ﺍﻧﻄﻠﻖ " ﻋﻤﺮ " ﺑﺴﻴﺎﺭﺗﻪ ﻋﺎﺋﺪﺍً ﺍﻟﻰ ﺑﻴﺖ " ﺳﻤﺎﺡ " ﺑﻌﺪﻣﺎ ﺃﻧﻬﻰ ﻣﻬﻤﺘﻪ ﻓﻰ ﻣﻜﺘﺒﻪ .. ﺭﻥ ﻫﺎﺗﻔﻪ ﻓﺄﺧﺮﺟﻪ ﻣﻦ ﺟﻴﺐ ﻭﻧﻈﺮ ﺍﻟﻴﻪ ﻓﻮﺟﺪ " ﻛﺮﻡ " ﺍﻟﻤﺘﺼﻞ :
- ﺃﻳﻮﺓ ﻳﺎ " ﻛﺮﻡ "
- ﺍﻳﻪ ﻳﺎ " ﻋﻤﺮ " ﺍﻧﺖ ﻓﻴﻦ ؟
- ﺧﻼﺹ ﺃﻧﺎ ﻓﻰ ﺍﻟﻄﺮﻳﻖ ﺃﻫﻮ
- ﻃﻴﺐ ﻳﻼ ﺑﺴﺮﻋﺔ ﺷﻬﻞ ﺷﻮﻳﻪ
- ﺧﻼﺹ ﺃﻧﺎ ﺃﻫﻮ ﺩﻗﻴﻘﺘﻴﻦ ﻭﺃﺑﻘﻰ ﺃﺩﺍﻡ ﺍﻟﺒﻴﺖ ﺳﻼﻡ
- ﺳﻼﻡ
ﺃﻏﻠﻖ " ﻋﻤﺮ " ﻫﺎﺗﻔﻪ " ﻭﺯﺍﺩ ﻣﻦ ﺳﺮﻋﺔ ﺳﻴﺎﺭﺗﻪ ﻭﻓﺠﺄﻩ ..............
ﺍﻧﻄﻠﻖ ﻓﻰ ﺍﻟﺸﺎﺭﻉ ﺻﻮﺕ ﻓﺮﺍﻣﻞ ﺍﻟﺴﻴﺎﺭﺓ ﻭﻫﻰ ﺗﻜﺒﺢ ﺟﻤﺎﺣﻬﺎ ﺑﺸﺪﺓ .. ﺑﻌﺪﻣﺎ ﺻﺪﻡ ﺷﺨﺼﺎُ ﻣﺎ ﻇﻬﺮ ﺃﻣﺎﻣﻪ ﻣﻦ ﺍﻟﻌﺪﻡ ﻓﻠﻢ ﻳﺴﺘﻄﻴﻊ ﺗﻔﺎﺩﻯ ﺍﻹﺻﻄﺪﺍﻡ ﺑﻪ .. ﺳﻘﻂ ﺍﻟﺸﺨﺺ ﺃﻣﺎﻣﻪ ﻋﻠﻰ ﺍﻷﺭﺽ ﺑﻌﺪﻣﺎ ﺩﻓﻌﺘﻪ ﺍﻟﺴﻴﺎﺭﺓ ﻋﻨﻬﺎ ﺑﻀﻌﻪ ﺧﻄﻮﺍﺕ ﺃﻭﻗﻒ ﺳﻴﺎﺭﺗﻪ ﻭﻧﺰﻝ ﺑﺴﺮﻋﺔ ﻟﻴﺠﺪ ﻓﺘﺎﺗﻨﺎ ﻭﻗﺪ ﺍﺭﺗﺴﻢ ﻋﻠﻰ ﻣﻼﻣﺤﻬﺎ ﺍﻷﻟﻢ ﺍﻟﺸﺪﻳﺪ .. ﻟﻢ ﺗﺴﺘﻄﻊ " ﻳﺎﺳﻤﻴﻦ " ﺗﺤﻤﻞ ﺍﻷﻟﻢ ﺍﻟﺬﻯ ﻛﺎﻧﺖ ﺗﺸﻌﺮ ﺑﻪ ﻓﻰ ﺳﺎﻗﻬﺎ ﻓﺴﻘﻄﺖ ﻣﻐﺸﻴﺎً ﻋﻠﻴﻬﺎ .. ﺍﻗﺘﺮﺏ ﻣﻨﻬﺎ " ﻋﻤﺮ " ﻭﺟﺜﺎ ﻋﻠﻰ ﺭﻛﺒﺘﻴﻪ ﻗﺎﺋﻼً :
- ﻳﺎ ﺁﻧﺴﻪ .. ﻳﺎ ﺁﻧﺴﻪ
ﻟﻜﻦ " ﻳﺎﺳﻤﻴﻦ " ﻛﺎﻧﺖ ﻓﻰ ﻋﺎﻟﻢ ﺁﺧﺮ
ﺗﺠﻤﻊ ﺑﻌﺾ ﺍﻟﻤﺎﺭﻩ ﻣﻦ ﺍﻟﻨﺎﺱ ﻣﺮﺩﺩﻳﻦ :
- ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ
- ﻣﺶ ﺗﻔﺘﺢ ﻳﺎ ﺃﺧﻴﻨﺎ
- ﺣﺪ ﻳﺴﻮﻕ ﺍﻟﻌﺮﺑﻴﻪ ﺑﺎﻟﺴﺮﻋﻪ ﺩﻯ
ﻭﺟﻪ ﺍﻟﻴﻬﻢ " ﻋﻤﺮ " ﺣﺪﻳﺜﻪ ﻭﻫﻮ ﻳﻨﻈﺮ ﺍﻟﻰ " ﻳﺎﺳﻤﻴﻦ " ﻗﺎﺋﻼً :
- ﻫﻰ ﺍﻟﻠﻰ ﻇﻬﺮﺕ ﺃﺩﺍﻣﻰ ﻓﺠﺄﻩ
ﻓﻘﺎﻝ ﻟﻪ ﺃﺣﺪ ﺍﻟﻤﺎﺭﻩ :
- ﻳﻌﻨﻲ ﺍﻳﻪ ﻇﻬﺮﺕ ﻓﺠﺄﻩ ﻃﻠﻌﺖ ﻣﻦ ﺗﺤﺖ ﺍﻷﺭﺽ ﻳﻌﻨﻲ .. ﺃﻧﺎ ﺷﺎﻳﻔﻚ ﺑﻌﻴﻨﻲ ﻭﺍﻧﺖ ﺳﺎﻳﻖ ﺑﺴﺮﻋﻪ ﻭﺍﻟﺒﻨﺖ ﻣﻠﻬﺎﺵ ﺫﻧﺐ ﺍﻧﺖ ﺍﻟﻐﻠﻄﺎﻥ .. ﺍﺗﻘﻰ ﺍﻟﻠﻪ ﻳﺎ ﺷﻴﺦ ﻫﻮ ﻋﺸﺎﻥ ﻣﺎ ﺍﻧﺘﻮﺍ ﺃﻏﻨﻴﻪ ﻫﺘﻴﺠﻮﺍ ﻋﻠﻰ ﺍﻟﻔﻘﺮﺍ ﺍﻟﻠﻰ ﺯﻳﻨﺎ .. ﺍﻩ ﻣﺎ ﺍﺣﻨﺎ ﺃﺭﻭﺍﺣﻨﺎ ﻓﻰ ﺍﻟﺒﻠﺪ ﺩﻯ ﺭﺧﻴﺼﻪ ﻣﻠﻬﺎﺵ ﺗﻤﻦ
ﺍﻧﻔﻌﻞ ﻋﻠﻴﻪ " ﻋﻤﺮ " ﻗﺎﺋﻼً :
- ﻟﺰﻣﺘﻪ ﺍﻳﻪ ﺍﻟﻜﻼﻡ ﺩﻩ ﺩﻟﻮﻗﺘﻰ .. ﺍﻟﻤﻬﻢ ﺩﻟﻮﻗﺘﻰ ﺃﻭﺻﻞ ﺍﻟﺒﻨﺖ ﺩﻯ ﺍﻟﻤﺴﺘﺸﻔﻰ
- ﺍﻩ ﺗﻮﺻﻠﻬﺎ ﺍﻟﻤﺴﺘﺸﻔﻰ .. !! ﺭﺟﻠﻰ ﻋﻠﻰ ﺭﺟﻠﻚ ﻳﺎ ﺑﻴﻪ .. ﻣﻌﻠﺶ ﺑﺲ ﻭﻻﺩ ﺍﻟﺤﺮﺍﻡ ﻛﺘﻴﺮ .. ﻭﻣﻨﻀﻤﻨﺶ ﻧﺴﻴﺒﻚ ﺗﻮﺻﻞ ﺍﻟﺒﻨﺖ ﺩﻯ ﻟﻮﺣﺪﻙ ﺧﺎﺻﺔ ﻭﺍﻧﺖ ﺧﺎﺑﻄﻬﺎ ﻭﺍﻟﻤﻮﺿﻮﻉ ﺩﻩ ﻻﺯﻡ ﻳﺘﺒﻠﻎ ﻋﻨﻪ ﻭﻳﻜﻮﻥ ﻓﻲ ﻣﺤﻀﺮ ﻋﺸﺎﻥ ﺣﻖ ﺍﻟﻤﺴﻜﻴﻨﺔ ﺩﻯ ﻣﻴﻀﻌﺶ
ﻗﺎﻝ " ﻋﻤﺮ " ﻓﻰ ﻏﻀﺐ :
- ﺍﻋﻤﻞ ﺍﻟﻠﻰ ﺗﻌﻤﻠﻪ ﺃﻧﺎ ﻣﺶ ﻫﺨﺎﻑ ﻣﻨﻚ ..
ﺣﻤﻞ " ﻋﻤﺮ " ﺟﺴﺪ " ﻳﺎﺳﻤﻴﻦ " ﺑﺨﻔﻪ ﻭﻭﺿﻌﻬﺎ ﻓﻰ ﺍﻟﻤﻘﻌﺪ ﺍﻟﺨﻠﻔﻰ ﻟﺴﻴﺎﺭﺗﻪ .. ﻭﻭﺟﺪ ﺍﻟﺮﺟﻞ ﺍﻟﺬﻯ ﺗﺸﺎﺟﺮ ﻣﻌﻪ ﻳﺮﻛﺐ ﻓﻰ ﺍﻟﻤﻘﻌﺪ ﺍﻷﻣﺎﻣﻰ ﻭﻫﻮ ﻳﺨﺮﺝ ﻫﺎﺗﻔﻪ ﻟﻴﺘﺼﻞ ﺑﺎﻟﺸﺮﻃﺔ .. ﺃﺩﺍﺭ " ﻋﻤﺮ " ﺍﻟﺴﻴﺎﺭﺓ ﻭﺗﻮﺟﻪ ﺍﻟﻰ ﺍﻟﻤﺴﺘﺸﻔﻰ .
*********************
ﺗﻌﺎﻟﺖ ﺍﻟﺰﻏﺎﺭﻳﺪ ﻓﻰ ﺑﻴﺖ " ﺳﻤﺎﺡ " ﺑﻌﺪﻣﺎ ﺃﻟﺒﺴﺘﻬﺎ ﻭﺍﻟﺪﺗﻬﺎ ﺍﻟﺸﺒﻜﺔ .. ﻛﺎﻧﺖ ﺗﻌﻠﻮ ﺷﻔﺘﻴﻬﺎ ﺍﺑﺘﺴﺎﻣﺔ ﺳﻌﺎﺩﻩ ﻣﻤﺰﻭﺟﻪ ﺑﺎﻟﺨﺠﻞ .. ﻗﺒﻞ ﻭﺍﻟﺪﻫﺎ ﺭﺃﺳﻬﺎ ﻗﺎﺋﻼً :
- ﻣﺒﺮﻭﻙ ﻳﺎ ﺣﺒﻴﺒﺔ ﻗﻠﺒﻲ
ﻭﺳﻠﻢ ﻋﻠﻰ " ﺃﻳﻤﻦ " ﻗﺎﺋﻼً :
- ﻣﺒﺮﻭﻙ ﻳﺎ ﺍﺑﻨﻰ ﻋﻘﺒﺎﻝ ﺍﻟﻔﺮﺡ ﺍﻥ ﺷﺎﺀ ﺍﻟﻠﻪ
ﻭﻗﻒ " ﺃﻳﻤﻦ " ﻭﺣﻀﻨﻪ ﻗﺎﺋﻼً :
- ﺍﻟﻠﻪ ﻳﺒﺎﺭﻙ ﻓﻴﻚ ﻳﺎ ﺑﺎﺑﺎ .. ﻭﺍﺳﻤﺤﻠﻰ ﺍﻧﻰ ﺃﻗﻮﻟﻚ ﺑﺎﺑﺎ
ﺍﺑﺘﺴﻢ ﺍﻷﺏ ﻗﺎﺋﻼً :
- ﻃﺒﻌﺎً ﻳﺎ ﺍﺑﻨﻰ ﺍﻧﺖ ﺧﻼﺹ ﺑﻘﻴﺖ ﺍﺑﻨﻰ .. ﺩﻩ ﺍﻧﺖ ﻭﺍﺧﺪ ﺣﺘﻪ ﻣﻦ ﻗﻠﺒﻲ
ﻭﺟﻬﺖ " ﺳﻤﺎﺡ " ﺣﺪﻳﺜﻬﺎ ﺍﻟﻰ ﻭﺍﻟﺪﺗﻬﺎ ﺍﻟﺠﺎﻟﺴﻪ ﺑﺠﻮﺍﺭﻫﺎ ﻗﺎﺋﻠﻪ :
- ﻣﺎﻣﺎ ﻓﻴﻦ " ﻳﺎﺳﻤﻴﻦ " ؟
- ﻭﺍﻟﻠﻪ ﻳﺎ " ﺳﻤﺎﺡ " ﻣﺎ ﺃﻋﺮﻑ .. ﻫﻰ ﻗﺎﻟﺖ ﻫﺘﺮﻭﺡ ﺗﺠﻴﺐ ﺃﺧﺘﻬﺎ ﻣﻦ ﺍﻟﻤﺘﺮﻭ ﺑﺲ ﺍﺗﺎﺧﺮﺕ ﺃﻭﻯ
- ﻃﻴﺐ ﻣﻌﻠﺶ ﻳﺎ ﻣﺎﻣﺎ ﺍﺗﺼﻠﻰ ﺑﻴﻬﺎ
ﺍﺗﺼﻠﺖ ﺍﻷﻡ ﺑـ " ﻳﺎﺳﻤﻴﻦ " ﺛﻢ ﻗﺎﻟﺖ :
- ﻣﺎ ﺑﺘﺮﺩﺵ
ﺷﻌﺮﺕ " ﺳﻤﺎﺡ " ﺑﺎﻟﻘﻠﻖ ﻗﺎﺋﻠﻪ :
- ﺭﺑﻨﺎ ﻳﺴﺘﺮ
ﻃﻤﺌﻨﺘﻬﺎ ﺃﻣﻬﺎ ﻗﺎﺋﻠﻪ :
- ﻣﺘﺨﻔﻴﺶ ﺯﻣﺎﻧﻬﺎ ﺟﺎﻳﻪ ﺍﻥ ﺷﺎﺀ ﺍﻟﻠﻪ
ﻭﻓﻰ ﻫﺬﻩ ﺍﻷﺛﻨﺎﺀ ﻗﺎﻝ " ﺃﻳﻤﻦ " ﻟـ " ﻛﺮﻡ : "
- ﻓﻴﻦ ﺳﻲ " ﻋﻤﺮ " ﺑﺎﺷﺎ ؟
- ﻭﺍﻟﻠﻪ ﻳﺎ ﺍﺑﻨﻰ ﻣﺎ ﺃﻋﺮﻑ ﻗﺎﻟﻰ ﺩﻗﻴﻘﺘﻴﻦ ﻭﻫﻜﻮﻥ ﺃﺩﻡ ﺍﻟﺒﻴﺖ ﺍﻟﻜﻼﻡ ﺩﻩ ﻣﻦ ﺳﺎﻋﺔ ﺍﻻ ﺭﺑﻊ .. ﻣﺶ ﻋﺎﺭﻑ ﺑﻴﺖ ﻣﻴﻦ ﺍﻟﻠﻲ ﻳﻘﺼﺪﻩ ﺑﺎﻟﻈﺒﻂ !! .. ﺷﻜﻠﻪ ﺑﻴﺘﻜﻠﻢ ﻋﻦ ﺑﻴﺖ " ﻧﺎﻧﺴﻲ " !!
- ﻃﻴﺐ ﺍﺗﺼﻞ ﺑﻴﻪ
ﺍﺗﺼﻞ " ﻛﺮﻡ " ﺑـ " ﻋﻤﺮ " ﻗﺎﺋﻼً :
- ﺍﻳﻪ ﻳﺎ ﺍﺑﻨﻰ ﺍﻧﺖ ﻓﻴﻦ .. ﻛﻞ ﺩﻩ ﺍﻟﺪﻗﻴﻘﺘﻴﻦ ﻣﺨﻠﺼﻮﺵ .. ﻭﻻ ﺍﻧﺖ ﺑﺘﻤﺸﻰ ﺟﻮﻩ ﺍﻟﺠﺰﻣﺔ ﺍﻷﻭﻝ
ﺗﻨﻬﺖ " ﻋﻤﺮ " ﻗﺎﺋﻼً :
- ﺃﻧﺎ ﻓﻰ ﺍﻟﻤﺴﺘﺸﻔﻰ ﻳﺎ " ﻛﺮﻡ " ﻋﻤﻠﺖ ﺣﺎﺩﺛﻪ ﺑﺎﻟﻌﺮﺑﻴﻪ
ﻗﺎﻡ ﻟﻴﺒﺘﻌﺪ ﻋﻦ " ﺃﻳﻤﻦ " ﺛﻢ ﻗﺎﻝ :
- ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ .. ﺍﻧﺖ ﻛﻮﻳﺲ ؟ ﻃﻤﻨﻰ ﻋﻠﻴﻚ
- ﺍﻩ ﻛﻮﻳﺲ ﺑﺲ ﺧﺒﻄﺖ ﺑﻨﺖ ﺑﺎﻟﻌﺮﺑﻴﻪ ﻭﻛﺎﻧﺖ ﻣﻐﻤﻰ ﻋﻠﻴﻬﺎ ﻣﻌﺮﻓﺶ ﺟﺮﺍﻟﻬﺎ ﺍﻳﻪ .. ﺍﻟﻤﻤﺮﺿﺔ ﺑﺘﻘﻮﻟﻰ ﺍﻧﻬﻢ ﻋﻤﻠﻮﻟﻬﺎ ﺍﺷﺎﻋﻪ ﻭﺑﻴﺠﺒﺴﻮﻟﻬﺎ ﺭﺟﻠﻬﺎ
- ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ
- ﻭﺩﻟﻮﻗﺘﻰ ﻓﻰ ﻇﺎﺑﻂ ﻋﻨﺪﻫﺎ ﺑﻴﺎﺧﺪ ﺃﻗﻮﺍﻟﻬﺎ
- ﻇﺎﺑﻂ ؟؟ ﻭﺍﻳﻪ ﺍﻟﻠﻰ ﻭﺻﻞ ﺍﻟﻤﻮﺿﻮﻉ ﻟﻜﺪﻩ
ﻗﺎﻝ " ﻋﻤﺮ " ﻓﻰ ﺿﻴﻖ :
- ﻭﺍﺣﺪ ﻣﻦ ﺍﻟﻠﻰ ﻛﺎﻧﻮﺍ ﻣﺎﺷﻴﻴﻦ ﺍﺗﺪﺧﻞ ﻓﺠﺄﺓ ﻭﻗﻌﺪ ﻳﺒﺮﻃﻢ ﺑﺎﻟﻜﻼﻡ ﻭﻣﺮﺗﺤﺶ ﺍﻻ ﺃﻣﺎ ﺑﻠﻎ ﺍﻟﺒﻮﻟﻴﺲ ﻭﺟﻢ ﻭﺑﻴﺎﺧﺪﻭﺍ ﺃﻗﻮﺍﻟﻬﺎ ﺩﻟﻮﻗﺘﻰ .. ﺍﺳﺘﻨﻰ ﺃﻫﻮ ﺍﻟﻈﺎﺑﻂ ﺧﺎﺭﺝ ﻣﻦ ﻋﻨﺪﻫﺎ
ﻗﺎﻝ " ﻛﺮﻡ " ﺑﺴﺮﻋﺔ :
" - ﻋﻤﺮ " ﺍﻭﻋﻰ ﺗﺘﻜﻠﻢ ﻣﻊ ﺍﻟﻈﺎﺑﻂ ﺃﻭ ﺗﻘﻮﻝ ﺃﻯ ﺣﺎﺟﻪ ﺍﺗﺼﻞ ﺑﺴﺮﻋﺔ ﺑﺄﺳﺘﺎﺫ ﺷﻮﻗﻲ ﺍﻟﻤﺤﺎﻣﻰ ﺑﺘﺎﻉ ﺍﻟﺸﺮﻛﺔ ﻭﻣﺎ ﺗﺘﻜﻠﻤﺶ ﻣﻊ ﺣﺪ ﻗﺒﻞ ﻣﺎ ﻳﻮﺻﻞ
- ﻫﻮ ﺩﻩ ﺍﻟﻠﻲ ﺃﻧﺎ ﻋﻤﻠﺘﻪ ﻭﺁﺩﻳﻨﻲ ﺍﻋﺪ ﻣﺴﺘﻨﻴﻪ " .. ﻛﺮﻡ " ﺍﻗﻔﻞ ﺩﻟﻮﻗﺘﻰ ﺍﻟﻤﺤﺎﻣﻰ ﺟﻪ .. ﺳﻼﻡ
- ﺳﻼﻡ ﺑﺲ ﻗﻮﻟﻰ ﺍﻻﻭﻝ ﺍﻧﺖ ﻓﻰ ﻣﺴﺘﺸﻔﻰ ﺍﻳﻪ ؟
- ﻣﺴﺘﺸﻔﻰ ....
- ﻃﻴﺐ ﺃﻧﺎ ﺟﺎﻳﻠﻚ ﺳﻼﻡ
ﺃﻏﻠﻖ " ﻋﻤﺮ " ﻫﺎﺗﻔﻪ ﻭﻗﺎﻝ ﻟﻠﻤﺤﺎﻣﻰ ﺍﻟﺬﻯ ﺃﻗﺒﻞ ﻋﻠﻴﻪ :
- ﺍﺳﺘﺎﺫ ﺷﻮﻗﻰ ﻛﻮﻳﺲ ﺍﻧﻚ ﺟﻴﺖ ﺑﺴﺮﻋﻪ
- ﺧﻴﺮ ﻳﺎ " ﻋﻤﺮ " ﺍﻥ ﺷﺎﺀ ﺍﻟﻠﻪ ﺍﻃﻤﻦ .. ﺍﻟﺒﻨﺖ ﺣﺎﻟﺘﻬﺎ ﺍﻳﻪ ﺩﻟﻮﻗﺘﻰ ؟
- ﺳﺄﻟﺖ ﺍﻟﻤﻤﺮﺿﺔ ﻗﺎﻟﺘﻠﻰ ﺍﻥ ﺭﺟﻠﻬﺎ ﺍﺗﺠﺒﺴﺖ ﻭﻓﻰ ﻛﺪﻣﺎﺕ ﻓﻰ ﺟﺴﻤﻬﺎ
- ﻣﻴﻦ ﺍﻟﻠﻲ ﺑﻠﻎ .. ﺃﻫﻠﻬﺎ ؟
- ﻻ ﺃﻫﻠﻬﺎ ﻟﺴﻪ ﻣﻈﻬﺮﻭﺵ .. ﺍﻟﻠﻲ ﺑﻠﻎ ﻭﺍﺣﺪ ﺷﺎﻑ ﺍﻟﺤﺎﺩﺛﻪ ﻭﺷﻬﺪ ﺍﻧﻲ ﻛﻨﺖ ﺳﺎﻳﻖ ﺑﺴﺮﻋﻪ ﻋﺎﻟﻴﻪ
- ﺍﻧﺖ ﻓﻌﻼ ﻛﻨﺖ ﺳﺎﻳﻖ ﺑﺴﺮﻋﻪ
ﺍﺭﺗﺒﻚ " ﻋﻤﺮ " ﻗﺎﺋﻼً :
- ﺍﻳﻮﺓ ﻛﻨﺖ ﺳﺎﻳﻖ ﺑﺴﺮﻋﻪ
ﺛﻢ ﺃﺭﺩﻑ ﺑﺴﺮﻋﻪ :
- ﺑﺲ ﻫﻰ ﻇﻬﺮﺕ ﺃﺩﺍﻣﻰ ﻓﺠﺄﻩ
- ﻃﻴﺐ ﺍﺗﻜﻤﻠﺖ ﻣﻊ ﺣﺪ .. ﺣﺪ ﺧﺪ ﺃﻗﻮﺍﻟﻚ
- ﻷ ﺣﺎﻭﻟﺖ ﺃﺗﺠﻨﺐ ﺍﻟﻈﺎﺑﻂ ﻋﺸﺎﻥ ﻣﻴﺸﻮﻓﻨﻴﺶ ﻭﺍﻧﺘﻈﺮﺗﻚ ﺗﻴﺠﻲ ﻋﺸﺎﻥ ﻧﺸﻮﻑ ﻫﻨﻌﻤﻞ ﺍﻳﻪ .. ﺍﻳﻪ ﺍﻟﺤﻞ ﺩﻟﻮﻗﺘﻰ ﺃﻧﺎ ﻣﺶ ﻋﺎﻳﺰ ﻗﻀﻴﺔ ﻋﺎﻳﺰﻫﺎ ﺗﺨﻠﺺ ﻭﺩﻯ
- ﺍﻥ ﺷﺎﺀ ﺍﻟﻠﻪ ﺗﺨﻠﺺ ﻭﺩﻯ .. ﻫﻨﺪﻳﻬﺎ ﻣﺒﻠﻎ ﻣﻘﺎﺑﻞ ﺍﻧﻬﺎ ﺗﺘﻨﺎﺯﻝ ﻋﻦ ﺍﻟﻘﻀﻴﺔ ﺍﻟﻤﻮﺿﻮﻉ ﺑﺴﻴﻂ ﻣﺘﻘﻠﻘﺶ
- ﺃﺧﺮﺝ " ﻋﻤﺮ " ﺩﻓﺘﺮ ﺷﻴﻜﺎﺗﻪ ﻭﻗﻠﻤﻪ ﺍﻷﻧﻴﻖ ﻭﻗﺎﻝ :
- ﻣﻔﻴﺶ ﻋﻨﺪﻯ ﺃﻯ ﻣﺸﻜﻠﺔ .. ﻋﺸﺮ ﺗﻼﻑ ﻛﻮﻳﺲ
- ﺯﻭﺩﻫﻢ ﺷﻮﻳﻪ ﻳﺎ " ﻋﻤﺮ " ﻋﺸﺎﻥ ﺗﻤﻠﻰ ﻋﻴﻨﻴﻬﺎ ﻭﻣﺘﺪﻳﻬﺎﺵ ﻓﺮﺻﻪ ﻟﻠﺮﻓﺾ
- ﺗﻤﺎﻡ ﺁﺩﻯ ﺷﻴﻚ ﺑﻌﺸﺮﻳﻦ ﺃﻟﻒ .. ﻭﻛﻞ ﻣﺼﺎﺭﻳﻒ ﺍﻟﻌﻼﺝ ﻭﺍﻟﻤﺴﺘﺸﻔﻰ ﺃﻧﺎ ﻫﺪﻓﻌﻬﻢ .. ﺑﺲ ﻋﺎﻳﺰ ﺍﻟﻤﻮﺿﻮﻉ ﻳﺨﻠﺺ ﺩﻟﻮﻗﺘﻰ
ﺃﻋﻄﻰ ﺍﻟﺸﻴﻚ ﻟﻠﻤﺤﺎﻣﻰ ﺍﻟﺬﻯ ﺃﺧﺬﻩ ﻣﻨﻪ ﻗﺎﺋﻼً :
- ﻣﺘﺨﻔﺶ .. ﻫﻰ ﻓﻰ ﺍﻧﻬﻰ ﺍﻭﺿﻪ
ﺃﺷﺎﺭ ﻟﻪ " ﻋﻤﺮ " ﻋﻠﻰ ﺍﻟﻐﺮﻓﺔ ﺍﻟﻤﺠﺎﻭﺭﻩ ﻗﺎﺋﻼً :
- ﺩﺧﻠﻮﻫﺎ ﻫﻨﺎ
ﻃﺮﻕ ﺍﻟﻤﺤﺎﻣﻰ ﺍﻟﺒﺎﺏ ﻭﻓﺘﺤﺖ ﻟﻪ ﺍﻟﻤﻤﺮﺿﻪ ﺛﻢ ﺩﺧﻞ ﻭﺃﻏﻠﻖ ﺍﻟﺒﺎﺏ
ﺟﻠﺲ " ﻋﻤﺮ " ﻗﻠﻘﺎً ﻣﺘﻮﺗﺮﺍً
**********************
ﺃﺗﺼﻠﺖ " ﺭﻳﻬﺎﻡ " ﺑﺄﺑﻴﻬﺎ ﻓﺮﺩ ﻗﺎﺋﻼً :
- ﺍﻳﻮﺓ ﻳﺎ " ﺭﻳﻬﺎﻡ " ﻭﺻﻠﺘﻰ ؟
- ﻻ ﻳﺎ " ﺑﺎﺑﺎ " ﺃﻧﺎ ﻟﺴﻪ ﻓﻰ ﺍﻟﻄﺮﻳﻖ
- ﻣﺤﺪﺵ ﻛﻠﻤﻚ ﺗﺎﻧﻰ ؟
- ﻻ ﻳﺎ ﺑﺎﺑﺎ ﺍﻟﻤﻤﺮﺿﺔ ﻣﺘﺼﻠﺘﺶ ﺗﺎﻧﻰ .. ﺃﻧﺎ ﺧﻼﺹ ﻋﺸﺮ ﺩﻗﺎﻳﻖ ﻭﺃﻛﻮﻥ ﻓﻰ ﺍﻟﻤﺴﺘﺸﻔﻰ
- ﺃﻧﺎ ﻛﻤﺎﻥ ﺗﻘﺮﻳﺒﺎ ﺃﺩﺍﻣﻰ ﻋﺸﺮ ﺩﻗﺎﻳﻖ ﺭﺑﻊ ﺳﺎﻋﻪ .. ﺟﻴﺐ ﺍﻟﻌﻮﺍﻗﺐ ﺳﻠﻴﻤﻪ ﻳﺎﺭﺏ
- ﻣﺘﻘﻠﻘﺶ ﻳﺎ ﺑﺎﺑﺎ ﺍﻟﻤﻤﺮﺿﺔ ﻃﻤﻨﺘﻨﻰ ﺍﻥ ﺷﺎﺀ ﺍﻟﻠﻪ ﺧﻴﺮ
ﺃﻏﻠﻘﺖ ﺍﻟﻬﺎﺗﻒ ﻓﻰ ﺍﻟﻤﺘﺮﻭ ﻭﻫﻰ ﺗﺒﻜﻰ ﻓﻰ ﺻﻤﺖ ﻭ ﺗﺴﺘﻐﻔﺮ ﺭﺑﻬﺎ ﻭﺗﺪﻋﻮﻩ ﺃﻥ ﻳﺤﻔﻆ ﺃﺧﺘﻬﺎ
**********************
ﺧﺮﺝ ﺍﻟﻤﺤﺎﻣﻰ ﻣﻦ ﻏﺮﻓﺔ " ﻳﺎﺳﻤﻴﻦ " ﻓﻬﺐ " ﻋﻤﺮ " ﻭﺍﻗﻔﺎً ﻓﻮﻗﻒ ﺍﻟﺮﺟﻞ ﺃﻣﺎﻣﻪ ﻭﻣﺪ ﻳﺪﻩ ﻟﻪ ﺑﺎﻟﺸﻴﻚ .. ﻧﻈﺮ " ﻋﻤﺮ " ﺍﻟﻰ ﺍﻟﺸﻴﻚ ﻓﻰ ﻳﺪ ﺍﻟﻤﺤﺎﻣﻲ ﻓﻐﻀﺐ ﻭﺃﺧﺮﺝ ﺩﻓﺘﺮ ﺷﻴﻜﺎﺗﻪ ﻣﺮﺓ ﺃﺧﺮﻯ ﻭﻗﺎﻝ ﺑﺤﺪﻩ :
- ﻣﻔﻴﺶ ﻣﺸﻜﻠﺔ ﻫﺰﻭﺩﻟﻬﺎ ﺍﻟﻤﺒﻠﻎ .. ﻫﻰ ﻃﺎﻟﺒﻪ ﻛﺎﻡ؟
- ﻣﺶ ﻃﺎﻟﺒﻪ ﺣﺎﺟﺔ ﻣﻔﻴﺶ ﻗﻀﻴﺔ ﺃﺻﻼً
ﻗﺎﻝ " ﻋﻤﺮ " ﺑﺪﻫﺸﺔ :
- ﺍﺯﺍﻯ ﻳﻌﻨﻲ ﻣﻔﻴﺶ ﻗﻀﻴﺔ
ﺍﺑﺘﺴﻢ ﺍﻟﻤﺤﺎﻣﻰ ﻗﺎﺋﻼً :
- ﺯﻯ ﻣﺎ ﺑﻘﻮﻟﻚ ﻛﺪﻩ .. ﻗﺎﻟﺖ ﻓﻰ ﺃﻗﻮﺍﻟﻬﺎ ﻟﻠﻈﺎﺑﻂ ﺍﻧﻬﺎ ﻫﻰ ﺍﻟﻠﻰ ﻏﻠﻄﺎﻧﻪ ﻭﺍﻧﻬﺎ ﻛﺎﻧﺖ ﻣﺎﺷﻴﻪ ﻣﺶ ﻣﺮﻛﺰﻩ ﻭﺍﻧﻬﺎ ﻣﺶ ﻋﺎﻳﺰﺓ ﺗﻘﺪﻡ ﺑﺒﻼﻍ ﻭﻻ ﺗﺸﺘﻜﻴﻚ
ﺻﻤﺖ " ﻋﻤﺮ " ﻭﻫﻮ ﻣﻨﺪﻫﺶ .. ﻓﻘﺎﻝ ﻟﻪ ﺍﻟﻤﺤﺎﻣﻲ :
- ﻃﻴﺐ ﺑﻤﺎ ﺍﻥ ﻣﻬﻤﺘﻰ ﺍﻧﺘﻬﺖ ﺃﺳﺘﺄﺫﻥ ﺃﻧﺎ
- ﻣﻌﻠﺶ ﺗﻌﺒﺘﻚ ﻣﻌﺎﻳﺎ ﻳﺎ ﺃﺳﺘﺎﺫ ﺷﻮﻗﻰ
- ﻣﻔﻴﺶ ﻣﺸﻜﻠﺔ ﻳﺎ " ﻋﻤﺮ " ﺃﺷﻮﻓﻚ ﻓﻰ ﺍﻟﺸﺮﻛﺔ .. ﻣﻊ ﺍﻟﺴﻼﻣﺔ
- ﻣﻊ ﺍﻟﺴﻼﻣﺔ
ﻇﻞ " ﻋﻤﺮ " ﻭﺍﻗﻔﺎً ﻭﻫﻮ ﻳﻔﻜﺮ ﻓﻴﻤﺎ ﻓﻌﻠﺘﻪ ﺍﻟﻔﺘﺎﻩ .. ﻓﻰ ﺗﻠﻚ ﺍﻟﻠﺤﻈﺔ ﺧﺮﺟﺖ ﺍﻟﻤﻤﺮﺿﺔ ﻣﻦ ﻏﺮﻓﺘﻬﺎ ﻓﻘﺎﻝ ﻟﻬﺎ " ﻋﻤﺮ " :
- ﻫﻰ ﻋﺎﻣﻠﻪ ﺍﻳﻪ ﺩﻟﻮﻗﺘﻰ ؟
- ﻛﻮﻳﺴﻪ .. ﻋﻨﺪﻫﺎ ﻛﺴﺮ ﻓﻰ ﺭﺟﻠﻬﺎ ﻭﺍﻟﺪﻛﺘﻮﺭ ﺣﻄﻬﺎﻟﻬﺎ ﻓﻰ ﺍﻟﺠﺒﺲ ﻭﺍﻥ ﺷﺎﺀ ﺍﻟﻠﻪ ﺍﻟﺠﺒﺲ ﻫﻴﺘﻔﻚ ﺑﻌﺪ ﺍﺳﺒﻮﻋﻴﻦ .. ﻭﻓﻰ ﺷﻮﻳﺔ ﻛﺪﻣﺎﺕ ﺑﺴﻴﻄﻪ ﻫﺘﺎﺧﺪ ﻭﻗﺘﻬﺎ
- ﻃﻴﺐ ﻣﺘﺸﻜﺮ ﺃﻭﻯ
ﺍﻧﺼﺮﻓﺖ ﺍﻟﻤﻤﺮﺿﺔ ﻓﺘﻮﺟﻪ " ﻋﻤﺮ " ﺍﻟﻰ ﺍﻟﻐﺮﻓﺔ ﺍﻟﺘﻰ ﺗﺮﻗﺪ ﻓﻴﻬﺎ " ﻳﺎﺳﻤﻴﻦ " ﻭﻃﺮﻕ ﺍﻟﺒﺎﺏ ﺑﻀﻊ ﻃﺮﻗﺎﺕ ﺛﻢ ﻓﺘﺤﻪ ﻭﺩﺧﻞ .
ﺭﻓﻌﺖ " ﻳﺎﺳﻤﻴﻦ " ﻧﻈﺮﻫﺎ ﻟﺘﺠﺪ ﺭﺟﻼً ﻏﺮﻳﺒﺎً ﺃﻣﺎﻣﻬﺎ ﻛﺎﻥ ﻳﺮﺗﺪﻯ ﺑﺪﻟﺔ ﺳﻮﺩﺍﺀ ﻋﻠﻴﻬﺎ ﻣﻌﻄﻒ ﺃﺳﻮﺩ ﺍﻟﻠﻮﻥ .. ﺭﻓﻌﺖ ﻳﺪﻫﺎ ﻟﺘﺘﺄﻛﺪ ﻣﻦ ﺿﺒﻂ ﺣﺠﺎﺑﻬﺎ .. ﻗﺎﻝ ﻟﻬﺎ ﺑﺼﻮﺕ ﺭﺧﻴﻢ :
- ﺍﺯﻳﻚ ﺩﻟﻮﻗﺘﻰ ؟
ﻗﺎﻟﺖ ﻭﻗﺪ ﺷﻌﺮﺕ ﺑﺎﻟﺨﺠﻞ ﻣﻦ ﻧﻈﺮﺍﺗﻪ ﺍﻟﻤﺘﻔﺤﺼﻪ ﻓﺄﻃﺮﻗﺖ ﺑﻮﺟﻬﻬﺎ :
- ﺍﻟﺤﻤﺪ ﻟﻠﻪ
- ﺃﻧﺎ ﺍﻃﻤﻨﺖ ﻋﻠﻴﻜﻲ ﺍﻧﻚ ﺍﻥ ﺷﺎﺀ ﺍﻟﻠﻪ ﻫﺘﺸﻴﻠﻲ ﺍﻟﺠﺒﺲ ﺑﻌﺪ ﺍﺳﺒﻮﻋﻴﻦ
ﺃﻭﻣﺄﺕ ﺑﺮﺃﺳﻬﺎ ﻭﻫﻰ ﻣﺎﺯﺍﻟﺖ ﻻ ﺗﺪﺭﻯ ﻣﻦ ﻫﻮ ﻭﻣﺎﺫﺍ ﻳﻔﻌﻞ ﻓﻰ ﻏﺮﻓﺘﻬﺎ .. ﻓﺴﺄﻟﺘﻪ ﻗﺎﺋﻠﻪ :
- ﺣﻀﺮﺗﻚ ﻇﺎﺑﻂ ﻭﻻ ﻣﺤﺎﻣﻰ ؟
ﺍﺑﺘﺴﻢ " ﻋﻤﺮ " ﺍﺑﺘﺴﺎﻣﻪ ﺯﺍﺩﺗﻪ ﻭﺳﺎﻣﻪ ﻭﻗﺎﻝ :
- ﻻ ﺃﻧﺎ ﻻ ﻇﺎﺑﻂ ﻭﻻ ﻣﺤﺎﻣﻰ ﺃﻧﺎ ﻣﻬﻨﺪﺱ
ﺷﻌﺮﺕ " ﻳﺎﺳﻤﻴﻦ " ﺑﺠﺎﺫﺑﻴﻪ ﻋﻴﻨﻴﻪ ﺍﻟﺴﻮﺩﺍﻭﻳﻴﻦ ﻭﻛﺄﻧﻬﻤﺎ ﻣﻐﻨﺎﻃﻴﺲ .. ﻓﺄﺑﻌﺪﺕ ﻋﻴﻨﻴﻬﺎ ﺑﺴﺮﻋﻪ ﻭﺍﺣﻤﺮﺕ ﻭﺟﻨﺘﺎﻫﺎ ﻟﻬﺬﺍ ﺍﻟﻮﺿﻊ ﺍﻟﺬﻯ ﺗﺒﺪﻭ ﻓﻴﻪ ﺃﻣﺎﻡ ﻫﺬﺍ ﺍﻟﺰﺍﺋﺮ ﺍﻟﻐﺮﻳﺐ ﻓﻠﻢ ﺗﻌﺘﺪ ﺃﻥ ﻳﺮﺍﻫﺎ ﺭﺟﻼ ً ﻏﺮﻳﺒﺎ ﻭﻫﻰ ﻣﻤﺪﻩ ﻫﻜﺬﺍ ﻓﻰ ﻓﺮﺍﺷﻬﺎ ﻓﺸﻌﺮﺕ ﺑﺎﻻﺭﺗﺒﺎﻙ ﻭﺣﺎﻭﻟﺖ ﺟﺬﺏ ﺍﻟﻐﻄﺎﺀ ﻋﻠﻴﻬﺎ ﺃﻛﺜﺮ ﻭﺩﺕ ﻟﻮ ﻃﻠﺒﺖ ﻣﻨﻪ ﺍﻻﻧﺼﺮﺍﻑ .. ﺷﻌﺮ " ﻋﻤﺮ " ﺑﺘﻮﺗﺮﻫﺎ ﻓﻠﻢ ﻳﺰﻳﺪﻩ ﻫﺬﺍ ﺍﻻ ﺗﻔﺤﺼﺎً ﻓﻴﻬﺎ .. ﺛﻢ ﺍﺳﺘﻄﺮﺩ ﺑﺠﺪﻳﻪ ﻗﺎﺋﻼُ :
- ﺃﻧﺎ ﺁﺳﻒ ﻋﻠﻰ ﺍﻟﻠﻰ ﺣﺼﻞ .. ﺑﺲ ﺑﺠﺪ ﻣﺸﻔﺘﻜﻴﺶ ﺍﻧﺘﻰ ﻇﻬﺮﺗﻰ ﺃﺩﺍﻣﻰ ﻓﺠﺄﻩ
ﻧﻈﺮﺕ ﺍﻟﻴﻪ " ﻳﺎﺳﻤﻴﻦ " ﺑﺪﻫﺸﺔ ﻗﺎﺋﻠﻪ :
- ﺣﻀﺮﺗﻚ ﺍﻟﻠﻲ ﺧﺒﻄﻨﻰ ؟
ﺗﻨﺤﻨﺢ ﻗﺎﺋﻼً :
- ﺍﻳﻮﺓ .. ﺑﺲ ﺑﺠﺪ ﻣﺸﻔﺘﻜﻴﺶ
ﺃﻃﺮﻗﺖ " ﻳﺎﺳﻤﻴﻦ " ﺑﺮﺃﺳﻬﺎ ﻭﻗﺎﻟﺖ :
- ﺃﺻﻼ ﺃﻧﺎ ﺍﻟﻠﻲ ﻛﻨﺖ ﻣﺎﺷﻴﻪ ﻭﻣﺶ ﻣﺮﻛﺰﺓ ﻟﻮ ﻛﻨﺖ ﺍﻧﺘﺒﻬﺖ ﻣﻜﻨﺶ ﺩﻩ ﺣﺼﻞ
- ﻭﺃﻧﺎ ﻛﻤﺎﻥ ﻛﻨﺖ ﺳﺎﻳﻖ ﺑﺴﺮﻋﺔ ﻟﻮ ﻛﻨﺖ ﺑﻄﺌﺖ ﺷﻮﻳﺔ ﻛﻨﺖ ﻋﺮﻓﺖ ﺃﺗﻔﺎﺩﺍﻛﻰ
- ﻗﺪﺭ ﺍﻟﻠﻪ ﻭﻣﺎ ﺷﺎﺀ ﻓﻌﻞ .. ﻧﺼﻴﺒﻲ ﻛﺪﻩ
- ﺃﻧﺎ ﻣﺘﺸﻜﺮ ﺃﻭﻯ ﺍﻧﻚ ﻣﺎ ﺍﺷﺘﻜﻴﺘﻴﺶ ﻋﻠﻴﺎ
- ﺯﻯ ﻣﺎ ﻗﻮﻟﺖ ﻟﺤﻀﺮﺗﻚ ﻭﻟﻠﻈﺎﺑﻂ ﻭﻟﻠﻤﺤﺎﻣﻰ ﺩﻯ ﻏﻠﻄﺘﻨﻰ ﺃﻧﺎ
ﺃﺧﺮﺝ ﺍﻟﺸﻴﻚ ﻣﻦ ﺟﻴﺒﻪ ﻭﺍﻗﺘﺮﺏ ﻣﻦ ﻓﺮﺍﺷﻬﺎ ﻭﻣﺪ ﻳﺪﻩ ﺑﻪ ﻗﺎﺋﻼً :
- ﻃﻴﺐ ﻟﻮ ﺳﻤﺤﺘﻰ ﺍﻗﺒﻠﻰ ﺍﻟﻤﺒﻠﻎ ﺍﻟﺼﻐﻴﺮ ﺩﻩ
ﺭﻓﻌﺖ " ﻳﺎﺳﻤﻴﻦ " ﻧﻈﺮﻫﺎ ﺍﻟﻴﻪ ﻗﺎﺋﻠﻪ :
- ﻗﻮﻟﺖ ﻟﺤﻀﺮﺗﻚ ﺃﻧﺎ ﺍﻟﻠﻲ ﻏﻠﻄﺎﻧﻪ ﻭﺧﻼﺹ ﺣﺼﻞ ﺧﻴﺮ
- ﺑﺲ ﺃﻧﺎ ﺣﺎﺳﺲ ﺑﺎﻟﺬﻧﺐ ﻻﻧﻲ ﻓﻌﻼ ﻛﻨﺖ ﺳﺎﻳﻖ ﺑﺴﺮﻋﻪ ﻓﻠﻮ ﺳﻤﺤﺘﻰ ﺍﻗﺒﻠﻴﻪ
ﺍﺣﺘﺪﺕ " ﺑﺎﺳﻤﻴﻦ " ﻗﺎﺋﻠﻪ :
- ﻻ ﻃﺒﻌﺎ ﻣﺶ ﻫﻘﺒﻠﻪ
- ﻟﻴﻪ
- ﻷﻧﻪ ﻣﺶ ﻣﻦ ﺣﻘﻰ .. ﻭﺣﺘﻰ ﻟﻮ ﻛﻨﺖ ﺍﻧﺖ ﺍﻟﻠﻲ ﻏﻠﻄﺎﻥ ﺃﻧﺎ ﻣﺶ ﺑﻘﺒﻞ ﻋﻮﺽ
- ﻃﻴﺐ ﺃﻧﺎ ﺁﺳﻒ ﺃﻧﺎ ﻣﻜﻨﺶ ﻗﺼﺪﻯ ﺃﺿﺎﻳﻘﻚ
ﺣﺎﻭﻟﺖ ﺍﻟﺴﻴﻄﺮﺓ ﻋﻠﻰ ﻏﻀﺒﻬﺎ ﻭﻗﺎﻟﺖ :
- ﺣﺼﻞ ﺧﻴﺮ .. ﻭﻟﻮ ﺳﻤﺤﺖ ﻣﻤﻜﻦ ﺑﻌﺪ ﺍﺫﻧﻚ ﺗﺘﻔﻀﻞ ﻷﻥ ﻣﻔﻴﺶ ﻣﻤﺮﺿﺔ ﻣﻌﺎﻧﺎ ﻭﻣﻴﺼﺤﺶ ﻛﺪﻩ
ﺍﻧﺪﻫﺶ " ﻋﻤﺮ " ﻣﻤﺎ ﻗﺎﻟﺘﻪ ﻓﻘﺎﻝ :
- ﺍﻧﺎ ﺍﺳﻒ ﻣﺮﺓ ﺗﺎﻧﻴﺔ ﺃﻧﺎ ﺑﺲ ﻛﻨﺖ ﻋﺎﻳﺰ ﺃﻃﻤﻦ ﻋﻠﻴﻜﻲ ﻭﺃﺷﻜﺮﻙ ﻳﺎ ﺍﻧﺴﻪ ....
ﺳﻜﺘﺖ ﻭﻟﻢ ﺗﺠﻴﺒﻪ .. ﻓﺤﺜﻬﺎ ﻗﺎﺋﻼً :
- ﻟﺤﺪ ﺩﻟﻮﻗﺘﻰ ﻣﻌﺮﻓﺘﺶ ﺍﺳﻤﻚ
ﻗﺎﻟﺖ ﺑﺼﻮﺕ ﺧﺎﻓﺖ :
- ﺃﻧﺎ ﺍﺳﻤﻰ ﻳﺎﺳﻤﻴﻦ
- ﻭﺃﻧﺎ ﺍﺳﻤﻰ ﻋﻤﺮ .. ﻭﺑﺸﻜﺮﻙ ﻣﺮﺓ ﺗﺎﻧﻴﺔ .. ﻭﻟﻮ ﺍﺣﺘﺠﺘﻰ ﺣﺎﺟﻪ ﺃﻧﺎ .....
ﻗﺎﻃﻌﺘﻪ ﻗﺎﺋﻠﻪ ﺩﻭﻥ ﺃﻥ ﺗﻨﻈﺮ ﺍﻟﻴﻪ :
- ﺷﻜﺮﺍً
ﻫﺰ " ﻋﻤﺮ " ﺭﺃﺳﻪ ﻭﺗﻮﺟﻪ ﺍﻟﻰ ﺍﻟﺒﺎﺏ ﻭﻓﺘﺤﻪ ﻭﺧﺮﺝ .. ﻭﺟﺪ ﺃﻣﺎﻣﻪ ﺭﺟﻼ ﻳﺮﺛﻰ ﻟﺤﺎﻟﻪ ﻭﺑﺠﻮﺍﺭﻩ ﻓﺘﺎﺓ ﺑﺎﻛﻴﻪ , ﺟﺮﻯ ﻧﺎﺣﻴﺘﻪ ﻭﻗﺎﻝ ﻟﻪ ﺑﻠﻮﻋﻪ :
- ﺑﻨﺘﻲ ﻛﻮﻳﺴﻪ ؟ " ﻳﺎﺳﻤﻴﻦ " ﺟﺮﺍﻟﻬﺎ ﺍﻳﻪ ؟
ﺭﺑﺖ " ﻋﻤﺮ " ﻋﻠﻰ ﻛﻔﺘﻪ ﻗﺎﺋﻼً :
- ﻣﺘﻘﻠﻘﺶ ﺣﻀﺮﺗﻚ ﻫﻰ ﻛﻮﻳﺴﻪ
- ﻫﻰ ﺟﻮﻩ ﻓﻰ ﺍﻻﻭﺿﺔ ﺩﻯ ؟
- ﺍﻳﻮﺓ ﺟﻮﻩ ﺍﺗﻔﻀﻞ
ﺩﺧﻞ ﻭﺍﻟﺪﻫﺎ ﻭﺃﻏﻠﻖ ﺍﻟﺒﺎﺏ .. ﻭﻗﻒ " ﻋﻤﺮ " ﻗﻠﻴﻼ ﺛﻢ ﺍﻧﺼﺮﻑ
***********************
ﺧﺮﺝ " ﻋﻤﺮ " ﻣﻦ ﺍﻟﻤﺴﺘﺸﻔﻰ ﻟﻴﺠﺪ " ﻛﺮﻡ " ﺃﻣﺎﻣﻪ , ﺗﻮﺟﻪ ﻧﺎﺣﻴﺘﻪ ﻗﺎﺋﻼً :
- ﺧﻴﺮ ﻳﺎ " ﻋﻤﺮ " ﻃﻤﻨﻰ ﺍﻳﻪ ﺍﻟﻠﻲ ﺣﺼﻞ ؟
- ﻻ ﺧﻴﺮ ﺍﻟﺤﻤﺪ ﻟﻠﻪ ﺗﻌﺎﻟﻰ ﻧﻌﺪ ﻓﻰ ﺃﻯ ﻣﻜﺎﻥ ﻭﻧﺘﻜﻠﻢ
- ﻃﻴﺐ ﻫﺎﺕ ﻋﺮﺑﻴﺘﻚ ﻭﺗﻌﺎﻟﻰ ﻧﺮﻭﺡ ﺍﻟﻜﺎﻓﻴﻪ ﺑﺘﺎﻋﻨﺎ
- ﻃﻴﺐ ﺗﻤﺎﻡ
ﺗﻮﺟﻪ ﻛﻞ ﻣﻨﻬﻤﺎ ﺍﻟﻰ ﺳﻴﺎﺭﺗﻪ ﻭﻏﺎﺩﺭﺍ ﺍﻟﻤﺴﺘﺸﻔﻰ
*********************
- ﻛﺪﻩ ﻳﺎ " ﺳﻤﺴﻢ " ﺗﺨﻀﻴﻨﺎ ﻋﻠﻴﻜﻲ
- ﻣﻌﻠﺶ ﻳﺎ " ﺭﻳﻬﺎﻡ " ﻣﻜﻨﺶ ﻗﺼﺪﻯ .. ﺃﻧﺎ ﺃﻭﻝ ﻣﺎ ﻓﻮﻗﺖ ﻗﻮﻟﺖ ﻟﻠﻤﺮﺿﻪ ﺗﻜﻠﻤﻚ ﻋﺸﺎﻥ ﻋﺎﺭﻓﻪ ﺍﻧﻚ ﻭﺍﻗﻔﻪ ﻣﺴﺘﻨﻴﺎﻧﻰ ﻓﻰ ﺍﻟﻤﺘﺮﻭ
- ﺩﻩ ﺃﻧﺎ ﻛﻨﺖ ﻫﻤﻮﺕ ﻟﻤﺎ ﺍﺗﺼﻠﺖ ﺑﻴﺎ ﻭﻗﺎﻟﺘﻠﻰ ﺍﻥ ﻋﺮﺑﻴﻪ ﺧﺒﻄﺘﻚ
ﻗﺎﻝ ﻟﻬﺎ ﻭﺍﻟﺪﻫﺎ ﻭﻫﻮ ﻳﺠﻠﺲ ﺑﺠﻮﺍﺭﻫﺎ ﻋﻠﻰ ﺍﻟﻔﺮﺍﺵ :
- ﺍﻟﺤﻤﺪ ﻟﻠﻪ ﻳﺎ ﺑﻨﺘﻰ ﺟﺖ ﺳﻠﻴﻤﻪ ﻗﺪﺭ ﻭﻟﻄﻒ
- ﺍﻟﺤﻤﺪ ﻟﻠﻪ ﻳﺎ ﺑﺎﺑﺎ
- ﻭﺍﻟﺠﺒﺲ ﻣﺤﺪﺵ ﻗﺎﻟﻚ ﻫﻴﺘﻔﻚ ﺍﻣﺘﻰ
- ﺍﻩ ﺍﻟﺪﻛﺘﻮﺭ ﻗﺎﻟﻰ ﻫﻴﺘﻔﻚ ﻛﻤﺎﻥ ﺍﺳﺒﻮﻋﻴﻦ ﺍﻥ ﺷﺎﺀ ﺍﻟﻠﻪ
- ﺍﻥ ﺷﺎﺀ ﺍﻟﻠﻪ
ﺳﻜﺖ ﺍﻷﺏ ﻗﻠﻴﻼ ﺛﻢ ﻗﺎﻝ :
- ﻣﻴﻦ ﺍﻟﺠﺪﻉ ﺍﻟﻠﻲ ﻛﺎﻥ ﺧﺎﺭﺝ ﻣﻦ ﺍﻭﺿﺘﻚ ﺩﻩ
ﺍﺭﺗﺒﻜﺖ " ﻳﺎﺳﻤﻴﻦ " ﻗﻠﻴﻼ ﺛﻢ ﻗﺎﻟﺖ :
- ﺩﻩ ﺍﻟﺮﺍﺟﻞ ﺍﻟﻠﻲ ﺧﺒﻄﻨﻰ ﺑﺎﻟﻌﺮﺑﻴﻪ
ﺍﻧﻔﻌﻞ ﺍﻷﺏ ﻗﺎﺋﻼً :
- ﻭﻟﻪ ﻋﻴﻦ ﻛﻤﺎﻥ .. ﺃﻧﺎ ﻟﻮ ﺃﻋﺮﻑ ﻛﻨﺖ ﻣﺴﻜﺖ ﻓﻰ ﺯﻣﺎﺭﺓ ﺭﻗﺒﺘﻪ
ﺃﺳﺮﻋﺖ " ﻳﺎﺳﻤﻴﻦ " ﻗﺎﺋﻠﻪ :
- ﻫﻮ ﻣﻠﻮﺵ ﺫﻧﺐ ﻳﺎ ﺑﺎﺑﺎ ﺃﻧﺎ ﺍﻟﻠﻲ ﻣﻜﻨﺘﺶ ﻣﺮﻛﺰﻩ ﻭﻛﻨﺖ ﻣﺎﺷﻴﻪ ﺳﺮﺣﺎﻧﻪ
- ﻭﻟﻴﻪ ﻳﺎ ﺑﻨﺘﻰ ﻛﺪﻩ ﻣﺶ ﺗﺮﻛﺰﻯ ﻳﻌﻨﻲ ﻛﻨﺖ ﻫﻌﻤﻞ ﺍﻳﻪ ﺃﻧﺎ ﺩﻟﻮﻗﺘﻰ ﻟﻮ ﻛﺎﻥ ﺣﺼﻠﻚ ﺣﺎﺟﺔ
ﺗﺪﺧﻠﺖ " ﺭﻳﻬﺎﻡ " ﻗﺎﺋﻠﻪ :
- ﺧﻼﺹ ﻳﺎ ﺑﺎﺑﺎ ﺣﺼﻞ ﺧﻴﺮ
- ﺃﻧﺎ ﻗﺎﻳﻢ ﺃﺷﻮﻑ ﺣﺴﺎﺏ ﺍﻟﻤﺴﺘﺸﻔﻰ .. ﺷﻜﻠﻬﺎ ﻣﺴﺘﺸﻔﻰ ﻏﺎﻟﻴﺔ ﺃﻭﻯ ﺭﺑﻨﺎ ﻳﺴﺘﺮ
ﺷﻌﺮﺕ " ﻳﺎﺳﻤﻴﻦ " ﺑﺎﻟﺬﻧﺐ ﻟﻤﺎ ﻛﺒﺪﺗﻪ ﻟﻮﺍﻟﺪﻫﺎ ﻣﻦ ﻣﺼﺎﺭﻳﻒ .. ﺧﺮﺝ ﺍﻷﺏ ﻓﺠﻠﺴﺖ " ﺭﻳﻬﺎﻡ " ﺑﺠﻮﺍﺭﻫﺎ ﻭﺃﺧﺮﺟﺖ ﻗﻠﻤﺎ ﻭﺑﺪﺃﺕ ﻓﻰ ﺍﻟﻜﺘﺎﺑﻪ ﻋﻠﻰ ﺳﺎﻗﻬﺎ ﺍﻟﻤﺘﺠﺒﺮﻩ .. ﺿﺤﻜﺖ " ﻳﺎﺳﻤﻴﻦ " ﻗﺎﺋﻠﻪ :
- ﺑﺘﻌﻤﻠﻰ ﺍﻳﻪ ﻳﺎ ﺑﺖ ﺍﻧﺘﻰ
- ﺑﻜﺘﺒﻠﻚ ﺫﻛﺮﻯ ﻋﻠﻰ ﺍﻟﺠﺒﺲ ﺑﺘﺎﻋﻚ
- ﻋﻠﻰ ﺃﺳﺎﺱ ﺍﻧﻰ ﻫﻔﻀﻞ ﻣﺘﺠﺒﺴﻪ ﻃﻮﻝ ﻋﻤﺮﻯ ﻳﻌﻨﻰ
- ﺑﺲ ﺍﻳﻪ ﺍﻟﻮﺍﺩ ﺍﻟﻤﺰ ﺩﻩ ﻳﺎ " ﻳﺎﺳﻤﻴﻦ " ﻳﺎ ﺧﺮﺍﺷﻲ ﺩﻩ ﻳﺤﻞ ﻣﻦ ﻋﻠﻰ ﺣﺒﻞ ﺍﻟﻤﺸﻨﻘﺔ .. ﺩﻩ ﻧﻀﻴﻒ ﻧﻀﺎﻓﻪ .. ﺑﻴﺎﻛﻞ ﺍﻳﻪ ﺩﻩ
ﺿﺤﻜﺖ " ﺑﺎﺳﻤﻴﻦ " ﻗﺎﻟﺌﻪ :
- ﻳﺨﺮﺑﻴﺖ ﻋﻘﻠﻚ ﻫﻮ ﺍﻧﺘﻰ ﻛﻨﺘﻰ ﻓﻰ ﺍﻳﻪ ﻭﻻ ﻓﻰ ﺍﻳﻪ
- ﺍﻩ ﺃﻧﺎ ﺻﺤﻴﺢ ﻛﻨﺖ ﻗﻠﻘﺎﻧﻪ ﻋﻠﻴﻜﻲ ﻭﻣﻔﻄﻮﺭﻩ ﻣﻦ ﺍﻟﻌﻴﺎﻁ ﺑﺲ ﺩﻩ ﻣﻴﻤﻨﻌﺶ ﺍﻧﻰ ﺃﺧﺪﺕ ﺑﺎﻟﻰ ﻣﻦ ﻟﻬﻄﺔ ﺍﻟﻘﺸﻄﺔ ﺍﻟﻠﻰ ﻛﺎﻥ ﻋﻨﺪﻙ
ﺍﺯﺩﺍﺩﺕ ﺿﺤﻜﺎﺕ " ﻳﺎﺳﻤﻴﻦ " ﻣﻦ ﺍﺳﻠﻮﺏ ﺃﺧﺘﻬﺎ ﻗﺎﺋﻠﻪ :
- ﺍﻩ ﻟﻮ ﺍﺑﻮﻛﻰ ﺳﻤﻌﻚ
- ﺃﺑﻮﻳﺎ ﻣﻴﻦ ﺩﻩ ﺃﻧﺎ ﻣﺴﺘﻌﺪﻩ ﺃﺧﺴﺮ ﺃﻫﻠﻰ ﻛﻠﻬﻢ .. ﺩﻩ ﺭﻳﺤﺔ ﺍﻟﺒﺮﻓﻴﻮﻡ ﺑﺘﺎﻋﻪ ﻟﺴﻪ ﻣﻌﺒﺄﻩ ﺍﻷﻭﺿﺔ .. ﺍﻳﻪ ﺍﻟﻨﺎﺱ ﺩﻯ
ﺳﻤﻌﺎ ﻃﺮﻗﺎ ﻋﻠﻰ ﺍﻟﺒﺎﺏ ﻓﻘﺎﻟﺖ " ﻳﺎﺳﻤﻴﻦ : "
- ﻃﻴﺐ ﺍﺧﺮﺳﻰ ﺑﺄﻩ ﺃﺑﻮﻛﻰ ﺟﻪ
ﺩﺧﻞ " ﻋﺒﺪ ﺍﻟﺤﻤﻴﺪ " ﻭﻗﺪ ﺍﺭﺗﺴﻤﺖ ﺍﺑﺘﺴﺎﻣﻪ ﻋﻠﻰ ﻣﺤﻴﺎﻩ .. ﻻﺣﻈﺘﻬﺎ " ﻳﺎﺳﻤﻴﻦ " ﻓﻘﺎﻟﺖ ﻟﻪ :
- ﺧﻴﺮ ﻳﺎ ﺑﺎﺑﺎ ؟
- ﻭﺍﻟﻠﻪ ﺟﺪﻉ ﺍﺑﻦ ﺣﻼﻝ ﺩﻓﻊ ﻣﺼﺎﺭﻳﻒ ﺍﻟﻤﺴﺘﺸﻔﻰ ﻭﺍﻗﺎﻣﺘﻚ ﻓﻴﻬﺎ ﺍﺳﺒﻮﻋﻴﻦ
ﻗﺎﻟﺖ " ﻳﺎﺳﻤﻴﻦ " ﺑﺪﻫﺸﺔ :
- ﺍﺳﺒﻮﻋﻴﻦ ؟ ! .. ﺑﺲ ﺍﻟﺪﻛﺘﻮﺭ ﻗﺎﻟﻰ ﺍﻧﻰ ﻣﻤﻜﻦ ﺃﺭﻭﺡ ﻛﻤﺎﻥ ﻳﻮﻣﻴﻦ
ﺃﺧﺬﺕ " ﻳﺎﺳﻤﻴﻦ " ﺗﻔﻜﺮ ﻓﻰ ﻛﺮﻡ ﻫﺬﺍ ﺍﻟﺮﺟﻞ ﺍﻟﻐﺮﻳﺐ
*************************
ﺃﺣﻀﺮ ﺍﻟﻨﺎﺩﻝ ﺍﻟﻄﻌﺎﻡ ﻭﻭﺿﻌﻪ ﺃﻣﺎﻡ ﺍﻟﺼﺪﻳﻘﺎﻥ , ﺛﻢ ﺍﻧﺼﺮﻑ .. ﻗﺎﻝ " ﻛﺮﻡ :"
- ﻫﺎﺍ ﻭﺑﻌﺪﻳﻦ ؟
- ﻣﻔﻴﺶ ﺷﻜﺮﺗﻬﺎ ﻭﻟﻤﺎ ﺟﻴﺖ ﺃﺧﺮﺝ ﻗﺎﺑﻠﺖ ﺑﺎﺑﺎﻫﺎ ﻋﻠﻰ ﺍﻟﺒﺎﺏ ﻭﻣﻌﺎﻩ ﺑﻨﺖ ﺑﺘﻌﻴﻂ ﻭﻛﺎﻥ ﻭﺍﺿﺢ ﺍﻧﻬﻢ ﻗﻠﻘﺎﻧﻴﻦ ﻋﻠﻴﻬﺎ ﺃﻭﻯ
ﺳﻜﺖ ﻗﻠﻴﻼ ﺛﻢ ﻗﺎﻝ :
- ﺍﻟﺮﺍﺟﻞ ﻛﺎﻥ ﺷﻜﻠﻪ ﺑﺴﻴﻂ ﺃﻭﻯ .. ﺍﻟﻠﻰ ﺃﻧﺎ ﻣﺴﺘﻐﺮﺑﻠﻪ ﺍﻧﻬﺎ ﺭﻓﻀﺖ ﺗﻤﺎﻣﺎ ﺍﻧﻬﺎ ﺗﺎﺧﺪ ﺍﻟﻔﻠﻮﺱ ﺭﻏﻢ ﺍﻥ ﻭﺍﺿﺢ ﺟﺪﺍ ﺍﻧﻬﻢ ﻧﺎﺱ ﻋﻠﻰ ﺃﺩ ﺣﺎﻟﻬﻢ
- ﻋﺸﺎﻥ ﻫﻰ ﻗﺎﻟﺘﻠﻚ ﺍﻧﻬﺎ ﻫﻰ ﺍﻟﻠﻰ ﻏﻠﻄﺎﻧﻪ
- ﺣﺘﻰ ﻟﻮ ﻫﻰ ﺍﻟﻠﻲ ﻏﻠﻄﺎﻧﻪ ﻓﻰ ﺣﺪ ﻓﻰ ﺍﻟﺰﻣﻦ ﺩﻩ ﻳﺠﻴﻠﻪ ﻓﻠﻮﺱ ﻛﺪﻩ ﻟﺤﺪ ﻋﻨﺪﻩ ﻭﻳﺮﻓﻀﻬﺎ .. ﻭﻣﺶ ﺑﺲ ﻛﺪﻩ ﺩﻩ ﺃﻧﺎ ﻟﻤﺎ ﺃﺻﺮﻳﺖ ﻋﻠﻴﻬﺎ ﺣﺴﻴﺖ ﺍﻧﻬﺎ ﻫﺘﻘﻮﻡ ﺗﻀﺮﺑﻨﻲ
ﺿﺤﻚ " ﻛﺮﻡ " ﻗﺎﺋﻼً :
- ﻳﺎﺭﻳﺘﻬﺎ ﻛﺎﻧﺖ ﻋﻤﻠﺘﻬﺎ
ﻗﺎﻝ " ﻋﻤﺮ " ﺑﺠﺪﻳﻪ :
- ﺑﺼﺮﺍﺣﻪ ﻟﻤﺎ ﺍﻟﻤﺤﺎﻣﻰ ﻗﺎﻟﻰ ﺍﻧﻬﺎ ﻣﺸﺘﻜﺘﺶ ﺿﺪﻯ ﺍﺳﺘﻐﺮﺑﺖ ﻷﻥ ﺃﻯ ﺣﺪ ﻣﻜﺎﻧﻬﺎ ﻛﺎﻥ ﺍﺷﺘﻜﻰ ﻋﺸﺎﻥ ﻳﺴﺎﻭﻣﻨﻰ ﻋﻠﻰ ﺗﻌﻮﻳﺾ .. ﻭﻛﻤﺎﻥ ﻫﻰ ﻏﺮﻳﺒﻪ ﺃﻭﻯ ﺗﺼﻮﺭ ﻟﻘﻴﺘﻬﺎ ﺑﺘﻄﻠﺐ ﻣﻨﻰ ﺃﺧﺮﺝ ﻣﻦ ﺍﻷﻭﺿﺔ ﻋﺸﺎﻥ ﺍﻟﻤﻤﺮﺿﺔ ﻣﺶ ﻣﻮﺟﻮﺩﻩ ﻭﻣﻔﻴﺶ ﺣﺪ ﻓﻰ ﺍﻻﻭﺿﺔ ﺍﻻ ﺃﻧﺎ ﻭﻫﻰ
ﻧﻈﺮ ﺍﻟﻴﻪ " ﻛﺮﻡ " ﻭﻫﻮ ﻳﺒﺘﺴﻢ
ﺃﻛﻤﻞ " ﻋﻤﺮ " ﻗﺎﺋﻼً :
- ﻭﻻ ﻟﻤﺎ ﺑﺒﺼﻠﻬﺎ ﻛﻞ ﻣﺎ ﻋﻴﻨﻲ ﺗﻴﺠﻲ ﻓﻰ ﻋﻴﻨﻬﺎ ﺃﻻﻗﻰ ﻭﺷﻬﺎ ﻳﺤﻤﺮ ﻭﺗﺒﻌﺪ ﻋﻴﻨﻴﻬﺎ
- ﺷﻜﻠﻬﺎ ﺧﺠﻮﻟﻪ ﺃﻭﻯ
ﺍﺑﺘﺴﻢ " ﻋﻤﺮ " ﻗﺎﺋﻼً :
- ﻫﻮ ﻟﺴﻪ ﻓﻲ ﺑﻨﺎﺕ ﻛﺪﻩ
****************************
- ﺃﻟﻒ ﺳﻼﻣﺔ ﻋﻠﻴﻜﻲ
ﻗﺎﻝ " ﻣﺼﻄﻔﻰ " ﻫﺬﻩ ﺍﻟﻌﺒﺎﺭﺓ ﻋﺒﺮ ﺍﻟﻬﺎﺗﻒ , ﻓﻘﺎﻟﺖ " ﻳﺎﺳﻤﻴﻦ " :
- ﺍﻟﻠﻪ ﻳﺴﻠﻤﻚ
- ﺃﻧﺎ ﺯﻋﻠﺖ ﻋﺸﺎﻧﻚ ﺃﻭﻯ ﻭﺯﻋﻠﺖ ﺃﻛﺘﺮ ﺍﻥ ﻓﺮﺣﻨﺎ ﻫﻴﺘﺄﺟﻞ ﺍﺳﺒﻮﻉ ﻛﻤﺎﻥ ﻳﻌﻨﻲ ﺑﺪﻝ ﻣﺎ ﻛﺎﻥ ﺃﺩﺍﻣﻨﺎ ﺍﺳﺒﻮﻉ ﺑﺄﻭﺍ ﺍﺳﺒﻮﻋﻴﻦ
ﺃﻃﺮﻗﺖ " ﻳﺎﺳﻤﻴﻦ " ﻓﻰ ﺧﺠﻞ ﻭﻟﻢ ﺗﺠﺐ
- ﺃﻧﺎ ﻧﻔﺴﻲ ﺍﻟﻮﻗﺖ ﻳﻤﺮ ﺑﺴﺮﻋﺔ ﻋﺸﺎﻥ ﺃﺧﺪﻙ ﻓﻰ ﺣﻀﻨــ ...
ﻗﺎﻃﻌﺘﻪ " ﻳﺎﺳﻤﻴﻦ " ﺑﺴﺮﻋﺔ ﻗﺎﺋﻠﻪ :
- ﻟﻮ ﺳﻤﺤﺖ .. ﻣﻴﻨﻔﻌﺶ ﺣﻀﺮﺗﻚ ﺗﻜﻠﻤﻨﻰ ﻛﺪﻩ
ﺍﺣﻤﺮﺕ ﻭﺟﻨﺘﺎﻫﺎ ﺑﺸﺪﻩ ﻣﻦ ﺍﻟﺨﺠﻞ ﻭﻣﻦ ﺍﻟﻐﻀﺐ
ﺃﺗﺎﻫﺎ ﺻﻮﺗﻪ ﻭﻫﻮ ﻳﺘﺤﺪﺙ ﺑﺒﺮﻭﺩ ﻗﺎﺋﻼً :
- ﻟﻴﻪ ﻣﻴﻨﻔﻌﺶ ﺧﻼﺹ ﻛﻠﻬﺎ ﺍﺳﺒﻮﻋﻴﻦ ﻭﺗﻜﻮﻧﻰ ﻣﺮﺍﺗﻰ
- ﺃﻣﺎ ﺍﺑﻘﻰ ﻣﺮﺍﺗﻚ
- ﻃﻴﺐ ﺑﺮﺍﺣﺘﻚ ﺳﻼﻡ
- ﻣﻊ ﺍﻟﺴﻼﻣﻪ
ﺃﻏﻠﻘﺖ " ﻳﺎﺳﻤﻴﻦ " ﻭﻫﻰ ﺗﺸﻌﺮ ﺑﻐﻀﺐ ﺷﺪﻳﺪ ﻣﻦ ﺟﺮﺃﺗﻪ ﻓﻰ ﺍﻟﻜﻼﻡ ﻣﻌﻬﺎ .. ﻭﻣﻦ ﻗﻠﺔ ﺫﻭﻗﻪ ﻋﻨﺪﻣﺎ ﺃﺳﺮﻉ ﺑﺈﻧﻬﺎﺀ ﺍﻟﻤﻜﺎﻟﻤﺔ ..
************************
ﺃﺛﻨﺎﺀ ﺟﻠﻮﺱ " ﻋﺒﺪ ﺍﻟﺤﻤﻴﺪ " ﻋﻠﻰ ﺍﻟﻤﻘﻬﻰ ﻭﻫﻮ ﺷﺎﺭﺩ ﻳﻔﻜﺮ ﻓﻰ ﺣﺎﻟﻪ ﻭﺣﺎﻟﻪ ﺑﻨﺎﺗﻪ ﺃﻗﺒﻞ ﻋﻠﻴﻪ ﺷﺎﺏ ﻭﻗﻒ ﺃﻣﺎﻣﻪ ﻭﻳﺒﺪﻭ ﻋﻠﻴﻪ ﻋﻼﻣﺎﺕ ﺍﻟﺘﺮﺩﺩ .. ﻧﻈﺮ ﺍﻟﻴﻪ " ﻋﺒﺪ ﺍﻟﺤﻤﻴﺪ " ﻣﺴﺘﻔﻬﻤﺎ ﻓﻠﻢ ﻳﺘﺤﺪﺙ ﺍﻟﺸﺎﺏ .. ﻓﻘﺎﻝ ﻟﻪ " ﻋﺒﺪ ﺍﻟﺤﻤﻴﺪ :"
- ﺧﻴﺮ ﻳﺎ ﺍﺑﻨﻰ ﻓﻰ ﺣﺎﺟﻪ ؟
ﻋﺪﻝ ﺍﻟﺸﺎﺏ ﻣﻦ ﻭﺿﻊ ﻋﻮﻳﻨﺎﺗﻪ ﺍﻟﺘﻰ ﻳﺮﺗﺪﻳﻬﺎ ﻭﻗﺎﻝ ﻓﻰ ﺍﺭﺗﺒﺎﻙ :
- ﺣﻀﺮﺗﻚ ﺃﺳﺘﺎﺫ " ﻋﺒﺪ ﺍﻟﺤﻤﻴﺪ ﻣﻨﺼﻮﺭ "
- ﺃﻳﻮﺓ ﻳﺎ ﺍﺑﻨﻲ ﺃﻧﺎ
- ﺃﻧﺎ .. ﻳﻌﻨﻲ .. ﺣﻀﺮﺗﻚ .. ﺃﻧﺎ " ﻭﺍﺋﻞ "
ﺍﻧﺘﻈﺮﻩ " ﻋﺒﺪ ﺍﻟﺤﻤﻴﺪ " ﻟﻴﻜﻤﻞ ﻛﻼﻣﻪ ﻟﻜﻦ ﺍﻟﺸﺎﺏ ﺻﻤﺖ .. ﻓﻘﺎﻝ ﻟﻪ :
- ﺃﻫﻼ ﺑﻴﻚ ﻳﺎ ﺍﺑﻨﻰ .. ﺍﺗﻔﻀﻞ ﺍﻋﺪ
ﻓﺠﻠﺲ ﺍﻟﺸﺎﺏ ﻭﻗﺪ ﺍﺯﺩﺍﺩ ﺍﺭﺗﺒﺎﻛﻪ ﻗﺎﺋﻼً :
- ﺃﻧﺎ .. ﻛﻨﺖ ﻋﺎﻳﺰ ﺃﺗﻜﻠﻢ ﻣﻊ ﺣﻀﺮﺗﻚ ﻓﻰ ﻣﻮﺿﻮﻉ .. ﻳﻌﻨﻲ .. ﺃﻧﺎ .. ﻳﻌﻨﻲ .. ﺑﻨﺘﻚ " .. ﺭﻳﻬﺎﻡ "
ﻗﺎﻝ " ﻋﺒﺪ ﺍﻟﺤﻤﻴﺪ " ﺑﺴﺮﻋﺔ :
- ﻣﺎﻟﻬﺎ " ﺭﻳﻬﺎﻡ " ﺑﻨﺘﻰ ﺟﺮﻟﻬﺎ ﺣﺎﺟﺔ ﻓﻰ ﺍﻟﻜﻠﻴﻪ ؟
ﺃﺳﺮﻉ ﺍﻟﺸﺎﺏ ﻗﺎﺋﻼً :
- ﻷ ﻷ ﻫﻰ ﻛﻮﻳﺴﻪ ﺃﻧﺎ ﻟﺴﻪ ﺷﺎﻳﻔﻬﺎ ﻣﻦ ﺷﻮﻳﻪ
ﺗﺼﺎﻋﺪ ﻏﻀﺐ " ﻋﺒﺪ ﺍﻟﺤﻤﻴﺪ " ﻗﺎﺋﻼً :
- ﻳﺎ ﺍﺑﻨﻰ ﺍﺗﻜﻠﻢ ﻣﺶ ﻓﺎﻫﻢ ﻣﻨﻚ ﺣﺎﺟﻪ
- ﺍﺣﻢ ﺍﺣﻢ .. ﻳﻌﻨﻲ .. ﺃﻧﺎ ﻛﻨﺖ ﻋﺎﻳﺰ .. ﺃﻗﻮﻝ ﻟﺤﻀﺮﺗﻚ .. ﺍﻧﻰ ﻋﺎﻳﺰ " ﺭﻳﻬﺎﻡ "
ﻗﺎﻝ ﺍﻷﺏ ﻓﻰ ﻏﻀﺐ :
- ﺍﻟﻠﻬﻢ ﻃﻮﻟﻚ ﻳﺎ ﺭﻭﺡ ﻳﻌﻨﻲ ﺍﻳﻪ ﻋﺎﻳﺰ " ﺭﻳﻬﺎﻡ " ؟
- ﻗﺼﺪﻯ ﻳﻌﻨﻲ ﺃﻧﺎ ﻋﺎﻳﺰ .. ﻳﻌﻨﻲ ﺃﻧﺎ ﻭﻫﻰ ﻧﺘﺠﻮﺯ
ﻫﺪﺃ " ﻋﺒﺪ ﺍﻟﺤﻤﻴﺪ " ﻗﻠﻴﻼً ﻭﻫﻮ ﻳﺮﻣﻖ ﺍﻟﺸﺒﺎﺏ ﺑﻨﻈﺮﺍﺕ ﻏﻴﻆ .. ﻓﻘﺎﻝ ﺍﻟﺸﺎﺏ :
- ﺑﺼﺮﺍﺣﺔ ﻳﺎ ﺃﺳﺘﺎﺫ " ﻋﺒﺪ ﺍﻟﺤﻤﻴﺪ " ﻣﺎﻣﺎ ﻗﺎﻟﺘﻠﻰ ﺍﻧﻰ ﺃﺟﻰ ﻟﺤﻀﺮﺗﻚ ﻋﺸﺎﻥ ﺃﻗﻮﻝ ﻟﺤﻀﺮﺗﻚ ﺍﻧﻨﺎ ﻋﺎﻳﺰﻳﻦ ﻧﺰﻭﺭﻛﻮﺍ ﻓﻰ ﺍﻟﺒﻴﺖ
- ﻃﻴﺐ ﻳﺎ ﺍﺑﻨﻰ .. ﻳﺸﺮﻓﻨﻰ ﺩﻩ ﻃﺒﻌﺎ .. ﺑﺲ ﻓﺮﺡ ﺑﻨﺘﻰ ﺍﻟﻜﺒﻴﺮﻩ ﻛﻤﺎﻥ ﺃﺭﺑﻊ ﺃﻳﺎﻡ ﻓﻠﻤﺎ ﻳﺨﻠﺺ ﺍﻟﻔﺮﺡ ﺍﻷﻭﻝ ﻭﺃﻃﻤﻦ ﻋﻠﻴﻬﺎ ﻧﺒﻘﻰ ﻧﺸﻮﻑ ﻣﻮﺿﻮﻉ " ﺭﻳﻬﺎﻡ "
- ﻃﻴﺐ ﻳﺎ ﺃﺳﺘﺎﺫ " ﻋﺒﺪ ﺍﻟﺤﻤﻴﺪ " ﻳﺎﺭﻳﺖ ﺗﺤﺪﺩ ﻣﻌﺎﺩ ﻋﺸﺎﻥ ﺃﻗﻮﻝ ﻟﻤﺎﻣﺎ ﻋﻠﻴﻪ
ﻧﻈﺮ ﺍﻟﻴﻪ " ﻋﺒﺪ ﺍﻟﺤﻤﻴﺪ " ﺷﺰﺭﺍً ﻭﻗﺎﻝ ﻟﻪ :
- ﻗﻮﻟﻬﺎ ﺍﺳﺒﻮﻉ ﻛﺪﻩ ﻭﺍﻥ ﺷﺎﺀ ﺍﻟﻠﻪ ﺗﺸﺮﻓﻮﻧﺎ ﻓﻰ ﺍﻟﺒﻴﺖ
ﻗﺎﻡ ﺍﻟﺸﺎﺏ ﻭﻣﺪ ﻳﺪﻩ ﻭﺳﻠﻢ ﻋﻠﻴﻪ ﻭﻗﺎﻝ ﺑﻔﺮﺡ :
- ﻣﺘﺸﻜﺮ ﺟﺪﺍ ﻟﺤﻀﺮﺗﻚ .. ﻭﻣﺒﺮﻭﻙ ﻟﺒﻨﺘﻚ ﺍﻟﻜﺒﻴﺮﺓ .. ﺍﻟﺴﻼﻡ ﻋﻠﻴﻜﻢ
- ﻭﻋﻠﻴﻜﻢ ﺍﻟﺴﻼﻡ
