ﺫﻫﺐ " ﻋﻤﺮ " ﻟﻠﺒﺤﺚ ﻋﻦ " ﻋﺒﺪ ﺍﻟﺤﻤﻴﺪ " ﻟﻜﻨﻪ ﻭﺟﺪ " ﻳﺎﺳﻤﻴﻦ " ﺗﻘﻒ ﺃﻣﺎﻡ ﻣﺒﻨﻰ ﺳﻜﻦ ﺍﻟﻌﻤﺎﻝ ﻭﺗﺘﺤﺪﺙ ﻓﻰ ﻫﺎﺗﻔﻬﺎ ﻭﻳﺒﺪﻭ ﻋﻠﻴﻬﺎ ﺍﻟﺘﻮﺗﺮ .. ﺍﻧﻬﺖ ﻣﻜﺎﻟﻤﺘﻬﺎ .. ﺍﻗﺘﺮﺏ ﻣﻨﻬﺎ ﻗﺎﺋﻼً ﺑﺈﻫﺘﻤﺎﻡ :
- ﻓﻰ ﺍﻳﻪ ﻳﺎ " ﻳﺎﺳﻤﻴﻦ .. " ﻭﺍﻟﺪﻙ ﻓﻴﻦ ؟
ﻧﻈﺮﺕ ﺍﻟﻴﻪ ﻗﺎﺋﻠﻪ ﺑﺘﻮﺗﺮ :
- ﻛﻠﻤﺘﻪ ﺩﻟﻮﻗﺘﻰ
ﻗﺎﻝ ﻟﻬﺎ " ﻋﻤﺮ " :
- ﺍﺯﺍﻯ .. ﻫﻮ ﻣﻌﻬﻮﺵ ﻣﻮﺑﺎﻳﻞ
ﻗﺎﻟﺖ " ﻳﺎﺳﻤﻴﻦ " ﺷﺎﺭﺣﻪ :
" - ﺭﻳﻬﺎﻡ " ﻣﻌﺎﻩ
ﺳﺄﻟﻬﺎ " ﻋﻤﺮ " ﺑﺈﻫﺘﻤﺎﻡ :
- ﻃﻴﺐ ﻫﻮ ﻓﻴﻦ ؟ ﻭﻟﻴﻪ ﺳﺎﺏ ﺍﻟﻤﺨﺰﻥ ﻭﻣﺸﻰ ؟
ﺍﺑﺘﻠﻌﺖ " ﻳﺎﺳﻤﻴﻦ " ﺭﻳﻘﻬﺎ ﺑﺼﻌﻮﺑﻪ ﻭﻧﻈﺮﺕ ﺍﻟﻴﻪ ﺑﺤﻴﺮﻩ ﻗﺎﺋﻠﻪ :
- ﺑﻴﻘﻮﻝ ﺍﻥ ﻓﻰ ﺣﺪ ﺍﺗﺼﻞ ﺑﻴﻪ ﻋﻠﻰ ﻣﻮﺑﺎﻳﻞ " ﺭﻳﻬﺎﻡ " ﻭﻗﺎﻟﻬﺎ ﺍﻧﻚ ﻃﻠﺒﺖ ﺇﻥ ﺑﺎﺑﺎ ﻳﺮﻭﺣﻠﻚ ﻋﻠﻰ ﺍﻟﻤﺴﺘﺸﻔﻰ ﺍﻟﻠﻰ ﻓﻴﻬﺎ ﺍﻟﻌﺎﻣﻞ ﺍﻟﻠﻰ ﺍﺗﺼﺎﺏ " .. ﺭﻳﻬﺎﻡ " ﻛﺎﻧﺖ ﺧﻠﺼﺖ ﺷﻐﻠﻬﺎ ﻓﺮﺍﺣﺖ ﻣﻌﺎﻩ
ﻗﺎﻝ ﻟﻬﺎ " ﻋﻤﺮ " ﺑﺪﻫﺸﺔ :
- ﺃﻧﺎ ﻣﻄﻠﺒﺘﺶ ﻣﻦ ﺣﺪ ﺍﻧﻪ ﻳﺒﻠﻎ ﻭﺍﻟﺪﻙ ﺑﻜﺪﻩ .. ﻭﻻ ﻃﻠﺒﺖ ﺍﻧﻪ ﻳﺮﻭﺣﻠﻰ ﻋﻠﻰ ﺍﻟﻤﺴﺘﺸﻔﻰ
ﻗﺎﻟﺖ " ﻳﺎﺳﻤﻴﻦ " ﻓﻰ ﺩﻫﺸﺔ :
- ﺃﻣﺎﻝ ﻣﻴﻦ ﺍﻟﻠﻰ ﻛﻠﻤﻪ .. ﻭﻋﻠﻰ ﻣﻮﺑﺎﻳﻞ " ﺭﻳﻬﺎﻡ " ﻛﻤﺎﻥ .. ﻳﻌﻨﻲ ﺣﺪ ﻋﺮﻓﻨﺎ
ﻗﺎﻝ " ﻋﻤﺮ " ﻓﻰ ﺣﻴﺮﻩ :
- ﺃﻧﺎ ﺃﺻﻼً ﻣﻌﺮﻓﺶ ﺭﻗﻢ " ﺭﻳﻬﺎﻡ "
ﻗﺎﻟﺖ " ﻳﺎﺳﻤﻴﻦ " ﻓﻰ ﺿﻴﻖ :
- ﺍﻳﻪ ﺍﻟﻠﺨﺒﻄﺔ ﺩﻯ ﺑﺄﻩ
ﻫﺪﺀﻫﺎ " ﻋﻤﺮ " ﻗﺎﺋﻼً :
- ﻣﺘﻘﻠﻘﻴﺶ ﻟﻤﺎ ﻳﻴﺠﻰ ﻭﺍﻟﺪﻙ ﻫﻨﻔﻬﻢ ﻣﻨﻪ ﻛﻞ ﺣﺎﺟﻪ
ﻫﻢ ﺑﺄﻥ ﻳﻨﺼﺮﻑ ﻟﻜﻦ ﻧﻈﺮ ﺍﻟﻴﻬﺎ ﻗﺎﺋﻼً ﻓﻰ ﺣﻨﺎﻥ :
- ﺗﻌﺎﻟﻰ ﺍﻋﺪﻯ ﻋﻨﺪﻧﺎ ﻓﻰ ﺑﻴﺖ ﺍﻟﻤﺰﺭﻋﺔ ﻟﺤﺪ ﻣﺎ ﻭﺍﻟﺪﻙ ﻭﺃﺧﺘﻚ ﻳﺮﺟﻌﻮﺍ
ﻧﻈﺮﺕ " ﻳﺎﺳﻤﻴﻦ " ﺍﻟﻴﻪ ﻗﺎﺋﻠﻪ ﺑﺤﺮﺝ :
- ﻷ ﺷﻜﺮﺍً .. ﺃﻧﺎ ﻫﻄﻠﻊ ﺃﻭﺿﺘﻰ ﺃﺳﺘﻨﺎﻫﻢ
ﺃﻭﻣﺄ ﺑﺮﺃﺳﻪ ﻗﺎﺋﻼً :
- ﻃﻴﺐ ﺑﺮﺍﺣﺘﻚ .. ﻭﻟﻤﺎ ﻳﻴﺠﻰ ﻭﺍﻟﺪﻙ ﺧﻠﻴﻪ ﻳﺠﻴﻠﻰ .. ﺃﻧﺎ ﻫﻨﺎﻙ ﻋﻨﺪ ﺍﻟﻤﺨﺰﻥ
ﺃﻭﻣﺄﺕ ﺑﺮﺃﺳﻬﺎ ﻓﻰ ﺻﻤﺖ .. ﻋﺎﺩ " ﻋﻤﺮ " ﺍﻟﻰ ﺍﻟﻤﺨﺰﻥ ﻟﻴﺘﻔﺤﺺ ﺍﻷﺿﺮﺍﺭ ﺍﻟﺘﻰ ﻟﺤﻘﺖ ﺑﻪ .. ﻭﺟﺪﺕ ﻭﺍﻟﺪﻩ ﻭﻋﻤﺘﻪ ﻭ " ﺃﻳﻤﻦ " ﻭ " ﻛﺮﻡ " ﻫﻨﺎﻙ ﻓﻰ ﺍﻟﻤﺨﺰﻥ .. ﺍﺳﺘﻘﺒﻠﻪ " ﻛﺮﻡ " ﻗﺎﺋﻼ :
- ﻓﻴﻦ ﻋﻢ " ﻋﺒﺪ ﺍﻟﺤﻤﻴﺪ .. " ﻟﺴﻪ ﻣﻈﻬﺮﺵ ؟
ﻗﺎﻝ " ﻋﻤﺮ " :
- ﺟﺎﻯ ﻓﻰ ﺍﻟﻄﺮﻳﻖ
ﻗﺎﻟﺖ ﻣﺪﺍﻡ " ﺛﺮﻳﺎ " ﺑﺤﻨﻖ :
- ﻭﻛﺎﻥ ﻓﻴﻦ ﺣﻀﺮﺗﻪ ﻭﺳﺎﻳﺐ ﺍﻟﻤﺨﺰﻥ ﻟﻴﻪ ﻭﻣﺸﻰ .. ﻣﺶ ﻗﻮﻟﺘﻠﻚ ﻳﺎ " ﻋﻤﺮ " ﻫﻮ ﺍﻟﻠﻰ ﻭﺭﺍ ﺍﻟﻤﻮﺿﻮﻉ ﺩﻩ
ﻗﺎﻝ " ﻋﻤﺮ " ﺑﻨﻔﺎﺫ ﺻﺒﺮ :
- ﻟﻤﺎ ﻳﻴﺠﻰ ﻫﻨﻌﺮﻑ ﻣﻨﻪ ﺍﻟﺤﻜﺎﻳﻪ
ﻣﺎ ﻫﻰ ﺍﻻ ﻧﺼﻒ ﺳﺎﻋﺔ ﻭﺟﺎﺀ " ﻋﺒﺪ ﺍﻟﺤﻤﻴﺪ " ﺑﺼﺤﺒﺔ " ﺭﻳﻬﺎﻡ .. " ﺍﻟﻰ ﻣﺨﺰﻥ ﺍﻟﻌﻠﻒ .. ﻫﺘﻒ " ﻋﺒﺪ ﺍﻟﺤﻤﻴﺪ " ﺑﻤﺠﺮﺩ ﺃﻥ ﺭﺁﻯ ﺁﺛﺎﺭ ﺍﻟﺤﺮﻳﻖ ﻓﻰ ﺍﻟﻤﺨﺰﻥ :
- ﻳﺎ ﺳﺘﻴﺮ ﻳﺎﺭﺏ .. ﻳﺎ ﺳﺘﻴﺮ ﻳﺎﺭﺏ .. ﺍﻳﻪ ﺍﻟﻠﻲ ﺣﺼﻞ ؟
ﻧﻈﺮﺕ ﺍﻟﻴﻪ ﻣﺪﺍﻡ " ﺛﺮﻳﺎ " ﺑﺤﺰﻡ ﻗﺎﺋﻠﻪ :
- ﺍﻟﻤﻔﺮﻭﺽ ﺣﻀﺮﺗﻚ ﺗﻘﻮﻟﻨﺎ ﺍﻳﻪ ﺍﻟﻠﻰ ﺣﺼﻞ .. ﻣﺶ ﺍﻧﺖ ﺍﻟﻤﺴﺆﻝ ﻋﻦ ﺍﻟﻤﺨﺰﻥ
ﻧﻈﺮﺕ ﺍﻟﻴﻬﺎ " ﺭﻳﻬﺎﻡ " ﺑﺤﺪﻩ ﻭﻗﺪ ﺷﻌﺮﺕ ﺑﺎﻟﻀﻴﻖ ﻟﻠﻄﺮﻳﻘﻪ ﺍﻟﺘﻰ ﺗﺘﺤﺪﺙ ﺑﻬﺎ ﺗﻠﻚ ﺍﻟﻤﺮﺃﺓ ﻣﻊ ﻭﺍﻟﺪﻫﺎ .. ﻗﺎﻝ " ﻋﺒﺪ ﺍﻟﺤﻤﻴﺪ " ﺷﺎﺭﺣﺎً ﻭﻫﻮ ﻣﺎﺯﺍﻝ ﻣﺬﻫﻮﻻً ﻣﻤﺎ ﺣﺪﺙ :
- ﻟﻘﻴﺖ " ﺭﻳﻬﺎﻡ " ﺑﻨﺘﻰ ﺑﺘﻘﻮﻟﻰ ﺍﻥ ﻓﻰ ﻭﺍﺣﺪ ﺍﺗﺼﻞ ﺑﻬﻴﺎ ﻋﻠﻰ ﺍﻟﻤﻮﺑﺎﻳﻞ ﻭﻗﺎﻝ ﺍﻥ ﺍﻟﺒﺸﻤﻬﻨﺪﺱ " ﻋﻤﺮ " ﻃﻠﺒﻨﻰ ﺃﺭﻭﺣﻠﻪ ﻋﻠﻰ ﺍﻟﻤﺴﺘﺸﻔﻰ ﺍﻟﻠﻰ ﻓﻴﻬﺎ ﺍﻟﻌﺎﻣﻞ ﺍﻟﻠﻰ ﺍﺗﺼﺎﺏ .. ﻓﻘﻠﺖ ﺍﻟﻤﺨﺰﻥ ﻛﻮﻳﺲ ﻭ " ﺭﻳﻬﺎﻡ " ﻛﺎﻧﺖ ﺧﻠﺼﺖ ﺷﻐﻠﻬﺎ ﺧﺪﺗﻬﺎ ﻣﻌﺎﻳﺎ ﻭﺭﻭﺣﺖ ﻋﻠﻰ ﺍﻟﻤﺴﺘﺸﻔﻰ ﺍﻟﻠﻰ ﺍﻟﺮﺍﺟﻞ ﻣﻠﻰ ﻋﻨﻮﺍﻧﻬﺎ ﻟﺒﻨﺘﻰ
ﻗﺎﻟﺖ " ﺛﺮﻳﺎ " ﺑﺴﺨﺮﻳﻪ :
- ﻭﺍﻟﻠﻪ .. ﺍﻳﻪ ﺍﻟﻔﻴﻠﻢ ﺍﻟﻌﺮﺑﻲ ﺩﻩ
ﺳﺄﻟﻪ " ﻋﻤﺮ " ﺑﺈﻫﺘﻤﺎﻡ :
- ﺍﻧﺖ ﻭﺍﺛﻖ ﺍﻧﻚ ﻗﻔﻠﺖ ﺍﻟﻤﺨﺰﻥ ﻛﻮﻳﺲ ﻗﺒﻞ ﻣﺎ ﺗﻤﺸﻰ ﻳﺎ ﻋﻢ " ﻋﺒﺪ ﺍﻟﺤﻤﻴﺪ " ؟
ﺍﻛﺪ ﻟﻪ " ﻋﺒﺪ ﺍﻟﺤﻤﻴﺪ " ﻗﺎﺋﻼً :
- ﺃﻳﻮﺓ ﻳﺎ ﺑﺸﻤﻬﻨﺪﺱ ﺃﻧﺎ ﻗﺎﻓﻞ ﺍﻟﻘﻔﻞ ﺑﺈﻳﺪﻱ
ﺛﻢ ﺃﺷﺎﺭ ﺍﻟﻰ " ﺭﻳﻬﺎﻡ " ﻗﺎﺋﻼً :
- ﻣﺶ ﺍﻧﺘﻰ ﻳﺎ ﺑﻨﺘﻰ ﺷﻮﻓﺘﻴﻨﻰ ﻭﺃﻧﺎ ﺑﻘﻔﻠﻪ؟
ﺃﻭﻣﺄﺕ " ﺭﻳﻬﺎﻡ " ﺑﺮﺃﺳﻬﺎ ﻗﺎﺋﻠﻪ :
- ﺃﻳﻮﺓ ﻳﺎ ﺑﺎﺑﺎ ﺣﻀﺮﺗﻚ ﻗﻔﻠﺘﻪ ﺃﺩﺍﻣﻰ
ﺻﺎﺣﺖ " ﺛﺮﻳﺎ " ﻓﻰ ﻏﻀﺐ :
- ﻭﺍﻟﻠﻪ .. ﻭﻫﺘﺸﻬﺪ ﺑﻨﺘﻚ ﻛﻤﺎﻥ .. ﻣﺎ ﻫﻰ ﺃﻛﺪﻱ ﻫﺘﺸﻬﺪ ﻟﺼﺎﻟﺤﻚ .. ﺃﻣﺎﻝ ﻫﺘﻘﻮﻝ ﺑﺎﺑﺎ ﻛﺪﺍﺏ
ﺻﺎﺣﺐ " ﺭﻳﻬﺎﻡ " ﺑﺤﺪﻩ :
- ﻟﻮ ﺳﻤﺤﺘﻰ
ﺃﺷﺎﺭ " ﻋﺒﺪ ﺍﻟﺤﻤﻴﺪ " ﺑﻴﺪﻩ ﻟـ " ﺭﻳﻬﺎﻡ " ﻛﻰ ﺗﺘﻮﻗﻒ ﻋﻦ ﺍﻟﺤﺪﻳﺚ ﻭﺍﻟﺘﻔﺖ ﺍﻟﻰ ﻣﺪﺍﻡ " ﺛﺮﻳﺎ " ﻗﺎﺋﻼً ﺑﻜﺒﺮﻳﺎﺀ :
- ﺃﻧﺎ ﻣﺶ ﻛﺪﺍﺏ ﻳﺎ ﻫﺎﻧﻢ .. ﻭﻣﻠﻴﺶ ﻣﺼﻠﺤﻪ ﻓﻰ ﺃﺫﻳﺔ ﺍﻟﺒﺸﻤﻬﻨﺪﺱ " ﻋﻤﺮ " .. ﻭﻻ ﻳﻤﻜﻦ ﺃﻓﻜﺮ ﺍﻧﻰ ﺃﺃﺫﻳﻪ ﻓﻰ ﺃﻛﻞ ﻋﻴﺸﻪ
ﻗﺎﻝ " ﻋﻤﺮ " ﻳﻄﻴﺐ ﺑﺨﺎﻃﺮﻩ :
- ﻣﺤﺪﺵ ﻗﺎﻝ ﺍﻧﻚ ﻛﺪﺍﺏ ﻳﺎ ﻋﻢ " ﻋﺒﺪ ﺍﻟﺤﻤﻴﺪ " .. ﺃﻧﺎ ﻣﺼﺪﻗﻚ ﻃﺒﻌﺎً
ﺍﻟﺘﻔﺘﺖ ﺍﻟﻴﻪ ﻣﺪﺍﻡ " ﺛﺮﻳﺎ " ﺑﺤﺪﻩ ﻗﺎﺋﻠﻪ :
- ﻳﻌﻨﻲ ﺍﻳﻪ ﻣﺼﺪﻗﻪ ؟ .. ﻫﺘﺴﻴﺒﻪ ﻳﻔﻠﺖ ﻣﻦ ﻏﻴﺮ ﻋﻘﺎﺏ ؟
ﻗﺎﻝ ﻟﻬﺎ ﺃﺧﻴﻬﺎ :
" - ﺛﺮﻳﺎ " ﻣﻔﻴﺶ ﺩﺍﻋﻰ ﻟﻠﻜﻼﻡ ﺩﻩ
ﻗﺎﻝ " ﻋﻤﺮ " ﺑﺼﺮﺍﻣﻪ :
- ﻟﻮ ﺳﻤﺤﺘﻰ ﻳﺎ ﻋﻤﺘﻮ ﻣﺒﺤﺒﺶ ﺣﺪ ﻳﺘﺪﺧﻞ ﻓﻰ ﺍﺩﺍﺭﺗﻰ ﻟﺸﻐﻠﻰ
ﻗﺎﻟﺖ ﻋﻤﺘﻪ ﺑﺴﺨﺮﻳﻪ :
- ﺩﻩ ﻣﺶ ﺷﻐﻞ ﻳﺎ ﺑﺸﻤﻬﻨﺪﺱ .. ﺍﻧﺎ ﻭﺍﻧﺖ ﻭﺍﻟﻠﻰ ﻭﺍﻗﻔﻴﻦ ﺩﻭﻝ ﻛﻠﻬﻢ ﻋﺎﺭﻓﻴﻦ ﺍﻧﺖ ﺑﺘﻌﻤﻞ ﻛﺪﻩ ﻟﻴﻪ .. ﻋﺸﺎﻥ ﺳﺖ ﺍﻟﺤﺴﻦ ﻃﺒﻌﺎً
ﺻﺎﺡ " ﻋﺒﺪ ﺍﻟﺤﻤﻴﺪ " ﺑﻐﻀﺐ ﻗﺎﻻً :
- ﻟﻮ ﺳﻤﺤﺘﻰ ﻳﺎ ﻫﺎﻧﻢ .. ﻛﻠﻪ ﺇﻻ ﺑﻨﺘﻰ ﻣﻘﺒﻠﺶ ﺍﻥ ﺣﺪ ﻳﺠﻴﺐ ﺳﻴﺮﺗﻬﺎ ﺑﻜﻠﻤﻪ
ﻗﺎﻝ " ﻋﻤﺮ " ﺑﺼﺮﺍﻣﺔ :
- ﻭﻻ ﺃﻧﺎ ﺃﺳﻤﺢ ﺍﻥ ﺣﺪ ﻳﺠﻴﺐ ﺳﻴﺮﺗﻬﺎ ﺑﻜﻠﻤﻪ
ﺛﻢ ﻧﻈﺮ ﺍﻟﻰ ﺃﺑﻴﻪ ﻗﺎﺋﻼً :
- ﻳﺎﺭﻳﺖ ﻳﺎ ﺑﺎﺑﺎ ﺣﻀﺮﺗﻚ ﻭﻋﻤﺘﻮ ﺗﺴﺒﻘﻮﻧﻰ ﻋﻠﻰ ﺍﻟﺒﻴﺖ ﺃﻧﺎ ﺩﻗﺎﻳﻖ ﻭﺟﺎﻯ
ﺃﺷﺎﺭ " ﻧﻮﺭ " ﺑﺮﺃﺳﻪ ﺍﻟﻰ " ﺛﺮﻳﺎ " ﺍﻟﺘﻰ ﺗﺒﻌﺘﻪ ﻣﻀﻄﺮﺓ ﻭﻋﻼﻣﺎﺕ ﺍﻟﺤﻨﻖ ﻋﻠﻰ ﻭﺟﻬﻬﺎ .. ﻧﻈﺮ " ﻋﻤﺮ " ﺍﻟﻰ " ﻋﺒﺪ ﺍﻟﺤﻤﻴﺪ " ﻗﺎﺋﻼً :
- ﺃﻧﺎ ﺑﻌﺘﺬﺭ ﻋﻦ ﺍﻟﻠﻲ ﺣﺼﻞ ﻳﺎ ﻋﻢ " ﻋﺒﺪ ﺍﻟﺤﻤﻴﺪ "
ﻗﺎﻝ " ﻋﺒﺪ ﺍﻟﺤﻤﻴﺪ " ﻓﻰ ﺇﺑﺎﺀ :
- ﺣﺼﻞ ﺧﻴﺮ ﻳﺎ ﺑﺸﻤﻬﻨﺪﺱ .. ﺑﺲ ﻛﺪﻩ ﺧﻼﺹ ﻣﻌﺪﻟﻨﺎﺵ ﻗﻌﺎﺩ ﻫﻨﺎ
ﻗﺎﻟﺖ " ﺭﻳﻬﺎﻡ " ﻣﻮﺍﻓﻘﻪ ﺃﺑﻴﻬﺎ :
- ﻣﻌﺎﻙ ﺣﻖ ﻳﺎ ﺑﺎﺑﺎ .. ﻛﺪﻩ ﻛﻔﺎﻳﺔ ﺃﻭﻯ
ﺻﺎﺡ " ﻛﺮﻡ " ﻗﺎﺋﻼً :
- ﺍﻳﻪ ﻳﺎ ﺟﻤﺎﻋﻪ ﺍﻧﺘﻮﺍ ﻫﺘﻘﻠﺒﻮﻫﺎ ﺩﺭﺍﻣﻪ ﻟﻴﻪ .. ﺧﻼﺹ ﺳﻮﺀ ﺗﻔﺎﻫﻢ ﻭﺍﺗﺤﻞ .. ﻭ " ﻋﻤﺮ " ﺑﻨﻔﺴﻪ ﺍﻋﺘﺬﺭ
ﺍﻟﺘﻔﺘﺖ ﺍﻟﻴﻪ " ﺭﻳﻬﺎﻡ " ﻗﺎﺋﻠﻪ ﺑﺤﺪﻩ :
- ﺩﻩ ﻣﺶ ﺳﻮﺀ ﺗﻔﺎﻫﻢ .. ﺩﻩ ﺍﺗﻬﺎﻡ ﺻﺮﻳﺢ .. ﻭﺍﻫﺎﻧﻪ ﻟﻴﻨﺎ ﻛﻠﻨﺎ
ﺍﻟﺘﻔﺖ ﺍﻟﻴﻬﺎ " ﻋﻤﺮ " ﻗﺎﺋﻼً :
- ﻭﺃﻧﺎ ﺑﻌﺘﺬﺭ ﺗﺎﻧﻰ ﻋﻦ ﻛﻞ ﺍﻟﻠﻰ ﻋﻤﺘﻰ ﻗﺎﻟﺘﻪ
ﺛﻢ ﺍﻟﺘﻔﺖ ﺍﻟﻰ " ﻋﺒﺪ ﺍﻟﺤﻤﻴﺪ " ﻗﺎﺋﻼً :
- ﻣﺶ ﻣﻜﻔﻴﻚ ﺍﻋﺘﺬﺍﺭﻯ ﻳﺎ ﻋﻢ " ﻋﺒﺪ ﺍﻟﺤﻤﻴﺪ "
ﻗﺎﻝ ﻟﻪ " ﻋﺒﺪ ﺍﻟﺤﻤﻴﺪ " ﻓﻰ ﺣﺰﻡ :
- ﻳﺎ ﺑﺸﻤﻬﻨﺪﺱ " ﻋﻤﺮ " ﻣﺶ ﺍﻧﺖ ﺍﻟﻠﻰ ﻏﻠﻄﺖ ﻋﺸﺎﻥ ﺗﻌﺘﺬﺭ .. ﻭﺩﻩ ﻣﻜﻨﺶ ﺳﻮﺀ ﺗﻔﺎﻫﻢ .. ﺍﻟﻬﺎﻧﻢ ﻭﺍﺛﻘﻪ ﺍﻥ ﺃﻧﺎ ﺍﻟﻠﻰ ﺩﺑﺮﺕ ﺍﻟﺤﺮﻳﻘﻪ ﺩﻯ .. ﻭﺍﻟﻠﻪ ﺍﻟﻌﻈﻴﻢ ﺍﻟﻠﻰ ﺣﻜﻴﺘﻪ ﻫﻮ ﺍﻟﻠﻰ ﺣﺼﻞ ﺑﺎﻟﻈﺒﻂ ﺑﺪﻭﻥ ﺯﻳﺎﺩﺓ ﺃﻭ ﻧﻘﺼﺎﻥ
ﻗﺎﻟﺖ ﻟﻪ " ﺭﻳﻬﺎﻡ " :
- ﺑﺎﺑﺎ ﻣﺘﺤﻠﻔﺶ .. ﺍﻟﻠﻲ ﻣﺶ ﻋﺎﻳﺰ ﻳﺼﺪﻗﻚ ﻫﻮ ﺣﺮ
ﺍﻟﺘﻔﺖ " ﻛﺮﻡ " ﺍﻟﻰ " ﺭﻳﻬﺎﻡ " ﻗﺎﺋﻼً :
- ﻭﺭﻳﻨﻰ ﺍﻟﺮﻗﻢ ﺍﻟﻠﻰ ﺍﺗﺼﻞ ﺑﻴﻜﻲ
ﻗﺎﻟﺖ ﻟﻪ " ﺭﻳﻬﺎﻡ " ﻭﻋﻴﻮﻧﻬﺎ ﺗﺸﺘﻌﻞ ﻣﻦ ﺍﻟﻐﻀﺐ :
- ﺣﻀﺮﺗﻚ ﻣﺶ ﻣﺼﺪﻗﻨﻰ ؟
ﻗﺎﻝ ﻟﻬﺎ " ﻛﺮﻡ " ﺑﺴﺮﻋﻪ :
- ﻃﺒﻌﺎً ﻣﺼﺪﻗﻚ .. ﺑﺲ ﻋﺎﻳﺰ ﺃﺷﻮﻑ ﺍﻟﺮﻗﻢ ﺃﻛﻴﺪ ﺍﻟﻠﻰ ﻋﻤﻞ ﻛﺪﻩ ﺣﺪ ﻣﻦ ﻫﻨﺎ ﻓﻰ ﺍﻟﻤﺰﺭﻋﺔ .. ﺃﻣﺎﻝ ﻋﺮﻓﻮﺍ ﺭﻗﻤﻚ ﺍﺯﺍﻯ
ﺃﺧﺮﺟﺖ ﻫﺎﺗﻔﻬﺎ ﻭﺃﻇﻬﺮﺕ ﺍﻟﺮﻗﻢ ﻋﻠﻰ ﺍﻟﺸﺎﺷﺔ ﺛﻢ ﺃﻋﻄﺖ ﺍﻟﻬﺎﺗﻒ ﻟـ " ﻛﺮﻡ " .. ﺩﻭﻥ " ﻛﺮﻡ " ﺍﻟﺮﻗﻢ ﻋﻠﻰ ﻫﺎﺗﻔﻪ ﺛﻢ ﺍﺗﺼﻞ ﺑﺼﺎﺣﺐ ﺍﻟﺮﻗﻢ .. ﻭﺃﺷﺎﺭ ﻟﻬﻢ ﺑﺎﻟﺼﻤﺖ :
- ﺃﻟﻮ
ﺍﻟﺼﻮﺕ :
- ﺃﻟﻮ .. ﻣﻴﻦ ؟
ﻗﺎﻝ " ﻛﺮﻡ " ﻭﻫﻮ ﻳﺸﻴﺮ ﻟﻬﻢ ﺑﺄﺻﺒﻌﻪ ﺣﺘﻰ ﻻ ﻳﺘﺤﺪﺙ ﺃﺣﺪ :
- ﻟﻮ ﺳﻤﺤﺖ ﻛﻨﺖ ﻋﺎﻳﺰ ﺍﻷﺳﺘﺎﺫ ﺃﺣﻤﺪ ﺍﻟﻤﺤﺎﻣﻰ
- ﻻ ﻳﺎ ﺑﻴﻪ ﺍﻟﺮﻗﻢ ﻏﻠﻂ
- ﺑﺲ ﺃﻧﺎ ﻭﺍﺛﻖ ﺍﻧﻪ ﺍﺩﺍﻧﻰ ﺍﻟﺮﻗﻢ ﺩﻩ
- ﻳﺎ ﺑﻴﻪ ﺑﻨﻘﻮﻟﻚ ﻏﻠﻂ .. ﺃﺻﻼ ﺩﻩ ﺭﻗﻢ ﻓﻰ ﻛﺸﻚ ﺍﻟﻨﺎﺱ ﺑﺘﺘﻜﻠﻢ ﻣﻨﻪ
- ﻓﻴﻦ ﺍﻟﻜﺸﻚ ﺩﻩ ؟
ﻭﺻﻒ ﺍﻟﺮﺟﻞ ﺍﻟﻤﻜﺎﻥ ﻟـ " ﻛﺮﻡ .. " ﺷﻜﺮﻩ " ﻛﺮﻡ " ﻭﺃﻏﻠﻖ ﺍﻟﻬﺎﺗﻒ .. ﻭﻗﺎﻝ ﻟﻬﻢ :
- ﺍﻟﻜﺸﻚ ﻓﻰ ﺍﻟﺒﻠﺪ .. ﻳﻌﻴﻦ ﻗﺮﻳﺐ ﻣﻦ ﻫﻨﺎ .. ﻳﻌﻨﻲ ﺍﻟﻠﻰ ﻋﻤﻞ ﻛﺪﻩ ﺣﺪ ﻣﻦ ﻫﻨﺎ ﻣﻦ ﺍﻟﻤﺰﺭﻋﺔ
ﻗﺎﻝ " ﺃﻳﻤﻦ " ﻓﻰ ﺣﻴﺮﻩ :
- ﻭﺍﻳﻪ ﻣﺼﻠﺤﺘﻬﻢ ﻓﻰ ﻛﺪﻩ
ﺃﺧﺬ " ﻋﻤﺮ " ﻳﻔﻜﺮ ﺗﻔﻜﻴﺮﺍً ﻋﻤﻴﻘﺎً .. ﺛﻢ ﻗﺎﻝ :
- ﻭﺍﺯﺍﻯ ﻭﺻﻠﻮﺍ ﻟﺮﻗﻢ " ﺭﻳﻬﺎﻡ " ؟
ﺍﻟﺘﻔﺖ " ﻛﺮﻡ " ﺍﻟﻰ " ﺭﻳﻬﺎﻡ " ﻗﺎﺋﻼً :
- ﺍﻧﺘﻰ ﺍﺩﻳﺘﻲ ﺭﻗﻤﻚ ﻷﻯ ﻋﺎﻣﻞ ﻣﻦ ﻫﻨﺎ ﻓﻰ ﺍﻟﻤﺰﺭﻋﺔ
ﻗﺎﻟﺖ " ﺭﻳﻬﺎﻡ " ﻓﻰ ﺣﻴﺮﻩ :
- ﻷ ﻭﺃﻧﺎ ﺃﺩﻯ ﺭﻗﻤﻰ ﻟﻌﺎﻣﻞ ﻟﻴﻪ
ﻗﺎﻝ " ﻛﺮﻡ " ﺑﻀﻴﻖ :
- ﻃﺐ ﺍﺩﺗﻴﻪ ﻟﻠﺒﺘﺎﻉ ﺍﻟﻠﻰ ﺍﺳﻤﻪ " ﻫﺎﻧﻰ ﺷﺎﻛﺮ " ﺩﻩ ؟
ﺍﻟﺘﻔﺘﺖ ﺍﻟﻴﻪ ﺑﺤﺪﻩ ﻗﺎﺋﻠﻪ :
- ﻷ ﻃﺒﻌﺎً ﺃﺩﻳﻠﻪ ﺭﻗﻤﻰ ﺑﺘﺎﻉ ﺍﻳﻪ
ﺍﻟﺘﻔﺖ ﺍﻟﻴﻬﺎ ﻭﺍﻟﺪﻫﺎ ﻗﺎﺋﻼً :
- ﻣﻴﻦ " ﻫﺎﻧﻰ ﺷﺎﻛﺮ " ﺩﻩ ﻳﺎ " ﺭﻳﻬﺎﻡ " ؟
ﻧﻈﺮﺕ ﺍﻟﻰ " ﻛﺮﻡ " ﺑﻐﻴﻆ .. ﻓﺄﺳﺮﻉ " ﻛﺮﻡ " ﻟﻴﻨﻘﺬﻫﺎ ﻗﺎﺋﻼً :
- ﺍﻟﻤﻬﻢ ﺩﻟﻮﻗﺘﻰ ﻧﻌﺮﻑ ﺍﻟﺮﺍﺟﻞ ﺩﻩ ﻭﺻﻞ ﻟﺮﻗﻢ " ﺭﻳﻬﺎﻡ " ﺍﺯﺍﻯ
ﻗﺎﻝ " ﻋﻤﺮ " ﻭﺃﻗﺪ ﺃﺭﻫﻘﻪ ﺍﻟﺘﻔﻜﻴﺮ :
- ﺃﻧﺎ ﻫﺘﺠﻨﻦ ﻣﻴﻦ ﻣﺼﻠﺤﺘﻪ ﺍﻧﻪ ﻳﺤﺮﻕ ﺍﻟﻤﺨﺰﻥ
ﻗﺎﻝ " ﺃﻳﻤﻦ " :
- ﺍﺣﻨﺎ ﻣﻠﻨﺎﺵ ﺃﻋﺪﺍﺀ ﻳﺎ " ﻋﻤﺮ " ﻻﻧﻨﺎ ﺍﻟﺤﻤﺪ ﻟﻠﻪ ﺑﻨﺮﺍﻋﻰ ﺭﺑﻨﺎ ﻓﻰ ﺷﻐﻠﻨﺎ .. ﻓﻤﻌﺘﻘﺪﺵ ﺍﻥ ﺍﻟﻠﻰ ﻋﻤﻞ ﻛﺪﻩ ﻛﺎﻥ ﻗﺎﺻﺪ ﻳﺄﺫﻳﻚ ﺍﻧﺖ .. ﻭﺑﻌﺪﻳﻦ ﺍﻟﻠﻰ ﻋﺎﻳﺰ ﻳﺄﺫﻳﻚ ﻫﻴﺤﺮﻕ ﻣﻜﺘﻠﻚ ﺑﺎﻟﻤﻠﻔﺎﺕ ﺍﻟﻤﻬﻤﺔ ﺍﻟﻠﻰ ﻓﻴﻪ .. ﺃﻭ ﻳﺤﺮﻕ ﺍﻟﺰﺭﻉ ﻧﻔﺴﻪ .. ﺃﻭ ﻳﺤﺮﻕ ﺍﻟﺰﺭﺍﻳﺐ ﻭﺍﻻﺳﻄﺒﻼﺕ .. ﻣﺶ ﻳﻴﺠﻰ ﻳﺤﺮﻕ ﻣﺨﺰﻥ ﻋﻠﻒ
ﺍﻟﺘﻔﺖ ﺍﻟﻴﻪ " ﻋﻤﺮ " ﻗﺎﺋﻼﺹ :
- ﻗﺼﺪﻙ ﺍﻳﻪ ؟
ﻗﺎﻝ " ﺃﻳﻤﻦ " ﺑﺤﺰﻡ :
- ﺍﻟﻠﻰ ﻋﻤﻞ ﻛﺪﻩ ﻗﺼﺪﻩ ﺍﻧﻪ ﻳﺄﺫﻯ ﻋﻢ " ﻋﺒﺪ ﺍﻟﺤﻤﻴﺪ .. " ﻣﺶ ﻳﺄﺫﻳﻚ ﺍﻧﺖ
ﻗﺎﻝ " ﻋﺒﺪ ﺍﻟﺤﻤﻴﺪ " ﺑﺪﻫﺸﺔ :
- ﻭﻣﻴﻦ ﻣﺼﻠﺤﺘﻪ ﺍﻧﻪ ﻳﺄﺫﻳﻨﻲ ؟
ﺍﻟﺘﻔﺖ " ﻋﻤﺮ " ﺍﻟﻴﻪ ﻗﺎﺋﻼً :
- ﻣﻤﻜﻦ ﻳﻜﻮﻥ ﺍﻟﻠﻰ ﺍﺳﻤﻪ " ﻣﺼﻄﻔﻰ " ﺩﻩ
ﻗﺎﻝ " ﻋﺒﺪ ﺍﻟﺤﻤﻴﺪ " ﻓﻰ ﺣﻴﺮﻩ :
- ﻫﻮ ﺭﺍﺟﻞ ﺷﺮﺍﻧﻰ ﻭﺃﺗﻮﻗﻊ ﻣﻨﻪ ﺃﻯ ﺣﺎﺟﻪ .. ﺑﺲ ﺍﻳﻪ ﺍﻟﻠﻰ ﻫﻴﻌﺮﻓﻪ ﻣﻜﺎﻧﻨﺎ ﻫﻨﺎ
ﻗﺎﻝ " ﻛﺮﻡ " :
- ﻣﻴﻦ " ﻣﺼﻄﻔﻰ " ؟
ﻗﺎﻝ " ﻋﻤﺮ " ﺑﻀﻴﻖ ﺷﺪﻳﺪ :
- ﻃﻠﻴﻖ " ﻳﺎﺳﻤﻴﻦ "
ﻫﺘﻒ " ﻛﺮﻡ " ﻗﺎﺋﻼً :
- ﺍﻩ ﺻﺢ .. ﻣﻤﻜﻦ ﻳﻜﻮﻥ ﻫﻮ
ﻗﺎﻟﺖ " ﺭﻳﻬﺎﻡ " ﺷﺎﺭﺣﻪ :
- ﻭ " ﻣﺼﻄﻔﻰ " ﻫﻴﺠﻴﺐ ﺭﻗﻤﻰ ﻣﻨﻴﻦ .. ﺃﺻﻼً ﺍﻟﺨﻂ ﺩﻩ ﺃﻧﺎ ﻏﻴﺮﺗﻪ ﻣﻦ ﺳﺎﻋﺔ ﻣﺎ ﺟﻴﺖ ﺍﻟﻤﺰﺭﻋﺔ .. ﻻﻧﻪ ﻛﺎﻥ ﺳﺎﻋﺎﺕ ﻟﻤﺎ ﻳﻼﻗﻰ ﻣﻮﺑﺎﻳﻞ " ﻳﺎﺳﻤﻴﻦ " ﻣﻘﻔﻮﻝ ﻳﻜﻠﻤﻬﺎ ﻋﻠﻰ ﺭﻗﻤﻰ .. ﻓﺮﻳﺤﺖ ﻧﻔﺴﻲ ﻭﻏﻴﺮﺗﻪ
ﻗﺎﻝ " ﻋﻤﺮ " ﺑﺘﺮﻛﻴﺰ :
- ﻳﺒﺄﻩ ﻛﺪﻩ ﺭﺟﻌﻨﺎ ﻟﻨﻘﻄﺔ ﺍﻟﺒﺪﺍﻳﺔ ﻭﺍﻟﻠﻰ ﺑﺘﺄﻛﺪ ﺍﻥ ﺍﻟﻠﻰ ﻋﻤﻞ ﻛﺪﻩ ﺣﺪ ﻣﻦ ﺍﻟﻤﺰﺭﻋﺔ ﻫﻨﺎ .. ﺑﺲ ﻣﻴﻦ ؟
ﻗﺎﻝ " ﺃﻳﻤﻦ " :
- ﺃﻧﺎ ﻫﻤﺸﻰ ﺑﺄﻩ ﻳﺎ ﺟﻤﺎﻋﺔ .. ﻭﺑﻜﺮﺓ ﺍﻥ ﺷﺎﺀ ﺍﻟﻠﻪ ﻧﺸﻮﻑ ﺍﻟﻤﻮﺿﻮﻉ ﺩﻩ .. ﻳﻼ ﺳﻼﻡ
ﻗﺎﻝ " ﻛﺮﻡ " ﻟـ " ﻋﺒﺪ ﺍﻟﺤﻤﻴﺪ " :
- ﺧﻼﺹ ﻳﺎ ﻋﻢ " ﻋﺒﺪ ﺍﻟﺤﻤﻴﺪ " ﺭﻭﺡ ﺍﻧﺖ .. ﻭﻋﺸﺎﻥ ﺍﻵﻧﺴﻪ " ﺭﻳﻬﺎﻡ " ﻛﻤﺎﻥ ﺗﺮﻭﺡ
ﺍﻟﺘﻔﺖ " ﻋﺒﺪ ﺍﻟﺤﻤﻴﺪ " ﺍﻟﻰ " ﻋﻤﺮ " ﻗﺎﺋﻼً :
- ﻟﻮ ﻋﻨﺪﻙ ﻳﺎ ﺑﺸﻤﻬﻨﺪﺱ ﺷﻚ ﻭﻟﻮ %1 ﺍﻧﻰ .........
ﻟﻢ ﻳﺪﻋﻪ " ﻋﻤﺮ " ﻳﻜﻤﻞ ﻛﻼﻣﻪ ﻭﻗﺎﻃﻌﻪ ﻗﺎﺋﻼً :
- ﻣﻌﻨﺪﻳﺶ ﺣﺘﻰ ﺷﻚ 0,1 .. % ﻭﺃﻧﺎ ﺍﻋﺘﺬﺭﺗﻠﻚ ﻋﻦ ﻛﻼﻡ ﻋﻤﺘﻰ ﻳﺎ ﻋﻢ " ﻋﺒﺪ ﺍﻟﺤﻤﻴﺪ "
- ﻃﻴﺐ ﻳﺎ ﺑﺸﻤﻬﻨﺪﺱ .. ﻭﺭﺑﻨﺎ ﻳﻜﺸﻒ ﺍﻟﺤﻖ ﻭﻳﻨﺼﺮ ﺍﻟﻤﻈﻠﻮﻡ .. ﻭﺍﻟﻈﺎﻟﻢ ﻫﻴﺘﻔﻀﺢ ﺍﻥ ﺷﺎﺀ ﺍﻟﻠﻪ .. ﺍﻟﺴﻼﻡ ﻋﻠﻴﻜﻢ
- ﻭﻋﻠﻴﻜﻢ ﺍﻟﺴﻼﻡ
ﺭﺣﻞ " ﻋﺒﺪﺍﻟﺤﻤﻴﺪ " ﻭ " ﺭﻳﻬﺎﻡ .. " ﻓﺎﻟﺘﻔﺖ " ﻛﺮﻡ " ﺍﻟﻰ " ﻋﻤﺮ " ﻗﺎﺋﻼً :
- ﻛﻮﻳﺲ ﺍﻧﻚ ﻣﺒﻠﻐﺘﺶ
ﻧﻈﺮ " ﻋﻤﺮ " ﺍﻟﻴﻪ ﻣﺴﺘﻔﻬﻤﺎً :
- ﻻﻥ ﺃﻛﻴﺪ ﻟﻮ ﺑﻠﻐﺖ ﻛﺎﻥ ﺃﻭﻝ ﻭﺍﺣﺪ ﺍﺗﻬﻤﻮﻩ ﻫﻮ ﻋﻢ " ﻋﺒﺪ ﺍﻟﺤﻤﻴﺪ "
ﻗﺎﻝ " ﻋﻤﺮ " ﻣﺆﻛﺪﺍّ :
- ﻃﺒﻌﺎ .. ﻭﻛﺎﻥ ﺯﻣﺎﻧﻬﻢ ﻗﺒﻀﻴﻦ ﻋﻠﻴﻪ ﺩﻟﻮﻗﺘﻰ
ﺳﺄﻟﻪ " ﻛﺮﻡ " ﻗﺎﺋﻼً :
- ﺍﻧﺎ ﻭﺍﺛﻖ ﺍﻥ ﻣﺶ ﻫﻮ ﺍﻟﻠﻲ ﻋﻤﻞ ﻛﺪﻩ .. ﻭﺍﻧﺖ ؟ .. ﻋﻨﺪﻙ ﺷﻚ ؟
ﺭﺩ " ﻋﻤﺮ " ﺑﺴﺮﻋﻪ :
- ﻷ ﻃﺒﻌﺎ .. ﺍﻧﺎ ﻭﺍﺛﻖ ﺍﻧﻪ ﻣﻠﻮﺵ ﻋﻼﻗﺔ ﺑﺎﻟﻤﻮﺿﻮﻉ ﺩﻩ
ﺛﻢ ﻗﺎﻝ ﺑﺴﺨﺮﻳﻪ :
- ﻣﺶ ﺑﺪﺍﻓﻊ ﻋﻨﻪ ﻋﺸﺎﻥ ﺣﺒﻴﺒﺔ ﺍﻟﻘﻠﺐ ﺯﻯ ﻣﺎ ﻋﻤﺘﻮ ﻗﺎﻟﺖ .. ﺑﺲ ﻓﻌﻼً ﺍﻟﺮﺍﺟﻞ ﻣﺤﺘﺮﻡ ﻭﻳﻌﺮﻑ ﺭﺑﻨﺎ ﻭﻣﺸﻔﺘﺶ ﻋﻠﻴﻪ ﺃﻯ ﺣﺎﺟﻪ ﻭﺣﺸﻪ
- ﺍﻣﺎﻝ ﻣﻴﻦ ﺍﺑﻦ ﺍﻟﺘﻴﻴﻴﻴﻴﻴﻴﻴﻴﻴﻴﺖ ﺍﻟﻠﻰ ﻋﻤﻞ ﻛﺪﻩ
- ﻫﺘﺠﻨﻦ ﻳﺎ " ﻛﺮﻡ .. " ﻫﺘﺠﻨﻦ
- ﺧﻼﺹ ﺭﻭﺡ ﺍﻧﺖ ﺩﻟﻮﻗﺘﻰ ﻭﺑﻜﺮﺓ ﻧﺒﻘﻰ ﻧﺸﻮﻑ ﺍﻟﺤﻜﺎﻳﺔ ﺩﻯ .. ﻭﺃﻧﺎ ﻛﻤﺎﻥ ﻫﺮﻭﺡ ﻋﻠﻰ ﺍﻟﻔﻨﺪﻕ ﻣﻠﻴﺶ ﻧﻔﺲ ﺃﺭﻭﺡ ﻓﻰ ﺣﺘﻪ .. ﻳﻼ ﺃﺷﻮﻓﻚ ﺑﻜﺮﺓ .. ﺳﻼﻡ
- ﺳﻼﻡ
**************************
- ﺣﺮﺑﺎﻳﻪ ﺻﺤﻴﺢ
ﻫﺘﻔﺖ " ﻳﺎﺳﻤﻴﻦ " ﺑﺘﻠﻚ ﺍﻟﻌﺒﺎﺭﺓ ﻓﻰ ﻏﻀﺐ .. ﺑﻌﺪﻣﺎ ﻗﺼﺖ ﻋﻠﻴﻬﺎ " ﺭﻳﻬﺎﻡ " ﻣﺎ ﻗﺎﻟﺘﻪ ﻣﺪﺍﻡ " ﺛﺮﻳﺎ " .. ﻭﻗﺎﻟﺖ ﻓﻰ ﻏﻀﺐ :
- ﻭﺍﻹﺳﻢ ﺍﻧﻬﺎ ﺑﻨﺖ ﻋﻴﻠﺔ ﻣﺤﺘﺮﻣﺔ .. ﻫﻮ ﻓﻰ ﻧﺎﺱ ﻣﺤﺘﺮﻣﺔ ﺗﺘﻬﻢ ﻏﻴﺮﻫﺎ ﻛﺪﻩ ﺑﺪﻭﻥ ﺩﻟﻴﻞ .. ﻭﺗﻠﻘﺢ ﺑﺎﻟﻜﻼﻡ ﻋﻠﻴﺎ ﻛﻤﺎﻥ
ﻗﺎﻟﺖ " ﺭﻳﻬﺎﻡ " ﺗﻬﺪﺋﻬﺎ :
- ﻣﺘﺨﻔﻴﺶ " ﻋﻤﺮ " ﻣﺴﻜﺘﻠﻬﺎﺵ ﻭﻭﻗﻔﻬﺎ ﻋﻨﺪ ﺣﺪﻫﺎ .. ﻭﻣﺸﺎﻫﺎ ﻛﻤﺎﻥ
ﺛﻢ ﻗﺎﻟﺖ " ﺭﻳﻬﺎﻡ " ﻓﻰ ﺣﻴﺮﻩ :
- ﻫﻤﻮﺕ ﻭﺃﻋﺮﻑ ﻣﻴﻦ ﺍﻟﻠﻰ ﻣﺼﻠﺤﺘﻪ ﺍﻧﻪ ﻳﺄﺫﻯ ﺑﺎﺑﺎ .. ﺍﺣﻨﺎ ﻣﻠﻨﺎﺵ ﺃﻋﺪﺍﺀ ﻏﻴﺮ " ﻣﺼﻄﻔﻰ "
ﺛﻢ ﻧﻈﺮﺕ ﺍﻟﻰ " ﻳﺎﺳﻤﻴﻦ " ﻗﺎﺋﻠﻪ :
- ﺗﻔﺘﻜﺮﻯ " ﻣﺼﻄﻔﻰ " ﺍﻟﻠﻰ ﻋﻤﻞ ﻛﺪﻩ ؟
ﻛﺎﻧﺖ " ﻳﺎﺳﻤﻴﻦ " ﺷﺎﺭﺩﻩ ﺗﻔﻜﺮ ﺗﻔﻜﻴﺮﺍً ﻋﻤﻴﻘﺎً ﻓﻨﺎﺩﻫﺘﻬﺎ " ﺭﻳﻬﺎﻡ " :
" - ﻳﺎﺳﻤﻴﻦ "
ﺃﻓﺎﻗﺖ ﻣﻦ ﺷﺮﻭﺩﻫﺎ ﻗﺎﺋﻠﻪ :
- ﺃﻳﻮﺓ
- ﺍﻳﻪ ﻣﺎﻟﻚ ﺭﻭﺣﺘﻰ ﻓﻴﻦ
- ﺑﻔﻜﺮ
- ﻓﻰ ﺍﻟﻠﻰ ﺣﺼﻞ ؟
ﺃﻭﻣﺄﺕ ﺑﺮﺃﺳﻬﺎ ﻗﺎﺋﻠﻪ ﻭﻗﺪ ﺷﺮﺩﺕ ﻣﺮﺓ ﺃﺧﺮﻯ :
- ﺑﻔﻜﺮ ﻣﻴﻦ ﻣﺼﻠﺤﺘﻪ ﺍﻥ ﺑﺎﺑﺎ ﻳﺘﺄﺫﻯ ... ﺃﻭ ........
- ﺃﻭ ﺍﻳﻪ ؟
- ﺃﻭ ﺍﻧﻪ ﻳﺘﺨﻠﺺ ﻣﻨﻨﺎ
ﻗﺎﻟﺖ " ﺭﻳﻬﺎﻡ " ﺑﺪﻫﺸﺔ :
- ﺍﺯﺍﻯ ﻳﻌﻨﻲ ﻳﺘﺨﻠﺺ ﻣﻨﻨﺎ .. ﻳﻘﺘﻠﻨﺎ ﺗﻘﺼﺪﻯ
ﻧﻈﺮﺕ ﺍﻟﻴﻬﺎ " ﻳﺎﺳﻤﻴﻦ " ﺑﻐﻴﻆ ﻗﺎﺋﻠﻪ :
- ﻳﻘﺘﻠﻨﺎ ﻣﻴﻦ ﺍﻧﺘﻰ ﻛﻤﺎﻥ
ﻫﺘﻔﺖ " ﺭﻳﻬﺎﻡ " ﻗﺎﺋﻠﻪ :
- ﻣﺶ ﺍﻧﺘﻰ ﺍﻟﻠﻰ ﻗﻮﻟﺘﻰ ﻳﺘﺨﻠﺺ ﻣﻨﻨﺎ
" - ﺭﻳﻬﺎﻡ .. " ﺍﺳﻜﺘﻰ ﻳﺎ " ﺭﻳﻬﺎﻡ "
ﻗﻤﺖ " ﺭﻳﻬﺎﻡ " ﻭﺗﺮﻛﺖ " ﻳﺎﺳﻤﻴﻦ " ﺗﻔﻜﻴﺮ ﺑﻌﻤﻖ ﻭﺗﺴﺄﻝ ﻧﻔﺴﻬﺎ ﺳﺆﺍﻝ ﻭﺍﺣﺪ : ﻣﻦ ﻣﻦ ﻣﺼﻠﺤﺘﻪ ﺃﻥ ﻳﺄﺫﻯ ﻋﺎﺋﻠﺘﻬﺎ ﻭﻳﺘﺨﻠﺺ ﻣﻨﻬﻢ ؟
************************
ﺩﺧﻞ " ﻋﻤﺮ " ﻏﺮﻓﺔ ﺍﻟﻤﻌﻴﺸﺔ ﺣﻴﺚ ﺍﺟﺘﻤﻌﺖ ﺍﻟﻌﺎﺋﻠﻪ .. ﺟﻠﺲ ﻋﻠﻰ ﻣﻘﻌﺪ ﻓﺎﺭﻍ ﻓﺒﺪﺃﺕ ﻣﺪﺍﻡ " ﺛﺮﻳﺎ " ﻓﻰ ﺍﻟﻬﺠﻮﻡ :
- ﻣﻤﻜﻦ ﺃﻓﻬﻢ ﺍﻳﻪ ﺍﻟﺘﺴﻴﺐ ﺩﻩ ﺍﻟﻠﻰ ﺍﻧﺖ ﺑﺘﺪﻳﺮ ﺑﻴﻪ ﺍﻟﻤﺰﺭﻋﺔ ﻭ ﺑﺘﺘﻌﺎﻣﻞ ﺑﻴﻪ ﻣﻊ ﺍﻟﻨﺎﺱ ﺍﻟﻠﻰ ﺑﻴﺸﺘﻐﻠﻮﺍ ﻋﻨﺪﻙ ؟
ﻧﻈﺮ ﺍﻟﻴﻬﺎ " ﻋﻤﺮ " ﺑﺼﺮﺍﻣﺔ ﻗﺎﺋﻼً :
- ﺍﺩﺍﺭﺗﻰ ﺍﻟﻠﻰ ﺣﻀﺮﺗﻚ ﺑﺘﺴﻤﻴﻬﺎ ﺗﺴﻴﺐ ﺑﺘﺪﻳﺮ ﻋﻠﻴﺎ ﺳﻨﻮﻳﺎً ﺃﺭﺑﺎﺡ ﺑﺎﻟﻤﻼﻳﻴﻦ
ﻗﺎﻟﺖ ﻣﺪﺍﻡ " ﺛﺮﻳﺎ " ﺑﺤﺰﻡ :
- ﻟﻮ ﺳﺒﺖ ﺍﻟﻠﻰ ﻏﻠﻂ ﺑﺪﻭﻥ ﻋﻘﺎﺏ ﻣﺶ ﻫﺘﻌﺮﻑ ﺗﺴﻴﻄﺮ ﻋﻠﻰ ﺍﻟﻌﻤﺎﻝ ﺑﻌﺪ ﻛﺪﻩ .. ﻭﻛﻞ ﻭﺍﺣﺪ ﻳﻐﻠﻂ ﺯﻯ ﻣﺎ ﻫﻮ ﻋﺎﻳﺰ ﻣﺎ ﻫﻮ ﻣﻔﻴﺶ ﻋﻘﺎﺏ
ﻗﺎﻝ " ﻋﻤﺮ " ﺑﺤﺰﻡ :
- ﻟﻤﺎ ﺃﺑﻘﻰ ﺃﻋﺮﻑ ﻣﻴﻦ ﺍﻟﻤﺬﻧﺐ ﻣﺶ ﻫﺴﻴﺒﻪ ﺍﻻ ﻟﻤﺎ ﻳﺘﻌﺎﻗﺐ
ﻫﺘﻔﺖ ﺑﺤﺪﻩ :
- ﻫﻮ ﺍﻧﺖ ﻟﺴﻪ ﻣﻌﺮﻓﺘﻮﺵ .. ﻭﻻ ﺍﻟﺤﺐ ﻋﺎﻣﻰ ﻋﻴﻨﻚ ﻟﻠﺪﺭﺟﺔ ﺩﻯ
ﻗﺎﻡ " ﻋﻤﺮ " ﻏﺎﺿﺒﺎً ﻭﻗﺎﻝ :
- ﺑﺮﺩﻩ ﻣﺼﺮﻩ ﺗﺪﺧﻠﻰ ﺍﻟﺨﻴﻮﻁ ﻓﻰ ﺑﻌﻀﻬﺎ .. ﺍﺣﻨﺎ ﺑﻨﺘﻜﻠﻢ ﻋﻦ ﺍﻟﺤﺮﻳﻘﺔ ﺍﻟﻠﻰ ﺣﺼﻠﺖ .. ﺍﻳﻪ ﺩﺧﻞ " ﻳﺎﺳﻤﻴﻦ " ﺩﻟﻮﻗﺘﻰ ﻓﻰ ﺍﻟﻤﻮﺿﻮﻉ
ﻗﺎﻟﺖ ﺑﻐﻀﺐ ﻣﻤﺎﺛﻞ :
- ﻣﺎ ﻫﻰ ﺍﻟﻠﻰ ﻭﺍﻛﻠﻪ ﻋﻘﻠﻚ .. ﻭﻣﻤﺸﻴﺎﻙ ﻭﺭﺍﻫﺎ ﻳﻤﻴﻦ ﻳﻤﻴﻦ .. ﺷﻤﺎﻝ ﺷﻤﺎﻝ
ﻛﻈﻢ " ﻋﻤﺮ " ﻏﻴﻈﻪ ﺑﺼﻌﻮﺑﻪ ﻗﺎﺋﻼً ﺑﺼﻮﺕ ﻫﺎﺩﺭ :
- ﺃﻧﺎ ﺧﺎﺭﺝ ﺃﺣﺴﻦ ﻣﺎ ﺃﻗﻮﻝ ﻛﻼﻡ ﻳﻀﺎﻳﻘﻨﺎ ﺍﺣﻨﺎ ﺍﻻﺗﻨﻴﻦ ﻳﺎ ﻋﻤﺘﻮ
ﺧﺮﺝ ﻣﺴﺮﻋﺎً ﻭﺃﻏﻠﻖ ﺍﻟﺒﺎﺏ ﺧﻠﻔﻪ ﺑﻘﻮﺓ .. ﻫﺘﻒ " ﻧﻮﺭ " ﻗﺎﺋﻼً :
- ﺑﺮﺩﻩ ﻣﻔﻴﺶ ﻓﺎﻳﺪﺓ ﻳﺎ " ﺛﺮﻳﺎ .. " ﻫﻮ ﻧﻔﺲ ﺍﺳﻠﻮﺑﻚ ﺍﻟﻬﺠﻮﻣﻰ .. ﻗﻮﻟﺘﻠﻚ 100 ﻣﺮﺓ " ﻋﻤﺮ " ﻣﺎ ﺑﻴﺠﻴﺶ ﺑﺎﻻﺳﻠﻮﺏ ﺩﻩ
ﺍﻟﺘﻔﺖ ﺍﻟﻴﻪ ﻗﺎﺋﻠﻪ ﺑﺤﺪﻩ :
- ﺃﻣﺎﻝ ﻋﺎﻳﺰﻧﻰ ﺃﺗﻜﻠﻢ ﻣﻌﻬﺎ ﺍﺯﺍﻯ ﻭﺃﻧﺎ ﺷﺎﻳﻔﻪ ﺍﻟﺒﻨﺖ ﺑﺘﻀﺤﻚ ﻋﻠﻴﻪ ﻫﻰ ﻭﺃﻫﻠﻬﺎ
ﻗﺎﻟﺖ " ﻛﺮﻳﻤﻪ : "
- ﺣﺮﺍﻡ ﻋﻠﻴﻜﻲ ﻳﺎ " ﺛﺮﻳﺎ " ﻣﻴﻦ ﻗﺎﻟﻚ ﺍﻥ ﺃﺑﻮﻫﺎ ﻫﻮ ﺍﻟﻠﻰ ﻋﻤﻞ ﻛﺪﻩ
ﺍﻟﺘﻔﺘﺖ ﺍﻟﻴﻬﺎ " ﺛﺮﻳﺎ " ﻗﺎﺋﻠﻪ ﺑﺴﺨﺮﻳﻪ :
- ﺃﻫﻼً .. ﺁﺩﻯ ﻣﺤﺎﻣﻰ ﺗﺎﻧﻰ ﻟﺴﺖ ﺍﻟﺤﺴﻦ ﻭﻋﻴﻠﺘﻬﺎ
ﺛﻢ ﻏﺎﺩﺭﺕ ﺍﻟﻐﺮﻓﺔ ﻭﺫﻫﺒﺖ ﺍﻟﻰ ﻏﺮﻓﺘﻬﺎ ﻭﺃﻏﻠﻘﺖ ﺍﻟﺒﺎﺏ ﺧﻠﻔﻬﺎ ﺑﻘﻮﺓ
ﺳﺎﺭ " ﻋﻤﺮ " ﻓﻰ ﺗﺠﺎﻩ ﺳﻜﻦ ﺍﻟﻌﻤﺎﻝ .. ﻛﺎﻧﺖ " ﻳﺎﺳﻤﻴﻦ " ﻭﺍﻗﻔﻪ ﻓﻰ ﺍﻟﺸﺮﻓﺔ .. ﺗﻼﻗﺖ ﻧﻈﺮﺍﺗﻬﻤﺎ ﻓﻰ ﺻﻤﺖ .. ﻭﻗﻒ ﻗﻠﻴﻼً ﺛﻢ ﺫﻫﺐ ﻓﻰ ﺍﺗﺠﺎﻩ ﺷﺠﺮﺗﻪ .. ﻛﺎﻥ ﻫﻨﺎﻙ ﺍﻟﻜﺜﻴﺮ ﻣﻤﺎ ﻳﺸﻐﻞ ﻋﻘﻠﻪ .. ﻣﻦ ﻓﻌﻞ ﺫﻟﻚ ؟ .. ﻭﻟﻤﺎﺫﺍ ﻓﻌﻞ ﺫﻟﻚ ؟ .. ﻭﻛﻴﻒ ﻓﻌﻞ ﺫﻟﻚ؟ .. ﻛﺎﻥ ﻳﺸﻌﺮ ﺑﺎﻟﻀﻴﻖ ﻣﻦ ﻋﻤﺘﻪ ﺑﺴﺒﺐ ﺗﺤﺎﻣﻠﻬﺎ ﺍﻟﺪﺍﺋﻢ ﻋﻠﻰ " ﻳﺎﺳﻤﻴﻦ " ﻭﺃﻫﻠﻬﺎ .. ﻭ " ﻳﺎﺳﻤﻴﻦ " ﻧﻔﺴﻬﺎ ﻭﺍﻟﺘﻰ ﺗﻬﺮﺏ ﻣﻨﻪ ﺩﺍﺋﻤﺎً .. ﺟﻠﺲ ﻋﻠﻰ ﺍﻟﺠﺬﻉ ﻣﻬﻤﻮﻣﺎً ﺣﺰﻳﻨﺎً .. ﻭﻓﺠﺄﺓ ﻭﺟﺪﻫﺎ ﺃﻣﺎﻣﻪ .. ﻭﺍﻗﻔﻪ ﺗﻨﻈﺮ ﺍﻟﻴﻪ ﻓﻰ ﺻﻤﺖ .. ﻗﺎﻡ ﻣﻦ ﻋﻞ ﺍﻟﺠﺬﻉ ﻭﺗﻘﺪﻡ ﺑﻀﻊ ﺧﻄﻮﺍﺕ ﻭﻭﻗﻒ ﻓﻰ ﻣﻮﺍﺟﻬﺘﻬﺎ .. ﻧﻈﺮﺕ ﺍﻟﻴﻪ " ﻳﺎﺳﻤﻴﻦ " ﻗﺎﺋﻠﻪ :
- ﺃﻧﺎ ﻋﺎﻳﺰﻩ ﺃﺳﺄﻟﻚ ﺳﺆﺍﻝ ﻭﺍﺣﺪ ؟
ﺃﻭﻣﺄ ﺑﺮﺃﺳﻪ ﻗﺎﺋﻼً :
- ﺍﺳﺄﻟﻰ
ﺻﻤﺘﺖ ﻗﻠﻴﻼً ﺛﻢ ﻗﺎﻟﺖ :
- ﺍﻧﺖ ﻣﺼﺪﻕ ﺍﻥ ﺑﺎﺑﺎ ﻣﻠﻮﺵ ﻋﻼﻗﻪ ﺑﺎﻟﻤﻮﺿﻮﻉ ﻭﺍﻥ ﻓﻌﻼ ﺣﺪ ﺍﺗﺼﻞ ﺑﻴﻪ ﻭﺧﻼﻩ ﻳﺴﻴﺐ ﺍﻟﻤﺨﺰﻥ
ﺻﻤﺖ ﻗﻠﻴﻼ .. ﻟﺤﻈﺎﺕ ﻟﻜﻨﻬﺎ ﺷﻌﺮﺕ ﺑﺄﻧﻬﺎ ﺳﻨﻮﺍﺕ .. ﺛﻢ ﺭﺃﺕ ﺍﻻﺑﺘﺴﺎﻣﻪ ﻋﻠﻰ ﻣﺤﻴﺎﻩ ﻭﺭﺩ ﻗﺎﺋﻼً :
- ﺃﻳﻮﺓ ﻣﺼﺪﻕ
ﺃﻭﻣﺄﺕ ﺑﺮﺃﺳﻬﺎ ﻭﻗﺪ ﻇﻬﺮﺕ ﻋﻼﻣﺎﺕ ﺍﻻﺭﺗﻴﺎﺡ ﻋﻠﻰ ﻭﺟﻬﻬﺎ .. ﺛﻢ ﻧﻈﺮﺕ ﺍﻟﻴﻪ ﻗﺎﺋﻠﻪ :
- ﻣﻔﻴﺶ ﻏﻴﺮ ﺷﺨﺺ ﻭﺍﺣﺪ ﻣﻦ ﻣﺼﻠﺤﺘﻪ ﺍﻧﻪ ﻳﺄﺫﻳﻨﺎ ﻋﺸﺎﻥ ﻧﻤﺸﻰ ﻣﻦ ﻫﻨﺎ
ﺳﺄﻟﻬﺎ " ﻋﻤﺮ " ﺑﺈﻫﺘﻤﺎﻡ :
- ﻣﻴﻦ ﺍﻟﺸﺨﺺ ﺩﻩ ؟
ﻧﻈﺮﺕ ﺍﻟﻴﻪ " ﻳﺎﺳﻤﻴﻦ " ﺑﻘﻮﺓ ﻗﺎﺋﻠﻪ :
- ﺍﻟﺸﺨﺺ ﺍﻟﻠﻰ ﺟﺎﻟﻰ ﻭﻗﺎﻟﻰ ﺍﻧﺘﻰ ﻣﺘﻨﺎﺳﺒﻴﺶ ﻋﻴﻠﺔ ﺍﻷﻟﻔﻰ .. ﺩﻭﺭﻯ ﻋﻠﻰ ﻭﺍﺣﺪ ﻣﻦ ﻣﺴﺘﻮﺍﻛﻰ .. ﺑﺪﻝ ﻣﺎ ﺗﻄﻠﻘﻰ ﻟﻠﻤﺮﺓ ﺍﻟﺘﺎﻧﻴﺔ
ﻧﻈﺮ " ﻋﻤﺮ " ﺍﻟﻰ ﻋﻴﻨﻴﻬﺎ ﺑﺪﻫﺸﺔ .. ﺻﻤﺖ .. ﻃﺎﻝ ﺻﻤﺘﻬﻤﺎ .. ﺛﻢ ﻗﺎﻝ ﺑﺼﻮﺕ ﻫﺎﺩﺭ ﻭﻗﺪ ﺍﺷﺘﻌﻠﺖ ﻋﻴﻨﺎﻩ ﺑﺎﻟﻐﻀﺐ :
- ﻣﻴﻦ ﺍﻟﻠﻰ ﻗﺎﻟﻚ ﻛﺪﻩ ؟
ﻗﺎﻟﺖ ﻟﻪ ﺑﺸﺊ ﻣﻦ ﺍﻷﺳﻰ :
- ﻋﻤﺘﻚ
ﻗﺎﻟﺖ ﺫﻟﻚ ﺛﻢ ﺍﻟﺘﻔﺘﺖ ﻭﻏﺎﺩﺭﺕ ﺍﻟﻤﻜﺎﻥ ﻭﺗﺮﻛﺘﻪ ﻭﻧﻴﺮﺍﻥ ﺍﻟﻐﻀﺐ ﺗﺸﺘﻌﻞ ﺑﺪﺍﺧﻠﻪ
ﻋﺎﺩ " ﻋﻤﺮ " ﺃﺩﺭﺍﺟﻪ ﺍﻟﻰ ﺍﻟﺒﻴﺖ ﻭﺻﺎﺡ ﺑﺼﻮﺕ ﻫﺎﺩﺭ :
- ﻋﻤﺘﻮ .. ﻋﻤﺘﻮ
ﺩﺧﻞ ﻏﺮﻓﺔ ﺍﻟﻤﻌﻴﺸﺔ ﻭﻟﻢ ﻳﺠﺪ ﺑﻬﺎ ﺃﺣﺪﺍً .. ﺻﻌﺪ ﺍﻟﻰ ﻏﺮﻓﺔ ﻋﻤﺘﻪ ﻭﻃﺮﻕ ﺍﻟﺒﺎﺏ .. ﻓﺘﺤﺖ ﻋﻤﺘﻪ .. ﻭﺍﻟﺘﻰ ﻛﺎﻧﺖ " ﺍﻳﻨﺎﺱ " ﻋﻨﺪﻫﺎ ﻓﻰ ﻏﺮﻓﺘﻬﺎ .. ﻗﺎﻟﺖ ﻣﺪﺍﻡ " ﺛﺮﻳﺎ " ﺑﺒﺮﻭﺩ :
- ﺧﻴﺮ ﻓﻰ ﺍﻳﻪ .. ﺃﻛﻴﺪ ﻣﺼﻴﺒﻪ ﺗﺎﻧﻴﻪ ﻣﻦ ﻣﺼﺎﻳﺐ ﺍﻟﻬﺎﻧﻢ ﻭﺃﻫﻠﻬﺎ
ﻧﻈﺮ " ﻋﻤﺮ " ﺍﻟﻴﻬﺎ ﺑﻐﻀﺐ ﻭﻗﺪ ﻛﺎﻥ ﻓﻰ ﻗﻤﺔ ﺛﻮﺭﺗﻪ ﻗﺎﺋﻼً :
- ﺍﻧﺘﻰ ﻗﻮﻟﺘﻰ ﺍﻳﻪ ﻟـ " ﻳﺎﺳﻤﻴﻦ " ؟
ﻓﺘﺢ ﻭﺍﻟﺪﻩ ﺑﺎﺏ ﺍﻟﻐﺮﻓﺔ ﻟﻴﺨﺮﺝ ﻫﻮ ﻭﻭﺍﻟﺪﺗﻪ .. ﻗﺎﻟﺖ " ﻛﺮﻳﻤﻪ " :
- ﻓﻰ ﺍﻳﻪ ﺑﺘﺰﻋﻖ ﻟﻴﻪ ﻳﺎ " ﻋﻤﺮ "
ﻇﻞ " ﻋﻤﺮ " ﻳﻨﻈﺮ ﺍﻟﻰ ﻋﻤﺘﻪ ﻭﺳﺄﻟﻬﺎ ﻣﺮﺓ ﺃﺧﺮﻯ ﺑﻐﻀﺐ :
- ﻗﻮﻟﺘﻰ ﺍﻳﻪ ﻟـ " ﻳﺎﺳﻤﻴﻦ " ﻳﺎ ﻋﻤﺘﻮ ؟
ﺍﻫﺘﺰﺕ ﻣﺪﺍﻡ " ﺛﺮﻳﺎ " ﻗﻠﻴﻼ ﻟﻜﻨﻬﺎ ﺗﻤﺎﺳﻜﺖ ﺑﺴﺮﻋﺔ ﻭﻗﺎﻟﺖ :
- ﻭﺃﻧﺎ ﻫﻘﻮﻟﻬﺎ ﺍﻳﻪ ﻳﻌﻨﻲ
ﻋﺾ " ﻋﻤﺮ " ﻋﻠﻰ ﺷﻔﺘﻴﻪ ﻓﻰ ﻏﻴﻆ ﺛﻢ ﻗﺎﻝ :
- ﻳﻌﻨﻲ ﻣﺎ ﻗﻮﻟﺘﻴﻠﻬﺎﺵ ﺍﻧﻬﺎ ﻣﺶ ﻣﻨﺎﺳﺒﻪ ﻟﻌﻴﻠﺘﻨﺎ ﻭﻣﺶ ﻣﻦ ﻣﺴﺘﻮﺍﻧﺎ ﻭﺍﻧﻰ ﻟﻮ ﺍﺗﺠﻮﺯﺗﻬﺎ ﻫﺘﻄﻠﻖ ﻟﻠﻤﺮﺓ ﺍﻟﺘﺎﻧﻴﻪ ؟
ﺷﻬﻘﺖ " ﻛﺮﻳﻤﺔ " ﻭﻧﻈﺮﺕ ﺍﻟﻰ " ﺛﺮﻳﺎ " ﻓﻰ ﺩﻫﺸﺔ .. ﻗﺎﻝ " ﻧﻮﺭ " ﻣﻮﺟﻬﺎً ﻛﻼﻣﻪ ﻟـ " ﺛﺮﻳﺎ " :
- ﺍﻟﻜﻼﻡ ﺩﻩ ﺻﺢ ﻳﺎ " ﺛﺮﻳﺎ "
ﻫﺘﻔﺖ " ﺍﻳﻨﺎﺱ " ﻓﻰ ﻏﻀﺐ :
- ﺍﻳﻪ ﻓﻰ ﺍﻳﻪ .. ﻛﻠﻜﻮﺍ ﻋﻠﻴﻬﺎ ﻛﺪﻩ ﻟﻴﻪ .. ﻫﻰ ﻏﻠﻄﺖ ﻓﻰ ﻣﻴﻦ ﻳﻌﻨﻲ .. ﺣﺘﺖ ﺑﺖ ﻣﻔﻌﻮﺻﻪ ﻓﺎﻛﺮﺓ ﻧﻔﺴﻬﺎ ﺣﺎﺟﻪ
ﺍﻟﺘﻔﺖ ﺍﻟﻴﻬﺎ " ﻋﻤﺮ " ﻗﺎﺋﻼ ﺑﺤﺰﻡ :
- ﺧﻠﻴﻜﻲ ﺍﻧﺘﻰ ﺑﺮﻩ ﺍﻟﻤﻮﺿﻮﻉ ﻳﺎ " ﺍﻳﻨﺎﺱ "
ﻗﺎﻟﺖ ﻟﻪ " ﺍﻳﻨﺎﺱ " ﺑﺴﺨﺮﻳﻪ :
- ﺍﻟﺒﻨﺖ ﺍﻟﻠﻰ ﺍﻧﺖ ﻣﺤﻤﻮﻕ ﻋﺸﺎﻧﻬﺎ ﺃﻭﻯ ﻛﺪﻩ ﺍﻧﺖ ﺍﺻﻼ ﻣﺶ ﻓﻰ ﺩﻣﺎﻏﻬﺎ .. ﻭﻻ ﺗﻔﺮﻕ ﻣﻌﺎﻫﺎ ﺣﺎﺟﻪ .. ﺩﻯ ﻗﺎﻟﺘﻠﻰ ﺑﻌﻀﻤﺔ ﻟﺴﺎﻧﻬﺎ ﺍﻥ ﺃﻯ ﻛﻼﻡ ﻋﻨﻚ ﻣﻴﺨﺼﻬﺎﺵ .. ﻳﺒﺄﻩ ﻟﻴﻪ ﺑﺄﻩ ﺍﻧﺖ ﺣﺎﻣﻖ ﻧﻔﺴﻚ ﻋﺸﺎﻧﻬﺎ ﺃﻭﻯ ﻛﺪﻩ
ﺍﻟﺘﻔﺖ " ﻋﻤﺮ " ﺍﻟﻰ " ﺍﻳﻨﺎﺱ " ﺑﺒﻂﺀ ﻭﻗﺎﻝ ﻟﻬﺎ ﺑﺼﺮﺍﻣﻪ :
- ﻧﻌﻢ ؟ .. ﻭﺍﻧﺘﻰ ﺍﺗﻜﻠﻤﺘﻰ ﻣﻌﺎﻫﺎ ﺍﻣﺘﻰ ﺍﻧﺘﻰ ﻛﻤﺎﻥ ؟
ﺑُﻬﺘﺖ " ﺍﻳﻨﺎﺱ " ﻭﻗﺪ ﺷﻌﺮﺕ ﻓﻰ ﻧﻔﺴﻬﺎ ﺑﺎﻟﺤﻤﺎﻗﺔ ﻟﺰﻟﺔ ﻟﺴﺎﻧﻬﺎ ﺗﻠﻚ .. ﻓﺼﺎﺡ " ﻋﻤﺮ " ﺑﻐﻀﺐ ﺷﺮﺱ :
- ﺍﻧﻄﻘﻰ ﻗﻮﻟﺘﻴﻠﻬﺎ ﺍﻳﻪ ﺍﻧﺘﻰ ﻛﻤﺎﻥ ؟
ﺻﺎﺣﺖ ﻣﺪﺍﻡ " ﺛﺮﻳﺎ " ﺑﻐﻀﺐ :
- ﻷ ﻛﺪﻩ ﻛﺘﻴﺮ ﺃﻭﻯ .. ﺍﺣﻨﺎ ﺍﺗﻬﺰﺃﻧﺎ ﺑﻤﺎ ﻓﻴﻪ ﺍﻟﻜﻔﺎﻳﺔ ﻓﻰ ﺑﻴﺘﻚ ﻳﺎ " ﻧﻮﺭ .. " ﺷﺎﻳﻒ ﺍﺑﻨﻚ ﻃﺎﻳﺢ ﻓﻴﻨﺎ ﻭﺳﺎﻛﺖ .. ﻳﻼ ﻳﺎ " ﺍﻳﻨﺎﺱ " ﺣﻀﺮﻯ ﺷﻨﻄﺘﻚ ﻋﺸﺎﻥ ﻧﺮﺟﻊ ﺍﻟﻘﺎﻫﺮﺓ ﺣﺎﻻً
ﻗﺎﻟﺖ " ﻛﺮﻳﻤﻪ : "
- ﺍﺳﺘﻨﻰ ﺑﺲ ﻳﺎ " ﺛﺮﻳﺎ "
ﻫﺘﻔﺖ " ﺛﺮﻳﺎ " ﻗﺎﺋﻠﻪ :
- ﺃﺳﺘﻨﻰ ﺍﻳﻪ .. ﺃﺳﺘﻨﻰ ﻣﺎ ﺃﺗﻬﺰﺃ ﺃﻛﺘﺮ ﻣﻦ ﻛﺪﻩ
ﻧﻈﺮ ﺍﻟﻴﻬﺎ " ﻋﻤﺮ " ﺑﺒﺮﻭﺩ ﻗﺎﺋﻼً :
- ﺍﻧﺘﻰ ﻟﻴﻜﻰ ﻋﻼﻗﺔ ﺑﺤﺮﻕ ﺍﻟﻤﺨﺰﻥ ﻳﺎ ﻋﻤﺘﻮ ؟
ﻧﻈﺮﺕ ﺍﻟﻴﻪ " ﺛﺮﻳﺎ " ﺑﻐﻀﺐ ﻗﺎﺋﻠﻪ :
- ﺍﻳﻪ ﺍﻟﻠﻰ ﺍﻧﺖ ﺑﺘﻘﻮﻟﻪ ﺩﻩ ؟
ﻗﺎﻝ " ﻧﻮﺭ " ﻝ " ﻋﻤﺮ " :
" - ﻋﻤﺮ " ﻣﺘﺨﻠﻴﺶ ﻏﻀﺒﻚ ﻳﻌﻤﻴﻚ .. ﻣﻴﻨﻔﻌﺶ ﺗﻘﻮﻝ ﻟﻌﻤﺘﻚ ﻛﺪﻩ
ﻗﺎﻝ " ﻋﻤﺮ " ﺑﻨﻔﺲ ﺍﻟﺒﺮﻭﺩ :
- ﺃﻧﺎ ﻣﺘﻬﻤﺘﺶ ﺣﺪ ﺑﺤﺎﺟﻪ .. ﺃﻧﺎ ﺑﺴﺄﻝ ﺳﺆﺍﻝ
ﻗﺎﻟﺖ " ﺛﺮﻳﺎ " ﺑﻐﻀﺐ :
- ﻣﺠﺮﺩ ﺍﻧﻚ ﺗﺴﺄﻝ ﺳﺆﺍﻝ ﺯﻯ ﺩﻩ .. ﺩﻯ ﺣﺎﺟﻪ ﻣﺶ ﻣﻘﺒﻮﻟﻪ ﺃﺑﺪﺍً
ﻧﻈﺮ ﺍﻟﻴﻬﺎ " ﻋﻤﺮ " ﻧﻈﺔ ﻛﺄﻧﻬﺎ ﺳﻬﻢ ﺧﺎﺭﻕ ﻗﺎﺋﻼً :
- ﻫﻌﺮﻑ ﺍﻟﺤﻘﻴﻘﺔ ﻳﺎ ﻋﻤﺘﻮ .. ﺳﻤﻌﺎﻧﻰ .. ﻫﻌﺮﻓﻬﺎ
ﺛﻢ ﺗﺮﻛﻬﻢ ﻭﻏﺎﺩﺭ ﺍﻟﺒﻴﺖ .. ﺍﺗﺼﻞ ﺑﺮﺋﻴﺲ ﺍﻟﻌﻤﺎﻝ ﻗﺎﺋﻼً ﺑﺼﺮﺍﻣﺔ :
- ﺑﻜﺮﺓ ﺍﻟﺼﺒﺢ ﺗﺠﻤﻌﻠﻰ ﻛﻞ ﺍﻟﻠﻰ ﺷﻐﺎﻟﻴﻦ ﻓﻰ ﺍﻟﻤﺰﺭﻋﺔ ﺩﻱ .. ﺩﻛﺎﺗﺮﺓ ﻋﻤﺎﻝ ﻓﻼﺣﻴﻦ .. ﻛﻠﻬﻢ ﺗﺠﻤﻌﻬﻤﻠﻰ .. ﻣﻔﻬﻮﻡ
ﻗﺎﻝ ﺍﻟﺮﺟﻞ ﺑﺴﺮﻋﺔ :
- ﻣﻔﻬﻮﻡ ﻳﺎ ﺑﺸﻤﻬﻨﺪﺱ " ﻋﻤﺮ "
ﻗﻀﻰ " ﻋﻤﺮ " ﻟﻴﻠﺘﻪ ﺳﺎﻫﺮﺍً ﻛﺎﻥ ﻳﺸﻌﺮ ﺑﻐﻀﺐ ﺛﺎﺋﺮ ﻛﺎﻟﺒﺮﻛﺎﻥ ﺑﺪﺍﺧﻠﻪ .. ﻛﻴﻒ ﻟﻌﻤﺘﻪ ﺃﻥ ﺗﻘﻮﻝ ﻣﺜﻞ ﻫﺬﺍ ﺍﻟﻜﻼﻡ ﻟـ " ﻳﺎﺳﻤﻴﻦ " .. ﻛﻴﻒ ﺃﻣﻜﻨﻬﺎ ﺃﻥ ﺗﻔﻌﻞ ﺑﻪ ﺫﻟﻚ .. ﻛﻴﻒ ﺃﻣﻜﻨﻬﺎ ﺃﻥ ﺗﻜﻮﻥ ﻗﺎﺳﻴﻪ ﻟﻬﺬﻩ ﺍﻟﺪﺭﺟﺔ .. ﺷﻌﺮ ﺑﺮﻏﺒﺘﻪ ﻓﻰ ﺍﻟﺬﻫﺎﺏ ﺣﺎﻻً ﺍﻟﻰ " ﻳﺎﺳﻤﻴﻦ " ﻭﺃﻥ ﻳﺄﺧﺬﻫﺎ ﺑﻴﻦ ﺫﺭﻋﻴﻪ ﻭﻳﺰﻳﻞ ﻛﻞ ﺍﻟﻤﺨﺎﻭﻑ ﺍﻟﺘﻰ ﻓﻰ ﻗﻠﺒﻬﺎ ﺗﺠﺎﻫﻪ .. ﻟﻜﻨﻪ ﻗﺎﻝ ﻟﻨﻔﺴﻪ ﺻﺒﺮﺍً ﻳﺎ " ﻋﻤﺮ " ﻟﻴﺲ ﺍﻵﻥ .. ﻓﻠﺘﻜﺘﺸﻒ ﺣﻘﻴﻘﺔ ﺣﺮﻕ ﺍﻟﻤﺨﺰﻥ ﺃﻭﻻً
ﺃﺗﻰ ﺍﻟﺼﺒﺎﺡ ﻭﺍﺟﺘﻤﻊ ﺟﻤﻴﻊ ﺍﻟﻌﺎﻣﻠﻮﻥ ﺑﺎﻟﻤﺰﺭﻋﺔ ﻓﻰ ﺳﺎﺣﺔ ﻛﺒﻴﺮﺓ ﻓﻠﻢ ﺗﺘﺴﻊ ﺍﻟﻘﺎﻋﺔ ﻟﻬﺬﺍ ﺍﻟﻌﺪﺩ ﺍﻟﻜﺒﻴﺮ .. ﻛﺎﻥ ﻣﻦ ﺿﻤﻦ ﺍﻟﺤﻀﻮﺭ " ﻳﺎﺳﻤﻴﻦ " ﻭ " ﺭﻳﻬﺎﻡ " ﻭ " ﻋﺒﺪ ﺍﻟﺤﻤﻴﺪ " ﻭﺑﺎﻟﻄﺒﻊ " ﻛﺮﻡ " ﻭ " ﺃﻳﻤﻦ " .. ﻭﻗﻒ " ﻋﻤﺮ " ﻭﺗﺤﺖ ﻓﻰ ﻣﺎﻳﻚ ﺻﻐﻴﺮ ﻟﻴﺼﻞ ﺻﻮﺗﻪ ﺍﻟﻰ ﻫﺬﺍ ﺍﻟﺠﻤﻊ ﻭﻗﺎﻝ ﻟﻬﻢ ﺑﺼﺮﺍﻣﺔ ﺷﺪﻳﺪﺓ :
- ﻃﺒﻌﺎً ﻛﻠﻜﻢ ﺳﻤﻌﺘﻮﺍ ﻋﻦ ﺍﻟﺤﺮﻳﻖ ﺍﻟﻠﻰ ﺣﺼﻞ ﺍﻣﺒﺎﺭﺡ ﻓﻰ ﻣﺨﺰﻥ ﺍﻟﻌﻠﻒ .. ﺍﻟﻠﻰ ﻋﺎﻳﺰ ﺃﻗﻮﻟﻪ ﺍﻧﻰ ﻫﻌﺮﻑ ﺍﻟﻠﻰ ﻫﻌﻤﻞ ﻛﺪﻩ ﻳﻌﻨﻲ ﻫﻌﺮﻓﻪ .. ﻭﻟﻮ ﻭﻗﻊ ﻓﻰ ﺍﻳﺪﻱ ﺑﺠﺪ ﻣﺶ ﻫﺮﺣﻤﻪ ﻭﻫﺴﻠﻤﻪ ﻟﻠﺒﻮﻟﻴﺲ ﺑﺈﻳﺪﻱ ﻭﻫﺮﻓﻊ ﻋﻠﻴﻪ ﻗﻀﻴﺔ ﺑﻜﻞ ﺍﻟﺨﺴﺎﻳﺮ ﺍﻟﻠﻰ ﺣﺼﻠﺖ ﻓﻰ ﺍﻟﻤﺨﺰﻥ
ﺳﺎﺩ ﺍﻟﺼﻤﺖ ﻭﻛﺎﻥ ﺍﻷﻋﻴﻦ ﻛﻠﻬﺎ ﻣﺘﺮﻗﺒﺔ .. ﻓﺄﻛﻤﻞ " ﻋﻤﺮ " ﻭﻫﻮ ﻳﻨﻈﺮ ﺍﻟﻴﻬﻢ :
- ﻟﻜﻦ ﻟﻮ ﺍﻟﻠﻰ ﻋﻤﻞ ﻛﺪﻩ .. ﺟﻪ ﻭﺍﻋﺘﺮﻓﻠﻰ ﻭﻗﺎﻟﻰ ﻣﻴﻦ ﺍﻟﻠﻰ ﻭﺯﻩ .. ﻣﺶ ﻫﻮﺻﻞ ﺍﻟﻤﻮﺿﻮﻉ ﻟﻠﺒﻮﻟﻴﺲ ﻭﻻ ﻫﻄﺎﻟﺒﻪ ﺑﺘﻌﻮﻳﺾ
ﻧﻈﺮ ﺍﻟﺠﻤﻴﻊ ﺍﻟﻰ ﺑﻌﻀﻬﻢ ﺍﻟﺒﻌﺾ .. ﻭﺃﻛﻤﻞ " ﻋﻤﺮ " ﺑﻠﻬﺠﺔ ﺗﻬﺪﻳﺪ :
- ﻣﻔﻴﺶ ﺃﺩﻣﻚ ﺍﻻ ﺣﻠﻴﻦ ﺍﺗﻨﻴﻦ ﻳﺎ ﺗﻔﻀﻞ ﺳﺎﻛﺖ ﻭﻫﺠﻴﺒﻚ ﻳﻌﻨﻲ ﻫﺠﻴﺒﻚ ﻣﺶ ﻫﺘﻔﻠﺖ ﻣﻦ ﺗﺤﺖ ﺍﻳﺪﻱ .. ﻳﺎ ﺍﻣﺎ ﺗﻴﺠﻰ ﻭﺗﻌﺘﺮﻓﻠﻰ ﺑﻜﻞ ﺍﻟﻠﻰ ﺣﺼﻞ .. ﺃﺩﺍﻣﻚ ﺳﺎﻋﺘﻴﻦ ﻣﻦ ﺩﻟﻮﻗﺘﻰ ﻭﺑﻌﺪﻫﺎ ﺍﻋﺘﺒﺮ ﻋﺮﺿﻰ ﻣﻨﺘﻬﻰ ﻭﻫﺒﻠﻎ ﺍﻟﺒﻮﻟﻴﺲ ﻓﻮﺭﺍً
ﻗﺎﻝ ﺫﻟﻚ ﺛﻢ ﺗﻮﺟﻪ ﺍﻟﻰ ﻣﻜﺘﺒﻪ ﻭﺗﺒﻌﻪ " ﺃﻳﻤﻦ " ﻭ " ﻛﺮﻡ " ﻭﺳﺎﺩ ﺍﻟﻬﺮﺝ ﻭﺍﻟﻤﺮﺝ ﻭﺗﻌﺎﻟﺖ ﺍﻷﺻﻮﺍﺕ .. ﺩﺧﻞ ﺍﻷﺻﺪﻗﺎﺀ ﺍﻟﺜﻼﺛﻪ ﺍﻟﻤﻜﺘﺐ .. ﻭﻗﺎﻝ " ﺃﻳﻤﻦ " :
- ﺗﻔﺘﻜﺮ ﺍﻟﻠﻰ ﻋﻤﻞ ﻛﺪﻩ ﻫﻴﻴﺠﻰ ﻳﻌﺘﺮﻑ ﻓﻌﻼً
ﺯﻓﺮ " ﻋﻤﺮ " ﺑﻀﻴﻖ ﻗﺎﺋﻼً :
- ﻣﺶ ﻋﺎﺭﻑ .. ﺑﺲ ﻣﻜﻨﺶ ﻗﺪﺍﻣﻰ ﺣﺎﺟﻪ ﺗﺎﻧﻴﺔ ﺃﻋﻤﻠﻬﺎ ﻏﻴﺮ ﻛﺪﻩ
ﻗﺎﻝ " ﻛﺮﻡ " ﺑﺘﻔﺎﺋﻞ :
- ﺃﻧﺎ ﻭﺍﺛﻖ ﺍﻧﻪ ﻫﻴﻌﺘﺮﻑ .. ﺍﻟﻨﺎﺱ ﻫﻨﺎ ﻏﻼﺑﻪ ﻭﻋﻠﻰ ﺃﺩ ﺣﺎﻟﻬﻢ ﻭﺃﻛﻴﺪ ﻫﻴﺨﺎﻑ ﻋﻠﻰ ﻧﻔﺴﻪ ﻭﻋﻠﻰ ﺃﻫﻠﻪ ﻣﻦ ﺍﻟﻔﻀﺎﻳﺢ ﻭﺍﻟﺸﻮﺷﺮﺓ ﻭﺍﻟﺴﺠﻦ .. ﻭﻫﻮ ﻋﺎﺭﻑ ﺍﻧﻚ ﻭﺍﺻﻞ ﻭﺃﻛﻴﺪ ﻟﻴﻚ ﻣﻌﺎﺭﻑ ﻛﺒﺎﺭ .. ﺃﻧﺎ ﻭﺍﺛﻖ ﺍﻧﻪ ﻫﻴﻌﺘﺮﻑ
ﻣﺎ ﻫﻰ ﺍﻻ ﻟﺤﻈﺎﺕ ﻭﺳﻤﻌﻮﺍ ﻃﺮﻗﺎﺕ ﻋﻠﻰ ﺍﻟﺒﺎﺏ .. ﻧﻈﺮ ﺍﻟﺜﻼﺛﺔ ﺍﻟﻰ ﺑﻌﻀﻬﻢ ﺍﻟﺒﻌﺾ .. ﻓﺘﺢ " ﻛﺮﻡ " ﺍﻟﺒﺎﺏ ﻟﻴﺪﺧﻞ ﺷﺎﺏ ﺻﻐﻴﺮ ﻓﻰ ﺃﻭﺍﺋﻞ ﺍﻟﻌﺸﺮﻳﻨﺎﺕ .. ﻛﺎﻥ ﻳﺒﺪﻭ ﻋﻠﻴﻪ ﺍﻟﺨﻮﻑ ﻭﺍﻹﺿﻄﺮﺍﺏ .. ﺗﻮﺟﻪ ﺍﻟﻰ ﺍﻟﻤﻜﺘﺐ ﻧﻈﺮ ﺍﻟﻴﻪ " ﻋﻤﺮ " ﻣﻨﺘﻈﺮﺍً ﺃﻥ ﻳﺘﺤﺪﺙ ﻓﻘﺎﻝ ﻟـ " ﻋﻤﺮ " ﺑﺼﻮﺕ ﺧﺎﻓﺖ :
- ﺍﻧﺖ ﻓﻌﻠﺖ ﻳﺎ ﺑﺸﻤﻬﻨﺪﺱ ﻟﻮ ﺣﺪ ﺟﻪ ﺍﻋﺘﺮﻓﻠﻚ ﻣﺶ ﻫﺘﺴﻠﻤﻪ ﻟﻠﺒﻮﻟﻴﺲ ؟
ﺗﺒﺎﺩﻝ " ﺃﻳﻤﻦ " ﻭ " ﻛﺮﻡ " ﺍﻟﻨﻈﺮﺍﺕ ﻭﻗﺎﻝ " ﻋﻤﺮ " ﻣﺆﻛﺪﺍً ﺩﻭﻥ ﺃﻥ ﻳﺮﻓﻊ ﻧﻈﺮﻩ ﻋﻦ ﺍﻟﻔﺘﻰ :
- ﺃﻳﻮﺓ ﻣﺶ ﻫﺴﻠﻤﻪ ﻟﻠﺒﻮﻟﻴﺲ .. ﺑﺲ ﻳﻘﻮﻟﻰ ﻋﻠﻰ ﻛﻞ ﺣﺎﺟﻪ
ﺑﻠﻊ ﺍﻟﻔﺘﻰ ﺭﻳﻘﻪ ﺑﺼﻌﻮﺑﻪ ﻭﻛﺎﻥ ﻳﺒﺪﻭ ﻋﻠﻴﻪ ﺍﻟﺘﻮﺗﺮ ﺍﻟﺸﺪﻳﺪ .. ﻗﺎﻝ ﻟﻪ " ﻋﻤﺮ " :
- ﺍﻋﺪ
ﺟﻠﺲ ﺍﻟﻔﺘﻰ .. ﺻﻤﺖ ﻗﻠﻴﻼً ﺛﻢ ﻗﺎﻝ :
- ﺃﻧﺎ ﻭﺍﻟﻠﻪ ﻣﻜﻨﺖ ﻋﺎﻳﺰ ﺃﻋﻤﻞ ﻛﺪﻩ .. ﺑﺲ ﻫﻰ ﺍﻟﻠﻰ ﺃﻏﺮﺗﻨﻰ ﺑﺎﻟﻔﻠﻮﺱ .. ﻗﻮﻟﺘﻠﻬﺎ ﻷ .. ﺑﺲ ﻫﻰ ﻗﺎﻟﺘﻠﻰ ﺍﻥ ﻣﺤﺪﺵ ﻳﻌﺮﻑ ﺍﻥ ﺃﻧﺎ ﺍﻟﻠﻰ ﻋﻤﻠﺖ ﻛﺪﻩ
ﺟﻠﺲ " ﺃﻳﻤﻦ " ﻗﺒﺎﻟﺘﻪ .. ﻭﻭﻗﻒ " ﻛﺮﻡ " ﺧﻠﻔﻪ ﻳﻨﻈﺮﻭﻥ ﺍﻟﻰ ﺍﻟﻔﺘﻰ ﺍﻟﺬﻯ ﻳﺘﺤﺪﺙ ﻭﻫﻮ ﺧﺎﺋﻒ ﻣﺮﺗﺠﻒ .. ﺳﺄﻟﻪ " ﻋﻤﺮ " ﻗﺎﺋﻠﻪ :
- ﻫﻰ ﻣﻴﻦ ﺍﻟﻰ ﻗﺎﻟﺘﻚ ﻛﺪﻩ ؟ .. ﻭﻗﺎﻟﺘﻠﻚ ﺗﻌﻤﻞ ﺍﻳﻪ ﺑﺎﻟﻈﺒﻂ ؟
ﻗﺎﻝ ﺍﻟﻔﺘﻰ ﺷﺎﺭﺣﺎً :
- ﻗﺎﻟﺘﻠﻰ ﺍﺗﺼﻞ ﺑﺮﻗﻢ ﺍﺩﺗﻬﻮﻟﻰ ﻓﻰ ﻭﺭﻗﺔ ﻭﻗﺎﻟﺘﻠﻰ ﻫﺘﺮﺩ ﻋﻠﻴﺎ ﻭﺍﺣﺪﻩ ﺃﻗﻮﻟﻬﺎ ﺍﻟﺒﺸﻤﻬﻨﺪﺱ ﻋﻤﺮ ﻋﺎﻳﺰ ﻋﻢ " ﻋﺒﺪ ﺍﻟﺤﻤﻴﺪ " ﻓﻰ ﺍﻟﻤﺴﺘﺸﻔﻰ ﻭﺍﺩﻳﻬﺎ ﻋﻨﻮﺍﻥ ﻛﺎﻧﺖ ﻛﺘﺒﻬﻮﻟﻰ ﻓﻰ ﺍﻟﻮﺭﻗﺔ
ﺣﺜﻪ " ﻋﻤﺮ " ﺑﻠﻬﻔﻪ ﻗﺎﺋﻼً :
- ﻫﺎ ﻭﺑﻌﺪﻳﻦ ؟
ﺑﻠﻊ ﺍﻟﻔﺘﻰ ﺭﻳﻘﻪ ﺛﻢ ﻗﺎﻝ ﺑﺘﻮﺗﺮ :
- ﻋﻤﻠﺖ ﻛﺪﻩ .. ﻭﺑﻌﺪﻫﺎ ﺭﺍﻗﺒﺖ ﺍﻟﻤﺨﺰﻥ ﻟﺤﺪ ﻣﺎ ﺍﻟﺮﺍﺟﻞ ﺍﻟﻠﻰ ﻛﺎﻥ ﺟﻮﻩ ﺧﺮﺝ ﻣﻊ ﺑﻨﺖ .. ﻭﻗﻔﻞ ﺍﻟﻤﺨﺰﻥ ﺑﺎﻟﻘﻔﻞ .. ﻭﻫﻰ ﻛﺎﻧﺖ ﻣﺪﻳﺎﻧﻰ ﻣﻔﺘﺎﺡ ﺍﻟﻘﻔﻞ ﻓﺘﺤﺘﻪ ﻭﻭﻟﻌﺖ ﺳﺠﺎﺭﺓ ﻭﺭﻣﺘﻬﺎ ﺟﻤﺐ ﺳﻠﻚ ﻋﺮﻳﺘﻪ ﻭﻭﻟﻌﺖ ﻋﻮﺩ ﻛﺒﺮﻳﺖ ﻭﺭﻣﻴﺘﻪ ﻋﻠﻰ ﺍﻟﻌﻠﻒ ﻭﺍﺗﺄﻛﺪﺕ ﺍﻥ ﺍﻟﻨﺎﺱ ﻣﺴﻜﺖ ﻓﻴﻪ ﻭﺑﻌﺪﻳﻦ ﺧﺮﺟﺖ
ﻛﺎﻥ " ﻋﻤﺮ " ﻳﺴﺘﻤﻊ ﻓﻰ ﺫﻫﻮﻝ ﺛﻢ ﻗﺎﻝ :
- ﻣﻴﻦ ﻫﻰ ﺍﻟﻠﻰ ﻗﺎﻟﺘﻠﻚ ﺗﻌﻤﻞ ﻛﻞ ﺩﻩ ؟
ﺑﻠﻊ ﺍﻟﻔﺘﻰ ﺭﻳﻘﻪ ﻣﺮﺓ ﺃﺧﺮﻯ ﻭﻛﺎﻥ ﻗﺪ ﻭﺻﻞ ﺍﻟﻰ ﻗﻤﺔ ﺍﻟﺘﻮﺗﺮ ﺛﻢ ﻧﻈﺮ ﺍﻟﻰ ﺍﻟﺮﺟﺎﻝ ﺍﻟﺜﻼﺛﺔ ﺍﻟﺬﻳﻦ ﺗﻌﻠﻘﺖ ﺃﻋﻴﻨﻬﻢ ﺑﻪ ﺛﻢ ﺍﻟﺘﻔﺖ ﺍﻟﻰ " ﻋﻤﺮ " ﻗﺎﺋﻼ :
- ﺍﻟﺪﻛﺘﻮﺭﺓ " ﻣﻬﺎ "
ﺍﺗﺴﻌﺖ ﺃﻋﻴﻨﻬﻢ ﻣﻦ ﺍﻟﺪﻫﺸﺔ ﻭﻗﺎﻝ " ﺃﻳﻤﻦ " :
- ﺍﻟﺪﻛﺘﻮﺭﺓ " ﻣﻬﺎ " ﺑﺘﺎﻋﺔ ﺍﻟﻤﻌﻤﻞ ؟
ﺍﻭﻣﺄ ﺍﻟﻔﺘﻰ ﺭﺃﺳﻪ ﺑﺎﻟﻤﻮﺍﻓﻘﻪ
ﺷﻌﺮ " ﻋﻤﺮ " ﺑﺎﻟﺪﻫﺸﺔ ﻟﻤﺎﺫﺍ ﺗﻔﻌﻞ " ﻣﻬﺎ " ﺫﻟﻚ ؟ ﻭﻣﻦ ﺃﻳﻦ ﺣﺼﻠﺖ ﻋﻠﻰ ﻣﻔﺘﺎﺡ ﺍﻟﻤﺨﺰﻥ ؟
ﻗﺎﻝ ﺍﻟﻔﺘﻰ ﺑﻘﻠﻖ :
- ﻣﺶ ﻫﺘﺒﻠﻎ ﻋﻨﻰ ﻳﺎ ﺑﺸﻤﻬﻨﺪﺱ ﻣﺶ ﻛﺪﺓ
ﻧﻈﺮ ﺍﻟﻴﻪ " ﻋﻤﺮ " ﻗﺎﺋﻼً :
- ﻷ ﻣﺶ ﻫﺒﻠﻎ ﻋﻨﻚ .. ﻭﻣﺶ ﻫﻄﺎﻟﺒﻚ ﺑﺘﻌﻮﻳﺾ
ﺛﻢ ﻗﺎﻝ ﺑﺼﺮﺍﻣﺔ :
- ﻟﻜﻦ ﻫﺘﻤﺸﻰ ﻣﻦ ﺍﻟﻤﺰﺭﻋﺔ
ﻫﺘﻒ ﺍﻟﻔﺘﻰ ﻓﻰ ﻟﻮﻋﻪ :
- ﻟﻴﻪ ﻛﺪﺓ ﻳﺎ ﺑﺸﻤﻬﻨﺪﺱ
ﻗﺎﻝ " ﻋﻤﺮ " ﺑﻘﺴﻮﺓ :
- ﺍﺣﻤﺪ ﺭﺑﻨﺎ ﺍﻧﻰ ﻫﻜﺘﻔﻰ ﺑﻄﺮﺩﻙ .. ﻭﺍﺣﺪ ﻏﻴﺮﻳﻰ ﻛﺎﻥ ﺭﻣﺎﻙ ﻓﻰ ﺍﻟﺴﺠﻦ ﻣﻊ ﻛﻞ ﺍﻟﺨﺴﺎﻳﺮ ﺍﻟﻠﻰ ﺧﺴﺮﺗﻬﺎﻟﻰ .. ﺑﺲ ﺃﻧﺎ ﻭﻋﺪﺗﻚ ﻭﺃﻧﺎ ﻛﻠﻤﺘﻰ ﺳﻴﻒ ﻋﻠﻰ ﺭﻗﺒﺘﻰ .. ﺑﺶ ﻻﺯﻡ ﺗﻄﺮﺩ ﻋﺸﺎﻥ ﺍﻟﻠﻰ ﻳﺨﻮﻧﻰ ﻣﻠﻮﺵ ﻣﻜﺎﻥ ﻋﻨﺪﻯ .. ﻳﻼ ﺍﺗﻔﻀﻞ ﺭﻭﺡ ﻟﺮﺋﻴﺲ ﺍﻟﻌﻤﺎﻝ ﻭﺃﻧﺎ ﻫﻘﻮﻟﻪ ﻳﺪﻳﻠﻚ ﺷﻬﺮ ﻣﺮﺗﺐ ﻟﺤﺪ ﻣﺎ ﺗﻼﻗﻰ ﺷﻐﻞ .. ﻣﻊ ﺍﻧﻚ ﻣﺴﺘﺤﻘﺶ
ﺧﺮﺝ ﺍﻟﻔﺘﻰ ﻣﻄﺄﻃﺄ ﺍﻟﺮﺃﺱ .. ﺃﻏﻠﻖ " ﻛﺮﻡ " ﺍﻟﺒﺎﺏ ﻭﺍﻟﺘﻔﺖ ﺍﻟﻴﻬﻢ ﻗﺎﺋﻼً ﺑﺪﻫﺸﺔ :
- ﺍﻳﻪ ﺍﻟﻔﻴﻠﻢ ﺍﻟﻬﻨﺪﻯ ﺩﻩ .. " ﻣﻬﺎ " ﺩﻯ ﺍﻳﻪ ﻣﺼﻠﺤﺘﻬﺎ ﺍﻧﻬﺎ ﺗﻌﻤﻞ ﺣﺮﻛﺔ ﺗﻴﻴﻴﻴﻴﻴﻴﻴﻴﻴﻴﻴﻴﻲﻳﻴﺖ ﺯﻯ ﺩﻯ
ﻗﺎﻝ " ﻋﻤﺮ " ﺑﺤﺰﻡ :
- ﺃﻧﺎ ﻋﻨﺪﻯ ﺗﺨﻤﻴﻦ ﺑﺲ ﻫﺴﺘﻨﻰ ﻟﻤﺎ ﺃﺳﻤﻊ ﻣﻦ ﺍﻟﻠﻰ ﺍﺳﻤﻬﺎ " ﻣﻬﺎ " ﺩﻯ ﺑﻨﻔﺴﻲ .. ﺭﻭﺡ ﻫﺎﺗﻬﺎ ﻳﺎ " ﻛﺮﻡ " ﺑﺲ ﻣﺎ ﺗﻘﻮﻟﻬﺎﺵ ﺣﺎﺟﻪ
ﺫﻫﺐ " ﻛﺮﻡ " ﺍﻟﻰ ﺍﻟﻤﻌﻤﻞ ﻭﺃﺣﻀﺮ ﺍﻟﺪﻛﺘﻮﺭﺓ " ﻣﻬﺎ " ﺍﻟﺘﻰ ﻛﺎﻧﺖ ﺗﺸﻌﺮ ﺑﺘﻮﺗﺮ ﺑﺎﻟﻎ .. ﺩﺧﻠﺖ ﺍﻟﻤﻜﺘﺐ ﻓﻮﻗﻒ " ﻋﻤﺮ " ﻓﻰ ﻣﻮﺍﺟﻬﺘﻬﺎ ﻗﺎﺋﻼً :
- ﺟﺒﺘﻰ ﻣﻨﻴﻦ ﻣﻔﺘﺎﺡ ﺍﻟﻤﺨﺰﻥ ﻳﺎ ﺩﻛﺘﻮﺭﺓ ؟
ﺍﺭﺗﺒﻜﺖ " ﻣﻬﺎ " ﻭﻗﺎﻟﺖ :
- ﻣﺨﺰﻥ ﺍﻳﻪ ﻳﺎ ﺑﺸﻤﻬﻨﺪﺱ ﻣﺶ ﻓﺎﻫﻤﺔ
ﺻﺮﺥ " ﻋﻤﺮ " ﻓﻴﻬﺎ ﻗﺎﺋﻼً :
- ﺍﻧﺘﻰ ﻫﺘﺴﺘﻌﺒﻄﻰ .. ﻻ ﻣﺶ ﺃﻧﺎ ﺍﻟﻠﻰ ﻳﺘﻌﻤﻞ ﻋﻠﻴﺎ ﺍﻟﺸﻮﻳﺘﻴﻦ ﺩﻭﻝ .. ﻳﺎ ﺗﻘﻮﻟﻴﻠﻰ ﻋﻠﻰ ﻛﻞ ﺣﺎﺟﻪ ﻣﻦ ﺍﻷﻟﻒ ﻟﻠﻴﺎﺀ .. ﻟﻬﺮﻭﺡ ﺑﻨﻔﺴﻲ ﺩﻟﻮﻗﺘﻰ ﻭﺃﻋﻤﻠﻚ ﻣﺤﻀﺮ ﻓﻰ ﺍﻟﻘﺴﻢ ﻭﺷﻮﻓﻰ ﺑﺄﻩ ﺍﻟﻔﻀﺎﻳﺢ ﺍﻟﻠﻰ ﻫﺘﺤﺼﻠﻚ ﻣﻦ ﻭﺭﺍ ﺍﻟﻤﻮﺿﻮﻉ ﺩﻩ
ﺑﻜﺖ " ﻣﻬﺎ " ﻭﻟﻢ ﺗﺴﺘﻄﻊ ﺍﻟﺘﺤﺪﺙ .. ﻓﻬﺘﻒ " ﻋﻤﺮ " ﺑﻐﻀﺐ :
- ﺧﻠﺼﻴﻨﻲ .. ﻣﺶ ﻫﻨﻌﺪ ﻃﻮﻝ ﺍﻟﻴﻮﻡ ﻓﻰ ﺍﻟﻨﺤﻨﺤﻪ ﺑﺘﺎﻋﺘﻚ ﺩﻯ
ﺛﻢ ﻗﺎﻝ :
- ﻣﻴﻦ ﺍﻟﻠﻰ ﺍﺩﺍﻛﻰ ﻣﻔﺘﺎﺡ ﺍﻟﻤﺨﺰﻥ ﻭﻗﺎﻟﻚ ﺗﻌﻤﻠﻰ ﻛﺪﻩ ؟
ﻗﺎﻟﺖ ﻣﻦ ﺑﻴﻦ ﺷﻬﻘﺎﺗﻬﺎ :
- ﻣﺪﺍﻡ " ﺛﺮﻳﺎ " ﻫﻰ ﺍﻟﻠﻰ ﻗﺎﻟﺘﻠﻰ ﺃﺷﻮﻑ ﻋﺎﻣﻞ ﻏﻠﺒﺎﻥ ﻭﺃﺩﻳﻪ ﻓﻠﻮﺱ ﻋﺸﺎﻥ ﻳﻌﻤﻞ ﻛﺪﻩ .. ﻭﺃﻫﺪﺩﻩ ﺍﻥ ﻟﻮ ﻓﺘﺢ ﺑﻘﻪ ﻫﻴﺘﺴﺠﻦ
ﻛﺎﻧﺖ ﺩﻫﺸﺔ " ﻛﺮﻡ " ﻭ " ﺃﻳﻤﻦ " ﻗﺪ ﻭﺻﻠﺖ ﻟﺬﺭﻭﺗﻬﺎ .. ﻗﺎﻝ " ﻋﻤﺮ " ﺑﺈﺣﺘﻘﺎﺭ :
- ﻣﻜﻨﺘﺶ ﺃﺗﺨﻴﻞ ﺍﻥ ﻭﺍﺣﺪﺓ ﻣﺘﻌﻠﻤﺔ ﺯﻳﻚ ﻭﺍﻟﻤﻔﺮﻭﺽ ﺍﻧﻬﺎ ﻣﺤﺘﺮﻣﺔ ﻭﺑﻨﺖ ﻧﺎﺱ ﺗﻌﻤﻞ ﻛﺪﻩ .. ﻓﺮﻗﺘﻰ ﺍﻳﻪ ﻉ ﻧﺎﻟﻤﺠﺮﻣﻴﻦ ﻭﺍﻟﺒﻠﻄﺠﻴﺔ ﻳﺎ ﺩﻛﺘﻮﺭﺓ .. ﺍﺗﻔﻀﻠﻰ ﻣﻦ ﺃﺩﺍﻣﻰ ﻭﻣﺎ ﺃﺷﻮﻓﺶ ﻭﺷﻚ ﻓﻰ ﺍﻟﻤﺰﺭﻋﺔ ﺩﻯ ﺗﺎﻧﻰ
ﻧﻈﺮﺕ ﺍﻟﻴﻪ ﺑﺎﻛﻴﻪ ﻭﻗﺎﻟﺖ :
- ﺑﺸﻤﻬﻨﺪﺱ " ﻋﻤﺮ " ﺃﻧﺎ ﺁﺳﻔﻪ .. ﺃﻧﺎ ﻣﻜﻨﺶ ﻗﺼﺪﻯ .. ﺃﻧﺎ .......
ﺻﺮﺥ ﻓﻴﻬﺎ " ﻋﻤﺮ " ﻗﺎﺋﻼ :
- ﺑﻘﻮﻟﻚ ﺍﺗﻔﻀﻠﻰ ﺍﻃﻠﻌﻰ ﺑﺮﻩ ﺍﻟﻤﺰﺭﻋﺔ .. ﺳﻤﻌﺘﻰ ﻭﻻ ﺳﻤﻌﻚ ﺗﻘﻞ .. ﻭﺍﺑﻘﻰ ﺧﻠﻰ ﻋﻤﺘﻰ ﺗﻨﻔﻌﻚ
ﺧﺮﺟﺖ " ﻣﻬﺎ " ﺗﺠﺰ ﺃﺫﻳﺎﻝ ﺍﻟﺨﻴﺒﺔ .. ﺫﻫﺒﺖ ﺍﻟﻰ ﺍﻟﻤﻌﻤﻞ ﻭﺃﺣﻀﺮﺕ ﺣﻘﻴﺒﺘﻬﺎ ﻭﺧﺮﺟﺖ ﻭﻫﻰ ﺗﺤﺎﻭﻝ ﺗﻤﺎﻟﻚ ﻧﻔﺴﻬﺎ ﻣﻦ ﺍﻟﺒﻜﺎﺀ ﺍﻟﺬﻯ ﻋﺼﻒ ﺑﻬﺎ
ﺿﺮﺏ " ﺃﻳﻤﻦ " ﻛﻔﺎً ﺑﻜﻒ ﻗﺎﺋﻼً :
- ﺍﻧﺎ ﻣﺶ ﻣﺼﺪﻕ ﺍﻟﻠﻰ ﺣﺼﻞ .. ﻟﻴﻪ ﻋﻤﺘﻚ ﺗﻌﻤﻞ ﻛﺪﻩ ﻳﺎ " ﻋﻤﺮ "
ﻗﺎﻝ " ﻋﻤﺮ " :
- ﺃﻧﺎ ﻋﺮﺍﻑ ﻟﻴﻪ ﻋﻤﻠﺖ ﻛﺪﺓ
ﺛﻢ ﻧﻬﺾ ﻭﺗﻮﺟﻪ ﺍﻟﻰ ﺑﻴﺖ ﺍﻟﻤﺰﺭﻋﺔ .. ﺩﺧﻞ ﻓﻮﺟﺪ ﺍﻟﺠﻤﻴﻊ ﻓﻰ ﻏﺮﻓﺔ ﺍﻟﻤﻌﻴﺸﺔ ﻛﺎﻟﻌﺎﺩﺓ .. ﻋﻨﺪﻣﺎ ﺩﺧﻞ ﺃﺷﺎﺣﺖ ﻋﻤﺘﻪ ﺑﻮﺟﻬﻬﺎ ﻭﻧﻈﺮﺕ ﺍﻟﻰ ﺍﻟﺠﻬﻪ ﺍﻷﺧﺮﻯ ﻓﻰ ﺗﻌﺎﻟﻰ .. ﻓﻮﻗﻒ ﺃﻣﺎﻣﻬﺎ ﻗﺎﺋﻼً :
- ﺍﻟﻌﺎﻣﻞ ﺍﻟﻠﻰ ﺣﺮﻕ ﺍﻟﻤﺨﺰﻥ .. ﻭﺍﻟﺪﻛﺘﻮﺭﺓ " ﻣﻬﺎ " ﺍﻟﻠﻰ ﻭﺻﻠﺘﻠﻪ ﺗﻌﻠﻴﻤﺎﺗﻚ .. ﺍﻻﺗﻨﻴﻦ ﺍﻃﺮﺩﻭﺍ ﻣﻦ ﺍﻟﻤﺰﺭﻋﺔ
ﺑُﻬﺘﺖ ﻣﺪﺍﻡ " ﺛﺮﻳﺎ " ﺣﺘﻰ ﺃﻥ ﻛﻮﺏ ﺍﻟﺸﺎﻯ ﺍﻟﺬﻯ ﺗﺤﻤﻠﻪ ﺃﺧﺬ ﻳﺘﺮﺍﻗﺺ ﺑﻴﻦ ﻳﺪﻳﻬﺎ ﺍﻟﻤﺮﺗﺠﻔﺔ .. ﺃﻛﻤﻞ " ﻋﻤﺮ " ﻗﺎﺋﻼً ﺑﺈﺣﺘﻘﺎﺭ :
- ﻛﻞ ﺩﻩ ﻋﺸﺎﻥ ﺗﺒﻌﺪﻳﻬﺎ ﻋﻨﻰ .. ﻛﻞ ﺩﻩ ﻋﺸﺎﻥ ﺗﻜﺮﻫﻴﻨﻲ ﻓﻴﻬﺎ ﻭﻓﻰ ﺃﻫﻠﻬﺎ .. ﺯﻯ ﻣﺎ ﺭﻭﺣﺘﻰ ﺗﻜﺮﻫﻴﻬﺎ ﻓﻴﺎ .. ﺃﻧﺎ ﻣﺶ ﻋﺎﺭﻑ ﺍﻧﺘﻰ ﺍﺯﺍﻯ ﻋﻤﺘﻰ ﻭﻣﻦ ﺩﻣﻰ
ﻭﻗﻔﺖ ﻣﺪﺍﻡ " ﺛﺮﻳﺎ " ﺩﻭﻥ ﺃﻥ ﺗﻨﻄﻖ ﺑﻜﻠﻤﺔ .. ﻭﺧﺮﺟﺖ ﻣﻦ ﺍﻟﻐﺮﻓﺔ ﻣﺴﺮﻋﺔ ﻟﺤﻘﺘﻬﺎ " ﺍﻳﻨﺎﺱ " .. ﺟﻠﺲ " ﻋﻤﺮ " ﻓﻰ ﻣﻮﺍﺟﻬﺔ ﻭﺍﻟﺪﻳﻪ ﻭﺷﺮﺡ ﻟﻬﻢ ﻛﻞ ﻣﺎ ﺣﺪﺙ .. ﺷﻌﺮ ﻭﺍﻟﺪﺍﻩ ﺑﺎﻷﺳﻒ ﻟﻤﺎ ﺣﺪﺙ .. ﻣﺎ ﻫﻰ ﺇﻻ ﺩﻗﺎﺋﻖ ﺣﺘﻰ ﻧﺰﻟﺖ " ﺛﺮﻳﺎ " ﻭ " ﺍﻳﻨﺎﺱ " ﻭﻗﺒﻞ ﺃﻥ ﺗﻐﺎﺩﺭ ﺩﺧﻠﺖ ﺍﻟﻰ ﻏﺮﻓﺔ ﺍﻟﻤﻌﻴﺸﺔ ﻭﻗﺎﻟﺖ ﺑﻨﺒﺮﻩ ﻣﺘﻌﺎﻟﻴﻪ :
- ﺃﻧﺎ ﻣﺎﺷﻴﺔ ﻭﻟﻤﺎ ﺗﺒﻘﻰ ﺗﺘﻌﻠﻢ ﺍﺯﺍﻯ ﺗﺘﻜﻠﻢ ﻣﻊ ﻋﻤﺘﻚ ﺃﺑﻘﻰ ﺁﺟﻰ
ﺛﻢ ﻏﺎﺩﺭﺕ ﻫﻰ ﻭﺍﺑﻨﺘﻬﺎ .. ﺍﺑﺘﺴﻢ " ﻋﻤﺮ " ﻓﻰ ﺳﺨﺮﻳﻪ ﻭﻫﺰ ﺭﺃﺳﻪ ..
ﺍﻧﺘﺸﺮ ﺧﺒﺮ ﻣﻌﺮﻓﺔ ﺍﻟﻌﺎﻣﻞ ﺍﻟﺬﻯ ﻗﺎﻡ ﺑﺤﺮﻕ ﺍﻟﻤﺨﺰﻥ ﻭﺗﻢ ﺗﺒﺮﺋﺔ " ﻋﺒﺪ ﺍﻟﺤﻤﻴﺪ " ﺃﻣﺎﻡ ﺍﻟﺠﻤﻴﻊ .. ﻭﻛﺎﻧﺖ ﺳﻌﺎﺩﺗﻪ ﻭﺳﻌﺎﺩﻩ ﺑﻨﺎﺗﻪ ﻻ ﺗﻮﺻﻒ ..
ﻓﻰ ﺍﻟﻤﺴﺎﺀ ﻭﻗﻔﺖ " ﻳﺎﺳﻤﻴﻦ " ﻓﻰ ﺍﻟﺸﺮﻓﺔ ﻣﻊ " ﺭﻳﻬﺎﻡ " ﻭﺍﻟﺘﻰ ﻗﺎﻟﺖ ﺑﻔﻀﻮﻝ :
- ﻧﻔﺴﻲ ﺃﻋﺮﻑ ﺍﻳﻪ ﺍﻟﻠﻰ ﺣﺼﻞ .. ﻭﺍﺯﺍﻯ ﺍﻛﺘﺸﻔﻮﻩ .. ﻭﻻ ﻫﻮ ﺍﻟﻠﻰ ﺭﺍﺡ ﺍﻋﺘﺮﻑ
ﻗﺎﻟﺖ " ﻳﺎﺳﻤﻴﻦ " ﺑﺤﻴﺮﻩ :
- ﻣﺶ ﻋﺎﺭﻓﻪ .. ﻣﺤﺪﺵ ﻋﺎﺭﻑ ﺍﻟﺘﻔﺎﺻﻴﻞ .. ﻫﻤﺎ ﻗﺎﻟﻮﺍ ﺑﺲ ﺍﻧﻬﻢ ﻋﺮﻓﻮﺍ ﺍﻟﻠﻰ ﻋﻤﻞ ﻛﺪﻩ
ﻗﺎﻟﺖ " ﺭﻳﻬﺎﻡ " ﺑﺘﺜﺎﺋﺐ :
- ﻃﻴﺐ ﺃﻧﺎ ﺩﺍﺧﻠﻪ ﺃﻧﺎﻡ ﺑﺄﻩ ﺳﻬﺮﺕ ﻛﺘﻴﺮ ﺍﻟﻨﻬﺎﺭﺩﺓ
ﺃﻭﻣﺄﺕ " ﻳﺎﺳﻤﻴﻦ " ﺑﺮﺃﺳﻬﺎ
ﻓﻘﺎﻟﺖ ﻟﻬﺎ " ﺭﻳﻬﺎﻡ : "
- ﻣﺶ ﻫﺘﻨﺎﻣﻰ
- ﻫﻘﻒ ﺷﻮﻳﺔ ﻭﺑﻌﺪﻳﻦ ﻫﺪﺧﻞ ﺃﻧﺎﻡ
ﺩﺧﻠﺖ " ﺭﻳﻬﺎﻡ " ﻭﺗﺮﻛﺖ ﺃﺧﺘﻬﺎ ﺳﺎﺑﺤﻪ ﻓﻰ ﺃﻓﻜﺎﺭﻫﺎ .. ﺗﺤﺎﻭﻝ ﺗﺨﻤﻴﻦ ﻣﺎ ﺣﺪﺙ .. ﻭﻛﻴﻒ ﺣﺪﺙ .. ﻭﻟﻤﺎ ﺣﺪﺙ ..
ﻓﻰ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻰ ﺗﻮﺟﻬﺖ ﺍﻟﻰ ﺷﺠﺮﺗﻬﺎ .. ﻭﻣﺎ ﺍﻥ ﻭﺻﻠﺖ ﺣﺘﻰ ﻭﺟﺪﺕ " ﻋﻤﺮ " ﺟﺎﻟﺴﺎً ﻫﻨﺎﻙ .. ﻟﻢ ﺗﻌﺪ ﻫﺬﻩ ﺷﺠﺮﺗﻬﺎ .. ﺃﻭ ﺷﺠﺮﺗﻪ .. ﺑﻞ ﺃﺻﺒﺤﺖ ﺷﺠﺮﺗﻬﻤﺎ .. ﻫﻤﺖ ﺑﺎﻹﻧﺼﺮﺍﻑ .. ﻟﻜﻨﻪ ﺃﻭﻗﻔﻬﺎ ﻗﺎﺋﻼً
- ﺍﺳﺘﻨﻰ ﻳﺎ " ﻳﺎﺳﻤﻴﻦ "
ﻟﻢ ﺗﺘﻮﻗﻒ ﺃﻛﻤﻠﺖ ﻃﺮﻳﻘﻬﺎ ﻓﺄﺳﺮﻉ ﻭﺍﻋﺘﺮﺽ ﻃﺮﻳﻘﻬﺎ ﻗﺎﺋﻼً :
- ﺍﻧﺘﻰ ﻛﺎﻥ ﻣﻌﺎﻛﻰ ﺣﻖ .. ﻋﻤﺘﻮ ﻓﻌﻼً ﻫﻰ ﺍﻟﻠﻰ ﻭﺭﺍ ﻣﻮﺿﻮﻉ ﺣﺮﻕ ﺍﻟﻤﺨﺰﻥ
ﻧﻈﺮﺕ ﺍﻟﻴﻪ ﺑﺪﻫﺸﺔ .. ﻓﺄﻛﻤﻞ ﻗﺎﺋﻼً :
- ﻭﻫﻰ ﻭ " ﺍﻳﻨﺎﺱ " ﺳﺎﺑﻮﺍ ﺍﻟﻤﺰﺭﻋﺔ ﺍﻣﺒﺎﺭﺡ ﻭﺭﺟﻌﻮﺍ ﺍﻟﻘﺎﻫﺮﺓ
ﻛﺎﻧﺖ ﻣﺎﺯﺍﻟﺖ ﺗﺤﺖ ﺗﺄﺛﻴﺮ ﺍﻟﻤﻔﺎﺟﺄﻩ .. ﻧﻈﺮ ﻓﻰ ﻋﻴﻨﻴﻬﺎ ﻭﺃﻛﻤﻞ ﺑﺼﻮﺕ ﺭﺧﻴﻢ :
- ﻋﺎﻳﺰ ﺑﺲ ﺃﻓﻬﻤﻚ ﺣﺎﺟﻪ
ﻧﻈﺮﺕ ﺍﻟﻴﻪ ﻓﺄﻛﻤﻞ ﻗﺎﺋﻼً :
- ﻣﺶ ﻋﺎﻳﺰﻙ ﺗﺨﺎﻓﻰ ﻣﻨﻰ .. ﺃﻭ ﻣﻦ ﺣﺪ ﻣﻦ ﺃﻫﻠﻰ .. ﻣﺎﻣﺎ ﻭﺑﺎﺑﺎ ﻣﻮﺍﻓﻘﻴﻦ .. ﻭﺃﻧﺎ ﻣﻴﻬﻤﻨﻴﺶ ﺭﺃﻯ ﺣﺪ ﻏﻴﺮﻫﻢ .. ﻭﺃﻧﺎ ﻭﺍﺛﻖ ﻟﻮ ﺍﺗﻌﺮﻓﺘﻰ ﻋﻠﻴﻬﻢ ﻫﺘﺤﺒﻴﻬﻢ ﻭﻫﻴﺤﺒﻮﻛﻰ
ﺻﻤﺖ ﻗﻠﻴﻼ ﺛﻢ ﻗﺎﻝ ﻭﻋﻴﻨﺎﻩ ﺗﻐﻮﺻﺎﻥ ﻓﻰ ﺑﺤﺮ ﻋﻴﻨﻴﻨﻬﺎ :
- ﺯﻯ ﻣﺎ ﺃﻧﺎ ﺑﺤﺒﻚ ﺑﺎﻟﻈﺒﻂ
ﺷﻌﺮﺕ " ﻳﺎﺳﻤﻴﻦ " ﺑﺤﺮﺍﺭﺓ ﺗﺴﺮﻯ ﻓﻰ ﺟﺴﺪﻫﺎ ﻛﻠﻪ .. ﺃﺭﺍﺩﺕ ﺍﻟﻬﺮﺏ ﻟﻜﻨﻪ ﺳﺪ ﻃﺮﻳﻘﻬﺎ ﺛﺎﻧﻴﺔ ﻗﺎﺋﻼً :
- ﻭﺍﻟﻠﻪ ﺍﻟﻌﻈﻴﻢ ﺑﺤﺒﻚ .. ﻭﻣﺶ ﻣﻤﻜﻦ ﺃﺳﻴﺒﻚ ﺃﺑﺪﺍً " .. ﻳﺎﺳﻤﻴﻦ " ﺃﻧﺎ ﻟﻮ ﺍﺗﺠﻮﺯﺗﻚ ﻣﺴﺘﺤﻴﻞ ﺃﺳﻴﺒﻚ ﺃﺑﺪﺍً
ﻧﻈﺮﺕ ﺍﻟﻴﻪ ﻭﺑﺪﺍﺧﻠﻬﺎ ﺣﻴﺮﺓ ﻛﺒﻴﺮﺓ ﺗﺘﺨﺒﻂ ﺑﻬﺎ .. ﻗﺎﻝ ﻟﻬﺎ ﺑﺼﻮﺕ ﻫﺎﻣﺲ :
- ﻗﻮﻟﻴﻠﻰ ﺧﺎﻳﻔﻪ ﻣﻦ ﺍﻳﻪ ﺗﺎﻧﻰ ﻭﺃﻧﺎ ﺍﻃﻤﻨﻚ .. ﻗﻮﻟﻴﻠﻰ ﺍﻳﻪ ﺗﺎﻧﻰ ﺑﺎﻋﺪﻙ ﻋﻨﻰ ﻭﺃﻧﺎ ﺃﺷﻴﻠﻪ ﻣﻦ ﻃﺮﻳﻘﻨﺎ
ﺟﻒ ﺣﻠﻘﻬﺎ .. ﻟﻢ ﺗﺴﺘﻄﻊ ﺍﻟﻨﻄﻖ .. ﺣﺎﻭﻟﺖ ﺍﻟﻬﺮﺏ ﻟﻠﻤﺮﺓ ﺍﻟﺜﺎﻟﺜﻪ ﻟﻜﻨﻪ ﻛﺎﻥ ﻟﻬﺎ ﺑﺎﻟﻤﺮﺻﺎﺩ .. ﺍﺑﺘﺴﻢ ﻗﺎﺋﻼً ﺑﺮﻗﻪ :
- ﻣﺶ ﻫﺴﻴﺒﻚ ﺗﻬﺮﺑﻰ .. ﻗﻮﻟﻴﻠﻰ ﺍﻳﻪ ﺗﺎﻧﻰ ﺑﻌﺪﻙ ﻋﻨﻰ
ﻧﻈﺮﺕ ﺍﻟﻴﻪ ﻗﺎﺋﻠﻪ ﺑﻬﺪﻭﺀ :
- ﺭﻏﻢ ﻛﻞ ﺍﻟﻠﻰ ﺍﻧﺖ ﻗﻮﻟﺘﻪ ﺩﻩ ﺃﻧﺎ ﻣﺶ ﻋﺎﺭﻓﻪ ﺃﺛﻖ ﻓﻴﻚ .. ﻻﻧﻚ ﻭﺍﺣﺪ ﻣﺒﺎﺩﺋﻚ ﻏﻴﺮ ﻣﺒﺎﺩﺋﻰ .. ﺍﻧﺖ ﻓﻰ ﺣﻴﺎﺗﻚ ﺣﺎﺟﺎﺕ ﻛﺘﻴﺮ ﻏﻠﻂ ﺃﻧﺎ ﻣﺶ ﻣﻤﻜﻦ ﺃﻗﺒﻠﻬﺎ .. ﻣﻤﻜﻦ ﻟﻮ ﺳﻤﺤﺖ ﺗﺴﻴﺒﻨﻰ ﺃﻣﺸﻰ .. ﻻﻥ ﻣﻴﻨﻔﻌﺶ ﻭﻗﻔﺘﻨﺎ ﻛﺪﻩ
ﺻﻤﺖ ﺑﺮﻫﻪ .. ﺛﻢ ﻧﻈﺮ ﺍﻟﻴﻬﺎ ﺑﺘﺼﻤﻴﻢ ﻗﺎﺋﻼً :
- ﻭﺃﻧﺎ ﻫﻌﺮﻑ ﺍﺯﺍﻯ ﺃﺧﻠﻴﻜﻲ ﺗﺜﻘﻰ ﻓﻴﺎ .. ﻟﻮ ﻫﻰ ﻣﺸﻜﻠﺔ ﺛﻘﻪ .. ﻓﺄﻧﺎ ﻫﻌﺮﻑ ﺃﺧﻠﻴﻜﻲ ﺗﺜﻘﻰ ﻓﻴﺎ ﻭﻫﺜﺒﺘﻠﻚ ﺍﻧﻰ ﺃﺳﺘﺎﻫﻞ ﻗﻠﺒﻚ ﻳﺎ " ﻳﺎﺳﻤﻴﻦ "
ﺛﻢ ﻗﺎﻝ ﻫﺎﻣﺴﺎً ﻭﺁﺷﻌﺔ ﻋﻴﻨﻴﻪ ﺍﻟﺴﻮﺩﺍﻭﻳﻦ ﺗﺨﺘﺮﻕ ﺃﻋﻤﺎﻕ ﺭﻭﺣﻬﺎ :
- ﻻﻧﻰ ﺑﺤﺒﻚ ﺑﺠﺪ .. ﻭﻧﻔﺴﻲ ﺗﻜﻮﻧﻰ ﻟﻴﺎ ﺯﻯ ﻣﺎ ﺃﻧﺎ ﺑﻘﻴﺖ ﺑﻜﻞ ﻣﺎ ﻓﻴﺎ ﻟﻴﻜﻲ ﺍﻧﺘﻰ .. ﻭﻣِﻠﻜﻚ ﺍﻧﺘﻰ .. ﻭﺭﺍﺟﻠﻚ ﺍﻧﺘﻰ .. ﻭﺍﻟﻠﻪ ﺍﻟﻌﻈﻴﻢ ﺑﺤﺒــﻚ ﺍﻧﺘﻰ .
ﻧﻈﺮﺕ ﺍﻟﻴﻪ ﻭﻫﻰ ﺗﺸﻌﺮ ﺑﺎﻟﺼﺪﻕ ﻓﻰ ﻛﻠﻤﺎﺗﻪ .. ﻭﻓﻰ ﻋﻴﻨﻴﻪ .. ﻭﻓﻰ ﺻﻮﺗﻪ .. ﻭﺃﻳﻘﻨﺖ ﺃﻧﻬﺎ ﺃﺻﺒﺤﺖ ﺑﻜﻞ ﻛﻴﺎﻧﻬﺎ .. ﻋﺎﺷﻘــﻪ ﻟــﻪ
