ﺩﺧﻠﺖ " ﻳﺎﺳﻤﻴﻦ " ﺑﻴﺘﻬﺎ ﻭﻫﻰ ﺗﻘﺪﻡ ﺭﺟﻼً ﻭﺗﺆﺧﺮ ﺍﻷﺧﺮﻯ .. ﻛﺎﻧﺖ ﺗﺮﺍﻩ ﻷﻭﻝ ﻣﺮﺓ ﺑﻌﺪﻣﺎ ﺍﻧﺘﻬﺖ ﻭﺍﻟﺪﺓ " ﻣﺼﻄﻔﻰ " ﻭﺃﺧﺘﻬﺎ ﻭ " ﺳﻤﺎﺡ " ﻣﻦ ﺗﻨﻈﻴﻤﻪ ﻭﺗﺮﺗﻴﺒﻪ
ﺩﺧﻠﺖ ﻭﻭﻗﻔﺖ ﻭﺳﻂ ﺍﻟﺼﺎﻟﻪ ﻭﻛﺄﻧﻬﺎ ﻋﺎﺑﺮﺓ ﺳﺒﻴﻞ ﺿﻠﺖ ﻃﺮﻳﻘﻬﺎ ﻭﻻ ﺗﻬﺘﺪﻯ ﺍﻟﻰ ﻭﺟﻬﺘﻬﺎ .. ﺃﻓﺎﻗﺖ ﻣﻦ ﺷﺮﻭﺩﻫﺎ ﻋﻠﻰ ﺻﻮﺕ ﺑﺎﺏ ﺍﻟﺸﻘﺔ ﺍﻟﺬﻯ ﺃﻏﻠﻘﻪ " ﻣﺼﻄﻔﻰ " ﻋﻠﻴﻬﻤﺎ .. ﺍﻟﺘﻔﺘﺖ ﻟﺘﻨﻈﺮ ﺍﻟﻴﻪ ﻭﻗﻠﺒﻬﺎ ﻳﻜﺎﺩ ﻳﺼﻢ ﺃﺫﻧﻴﻬﺎ ﻣﻦ ﻋﻠﻮ ﺻﻮﺕ ﺩﻗﺎﺗﻪ .. ﺛﻢ .. ﺍﺑﺘﺴﻢ " ﻣﺼﻄﻔﻰ " ﻭﺍﻗﺘﺮﺏ ﻣﻨﻬﺎ ﺑﺨﻄﻮﺍﺕ ﺑﻄﻴﺌﻪ ...
ﻋﻨﺪﻣﺎ ﻣﺪ ﻳﺪﻩ ﻭﺃﻣﺴﻚ ﺫﺭﺍﻋﻬﺎ ﻭﺃﺭﺍﺩ ﺿﻤﻬﺎ ﺍﻟﻴﻪ ﺃﻭﻗﻔﺘﻪ ﺑﺈﺷﺎﺭﻩ ﻣﻦ ﻳﺪﻫﺎ .. ﻓﻘﺎﻝ ﻣﺘﺒﺮﻣﺎً :
- ﺍﻳﻪ ﺗﺎﻧﻰ ﻣﺶ ﺧﻼﺹ .. ﺍﺩﻳﻜﻲ ﺑﻘﻴﺘﻲ ﻣﺮﺍﺗﻲ ﺃﻫﻮ ..
ﺃﻃﺮﻗﺖ " ﻳﺎﺳﻤﻴﻦ " ﺑﺮﺃﺳﻬﺎ ﻭﻗﺎﻟﺖ ﺑﺨﺠﻞ :
- ﻣﺶ ﻫﻴﻨﻔﻊ
ﺍﺣﺘﺪ " ﻣﺼﻄﻔﻰ " ﻗﺎﺋﻼً :
- ﻫﻮ ﺍﻳﻪ ﺩﻩ ﺍﻟﻠﻰ ﻣﺶ ﻫﻴﻨﻔﻊ ؟
" ﻗﺎﻟﺖ " ﻳﺎﺳﻤﻴﻦ " ﻭﻫﻰ ﻣﺎﺯﺍﻟﺖ ﻣﻄﺮﻗﻪ ﺑﺮﺃﻳﻬﺎ :
- ﺍﻟﺤﺎﺩﺛﺔ ﻫﻰ ﺍﻟﺴﺒﺐ
- ﺣﺎﺩﺛﺔ ﺍﻳﻪ ؟
- ﺍﻟﻌﺮﺑﻴﺔ ﺍﻟﻠﻰ ﺧﺒﻄﺘﻨﻰ ﻣﻦ ﺍﺳﺒﻮﻋﻴﻦ .. ﻫﻰ ﺍﻟﺴﺒﺐ
ﺍﺯﺩﺍﺩﺕ ﺣﺪﺓ " ﻣﺼﻄﻔﻰ " ﻗﺎﻟﺌﻼً :
- ﺍﻳﻪ ﺍﻟﻠﻰ ﺟﺎﺏ ﺍﻟﻘﺎﻟﻌﺔ ﺟﻤﺐ ﺍﻟﺒﺤﺮ
ﺍﺯﺩﺍﺩ ﺍﺣﻤﺮﺍﺭ ﻭﺟﻨﺘﺎﻫﺎ ﻭﺟﺎﻫﺪﺕ ﻟﺘﺨﺮﺝ ﺻﻮﺗﻬﺎ ﻗﺎﺋﻠﻪ :
- ﻳﻌﻨﻲ ﺃﻗﺼﺪ ﺃﻗﻮﻝ ﻣﻌﺎﺩ ﺍﻟﻔﺮﺡ ﺍﺗﺄﺟﻞ ﺍﺳﺒﻮﻉ ﻋﺸﺎﻥ ﺭﺟﻠﻰ ﻛﺎﻧﺖ ﻓﻰ ﺍﻟﺠﺒﺲ
- ﻭﺍﻳﻪ ﻋﻼﻗﺔ ﺩﻩ ﺑﻴﻨﺎ ﺩﻟﻮﻗﺘﻰ
ﺍﺯﺩﺍﺩ ﺍﺭﺗﺒﺎﻛﻬﺎ ﻗﺎﺋﻠﻪ :
- ﻳﻌﻨﻲ ﺍﻟﻤﻌﺎﺩ ﺍﻟﺠﺪﻳﺪ .. ﻣﻜﻨﺶ ﻣﻨﺎﺳﺐ ﺑﺎﻟﻨﺴﺒﻪ ﻟﻴﺎ .. ﻳﻌﻨﻲ .. ﻳﻌﻨﻲ .. ﻣﺶ ﻫﻴﻨﻔﻊ
ﻗﺎﻝ " ﻣﺼﻄﻔﻰ " ﻭﻗﺪ ﺛﺎﺭﺕ ﺛﺎﺋﺮﺗﻪ :
- ﻭﺃﻣﺎ ﻫﻮ ﺍﻟﻤﻌﺎﺩ ﺍﻟﺠﺪﻳﺪ ﻣﻜﻨﺶ ﻣﻨﺎﺳﺐ ﻟﺠﻨﺎﺑﻚ ﻣﺎ ﻗﻮﻟﺘﻴﺶ ﻛﺪﻩ ﻟﻴﻪ ﻣﻦ ﺍﻷﻭﻝ ﻛﻨﺎ ﻏﻴﺮﻧﺎ ﺍﻟﺰﻓﺖ ﺍﻟﻤﻌﺎﺩ
ﻗﺎﻟﺖ ﻭﻗﺪ ﺗﺴﺎﻗﻄﺖ ﻋﺒﺮﺍﺗﻬﺎ ﻋﻠﻰ ﻭﺟﻨﺘﻴﻬﺎ :
- ﺍﺗﻜﺴﻔﺖ ﺃﻗﻮﻝ ﻟﺒﺎﺑﺎ
- ﻭﻣﻮﺿﻮﻉ ﻣﺶ ﻫﻴﻨﻔﻊ ﺩﻩ .. ﻫﻴﺴﺘﻤﺮ ﺃﺩ ﺍﻳﻪ ؟
6 - ﺃﻳﺎﻡ
- ﺍﻟﻠﻪ ﺃﻛﺒﺮ ﻳﻌﻨﻲ ﺍﻷﺟﺎﺯﺓ ﺍﺿﺮﺑﺖ
ﺗﺮﻛﻬﺎ " ﻣﺼﻄﻔﻰ " ﻭﺳﻂ ﺍﻟﺼﺎﻟﻪ ﻭﺗﺪﺧﻞ ﻳﻐﻴﺮ ﻣﻼﺑﺴﻪ ﻭﻫﻮ ﻳﺒﺮﻃﻢ ..
**********************
- ﻳﺎﺭﺏ .. ﻳﺎﺭﺏ .. ﺍﺣﻤﻴﻪ ﻳﺎﺭﺏ .. ﻳﺎﺭﺏ ﺍﺣﻤﻴﻪ ﻳﺎﺭﺏ
ﺗﻔﻮﻫﺖ " ﻛﺮﻳﻤﺔ " ﺑﺘﻠﻚ ﺍﻟﻌﺒﺎﺭﺓ ﻫﻰ ﺟﺎﻟﺴﻪ ﺑﺠﻮﺍﺭ ﺯﻭﺟﻬﺎ ﺃﻣﺎﻡ ﻏﺮﻓﺔ ﺍﻟﻌﻤﻠﻴﺎﺕ ﺑﺎﻟﻤﺴﺘﺸﻔﻰ .. ﺛﻢ ﺃﻛﻤﻠﺖ ﻗﺎﺋﻠﻪ :
- ﻟﻴﻪ ﺍﺑﻨﻰ ﻳﺤﺼﻠﻪ ﻛﺪﻩ .. ﻟﻴﻪ ﻳﺎﺭﺏ
ﻗﺎﻝ ﺯﻭﺟﻬﺎ ﺍﻟﺠﺎﻟﺲ ﺑﺠﻮﺍﺭﻫﺎ :
- ﺍﻧﺘﻰ ﻣﺆﻣﻨﺔ ﻳﺎ ﻛﺮﻳﻤﺔ ﺣﺮﺍﻡ ﺍﻟﻠﻰ ﺑﺘﻘﻮﻟﻴﻪ ﺩﻩ
ﻗﺎﻟﺖ ﺑﺎﻛﻴﻪ :
- ﻋﺎﺭﻓﻪ ﺑﺲ ﻏﺼﺐ ﻋﻨﻰ ﻗﻠﺒﻲ ﻣﺤﺮﻭﻕ ﻋﻠﻰ ﺍﺑﻨﻰ ﺃﻭﻯ
- ﻃﻴﺐ ﺍﺳﺘﻐﻔﺮﻯ ﺭﺑﻨﺎ ﻭﺍﺩﻋﻴﻠﻪ ﺯﻯ ﻣﺎ ﺑﺪﻋﻴﻠﻪ ﺑﺪﻝ ﺍﻟﻜﻼﻡ ﺍﻟﻠﻲ ﻳﻐﻀﺐ ﺭﺑﻨﺎ ﺩﻩ
- ﺍﺳﺘﻐﻔﺮ ﺍﻟﻠﻪ .. ﺍﺳﺘﻐﻔﺮ ﺍﻟﻠﻪ .. ﻳﺎﺭﺏ ﺩﻩ ﺍﺑﻨﻰ ﺍﻟﻮﺣﻴﺪ ﺍﻟﻠﻰ ﻣﻠﻴﺶ ﻏﻴﺮﻩ .. ﻳﺎﺭﺏ ﺍﺣﻤﻴﻪ ﻳﺎﺭﺏ
ﺛﻢ ﺍﻟﺘﻔﺘﺖ ﺍﻟﻰ ﺯﻭﺟﻬﺎ ﻗﺎﺋﻠﻪ :
" - ﻧﺎﻧﺴﻲ " ﻭ " ﻧﺎﺩﻳﻦ " ﻛﻮﻳﺴﻴﻦ ؟
ﺗﻨﻬﺪ ﺑﺤﺴﺮﻩ ﻗﺎﺋﻼً :
- ﺍﻳﻮﺓ ﺍﻧﺎ ﻟﺴﻪ ﻛﻨﺖ ﻋﻨﺪﻫﻢ ﻣﻦ ﺷﻮﻳﻪ ﻛﻠﻬﺎ ﺧﺪﻭﺵ ﺑﺴﻴﻄﻪ .. ﻟﻜﻦ ﺍﻟﻠﻰ ﺗﺎﻋﺒﻨﻰ ﻣﻮﺕ ﻭﺍﻟﺪﻫﺎ ﺍﻟﻠﻪ ﻳﺮﺣﻤﻪ
- ﺍﻟﻠﻪ ﻳﺮﺣﻤﻪ ﻭﻳﻐﻔﺮﻟﻪ ﻭﻳﺘﺠﺎﻭﺯ ﻋﻦ ﺳﻴﺌﺎﺗﻪ .. ﻃﻴﺐ ﻫﻤﺎ ﻋﺎﻣﻠﻴﻦ ﺍﻳﻪ ﺩﻟﻮﻗﺘﻰ ؟
ﺳﻜﺖ ﻗﻠﻴﻼً ﺛﻢ ﻗﺎﻝ :
- ﻭﻻ ﺃﻯ ﺣﺎﺟﻪ
- ﻳﻌﻨﻲ ﺍﻳﻪ ﻭﻻ ﺃﻯ ﺣﺎﺟﻪ
- ﻣﺶ ﻋﺎﺭﻑ ﻫﻤﺎ ﻛﺪﻩ ﻣﻦ ﺍﻟﺼﺪﻣﺔ ﻭﻻ ﺍﻳﻪ ﺑﺎﻟﻈﺒﻂ .. ﺑﺲ ﻣﺶ ﺑﺎﻳﻦ ﻋﻠﻴﻬﻢ ﺃﻯ ﺗﺄﺛﺮ
- ﻏﺮﻳﺒﺔ ﺍﺯﺍﻯ ﻳﻌﻨﻲ ﺩﻯ ﺟﻮﺯﻫﺎ .. ﻭﺩﻯ ﺃﺑﻮﻫﺎ
- ﻣﺶ ﻋﺎﺭﻓﻪ .. ﺃﻛﻴﺪ ﻟﺴﻪ ﻣﻔﺎﻗﻮﺵ ﻣﻦ ﺍﻟﺼﺪﻣﺔ
ﻋﺎﻭﺩ " ﻛﺮﻳﻤﺔ " ﻗﻠﻘﻬﺎ ﻋﻠﻰ ﺍﺑﻨﻬﺎ ﺍﻟﺬﻯ ﻳﺮﻗﺪ ﺩﺍﺧﻞ ﺣﺠﺮﺓ ﺍﻟﻌﻤﻠﻴﺎﺕ ﻭﺃﺧﺬﺕ ﺗﺴﺘﻐﻔﺮ ﺭﺑﻬﺎ ﻭﺗﻨﺎﺟﻴﻪ
**********************
ﻗﺎﻡ " ﻣﺼﻄﻔﻰ " ﺑﺘﻐﻴﻴﺮ ﻣﻼﺑﺴﻪ ﻭﺗﻮﺟﻪ ﺍﻟﻰ ﺣﺠﺮﺓ ﺍﻟﻤﻌﻴﺸﺔ ﻳﺸﺎﻫﺪ ﻭﻳﻘﻠﺐ ﻓﻰ ﻗﻨﻮﺍﺕ ﺍﻟﺘﻠﻔﺎﺯ .. ﺩﺧﻠﺖ " ﻳﺎﺳﻤﻴﻦ " ﺣﺠﺮﺓ ﺍﻟﻨﻮﻡ ﺑﻌﺪﻣﺎ ﺧﺮﺝ ﻣﻨﻬﺎ " ﻣﺼﻄﻔﻰ " ﺟﻠﺴﺖ ﻋﻠﻰ ﻃﺮﻑ ﺍﻟﻔﺮﺍﺵ ﻭﺍﻟﺪﻣﻮﻉ ﺗﺘﺴﺎﻗﻂ ﻣﻦ ﻋﻴﻨﻴﻬﺎ .. ﺗﺸﻌﺮ ﻭﻛﺄﻧﻬﺎ ﻏﺮﻳﺒﻪ ﻓﻰ ﻣﻜﺎﻥ ﻏﺮﻳﺐ ﻣﻌﺰﻭﻟﻪ ﻋﻦ ﺍﻟﻌﺎﻟﻢ ... ﺷﻌﺮﺕ ﺑﺎﻹﺷﺘﻴﺎﻕ ﻟـ " ﺭﻳﻬﺎﻡ " ﻭﻟﻠﺤﺪﻳﺚ ﻣﻌﻬﺎ .. ﻭﺷﻌﺮﺕ ﺑﺎﻟﺤﻨﻴﻦ ﺍﻟﻰ ﻭﺍﻟﺪﻫﺎ ﺍﻟﺬﻯ ﺭﻏﻢ ﻗﺴﻮﺗﻪ ﻋﻠﻴﻬﺎ ﺍﻻ ﺃﻧﻬﺎ ﺗﺤﺒﻪ ﺑﺸﺪﻩ ﻭﺗﺸﻌﺮ ﺑﺎﻷﻣﺎﻥ ﻭﻫﻰ ﻓﻰ ﺑﻴﺘﻪ .. ﻛﻢ ﺗﻤﻨﺖ ﺗﺮﻙ ﻫﺬﺍ ﺍﻟﺒﻴﺖ ﻭﺍﻟﻌﻮﺩﺓ ﺍﻟﻰ ﺑﻴﺘﻬﺎ ﻣﺮﺓ ﺃﺧﺮﻯ .. ﺗﺬﻛﺮﺕ ﺃﻣﻬﺎ ﻭﺗﻤﻨﺖ ﺃﻥ ﺗﻠﻘﻰ ﺑﻨﻔﺴﻬﺎ ﻓﻰ ﺣﻀﻨﻬﺎ ﻭﻟﻮ ﻟﻤﺮﺓ ﺃﺧﻴﺮﻩ .. ﻣﺴﺤﺖ ﻋﺒﺮﺍﺗﻬﺎ ﻭﻗﺎﻣﺖ ﻟﺘﻐﻴﺮ ﻣﻼﺑﺴﻬﺎ .. ﺍﺭﺗﺪﺕ ﻋﺒﺎﺀﺓ ﻃﻮﻳﻠﺔ ﺫﺍﺕ ﺃﻛﻤﺎﻡ ﻃﻮﻳﻠﻪ ﻭﺍﺣﺘﺎﺭﺕ ﻫﻞ ﺗﺘﺮﻙ ﺷﻌﺮﻫﺎ ﺃﻡ ﺗﺮﺗﺪﻯ ﺣﺠﺎﺑﻬﺎ .. ﻓﻤﺎﺯﺍﻟﺖ ﺗﺸﻌﺮ ﺑﺄﻧﻬﺎ ﻓﻰ ﺑﻴﺖ ﻏﺮﻳﺐ ﻭﻣﻊ ﺭﺟﻞ ﻏﺮﻳﺐ .. ﺟﺎﻫﺪﺕ ﻧﻔﺴﻬﺎ ﻟﺘﺘﺮﻙ ﺣﺠﺎﺑﻬﺎ ﻭﻻ ﺗﺮﺗﺪﻳﻪ ﻣﺬﻛﺮﻩ ﻧﻔﺴﻬﺎ ﺑﺄﻥ ﻫﺬﺍ ﺍﻟﺮﺟﺎﻝ ﺍﻟﺠﺎﻟﺲ ﻓﻰ ﺍﻟﺨﺎﺭﺝ ﺣﺘﻰ ﻭﻟﻮ ﺷﻌﺮﺕ ﺑﺄﻧﻪ ﻏﺮﻳﺐ ﺇﻻ ﺃﻧﻪ ﺍﻵﻥ ﺯﻭﺟﻬﺎ ﻭﻳﺠﺐ ﻋﻠﻴﻬﺎ ﺣﺴﻦ ﺍﻟﺘﺒﻌﻞ ﻟﻪ ﻭﺍﻟﻄﺎﻋﻪ .. ﻭﻟﻮ ﺭﺁﻫﺎ ﺑﺎﻟﺤﺠﺎﺏ ﻹﺯﺩﺍﺩ ﻏﻀﺒﺎً ﻋﻠﻰ ﻏﻀﺐ .. ﺧﺮﺟﺖ ﻣﻦ ﻏﺮﻓﺔ ﺍﻟﻨﻮﻡ ﻭﺗﻮﺟﻬﺖ ﺣﻴﺚ ﻳﺠﻠﺲ " ﻣﺼﻄﻔﻰ " ﻭﻗﻔﺖ ﻋﻠﻰ ﺍﺳﺘﺤﻴﺎﺀ ﺃﻣﺎﻡ ﺍﻟﺒﺎﺏ ,, ﺃﻟﻘﻰ ﻋﻠﻴﻬﺎ " ﻣﺼﻄﻔﻰ " ﻧﻈﺮﺓ ﺳﺎﺧﺮﻩ ﻋﻠﻰ ﻣﺎ ﻛﺎﻧﺖ ﺗﺮﺗﺪﻳﻪ ﺛﻢ ﺃﻋﺎﺩ ﻧﻈﺮﻩ ﺍﻟﻰ ﺍﻟﺘﻠﻔﺎﺯ ﻣﺮﺓ ﺃﺧﺮﻯ .. ﻭﻗﻔﺖ ﻗﻠﻴﻼ ﺛﻢ ﻗﺎﻟﺖ :
- ﺗﺤﺐ ﺗﺘﻌﺸﻲ
ﻗﺎﻝ ﺑﺤﺪﻩ :
- ﻻ ﻣﺶ ﻋﺎﻳﺰ ﺯﻓﺖ
ﺗﺮﻛﺘﻪ ﻭﺩﺧﻠﺖ ﻏﺮﻓﺔ ﺍﻟﻨﻮﻡ ﻣﺮﺓ ﺃﺧﺮﻯ ﻭﻫﻰ ﺗﺸﻌﺮ ﺑﺄﻥ ﻫﻨﺎﻙ ﺃﻳﺎﻡ ﺑﺎﺋﺴﻪ ﺗﻨﺘﻈﺮﻫﺎ ﻓﻰ ﺑﻴﺖ " ﻣﺼﻄﻔﻰ "
**********************
ﺧﺮﺝ ﺍﻟﻄﺒﻴﺐ ﻣﻦ ﻏﺮﻓﺔ ﺍﻟﻌﻤﻠﻴﺎﺕ ﻓﻨﻬﻀﺖ " ﻛﺮﻳﻤﺔ " ﻭﺯﻭﺟﻬﺎ ﺑﺴﺮﻋﻪ ﻭﺗﻮﺟﻬﺎ ﺍﻟﻴﻪ ,, ﻗﺎﻟﺖ " ﻛﺮﻳﻤﺔ " ﺑﻠﻬﻔﻪ :
- ﺧﻴﺮ ﻳﺎ ﺩﻛﺘﻮﺭ ﺍﻟﻠﻪ ﻳﺒﺎﺭﻛﻠﻚ ﻃﻤﻨﻰ ﻋﻠﻰ ﺍﺑﻨﻰ
ﻃﻤﺄﻧﻬﺎ ﺍﻟﻄﺒﻴﺐ ﻗﺎﺋﻼً :
- ﻻ ﺍﻃﻤﻨﻰ ﻫﻮ ﻛﻮﻳﺲ ﺍﻟﺤﻤﺪ ﻟﻠﻪ
ﻗﺎﻝ ﻭﺍﻟﺪﻩ :
- ﻳﻌﺘﻲ ﻣﻔﻴﺶ ﻓﻴﻪ ﺃﻯ ﻣﺸﻜﻠﺔ
- ﺍﻟﺤﻤﺪ ﻟﻠﻪ ﺣﺎﻟﻪ ﺃﺣﺴﻦ ﻣﻦ ﻏﻴﺮﻩ ﻛﻞ ﺍﻟﻤﺸﻜﻠﻪ ﺍﻥ ﺃﻋﺼﺎﺏ ﺩﺭﺍﻋﻪ ﺍﻟﺸﻤﺎﻝ ﺍﺗﻀﺮﺭﺕ ﺑﺸﻜﻞ ﺟﺰﺋﻲ ﺑﺎﻹﺿﺎﻓﺔ ﻟﻠﻜﺴﻮﺭ ﺍﻟﻠﻰ ﻓﻲ ﺩﺭﺍﻋﻪ .. ﻳﻌﻨﻲ ﻫﻴﺤﺘﺎﺝ ﻓﺘﺮﺓ ﻣﻦ ﺍﻟﻌﻼﺝ ﺍﻟﻄﺒﻴﻌﻲ ﻭﺍﻟﺤﺠﺎﻣﻪ ﻋﺸﺎﻥ ﺍﻷﻋﺼﺎﺏ ﺗﻨﺸﻂ ﺗﺎﻧﻰ .. ﺑﺲ ﺍﻃﻤﻨﻮﺍ ﺍﻥ ﺷﺎﺀ ﺍﻟﻠﻪ ﺧﻴﺮ
ﻗﺎﻟﺖ " ﻛﺮﻳﻤﺔ " ﻓﻰ ﻗﻠﻖ :
- ﻳﻌﻨﻲ ﻳﺎ ﺩﻛﺘﻮﺭ ﻭﺍﺛﻖ ﺍﻧﻪ ﻫﻴﻜﻮﻥ ﻛﻮﻳﺲ ﺑﺎﻟﻠﻪ ﻋﻠﻴﻚ ﻣﺎ ﺗﺨﺒﻲ ﻋﻠﻴﺎ
- ﺃﻧﺎ ﻫﻨﺎ ﻃﺒﻴﺐ ﻳﺎ ﺣﺠﻪ ﻭﺑﺼﺎﺭﺡ ﺃﻫﺎﻟﻰ ﺍﻟﻤﺮﺿﻰ ﺑﺤﺎﻟﺘﻬﻢ ﺑﺎﻟﺘﻔﺼﻴﻞ ﻣﻴﻨﻔﻌﺶ ﺃﺧﺒﻰ ﻋﻠﻴﻬﻢ ﺣﺎﺟﻪ .. ﻭﺯﻯ ﻣﺎ ﻗﻮﻟﺖ ﻟﺤﻀﺮﺗﻚ ﻫﻮ ﺑﺲ ﺑﻌﺪ ﺍﻟﺠﺒﺲ ﻣﺎ ﻳﺘﻔﻚ ﻫﻴﺤﺘﺎﺝ ﻓﺘﺮﺓ ﻣﻦ ﺍﻟﻌﻼﺝ ﺍﻟﻄﺒﻴﻌﻲ ﻋﺸﺎﻥ ﺍﻳﺪﻩ ﺗﺮﺟﻊ ﺯﻯ ﻣﺎ ﻛﺎﻧﺖ
- ﺍﺩ ﺍﻳﻪ ﻫﻴﺎﺧﺪ ﺍﻟﻤﻮﺿﻮﻉ ﺩﻩ
- ﺣﺴﺐ ﺣﺎﻟﺘﻪ ﻭﺣﺴﺐ ﺍﺳﺘﺠﺎﺑﺘﻪ .. ﻣﻨﻘﺪﺭﺵ ﻧﺤﺪﺩ ﺩﻟﻮﻗﺘﻰ ﺍﻻ ﻟﻤﺎ ﻳﻔﻚ ﺍﻟﺠﺒﺲ ﺍﻥ ﺷﺎﺀ ﺍﻟﻠﻪ
- ﻭﺍﻳﺪﻩ ﻫﺘﻔﻀﻞ ﻓﻰ ﺍﻟﺠﺒﺲ ﺃﺩ ﺍﻳﻪ ﻳﺎ ﺩﻛﺘﻮﺭ
- ﻣﺶ ﺃﻗﻞ ﻣﻦ ﺷﻬﺮﻳﻦ .. ﻋﻦ ﺍﺫﻧﻜﻮﺍ
ﻏﺎﺩﺭ ﺍﻟﻄﺒﻴﺐ .. ﻓﺎﻟﻔﺘﺖ " ﻛﺮﻳﻤﺔ " ﻟﺰﻭﺟﻬﺎ ﻗﺎﺋﻠﻪ :
- ﺗﻔﺘﻜﺮ ﺍﻟﺪﻛﺘﻮﺭ ﻣﺨﺒﻲ ﺣﺎﺟﻪ
- ﺍﻧﺘﻰ ﻋﺎﻳﺰﻩ ﺗﻘﻠﻘﻰ ﻧﻔﺴﻚ ﻭﺧﻼﺹ ﻗﺎﻟﻚ ﺍﻧﻪ ﻻﺯﻡ ﻳﻜﻮﻥ ﺻﺮﻳﺢ ﻣﻌﺎﻧﺎ ﻭﺷﺮﺣﻠﻨﺎ ﺣﺎﻟﺘﻪ ﺑﺎﻟﻈﺒﻂ
- ﺍﻟﺤﻤﺪ ﻟﻠﻪ ﺍﻟﻠﻬﻢ ﻟﻚ ﺍﻟﺤﻤﺪ
ﺛﻢ ﺍﺳﺘﻄﺮﺩﺕ ﻗﺎﺋﻠﻪ ﺑﻘﻠﻖ :
- ﺑﺲ ﺃﻧﺎ ﺧﺎﻳﻔﻪ ﺩﺭﺍﻋﻪ ﻣﻴﺮﺟﻌﺶ ﺗﺎﻧﻰ ﺯﻯ ﺍﻷﻭﻝ
- ﺍﺣﻨﺎ ﻓﻴﻦ ﻭﺑﻘﻴﻨﺎ ﻓﻴﻦ ﻳﺎ " ﻛﺮﻳﻤﺔ " ﻗﺪﺭ ﻭﻟﻄﻒ ﺍﻟﺤﻤﺪ ﻟﻠﻪ ﺍﻧﻬﺎ ﺟﺖ ﻋﻠﻰ ﺃﺩ ﻛﺪﻩ
ﻓﻰ ﻫﺬﻩ ﺍﻷﺛﻨﺎﺀ ﺧﺮﺝ ﻣﻦ ﻏﺮﻓﺔ ﺍﻟﻌﻤﻠﻴﺎﺕ ﺗﺮﻭﻟﻰ ﻣﺤﻤﻮﻻً ﻋﻠﻴﻪ " ﻋﻤﺮ " ﻓﺘﻮﺟﻬﺖ ﺍﻟﻴﻪ " ﻛﺮﻳﻤﺔ " ﻣﺴﺮﻋﻪ ﻭﺭﺑﺘﺖ ﺑﻜﻔﻬﺎ ﻋﻠﻰ ﺭﺃﺳﻪ ﻗﺎﺋﻠﻪ :
" - ﻋﻤﺮ " ﺍﻧﺖ ﻛﻮﻳﺲ .. ﺭﺩ ﻋﻠﻴﺎ ﻳﺎ ﺍﺑﻨﻰ
ﻗﺎﻟﺖ ﻟﻬﺎ ﺍﻟﻤﻤﺮﺿﺔ :
- ﻫﻮ ﺩﻟﻮﻗﺘﻰ ﻓﻰ ﺍﻟﺒﻴﻨﺞ .. ﺍﻥ ﺷﺎﺀ ﺍﻟﻠﻪ ﺷﻮﻳﻪ ﻭﻳﻔﻮﻕ
.. ﺃﺩﺧﻠﻮﻩ ﺍﻟﻐﺮﻓﺔ ﺍﻟﻤﺨﺼﺼﻪ ﻟﻪ ﻭﺟﻠﺴﺖ ؟ﻛﺮﻳﻤﺔ " ﺑﺠﻮﺍﺭﻩ ﺗﻤﺴﻚ ﻣﺼﺤﻔﻬﺎ ﻭﺗﺘﻠﻮ ﺁﻳﺎﺕ ﻣﻦ ﻛﺘﺎﺏ ﺍﻟﻠﻪ
**************************
ﻧﻈﺮﺕ " ﻧﺎﻧﺴﻲ " ﺍﻟﻰ ﺍﻟﻜﺪﻣﺎﺕ ﺍﻟﻰ ﺗﻌﻠﻮ ﻭﺟﻬﻬﺎ ﻓﻰ ﻣﺮﺁﺓ ﺻﻐﻴﺮﻩ ﺑﻴﺪﻫﺎ ﻓﻰ ﻏﺮﻓﺘﻬﺎ ﺑﺎﻟﻤﺴﺘﺸﻔﻰ .. ﻭﻗﺎﻟﺖ ﺑﻌﺼﺒﻴﻪ :
- ﺍﺗﺸﻮﻫﺖ .. ﻭﺷﻰ ﺍﺗﺸﻮﻩ
ﻧﻈﺮﺕ ﻟﻬﺎ " ﻧﺎﺩﻳﻦ " ﺍﻟﻨﺎﺋﻤﺔ ﻋﻠﻰ ﺍﻟﻔﺮﺍﺵ ﻗﻘﺎﺋﻠﻪ :
- ﺍﻧﺘﻰ ﻣﻌﻨﺪﻛﻴﺶ ﺩﻡ ؟ ﺍﺑﻮﻛﻰ ﻣﺎﺕ ﻳﺎ " ﻧﺎﻧﺴﻲ "
ﻧﻈﺮﺕ ﻟﻬﺎ " ﻧﺎﻧﺴﻲ " ﻗﺎﺋﻠﻪ :
- ﻳﻌﻨﻲ ﻋﺎﻳﺰﻩ ﺗﻔﻬﻤﻴﻨﻲ ﺍﻥ ﺍﻧﺘﻰ ﺯﻋﻼﻧﻪ ﻋﻠﻴﻪ ؟ .. ﺑﺼﺮﺍﺣﻪ ﺃﻧﺎ ﻣﺶ ﺣﺴﻪ ﺑﺄﻯ ﺣﺎﺟﻪ .. ﻋﺎﺭﻓﻪ ﻟﻴﻪ .. ﻷﻧﻪ ﻋﻤﺮﻩ ﻣﺎ ﺣﺴﺴﻨﻰ ﺍﻥ ﻟﻴﺎ ﺃﺏ .. ﻳﺨﺎﻑ ﻋﻠﻴﺎ ﻭﻳﺎﺧﺪﻧﻰ ﻓﻰ ﺣﻀﻨﻪ ﻭﻳﻘﻮﻟﻰ ﻛﺪﻩ ﺻﺢ ﻭﻛﺪﻩ ﻏﻠﻂ .. ﻋﻤﺮﻯ ﻣﺎ ﺣﺴﻴﺖ ﺑﻮﺟﻮﻩ ﻓﻰ ﺣﻴﺎﺗﻲ .. ﻛﺎﻥ ﻃﻮﻝ ﺍﻟﻮﻗﺖ ﺍﻣﺎ ﻣﺴﺎﻓﺮ ﻭﺍﻣﺎ ﻓﻰ ﺍﻟﺸﻐﻞ .. ﺍﻳﻪ ﺍﻟﻠﻲ ﻳﺨﻠﻴﻨﻲ ﺃﺯﻋﻞ ﺍﻧﻰ ﻓﻘﺪﺕ ﺣﺎﺟﻪ ﺃﺻﻼ ﻣﻜﻨﺘﺶ ﻣﻮﺟﻮﺩﻩ ﻓﻰ ﺣﻴﺎﺗﻲ
- ﺣﺘﻰ ﻟﻮ ﻛﺪﻩ .. ﺑﺮﺩﻩ ﺧﻠﻰ ﻋﻨﺪﻙ ﺩﻡ ﺷﻮﻳﻪ ﺃﻫﻞ ﺧﻄﻴﺒﻚ ﻳﻘﻮﻟﻮﺍ ﺍﻳﻪ ﻋﻠﻴﻨﺎ
ﻗﺎﻟﺖ " ﻧﺎﻧﺴﻲ " ﺑﺴﺨﺮﻳﺔ :
- ﺧﻄﻴﺒﻲ ؟ .. ﻫﻮ ﺑﻌﺪ ﺍﻟﻠﻲ ﺃﻧﺎ ﺣﻜﻴﺘﻬﻮﻟﻚ ﻭ ﺍﻟﻠﻰ ﺣﺼﻞ ﻓﻰ ﺑﻴﺖ ﺍﻟﻤﺰﺭﻋﺔ ﻣﺘﻮﻗﻌﺔ ﺍﻥ " ﻋﻤﺮ " ﻫﻴﻔﻀﻞ ﺧﻄﻴﺒﻲ
ﻗﺎﻟﺖ ﻟﻬﺎ " ﻧﺎﺩﻳﻦ " ﺑﻌﺼﺒﻴﻪ :
- ﻣﺎ ﺍﻧﺘﻰ ﺑﻨﻰ ﺃﺩﻣﻪ ﻏﺒﻴﻪ .. ﻟﺴﻪ ﻣﻔﻬﻤﺘﻴﺶ " ﻋﻤﺮ " ﻭﻋﺸﺎﻥ ﻛﺪﻩ ﻋﻤﺎﻟﻪ ﺗﺤﻄﻰ ﻧﻔﺴﻚ ﻓﻰ ﻣﻮﺍﻗﻒ ﻏﺒﻴﻪ ﺯﻳﻚ
- ﺍﻭﻭﻭﻭﻭﻑ .. ﺧﻼﺹ ﻣﻔﻴﺶ ﺩﺍﻋﻰ ﻟﻠﻜﻼﻡ ﺩﻩ .. ﺧﻼﺹ ﺍﻟﻤﻮﺿﻮﻉ ﺍﻧﺘﻬﻰ
ﻧﻈﺮﺕ ﻟﻬﺎ " ﻧﺎﺩﻳﻦ " ﺑﻐﻞ ﻗﺎﺋﻠﻪ :
- ﻣﺶ ﺑﻘﻮﻟﻚ ﻏﺒﻴﻪ .. ﻣﻮﺿﻮﻉ ﺍﻳﻪ ﺍﻟﻠﻲ ﺍﻧﺘﻬﻰ .. ﺍﻷﻣﻮﺭ ﻫﺘﺮﺟﻊ ﺑﻴﻨﻚ ﻭﺑﻨﻲ " ﻋﻤﺮ " ﺯﻯ ﺍﻷﻭﻝ ﻭﺃﺣﺴﻦ
ﻗﺎﻝ " ﻧﺎﻧﺴﻲ " ﺑﺴﺨﺮﻳﺔ :
- ﺍﺯﺍﻯ ﺍﻥ ﺷﺎﺀ ﺍﻟﻠﻪ
ﺍﺑﺘﺴﻤﺖ ﺍﺑﺘﺴﺎﻣﻪ ﺧﺒﻴﺜﺔ ﻭﻗﺎﻟﺖ :
- ﻫﻘﻮﻟﻚ ﺍﺯﺍﻯ
***********************
ﺩﺧﻞ " ﻣﺼﻄﻔﻰ " ﺍﻟﻰ ﻏﺮﻓﺔ ﺍﻟﻨﻮﻡ ﻓﺄﺳﺮﻋﺖ " ﻳﺎﺳﻤﻴﻦ " ﺍﻟﺠﺎﻟﺴﻪ ﻋﻠﻰ ﻃﺮﻑ ﺍﻟﻔﺮﺍﺵ ﺑﺎﻟﻨﻬﻮﺽ ﻭﺍﻟﺘﻔﺘﺖ ﻭﺃﻭﻟﺘﻪ ﻇﻬﺮﻫﺎ ﻭﺃﺧﺬﺕ ﺗﻤﺴﺢ ﻋﺒﺮﺍﺗﻬﺎ ﺍﻟﺘﻰ ﺗﺴﺎﻗﻄﺖ ﻋﻠﻰ ﻭﺟﻨﺘﻴﻬﺎ .. ﺩﺧﻞ " ﻣﺼﻄﻔﻰ " ﺍﻟﻔﺮﺍﺵ ﻭﺗﺪﺛﺮ ﺑﺎﻟﻐﻄﺎﺀ ﻭﺃﻏﻤﺾ ﻋﻴﻨﻴﻪ ﺩﻭﻥ ﺍﻟﺘﻔﻮﻩ ﺑﻜﻠﻤﻪ
ﺃﺧﺬﺕ " ﻳﺎﺳﻤﻴﻦ " ﻣﺨﺪﻩ ﺻﻐﻴﺮﻩ ﻭﻏﻄﺎﺀ ﻣﻦ ﺍﻟﺪﻭﻻﺏ ﻭﺗﻮﺟﻬﺖ ﺍﻟﻰ ﻏﺮﻓﺔ ﺍﻟﻤﻌﻴﺸﺔ .. ﻧﺎﻣﺖ ﻋﻠﻰ ﺍﻻﺭﻳﻜﺔ ﻭﺗﺪﺛﺮﺕ ﺑﻐﻄﺎﺋﻬﺎ ﻭﺃﻗﺪ ﺃﺧﺬﺕ ﺍﻟﻌﺒﺮﺍﺕ ﺗﺘﺴﺎﻗﻂ ﻋﻠﻰ ﻭﺟﻨﺘﻴﻬﺎ ﻣﺮﺓ ﺃﺧﺮﻯ
ﺍﺳﺘﻴﻘﻈﺖ ﻓﻰ ﺍﻟﻴﻮﻡ ﺍﻟﺘﺎﻟﻰ ﻋﻨﺪﻣﺎ ﺷﻌﺮﺕ ﺑﻴﺪ ﺗﻬﺰﻫﺎ ﺑﻘﻮﺓ ﻭﺑﺼﻮﺕ " ﻣﺼﻄﻔﻰ " ﻭﻫﻮ ﻳﻘﻮﻝ :
- ﺍﻧﺘﻰ ﻳﺎ ﻣﺪﺍﻡ .. ﻗﻮﻣﻰ ﻋﺎﻳﺰﻳﻦ ﻧﻔﻄﺮ
ﻫﺒﺖ " ﻳﺎﺳﻤﻴﻦ " ﺟﺎﻟﺴﻪ ﻋﻠﻰ ﺍﻷﺭﻳﻜﺔ .. ﻭﺃﻋﺎﺩﺕ ﺧﺼﻼﺕ ﺷﻌﺮﻫﺎ ﺍﻟﺜﺎﺋﺮﺓ ﺍﻟﻰ ﺍﻟﺨﻠﻒ ﻭﺃﻏﻤﻀﺖ ﻋﻠﻴﻨﻴﻬﺎ ﻟﻠﺤﻈﺎﺕ ﺗﺤﺎﻭﻝ ﺗﺬﻛﺮ ﺃﻳﻦ ﻫﻰ ﻭﻣﺎﺫﺍ ﺗﻔﻌﻞ ﻫﻨﺎ
- ﻳﻼ ﺃﻧﺎ ﺟﻌﺎﻥ
ﻋﺎﺩﺕ " ﻳﺎﺳﻤﻴﻦ " ﺍﻟﻰ ﺍﻟﻮﺍﻗﻊ ﻣﺮﺓ ﺃﺧﺮﻯ .. ﻓﻨﻬﻀﺖ ﻣﻦ ﻋﻠﻰ ﺍﻷﺭﻳﻜﺔ ﻭﻗﺎﻝ :
- ﺻﺒﺎﺡ ﺍﻟﺨﻴﺮ .. ﺣﺎﺿﺮ ﻫﺤﻀﺮﻩ ﺩﻟﻮﻗﺘﻰ
ﻟﻢ ﻳﺮﺩ " ﻣﺼﻄﻔﻰ " ﻓﺄﺧﺬﺕ ﻏﻄﺎﺋﻬﺎ ﻭﻣﺨﺪﺗﻬﺎ ﻭﺩﺧﻠﺖ ﻏﺮﻓﺔ ﺍﻟﻨﻮﻡ ﻭﺃﻋﺎﺩﺕ ﺗﺮﺗﻴﺐ ﺍﻟﺴﺮﻳﺮ ﺛﻢ ﺗﻮﺟﻬﺖ ﺍﻟﻰ ﺍﻟﺤﻤﺎﻡ ﻭﺃﺧﺬﺕ ﺩﺵ ﺳﺎﺧﻦ ﻟﻌﻠﻬﺎ ﺗﺸﻌﺮ ﺑﺎﻹﺭﺗﻴﺎﺡ .. ﺃﻧﻬﺖ ﺣﻤﺎﻣﻬﺎ ﻭﺩﺧﻠﺖ ﺍﻟﻤﻄﺒﺦ ﺗﺤﻀﺮ ﺍﻟﻔﻄﻮﺭ ﻷﻭﻝ ﻣﺮﺓ ﻓﻰ ﻫﺬﺍ ﺍﻟﺒﻴﺖ ﺍﻟﻐﺮﻳﺐ .. ﻧﻈﺮﺕ ﺍﻟﻰ ﻣﻘﺘﻨﻴﺎﺗﻬﺎ ﻭﺃﺩﻭﺍﺗﻬﺎ ﺍﻟﻤﻄﺒﺨﻴﺔ ﻭﺗﺬﻛﺮﺕ ﻛﻞ ﻗﻄﻌﺔ ﻓﻴﻪ .. ﻛﺎﻥ ﻟﻜﻞ ﻗﻄﻌﺔ ﺑﻬﺠﻪ ﺧﺎﺻﺔ .. ﺗﺬﻛﺮﺕ ﻛﻴﻒ ﻛﺎﻧﺖ ﺃﻣﻬﺎ ﻭﻣﻨﺬ ﻛﺎﻧﺖ " ﻳﺎﺳﻤﻴﻦ " ﺻﻐﻴﺮﻩ ﺗﺸﺘﺮﻯ ﻟﻬﺎ ﻭﻷﺧﺘﻬﺎ ﺃﺷﻴﺎﺀ ﻟﺠﻬﺎﺯﻫﻤﺎ .. ﻛﺎﻧﺖ ﺗﻔﺮﺡ ﻛﻠﻤﺎ ﺍﺷﺘﺮﺕ ﻟﻬﺎ ﺃﻣﻬﺎ ﺷﻴﺌﺎً ﺟﺪﻳﺪﺍ ﻭﺗﺴﻌﺪ ﻭﻫﻰ ﺗﻀﻴﻔﻪ ﺍﻟﻰ ﺫﻟﻚ ﺍﻟﺼﻨﺪﻭﻕ ﺍﻟﻜﺒﻴﺮ ﺍﻟﺬﻯ ﺍﺣﺘﻮﻯ ﺟﻬﺎﺯﻫﺎ ﻭﺍﻟﺘﻰ ﻛﺎﻧﺖ ﺗﻀﻌﻪ ﺗﺤﺖ ﺳﺮﻳﺮﻫﺎ .. ﺗﺬﻛﺮﺕ ﻛﻢ ﺣﻠﻤﺖ ﺑﺈﺳﺘﺨﺪﺍﻡ ﺗﻠﻚ ﺍﻷﺷﻴﺎﺀ ﻋﻨﺪﻣﺎ ﺗﺘﺰﻭﺝ ﻭﻳﺼﺒﺢ ﻟﻬﺎ ﺑﻴﺖ ﺧﺎﺹ ﺑﻬﺎ ﻭﺯﻭﺝ ﻣﺤﺐ .. ﻭﻫﻨﺎ ﺍﺧﺘﻒ ﺍﻹﺑﺘﺴﺎﻣﻪ ﻣﻦ ﺷﻔﺘﻴﻬﺎ .. ﻧﻌﻢ ﺣﺼﻠﺖ ﻋﻠﻰ ﺍﻟﺒﻴﺖ .. ﻟﻜﻦ ﺃﻳﻦ ﻫﻮ ﺍﻟﺰﻭﺝ ﺍﻟﻤﺤﺐ ! .. ﻟﻢ ﺗﺮﺩ ﻟﻠﻴﺄﺱ ﺃﻥ ﻳﺴﻴﻄﺮ ﻋﻠﻴﻬﺎ ﻭﻳﻨﻐﺺ ﻋﻠﻴﻬﺎ ﻋﻴﺸﻬﺎ .. ﻛﺎﻧﺖ ﺗﻜﺮﻩ ﺍﻟﻔﺸﻞ ﻭﺍﻻﺳﺘﺴﻼﻡ ﻟﻪ .. ﻋﺎﻫﺪﺕ ﻧﻔﺴﻬﺎ ﺃﻥ ﺗﺒﺬﻝ ﻗﺼﺎﺭﻯ ﺟﻬﺪﻫﺎ ﻓﻰ ﺍﻧﺠﺎﺡ ﺯﻭﺍﺟﻬﺎ ﻭﺑﺚ ﺍﻷﻟﻔﺔ ﻭﺍﻟﻮﺩ ﺩﺍﺧﻞ ﺟﺪﺭﺍﻥ ﻫﺬﺍ ﺍﻟﺒﻴﺖ .. ﺷﺮﻋﺖ ﺗﺤﻀﺮ ﻃﻌﺎﻡ ﺍﻟﻔﻄﻮﺭ ﻓﻰ ﻣﺮﺡ ﻭﺍﻻﺑﺘﺴﺎﻣﻪ ﺗﻌﻠﻮ ﺷﻔﺘﻴﻬﺎ
**********************
ﺗﻤﻠﻤﻞ " ﻋﻤﺮ " ﻓﻰ ﻓﺮﺍﺷﻪ ﻓﻰ ﻏﺮﻓﺘﻪ ﺑﺎﻟﻤﺴﺘﺸﻔﻰ ﻭﻓﺘﺢ ﻋﻴﻨﻴﻪ ﻭﺃﺧﺬ ﻳﺪﻭﺭ ﻳﻌﻴﻨﻪ ﻓﻴﻤﺎ ﺣﻮﻟﻪ ﻭﻳﺤﺎﻭﻝ ﺗﺬﻛﺮ ﻣﺎ ﺣﺪﺙ ﻟﻪ .. ﻧﻈﺮ ﺑﺠﻮﺍﺭﻩ ﻟﻴﺠﺪ " ﻛﺮﻡ " ﻭﻫﻮ ﻳﻐﻂ ﺑﺎﻟﻨﻮﻡ ﻋﻠﻰ ﻛﺮﺳﻲ ﻣﺠﺎﻭﺭ ﻟﻔﺮﺍﺷﻪ .. ﺍﻧﺘﺒﻪ " ﻋﻤﺮ " ﻟﻴﺪﻩ ﺍﻟﻴﺴﺮﻯ ﻭﺍﻟﺘﻰ ﻛﺎﻧﺖ ﻣﻮﺿﻮﻋﻪ ﻣﻦ ﺍﻟﻜﻒ ﻟﺒﺪﺍﻳﺔ ﻋﻈﻤﺔ ﺍﻟﻜﺘﻒ ﻓﻰ ﺍﻟﺠﺒﻴﺮﻩ .. ﻧﺎﺩﻯ ﺻﺪﻳﻘﻪ ﻗﺎﺋﻼ :
" - ﻛﺮﻡ " " .. ﻛﺮﻡ "
ﺍﺳﺘﻴﻘﻆ " ﻛﺮﻡ " ﻭﻧﻬﺾ ﻟﻴﺘﻔﺤﺺ ﺻﺪﻳﻘﻪ ﺑﻌﻴﻨﻴﻪ ﻗﺎﺋﻼً :
" - ﻋﻤﺮ " ﺣﻤﺪﺍﻟﻠﻪ ﻋﻠﻰ ﺍﻟﺴﻼﻣﻪ .. ﺍﻧﺖ ﻛﻮﻳﺲ
ﻗﺎﻝ " ﻋﻤﺮ " ﻭﻫﻮ ﺣﺎﺋﺮﺍً :
- ﺃﻧﺎ ﻓﻴﻦ ﻭﺍﻳﻪ ﺍﻟﻠﻰ ﺣﺼﻞ ؟
- ﺍﻧﺖ ﻣﺶ ﻓﺎﻛﺮﺓ ﺣﺎﺩﺛﺔ ﺍﻣﺒﺎﺭﺡ
ﻗﺎﻝ " ﻋﻤﺮ " ﺑﺈﻧﺪﻫﺎﺵ :
- ﺣﺎﺩﺛﺔ ﺍﻳﻪ ؟
ﺻﻤﺖ ﻗﻠﻴﻼ ﺛﻢ ﻗﺎﻝ :
- ﺍﻩ .. ﺃﻧﺎ ﺁﺧﺮ ﺣﺎﺟﺔ ﻓﺎﻛﺮﻫﺎ ﺍﻥ ﻛﺎﻥ ﻓﻰ ﻋﺮﺑﻴﺔ ﺟﺎﻳﻪ ﻣﺨﺎﻟﻒ ﻭﻣﺶ ﻓﺎﻛﺮ ﺃﻯ ﺣﺎﺟﻪ ﺑﻌﺪ ﻛﺪﻩ
ﺗﻨﻬﺪ ﺻﺪﻳﻘﻪ ﻗﺎﺋﻼً :
- ﺍﻳﻮﺓ ﻛﺎﻥ ﻓﻰ ﺗﺮﻳﻼ ﺟﺖ ﻣﺨﺎﻟﻒ ﻭﻟﻼﺳﻒ ﺍﻟﻌﺮﺑﻴﺘﻴﻦ ﺧﺒﻄﻮﺍ ﻓﻰ ﺑﻌﺾ
ﻗﺎﻝ " ﻋﻤﺮ " ﺑﺴﺮﻋﺔ :
- ﻭ " ﻧﺎﻧﺴﻲ " ﻭﺃﺑﻮﻫﺎ ﻭ ﻣﺪﺍﻡ " ﻧﺎﺩﻳﻦ "
ﻗﺎﻝ " ﻛﺮﻡ " ﻓﻰ ﺷﺊ ﻣﻦ ﺍﻷﺳﻰ :
" - ﻧﺎﻧﺴﻲ " ﻭ ﻣﺪﺍﻡ " ﻧﺎﺩﻳﻦ " ﺑﺨﻴﺮ .. ﺣﺼﻠﻬﻢ ﻛﺪﻣﺎﺕ ﺑﺲ ﻷﻥ ﺍﻟﻌﺮﺑﻴﻪ ﺍﺗﻘﻠﺐ ﻋﻠﻰ ﺍﻟﺠﻬﻪ ﺍﻟﻠﻰ ﻛﻨﺖ ﺍﻧﺖ ﻭﻭﺍﻟﺪ " ﻧﺎﺗﺴﻲ " ﺃﻋﺪﻳﻦ ﻓﻴﻬﺎ
- ﻃﻴﺐ ﻭﻭﺍﻟﺪ " ﻧﺎﻧﺴﻲ " ﺣﺼﻠﻪ ﺣﺎﺟﻪ
- ﺍﻟﺒﻘﺎﺀ ﻟﻠﻪ ﻳﺎ " ﻋﻤﺮ " .. ﺗﻮﻓﻰ
ﻫﺘﻒ " ﻋﻤﺮ " ﻗﺎﺋﻼً :
- ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ .. ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ
ﻭﻓﺠﺄﺓ ﺍﻧﻔﺘﺢ ﺍﻟﺒﺎﺏ ﻟﺘﺪﺧﻞ " ﻛﺮﻳﻤﺔ " ﺍﻟﺘﻰ ﺍﻧﻔﺮﺟﺖ ﺃﺳﺎﺭﻳﻬﺎ ﻟﺮﺅﻳﺔ " ﻋﻤﺮ " ﻣﺴﺘﻴﻘﻈﺎً ﻭﺃﻗﺒﻠﺖ ﻧﺤﻮﻩ ﻓﻰ ﺳﺮﻋﺔ ﻭﻋﺎﻧﻘﺘﻪ ﻗﺎﺋﻠﻪ :
" - ﻋﻤﺮ " ﺣﺒﻴﺒﺘﻰ ﺣﻤﺪﺍﻟﻠﻪ ﻋﻠﻰ ﺳﻼﻣﺘﻚ ﻳﺎ ﺍﺑﻨﻰ .. ﺣﻤﺪﺍﻟﻠﻪ ﻋﻠﻰ ﺳﻼﻣﺘﻚ
ﻭﺃﺧﺬﺕ ﺗﺒﻜﻰ ﺑﺸﺪﻩ .. ﻃﻮﻗﻬﺎ " ﻋﻤﺮ " ﺑﺪﻳﻪ ﺍﻟﻴﻤﻴﻨﻰ ﻭﻫﺪﺀﻫﺎ ﻗﺎﺋﻼً :
- ﺍﻧﺎ ﺍﻟﺤﻤﺪ ﻟﻠﻪ ﻳﺎ ﺃﻣﻰ .. ﺑﺨﻴﺮ ﺯﻯ ﻣﺎ ﺍﻧﺘﻰ ﺷﺎﻳﻔﻪ .. ﺍﻟﺤﻤﺪ ﻟﻠﻪ
ﻭﺿﻌﺖ ﺭﺃﺳﻪ ﺑﻴﻦ ﻛﻔﻴﻬﺎ ﺗﻤﻠﻰ ﻋﻴﻨﻴﻬﺎ ﺑﺮﺅﻳﺘﻪ ﻗﺎﺋﻠﻪ :
- ﺍﻟﺤﻤﺪ ﻟﻠﻪ .. ﺍﻟﺤﻤﺪ ﻟﻠﻪ ﻛﻨﺖ ﻫﻤﻮﺕ ﻟﻮ ﻛﺎﻥ ﺟﺮﺍﻟﻚ ﺣﺎﺟﻪ
ﺟﺬﺏ " ﻋﻤﺮ " ﺭﺃﺳﻬﺎ ﻳﻘﺒﻠﻪ ﻗﺎﺋﻼً :
- ﺑﻌﺪ ﺍﻟﺸﺮ ﻋﻠﻴﻜﻲ ﻳﺎ ﺣﺒﻴﺒﺘﻰ .. ﺃﻧﺎ ﺑﺨﻴﺮ ﺃﻫﻮ ﻭﺍﻟﺤﻤﺪ ﻟﻠﻪ
ﺃﻗﺒﻞ ﻭﺍﻟﺪﻩ ﻳﺤﺘﻀﻨﻪ ﻭﺑﻘﺒﻞ ﺭﺃﺳﻪ ﻣﺮﺩﺩﺍ :
- ﺍﻟﺤﻤﺪ ﻟﻠﻪ ﺍﻧﻚ ﺭﺟﻌﺘﻠﻨﺎ ﺑﺎﻟﺴﻼﻣﻪ ﻳﺎ ﺍﺑﻨﻰ
ﻗﺎﻝ " ﻋﻤﺮ " ﻟﻮﺍﻟﺪﻩ ﺑﻘﻠﻖ :
- ﺍﺯﻯ " ﻧﺎﻧﺴﻲ " ﻭﻣﺪﺍﻡ " ﻧﺎﺩﻳﻦ " ﺩﻟﻮﻗﺘﻰ
- ﻛﻨﺎ ﻣﻦ ﺷﻮﻳﺔ ﻓﻰ ﺍﻟﺪﻓﻨﻪ ﻭ ﺳﺒﻨﺎ " ﻛﺮﻡ " ﻣﻌﺎﻙ ﻫﻨﺎ ﻋﺸﺎﻥ ﻟﻮ ﻓﻮﻗﺖ
ﺷﻌﺮ " ﻋﻤﺮ " ﺑﺎﻷﺳﻰ ﺍﻟﺸﺪﻳﺪ ﻟﻔﻘﺪﺍﻥ " ﻧﺎﻧﺴﻲ " ﻭﺍﻟﺪﻫﺎ ﻓﻘﺎﻝ :
- ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﺃﻛﻴﺪ ﺍﻟﻠﻰ ﺣﺼﻞ ﺻﻌﺐ ﺃﻭﻯ ﻋﻠﻴﻬﻢ
ﻫﺘﻔﺖ " ﻛﺮﻳﻤﺔ " ﻗﺎﺋﻠﻪ ﺑﻌﺼﺒﻴﻪ :
" - ﻋﻤﺮ " ﺩﻯ ﺁﺣﺮ ﻣﺮﺓ ﺗﺴﻮﻕ ﻓﻴﻬﺎ ﺍﻟﻌﺮﺑﻴﺔ ﺑﻨﻔﺴﻚ .. ﻋﻨﺪﻙ ﺳﻮﺍﻕ ﻣﺒﺘﺨﻠﻴﻬﻮﺵ ﻳﺴﻮﻗﻬﺎ ﻟﻴﻪ
- ﻳﺎ ﻣﺎﻣﺎ ﺍﻟﺤﺎﺩﺛﺔ ﻣﻜﻨﺘﺶ ﻏﻠﻄﺘﻰ ﺍﻟﺘﺮﻳﻼ ﻫﻰ ﺍﻟﻠﻰ ﺟﺎﻳﻪ ﻣﺨﺎﻟﻒ
- ﻭﻟﻮ .. ﻣﻔﻴﺶ ﺳﻮﺍﻗﻪ ﻋﺮﺑﻴﺔ ﺗﺎﻧﻰ
ﻓﻠﻢ ﻳﺮﺩ " ﻋﻤﺮ " ﻣﺠﺎﺩﻟﺔ ﻭﺍﻟﺪﺗﻪ ﺍﻟﺘﻰ ﻳﻌﻠﻢ ﺟﻴﺪﺍً ﻣﺎ ﺗﺸﻌﺮ ﺑﻪ ﻓﻰ ﻫﺬﻩ ﺍﻟﻠﺤﻈﺔ ﻓﺮﺩﺩ ﻗﺎﺋﻼً :
- ﺣﺎﺿﺮ ﻳﺎ ﺃﻣﻰ
ﻓﻰ ﺗﻠﻚ ﺍﻟﻠﺤﻈﺔ ﺳﻤﻌﻮﺍ ﻃﺮﻗﺎﺕ ﻋﻠﻰ ﺍﻟﺒﺎﺏ ﺛﻢ ﺍﻧﻔﺘﺢ ﺍﻟﺒﺎﺏ ﻟﻴﺪﺧﻞ ﺍﻟﻄﺒﻴﺐ .. ﻛﺸﻒ ﻋﻠﻰ " ﻋﻤﺮ " ﻭﺃﺧﺒﺮﻩ ﺑﻨﻔﺲ ﻣﺎ ﺃﺧﺒﺮ ﺑﻪ ﻭﺍﻟﺪﻩ ﻭﻭﺍﻟﺪﺗﻪ ﻳﻮﻡ ﺃﻣﺲ .. ﺷﻌﺮ " ﻋﻤﺮ " ﺑﺎﻟﻘﻠﻖ ﻭﻗﺎﻝ :
- ﻳﻌﻨﻲ ﻳﺎ ﺩﻛﺘﻮﺭ ﺍﻥ ﺷﺎﺀ ﺍﻟﻠﻪ ﺍﻳﺪﻱ ﻫﺘﺒﻘﻰ ﻛﻮﻳﺴﺔ ﻣﺶ ﻛﺪﻩ
- ﺍﻳﻮﺓ ﺍﻥ ﺷﺎﺀ ﺍﻟﻠﻪ ﺑﺲ ﺍﻟﻤﻮﺿﻮﻉ ﻣﺤﺘﺎﺝ ﺷﻮﻳﺔ ﻭﻗﺖ ﻭﺯﻯ ﻣﺎ ﻗﻮﻟﺖ ﻟﻮﺍﻟﺪﻙ ﺍﻣﺒﺎﺭﺡ ﻣﻨﻘﺪﺭﺵ ﻧﺤﺪﺩ ﺍﻟﻮﻗﺖ ﺩﻩ ﺍﻻ ﻟﻤﺎ ﻧﻔﻚ ﺍﻟﺠﺒﺲ ﻭﻧﺸﻮﻑ ﻣﺪﻯ ﺍﺳﺘﺠﺎﺑﺘﻚ ﻟﻠﻌﻼﺝ ﺍﻟﻄﺒﻴﻌﻲ .. ﺑﺲ ﻣﺘﻘﻠﻘﺶ ﺍﻟﻀﺮﺭ ﻣﻜﻨﺶ ﻛﺒﻴﺮ ﺃﻭﻯ ﻭﺍﻥ ﺷﺎﺀ ﺍﻟﻠﻪ ﻓﻰ ﻭﻗﺖ ﻗﺼﻴﺮ ﺍﻳﺪﻙ ﺗﺮﺟﻊ ﺗﺘﺤﺮﻙ ﻃﺒﻴﻌﻲ ﺗﺎﻧﻰ
ﻗﺎﻝ ﻟﻪ " ﻋﻤﺮ " ﺑﺈﻣﺘﻨﺎﻥ :
- ﺷﻜﺮﺍ ﻳﺎ ﺩﻛﺘﻮﺭ
ﻓﺘﺢ ﺍﻟﻄﺒﻴﺐ ﺑﺎﺏ ﺍﻟﺤﺠﺮﺓ ﻟﻴﻐﺎﺩﺭ ﻓﻮﺟﺪ " ﻧﺎﻧﺴﻲ " ﺍﻟﺘﻰ ﻭﻗﻔﺖ ﻋﻠﻰ ﺑﺎﺏ ﺍﻟﻐﺮﻓﺔ ﻟﻤﺤﺘﻬﺎ " ﻛﺮﻳﻤﺔ " ﻓﻨﺎﺩﺗﻬﺎ ﻗﺎﺋﻠﻪ :
- ﺗﻌﺎﻟﻰ ﻳﺎ ﺑﻨﺘﻰ
ﺩﺧﻠﺖ " ﻧﺎﻧﺴﻲ " ﺍﻟﻐﺮﻓﺔ ﺑﻌﻴﻨﻴﻬﺎ ﺍﻟﻤﺘﻮﺭﻣﺘﻴﻦ ﻭﺑﻌﺾ ﺍﻟﻜﺪﻣﺎﺕ ﺍﻟﺘﻰ ﺗﻈﻬﺮ ﻋﻠﻰ ﻭﺟﻬﻬﺎ .. ﺭﺁﻫﺎ " ﻋﻤﺮ " ﻓﻰ ﻫﺬﻩ ﺍﻟﺤﺎﻟﻪ ﻓﺸﻌﺮ ﺑﺎﻷﺳﻲ ﻋﻠﻴﻬﺎ .. ﻧﻈﺮ ﻭﺍﻟﺪ " ﻋﻤﺮ " ﺍﻟﻰ ﺯﻭﺟﺘﻪ ﻭ " ﻛﺮﻡ " ﻧﻈﺮﻩ ﺫﺍﺕ ﻣﻌﻨﻰ .. ﻓﻐﺎﺩﺭ ﺛﻼﺛﺘﻬﻢ ﺍﻟﻐﺮﻓﺔ .. ﺍﻗﺘﺮﺑﺖ " ﻧﺎﻧﺴﻲ " ﻣﻦ ﻓﺮﺍﺷﻪ ﻭﺍﻧﺴﺎﺑﺖ ﺍﻟﻌﺒﺮﺍﺕ ﻋﻠﻰ ﻭﺟﻨﺘﻴﻬﺎ ﻗﺎﺋﻠﻪ :
"- ﻋﻤﺮ " ﺍﻧﺖ ﻋﺎﻣﻞ ﺍﻳﻪ ﺩﻟﻮﻗﺘﻰ
ﻗﺎﻝ ﺑﺄﺳﻰ :
- ﺍﻟﺤﻤﺪ ﻟﻠﻪ .. ﺍﻟﻤﻬﻢ ﺍﻧﺘﻰ ﻋﺎﻣﻠﻪ ﺍﻳﻪ .. ﺍﻟﺒﻘﺎﺀ ﻟﻠﻪ ﻳﺎ " ﻧﺎﻧﺴﻲ "
ﺍﻧﻔﺠﺮﺕ " ﻧﺎﻧﺴﻲ " ﺑﺎﻛﻴﺔ ﻭﺟﻠﺴﺖ ﺑﺠﻮﺍﺭﻩ ﻭﺃﻟﻘﺖ ﺑﻨﻔﺴﻬﺎ ﻋﻠﻰ ﺻﺪﺭﻩ ﻭﻗﺎﻟﺖ :
- ﺑﺎﺑﻲ ﻣﺎﺕ ﻳﺎ " ﻋﻤﺮ .. " ﻣﺶ ﻋﺎﺭﻓﻪ ﻫﻌﻤﻞ ﺍﻳﻪ ﻣﻦ ﻏﻴﺮﻩ .. ﻛﺎﻥ ﻛﻞ ﺣﺎﺟﻪ ﻓﻲ ﺣﻴﺎﺗﻲ .. ﻣﺶ ﻗﺎﺩﺭﻩ ﺃﺗﺤﻤﻞ ﺩﻩ .. ﺃﻧﺎ ﺗﻌﺒﺎﻧﻪ ﺃﻭﻯ ﻳﺎ " ﻋﻤﺮ "
ﺭﺑﺖ " ﻋﻤﺮ " ﻋﻠﻰ ﻇﻬﺮﻫﺎ ﻗﺎﺋﻼ ﺑﺄﺳﻰ :
- ﻗﺪﺭ ﺍﻟﻠﻪ ﻭﻣﺎ ﺷﺎﺀ ﻓﻌﻞ .. ﺭﺑﻨﺎ ﻳﺮﺣﻤﻪ ﻭﻳﻐﻔﺮﻟﻪ
ﺃﺑﻌﺪﻫﺎ ﻋﻦ ﺻﺪﺭﻩ ﻟﻴﺮﻯ ﻭﺟﻬﻬﺎ ﻭﻣﺴﺢ ﺑﻜﻔﻪ ﻋﺒﺮﺍﺗﻬﺎ ﻭﻗﺎﻝ :
- ﺍﻫﺪﻯ ﻳﺎ " ﻧﺎﻧﺴﻲ " ﻭﺑﻄﻠﻰ ﻋﻴﺎﻁ ﻭﺍﺩﻋﻴﻠﻪ .. ﺍﻟﻠﻰ ﻫﻴﻔﻴﺪﻩ ﺩﻟﻮﻗﺘﻰ ﻫﻮ ﺍﻟﺪﻋﺎﺀ
ﻧﻈﺮﺕ ﻟﻪ ﺑﻌﺘﺎﺏ ﻗﺎﺋﻠﻪ :
- ﺑﺎﺑﻲ ﺳﺎﺑﻨﻰ .. ﻭﺍﻧﺖ ﻛﻤﺎﻥ ﻫﺘﺴﺒﻨﻰ ﻳﺎ " ﻋﻤﺮ " ﺧﻼﺹ ﻣﻌﺪﺵ ﻟﻴﺎ ﺣﺪ ﻓﻰ ﺍﻟﺪﻧﻴﺎ ﺩﻯ
- ﺍﻧﺘﻰ ﻟﻴﻪ ﺑﺘﻘﻮﻟﻰ ﻛﺪﻩ
ﺍﻧﻔﺠﺮﺕ ﻓﻰ ﺍﻟﺒﻜﺎﺀ ﻣﺮﺓ ﺃﺧﺮﻯ ﻭﻗﺎﻟﺖ :
- ﻷﻥ ﺩﻯ ﺍﻟﺤﻘﻴﻘﺔ ﺍﻧﺖ ﻫﺘﺘﺨﻠﻰ ﻋﻨﻰ ﻭﺗﺴﻴﺒﻨﻰ
ﺃﻟﻘﺖ ﻧﻔﺴﻬﺎ ﻋﻠﻰ ﺻﺪﺭﻩ ﻣﺮﺓ ﺃﺧﺮﻯ ﻭﻗﺎﻟﺖ :
- ﺃﺭﺟﻮﻙ ﻳﺎ " ﻋﻤﺮ " ﻣﺎ ﺗﺴﺒﻨﻴﺶ ﺃﻧﺎ ﻣﺤﺘﺠﺎﻟﻚ ﺃﻭﻯ .. ﺃﻧﺎ ﻣﻠﻴﺶ ﻏﻴﺮﻙ ﺩﻟﻮﻗﺘﻰ .. ﻟﻮ ﺳﺒﺘﻨﻰ ﻫﻤﻮﺕ ﻧﻔﺴﻲ
ﺷﻌﺮ " ﻋﻤﺮ " ﺑﻤﺰﻳﺪ ﻣﻦ ﺍﻷﺳﻰ ﻗﺎﺋﻼً :
" - ﻧﺎﻧﺴﻲ " ﺍﺳﺘﻐﻔﺮﻯ ﺭﺑﻨﺎ .. ﺍﻳﻪ ﺍﻟﻠﻲ ﺑﺘﻘﻮﻟﻴﻪ ﺩﻩ ..
ﻧﻈﺮﺕ ﺍﻟﻴﻪ ﻗﺎﺋﻠﻪ ﺑﺤﺰﻡ :
- ﺑﻘﻮﻝ ﺍﻟﻠﻰ ﻫﻌﻤﻠﻪ ﻟﻮ ﺍﻧﺖ ﺳﺒﺘﻨﻰ ﻳﺎ " ﻋﻤﺮ .. " ﻟﻮ ﺳﺒﺘﻨﻰ ﻫﻤﻮﺕ ﻧﻔﺴﻲ
ﻗﺎﻝ " ﻋﻤﺮ " ﺑﻘﻠﻖ :
- ﻃﻴﺐ ﻣﻤﻜﻦ ﺗﻬﺪﻯ ﻭﺗﺒﻄﻠﻰ ﺍﻟﻜﻼﻡ ﺍﻟﻠﻰ ﺑﺘﻘﻮﻟﻴﻪ ﺩﻩ ..
ﺻﻤﺖ ﻗﻠﻴﻼ ﺛﻢ ﻗﺎﻝ :
- ﻭﺑﻌﺪﻳﻦ ﻣﻴﻦ ﻗﺎﻟﻚ ﺍﻧﻰ ﻫﺴﻴﺒﻚ .. ﺃﻧﺎ ﻣﺶ ﻫﺴﻴﺒﻚ ﻣﺘﺨﻔﻴﺶ
ﻧﻈﺮﺕ ﺍﻟﻴﻪ ﺑﻠﻬﻔﻪ ﻭﺍﺑﺘﺴﻤﺖ ﻭﺳﻂ ﺩﻣﻮﻋﻬﺎ ﻗﺎﺋﻠﻪ :
- ﺑﺠﺪ ﻳﺎ " ﻋﻤﺮ " ﻣﺶ ﻫﺘﺴﺒﻨﻰ
ﻧﻈﺮ ﻟﻬﺎ ﻭﺍﺑﺘﺴﻢ ﻓﻰ ﺣﻨﺎﻥ ﻗﺎﺋﻼ :
- ﺃﻳﻮﺓ ﻣﺶ ﻫﺴﻴﺒﻚ .. ﺑﺲ ﻳﺎ ﺧﻮﻓﻰ ﺍﻧﺘﻰ ﺍﻟﻠﻰ ﺗﺴﻴﺒﻴﻨﻰ
ﻗﺎﻟﺖ ﺑﺴﺮﻋﺔ :
- ﻣﺴﺘﺤﻴﻞ ﺍﺳﻴﺒﻚ ﺃﺑﺪﺍ .. ﺃﻧﺎ ﺃﻣﻮﺕ ﻣﻦ ﻏﻴﺮﻙ
ﻧﻈﺮ " ﻋﻤﺮ " ﺍﻟﻴﻬﺎ ﺑﺸﺊ ﻣﻦ ﺍﻟﺸﻚ ﺛﻢ ﺷﺮﺡ ﻟﻪ ﻭﺿﻌﻪ ﺫﺭﺍﻋﻪ ﺍﻟﺼﺤﻰ ﻛﻤﺎ ﻭﺻﻔﻪ ﺍﻟﻄﺒﻴﺐ .. ﻓﻘﺎﻟﺖ :
- ﻃﻴﺐ ﻳﻌﻨﻲ ﺍﻟﺪﻛﺘﻮﺭ ﻗﺎﻟﻚ ﺍﻧﻚ ﻫﺘﺨﻒ
- ﺍﻟﻠﻪ ﺃﻋﻠﻢ .. ﺩﻩ ﻟﺴﻪ ﻣﻴﻘﺪﺭﺵ ﻳﺤﺪﺩﻩ ﺩﻟﻮﻗﺘﻰ .. ﺩﻩ ﻋﻠﻰ ﺣﺴﺐ ﺍﺳﺘﺠﺎﺑﺘﻰ ﻟﻠﻌﻼﺝ ﺍﻟﻄﺒﻴﻌﻲ ﻭﻋﻠﻰ ﺣﺴﺐ ﺍﻟﻀﺮﺭ ﺍﻟﻠﻰ ﺣﺼﻞ ﻓﻰ ﺩﺭﺍﻋﻲ
ﺃﺳﺮﻋﺖ ﻗﺎﺋﻠﻪ :
- ﺣﺘﻰ ﻟﻮ ﻣﺮﺟﻌﺘﺶ ﺍﻳﺪﻙ ﻃﺒﻴﻌﻴﻪ ﺗﺎﻧﻰ ﺍﻧﺎ ﻣﺶ ﻣﻤﻜﻦ ﺍﺳﻴﺒﻚ ﺍﺑﺪﺍ
ﻧﻈﺮ ﻟﻬﺎ " ﻋﻤﺮ " ﻧﻈﺮﻩ ﻃﻮﻳﻠﻪ ﻳﺤﺎﻭﻝ ﺍﻟﻐﻮﺹ ﺩﺍﺧﻠﻬﺎ ﻟﻴﺘﺒﻴﻦ ﺻﺪﻗﻬﺎ ﺛﻢ ﻗﺎﻝ :
- ﻭﺍﺛﻘﻪ ؟
ﻗﺎﻟﺖ ﺑﺤﺰﻡ :
- ﺍﻳﻮﺓ ﻭﺍﺛﻘﻪ
ﺍﺑﺘﺴﻢ ﻟﻬﺎ " ﻋﻤﺮ " ﺛﻢ ﻃﻮﻗﻬﺎ ﺑﺬﺭﺍﻋﻪ ﻣﺮﺓ ﺃﺧﺮﻯ
ﺧﺮﺟﺖ " ﻧﺎﻧﺴﻲ " ﻣﻦ ﺣﺠﺮﺓ " ﻋﻤﺮ " ﻟﺘﺠﺪ " ﻛﺮﻡ " ﻓﻰ ﺍﻟﺮﺩﻫﺔ ﻳﺘﺤﺪﺙ ﻣﻊ ﺍﻟﻄﺒﻴﺐ .. ﺍﻧﺘﻈﺮﺕ ﺃﻥ ﺃﻧﻬﻰ ﺣﺪﻳﺚ ﺛﻢ ﺗﻮﺟﻬﺖ ﻧﺤﻮﻩ ﻗﺎﺋﻠﻪ :
" - ﻛﺮﻡ " ﺧﻠﻰ ﺑﺎﻟﻚ ﻣﻦ " ﻋﻤﺮ " ﺃﻧﺎ ﻫﺮﻭﺡ ﺃﺳﺘﺮﻳﺢ ﻓﻰ ﺍﻟﺒﻴﺖ ﺷﻮﻳﻪ
- ﻣﺘﻘﻠﻘﻴﺶ ﻋﻠﻴﻪ ﻳﺎ " ﻧﺎﻧﺴﻲ " ﻛﻠﻨﺎ ﻫﻨﺎ ﻣﻌﺎﻩ
ﻗﺎﻟﺖ ﻟﻪ ﻓﻰ ﺑﺮﺍﺀﻩ ﻣﺼﻄﻨﻌﻪ :
- ﺃﻧﺎ ﻣﺶ ﻋﺎﺭﻓﻪ ﻫﺮﻭﺡ ﺍﻟﺒﻴﺖ ﺍﺯﺍﻯ .. ﻭﻣﺶ ﻫﻘﺪﺭ ﺍﺳﺘﻨﻰ ﺍﻟﺸﻔﻴﺮ ﻟﺤﺪ ﻣﺎ ﻳﺠﻴﻠﻴﻰ ﺑﺎﻟﻌﺮﺑﻴﻪ .. ﺣﺴﻪ ﺍﻧﻰ ﺗﻌﺒﺎﻧﻪ ﺃﻭﻯ
ﺃﺳﺮﻉ " ﻛﺮﻡ " ﻗﺎﺋﻼً :
- ﻃﻴﺐ ﻣﻔﻴﺶ ﻣﺸﻜﻠﺔ ﺃﻭﺻﻠﻚ ﺃﻧﺎ
- ﺑﺠﺪ .. ﻣﻴﺮﺳﻲ ﻳﺎ " ﻛﺮﻡ "
- ﺛﻮﺍﻧﻰ ﺑﺲ ﻫﺪﺧﻞ ﺃﻃﻤﻦ ﻋﻠﻰ " ﻋﻤﺮ " ﻭﺃﻗﻮﻟﻪ ﺍﻧﻰ ﻣﺎﺷﻲ
ﺍﻧﺘﻈﺮﺗﻪ " ﻧﺎﻧﺴﻲ " ﺣﺘﻰ ﺟﺎﺀ ﻭﺍﻧﻄﻠﻘﺎ ﻣﻌﺎ ﺍﻟﻰ ﺑﻴﺘﻬﺎ .. ﺃﻭﺻﻠﻬﺎ ﺛﻢ ﺗﺮﻛﻬﺎ ﻭﻋﺎﺩ ﺍﻟﻰ ﺍﻟﻤﺴﺘﺸﻔﻰ ﻣﺮﺓ ﺃﺧﺮﻯ
***************************
- ﻣﺶ ﻛﻨﺘﻰ ﺗﻌﻤﻠﻰ ﺣﺴﺎﺑﻚ ﺑﺪﻝ ﻣﺎ ﺗﻌﻜﻜﻨﻰ ﻋﻠﻰ ﺍﻟﻮﺍﺩ ﻳﻮﻡ ﻓﺮﺣﻪ
ﺃﻟﻘﺖ ﺃﻡ " ﻛﺼﻄﻔﻰ " ﺑﻬﺬﻩ ﺍﻟﻌﺒﺎﺭﻩ ﻋﻨﺪﻣﺎ ﺩﺧﻠﺖ ﻋﻠﻰ " ﻳﺎﺳﻤﻴﻦ " ﺍﻟﻤﻄﺒﺦ ﻭﻫﻰ ﺗﻌﺪ ﺍﻟﻌﺼﻴﺮ .. ﺍﺭﺗﺒﻜﺖ " ﻳﺎﺳﻤﻴﻦ " ﻭﺷﻌﺮﺕ ﺑﺎﻟﺨﺠﻞ ﺍﻟﺸﺪﻳﺪ ﻭﻟﻢ ﺗﺘﻔﻮﻩ ﺑﺒﻨﺖ ﺷﻔﻪ .. ﺷﻌﺮﺕ ﺑﺎﻟﻀﻴﻖ ﻭﺍﻟﻐﻀﺐ ﻓﻤﺎ ﺑﻴﻨﻬﺎ ﻭﺑﻴﻦ ﺯﻭﺟﻬﺎ ﻻ ﻳﺤﻖ ﻷﺣﺪ ﻏﻴﺮﻫﻤﺎ ﻣﻌﺮﻓﺘﻪ ﻭﺳﺒﺮ ﺃﻏﻮﺍﺭﻩ ﺑﻞ ﻭﺍﻟﺴﺆﺍﻝ ﻋﻨﻪ ﺃﻳﻀﺎً .
ﻗﺎﻟﺖ ﻟﻬﺎ ﻭﺍﻟﺪﺗﻪ ﺑﺤﺪﻩ :
- ﺃﻫﻠﻚ ﻋﻠﻤﻮﻛﻰ ﻟﻤﺎ ﺣﺪ ﻛﺒﻴﺮ ﻳﻜﻠﻤﻚ ﻣﺘﺮﺩﻳﺶ ﻋﻠﻴﻪ ؟
ﺍﺭﺗﺒﻜﺖ " ﻳﺎﺳﻤﻴﻦ " ﻭﺗﻤﺘﻤﺖ :
- ﺁﺳﻔﻪ ﻳﺎ ﻃﻨﻂ
- ﻃﻨﻂ ﻣﻴﻦ ﻳﺎ ﺭﻭﺡ ﻃﻨﻂ .. ﺃﻧﺎ ﻣﺶ ﻃﻨﻂ
ﺍﺯﺩﺍﺩ ﺍﺭﺗﺒﺎﻙ " ﻳﺎﺳﻤﻴﻦ " ﻭﺷﻌﺮﺕ ﺑﻐﺼﻪ ﻓﻰ ﺣﻠﻘﻬﺎ ﻭﻫﻰ ﺗﻘﻮﻝ : :
- ﺁﺳﻔﻪ ﻗﺼﺪﻯ ﻳﺎ ﻣﺎﻣﺎ
ﺗﺮﻛﺘﻬﺎ ﺃﻡ " ﻣﺼﻄﻔﻰ " ﻟﺘﻐﺎﺩﺭ ﺍﻟﻤﻄﺒﺦ ﻭﻫﻰ ﺗﻨﻈﺮ ﺍﻟﻴﺎ ﺷﺬﺭﺍً
.. ﺑﻌﺪﻣﺎ ﺍﻧﺼﺮﻑ ﺍﻟﻤﻬﻨﺌﻴﻦ ﻣﻦ ﺃﻫﻠﻪ ﺩﺧﻠﺖ ﻏﺮﻓﺔ ﺍﻟﻤﻌﻴﺸﺔ ﻟﺘﺠﺪ " ﻣﺼﻄﻔﻰ " ﺟﺎﻟﺴﺎً ﻋﻠﻰ ﺍﻟﻼﺏ ﺗﻮﺏ ﻣﻨﻬﻤﻜﺎً .. ﻓﻘﺎﻟﺖ ﻟﻪ ﺑﻨﺒﺮﻩ ﺧﺎﻓﺘﻪ :
- ﺍﻧﺖ ﻗﻮﻟﺖ ﻟﻄﻨﻂ ﺍﻳﻪ
ﺭﻓﻊ ﺭﺃﺳﻪ ﻭﻛﺄﻧﻪ ﺗﻔﺎﺟﺊ ﺑﻮﺟﻮﺩﻫﺎ ﺛﻢ ﻧﻈﺮ ﺍﻟﻰ ﺍﻟﻼﺏ ﺗﻮﺏ ﻣﺮﺓ ﺃﺧﺮﻯ ﻗﺎﺋﻼً :
- ﻃﻨﻂ ﻣﻴﻦ ؟
- ﻗﺼﺪﻯ ﻣﺎﻣﺎ ﻣﺎﻣﺘﻚ
ﺗﺮﻙ ﺍﻟﻼﺏ ﺗﻮﺏ ﻭﻫﺐ " ﻣﺼﻄﻔﻰ " ﻭﺍﻗﻔﺎً ﻭﻗﺎﻝ ﺑﺤﺪﻩ :
- ﺍﺍﺍﺍﺍﺍﻩ ﺑﺪﺃﻧﺎ .. ﺃﻣﻚ ﻗﺎﻟﺖ ﻭﺃﻣﻚ ﻋﺎﺩﺕ .. ﺑﺼﻰ ﻳﺎ ﺑﻨﺖ ﺍﻟﻨﺎﺱ ﺷﻐﻞ ﺍﻟﺤﻤﻮﺍﺕ ﺍﻟﻔﺎﺗﻨﺎﺕ ﺩﻩ ﻭﻣﺸﺎﻛﻞ ﺍﻟﺤﺮﻳﻢ ﺍﻟﻠﻰ ﻣﺒﺘﺨﻠﺼﺶ ﺃﻧﺎ ﻣﻠﻴﺶ ﻓﻴﻪ .. ﺃﻧﺎ ﺭﺍﺟﻞ ﻣﺶ ﻓﺎﺿﻰ .. ﺃﻣﻰ ﺩﻯ ﺗﺤﻄﻲ ﺟﺰﻣﺘﻬﺎ ﻓﻮﻕ ﺭﺍﺳﻚ .. ﻭﻣﺴﻤﻌﻜﻴﺶ ﺗﺸﺘﻜﻰ ﻣﻨﻬﺎ ﺃﺑﺪﺍً .. ﺃﻫﻮ ﺭﺳﻴﺘﻚ ﻋﻠﻰ ﺍﻟﺪﻭﺭ ﻣﻦ ﺃﻭﻟﻬﺎ ﻳﺎ ﺑﻨﺖ ﺍﻟﻨﺎﺱ ﻣﺶ ﻋﺎﻳﺰ ﺑﺄﻩ ﺃﺳﻤﻊ ﻛﻠﻤﻪ ﺗﺎﻧﻴﺔ ﻓﻰ ﺍﻟﻤﻮﺿﻮﻉ ﺩﻩ
ﺗﺠﻤﻌﺖ ﺍﻟﺪﻣﻮﻉ ﻓﻰ ﻋﻴﻨﻴﻬﺎ ﻟﻜﻨﻬﺎ ﺗﻤﺎﺳﻜﺖ ﺃﻣﺎﻣﻪ ﻭﻗﺎﻟﺖ :
- ﺃﻧﺎ ﻣﺎ ﻗﻮﻟﺘﺶ ﺣﺎﺟﻪ ﺃﻧﺎ ﺑﺲ ﻛﺎﻥ ﻗﺼﺪﻯ ﺃﻗﻮﻝ ...
- ﻻ ﺗﻘﻮﻟﻰ ﻭﻻ ﺗﻌﻴﺪﻱ .. ﺃﻧﺎ ﺭﺍﺟﻞ ﺍﻟﺒﻴﺖ ﻭﺃﻧﺎ ﺍﻟﻠﻰ ﺃﻗﻮﻝ .. ﺧﻼﺹ
ﻋﺎﻭﺩ ﺍﻟﺠﻠﻮﺱ ﻣﺮﺓ ﺃﺧﺮﻯ ﻋﻠﻰ ﺍﻷﺭﻳﻜﺔ ﻭﺍﻟﺘﻔﺖ ﻟﻠﻼﺏ ﺗﻮﺏ . ﻭﻗﻔﺖ ﻗﻠﻴﻼً ﺛﻢ ﺍﻧﺼﺮﻓﺖ ﻭﺩﺧﻠﺖ ﻏﺮﻓﺔ ﺍﻟﻨﻮﻡ ﺗﺠﻠﺲ ﻋﻠﻰ ﺍﻟﻔﺮﺍﺵ ﻭﺗﻔﻜﺮ .. ﻗﺎﻟﺖ ﻟﻨﻔﺴﻬﺎ ( ﺍﻳﻪ ﻳﺎ ﻳﺎﺳﻤﻴﻦ .. ﻫﻰ ﻣﺶ ﻫﺘﺘﻈﺒﻂ ﺑﺄﻩ .. ﻫﻮ ﻣﻦ ﺟﻬﻪ ﻭﻣﺎﻣﺘﻪ ﻣﻦ ﺟﻬﻪ .. ﺃﻋﻤﻞ ﺍﻳﻪ ﺑﺲ ﻳﺎﺭﺑﻰ .. ﺃﻧﺎ ﻻ ﺑﺤﺐ ﺍﻟﻤﺸﺎﻛﻞ ﻭﻻ ﺑﻄﻴﻘﻬﺎ .. ﻳﺎﺭﺏ ﺃﻧﺎ ﻣﻠﻴﺶ ﻏﻴﺮﻙ .. ﺃﺻﻠﺢ ﻣﺎ ﺑﻴﻨﻲ ﻭﺑﻴﻦ ﺯﻭﺟﻰ ﻭﺃﻣﻪ )
ﻓﻰ ﺍﻟﻴﻮﻡ ﺍﻟﺘﺎﻟﻰ ﺃﻋﺪﺕ " ﻳﺎﺳﻤﻴﻦ " ﻃﻌﺎﻡ ﺍﻟﻐﺪﺍﺀ ﻭﺣﺎﻭﻟﺖ ﺍﻟﺘﻨﻮﻳﻊ ﻓﻰ ﺍﻷﺻﻨﺎﻑ ﻭﺯﻳﻨﺖ ﺍﻷﻃﺒﺎﻕ ﺑﻄﺮﻕ ﺟﻤﻴﻠﻪ ﻭﺟﺬﺍﺑﻪ .. ﻛﺎﻧﺖ " ﻳﺎﺳﻤﻴﻦ " ﺗﺤﺎﻭﻝ ﺍﻟﺘﺄﻗﻠﻢ ﻋﻠﻰ ﺣﻴﺎﺗﻬﺎ ﺍﻟﺠﺪﻳﺪﺓ ﻭﻣﺤﺎﻭﻟﺔ ﻛﺴﺐ ﺯﻭﺟﻬﺎ ﺍﻟﺬﻯ ﺃﺻﺒﺢ ﺟﻨﺘﻬﺎ ﻭﻧﺎﺭﻫﺎ .. ﻭﺿﻌﺖ ﺍﻟﻄﻌﺎﻡ ﻋﻠﻰ ﺍﻟﺴﻔﺮﺓ ﻣﻊ ﻟﻤﺴﺎﺗﻬﺎ ﺍﻟﺮﻗﻴﻘﻪ ﻓﻰ ﺍﻟﺘﺰﻳﻴﻦ .. ﺩﺧﻠﺖ ﻟﺘﻨﺎﺩﻯ " ﻛﺼﻄﻔﻰ " ﺍﻟﻘﺎﺑﻊ ﺧﻠﻒ ﺷﺎﺷﺔ ﺣﺎﺳﻮﺑﻪ .. ﻗﺎﻟﺖ ﺑﺈﺑﺘﺴﺎﻣﻪ ﺭﻗﻴﻘﻪ :
" - ﻣﺼﻄﻔﻰ " ﺍﻟﻐﺪﺍ ﺟﺎﻫﺰ
ﻧﻬﺾ " ﻣﺼﻄﻔﻰ " ﻭﺍﻟﻔﺖ ﺍﻹﺛﻨﺎﻥ ﺣﻮﻝ ﻃﺎﻭﻟﺔ ﺍﻟﻄﻌﺎﻡ .. ﻧﻈﺮ " ﻣﺼﻄﻔﻰ " ﺍﻟﻰ ﺍﻷﻃﺒﺎﻕ ﺍﻟﻤﺮﺻﻮﺻﻪ ﺃﻣﺎﻣﻪ ﻭﻗﺎﻝ ﺑﺸﺊ ﻣﻦ ﺍﻟﺴﺨﺮﻳﻪ :
- ﻫﻮ ﺩﻩ ﺑﺄﻩ ﺍﻟﻠﻰ ﺃﺧﺮﻙ ﻓﻰ ﻋﻤﺎﻳﻞ ﺍﻟﻐﺪﺍ
ﺍﺑﺘﺴﻤﺖ " ﻳﺎﺳﻤﻴﻦ " ﻗﺎﺋﻠﻪ :
- ﻛﻨﺖ ﺩﺍﻳﻤﺎ ﺑﺪﺧﻞ ﻋﻠﻰ ﺍﻟﻨﺖ ﻭﺑﺘﻌﻠﻢ ﺍﺯﺍﻯ ﺃﺯﻳﻦ ﺍﻷﻃﺒﺎﻕ ﺑﺎﻟﺸﻜﻞ ﺩﻩ ﻭﻛﻨﺖ ﺑﺘﻤﻨﻰ ﺍﻧﻰ ﺃﻃﺒﻖ ﺍﻟﻠﻰ ﺍﺗﻌﻠﻤﺘﻪ ﻓﻰ ﺑﻴﺘﻲ ﺃﻣﺎ ﺃﺗﺠﻮﺯ .. ﻋﺠﺒﻚ ؟
ﺑﺪﺃ ﻓﻰ ﺍﻷﻛﻞ ﻭﻗﺎﻝ ﻭﺍﻟﻄﻌﺎﻡ ﻓﻰ ﻓﻤﻪ :
- ﺑﺼﺮﺣﻪ ﻣﻠﻴﺶ ﻓﻰ ﺍﻟﺠﻮ ﺩﻩ .. ﻳﻌﻨﻲ ﺣﺎﺳﺲ ﺍﻧﻪ ﻣﻠﻮﺵ ﻻﺯﻣﻪ ﺗﻌﺒﺘﻰ ﻧﻔﺴﻚ ﻋﻠﻰ ﺍﻟﻔﺎﺿﻰ .. ﻛﺪﻩ ﻛﺪﻩ ﺍﻷﻛﻞ ﻫﻴﺘﺎﻛﻞ ﺳﻮﺍﻕ ﺫﻭﻗﺘﻴﻪ ﻛﺪﻩ ﺍﻭ ﻣﺎﺫﻭﻗﺘﻴﻬﻮﺵ
ﺻﺪﻣﺖ " ﻳﺎﺳﻤﻴﻦ " ﺑﻜﻼﻣﻪ ﻭﺷﻌﺮﺕ ﺑﺎﻹﺣﺒﺎﻁ .. ﻟﻜﻨﻬﺎ ﺗﺬﻛﺮﺕ ﻋﻬﺪﻫﺎ ﻣﻊ ﻧﻔﺴﻬﺎ ﺑﺄﻻ ﺗﺪﻉ ﺍﻟﻴﺄﺱ ﻳﺘﻐﻠﺐ ﻋﻠﻴﻬﺎ ﻭﻳﺘﻤﻜﻦ ﻣﻨﻬﺎ .. ﺗﺬﻛﺮﺕ ﻋﺰﻣﻬﺎ ﻋﻠﻰ ﺍﻧﺠﺎﺡ ﺯﻭﺍﺟﻬﺎ ﻭﻛﺴﺐ ﺯﻭﺟﻬﺎ ﻟﺘﻨﺎﻝ ﺭﺿﻰ ﺭﺑﻬﺎ .. ﺃﻣﺴﻜﺖ ﻣﻠﻌﻘﺘﻬﺎ ﻭﺃﺧﺬﺕ ﺑﺘﻨﺎﻭﻝ ﺍﻟﻄﻌﻢ .. ﺣﺎﻧﺖ ﻣﻨﻪ ﺍﻟﺘﻔﺎﺗﻪ ﺍﻟﻴﻬﺎ ﻓﺘﻼﻗﺖ ﻧﻈﺮﺍﺗﻬﻤﺎ ﻓﺸﻌﺮﺕ ﺑﺎﻟﺨﺠﻞ ﻭﺃﻃﺮﻗﺖ ﺑﺮﺃﺳﻬﺎ ﺗﻨﻈﺮﺍﻟﻰ ﻃﺒﻘﻬﺎ .. ﻓﻘﺎﻝ " ﻣﺼﻄﻔﻰ : "
- ﺍﻧﺘﻰ ﻋﻠﻰ ﻃﻮﻝ ﺃﻛﻠﻚ ﺃﻛﻞ ﻋﺼﺎﻓﻴﺮ ﻛﺪﻩ .. ﻻ ﺃﻧﺎ ﻣﺒﺤﺒﺶ ﺍﻟﻨﻈﺎﻡ ﺩﻩ .. ﺃﻧﺎ ﻣﺒﺤﺒﺶ ﺍﻟﺴﺖ ﺍﻟﺮﻓﻴﻌﻪ ﻭﺷﻐﻞ ﺍﻟﺮﺟﻴﻢ ﻭﺍﻟﺘﻨﺘﻔﻪ ﻓﻰ ﺍﻷﻛﻞ .. ﺃﻧﺎ ﻋﺎﻳﺰﻙ ﺗﻤﻠﻰ ﺷﻮﻳﻪ
ﻗﺎﻟﺖ ﺩﻭﻥ ﺃﻥ ﺗﻨﻈﺮ ﺍﻟﻴﻪ :
- ﺃﻧﺎ ﻣﺶ ﺑﻌﻤﻞ ﺭﺟﻴﻢ ﻭﻻ ﺣﺎﺟﻪ .. ﺃﻧﺎ ﺃﻛﻠﻰ ﻛﺪﻩ .. ﻣﺶ ﺑﻌﺮﻑ ﺃﻛﻞ ﻛﺘﻴﺮ
- ﻻ ﺗﺘﻌﻮﺩﻯ ... ﺍﻟﺴﺖ ﻻﺯﻡ ﺗﺴﻤﻊ ﻛﻼﻡ ﺟﻮﺯﻫﺎ .. ﺃﻣﺎ ﺃﻗﻮﻟﻚ ﻋﺎﻳﺰﻙ ﺗﺘﺨﻨﻰ ﻳﺒﻘﻰ ﻻﺯﺍﻡ ﺗﺘﺨﻨﻰ ﻳﺎ ﺍﻣﺎ ﻫﺒﺺ ﺑﺮﻩ
ﻭﻗﻌﺖ ﻛﻠﻤﺎﺗﻪ ﻛﺎﻟﺼﺎﻋﻘﺔ ﻋﻠﻰ ﺭﺃﺳﻬﺎ .. ﺃﻻ ﻳﻜﻔﻴﻬﺎ ﻣﺎ ﺗﻼﻗﻴﻪ ﻣﻨﻪ ﻣﻨﺬ ﺃﻭﻝ ﻳﻮﻡ .. ﻟﻢ ﺗﺘﺨﻴﻞ ﺃﺑﺪﺍ ﺃﻧﻬﺎ ﺳﺘﺴﻤﻊ ﺯﻭﺟﻬﺎ ﺑﻌﺪ ﺛﻼﺛﻪ ﺃﻳﺎﻡ ﻣﻦ ﺯﻭﺍﺟﻬﺎ ﻳﻬﺪﺩﻫﺎ ﺑﺎﻟﻨﻈﺮ ﺍﻟﻰ ﻏﻴﺮﻫﺎ .. ﻗﺪ ﺷﻌﺮﺕ ﺑﺸﻲ ﻣﻦ ﺍﻟﻤﻬﺎﻧﻪ ﻟﻜﻨﻬﺎ ﺗﻤﺎﺳﻜﺖ ﻗﺎﺋﻠﻪ :
- ﺃﺻﻼ ﺍﻟﻠﻰ ﺍﻧﺖ ﺑﺘﻘﻮﻟﻪ ﺩﻩ ﻳﻐﻀﺐ ﺭﺑﻨﺎ ﻗﺒﻞ ﻣﺎ ﻳﻐﻀﺒﻨﻰ
- ﻭﺣﻴﺎﺓ ﺃﺑﻮﻛﻰ ﺑﻼﺵ ﻓﺰﻟﻜﻪ
- ﻗﻮﻝ ﻻ ﺍﻟﻪ ﺍﻻ ﺍﻟﻠﻪ
- ﻟﻴﻪ ﺑﺄﻩ ؟
- ﻋﺸﺎﻥ ﺣﻠﻔﺖ ﺑﻐﻴﺮ ﺭﺑﻨﺎ
ﻗﺎﻝ " ﻣﺼﻄﻔﻰ " ﺑﺴﺨﺮﻳﺔ :
- ﺷﻜﻠﻰ ﺍﺗﺠﻮﺯﺕ ﺷﻴﺨﻪ ﻭ ﺃﻧﺎ ﻣﻌﺮﻓﺶ
ﻗﺎﻟﺖ ﺑﻬﺪﻭﺀ :
- ﻻ ﺷﻴﺨﻪ ﻭﻻ ﺣﺎﺟﻪ ﺑﺲ ﺩﻯ ﺣﺎﺟﻪ ﻣﻌﺮﻭﻓﺔ
ﻗﺎﻝ " ﻣﺼﻄﻔﻰ " ﺑﻐﻀﺐ :
- ﻳﻌﻨﻲ ﺃﻧﺎ ﺟﺎﻫﻞ ﻭ ﻣﺒﻔﻬﻤﺶ
ﺍﺭﺗﺒﻜﺖ ﻗﺎﺋﻠﻪ :
- ﺃﻧﺎ ﻣﺎ ﻗﻮﻟﺘﺶ ﻛﺪﻩ
ﻫﺐ ﻭﺍﻗﻔﺎً ﻭﺻﺎﺡ ﻗﺎﺋﻼً :
- ﻭﻻ ﺗﻘﺪﺭﻯ ﺃﺻﻼ ﺗﻔﻜﺮﻯ ﺗﻘﻮﻟﻰ ﻛﺪﻩ .. ﺷﻜﻠﻬﺎ ﻫﺘﺒﻘﻰ ﺟﻮﺍﺯﻩ ﻫﻢ ﻣﻦ ﺃﻭﻟﻬﺎ .. ﻣﺶ ﻭﺍﻛﻞ ﺍﻃﻔﺤﻰ ﻟﻮﺣﺪﻙ
ﺗﺮﻛﻬﺎ ﻭﺍﻧﺼﺮﻑ .. ﻟﻢ ﺗﺸﻌﺮ " ﻳﺎﺳﻤﻴﻦ " ﺍﻻ ﻭﺍﻟﻌﺒﺮﺍﺕ ﺗﺘﺴﺎﻗﻂ ﻋﻠﻰ ﻭﺟﻨﺘﻴﻬﺎ ﻓﻰ ﺻﻤﺖ
ﻓﻰ ﺍﻟﻤﺴﺎﺀ ﺃﻋﺪﺕ ﻛﻮﺏ ﻣﻦ ﺍﻟﺸﺎﻱ .. ﺭﺻﺖ ﻓﻰ ﻃﺒﻖ ﺻﻐﻴﺮ ﻛﻴﻚ ﻭﺑﺴﻜﻮﻳﺖ ﺃﻋﺪﺗﻪ ﺑﻴﺪﻫﺎ .. ﻭﺃﻗﺒﻠﺖ ﻋﻠﻰ ﻏﺮﻓﺔ ﺍﻟﻤﻌﻴﺸﺔ ﺗﺤﺘﺴﺐ ﻓﻰ ﺳﺮﻫﺎ ﺃﺟﺮ ﺍﺭﺿﺎﺀ ﺯﻭﺟﻬﺎ ﻭﺣﺴﻦ ﺍﻟﺘﺒﻌﻞ ﻟﻪ .. ﻭﺿﻌﺖ ﻋﻠﻰ ﺍﻟﻤﻨﻀﺪﻩ ﺑﺠﻮﺍﺭ ﺍﻟﺼﻨﻴﻪ ﺍﻟﺼﻐﻴﺮﻩ .. ﻓﺎﻟﺘﻔﺖ ﺍﻟﻴﻬﺎ ﻗﺎﺋﻼً :
- ﺗﺴﻠﻢ ﺍﻳﺪﻙ
ﺳﺮﺕ " ﻳﺎﺳﻤﻴﻦ " ﺑﺪﺍﺧﻠﻬﺎ ﻭﺍﻋﺘﺒﺮﺗﻬﺎ ﺑﺪﺍﻳﺔ ﻣﺒﺸﺮﺓ .. ﻋﺎﻭﺩ ﺍﻟﻨﻈﺮ ﺍﻟﻰ ﺍﻟﻼﺏ ﺗﻮﺏ ﺃﻣﺎﻣﻪ .. ﺣﺎﻭﻟﺖ " ﻳﺎﺳﻤﻴﻦ " ﻓﺘﺢ ﺣﻮﺍﺭ ﻣﻌﻪ ﻗﺎﺋﻠﻪ :
- ﺑﺘﻌﻤﻞ ﺍﻳﻪ ؟
ﻗﺎﻝ ﺩﻭﻥ ﺃﻥ ﻳﻨﻈﺮ ﺍﻟﻴﻬﺎ :
- ﻋﺎﺩﻯ .. ﺑﻜﻠﻢ ﻭﺍﺣﺪ ﺻﺤﺒﻰ
- ﻣﺶ ﻫﺘﺪﻭﻕ ﺍﻟﻜﻴﻚ ﺃﻧﺎ ﺍﻟﻠﻰ ﻋﻤﻼﻩ
ﺍﻟﺘﻔﺖ ﻭﺃﺧﺬ ﻗﻄﻌﻪ ﻗﻄﻢ ﻣﻨﻬﺎ ﺛﻢ ﻗﺎﻝ :
- ﺣﻠﻮﺓ ﺃﻭﻯ ﺗﺴﻠﻢ ﺍﻳﺪﻙ
ﺍﺑﺘﺴﻤﺖ ﻗﺎﺋﻠﻪ :
- ﺑﺎﻟﻬﻨﺎ ﻭﺍﻟﺸﻔﺎ
ﺭﺍﻥ ﺍﻟﺼﻤﺖ ﻋﻠﻴﻬﺎ .. ﻧﻈﺮﺕ ﺍﻟﻴﻪ ﻭﺳﺄﻟﺘﻪ ﻓﺠﺄﺓ :
" - ﻣﺼﻄﻔﻰ " ﺍﻧﺖ ﻟﻴﻪ ﺍﺗﺠﻮﺯﺗﻨﻰ ؟
ﺍﻟﺘﻔﺖ ﺍﻟﻴﻬﺎ ﻭﻗﺎﻝ ﻓﻰ ﺩﻫﺸﺔ :
- ﻳﻌﻨﻲ ﺍﻳﻪ ﻟﻴﻪ ﺍﺗﺠﻮﺯﺗﻚ
- ﻳﻌﻨﻲ ﻟﻴﻪ ﺍﺗﺠﻮﺯﺗﻨﻰ .. ﺍﻟﺠﻮﺍﺯ ﺑﺎﻟﻨﺴﺒﻪ ﻟﻚ ﺑﻴﻤﺜﻞ ﺍﻳﻪ ؟
ﺃﺧﺬﺕ ﺭﺷﻘﻪ ﻣﻦ ﻛﻮﺏ ﺍﻟﺸﺎﻯ ﺍﻟﻤﻮﺿﻮﻉ ﺑﺠﻮﺍﺭﻩ ﺛﻢ ﻗﺎﻝ :
- ﺍﻟﺠﻮﺍﺯ ﻳﻌﻨﻲ ﻳﺒﻘﻰ ﻋﻨﺪﻯ ﺑﻴﺖ ﻭﺯﻭﺟﺔ ﻭﻭﻻﺩ
ﻧﻈﺮﺕ ﺍﻟﻴﻪ ﻗﺎﺋﻠﻪ :
- ﺑﺲ ﻛﺪﻩ ؟
ﺿﺤﻚ ﻗﺎﺋﻼً :
- ﻭﻫﻮ ﻓﻲ ﺍﻳﻪ ﻏﻴﺮ ﻛﺪﻩ
ﺗﺴﻠﻞ ﺍﻟﺤﺰﻥ ﺍﻟﻰ ﻗﻠﺐ " ﻳﺎﺳﻤﻴﻦ " ﺗﻤﻨﺖ ﻟﻮ ﺳﻤﻌﺖ ﻣﻨﻪ ﻛﻼﻣﺎً ﺁﺧﺮ ﻳﻌﻄﻴﻬﺎ ﺩﻓﻌﻪ ﺃﻣﻞ ﻭﺣﻤﺎﺳﻪ ﻟﺒﺬﻝ ﻧﻔﺴﻬﺎ ﻣﻦ ﺃﺟﻞ ﺍﻧﺠﺎﺡ ﺯﻭﺍﺟﻬﺎ .. ﺍﻟﺰﻭﺍﺝ ﺑﺎﻟﻨﺴﺒﻪ ﻟـ " ﻳﺎﺳﻤﻴﻦ " ﻻ ﻳﻤﺜﻞ ﻣﺠﺮﺩ ﺑﻴﺖ ﻭﺯﻭﺝ ﻭﺃﻭﻻﺩ ﻓﻘﻂ .. ﺑﻞ ﻳﻤﺜﻞ ﻛﻴﺎﻥ ﻳﻀﻴﻒ ﻟﻠﻤﺠﺘﻤﻊ ﻭﻳﺨﺪﻣﻪ .. ﺃﺭﺍﺩﺕ ﺯﻭﺟﺎً ﻳﺄﺧﺬ ﺑﻴﺪﻫﺎ ﻭﻳﻌﻴﻨﻬﺎ ﻋﻠﻰ ﺍﻟﺘﻘﺮﺏ ﻣﻦ ﺭﺑﻬﺎ .. ﺃﺭﺍﺩﺕ ﺯﻭﺟﺎً ﻳﻜﻦ ﺳﻨﺪﺍً ﻟﻬﺎ ﻭﺩﻋﺎﻣﺔ ﺗﺮﺗﻜﺰ ﻋﻠﻴﻬﺎ .. ﺃﺭﺍﺩﺕ ﺯﻭﺟﺎً ﻳﻌﺮﻑ ﻭﺍﺟﺒﺎﺗﻪ ﻗﺒﻞ ﺣﻘﻮﻗﻪ .. ﺃﺭﺍﺩﺕ ﺯﻭﺟﺎً ﻳﻌﻤﻞ ﺑﻮﺻﻴﺔ ﺍﻟﻨﺒﻲ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ " ﺭﻓﻘﺎً ﺑﺎﻟﻘﻮﺍﺭﻳﺮ " .. ﺃﺭﺍﺩﺕ ﺯﻭﺟﺎ ﻳﺤﺜﻬﺎ ﻋﻠﻰ ﺃﻻ ﺗﺘﺮﻙ ﻭﺭﺩﻫﺎ .. ﺃﺭﺍﺩﺕ ﺯﻭﺟﺎ ﺗﺸﺎﺭﻛﻪ ﺍﻫﺘﻤﺎﻣﺎﺗﻪ ﻭﻳﺸﺎﺭﻛﻬﺎ ﺍﻫﺘﻤﺎﻣﺎﺗﻬﺎ .. ﺃﺭﺩﺕ ﺯﻭﺟﺎً ﻳﻜﻦ ﺍﻟﺤﻀﻦ ﺍﻟﺪﺍﻓﺊ ﻟﻬﺎ ﻓﻰ ﻟﻴﺎﻟﻰ ﺍﻟﺸﺘﺎﺀ ﺍﻟﺒﺎﺭﺩﻩ .. ﺃﺭﺍﺩﺕ ﺯﻭﺟﺎ ﺗﺘﺮﻙ ﻋﺒﺮﺍﺗﻬﺎ ﺗﻨﺴﺎﺏ ﺃﻣﺎﻣﻪ ﻟﻴﻤﺴﺤﻬﺎ ﺑﻜﻔﻪ ﺑﺤﺐ ﻭﺣﻨﺎﻥ .. ﺃﺭﺍﺩﺕ ﺯﻭﺟﺎ ﺗﺒﺜﻪ ﻣﺸﺎﻋﺮﻫﺎ ﻭﻋﻮﺍﻃﻔﻬﺎ ﺍﻟﺘﻰ ﺃﻏﻠﻘﺖ ﻋﻠﻴﻬﺎ ﻭﻟﻢ ﺗﺘﺮﻛﻬﺎ ﻣﻬﺎﻧﻪ ﻭﻣﺘﺎﺣﻪ ﻷﻯ ﺭﺟﻞ ﻏﻴﺮﻩ .. ﺃﺭﺍﺩﺕ ﺯﻭﺟﺎ ﻟﻴﺲ ﺟﺎﻓﺎ ﻓﻰ ﺍﺳﻠﻮﺑﻪ ﺍﻭ ﺣﺪﻳﺜﻪ ﻭﺍﻧﻤﺎ ﺍﻟﻔﺎﻅ ﺍﻟﺤﺐ ﻭﺍﻟﻤﻮﺩﺓ ﺗﻌﺮﻑ ﻃﺮﻳﻖ ﻟﺴﺎﻧﻪ .. ﺃﺭﺍﺩﺕ ﺯﻭﺟﺎ ﺗﺸﺎﺭﻛﻪ ﺑﻨﺎﺀ ﻣﺴﺘﻘﺒﻞ ﺃﺑﻨﺎﺋﻬﻤﺎ ﻭﺍﻋﺪﺍﺩ ﺭﺟﺎﻝ ﻳﻀﻴﻔﻮﻥ ﻟﻠﻤﺠﺘﻤﻊ .. ﺃﺭﺍﺩﺕ ﺯﻭﺟﺎ ﺗﺸﻌﺮ ﻣﻌﻪ ﺑﺎﻟﺴﻜﻴﻨﻪ ﻭﺍﻟﻤﻮﺩﻩ ﻭﺍﻟﺮﺣﻤﻪ ﻭﺍﻥ ﺗﻜﻮﻥ ﻗﺮﺓ ﻋﻴﻨﻪ ﻭﻳﻜﻮﻥ ﻗﺮﺓ ﻋﻴﻨﻬﺎ .. ﺃﻓﺎﻗﺖ ﻣﻦ ﺷﺮﻭﺩﻫﺎ ﻋﻠﻰ ﺻﻮﺕ ﻫﺎﺗﻔﻬﺎ ﺍﻟﻤﺤﻤﻮﻝ ﻓﻨﻬﻀﺖ ﻟﺘﺮﺩ ﻋﻠﻴﻪ ﺍﻧﺴﺎﺑﺖ ﻋﺒﺮﺍﺗﻬﺎ ﻓﻰ ﺻﻤﺖ ﻭﻫﻰ ﺗﺘﺤﺪﺙ ﺍﻟﻰ ﺃﺧﺘﻬﺎ ﺍﻟﺘﻰ ﺍﺷﺘﺎﻗﺖ ﺍﻟﻴﻬﺎ ﺑﺸﺪﻩ
****************************
ﻛﺎﻧﺖ " ﻧﺎﻧﺴﻲ " ﺟﺎﻟﺴﻪ ﺑﺮﻓﻘﻪ " ﻋﻤﺮ " ﺑﺎﻟﻤﺴﺘﺸﻔﻰ ﻓﻠﻢ ﺗﺘﺮﻛﻪ ﻃﻴﻠﺔ ﺍﻷﻳﺎﻡ ﺍﻟﻤﺎﺿﻴﺔ .. ﺗﻬﺘﻢ ﺑﻪ ﻭﺗﻌﻤﻞ ﻋﻠﻰ ﺍﺭﺍﺣﺘﻪ .. ﻛﺎﻥ " ﻋﻤﺮ " ﻣﺴﺮﻭﺭﺍ ﺑﻬﺬﺍ ﺍﻟﺘﻐﻴﻴﺮ ﺍﻟﺬﻯ ﻃﺮﺃ ﻋﻠﻴﻬﺎ .. ﻟﻜﻨﻪ ﻛﺎﻥ ﻣﺤﺘﺎﺭﺍً ﻫﻞ ﻣﻮﺕ ﻭﺍﻟﺪﻫﺎ ﻫﻮ ﺍﻟﺴﺒﺐ ﻓﻰ ﻫﺬﺍ ﺍﻟﺘﻐﻴﻴﺮ ؟ ﻫﻞ ﺗﻬﺘﻢ ﻷﻣﺮﻩ ﻓﻌﻼً ؟ ﻫﻞ ﺗﻐﻴﺮﺕ ﻭﺗﺨﻠﺖ ﻋﻦ ﺍﺳﺘﻬﺘﺎﺭﻫﺎ ﻭﻋﺪﻡ ﺗﺤﻤﻠﻬﺎ ﻟﻠﻤﺴﺆﻟﻴﻪ .. ﻫﻮ ﻳﺮﻯ ﺗﺼﺮﻓﺎﺗﻬﺎ ﻭﻛﻼﻣﻬﺎ ﻭﻛﺄﻧﻪ ﻳﺘﺤﺪﺙ ﺍﻟﻰ " ﻧﺎﻧﺴﻲ " ﺃﺧﺮﻯ ﻭﻛﺎﻥ ﺳﻌﻴﺪﺍً ﺑﻬﺬﺍ ﺍﻟﺘﻐﻴﻴﺮ ﺍﻻ ﺃﻧﻪ ﻛﺎﻥ ﻳﺸﻌﺮ ﺑﺎﻟﺮﻳﺒﺔ ﻭﻋﺪﻡ ﺍﻟﻄﻤﺄﻧﻴﻨﺔ .. ﻓﻰ ﺍﻟﻴﻮﻡ ﺍﻟﺨﺎﻣﺲ ﺑﺪﺃ " ﻋﻤﺮ " ﻳﺸﻌﺮ ﺑﺎﻟﻀﺠﺮ ﻣﻦ ﺑﻘﺎﺀﻩ ﺣﺒﻴﺴﺎً ﺩﺍﺧﻞ ﻫﺬﻩ ﺍﻟﺠﺪﺭﺍﻥ ﺍﻷﺭﺑﻌﻪ ﻓﻠﻢ ﻳﻌﺘﺎﺩ ﺍﻟﻤﻜﻮﺙ ﻫﻜﺬﺍ ﺑﻼ ﺣﺮﺍﻙ ﻭﺑﻼ ﺷﺊ ﻳﻔﻌﻠﻪ .. ﺗﺤﺪﺙ ﻣﻊ ﺍﻟﻄﺒﻴﺐ ﺍﻟﺬﻯ ﺳﻤﺢ ﻟﻪ ﺑﺎﻹﻧﺼﺮﺍﻑ ﻣﻊ ﺍﻋﻄﺎﺀﻩ ﺗﻌﻠﻴﻤﺎﺕ ﻣﺸﺪﺩﻩ ﺑﺎﻟﺮﺍﺣﺔ ﻭﺍﻻﻟﺘﺰﺍﻡ ﺑﺎﻟﺪﻭﺍﺀ ﻓﻰ ﻣﻮﻋﺪﻩ .. ﻭﺻﻞ ﺍﻟﻰ ﺍﻟﻔﻴﻼ ﺑﺼﺤﺒﺔ ﻭﺍﻟﺪﻩ ﻭﻭﺍﻟﺪﺗﻪ ﻭ " ﻛﺮﻡ " ﻭﻧﺎﻧﺴﻲ " ﻭ " ﺃﻳﻤﻦ " ﺍﻟﺬﻯ ﺣﻀﺮ ﻟﻺﻃﻤﺌﻨﺎﻥ ﻋﻠﻰ ﺻﺤﺔ ﺻﺪﻳﻘﻪ .. ﺗﺮﻛﻬﻢ " ﻋﻤﺮ " ﻳﺘﺤﺪﺛﻮﻥ ﻣﻌﺎ ﻭﻃﻠﺐ ﻣﻦ " ﻧﺎﻧﺴﻲ " ﺍﻟﻠﺤﺎﻕ ﺑﻪ ﻓﻰ ﻣﻜﺘﺒﻪ ﺑﺎﻟﻔﻴﻼ .. ﺩﺧﻠﺖ " ﻧﺎﻧﺴﻲ " ﻭﻫﻰ ﺗﺸﻌﺮ ﺑﺎﻟﻘﻠﻖ .. ﺃﻏﻠﻖ ﺍﻟﺒﺎﺏ ﻭﻭﻗﻒ ﺃﻣﺎﻣﻬﺎ ﻳﻨﻈﺮ ﺍﻟﻴﻬﺎ ﻓﻰ ﺻﻤﺖ .. ﻗﺎﻟﺖ " ﻧﺎﻧﺴﻲ :"
- ﺧﻴﺮ ﻳﺎ " ﻋﻤﺮ " ﻓﻰ ﺣﺎﺟﺔ ﺣﺼﻠﺖ
- ﺍﻳﻮﺓ
- ﻓﻰ ﺍﻳﻪ ﻃﻤﻨﻲ
ﺻﻤﺖ ﻗﻠﻴﻼ ﻭﻫﻮ ﻳﺮﺍﻗﺐ ﺗﻌﺒﻴﺮﺍﺕ ﻭﺟﻬﻬﺎ ﺛﻢ ﻗﺎﻝ ﺑﺼﻮﺕ ﻫﺎﺩﺉ :
- ﺍﻟﺪﻛﺘﻮﺭ ﻗﺎﻟﻰ ﺍﻥ ﻣﺴﺘﺤﻴﻞ ﺩﺭﺍﻋﻰ ﻳﺮﺟﻊ ﻃﺒﻴﻌﻲ ﺗﺎﻧﻰ ﻭﺍﻧﻰ ﻫﻌﺎﻧﻰ ﻣﻦ ﺷﻠﻞ ﺩﺍﺋﻢ
ﺍﺗﺴﻌﺖ ﻋﻴﻨﺎ " ﻧﺎﻧﺴﻲ " ﻭﺣﺎﻭﻟﺖ ﺍﻟﺘﻤﺎﺳﻚ ﻗﺎﺋﻠﻪ :
- ﺑﺲ ﺍﻧﺖ ﻗﻮﻟﺘﻠﻰ ﺍﻥ ﺍﻟﺪﻛﺘﻮﺭ ﻗﺎﻝ ﻏﻴﺮ ﻛﺪﻩ
- ﺍﻳﻮﺓ ﻗﺎﻟﻰ ﺍﻧﻪ ﺍﺿﻄﺮ ﻳﻘﻮﻝ ﻛﺪﻩ ﻻﻧﻲ ﻛﻨﺖ ﻟﺴﻪ ﺧﺎﺭﺝ ﻣﻦ ﺍﻟﻌﻤﻠﻴﺎﺕ ﻭﻣﺤﺒﺶ ﻳﺼﺪﻣﻨﻰ ﻭﺧﺎﻑ ﺩﻩ ﻳﺄﺛﺮ ﻋﻠﻴﺎ ﻓﺴﺘﻨﻲ ﻟﺤﺪ ﻣﺎ ﺃﻓﻮﻕ ﻣﻦ ﺻﺪﻣﺔ ﺍﻟﺤﺎﺩﺛﻪ
ﺍﺑﺘﻠﻌﺖ ﺭﻳﻘﻬﺎ ﻗﺎﺋﻠﻪ :
- ﻭﺑﻌﺪﻳﻦ ﻫﺘﻌﻤﻞ ﺍﻳﻪ ؟
- ﻣﺶ ﻫﻌﻤﻞ ﺣﺎﺟﻪ .. ﺩﻩ ﻗﻀﺎﺀ ﺭﺑﻨﺎ ﻭﺃﻧﺎ ﺭﺍﺿﻰ ﺑﻴﻪ ﻭﺍﺳﺎﺳﺎ ﻣﻔﻴﺶ ﻓﻰ ﺍﻳﺪﻯ ﺣﺎﺟﻪ ﺍﻋﻤﻠﻬﺎ
ﺛﻢ ﺃﻃﺮﻕ ﺑﺮﺃﺳﻪ ﻭﺗﻨﻬﺪ ﻗﺎﺋﻼً :
- ﺑﺲ ﻣﺶ ﺩﻯ ﺍﻟﺤﺎﺟﺔ ﺍﻟﻮﺣﻴﺪﺓ ﺍﻟﻠﻰ ﺗﻌﺒﺎﻧﻰ
- ﺃﻣﺎﻝ ﻓﻰ ﺍﻳﻪ ﺍﻛﺘﺮ ﻣﻦ ﻛﺪﻩ ؟
- ﺍﻟﻤﺰﺭﻋﺔ .. ﺍﻧﺘﻰ ﻋﺎﺭﻓﻪ ﺍﻟﻤﺸﺎﻛﻞ ﺍﻟﻠﻲ ﻛﺎﻧﺖ ﻓﻴﻬﺎ ﻟﻸﺳﻒ ﻳﺎ " ﻧﺎﻧﺴﻲ " ﺍﻟﺸﺮﻛﺔ ﺍﻟﻠﻰ ﻛﻨﺎ ﻣﺘﻌﺎﻗﺪﻳﻦ ﻣﻌﺎﻫﺎ ﻋﺮﻓﺖ ﺑﻤﺸﻜﻠﺔ ﺍﻟﻤﺤﺼﻮﻝ ﻭﻃﺎﻟﺒﻮﻧﺎ ﺑﻔﻠﻮﺳﻬﻢ ﻭﺑﺎﻟﺸﺮﻁ ﺍﻟﺠﺰﺍﺋﻲ ﻭﺧﺴﺮﺕ ﺧﺴﺎﺭﺓ ﻛﺒﻴﺮﺓ ﺃﻭﻯ
ﻗﺎﻟﺖ ﺑﺘﻮﺗﺮ :
- ﺧﺴﺮﺕ ﺃﺩ ﺍﻳﻪ ﻳﻌﻨﻲ ؟
- ﻧﺴﺒﺔ ﻛﺒﻴﺮﺓ ﻣﻦ ﺍﻷﺳﻬﻢ ﺑﺘﺎﻋﺘﻰ ﻓﻰ ﺍﻟﺸﺮﻛﺔ ﺍﺿﻄﺮﻳﺖ ﺃﺑﻴﻌﻬﺎ ﻟـ " ﻛﺮﻡ " ﻋﺸﺎﻥ ﺃﻻﻗﻰ ﺳﻴﻮﻟﻪ ﺃﺩﻓﻌﻬﺎ ﻟﻠﻨﺎﺱ
- ﻃﻴﺐ ﻭ " ﻛﺮﻡ " ﻣﺶ ﺍﻟﻤﻔﺮﻭﺽ ﺍﻧﻪ ﻣﻌﺎﻙ ﻓﻰ ﺍﻟﺨﺴﺎﺭﺓ ﺩﻯ
- ﻷ .. ﺍﻟﻤﺰﺭﻋﺔ ﺑﺘﺎﻋﺘﻰ ﻣﺶ ﺑﺘﺎﻋﺔ ﺍﻟﺸﺮﻛﺔ ﻳﻌﻨﻲ ﺍﺩﺍﺭﺗﻬﺎ ﻭﺃﺭﺑﺎﺣﻬﺎ ﺧﺎﺻﻴﻴﻦ ﺑﻴﺎ ﺃﻧﺎ " .. ﻛﺮﻡ " ﻣﻠﻮﺵ ﻋﻼﻗﻪ ﺑﻴﻬﺎ ﻭﻋﺸﺎﻥ ﻛﺪﺓ ﺍﻟﺨﺴﺎﺭﺓ ﻋﻠﻴﺎ ﻟﻮﺣﺪﻯ
ﺷﻌﺮﺕ " ﻧﺎﻧﺴﻲ " ﺑﺎﻟﻀﻴﻖ ﺍﻟﺸﺪﻳﺪ ﻟﻜﻨﻬﺎ ﺍﻧﺘﺒﻬﺖ ﻟﻨﻈﺮﺍﺕ " ﻋﻤﺮ " ﺍﻟﺘﻰ ﺗﺘﻔﺮﺱ ﻓﻴﻬﺎ ﻓﺮﺳﻤﺖ ﺍﺑﺘﺴﺎﻣﻪ ﺑﺼﻌﻮﺑﺔ ﻋﻠﻰ ﺷﻔﺘﻴﻬﺎ ﻗﺎﺋﻠﻪ :
- ﻭﻻ ﻳﻬﻤﻚ ﻳﺎ ﺣﺒﻴﺒﻰ ﺑﻜﺮﺓ ﻛﻞ ﺣﺎﺟﻪ ﺗﺘﻌﻮﺹ .. ﻭﺃﻫﻢ ﺣﺎﺟﻪ ﺍﻧﻨﺎ ﻣﻊ ﺑﻌﺾ
ﻧﻈﺮ ﻟﻬﺎ ﺑﺸﻚ ﻗﺎﺋﻼ :
- ﻳﻌﻨﻲ ﻣﺶ ﻫﺘﺴﺒﻴﻨﻲ ﺭﻏﻢ ﻛﻞ ﺍﻟﻠﻰ ﻗﻮﻟﺘﻬﻮﻟﻚ .. ﺧﺴﺎﺭﺗﻰ ﻭ ﺍﺻﺎﺑﺔ ﺍﻳﺪﻱ
- ﻷ ﻃﺒﻌﺎ ﻳﺎ " ﻋﻤﺮ " ﻣﺶ ﻫﺴﻴﺒﻚ
ﺍﺗﺴﻌﺖ ﺍﺑﺘﺴﺎﻣﺔ " ﻋﻤﺮ " ﻗﺎﺋﻼً :
- ﻃﻤﻨﺘﻴﺘﻰ ﻛﻨﺖ ﺧﺎﻳﻒ ﺃﻭﻯ
- ﺍﻧﺎ ﺗﻘﻮﻟﺖ ﻟﻮﺍﻟﺪﻙ ﻭﻭﺍﻟﺪﺗﻚ ﻋﻠﻰ ﺍﻟﻠﻰ ﺣﺼﻞ
- ﻷ ﻟﺴﻪ ﻣﺎ ﻗﻮﻟﺘﻠﻬﻤﺶ .. ﺍﻟﻠﻰ ﻳﻌﺮﻑ ﺑﺲ " ﺃﻳﻤﻦ " ﻭ " ﻛﺮﻡ "
- ﻃﻴﺐ ﻳﺎ ﺣﺒﻴﺒﻰ ﻳﻼ ﻧﺨﺮﺝ ﻋﺸﺎﻥ ﺯﻣﺎﻧﻬﻢ ﻣﻨﺘﻈﺮﻳﻨﺎ ﺑﺮﻩ
ﺧﺮﺟﺎ ﺍﻻﺛﻨﺎﻥ ﻭﻓﻰ ﺩﺍﺧﻞ " ﻧﺎﻧﺴﻲ " ﻏﻀﺐ ﻫﺎﺩﺭ .. ﺍﻟﺘﻒ ﺍﻟﺠﻤﻴﻊ ﺣﻮﻝ ﻃﺎﻭﻟﺔ ﺍﻟﻄﻌﺎﻡ .. ﻛﺎﻧﺖ " ﻧﺎﻧﺴﻲ " ﺷﺎﺭﺩﻩ ﻭﺍﺟﻤﺔ ﻟﻜﻨﻬﺎ ﺣﺎﻭﻟﺖ ﺍﻟﺘﻈﺎﻫﺮ ﺑﺎﻹﻧﺪﻣﺎﺝ ﻣﻌﻬﻢ ﻓﻰ ﺍﻟﺤﺪﻳﺚ .. ﺑﻌﺪ ﺍﻟﻌﺸﺎﺀ ﻭﺟﺪﺕ " ﺃﻳﻤﻦ " ﻳﻘﻒ ﺧﺎﺭﺝ ﺍﻟﻔﻴﻼ ﻳﺘﺤﺪﺙ ﻓﻰ ﻫﺎﺗﻔﻪ ﻭﺑﻌﺪﻣﺎ ﺍﻧﻬﻰ ﺣﺪﻳﺜﻪ ﺍﻟﺘﻔﺖ ﻟﻴﻌﻮﺩ ﺍﻟﻰ ﺍﻟﺪﺍﺧﻞ ﻟﻜﻨﻪ ﻭﺟﺪ " ﻧﺎﻧﺴﻲ " ﺧﻠﻔﻪ ﺗﺒﺘﺴﻢ ﺍﻟﻴﻪ ﻗﺎﺋﻠﻪ :
- ﺍﺯﻯ ﺧﻄﻴﺒﺘﻚ ﺃﺧﺒﺎﺭﻫﺎ ﺍﻳﻪ
- ﻛﻮﻳﺴﺔ ﺍﻟﺤﻤﺪ ﻟﻠﻪ
- ﻣﺶ ﻧﺎﻭﻯ ﺗﻌﺮﻓﻨﺎ ﺑﻴﻬﺎ ﻭﻻ ﺍﻳﻪ
- ﺍﻛﻴﺪ ﻃﺒﻌﺎ ﻓﻰ ﺍﻗﺮﺏ ﻭﻗﺖ ﺍﻥ ﺷﺎﺀ ﺍﻟﻠﻪ
ﺻﻤﺘﺖ ﻗﻠﻴﻼ ﺛﻢ ﻗﺎﻟﺖ :
- ﺯﻣﺎﻧﻚ ﺃﻛﻴﺪ ﻣﻀﺎﻳﻖ ﺩﻟﻮﻗﺘﻰ ﻣﻦ ﺍﻟﻠﻰ ﺣﺼﻞ
ﻓﺴﺄﻟﻬﺎ " ﺃﻳﻤﻦ " ﻣﺴﺘﻔﻬﻤﺎً :
- ﺍﻳﻪ ﺍﻟﻠﻰ ﺣﺼﻞ ؟
ﻧﻈﺮﺕ ﺍﻟﻴﻪ " ﻧﺎﻧﺴﻲ " ﺗﺮﺍﻗﺐ ﺭﺩﻭﺩ ﺃﻓﻌﺎﻟﻪ ﻗﺎﺋﻠﻪ :
- ﺍﻟﻤﺰﺭﻋﺔ .. ﺑﺘﺎﻋﺔ " ﻋﻤﺮ "
ﻛﺎﻥ ﻟﺪﻳﻬﺎ ﺷﻚ ﺑﺄﻥ " ﻋﻤﺮ " ﻳﻜﺬﺏ ﻋﻠﻴﻬﺎ ﻭﺃﺭﺍﺩﺕ ﺍﻟﺘﺄﻛﺪ ... ﺳﺎﺩﺕ ﻟﺤﻈﺔ ﺻﻤﺖ .. ﺗﻨﻬﺪ ﺃﻳﻤﻦ " ﺑﺤﺴﺮﻩ ﺛﻢ ﺃﻃﺮﻕ ﺑﺮﺃﺳﻪ ﻗﺎﺋﻠﻪ :
- ﻗﺪﺭ ﺍﻟﻠﻪ ﻭﻣﺎ ﺷﺎﺀ ﻓﻌﻞ .. " ﻋﻤﺮ " ﻣﻴﺴﺘﻬﻠﺶ ﺍﻟﺨﺴﺎﺭﺓ ... ﺑﺲ ﺃﻛﻴﺪ ﺭﺑﻨﺎ ﺑﻴﺤﺒﻪ ﻭﻫﻴﻌﻮﺿﻪ ﺑﺎﻟﻠﻰ ﺃﺣﺴﻦ ﻣﻨﻬﺎ
ﻗﺎﻟﺖ ﺑﺈﻧﺪﻫﺎﺵ :
- ﺑﻴﺤﺒﻪ ﻟﻴﻪ ﻋﺸﺎﻥ ﺧﺴﺮ ﺧﺴﺎﺭﻩ ﻛﺒﻴﺮﻩ
ﻧﻈﺮ ﺍﻟﻴﻬﺎ " ﺃﻳﻤﻦ " ﻓﻰ ﺻﻤﺖ .. ﺛﻢ ﻗﻄﻌﻪ ﻗﺎﺋﻼ :
- ﺑﻜﺮﺓ ﺗﻌﺮﻓﻰ ﺭﺑﻨﺎ ﺑﻴﺤﺒﻪ ﻟﻴﻪ
ﺛﻢ ﺗﺮﻛﻬﺎ ﻣﻨﺪﻫﺸﻪ ﺗﻔﻜﺮ ﻓﻴﻬﺎ ﻗﺎﻝ ﻭﺩﻟﻒ ﺩﺍﺧﻞ ﺍﻟﻔﻴﻼ
***********************
ﺃﻋﺪﺕ " ﻳﺎﺳﻤﻴﻦ " ﺣﻘﻴﺒﺔ " ﻣﺼﻄﻔﻰ " ﺑﻌﻨﺎﻳﺔ ﻓﺎﺋﻘﻪ .. ﺃﺭﺍﺩﺕ ﺃﻥ ﻳﺸﻌﺮ ﺑﺎﻹﺧﺘﻼﻑ ﺑﻌﺪﻣﺎ ﺩﺧﻠﺖ ﺣﻴﺎﺗﻪ .. ﺃﻏﻠﻘﺖ ﺍﻟﺤﻘﻴﺒﺔ ﻭﻭﺿﻌﺘﻬﺎ ﺑﺠﻮﺍﺭ ﺍﻟﺒﺎﺏ .. ﺃﻧﺘﻬﻰ ﻣﻦ ﺍﺭﺗﺪﺍﺀ ﻣﻼﺑﺴﻪ ﻭﺻﻔﻒ ﺷﻌﺮﻩ .. ﺍﺑﺘﺴﻤﺖ ﻟﻪ ﻗﺎﺋﻠﻪ :
- ﺗﺮﻭﺡ ﻭﺗﺮﺟﻊ ﺑﺎﻟﺴﻼﻣﺔ
- ﺍﻥ ﺷﺎﺀ ﺍﻟﻠﻪ .. ﺍﻧﺎ ﻫﻐﻴﺮ ﻣﻌﺎﺩ ﺍﺟﺎﺯﺗﻰ ﺍﻟﺠﺎﻯ ﻳﻌﻨﻲ ﺑﺪﻝ ﻣﺎ ﻫﻐﻴﺐ 3 ﺍﺳﺎﺑﻴﻊ ﻫﻐﻴﺐ ﺷﻬﺮ .. ﺗﻤﺎﻡ ﻛﺪﻩ ﺍﻟﻤﻌﺎﺩ ﻣﻨﺎﺳﻲ ﻳﺎ ﻣﺪﺍﻡ؟
ﺷﻌﺮﺕ " ﻳﺎﺳﻤﻴﻦ " ﺑﺎﻟﺨﺠﻞ ﻭﺃﻃﺮﻗﺖ ﺭﺃﺳﻬﺎ .. ﺗﻮﺟﻪ ﺍﻟﻰ ﺍﻟﺒﺎﺏ ﻭﺣﻤﻞ ﺣﻘﻴﺒﺘﻪ ﻭﻗﺎﻝ :
- ﻣﺘﻔﺘﺤﻴﺶ ﻟﺤﺪ ﻣﺘﻌﺮﻓﻴﻬﻮﺵ .. ﻭﺧﻠﻰ ﺑﺎﻟﻚ ﻣﻦ ﺍﻟﻐﺎﺯ ﺍﻗﻔﻠﻴﻪ ﻛﻮﻳﺲ ﻗﺒﻞ ﻣﺎ ﺗﻨﺎﻣﻰ
- ﺣﺎﺿﺮ .. ﺑﺲ ﻛﻨﺖ ﻋﺎﻳﺰﺓ ﺃﻃﻠﺐ ﻣﻨﻚ ﻃﻠﺐ ﻳﺎ " ﻣﺼﻄﻔﻰ "
- ﺧﻴﺮ
- ﺑﻤﺎ ﺍﻧﻚ ﻳﻌﻨﻲ ﻫﺘﻐﻴﺐ ﺷﻬﺮ ﻭﺃﻧﺎ ﻫﻨﺎ ﺍﻋﺪﻩ ﻟﻮﺣﺪﻯ ﻓﻠﻮ ﺳﻤﺤﺖ ﻣﻤﻜﻦ ﺃﺭﻭﺡ ﺃﻋﺪ ﻋﻨﺪ ﺑﺎﺑﺎ
ﺍﻟﺘﻔﺖ ﺍﻟﻴﻬﺎ ﻗﺎﺋﻠﻪ ﺑﺤﺪﻩ :
- ﻟﻴﻪ ﺗﻌﺪﻯ ﻋﻨﺪ ﺃﺑﻮﻛﻰ ﻣﻠﻜﻴﺶ ﺑﻴﺖ ؟
- ﻷ ﻟﻴﺎ .. ﺑﺲ ﺍﻧﺖ ﻫﺘﻐﻴﺐ ﺷﻬﺮ
- ﻭﻟﻮ .. ﺣﺘﻰ ﻟﻮ ﻫﻐﻴﺐ ﺳﻨﻪ ﺗﻔﻀﻠﻰ ﺍﻋﺪﻩ ﻓﻲ ﺍﻟﺒﻴﺖ ..
- ﺑﺲ ﺍﻧﺎ ﻫﺴﺘﻔﺎﺩ ﺍﻳﻪ ﻟﻤﺎ ﺍﻋﺪ ﻓﻰ ﺍﻟﺒﻴﺖ ﻟﻮﺣﺪﻯ ..
- ﺗﺴﺘﻔﺎﺩﻯ ﺍﻧﻰ ﻋﺎﻳﺰ ﻛﺪﻩ ﺍﻧﺎ ﻣﺴﻤﺤﺶ ﻣﺮﺍﺗﻰ ﺗﺘﻨﻄﻂ ﻓﻰ ﻛﻞ ﺑﻴﺖ ﺷﻮﻳﺔ .. ﺍﺭﻛﺰﻯ ﻓﻰ ﺑﻴﺘﻚ .. ﻳﺎ ﺍﻣﺎ ﺗﺮﻭﺣﻰ ﺗﻌﺪﻯ ﻋﻨﺪ ﺍﻣﻰ
ﻗﺎﻟﺖ " ﻳﺎﺳﻤﻴﻦ " ﻭﻫﻰ ﺗﺸﻌﺮ ﺑﺎﻟﻀﻴﻖ :
- ﺍﻧﺎ ﻣﺶ ﻫﺮﺗﺎﺡ ﻋﻨﺪ ﻃﻨﻂ .. ﻗﺼﺪﻯ ﻣﺎﻣﺎ ﻣﺶ ﻫﺒﻘﻰ ﻭﺍﺧﺪﻩ ﺍﺭﺣﺘﻰ ﻫﻨﺎﻙ ﻋﺸﺎﻥ ﺑﺎﺑﺎﻙ
- ﺧﻼﺹ ﻳﺒﻘﻰ ﺗﻌﺪﻯ ﻓﻰ ﺑﻴﺘﻚ ﻭﺍﺧﺘﻚ ﻭﺍﺑﻮﻛﻰ ﻋﺎﻳﺰﻳﻦ ﻳﻴﺠﻰ ﻳﺰﻭﺭﻭﻛﻰ ﺍﻫﻞ ﻭﺳﻬﻼ ﻟﻜﻦ ﺍﻧﺘﻰ ﺗﺮﻭﺣﻰ ﻫﻨﺎﻙ ﻭﺍﻧﺎ ﻣﺴﺎﻓﺮ ﻷ
ﻧﻈﺮ ﺍﻟﻴﻬﺎ ﺛﻢ ﻗﺎﻝ :
- ﺳﻌﻤﺘﻰ
ﺷﻌﺮﺕ ﺑﺎﻟﻐﻀﺐ ﻟﻜﻨﻬﺎ ﻛﺒﺤﺖ ﺟﻤﺎﺡ ﻧﻔﺴﻬﺎ ﻭﻗﺎﻟﺖ :
- ﺳﻤﻌﺖ
- ﻳﻼ ﺳﻼﻡ
- ﻣﻊ ﺍﻟﺴﻼﻣﺔ
ﺃﻏﻠﻘﺖ ﺍﻟﺒﺎﺏ ﻭﺃﻏﻤﻀﺖ ﻋﻴﻨﻴﻬﺎ ﻭﺗﻨﻬﺪﺕ ﺑﺤﺴﺮﺓ ...
ﻣﺮ ﺍﻟﺸﻬﺮ ﻋﻠﻴﻬﺎ ﺑﺒﻂﺀ ﺷﺪﻳﺪ ﻛﺎﻧﺖ " ﺭﻳﻬﺎﻡ " ﺗﺄﺗﻴﻬﺎ ﻳﻮﻣﻴﺎ ﺑﻌﺪﻣﺎ ﺗﻨﻬﻰ ﻛﻠﻴﺘﻬﺎ ﺗﺠﻠﺲ ﻣﻌﻬﺎ ﺳﺎﻋﺔ ﺃﻭ ﺍﺛﻨﺘﻴﻦ ﺛﻢ ﺗﻨﺼﺮﻑ ﻟﺘﺘﺮﻛﻬﺎ ﻭﺣﻴﺪﻩ ﺣﺰﻳﻨﺔ ﺣﺒﻴﺴﻪ ﺗﻠﻚ ﺍﻟﺠﺪﺭﺍﻥ ﺍﻟﺘﻰ ﻣﺎﺯﺍﻟﺖ ﺗﺮﺍﻫﺎ ﻏﺮﻳﺒﻪ ﻋﻨﻬﺎ ﻭﻻ ﺗﺴﺘﻄﻴﻊ ﺃﻥ ﺗﺄﻟﻔﻬﺎ ﻭﺗﻌﺘﺎﺩﻫﺎ .. ﻻ ﻳﺴﻠﻴﻬﺎ ﺍﻻ ﺯﻳﺎﺭﺍﺕ " ﺳﻤﺎﺡ " ﻭ " ﺭﻳﻬﺎﻡ " ﻭﺍﻟﺘﺤﺪﺙ ﻣﻌﻬﻤﺎ ﻋﻠﻰ ﺍﻟﻬﺎﺗﻒ .. ﻓﻰ ﻳﻮﻡ ﻭﺻﻮﻝ " ﻣﺼﻄﻔﻰ " ﻣﻦ ﺍﻟﺴﻔﺮ ﺍﺗﺼﻞ ﻟﻴﺨﺒﺮﻫﺎ ﺑﺄﻧﻪ ﺳﻴﺼﻞ ﻓﻰ ﺍﻟﻤﺴﺎﺀ .. ﻓﺮﺣﺖ ﻛﺜﻴﺮﺍً ﻟﻌﻮﺩﺗﻪ ﻓﻌﻠﻰ ﺍﻷﻗﻞ ﺳﺘﺠﺪ ﻣﻦ ﻳﻮﻧﺲ ﻭﺣﺪﺗﻬﺎ .. ﺃﺭﺍﺩﺕ ﺃﻥ ﺗﺒﺪﺃ ﺣﻴﺎﺗﻬﺎ ﻛﺰﻭﺟﺔ ﻭﺃﻥ ﺗﺴﺘﻤﺮ ﻓﻰ ﻣﺤﺎﻭﻟﺔ ﻛﺴﺐ ﻗﻠﺐ ﺯﻭﺟﻬﺎ ﻛﺎﻧﺖ ﺗﺸﻌﺮ ﺑﺎﻟﻜﺜﻴﺮ ﻣﻦ ﺍﻟﺤﻤﺎﺱ ﻭﺍﻟﺘﻔﺎﺋﻞ ﻓﻬﻰ ﺗﻌﻠﻢ ﺟﻴﺪﺍً ﺃﻥ ﺍﻟﺰﻭﺟﺔ ﺍﻟﺬﻛﻴﺔ ﺗﺴﺘﻄﻴﻊ ﺗﺤﻮﻳﻞ ﺑﻴﺘﻬﺎ ﺍﻟﻰ ﺟﻨﻪ ﻭﺗﺴﺘﻄﻴﻊ ﺃﻥ ﺗﺤﺼﻞ ﻋﻠﻰ ﻛﻞ ﻣﺎ ﺗﺮﻳﺪ ﺍﺫﺍ ﺍﺳﺘﺨﺪﻣﺖ ﺫﻛﺎﺋﻬﺎ ﻭﻭﺟﺘﻪ ﺑﻄﺮﻳﻘﺔ ﺻﺤﻴﺤﻪ .. ﻛﺎﻧﺖ ﻭﺍﻟﺪﺗﻬﺎ ﺗﻨﺼﺤﻬﺎ ﺩﺍﺋﻤﺎً ﺑﻜﻴﻔﻴﺔ ﺍﻟﻌﻨﺎﻳﺔ ﺑﻨﻔﺴﻬﺎ ﻭﺑﻴﺘﻬﺎ ﻭ ﻛﻴﻒ ﺗﻜﻮﻥ ﺯﻭﺟﺔ ﻧﺎﺟﺤﺔ ﻣﻄﻴﻌﺔ ﻟﺰﻭﺟﻬﺎ ﻭﻓﺎﺋﺰﺓ ﺑﺮﺿﺎ ﺭﺑﻬﺎ .. ﻓﻰ ﻫﺬﺍ ﺍﻟﻴﻮﻡ ﺍﺳﺘﻴﻘﻈﺖ ﻣﺒﻜﺮﺍً ﻭﺃﻋﺪﺕ ﻣﺎ ﻳﺤﺒﻪ " ﻣﺼﻄﻔﻰ " ﻣﻦ ﻃﻌﺎﻡ ﺭﺭﺗﺒﺖ ﺍﻟﺒﻴﺖ ﻭﻧﻈﻤﺘﻪ .. ﻓﺘﺤﺖ ﺩﻭﻻﺑﻬﺎ ﻟﺘﺨﺘﺎﺭ ﻓﺴﺎﻥ ﺃﺣﻤﺮ ﻣﻦ ﺍﻟﺴﺘﺎﻥ ﺍﻟﺮﻗﻴﻖ ﻭﺿﻌﺘﻪ ﻋﻠﻰ ﺍﻟﻔﺮﺍﺵ ﻭﻫﻰ ﺗﻨﻈﺮ ﺍﻟﻴﻪ ﻓﻰ ﺳﺮﻭﺭ .. ﻛﺎﻧﺖ ﻗﺪ ﺍﻧﻬﺖ ﺍﻟﻜﺜﻴﺮ ﻣﻦ ﺍﻷﻋﻤﺎﻝ ﻋﻨﺪﻣﺎ ﺭﻥ ﺟﺮﺱ ﻫﺎﺗﻔﻬﺎ ﻓﻰ ﻣﻨﺘﺼﻒ ﺍﻟﻨﻬﺎﺭ ﻭﺟﺪﺕ ﺭﻗﻤﺎً ﻏﺮﻳﺒﺎً ﻓﺮﺩﺕ ﻗﺎﺋﻠﻪ :
- ﺍﻟﺴﻼﻡ ﻋﻠﻴﻜﻢ
ﺃﺗﺎﻫﺎ ﺻﻮﺕ ﺃﻧﺜﻮﻯ ﻗﺎﺋﻼ :
- ﻭﻋﻠﻴﻜﻢ ﺍﻟﺴﻼﻡ
- ﺃﻳﻮﺓ .. ﻣﻴﻦ ﺣﻀﺮﺗﻚ
- ﺍﻧﺎ ﻭﺍﺣﺪﺓ ﻣﺘﻌﺮﻓﻴﻬﺎﺵ
ﺷﻌﺮﺕ " ﻳﺎﺳﻤﻴﻦ " ﺑﺎﻟﺪﻫﺸﺔ ﻭ ﻗﺎﻟﺖ :
- ﻃﻴﺐ ﺍﺳﻤﻚ ﺍﻳﻪ ﻳﺎﻟﻠﻰ ﻣﻌﺮﻓﻜﻴﺶ
ﺍﺗﺎﻫﺎ ﺍﻟﺼﻮﺕ ﺍﻷﻧﺜﻮﻯ ﺑﻌﺪ ﻟﺤﻈﺔ ﺻﻤﺖ :
- ﺍﺳﻤﻲ " ﻧﻬﻠﺔ "
***************************
ﻛﺎﻥ " ﻛﺮﻡ " ﺑﺸﺎﻫﺪ ﺍﺣﺪﻯ ﺍﻟﻤﺒﺎﺭﻳﺎﺕ ﻓﻰ ﻣﻨﺰﻟﻪ ﻋﻨﺪﻣﺎ ﺭﺩ ﺟﺮﺱ ﻫﺎﺗﻔﻪ ﻓﺮﺩ ﻗﺎﺋﻼ :
- ﺃﻟﻮ
- ﺃﻟﻮ .. ﺃﻳﻮﺓ ﻳﺎ " ﻛﺮﻡ " ﺍﺯﻳﻚ
- ﻣﻴﻦ ﻣﻌﺎﻳﺎ ؟
- ﺍﻳﻪ ﻣﺶ ﻋﺎﺭﻑ ﺻﻮﺗﻰ
- ﻻ ﻣﺶ ﻭﺍﺧﺪ ﺑﺎﻟﻰ
- ﺃﻧﺎ " ﻧﺎﻧﺴﻲ "
ﺍﻋﺘﺪﻝ " ﻛﺮﻡ " ﻓﻰ ﺟﻠﺴﺘﻪ ﻗﺎﻻً :
- ﺁﻩ " ﻧﺎﻧﺴﻲ " ﺍﺯﻳﻚ
- ﺗﻤﺎﻡ ﺍﺯﻳﻚ ﺍﻧﺖ
- ﺑﺨﻴﺮ ﺍﻟﺤﻤﺪ ﻟﻠﻪ .. ﺧﻴﺮ " ﻋﻤﺮ " ﻛﻮﻳﺲ
- ﻣﻌﺮﻓﺶ .. ﺃﻧﺎ ﻣﺶ ﺑﻜﻠﻤﻚ ﺑﺨﺼﻮﺹ " ﻋﻤﺮ "
- ﺃﻣﺎﻝ ﺧﻴﺮ ﻓﻰ ﺍﻳﻪ
- ﺑﺼﺮﺍﺣﺔ ﻳﺎ " ﻛﺮﻡ " ﺃﻧﺎ ﻋﺎﻳﺰﺓ ﺃﺗﻜﻤﻞ ﻣﻌﺎﻙ ﺷﻮﻳﺔ ﺑﺲ ... ﻣﻴﻨﻔﻌﺶ ﻓﻰ ﺍﻟﺘﻠﻴﻔﻮﻥ .. ﻻﺯﻡ ﺃﺷﻮﻓﻚ
ﺻﻤﺖ " ﻛﺮﻡ " ﻗﻠﻴﻼ ﺛﻢ ﻗﺎﻝ :
- ﺃﻧﺎ ﻓﻰ ﺍﻟﺒﻴﺖ ﺩﻟﻮﻗﺘﻰ ﻭﻣﺶ ﻫﻌﺮﻑ ﺃﻧﺰﻝ .. ﺗﺤﺒﻲ ﺗﻴﺠﻲ ﻧﺘﻜﻠﻢ ﺑﺮﺍﺣﺘﻨﺎ
- ﺍﻭﻙ .. ﺍﺩﻳﻨﻲ ﺍﻟﻌﻨﻮﺍﻥ
ﺃﻋﻄﺎﻫﺎ " ﻛﺮﻡ " ﺍﻟﻌﻨﻮﺍﻥ ﺛﻢ ﻗﺎﻝ :
- ﺃﺩﺍﻣﻚ ﺃﺩ ﺍﻳﻪ ؟
- ﻣﺶ ﻫﺘﺄﺧﺮ ﺳﺎﻋﺔ ﺑﺎﻟﻜﺘﻴﺮ
- ﺧﻼﺹ ﻣﺴﺘﻨﻴﻜﻲ
- ﺳﻼﻡ
- ﺳﻼﻡ
ﺑﻌﺪ ﻣﺮﻭﺭ ﺳﺎﻋﺔ ﻭﻧﺼﻒ ﻃﺮﻗﺖ " ﻧﺎﻧﺴﻲ " ﺍﻟﺒﺎﺏ .. ﻓﻔﺘﺢ " ﻛﺮﻡ " ﺍﺑﺘﺴﻤﺖ ﻟﻪ ﻭﻗﺎﻟﺖ :
- ﺍﻭﻋﻰ ﺃﻛﻮﻥ ﺍﺿﺎﻳﻘﺖ ﻣﻦ ﺯﻳﺎﺭﺗﻰ
ﺑﺎﺩﻟﻬﺎ " ﻛﺮﻡ " ﺍﻻﺑﺘﺴﺎﻣﻪ ﻗﺎﻟﺊ :
- ﻻ ﻃﺒﻌﺎ ﺩﻩ ﺍﻧﺖ ﻧﻮﺭﺗﻴﻨﻲ .. ﺍﺗﻔﻀﻠﻰ
ﺩﺧﻠﺖ " ﻧﺎﻧﺴﻲ " ﻭﻫﻰ ﺗﻨﻈﺮ ﻟﻤﺎ ﺣﻮﻟﻬﺎ ﻗﺎﺋﻠﻪ :
- ﺑﻴﺘﻚ ﻳﺠﻨﻦ ﻳﺎ " ﻛﺮﻡ "
- ﻣﻦ ﺫﻭﻗﻚ ﻳﺎ " ﻧﺎﻧﺴﻲ .. " ﺗﺸﺮﺑﻲ ﺍﻳﻪ
ﻧﻈﺮﺕ ﺍﻟﻰ ﻋﻴﻨﻴﻪ ﻭﺍﺑﺘﺴﻤﺖ ﻗﺎﺋﻠﻪ :
- ﺍﺧﺘﺎﺭﻟﻰ ﺍﻧﺖ
ﺃﺣﻀﺮ " ﻛﺮﻡ " ﻛﻮﺑﺎ ﻣﻦ ﺍﻟﻌﺼﻴﺮ ﻭﻋﺎﺩ ﻟﻴﺠﺪﻫﺎ ﻭﺍﻗﻔﺔ ﻓﻰ ﻣﻨﺘﺼﻒ ﺍﻟﺮﺩﻫﺔ ﺗﻨﻈﺮ ﺍﻟﻰ ﺍﺣﺪﻯ ﺍﻟﻠﻮﺣﺎﺕ ﻗﺪﻡ ﻟﻬﺎ ﺍﻟﻌﺼﻴﺮ ﻗﺎﺋﻼ :
- ﺍﺗﻔﻀﻠﻰ
- ﺃﺧﺬﺕ ﺍﻟﻜﻮﺏ ﻭﻭﺿﻌﺘﻪ ﻋﻠﻰ ﻣﻨﻀﺪﻩ ﺻﻐﻴﺮ ﺛﻢ ﻗﺎﻟﺖ :
" - ﻛﺮﻡ " ﺃﻧﺎ ﻓﻰ ﺣﺎﺟﻪ ﻋﺎﻳﺰﺓ ﺃﻗﻮﻟﻬﺎﻟﻚ ﻭﻣﺶ ﻋﺎﺭﻓﻪ ﺃﺑﺪﺃ ﻣﻨﻴﻦ
- ﺧﻴﺮ ﻳﺎ " ﻧﺎﻧﺴﻲ " ﻗﻠﻘﺘﻴﻨﻲ
- ﻻ ﻣﺶ ﺣﺎﺟﻪ ﻣﻘﻠﻘﺔ
- ﺃﻣﺎﻝ ﺍﻳﻪ
ﺍﻗﺘﺮﺑﺖ ﻣﻨﻪ ﻭﺍﺭﺗﺴﻤﺖ ﻣﻼﻣﺢ ﺍﻟﺤﺰﻥ ﻋﻠﻰ ﻭﺟﻬﻬﺎ ﻗﺎﺋﻠﻪ :
- ﺧﺎﻳﻔﺔ ﺗﻔﻬﻤﻨﻰ ﻏﻠﻂ
- ﻻ ﻗﻮﻟﻰ ﻭﺃﻧﺎ ﻣﺶ ﻫﻔﻬﻤﻚ ﻏﻠﻂ
" - ﻛﺮﻡ " ﺃﻧﺎ ﺣﺴﻪ ﺍﻧﻰ ﻣﺸﺎﻋﺮﻯ ﺍﺗﻐﻴﺮﺕ ﻧﺎﺣﻴﻪ " ﻋﻤﺮ " .. ﺣﺴﻪ ﺍﻧﻰ ﺃﺻﻼ ﻋﻤﺮﻯ ﻣﺎ ﺣﺒﻴﺘﻪ .. ﻭﻋﻤﺮﻯ ﻣﺎ ﻋﺮﻓﺖ ﺃﺣﺒﻪ .. ﻷﻧﻪ ﻣﺶ ﺍﻹﻧﺴﺎﻥ ﺍﻟﻠﻰ ﺍﺗﻤﻨﻴﺘﻪ ﻃﻮﻝ ﻋﻤﺮﻯ .. ﺃﻧﺎ ﺍﺗﻤﻨﻴﺖ ﻭﺍﺣﺪ ﺗﺎﻧﻰ ﺧﺎﻟﺺ .. ﻣﻦ ﻳﻮﻡ ﻣﺎ ﺷﻮﻓﺘﻪ ﻭﺃﻧﺎ ﻋﺮﻓﺖ ﺍﻥ ﻫﻮ ﺩﻩ ﺍﻻﻧﺴﺎﻥ ﺍﻟﻠﻰ ﺑﺘﻤﻨﻰ ﺍﺭﺗﺒﻂ ﺑﻴﻪ
ﺻﻤﺘﺖ ﻗﻠﻴﻼ ﺛﻢ ﺍﻗﺘﺮﺍﺑﺖ ﻣﻨﻪ ﻗﺎﺋﻠﻪ :
- ﺃﻧﺎ ﺑﺤﺒﻚ ﺍﻧﺖ ﻳﺎ " ﻛﺮﻡ "
ﻇﻬﺮﺕ ﻋﻼﻣﺎﺕ ﺍﻟﺪﻫﻀﺔ ﻋﻠﻰ ﻭﺟﻪ " ﻛﺮﻡ " ﺛﻢ ﻗﺎﻝ :
" - ﻧﺎﻧﺴﻲ " ﺍﻧﺘﻰ ﻣﺪﺭﻛﺔ ﻟﻠﻰ ﺑﺘﻘﻮﻟﻴﻪ
- ﺍﻳﻮﺓ ﻳﺎ " ﻛﺮﻡ " ﺃﻧﺎ ﻣﻘﺪﺭﺗﺶ ﺃﺧﺒﻲ ﻣﺸﺎﻋﺮﻯ ﺃﻛﺘﺮ ﻣﻦ ﻛﺪﻩ .. ﺃﻧﺎ ﻣﺒﺤﺒﺶ " ﻋﻤﺮ " .. ﻭﺑﺤﺒﻚ ﺍﻧﺖ .. ﻭﺣﺴﻪ ﺍﻥ ﺍﻧﺖ ﻛﻤﺎﻥ ﻣﻌﺠﺐ ﺑﻴﺎ ﻧﻈﺮﺍﺗﻚ ﺑﺘﻘﻮﻝ ﻛﺪﻩ
ﺻﻤﺘﺖ ﻗﻠﻴﻼ ﺛﻢ ﻗﺎﻝ :
- ﻣﻨﻜﺮﺵ ﺍﻟﻠﻰ ﻗﻮﻟﺘﻴﻪ ﺑﺲ " ﻋﻤﺮ " ﻫﻨﻌﻤﻞ ﻣﻌﺎﻩ ﺍﻳﻪ
ﻗﺎﻟﺖ ﺑﺴﺮﻋﻪ :
- ﻣﺶ ﻻﺯﻡ ﻳﻌﺮﻑ ﺑﻌﻼﻗﺘﻨﺎ ﺩﻟﻮﻗﺘﻰ .. ﺃﻧﺎ ﻫﺨﺘﺮﻉ ﺍﻯ ﺣﺠﻪ ﻭﺍﻓﺴﺦ ﺧﻄﻮﺑﺘﻰ .. ﻭﺑﻜﺮﻩ " ﻋﻤﺮ " ﻳﻨﺴﺎﻧﻲ .. ﻭﺳﺎﻋﺘﻬﺎ ﻧﺮﺗﺒﻂ ﺍﺣﻨﺎ ﺍﻻﺗﻨﻴﻦ
ﻧﻈﺮﺕ ﻟﻪ ﻗﺎﻟﻪ ﺑﻨﻌﻮﻣﻪ :
- ﻗﻮﻟﺖ ﺍﻳﻪ ﻳﺎ " ﻛﺮﻡ .." ﻋﺎﻳﺰﻧﻰ ﻭﻻ ﻷ .... ؟
