻦ " ﻓﻴﻨﻚ ﻣﻮﺑﺎﻳﻠﻚ ﻣﻘﻔﻮﻝ ﻟﻴﻪ .. ﻗﻠﻘﺘﻴﻨﻰ ﻋﻠﻴﻜﻲ .. ﻭﺍﻳﻪ ﺍﻟﻠﻰ ﺍﻧﺘﻰ ﻣﻬﺒﺒﺎﻩ ﻓﻰ ﻧﻔﺴﻚ ﺩﻩ
ﻗﺎﻟﺖ " ﻳﺎﺳﻤﻴﻦ " ﻭﻫﻰ ﺗﺨﺮﺝ ﻫﺎﺗﻔﻬﺎ ﻭﺗﻀﻌﻪ ﻓﻰ ﺍﻟﺸﺎﺣﻦ :
- ﺍﻟﻤﻮﺑﺎﻳﻞ ﻓﺼﻞ ﺷﺤﻦ ﻣﻌﻠﺶ
ﻫﺘﻔﺖ " ﺭﻳﻬﺎﻡ " ﺑﺪﻫﺸﺔ ﻗﺎﺋﻠﻪ :
- ﺍﻳﻪ ﺍﻟﻠﻰ ﺍﻧﺘﻰ ﻻﺑﺴﺎﻩ ﺩﻩ .. ﻋﺎﻣﻠﻪ ﺯﻯ ﺍﻟﻠﻰ ﺟﺎﻳﻪ ﻣﻦ ﻭﺭﺍ ﺍﻟﺠﺎﻣﻮﺳﻪ .. ﺍﻧﺘﻰ ﺁﻩ ﺩﻛﺘﻮﺭﺓ ﺑﻴﻄﺮﻳﺔ ﺑﺲ ﻣﺶ ﻟﺪﺭﺟﺔ ﺍﻟﻨﻴﻮ ﻟﻮﻙ ﺩﻩ ﻳﺎ " ﻳﺎﺳﻤﻴﻦ " ﻫﺘﻔﻀﺤﻴﻨﺎ
ﺿﺤﻜﺖ " ﻳﺎﺳﻤﻴﻦ " ﻭﺃﺧﺬﺕ ﺗﻘﺺ ﻋﻠﻰ ﺃﺧﺘﻬﺎ ﺍﻷﺣﺪﺍﺙ ﺍﻟﻐﺮﻳﺒﺔ ﺍﻟﺘﻰ ﻣﺮﺕ ﺑﻬﺎ
ﺩﺧﻞ " ﻋﻤﺮ " ﺑﻴﺖ ﺍﻟﻤﺰﺭﻋﺔ ﻟﻴﺠﺪ ﻧﻮﺭ ﻣﻜﺘﺒﻪ ﻣﻀﺎﺀﺍً .. ﺗﺮﻙ ﺍﻟﻤﻼﺑﺲ ﺍﻟﻤﺘﺴﺨﺔ ﻣﻦ ﻳﺪﻩ ﻋﻠﻰ ﺍﻟﻤﻘﻌﺪ ﻭﺗﻮﺟﻪ ﺍﻟﻰ ﺍﻟﻤﻜﺘﺐ .. ﻟﻴﺮﻯ " ﺃﻳﻤﻦ " ﺟﺎﻟﺲ ﺃﻣﺎﻡ ﺍﻟﺤﺎﺳﻮﺏ .. ﻧﻈﺮ " ﺃﻳﻤﻦ " ﺍﻟﻰ ﺻﺪﻳﻘﻪ ﻭﺍﻧﻔﺠﺮ ﺿﺎﺣﻜﺎً :
- ﺍﻳﻪ ﻳﺎ " ﻋﻤﺮ " ﺍﻟﻠﻰ ﺍﻧﺖ ﻻﺑﺴﻪ ﺩﻩ .. ﺍﻧﺖ ﺑﻘﻴﺖ ﺃﺑﺎ ﺍﻟﻌﻤﺪﻩ ﻭﻻ ﺍﻳﻪ
- ﻻ ﻳﺎ ﺧﻔﻴﻒ ﻫﺪﻭﻣﻰ ﺍﺗﻮﺳﺨﺖ .. ﻭﻣﻠﻘﺘﺶ ﺣﺎﺟﻪ ﺃﻟﺒﺴﻬﺎ ﻏﻴﺮ ﺍﻟﺠﻠﺒﻴﻪ ﺩﻯ
ﻗﺎﻡ " ﺃﻳﻤﻦ " ﻣﻦ ﻋﻠﻰ ﺍﻟﻤﻜﺘﺐ ﻭﻧﻈﺮ ﺍﻟﻰ ﺻﺪﻳﻘﻪ ﻭﻫﻮ ﻻ ﻳﺴﺘﻄﻴﻊ ﻭﻗﻒ ﺿﺤﻜﺎﺗﻪ ﻗﺎﺋﻼً :
- ﻭﻛﻤﺎﻥ ﻗﺼﻴﺮﻩ .. ﻋﺎﺭﻑ ﺑﺘﻔﻜﺮﻧﻰ ﺑﻤﻴﻦ .. ﺟﺎﻣﻮﺳﺔ ﺭﺍﺣﺖ ﺗﻘﺎﺑﻞ ﺟﺎﻣﻮﺳﺔ ﻳﺎ ﻋﻴﻨﻲ ﻣﻠﻘﺘﻬﺎﺵ ﺟﺎﻣﻮﺳﺔ ﻟﻘﺘﻬﺎ ﺑﻘﺮﺓ ﻳﺎ ﻋﻴﻨﻲ ﻳﺎ ﻟﻴﻴﻴﻴﻴﻞ
ﺿﺤﻚ ﺍﻟﺼﺪﻳﻘﺎﻥ ﻓﻰ ﻣﺮﺡ .. ﻭﺗﺮﻛﻪ " ﻋﻤﺮ " ﻭﺫﻫﺐ ﺍﻟﻰ ﻏﺮﻓﺘﻪ ﻟﻴﺄﺧﺬ ﺩﺷﺎً .. ﻭﺻﻮﺭﺓ " ﻳﺎﺳﻤﻴﻦ " ﻻ ﺗﻔﺎﺭﻕ ﺭﺃﺳﻪ
****************************
ﻓﻰ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻰ ﺩﺧﻞ " ﻛﺮﻡ " ﻣﻜﺘﺐ " ﺭﻳﻬﺎﻡ " ﻗﺒﻞ ﺍﻟﺘﻮﺟﻪ ﺍﻟﻰ ﻣﻜﺘﺒﻪ ﻹﻋﻄﺎﺋﻬﺎ ﺑﻌﺾ ﺍﻟﺘﻌﻠﻴﻤﺎﺕ .. ﺑﻤﺠﺮﺩ ﺃﻥ ﺩﺧﻞ ﻫﺒﺖ " ﺭﻳﻬﺎﻡ " ﻭﺍﻗﻔﺔ ﻭﻋﻼﻣﺎﺕ ﺍﻟﻐﻀﺐ ﻋﻠﻰ ﻭﺟﻬﻬﺎ .. ﻗﺎﻝ " ﻛﺮﻡ : "
- ﺻﺒﺎﺡ ﺍﻟﺨﻴﺮ ﻳﺎ ﺁﻧﺴﻪ " ﺭﻳﻬﺎﻡ "
ﻟﻢ ﺗﺠﺐ ﺑﻞ ﻧﻈﺮﺕ ﺍﻟﻰ ﺳﺎﻋﺘﻬﺎ ﻭﻫﺘﻔﺖ ﻓﻰ ﺣﻨﻖ :
- ﺣﻀﺮﺗﻚ ﺟﺎﻯ ﻣﺘﺄﺧﺮ 3 ﺳﺎﻋﺎﺕ ﻭﻧﺺ
ﻧﻈﺮ ﻟﻬﺎ ﻓﻰ ﺩﻫﺸﺔ ﻗﺎﺋﻼً :
- ﻧﻌﻢ ؟
ﻗﺎﻟﺖ ﺑﻬﺪﻭﺀ ﻣﻤﺰﻭﺝ ﺑﺎﻟﻐﻀﺐ :
- ﻣﻌﺎﺩ ﺣﻀﺮﺗﻚ ﻓﻰ ﺍﻟﻤﻜﺘﺐ ﺍﻟﺴﺎﻋﺔ .. 8 ﻭﺣﻀﺮﺗﻚ ﻓﻰ ﺃﻭﻝ ﻳﻮﻡ ﻧﺒﻬﺖ ﻋﻠﻴﺎ ﺍﻧﻰ ﺁﺟﻰ ﻓﻰ ﻣﻌﺎﺩﻯ ﻭﻣﺘﺄﺧﺮﺵ .. ﺣﻀﺮﺗﻚ ﺍﺗﺄﺧﺮﺕ 3 ﺳﺎﻋﺎﺕ ﻭﻧﺺ ﻭﺃﻧﺎ ﺍﻋﺪﻩ ﻓﻰ ﺍﻟﻤﻜﺘﺐ ﻟﻮﺣﺪﻯ ﻭﻣﺶ ﻻﻗﻴﻪ ﺃﻯ ﺣﺎﺟﻪ ﺃﻋﻤﻠﻬﺎ .. ﻃﻴﺐ ﻛﻨﺖ ﻗﻮﻟﻰ ﺍﻧﻚ ﻫﺘﺘﺄﺧﺮ ﻛﻨﺖ ﺭﻭﺣﺖ ﺟﺒﺖ ﻛﺘﺎﺏ ﺫﺍﻛﺮﺗﻠﻰ ﻛﻠﻤﺘﻴﻦ ﻳﻨﻔﻌﻮﻧﻰ ﻭﻻ ﻛﻨﺖ ﻋﻤﻠﺖ ﺃﻯ ﺣﺎﺟﻪ ﻣﻔﻴﺪﺓ ﺑﺪﻝ ﺍﻟﻮﻗﺖ ﺍﻟﻀﺎﻳﻊ ﺩﻩ
ﻧﻈﺮ " ﻛﺮﻡ " ﺍﻟﻰ ﺃﻋﻠﻰ ﻭﺃﻏﻤﺾ ﻋﻴﻨﻴﻪ ﻭﺣﺎﻭﻝ ﺗﻤﺎﻟﻚ ﺃﻋﺼﺎﺑﻪ ﺛﻢ ﻧﻈﺮ ﺍﻟﻴﻬﺎ ﻗﺎﺋﻼ :
- ﺃﻧﺎ ﺁﺳﻒ ﻳﺎ ﺁﻧﺴﻪ " ﺭﻳﻬﺎﻡ " ﺍﻥ ﺷﺎﺀ ﺍﻟﻠﻪ ﻟﻰ ﺣﺒﻴﺖ ﺍﺗﺄﺧﺮ ﺍﻟﻤﺮﺓ ﺍﻟﺠﺎﻯ ﻫﺒﻘﻰ ﺃﺑﻠﻎ ﺣﻀﺮﺗﻚ
ﺛﻢ ﺗﺮﻛﻬﺎ ﻭﺫﻫﺐ ﺍﻟﻰ ﻣﻜﺘﺒﻪ ﻭﻫﻮ ﻳﺤﺮﻙ ﺭﺃﺳﻪ ﻳﻤﻴﻨﺎً ﻭﻳﺴﺎﺭﺍً ﻓﻰ ﺩﻫﺸﺔ .. ﺑﻌﺪ ﻓﺘﺮﺓ ﻃﻠﺒﻬﺎ " ﻛﺮﻡ " ﻟﺘﺤﻀﺮ ﻟﻪ ﺑﺮﻳﺪ ﺍﻟﻴﻮﻡ ﻟﻴﻤﻠﻴﻬﺎ ﺍﻟﺮﺩ ﻋﻠﻴﻪ .. ﺫﻫﺒﺖ ﺍﻟﻴﻪ ﻭﻭﻗﻔﺖ ﺃﻣﺎﻡ ﺍﻟﻤﻜﺘﺐ ﺃﻋﻄﺘﻪ ﺍﻷﻭﺭﺍﻕ ﻭﺍﻧﺘﻈﺮﺕ ﻣﺎ ﺳﻴﻤﻠﻴﻪ ﻋﻠﻴﻬﺎ .. ﺣﺎﻧﺖ ﻣﻨﻪ ﺍﻟﺘﻔﺎﺗﻪ ﺍﻟﻴﻬﺎ ﻗﺎﺋﻼً :
- ﻫﻮ ﺣﻀﺮﺗﻚ ﻣﻴﻨﻔﻌﺶ ﺗﺒﺘﺴﻤﻰ ؟
ﻗﺎﻟﺖ ﻟﻪ ﺑﺠﺪﻳﻪ :
- ﻧﻌﻢ
- ﺗﺒﺘﺴﻤﻰ ﺗﺒﺘﺴﻤﻰ .. ﻳﻌﻨﻲ ﺗﻌﻤﻠﻰ ﻛﺪﻩ
ﺍﺑﺘﺴﻢ ﺍﺑﺘﺴﺎﻣﻪ ﺻﻔﺮﺍﺀ .. ﺛﻢ ﻗﺎﻝ ﻟﻬﺎ :
- ﺃﻯ ﺳﻜﺮﺗﻴﺮﻩ ﺑﺘﺒﺴﻢ ﻓﻰ ﻭﺵ ﺍﻟﻤﺪﻳﺮ ﺑﺘﺎﻋﻬﺎ
ﻗﺎﻟﺖ " ﺭﻳﻬﺎﻡ " ﻓﻰ ﻫﺪﻭﺀ :
- ﺃﻧﺎ ﻛﺪﻩ ﻣﺒﺤﺒﺶ ﺃﺑﺘﺴﻢ
ﺛﻢ ﻧﻈﺮﺕ ﺍﻟﻰ ﺍﻷﺟﻨﺪﻩ ﺍﻟﺘﻰ ﺗﺤﻤﻠﻬﺎ ﻗﺎﺋﻼً :
- ﺣﻀﺮﺗﻚ ﻣﺶ ﻫﺘﻤﻠﻴﻨﻰ ﺍﻟﺮﺩﻭﺩ
ﺃﻧﺘﻬﻰ " ﻛﺮﻡ " ﻣﻦ ﺗﻤﻠﻴﺘﻬﺎ ﻭﻗﺒﻞ ﺃﻥ ﺗﻐﺎﺩﺭ ﻗﺎﻝ ﻟﻬﺎ .. ﻭﻫﻮ ﻳﻔﺤﺺ ﺍﺣﺪﻯ ﺍﻟﻤﻠﻔﺎﺕ ﺃﻣﺎﻣﻪ :
- ﺍﻧﺘﻰ ﺩﺍﻳﻤﺎ ﺑﺘﻨﺴﻲ ﺍﻟﺒﺎﺏ ﻣﻔﺘﻮﺡ ﻭﺍﻧﺘﻰ ﺩﺧﻼﻟﻰ ﺍﻟﻤﻜﺘﺐ .. ﻣﺘﺒﻘﻴﺶ ﺗﻨﺴﻰ ﺗﻘﻔﻠﻴﻪ
ﻗﺎﻟﺖ ﻟﻪ ﺑﺒﺮﻭﺩ :
- ﻷ ﺃﻧﺎ ﻣﺒﻨﺴﺎﺵ ﺃﻗﻔﻠﻪ .. ﺃﻧﺎ ﻣﺘﻌﻤﺪﻩ ﺃﺳﻴﺒﻪ ﻣﻔﺘﻮﺡ
ﺭﻓﻊ ﻧﻈﺮﻩ ﺍﻟﻴﻬﺎ ﻗﺎﺋﻼ :
- ﻟﻴﻪ ﺍﻥ ﺷﺎﺀ ﺍﻟﻠﻪ
ﻗﺎﻟﺖ ﺑﻨﻔﺲ ﺍﻟﺒﺮﻭﺩ :
- ﻋﺸﺎﻥ ﻣﻴﺒﻘﺎﺵ ﻓﻰ ﺧﻠﻮﺓ ..
ﻧﻈﺮ ﻟﻬﺎ ﺑﻌﺪﻡ ﻓﻬﻢ ﻟﻠﺤﻈﺎﺕ .. ﺛﻢ ﻗﺎﻝ ﺑﺴﺨﺮﻳﻪ :
- ﺁﻩ ﻋﺸﺎﻥ ﺍﻟﺸﻴﻄﺎﻥ ﺛﺎﻟﺜﻬﻤﺎ ﻭﺍﻟﺠﻮ ﺩﻩ ﻳﻌﻨﻲ .. ﻻ ﻳﺎ ﺁﻧﺴﻪ " ﺭﻳﻬﺎﻡ " ﻓﻰ ﺣﺎﻟﺘﻚ ﺩﻯ ﺍﻟﺸﻴﻄﺎﻥ ﻫﻴﺨﺎﻑ ﻳﻬﻮﺏ ﻫﻨﺎ ﺃﺻﻼ
ﻗﺎﻟﺖ ﻟﻪ ﺑﺤﺪﻩ :
- ﻧﻌﻢ ؟ .. ﺣﻀﺮﺗﻚ ﺑﺘﻘﻮﻝ ﺍﻳﻪ
ﻗﺎﻝ ﺑﺴﺮﻋﺔ :
- ﺑﻘﻮﻟﻚ ﺍﻃﺒﻌﻰ ﺍﻟﻮﺭﻕ ﺍﻟﻠﻰ ﺍﺩﻳﺘﻬﻮﻟﻚ 3 ﻧﺴﺦ ﺍﻳﻪ ﻣﺒﺘﺴﻤﻌﻴﺶ .. ﻳﻼ ﺑﺴﺮﻋﺔ
ﻧﻈﺮﺕ ﻟﻪ " ﺭﻳﻬﺎﻡ " ﺑﻐﻴﻆ ﺛﻢ ﺧﺮﺟﺖ ﻟﺘﻜﻤﻞ ﻋﻤﻠﻬﺎ ... ﻓﻰ ﺍﻟﻴﻮﻡ ﺍﻟﺘﺎﻟﻰ ﺣﻀﺮ " ﻛﺮﻡ " ﺍﻟﻰ ﻣﻜﺘﺐ " ﺭﻳﻬﺎﻡ " ﻗﺒﻞ ﺃﻥ ﻳﻤﺮ ﻋﻠﻰ ﻣﻜﺘﺒﻪ .. ﺩﺧﻞ ﻓﺮﻓﻌﺖ ﺭﺃﺳﻬﺎ ﺗﻨﻈﺮ ﺍﻟﻴﻪ ﻓﺄﺷﺎﺭ ﺍﻟﻰ ﺳﺎﻋﺘﻪ ﻗﺎﺋﻼً :
- ﺍﻟﺴﺎﻋﺔ 8 ﻳﻌﻨﻲ ﻓﻰ ﻣﻌﺎﺩﻯ ﺑﺎﻟﻈﺒﻂ ..
ﺃﺷﺎﺣﺖ ﺑﻮﺟﻬﻬﺎ ﺩﻭﻥ ﺃﻥ ﺗﺮﺩ .. ﻓﻨﻈﺮ ﺍﻟﻴﻬﺎ ﻗﺎﺋﻼً ﺑﺤﺴﺮﻩ :
- ﻋﻠﻰ ﺭﺃﻯ ﺍﻟﻤﺜﻞ " ﺗﺄﺗﻰ ﺍﻟﺮﻳﺎﺡ .. ﻣﺤﻤﻠﺔ ﺑﺎﻷﺗﺮﺑﺔ "
ﺧﺮﺝ ﻣﻦ ﺍﻟﻤﻜﺘﺐ ﻓﻠﻢ ﺗﺘﻤﺎﻟﻚ " ﺭﻳﻬﺎﻡ " ﻧﻔﺴﻬﺎ ﻓﺎﺑﺘﺴﻤﺖ .. ﻓﺪﺧﻞ ﻣﺮﺓ ﺃﺧﺮﻯ ﺑﺴﺮﻋﺔ ﻗﺎﺋﻼ :
- ﻣﺎ ﺍﺣﻨﺎ ﺑﻨﺒﺘﺴﻢ ﺯﻯ ﺍﻟﺒﻨﻰ ﺁﺩﻣﻴﻦ ﺃﻫﻮ .. ﻭﺍﺑﺘﺴﺎﻣﺘﻨﺎ ﺣﻠﻮﺓ ﻛﻤﺎﻥ
ﺗﺤﺪﺛﺖ ﺍﻟﻴﻪ ﺑﺠﺪﻳﻪ ﻗﺎﺋﻼً :
- ﺑﺸﻤﻬﻨﺪﺱ " ﻛﺮﻡ .. " ﺍﺗﻔﻀﻞ ﻋﻠﻰ ﻣﻜﺘﺒﻚ ﻟﻮ ﺳﻤﺤﺖ
ﻫﺰ ﺭﺃﺳﻪ ﻗﺎﺋﻼً ﺑﺴﺨﺮﻳﺔ :
- ﺗﺤﺖ ﺃﻣﺮﻙ ﻳﺎ ﺁﻧﺴﻪ " ﺭﻳﻬﺎﻡ "
ﺛﻢ ﺧﺮﺝ ﻣﺴﺮﻋﺎً
*********************
ﺟﻠﺲ ﺍﻷﺻﺪﻗﺎﺀ ﺍﻟﺜﻼﺛﺔ ﻣﻌﺎً ﻓﻰ ﻣﻜﺘﺐ " ﻋﻤﺮ " ﻓﻬﺘﻒ " ﻛﺮﻡ " ﻗﺎﺋﻼً :
- ﺍﻳﻪ ﻳﺎ ﺟﻤﺎﻋﺔ ﺍﻟﺴﻜﺮﺗﻴﺮﺓ ﺍﻟﻠﻰ ﺍﻧﺘﻮﺍ ﺟﺎﻳﺒﻴﻨﻬﺎﻟﻰ ﺩﻯ ؟ .. ﺃﻧﺎ ﻋﺎﻳﺰ ﺑﺲ ﺃﻓﻬﻢ ﺣﺎﺟﻪ ﻭﺍﺣﺪﺓ ﻫﻮ ﺍﻧﺘﻮﺍ ﻣﺸﻐﻠﻴﻦ ﺍﻟﺴﻜﺮﺗﻴﺮﺓ ﺩﻯ ﻋﻨﺪﻯ ﻭﻻ ﻣﺸﻐﻠﻴﻨﻲ ﺃﻧﺎ ﻋﻨﺪﻫﺎ
ﺳﺄﻟﻪ " ﻋﻤﺮ " ﻣﺒﺘﺴﻤﺎً :
- ﻟﻴﻪ ﺍﻳﻪ ﺍﻟﻠﻰ ﺣﺼﻞ ؟
ﻗﺎﻝ " ﻛﺮﻡ " ﻭﻫﻮ ﻳﻀﺮﺏ ﻛﻔﺎً ﺑﻜﻒ :
- ﺃﻗﻮﻟﻬﺎ ﺍﻗﻔﻠﻰ ﺍﻟﺒﺎﺏ ﺗﻘﻮﻟﻰ ﺧﻠﻮﺓ .. ﺃﻗﻮﻟﻬﺎ ﺍﺑﺘﺴﻤﻰ ﺗﻘﻮﻟﻰ ﺃﻧﺎ ﻛﺪﻩ ﻣﺒﺘﺴﻤﺶ .. ﺃﻗﻮﻟﻬﺎ ﺍﻋﻤﻠﻴﻠﻲ ﻗﻬﻮﺓ ﺗﻘﻮﻟﻰ ﺃﻧﺎ ﺳﻜﺮﺗﻴﺮﺓ ﻣﺶ ﺧﺪﺍﻣﻪ
ﺿﺤﻚ " ﺍﻳﻤﻦ " ﻭ " ﻋﻤﺮ " .. ﻓﻬﺘﻒ " ﻛﺮﻡ " ﻗﺎﺋﻼً :
- ﻻ ﺍﺳﺘﻨﻮﺍ ﺧﺪﻭﺍ ﺍﻟﺘﻘﺒﻠﻪ .. ﻟﻘﺘﻴﻬﺎ ﺑﺘﺰﻋﻘﻠﻰ ﻭﻛﺎﻥ ﻫﺎﻳﻦ ﻋﻠﻴﻬﺎ ﺗﺎﺧﺪﻧﻰ ﺃﻟﻤﻴﻦ ﻋﺸﺎﻥ ﺍﺗﺎﺧﺮﺕ ﻋﻦ ﻣﻌﺎﺩﻯ .. ﺃﻧﺎ ﺧﺎﻳﻒ ﺃﺭﻭﺡ ﺑﻜﺮﺓ ﺍﻟﺸﻐﻞ ﺃﻻﻗﻴﻬﺎ ﺟﻴﺒﺎﻟﻰ ﺩﻓﺘﺮ ﺣﻀﻮﺭ ﻭﺍﻧﺼﺮﺍﻑ
ﺍﺑﺘﺴﻢ " ﻋﻤﺮ " ﻗﺎﺋﻼً :
- ﺃﺧﺘﻬﺎ ﺑﺮﺩﻩ ﻣﻌﻠﻤﺎﻧﻰ ﺍﻷﺩﺏ
- ﻫﻰ ﺃﺧﺘﻬﺎ ﺑﺮﺩﻩ ﺳﻜﺮﺗﻴﺮﻩ ؟
- ﻷ .. ﺩﻛﺘﻮﺭﺓ ﺑﻴﻄﺮﻳﺔ
ﺍﺑﺘﺴﻢ " ﺃﻳﻤﻦ " ﻗﺎﺋﻼً :
- ﻭﺍﻟﻠﻪ ﺑﻨﺘﻴﻦ ﻣﻴﻪ ﻣﻴﻪ
ﻧﻈﺮ " ﻛﺮﻡ " ﺍﻟﻰ ﺳﺎﻋﺘﻪ ﺛﻢ ﻗﺎﻡ ﻟﻴﻨﺼﺮﻑ .. ﻓﺴﺄﻟﻪ " ﻋﻤﺮ " :
- ﻋﻠﻰ ﻓﻴﻦ ؟
ﻧﻈﺮ ﺍﻟﻴﻪ ﻗﺎﺋﻼً ﺑﺴﺨﺮﻳﻪ :
- ﺍﺳﺘﺮﺍﺣﺔ ﺍﻟﻐﺪﺍ ﺧﻠﺼﺖ .. ﺧﺎﻳﻒ ﺃﺭﻭﺣﻠﻬﺎ ﻣﺘﺄﺧﺮ ﺗﺨﺼﻤﻠﻰ ﻳﻮﻡ ﻣﻦ ﻣﺮﺗﺒﻲ
ﻗﺎﻝ ﺫﻟﻚ . ﺛﻢ ﺍﻧﺼﺮﻑ ﺍﻟﻰ ﻣﻜﺘﺒﻪ
