ﻟﻢ ﺗﺴﺘﻄﻊ " ﻳﺎﺳﻤﻴﻦ " ﺍﻟﻨﻮﻡ ﻃﻮﺍﻝ ﺍﻟﻠﻴﻞ ﻇﻠﺖ ﺗﻔﻜﺮ ﻓﻴﻤﺎ ﺭﺃﺗﻪ ﻳﻮﻡ ﺃﻣﺲ .. ﻛﺎﻥ ﺃﻛﺜﺮ ﻣﺎ ﺗﺨﺸﺎﻩ ﻫﻮ ﺃﻥ ﻳﺘﻢ ﺧﻴﺎﻧﺘﻬﺎ ﻟﻠﻤﺮﺓ ﺍﻟﺜﺎﻧﻴﺔ .. ﻭﻛﻞ ﻣﺎ ﺗﺮﺍﻩ ﻣﻦ " ﻋﻤﺮ " ﻳﺸﻌﺮﻫﺎ ﺑﺎﻟﺨﻮﻑ ﻭﺍﻟﺮﻏﺒﺔ ﻓﻰ ﺍﻟﻬﺮﺏ .. ﺣﻴﺎﺗﻪ ﻣﺨﺘﻠﻔﻪ ﻋﻦ ﺣﻴﺎﺗﻬﺎ .. ﺃﻓﻜﺎﺭﻩ ﻣﺨﺘﻠﻔﻪ ﻋﻦ ﺃﻓﻜﺎﺭﻫﺎ .. ﺣﺘﻰ ﻣﺒﺎﺩﺋﻪ ﻭﻗﻮﺍﻧﻴﻨﻪ ﻭﺣﺪﻭﺩﻩ ﻣﺨﺘﻠﻔﻪ ﺗﻤﺎﻣﺎً ﻋﻨﻬﺎ .. ﻛﺎﻧﺖ ﺗﻌﻠﻢ ﺃﻧﻪ ﺃﻋﻠﻦ ﺣﺮﺏ ﺿﺎﺭﻳﻪ ﻋﻠﻴﻬﺎ .. ﻭﺃﻧﻪ ﻣﺼﻤﻢ ﺃﻥ ﻳﻜﺴﺒﻬﺎ ﻭﻳﻔﺰ ﺑﻘﻠﺒﻬﺎ .. ﻟﻜﻨﻬﺎ ﺳﺘﻮﺍﺟﻬﻪ ﻭﺗﺤﺎﺭﺑﻪ ﻭﺗﺠﺒﺮﻩ ﻋﻠﻰ ﺃﻥ ﻳﻌﻮﺩ ﺻﻔﺮ ﺍﻟﻴﺪﻳﻦ .. ﻳﺠﺮ ﺃﺫﻳﺎﻝ ﺍﻟﻬﺰﻳﻤﺔ .. ﺳﺘﻌﻠﻤﻪ ﺃﻧﻬﺎ ﻟﻴﺴﺖ ﻛﻐﻴﺮﻫﺎ .. ﺍﻥ ﺃﺭﺍﺩ ﺃﻥ ﻳﺘﺴﻠﻰ ﻓﻠﻴﺒﺤﺚ ﻋﻦ ﻏﻴﺮﻫﺎ .. ﻷﻥ ﻗﻠﺒﻬﺎ ﻭﻣﺸﺎﻋﺮﻫﺎ ﺃﻏﻠﻰ ﻣﻦ ﺃﻥ ﺗﻬﺪﺭﻫﻢ ﻣﻊ ﺭﺟﻞ ﻳﺮﻳﺪ ﺧﻮﺽ ﺗﺠﺮﺑﻪ ﻣﻌﻬﺎ ﻭﺗﺬﻭﻕ ﺷﺊ ﻣﺨﺘﻠﻒ ﻋﻤﺎ ﺍﻋﺘﺎﺩﻩ .. ﻧﻬﻀﺖ ﻣﻦ ﻓﺮﺍﺷﻬﺎ ﻭﻫﻰ ﻣﺼﻤﻤﻪ ﻋﻠﻰ ﻣﻮﺍﺟﻬﺘﻪ .. ﻭﺃﻻ ﺗﺪﻉ ﻟﻪ ﺃﻯ ﺳﻠﻄﺎﻥ ﻋﻠﻰ ﻗﻠﺒﻬﺎ ﻭﻣﺸﺎﻋﺮﻫﺎ .. ﺗﻮﺿﺄﺕ ﻭﺻﻠﺖ ﺍﻟﻀﺤﻰ ﺛﻢ ﺍﺭﺗﺪﺕ ﻣﻼﺑﺴﻬﺎ ﻭﺫﻫﺒﺖ ﺍﻟﻰ ﻋﻤﻠﻬﺎ
.. ﺃﻧﻬﺖ " ﻳﺎﺳﻤﻴﻦ " ﻋﻤﻠﻬﺎ ﺑﺎﻟﻤﺰﺭﻋﺔ ﻭﺍﺗﺼﻠﺖ ﺑـ " ﺳﻤﺎﺡ " ﺗﺨﺒﺮﻫﺎ ﺑﺄﻧﻬﺎ ﺃﻧﻬﺖ ﻋﻤﻠﻬﺎ ﻣﺒﻜﺮﺍً ﻭﺑﺄﻧﻬﺎ ﺳﺘﺄﺗﻰ ﻟﻬﺎ ﺍﻵﻥ .. ﻭﺃﺧﺒﺮﺗﻬﺎ " ﺳﻤﺎﺡ " ﺃﻧﻬﺎ ﺑﺈﻧﺘﻈﺎﺭﻫﺎ .. ﺍﻟﺘﻔﺘﺖ " ﺳﻤﺎﺡ " ﺍﻟﻰ ﺯﻭﺟﻬﺎ ﻗﺎﺋﻠﻪ :
- ﻫﻰ ﺟﺎﻳﻪ ﻭﻓﺎﻛﺮﻩ ﺍﻥ ﺍﻧﺖ ﻣﺶ ﻣﻮﺟﻮﺩ .. ﻭﻃﺒﻌﺎً ﻣﺎ ﻗﻮﻟﺘﻠﻬﺎﺵ ﺍﻥ " ﻋﻤﺮ " ﻛﻤﺎﻥ ﻫﻴﻜﻮﻥ ﻣﻮﺟﻮﺩ
ﻗﺎﻝ " ﺃﻳﻤﻦ " :
- ﻛﻮﻳﺲ ﻛﺪﻩ
ﺳﺄﻟﺘﻪ " ﺳﻤﺎﺡ " ﺑﺈﺳﺘﻐﺮﺍﺏ :
- ﻧﻔﺴﻲ ﺃﻓﻬﻢ " ﻋﻤﺮ " ﻫﻴﺴﺘﻔﺎﺩ ﺍﻳﻪ ﻣﻦ ﻛﺪﻩ .. ﻳﻌﻨﻲ ﺍﺣﻨﺎ ﺃﺻﻼ ﻫﻨﻌﺪ ﻓﻰ ﻣﻜﺎﻥ ﻭﺍﻧﺘﻮﺍ ﻓﻰ ﻣﻜﺎﻥ
ﺍﺑﺘﺴﻢ " ﺃﻳﻤﻦ " ﻗﺎﺋﻼً :
" - ﺳﻤﺎﺡ ".. " ﻋﻤﺮ " ﺑﻴﺤﺒﻬﺎ ﻭﺑﻴﻤﻮﺕ ﻓﻴﻬﺎ .. ﻭﻫﻰ ﻣﺶ ﻣﺪﻳﺎﻟﻪ ﺃﻯ ﻓﺮﺻﻪ .. ﻓﻤﺠﺮﺩ ﻭﺟﻮﺩﻩ ﻓﻰ ﺍﻟﻤﻜﺎﻥ ﺍﻟﻠﻰ ﻫﻰ ﻣﻮﺟﻮﺩﻩ ﻓﻴﻪ ﺃﻛﻴﺪ ﺩﻩ ﺷﺊ ﻳﺴﻌﺪﻩ
ﺳﺄﻟﺘﻪ " ﺳﻤﺎﺡ " ﺑﺸﻚ :
- ﻫﻮ ﺑﺠﺪ " ﻋﻤﺮ " ﺑﻴﺤﺒﻬﺎ ؟
ﻗﺎﻝ " ﺃﻳﻤﻦ " ﻣﺆﻛﺪﺍً :
- ﺃﻳﻮﺓ ﻳﺎ " ﺳﻤﺎﺡ .. " ﺑﻴﺤﺒﻬﺎ
ﺗﻨﻬﺪﺕ " ﺳﻤﺎﺡ " ﻓﻰ ﺣﻴﺮﻩ ﻗﺎﺋﻠﻪ :
- ﺃﻧﺎ ﻣﺒﻘﺘﺶ ﻋﺎﺭﻓﻪ ﺣﺎﺟﻪ .. ﺭﺑﻨﺎ ﻳﻴﺴﺮﻟﻬﺎ ﺍﻟﺨﻴﺮ .. ﻷﻧﻬﺎ ﻣﺶ ﺣﻤﻞ ﺣﺪ ﻳﺠﺮﺣﻬﺎ ﺃﻭ ﻳﻠﻌﺐ ﺑﻴﻬﺎ ﻛﻔﺎﻳﻪ ﺃﻭﻯ ﺍﻟﻠﻰ ﺷﺎﻓﺘﻪ ﻟﺤﺪ ﺩﻟﻮﻗﺘﻰ
ﻗﺎﻝ " ﺃﻳﻤﻦ " ﺑﺜﻘﻪ :
- ﺃﻧﺎ ﻭﺍﺛﻖ ﺍﻥ " ﻋﻤﺮ " ﺑﻴﺤﺒﻬﺎ .. ﻭﻫﻴﻌﻮﺿﻬﺎ ﻋﻦ ﻛﻞ ﺍﻟﻠﻰ ﻫﻰ ﺷﺎﻓﺘﻪ ﻓﻰ ﺣﻴﺎﺗﻬﺎ .. ﻫﻰ ﺑﺲ ﺗﻮﺍﻓﻖ ﻋﻠﻴﻪ ﻭﺃﻧﺎ ﻭﺍﺛﻖ ﺍﻧﻬﺎ ﻣﺶ ﻫﺘﻨﺪﻡ
ﺑﻌﺪ ﻗﺮﺍﺑﺔ ﺍﻟﻨﺼﻒ ﺳﺎﻋﺔ ﺃﺗﺖ " ﻳﺎﺳﻤﻴﻦ .. " ﺃﺩﺧﻠﺘﻬﺎ " ﺳﻤﺎﺡ " ﻓﻰ ﻏﺮﻓﺔ ﺻﻐﻴﺮﺓ ﺑﺠﺎﻧﺐ ﺍﻟﻤﻄﺒﺦ ﺗﺤﺘﻮﻯ ﻋﻠﻰ ﺃﺭﻳﻜﺔ ﻭﺗﻠﻔﺎﺯ .. ﻭﺟﻠﺴﺘﺎ ﻣﻌﺎً .. ﺃﻏﻠﻘﺖ ﺍﻟﺒﺎﺏ ﻋﻠﻴﻬﻤﺎ ﻗﺎﺋﻠﻪ :
" - ﺃﻳﻤﻦ " ﺑﺮﻩ ﻭﻓﻰ ﻭﺍﺣﺪ ﺻﺎﺣﺒﻪ ﻣﻌﺰﻭﻡ ﻋﻠﻰ ﺍﻟﻐﺪﺍ
ﻗﺎﻟﺖ " ﻳﺎﺳﻤﻴﻦ " ﺑﺤﺮﺝ :
- ﻃﻴﺐ ﻣﺎ ﻗﻮﻟﺘﻠﻴﺶ ﻟﻴﻪ ﻛﻨﺖ ﺃﺟﻠﺘﻰ ﻋﺰﻭﻣﺘﻰ ﺃﻧﺎ ﻟﻴﻮﻡ ﺗﺎﻧﻰ
- ﻷ ﻭﺃﻧﺎ ﻣﺎﻟﻰ ﻭﻣﺎﻟﻬﻢ ﺃﺻﻼ ﻛﺪﻩ ﺃﺣﺴﻦ ﻛﻨﺖ ﻫﺒﻘﻰ ﺃﻋﺪﻩ ﻟﻮﺣﺪﻯ .. ﺃﺩﻳﻨﺎ ﺃﻋﺪﻳﻦ ﻧﺴﻠﻰ ﺑﻌﺾ .. ﻳﻼ ﻗﻮﻣﻰ ﺳﺎﻋﺪﻳﻨﻲ
ﺩﺧﻠﺖ " ﻳﺎﺳﻤﻴﻦ " ﻣﻊ " ﺳﻤﺎﺡ " ﺍﻟﻤﻄﺒﺦ .. ﻗﺎﻟﺖ " ﻳﺎﺳﻤﻴﻦ " :
- ﺍﻳﻪ ﺍﻟﻤﻜﺮﻭﻧﺔ ﻭﺍﻟﻠﺒﻦ ﺩﻩ ﺍﻧﺘﻰ ﻧﺎﻭﻳﺔ ﺗﻌﻤﻠﻰ ﺍﻳﻪ ؟
ﻗﺎﻟﺖ " ﺳﻤﺎﺡ " :
- ﻋﺎﻳﺰﺓ ﺃﻋﻤﻞ ﻣﻜﺮﻭﻧﺔ ﺑﺸﺎﻣﻴﻞ ﺟﻤﺐ ﺍﻷﻛﻞ
ﻗﺎﻟﺖ " ﻳﺎﺳﻤﻴﻦ " ﺑﺈﺳﺘﻐﺮﺍﺏ :
- ﻣﺎ ﺷﺎﺀ ﺍﻟﻠﻪ ﺍﻳﻪ ﻛﻞ ﺍﻷﻛﻞ ﺩﻩ ﻳﺎ " ﺳﻤﺎﺡ " ﺍﻧﺘﻰ ﻋﺎﺯﻣﺔ ﺟﻴﺶ
ﺿﺤﻜﺖ " ﺳﻤﺎﺡ " ﻗﺎﺋﻠﻪ :
- ﻳﺎ ﺳﺘﻰ ﺍﻟﻠﻰ ﻳﺘﺒﻘﻰ ﺃﺷﻴﻠﻪ ﻓﻰ ﺍﻟﻔﺮﻳﺰﺭ ﺃﻫﻮ ﻳﻨﻔﻊ ﻭﻗﺖ ﻣﺎ ﺍﻟﻮﺍﺣﺪ ﻳﺒﻘﻰ ﻃﺎﻟﺒﻪ ﻣﻌﺎﻩ ﻛﺴﻞ
- ﻃﻴﺐ ﺃﺳﺎﻋﺪﻙ ﻓﻰ ﺍﻳﻪ
ﺍﻗﺘﺮﺣﺖ " ﺳﻤﺎﺡ " ﻗﺎﺋﻠﻪ :
- ﺍﻧﺘﻰ ﺑﺘﻌﻤﻠﻰ ﺍﻟﻤﻜﺮﻭﻧﺔ ﺑﺎﻟﺒﺸﺎﻣﻴﻞ ﺗﺤﻔﺔ .. ﺍﻋﻤﻠﻴﻬﺎ ﺍﻧﺘﻰ ﻭﺃﻧﺎ ﺃﺳﻮﻯ ﺍﻟﻔﺮﺍﺥ
ﻋﻤﻠﺖ ﺍﻟﻔﺘﺎﺗﺎﻥ ﻣﻌﺎً .. ﺍﻟﻰ ﺃﻥ ﺭﻥ ﺟﺮﺱ ﺍﻟﺒﺎﺏ .. ﻓﺘﺢ " ﺃﻳﻤﻦ " .. ﻛﺎﻧﺖ " ﻳﺎﺳﻤﻴﻦ " ﺗﻌﺪ ﺍﻟﺴﻠﻄﺔ .. ﺗﺴﻤﺮﺕ ﻓﻰ ﻣﻜﺎﻧﻬﺎ ﻋﻨﺪﻣﺎ ﺳﻤﻌﺖ " ﺃﻳﻤﻦ " ﻳﻘﻮﻝ :
- ﺍﺗﻔﻀﻞ ﻳﺎ " ﻋﻤﺮ "
ﻭﻣﺎ ﻫﻰ ﺍﻻ ﻟﺤﻈﺎﺕ ﺣﺘﻰ ﺳﻤﻌﺖ ﺻﻮﺗﻪ ﺑﺎﻟﺨﺎﺭﺝ .. ﻧﻈﺮﺕ ﺍﻟﻰ " ﺳﻤﺎﺡ " ﺑﺪﻫﺸﺔ .. ﻓﻘﺎﻟﺖ " ﺳﻤﺎﺡ " ﻣﻌﺘﺬﺭﻩ :
- ﻫﻤﺎ ﺍﻟﻠﻰ ﻃﻠﺒﻮﺍ ﻣﻨﻰ ﺍﻧﻰ ﻣﺠﺒﺶ ﺳﻴﺮﻩ
ﻗﺎﻟﺖ " ﻳﺎﺳﻤﻴﻦ " ﺑﺈﺳﺘﻐﺮﺍﺏ :
- ﻣﺶ ﻓﺎﻫﻤﺔ .. ﻫﻮ ﻓﺎﻛﺮ ﺍﻧﻨﺎ ﻫﻨﻌﺪ ﻧﺎﻛﻞ ﻣﻊ ﺑﻌﺾ
ﻗﺎﻟﺖ " ﺳﻤﺎﺡ " ﺑﺴﺮﻋﺔ :
- ﻃﺒﻌﺎً ﻷ .. ﻫﻮ ﻋﺎﺭﻑ ﻧﻈﺎﻡ ﺑﻴﺘﻨﺎ
ﺗﺬﻛﺮﺕ " ﻳﺎﺳﻤﻴﻦ " ﻣﺎ ﺣﺪﺙ ﺍﻟﻠﻴﻠﺔ ﺍﻟﻤﺎﺿﻴﺔ ﻭﻭﻗﻮﻓﻪ ﻣﻊ " ﺍﻳﻨﺎﺱ " ﻭﺍﻗﺘﺮﺍﺑﻪ ﻣﻨﻬﺎ ﺍﻟﻰ ﻫﺬﺍ ﺍﻟﺤﺪ .. ﻓﻌﺎﻭﺩﻫﺎ ﻏﻀﺒﻬﺎ ﻣﻦ ﺟﺪﻳﺪ .. ﻻﺣﻈﺖ " ﺳﻤﺎﺡ " ﺗﻘﻄﻴﺒﻬﺎ ﻟﺠﺒﻴﻨﻬﺎ ﻓﺴﺄﻟﺘﻬﺎ ﻗﺎﺋﻠﻪ :
- ﺍﻧﺘﻰ ﻣﻀﺎﻳﻘﻪ ﺍﻧﻰ ﻣﺎ ﻗﻮﻟﺘﻠﻜﻴﺶ ﺍﻥ " ﻋﻤﺮ " ﺟﺎﻯ ؟
ﻫﺰﺕ " ﻳﺎﺳﻤﻴﻦ " ﺭﺃﺳﻬﺎ ﻧﻔﻴﺎً ﻗﺎﺋﻠﻪ :
- ﻷ ﻣﺶ ﻛﺪﻩ
- ﺃﻣﺎﻝ ﺍﻳﻪ ؟
ﻧﻈﺮﺕ " ﻳﺎﺳﻤﻴﻦ " ﺍﻟﻴﻬﺎ ﻗﺎﺋﻠﻪ :
- ﻧﺠﻬﺰ ﺍﻷﻛﻞ ﻭﺃﺣﻜﻴﻠﻚ
ﺟﻬﺰﺕ " ﺳﻤﺎﺡ " ﺍﻟﻄﻌﺎﻡ ﻋﻠﻰ ﺍﻟﺴﻔﺮﺓ .. ﺭﻓﻀﺖ " ﻳﺎﺳﻤﻴﻦ " ﻣﺴﺎﻋﺪﺗﻬﺎ .. ﻛﺎﻧﺖ ﺗﺮﻳﺪ ﺃﻥ ﺗﻘﻄﻊ ﻋﻠﻴﻪ ﺃﻯ ﻃﺮﻳﻖ ﻟﻠﺘﻮﺍﺻﻞ .. ﺇﺫﺍ ﻛﺎﻥ ﻳﻤﻨﻰ ﻧﻔﺴﻪ ﺍﻟﻴﻮﻡ ﺑﺮﺅﻳﺘﻬﺎ ﻭﺍﻟﺘﺤﺪﺙ ﻣﻌﻬﺎ ﺧﺎﺭﺝ ﺍﻟﻤﺰﺭﻋﺔ ﻓﺴﻮﻑ ﺗﺠﻌﻠﻪ ﻳﻌﻮﺩ ﺑﺨﻔﻲ ﺣﻨﻴﻦ .. ﺍﻟﺘﻔﺖ ﺍﻟﺼﺪﻳﻘﺘﺎﻥ ﺣﻮﻝ ﻃﺎﻭﻟﺔ ﻃﻌﺎﻡ ﺻﻐﻴﺮﻩ ﻓﻰ ﺍﻟﻤﻄﺒﺦ .. ﻭﺍﻟﺘﻒ ﺍﻟﺼﺪﻳﻘﺎﻥ ﺣﻮﻝ ﻃﺎﻭﻟﺔ ﺍﻟﻄﻌﺎﻡ ﻓﻰ ﺣﺠﺮﺓ ﺍﻟﺴﻔﺮﺓ .. ﻧﻈﺮ " ﻋﻤﺮ " ﺍﻟﻰ ﺍﻟﻄﻌﺎﻡ ﻗﺎﺋﻼً :
- ﻣﺎ ﺷﺎﺀ ﺍﻟﻠﻪ ﺩﻯ ﻭﻟﻴﻤﻪ
ﺍﺑﺘﺴﻢ " ﺃﻳﻤﻦ " ﻗﺎﺋﻼً :
- ﺍﺣﻨﺎ ﻋﻨﺪﻧﺎ ﺃﻋﺰ ﻣﻨﻚ ﻳﻌﻨﻲ .. ﻭﺑﻌﺪﻳﻦ ﻣﺶ ﺍﻧﺖ ﻗﻮﻟﺖ ﺍﻧﻚ ﻧﻔﺴﻚ ﻓﻰ ﺍﻷﻛﻞ ﺍﻟﺒﻴﺘﻲ ﻭﻻ ﻛﺎﻥ ﻛﻼﻡ ﻓﻰ ﺍﻟﻬﻮﺍ
ﺍﺑﺘﺴﻢ " ﻋﻤﺮ " ﻭﻋﻨﺪﻣﺎ ﻫﻢ ﺑﺘﻨﺎﻭﻝ ﺍﻟﻄﻌﺎﻡ .. ﻟﻤﻌﺖ ﻋﻴﻨﺎﻩ ﺑﺨﺒﺚ ﻭﻧﻈﺮ ﺍﻟﻰ " ﺃﻳﻤﻦ " ﻗﺎﺋﻼً :
- ﻫﻰ " ﻳﺎﺳﻤﻴﻦ " ﺳﺎﻋﺪﺕ " ﺳﻤﺎﺡ " ﻓﻰ ﺗﺤﻀﺮ ﺍﻷﻛﻞ ؟
ﻗﺎﻟﺖ " ﺃﻳﻤﻦ " ﻭﻫﻮ ﻳﺒﺪﺃ ﻓﻰ ﺗﻨﺎﻭﻝ ﻃﻌﺎﻣﻪ :
- ﺃﻳﻮﺓ ﻫﻤﺎ ﻣﻊ ﺑﻌﺾ ﻣﻦ ﺍﻟﻀﻬﺮ ﻓﻰ ﺍﻟﻤﻄﺒﺦ
ﺍﺑﺘﺴﻢ " ﻋﻤﺮ " ﺑﺨﺒﺚ ﻗﺎﺋﻼً :
- ﻃﻴﺐ ﺍﺳﺄﻝ " ﺳﻤﺎﺡ " ﺍﻳﻪ ﺍﻷﻛﻠﻪ ﺍﻟﻠﻰ " ﻳﺎﺳﻤﻴﻦ " ﻋﻤﻼﻫﺎ ﺑﺈﻳﺪﻫﺎ ؟
ﺿﺤﻚ " ﺃﻳﻤﻦ " ﻗﺎﺋﻼً :
- ﻧﻌﻢ ﻳﺎ ﺃﺧﻮﻳﺎ
ﻗﺎﻝ " ﻋﻤﺮ " ﺑﺠﺪﻳﻪ :
" - ﺃﻳﻤﻦ " ﻗﻮﻡ ﺍﺳﺄﻟﻬﺎ
ﻧﻬﺾ " ﺃﻳﻤﻦ " ﻭﻧﺎﺩﻯ " ﺳﻤﺎﺡ " ﺧﺮﺟﺖ ﻣﻦ ﺍﻟﻤﻄﺒﺦ ﻓﺴﺄﻟﻬﺎ ﻣﺒﺘﺴﻤﺎً :
- ﻫﻰ " ﻳﺎﺳﻤﻴﻦ " ﻋﻤﻠﺖ ﺍﻳﻪ ﻓﻰ ﺍﻷﻛﻞ ﺩﻩ
ﻧﻈﺮﺕ ﺍﻟﻴﻪ ﻣﻨﺪﻫﺸﻪ ﻭﻗﺎﻟﺖ :
- ﺍﺷﻤﻌﻨﻰ ﻳﻌﻨﻲ
- ﻗﻮﻟﻰ ﺑﺲ
- ﻋﻤﻠﺖ ﺍﻟﻤﻜﺮﻭﻧﺔ ﺑﺎﻟﺒﺸﺎﻣﻴﻞ
- ﺳﺎﻋﺪﺗﻴﻬﺎ ﻓﻴﻬﺎ ؟
- ﻷ .. ﻗﻮﻟﻰ ﺍﺷﻤﻌﻨﻰ
ﺍﺑﺘﺴﻢ ﻗﺎﺋﻼً :
- ﻣﻌﺮﻓﺶ " ﻋﻤﺮ " ﻋﺎﻳﺰ ﻳﻌﺮﻑ
ﺿﺤﻜﺖ ﺑﺼﻮﺕ ﺧﺎﻓﺖ ﻗﺎﺋﻠﻪ :
- ﺻﺤﺒﻚ ﺩﻩ ﻏﺮﻳﺐ
ﻋﺎﺩﺕ " ﺳﻤﺎﺡ " ﻣﺒﺘﺴﻤﻪ ﻭﺟﻠﺴﺖ ﻣﺮﺓ ﺃﺧﺮﻯ ﻋﻠﻰ ﺍﻟﻄﺎﻭﻟﻪ ﺳﺄﻟﺘﻬﺎ " ﻳﺎﺳﻤﻴﻦ " ﺑﻔﻀﻮﻝ :
- ﻓﻰ ﺣﺎﺟﻪ ؟
ﺍﺑﺘﺴﻤﺖ " ﺳﻤﺎﺡ " ﺑﺨﺒﺚ ﻗﺎﺋﻠﻪ :
- ﻣﻌﺮﻓﺶ " .. ﻋﻤﺮ " ﺑﻴﺴﺄﻝ ﺍﻳﻪ ﺍﻷﻛﻠﻪ ﺍﻟﻠﻰ ﺍﻧﺘﻰ ﻋﻤﻼﻫﺎ
ﻗﺎﻟﺖ " ﻳﺎﺳﻤﻴﻦ " ﺑﺈﺳﺘﻐﺮﺍﺏ :
- ﺍﺷﻤﻌﻨﻰ ﻳﻌﻨﻰ .. ﻭﻫﻮ ﻣﺎﻟﻪ
ﺿﺤﻜﺖ " ﺳﻤﺎﺡ " ﻗﺎﺋﻠﻪ :
- ﺃﻧﺎ ﺃﻋﺮﻑ ﻳﺨﺘﻲ
ﻋﺎﺩ " ﺃﻳﻤﻦ " ﻗﺎﺋﻼً :
- ﻋﺎﻣﻠﻪ ﺍﻟﻤﻜﺮﻭﻧﺔ ﺑﺎﻟﺒﺸﺎﻣﻴﻞ ﻳﺎ ﺳﻴﺪﻯ .. ﺍﺭﺗﺤﺖ
ﺍﺑﺘﺴﻢ " ﻋﻤﺮ " ﻗﺎﺋﻼً ﻭﻫﻮ ﻳﺰﻳﺢ ﺍﻟﻄﺒﻖ ﻣﻦ ﺃﻣﺎﻡ ﺻﺪﻳﻘﻪ ﻭﻳﻀﻌﻪ ﺃﻣﺎﻣﻪ :
- ﺗﻤﺎﻡ .. ﻳﺒﻘﻰ ﺍﻟﻤﻜﺮﻭﻧﺔ ﺍﺗﺼﺎﺩﺭﺕ ﻳﺎ ﺑﺎﺷﺎ
ﺿﺤﻚ " ﺃﻳﻤﻦ " ﻗﺎﺋﻼً :
- ﻧﻌﻢ ﻳﺎ ﺍﺧﻮﻳﺎ .. ﺃﻧﺎ ﻋﺎﻳﺰ ﺃﻛﻞ ﻣﻜﺮﻭﻧﻪ
- ﺍﺑﻘﻰ ﺧﻠﻰ ﻣﺮﺍﺗﻚ ﺗﻌﻤﻠﻬﺎﻟﻚ
- ﻭﺍﻟﻠﻪ ﺍﻧﺖ ﺑﺘﻬﺮﺝ
ﻗﺎﻝ " ﻋﻤﺮ " ﺑﺠﺪﻳﻪ :
- ﻭﻣﺶ ﺑﺲ ﻛﺪﻩ .. ﺑﺎﻗﻰ ﺻﻨﻴﻪ ﺍﻟﻤﻜﺮﻭﻧﺔ ﺗﺘﻠﻒ ﻋﺸﺎﻥ ﻫﺎﺧﺪﻫﺎ ﻭﺃﻧﺎ ﻣﺎﺷﻰ
ﺿﺤﻚ " ﺃﻳﻤﻦ " ﻗﺎﺋﻼً :
- ﺻﺪﻕ ﺍﻟﻮﺍﺩ " ﻛﺮﻡ .. " ﺍﻟﺤﺐ ﺑﻬﺪﻟﻪ ﻓﻌﻼً
- ﻃﺐ ﻛﻞ ﻭﺍﻧﺖ ﺳﺎﻛﺖ
ﺍﻧﺘﻬﻰ ﺍﻟﺠﻤﻴﻊ ﻣﻦ ﺗﻨﺎﻭﻝ ﻃﻌﺎﻣﻬﻢ .. ﺃﺯﺍﺣﺖ " ﺳﻤﺎﺡ " ﺍﻷﻃﺒﺎﻕ ﻣﻦ ﺍﻟﺴﻔﺮﺓ ﻭﻗﺎﻟﺖ ﻟـ " ﺃﻳﻤﻦ " ﺍﻟﺬﻯ ﻛﺎﻥ ﻳﻐﺴﻞ ﻳﺪﻳﻪ ﻓﻰ ﺍﻟﺤﻤﺎﻡ :
- ﺍﻷﻛﻞ ﺯﻯ ﻣﺎ ﻫﻮ " .. ﻋﻤﺮ " ﻣﻜﻠﺶ ﺣﺎﺟﻪ
ﺍﺑﺘﺴﻢ " ﺃﻳﻤﻦ " ﺑﺨﺒﺚ ﻗﺎﺋﻼً :
- ﻣﺮﺿﺎﺵ ﻳﺎﻛﻞ ﺇﻻ ﻣﻜﺮﻭﻧﺔ ﺑﺎﻟﺒﺸﺎﻣﻴﻞ .. ﻭﻣﻤﺪﺵ ﺍﻳﺪﻩ ﻋﻠﻰ ﺣﺎﺟﻪ ﻏﻴﺮﻫﺎ
ﺿﺤﻜﺖ " ﺳﻤﺎﺡ " ﺑﺼﻮﺕ ﺧﺎﻓﺖ ﻓﺄﻛﻤﻞ " ﺃﻳﻤﻦ " :
- ﻭﺑﻴﻘﻮﻟﻚ ﻟﻔﻰ ﺑﺎﻗﻰ ﺍﻟﺼﻨﻴﺔ ﻋﺸﺎﻥ ﻫﻴﺎﺧﺪﻫﺎ ﻣﻌﺎﻩ ﻭﻫﻮ ﻣﺎﺷﻰ
ﺍﺯﺩﺍﺩﺕ ﺿﺤﻜﺎﺕ " ﺳﻤﺎﺡ " ﻭﺩﺧﻠﺖ ﺍﻟﻤﻄﺒﺦ ﻧﻈﺮﺕ ﺍﻟﻰ " ﻳﺎﺳﻤﻴﻦ " ﺍﻟﺘﻰ ﺍﺑﺘﺴﻤﺖ ﻭﻫﻰ ﺗﻨﻈﺮ ﺍﻟﻴﻬﺎ ﺑﺪﻫﺸﻪ ﻗﺎﺋﻠﻪ :
- ﻣﺎ ﺗﻔﺮﺣﻴﻨﺎ ﻣﻌﺎﻛﻰ
ﻗﺎﻟﺖ " ﺳﻤﺎﺡ " ﺑﺈﺑﺘﺴﺎﻣﻪ :
- ﻭﺍﻟﻠﻪ ﺍﻟﺮﺍﺟﻞ ﺩﻩ ﻣﺠﻨﻮﻥ
- ﻣﻴﻦ ؟
" - ﻋﻤﺮ "
ﻗﺎﻟﺖ " ﻳﺎﺳﻤﻴﻦ " ﺑﻼ ﻣﺒﺎﻻﺓ :
- ﻟﻴﻪ ﻳﻌﻨﻲ
ﻧﻈﺮﺕ ﺍﻟﻴﻬﺎ " ﺳﻤﺎﺡ " ﺑﺨﺒﺚ ﻗﺎﺋﻠﻪ :
- ﺍﻟﺒﺸﻤﻬﻨﺪﺱ ﻣﺮﺿﺎﺵ ﻳﺎﻛﻞ ﻏﻴﺮ ﺍﻷﻛﻠﻪ ﺍﻟﻮﺣﻴﺪﺓ ﺍﻟﻠﻰ ﺣﻀﺮﺗﻚ ﻋﻤﻼﻫﺎ ﺑﺈﻳﺪﻙ
ﺍﺣﻤﺮﺕ ﻭﺟﻨﺘﺎ " ﻳﺎﺳﻤﻴﻦ " ﻭﺗﻼﺷﺖ ﺍﻟﻨﻈﺮ ﺍﻟﻰ ﺻﺪﻳﻘﺘﻬﺎ .. ﻓﺄﻛﻤﻠﺖ " ﺳﻤﺎﺡ " ﺑﺨﺒﺚ :
- ﻭﻛﻤﺎﻥ ﻃﺎﻟﺐ ﺑﺎﻗﻰ ﺍﻟﺼﻨﻴﺔ ﻣﺶ ﻫﻴﺴﻤﺢ ﻟﺤﺪ ﻓﻴﻨﺎ ﻳﻤﺪ ﺍﻳﺪﻩ ﻋﻠﻴﻬﺎ ﻭﻣﺮﺿﺎﺵ ﻳﺨﻠﻰ " ﺃﻳﻤﻦ " ﻳﺎﻛﻞ ﻣﻨﻬﺎ
ﻫﺘﻔﺖ " ﻳﺎﺳﻤﻴﻦ " ﻗﺎﺋﻠﻪ ﻭﻗﺪ ﺍﺣﻤﺮﺕ ﻭﺟﻨﺘﺎﻫﺎ ﺑﺸﺪﺓ :
- ﺑﻴﻬﺮﺝ ﺩﻩ ﻭﻻ ﺍﻳﻪ
ﺛﻢ ﻏﻴﺮﺕ ﺍﻟﻤﻮﺿﻮﻉ ﻗﺎﺋﻠﻪ :
- ﻳﻼ ﻧﻌﻤﻞ ﺍﻟﺸﺎﻯ
ﻛﺎﻧﺖ ﺗﺸﻌﺮ ﺑﺪﺍﺧﻠﻬﺎ ﺑﺎﻟﺤﻨﻖ ﺍﻟﺸﺪﻳﺪ .. ﻷﻧﻪ ﻳﺴﺘﻄﻴﻊ ﻭﺑﻄﺮﻗﻪ ﺍﻟﻐﺮﻳﺒﻪ ﺃﻥ ﻳﻠﻤﺲ ﺃﻭﺗﺎﺭ ﻗﻠﺒﻬﺎ ﻋﻠﻰ ﺍﻟﺮﻏﻢ ﻣﻦ ﺍﻟﺴﺪﻭﺩ ﻭﺍﻷﺳﻮﺍﺭ ﺍﻟﺘﻰ ﺗﺒﻨﻴﻬﺎ ﺣﻮﻟﻪ .. ﻋﻠﻰ ﺍﻟﺮﻏﻢ ﻣﻦ ﻗﺮﺍﺭﻫﺎ ﻫﺬﺍ ﺍﻟﺼﺒﺎﺡ .. ﺇﻻ ﺃﻧﻬﺎ ﻟﻢ ﺗﺴﺘﻄﻊ ﺍﻥ ﺗﻨﻜﺮ ﺃﻧﻬﺎ ﺗﺸﻌﺮ ﺑﺴﻌﺎﺩﻩ ﺧﻔﻴﻪ ﻣﻤﺎ ﻓﻌﻞ
**********************
- ﻳﻌﻨﻲ ﺍﻳﻪ ﻭﺍﻓﻘﺘﻲ ؟
ﻗﺎﻟﺖ " ﺛﺮﻳﺎ " ﻫﺬﻩ ﺍﻟﻌﺒﺎﺭﺓ ﺑﺤﺪﻩ ﻭﻫﻰ ﺟﺎﻟﺴﻪ ﻓﻰ ﺍﻟﺼﺎﻟﻮﻥ ﻣﻊ " ﻛﺮﻳﻤﻪ " ﻳﺤﺘﺴﻴﺎﻥ ﺍﻟﺸﺎﻯ ﺍﻟﺴﺎﺧﻦ .. ﻗﺎﻟﺖ " ﻛﺮﻳﻤﻪ " :
" - ﻋﻤﺮ " ﺭﺍﺟﻞ ﻳﺎ " ﺛﺮﻳﺎ " ﻣﻨﻘﺪﺭﺵ ﻧﻔﺮﺽ ﻋﻠﻴﻪ ﻣﻴﻦ ﻳﺘﺠﻮﺯﻫﺎ ﻭﻣﻴﻦ ﻣﻴﺘﺠﻮﺯﻫﺎﺵ
ﺗﺮﻛﺖ " ﺛﺮﻳﺎ " ﻛﻮﺏ ﺍﻟﺸﺎﻯ ﻣﻦ ﻳﺪﻫﺎ ﻗﺎﺋﻠﻪ ﺑﻐﻀﺐ :
- ﻳﻌﻨﻲ ﺍﻧﺘﻰ ﻣﻮﺍﻓﻘﻪ ﺍﻥ ﺍﺑﻨﻚ ﻳﺘﺠﻮﺯ ﺍﻟﺒﻨﺖ ﺩﻯ ؟ .. ﺍﺑﻨﻚ ﺍﻟﻠﻰ ﺗﻌﺒﺘﻰ ﻓﻰ ﺗﺮﺑﻴﺘﻪ ﻭﺗﻌﻠﻴﻤﻪ ﻟﺤﺪ ﻣﺎ ﻭﺻﻞ ﻟﻠﻤﺮﻛﺰ ﺍﻟﻠﻰ ﻫﻮ ﻓﻴﻪ ﺁﺧﺮﻩ ﺻﺒﺮﻙ ﺗﺒﻘﻰ ﻭﺍﺣﺪﺓ ﺯﻯ ﺩﻯ ﻻ ﻟﻴﻬﺎ ﺃﺻﻞ ﻭﻻ ﻓﺼﻞ ﻭﻛﻤﺎﻥ ﻣﺘﺠﻮﺯﻩ ﻗﺒﻞ ﻛﺪﻩ
ﻗﺎﻟﺖ " ﻛﺮﻳﻤﻪ " ﺑﺤﺰﻡ :
- ﻃﺎﻟﻤﺎ " ﻋﻤﺮ " ﺍﺧﺘﺎﺭﻫﺎ ﻋﺸﺎﻥ ﺗﻜﻮﻥ ﺯﻭﺟﻪ ﻟﻴﻪ .. ﻳﺒﻘﻰ ﺃﻛﻴﺪ ﻫﻰ ﺑﻨﺖ ﻛﻮﻳﺴﺔ .. ﻭﺃﻧﺎ ﻣﻴﻬﻤﻨﻴﺶ ﺃﺑﺪﺍً ﺍﺫﺍ ﻛﺎﻧﺖ ﻏﻨﻴﺔ ﺃﻭ ﻓﻘﻴﺮﺓ
ﺍﺑﺘﺴﻤﺖ " ﺛﺮﻳﺎ " ﺑﺴﺨﺮﻳﻪ ﻗﺎﺋﻠﻪ :
- ﻃﺒﻌﺎً ﻣﻴﻬﻤﻜﻴﺶ .. ﺍﻧﺘﻰ ﺑﺎﻟﺬﺍﺕ ﻣﻴﻬﻤﻜﻴﺶ ﻭﺃﻧﺎ ﻭﺍﻧﺘﻰ ﻋﺎﺭﻓﻴﻦ ﺍﻟﺴﺒﺐ
ﺷﻌﺮﺕ " ﻛﺮﻳﻤﻪ " ﺑﺎﻟﺤﻨﻖ ﻭﻗﺎﻣﺖ ﻟﺘﻐﺎﺩﺭ ﺍﻟﻤﻜﺎﻥ ﻭﻋﻴﻨﺎ " ﺛﺮﻳﺎ " ﺗﺘﺒﻌﻬﺎ ﺑﻨﻈﺮﺍﺕ ﺳﺎﺧﺮﻩ .. ﺃﻣﺴﻜﺖ ﻛﻮﺏ ﺍﻟﺸﺎﻯ ﻣﺮﺓ ﺃﺧﺮﻯ .. ﻭﺭﺷﻔﺖ ﺭﺷﻔﻪ ﺛﻢ ﻗﺎﻟﺖ ﻟﻨﻔﺴﻬﺎ ﺑﺘﺼﻤﻴﻢ :
- ﺃﻧﺎ ﻫﻌﺮﻑ ﺍﺯﺍﻯ ﺃﻣﻨﻊ ﺍﻟﺠﻮﺍﺯﻩ ﺩﻯ .. ﻭﺃﺭﻣﻴﻬﺎ ﻫﻰ ﻭﺃﻫﻠﻬﺎ ﺑﺮﻩ ﺍﻟﻤﺰﺭﻋﺔ
ﻇﻠﺖ ﺗﻔﻜﺮ ﻭﺗﻔﻜﺮ ﺣﺘﻰ ﺗﻮﻟﺪ ﻓﻰ ﻋﻘﻠﻬﺎ ﻓﻜﺮﺓ ﺧﺒﻴﺜﻪ
" ﻋﻮﺩ ﻛﺒﺮﻳﺖ ﻣﺸﺘﻌﻞ ﻭﺳﻴﺠﺎﺭﻩ ﻣﺸﺘﻌﻠﻪ ﺑﺠﻮﺍﺭ ﺍﻻﺳﻼﻙ ﺍﻟﻌﺎﺭﻳﺔ ﻛﺎﻓﻲ ﻻﺷﻌﺎﻝ ﺍﻟﻨﺎﺭ ﻓﻰ ﺍﻟﻤﻜﺎﻥ ﻭﺗﺤﻮﻳﻠﻪ ﺍﻟﻰ ﺭﻣﺎﺩ "
*********************
ﺳﺄﻟﺖ " ﺳﻤﺎﺡ " " ﻳﺎﺳﻤﻴﻦ " ﻭﻫﻤﺎ ﺟﺎﻟﺴﺘﺎﻥ ﻣﻌﺎً ﻳﺘﺴﻠﻴﺎﻥ ﺑﺄﻛﻞ ﺍﻟﻠﺐ ﻭﺍﻟﺴﻮﺩﺍﻧﻰ :
- ﻫﺎ ﻣﺎﻗﻮﻟﺘﻴﺶ ﺍﻳﻪ ﺍﻟﻠﻰ ﻛﺎﻥ ﻣﻀﺎﻳﻘﻚ ﻭﺍﻧﺘﻰ ﻓﻰ ﺍﻟﻤﻄﺒﺦ ﻭﻗﻮﻟﺘﻴﻠﻰ ﻫﺤﻜﻴﻠﻚ ﺑﻌﺪ ﻣﺎ ﻧﺠﻬﺰ ﺍﻟﻐﺪﺍ
ﺗﻨﻬﺪﺕ " ﻳﺎﺳﻤﻴﻦ " ﻭﻟﻢ ﺗﺠﺐ .. ﻗﺎﻟﺖ " ﺳﻤﺎﺡ : "
- ﺍﻳﻪ ﻫﻮ ﺍﻟﻤﻮﺿﻮﻉ ﺻﻌﺐ ﻟﻠﺪﺭﺟﺔ ﺩﻯ
ﻧﻈﺮﺕ ﺍﻟﻴﻬﺎ " ﻳﺎﺳﻤﻴﻦ " ﻗﺎﺋﻠﻪ ﺑﺄﺳﻰ :
" - ﻋﻤﺮ " ﺍﺑﺎﺭﺡ ﺟﻪ ﻋﻨﺪﻯ ﺃﻭﺿﺘﻰ ﻭﺳﺒﻠﻰ ﻭﺭﻗﺔ ﻣﻦ ﺗﺤﺖ ﺍﻟﺒﺎﺏ
ﺍﺑﺘﺴﻤﺖ " ﺳﻤﺎﺡ " ﻗﺎﺋﻠﻪ :
- ﺑﺠﺪ؟
ﺃﻛﻤﻠﺖ " ﻳﺎﺳﻤﻴﻦ " ﻭﻋﻼﻣﺎﺕ ﺍﻟﺤﺰﻥ ﺑﺎﺩﻳﻪ ﻋﻠﻰ ﻭﺟﻬﻬﺎ :
- ﺃﻳﻮﺓ .. ﻋﺮﻓﺖ ﺍﻧﻪ ﻫﻮ ﻻﻧﻰ ﻓﺘﺤﺖ ﺍﻟﺒﻠﻜﻮﻧﻪ ﻭﺷﻮﻓﺘﻪ
ﺳﺄﻟﺘﻬﺎ " ﺳﻤﺎﺡ " ﺑﻠﻬﻔﻪ :
- ﻓﻴﻦ ﺍﻟﻮﺭﻗﺔ ﻣﻌﺎﻛﻰ ؟ ﻭﺭﻳﻬﺎﻟﻰ
ﻗﺎﻟﺖ " ﻳﺎﺳﻤﻴﻦ " ﺑﺤﺪﻩ :
- ﺭﻣﻴﺘﻬﺎ ﻓﻰ ﺍﻟﺰﺑﺎﻟﻪ
ﺍﻧﺪﻫﺸﺖ " ﺳﻤﺎﺡ " ﻗﺎﺋﻠﻪ :
- ﻟﻴﻪ ؟ .. ﻃﺐ ﻗﺮﻳﺘﻴﻬﺎ ﻃﻴﺐ ؟
ﻗﺎﻟﺖ " ﻳﺎﺳﻤﻴﻦ " ﺑﺤﺮﺝ :
- ﺃﻳﻮﺓ ﻗﺮﺗﻬﺎ ﻭﻛﻨﺖ ﻫﺤﺘﻔﻆ ﺑﻴﻬﺎ ﻛﻤﺎﻥ .. ﻛﺎﻥ ﻓﻴﻬﺎ ﺷﻌﺮ
ﺍﺑﺘﺴﻤﺖ " ﺳﻤﺎﺡ " ﻗﺎﺋﻠﻪ :
- ﻣﻜﻨﺘﺶ ﺃﻋﺮﻑ ﺍﻧﻪ ﺭﻭﻣﺎﻧﺴﻲ ﻛﺪﻩ
ﺍﻟﺘﻔﺘﺖ ﺍﻟﻴﻬﺎ " ﻳﺎﺳﻤﻴﻦ " ﺑﺤﺪﻩ ﻗﺎﺋﻠﻪ :
- ﻷ ﺩﻩ ﺭﻭﻣﺎﻧﺴﻲ ﺃﻛﺘﺮ ﻣﻤﺎ ﺗﺘﻮﻗﻌﻰ .. ﻟﺪﺭﺟﺔ ﺍﻥ ﺍﻟﺮﻭﻣﺎﻧﺴﻴﻪ ﺑﺘﺪﻟﺪﻕ ﻣﻨﻪ ﻭﻫﻮ ﻣﺎﺷﻰ ﻭﺗﻐﺮﻕ ﺃﻯ ﺑﻨﺖ ﺗﻴﺠﻲ ﺟﻤﺒﻪ
ﻗﺎﻟﺖ " ﺳﻤﺎﺡ " ﺑﺈﺳﺘﻐﺮﺍﺏ :
- ﻗﺼﺪﻙ ﺍﻳﻪ ؟
ﻇﻬﺮﺕ ﻋﻼﻣﺎﺕ ﺍﻟﺤﺰﻥ ﻣﺮﺓ ﺃﺧﺮﻯ ﻋﻠﻰ ﻭﺟﻪ " ﻳﺎﺳﻤﻴﻦ " ﻗﺎﺋﻠﻪ :
- ﺍﻣﺒﺎﺭﺡ ﺑﻌﺪ ﻣﺎ ﻗﺮﻳﺖ ﺍﻟﻮﺭﻗﺔ .. ﺍﺳﺘﻨﻴﺘﻪ ﻓﻰ ﺍﻟﺒﻠﻜﻮﻧﻪ .. ﻻﻧﻪ ﻣﺸﻰ ﻓﻰ ﻃﺮﻳﻖ ﻏﻴﺮ ﻃﺮﻳﻖ ﺑﻴﺘﻪ .. ﻭﺑﻌﺪ ﻣﺎ ﺭﺟﻊ ﻟﻘﻴﺖ ﺑﻨﺖ ﻋﻤﺘﻪ ﺟﺎﻳﻪ ﻧﺤﻴﺘﻪ ﻭﻭﻗﻔﻮﺍ ﺳﻮﺍ .. ﻭﺩﻣﻰ ﺍﺗﺤﺮﻕ ﻳﺎ " ﺳﻤﺎﺡ " ﺣﺴﻴﺖ ﺍﻧﻰ ﻏﺒﻴﺔ ﺍﻧﻰ ﺍﺗﺄﺛﺮﺕ ﺑﺎﻟﻜﻠﻤﺘﻴﻦ ﺍﻟﻠﻰ ﻛﺘﺒﻬﻤﻠﻰ
- ﻟﻴﻪ؟ .. ﻛﺎﻧﻮﺍ ﻭﺍﻗﻔﻴﻦ ﺑﻴﺘﻜﻠﻤﻮﺍ ﻋﺎﺩﻯ ﺃﻛﻴﺪ
ﻗﺎﻟﺖ ﺑﺤﺪﻩ :
- ﻷ ﻣﺶ ﻋﺎﺩﻯ .. ﻭﺍﻗﻔﻴﻦ ﺑﻤﻨﺘﻬﻰ ﻗﻠﺔ ﺍﻷﺩﺏ .. ﻭﻣﻘﺮﺑﻴﻦ ﻣﻦ ﺑﻌﺾ ﺟﺪﺍ .. ﺷﻮﻳﺔ ﺷﻮﻳﺔ ﻛﺎﻥ ﻫﻴﺤﻀﻨﻬﺎ .. ﻭﺍﻟﻠﻪ ﺃﻋﻠﻢ ﺃﺻﻼ ﺣﻀﻨﻬﺎ ﻭﻻ ﻷ ﺃﻧﺎ ﺩﺧﻠﺖ ﺑﺴﺮﻋﺔ ﻭﺭﺯﻋﺖ ﺍﻟﺒﺎﺏ ﻭﺭﺍﻳﺎ
ﺯﻓﺮﺕ " ﺳﻤﺎﺡ " ﻗﺎﺋﻠﻪ :
- ﺍﻟﻤﺸﻜﻠﺔ ﺍﻧﻪ ﻣﺶ ﻋﺎﺭﻑ ﺍﻧﻪ ﺑﻴﻌﻤﻞ ﺗﺼﺮﻓﺎﺕ ﺗﻀﺎﻳﻘﻚ .. ﻫﻮ ﺑﻴﺘﺼﺮﻑ ﻛﺪﻩ ﻻﻧﻪ ﺍﺗﺮﺑﻰ ﺍﻥ ﺩﻩ ﻋﺎﺩﻯ ﻭﺍﻧﻬﺎ ﺯﻯ ﺃﺧﺘﻪ ﻭﺍﻟﻜﻼﻡ ﺍﻟﻌﺒﻴﻂ ﺩﻩ
ﺍﺣﺘﺪﺕ " ﻳﺎﺳﻤﻴﻦ " ﻗﺎﺋﻠﻪ :
" - ﺳﻤﺎﺡ " ﺍﻧﺘﻰ ﻣﺸﻔﺘﻴﻬﻤﺶ ﺍﻣﺒﺎﺭﺡ .. ﻣﻜﻨﺘﺶ ﺃﺑﺪﺍً ﻭﺍﻗﻔﺔ ﻭﺍﺣﺪ ﻣﻊ ﺍﺧﺘﻪ .. ﺑﻘﻮﻟﻚ ﺷﻮﻳﺔ ﻭﻛﺎﻥ ﻫﻴﺤﻀﻨﻬﺎ
ﺛﻢ ﺃﻛﻤﻠﺖ ﺑﺼﺮﺍﻣﺔ :
- ﺍﺫﺍ ﻛﺎﻥ ﺑﺎﻟﻨﺴﺒﻪ ﻟﻪ ﺍﻷﻣﻮﺭ ﺩﻯ ﻋﺎﺩﻯ ﻳﺒﻘﻰ ﻣﻴﻠﺰﻣﻨﻴﺶ .. ﺩﻩ ﻭﺍﺣﺪ ﺃﺻﻼً ﻣﺶ ﻋﺎﺭﻓﻪ ﻳﻔﺮﻕ ﺑﻴﻦ ﺍﻟﺤﻼﻝ ﻭﺍﻟﺤﺮﺍﻡ .. ﻭﻋﻤﺎﻝ ﺳﺎﻳﺢ ﻣﻊ ﻛﻞ ﻭﺍﺣﺪﻩ ﺷﻮﻳﻪ .. ﻣﻠﻮﺵ ﺃﻯ ﺣﺪﻭﺩ ﻭﻻ ﺃﻯ ﺧﻄﻮﻁ ﺣﻤﺮﺍ .. ﻭﺍﺣﺪ ﺯﻯ ﺩﻩ ﺳﻬﻞ ﻋﻨﺪﻩ ﺃﻭﻯ ﺍﻧﻪ ﻳﺨﻮﻥ .. ﻭ ﻳﻘﻊ ﻓﻰ ﺍﻟﻐﻠﻂ .. ﻷﻥ ﺣﻴﺎﺗﻪ ﺃﺻﻼً ﻏﻠﻂ .. ﻭﺗﺠﺎﻭﺯﺍﺗﻪ ﻣﻊ ﺍﻟﺒﻨﺎﺕ ﻻ ﺗﻌﺪ ﻭﻻ ﺗﺤﺼﻰ .. ﺩﻩ ﻏﻴﺮ ﺃﺻﻼً ﺍﻥ ﻓﻰ ﺑﻨﺎﺕ ﺭﺍﻣﻴﻪ ﻧﻔﺴﻬﺎ ﻋﻠﻴﻪ .. ﻳﻌﻨﻲ ﺩﻩ ﻭﺍﺣﺪ ﺍﻟﺤﺮﺍﻡ ﺃﺩﺍﻣﻪ ﻋﻴﻨﻲ ﻋﻴﻨﻚ ﻛﺪﻩ ﻭﻋﻠﻰ ﻃﺒﻖ ﻣﻦ ﻓﻀﻪ .. ﻟﻮ ﻣﻔﻴﺶ ﺧﻮﻑ ﻣﻦ ﺭﺑﻨﺎ ﻓﻰ ﻗﻠﺒﻪ .. ﻭﺣﺪﻭﺩ ﺑﻴﻨﻪ ﻭﺑﻴﻦ ﺍﻟﺒﻨﺎﺕ .. ﻳﺒﻘﻰ ﺍﻳﻪ ﻳﻀﻤﻨﻠﻰ ﺍﻧﻪ ﻣﺎ ﻳﺨﻮﻧﻴﺶ .. ﻣﻔﻴﺶ ﻓﺮﻕ ﺑﻴﻨﻪ ﻭﺑﻴﻦ " ﻣﺼﻄﻔﻰ " .. ﻫﻤﺎ ﺍﻻﺗﻨﻴﻦ ﺑﻴﺴﺘﺤﻠﻮﺍ ﺣﺎﺟﻪ ﺣﺮﺍﻡ .. ﻭﺑﻴﻜﺎﺑﺮﻭﺍ ﻓﻰ ﺍﻟﻐﻠﻂ
ﺻﻤﺘﺖ ﻗﻠﻴﻼً ﺛﻢ ﺃﻛﻤﻠﺖ ﻗﺎﺋﻠﻪ ﺑﺴﺨﺮﻳﻪ :
- ﺩﻩ ﻏﻴﺮ ﺑﺄﻩ ﺍﻧﻰ ﻛﻞ ﺷﻮﻳﺔ ﺃﻻﻗﻰ ﺣﺪ ﻣﻦ ﻋﻴﻠﺘﻪ ﻧﺎﻃﻂ ﺃﺩﺍﻣﻰ .. ﻭﺑﻴﺘﻌﺎﻣﻠﻮﺍ ﻣﻌﺎﻳﺎ ﺑﻜﻞ ﻏﺮﻭﺭ .. ﺃﻛﻨﻰ ﻭﺍﺣﺪﻩ ﻣﻦ ﺍﻟﺸﺎﺭﻉ .. ﺃﻛﻨﻰ ﺭﺍﻣﻴﻪ ﻧﻔﺴﻲ ﻋﻠﻴﻪ ﺯﻯ ﺍﻟﺒﻨﺎﺕ ﺍﻟﻠﻰ ﻳﻌﺮﻓﻬﺎ
ﺳﺄﻟﺖ " ﺳﻤﺎﺡ " ﺑﺈﻫﺘﻤﺎﻡ :
- ﺣﺪ ﻛﻠﻤﻚ ﺗﺎﻧﻰ ﻏﻴﺮ ﻋﻤﺘﻪ ؟
ﻗﺎﻟﺖ " ﻳﺎﺳﻤﻴﻦ " ﺑﺴﺨﺮﻳﻪ :
- ﺃﻳﻮﺓ ﺑﻨﺖ ﻋﻤﺘﻪ .. ﺍﻟﻠﻲ ﺍﺳﻤﻬﺎ " ﺍﻳﻨﺎﺱ " .. ﺍﻟﻠﻲ ﻛﺎﻧﺖ ﻭﺍﻗﻔﻪ ﻣﻌﺎﻩ ﺍﻣﺒﺎﺭﺡ .. ﻭﻗﺎﻝ ﺍﻳﻪ ﺑﺘﻘﻮﻟﻰ ﺃﻧﻬﺎ ﺣﺐ ﺍﻟﻄﻔﻮﻟﻪ ﻭﺍﻟﻤﺮﺍﻫﻘﺔ ﺑﺎﻟﻨﺴﺒﺔ ﻟﻠﺒﺸﻤﻬﻨﺪﺱ
ﺻﻤﺘﺖ ﻗﻠﻴﻼً ﺛﻢ ﻗﺎﻟﺖ ﺑﻐﻀﺐ ﻣﻜﺘﻮﻡ :
- ﺧﻠﻴﻬﺎ ﺗﺸﺒﻊ ﺑﻴﻪ
ﺣﺎﻭﻟﺖ " ﺳﻤﺎﺡ " ﺍﻟﺘﺨﻔﻴﻒ ﻋﻨﻬﺎ ﻗﺎﺋﻠﻪ :
- ﻃﻴﺐ ﺧﻼﺹ ﻣﺘﻀﺎﻳﻘﻴﺶ ﻧﻔﺴﻚ .. ﻭﻟﻮ ﺣﺪ ﻓﻴﻬﻢ ﺣﺎﻭﻝ ﻳﻜﻠﻤﻚ ﺑﻌﺪ ﻛﺪﻩ ﻣﺘﻌﺒﺮﻳﻬﻮﺵ
ﻧﻬﻀﺖ " ﻳﺎﺳﻤﻴﻦ " ﻭﻟﻔﺖ ﺣﺠﺎﺑﻬﺎ ﻭﻗﺎﻟﺖ ﻟـ " ﺳﻤﺎﺡ " ﻭﻫﻰ ﺗﺤﻤﻞ ﺣﻘﻴﺒﺘﻬﺎ :
- ﺃﻧﺎ ﻫﻤﺸﻰ ﺑﺄﻩ ﻳﺎ " ﺳﻤﺎﺡ "
ﻗﺎﻟﺖ " ﺳﻤﺎﺡ " ﺑﺮﺟﺎﺀ :
- ﺧﻠﻴﻜﻲ ﺃﻋﺪﻩ ﺷﻮﻳﺔ ﻳﺎ " ﻳﺎﺳﻤﻴﻦ " " .. ﺃﻳﻤﻦ " ﺁﻋﺪ ﻣﻊ " ﻋﻤﺮ " ﻭﺃﻧﺎ ﻫﻔﻀﻞ ﺃﻋﺪﻩ ﻟﻮﺣﺪﻯ
ﻗﺎﻟﺖ " ﻳﺎﺳﻤﻴﻦ " ﺑﺄﺳﻒ :
- ﻣﻌﻠﺶ ﻳﺎ ﺣﺒﻴﺒﺘﻰ ﻧﻔﺴﻲ ﺃﻋﺪ ﻣﻌﺎﻛﻰ ﺃﻛﺘﺮ .. ﺑﺲ ﺍﻧﺘﻰ ﻋﺎﺭﻓﻪ ﺑﺨﺎﻑ ﺃﻣﺸﻰ ﺑﺎﻟﻠﻴﻞ ﺧﺎﺻﺔ ﺍﻧﻪ ﻃﺮﻳﻖ ﺳﻔﺮ
- ﻓﻌﻼً ﻣﻌﺎﻛﻰ ﺣﻖ .. ﺧﻠﻰ ﺑﺎﻟﻚ ﻣﻦ ﻧﻔﺴﻚ ﻭﻃﻤﻨﻴﻦ ﻟﻤﺎ ﺗﻮﺻﻠﻰ
ﻗﺒﻠﺘﻬﺎ " ﻳﺎﺳﻤﻴﻦ " ﻭﺧﺮﺟﺖ ﻣﺴﺮﻋﻪ ﺩﻭﻥ ﺃﻥ ﺗﻨﻈﺮ ﻟﻠﺮﺟﻼﻥ ﺍﻟﺠﺎﻟﺴﺎﻥ ﻓﻰ ﺍﻟﺼﺎﻟﻮﻥ .. ﺃﻏﻠﻘﺖ ﺍﻟﺒﺎﺏ ﺧﻠﻔﻬﺎ ﻓﻨﻬﺾ " ﻋﻤﺮ " ﻗﺎﺋﻼً :
- ﻳﻼ ﺃﺷﻮﻓﻚ ﺑﻜﺮﻩ
ﺍﺑﺘﺴﻢ " ﺃﻳﻤﻦ " ﻗﺎﺋﻼً :
- ﻣﺘﻌﺪ ﺷﻮﻳﻪ ﻳﺎ ﺍﺑﻨﻰ
ﺗﻮﺟﻪ " ﻋﻤﺮ " ﻟﻠﺒﺎﺏ ﻗﺎﺋﻼً :
- ﺯﻫﻘﺖ ﻣﻨﻚ .. ﻳﻼ ﺳﻼﻡ
ﻓﺘﺢ " ﻋﻤﺮ " ﺍﻟﺒﺎﺏ ﺛﻢ ﺃﻏﻠﻘﻪ ﻣﺮﺓ ﺃﺧﺮﻯ ﻭﺍﻟﺘﻔﺖ ﺍﻟﻰ " ﺃﻳﻤﻦ " ﻗﺎﺋﻼً :
- ﻓﻴﻦ ﺻﻨﻴﻪ ﺍﻟﻤﻜﺮﻭﻧﺔ ﺑﺘﺎﻋﺘﻰ
ﻧﻈﺮ ﻟﻪ " ﺃﻳﻤﻦ " ﺑﺪﻫﺸﺔ ﻗﺎﺋﻼ :
- ﺍﻧﺘﻰ ﻫﺘﺎﺧﺪﻫﺎ ﺑﺠﺪ
ﻗﺎﻝ ﻟﻪ " ﻋﻤﺮ " ﺑﺠﺪﻳﻪ ﻭﻋﻴﻮﻧﻪ ﺗﻠﻤﻊ ﻣﻦ ﺍﻟﻤﺮﺡ :
- ﺃﻣﺎﻝ ﻫﺴﻴﺒﻬﺎﻟﻚ .. ﻳﻼ ﻫﺎﺗﻬﺎ
ﺩﺧﻞ " ﺃﻳﻤﻦ " ﻟﻴﺠﺪ " ﺳﻤﺎﺡ " ﺍﻟﺘﻰ ﻛﺎﻧﺖ ﺗﺴﺘﻤﻊ ﺍﻟﻰ ﺍﻟﺤﻮﺍﺭ ﺗﻤﺪ ﻳﺪﻫﺎ ﺑﺎﻟﺼﻨﻴﺔ ﺍﻟﻤﻐﻠﻔﺔ ﻭﻫﻰ ﺗﺤﺎﻭﻝ ﻛﺘﻢ ﺿﺤﻜﺎﺗﻬﺎ .. ﻋﺎﺩﺭ " ﺃﻳﻤﻦ " ﺍﻟﻴﻪ ﻭﻫﻮ ﻳﻀﺤﻚ ﻗﺎﺋﻼً :
- ﻭﺍﻟﻠﻪ ﺃﻧﺎ ﺃﻭﻝ ﻣﺮﺓ ﺃﺷﻮﻑ ﺿﻴﻒ ﻳﺠﺒﺮ ﺻﺎﺣﺐ ﺍﻟﺒﻴﺖ ﺍﻧﻪ ﻳﻌﺰﻣﻪ ﻋﻠﻰ ﺍﻟﻐﺪﺍ .. ﻭﻣﺶ ﺑﺲ ﻛﺪﻩ ﻷ ﻳﺎﺧﺪ ﺑﺎﻗﻰ ﺍﻷﻛﻞ ﻣﻌﺎﻩ ﻭﻫﻮ ﻣﺮﻭﺡ
ﺍﺑﺘﺴﻢ " ﻋﻤﺮ " ﻗﺎﺋﻼً :
- ﺧﻼﺹ ﻫﺘﺬﻟﻨﻰ .. ﻋﻠﻴﺎ ﻟﻴﻚ ﻋﺰﻭﻣﺔ ﺍﻥ ﺷﺎﺀ ﺍﻟﻠﻪ
ﺣﻤﻞ " ﻋﻤﺮ " ﺍﻟﺼﻨﻴﺔ ﻭﻧﺰﻝ ﺑﺴﺮﻋﺔ .. ﺭﺁﻯ " ﻳﺎﺳﻤﻴﻦ " ﻭﺍﻗﻔﻪ ﺗﻨﺘﻈﺮ ﺳﻴﺎﺭﺓ ﺃﺟﺮﻩ .. ﻓﺄﺳﺮﻉ ﺍﻟﻰ ﺳﻴﺎﺭﺗﻪ ﻭﻭﺿﻊ ﻓﻴﻬﺎ ﻣﺎ ﻳﺤﻤﻠﻪ .. ﻧﻈﺮﺕ ﺍﻟﻴﻪ " ﻳﺎﺳﻤﻴﻦ " ﺑﺪﻫﺸﺔ ﻗﺎﺋﻠﻪ ﻓﻰ ﻧﻔﺴﻬﺎ ( ﻣﻌﻘﻮﻝ ﺧﺪ ﺍﻟﺼﻨﻴﻪ ﻭﻫﻮ ﻧﺎﺯﻝ ﺩﻩ ﻳﺒﻘﻰ ﻣﺠﻨﻮﻥ ﺭﺳﻤﻲ ) .. ﺃﻭﻗﻔﺖ ﺍﻟﺘﺎﻛﻰ ﻭﺭﻛﺒﺖ ﺛﻢ ﻭﻟﺪﻫﺸﺘﻬﺎ .. ﻭﺟﺪﺕ " ﻋﻤﺮ " ﻳﻔﺘﺢ ﺍﻟﺒﺎﺏ ﺍﻷﻣﺎﻣﻰ ﻭﻳﺄﻣﺮ ﺍﻟﺴﺎﺋﻖ ﺃﻥ ﻳﻨﻄﻠﻖ .. ﺃﻟﺠﻤﺘﻬﺎ ﺍﻟﻤﻔﺎﺟﺄﺓ .. ﻛﺎﻥ ﻳﻌﻠﻢ ﺃﻧﻬﺎ ﺫﺍﻫﺒﺔ ﺍﻟﻰ ﻣﻮﻗﻒ ﺍﻟﺪﺭﺍﺳﺎﺕ ﻟﺘﺮﻛﺐ ﺳﻴﺎﺭﺓ ﺃﺧﺮﻯ ﺍﻟﻰ ﺍﻟﻤﺰﺭﻋﺔ ﻓﺎﺧﺒﺮ ﺍﻟﺴﺎﺋﻖ ﻋﻦ ﻧﻔﺲ ﺍﻟﻤﻜﺎﻥ ﺍﻟﺬﻯ ﺳﺘﺬﻫﺐ ﺍﻟﻴﻪ .. ﻭﺑﻬﺬﺍ ﺳﺎﺭ ﺍﻟﺴﺎﺋﻖ ﻓﻰ ﻃﺮﻳﻘﻪ .. ﻛﺎﻧﺖ " ﻳﺎﺳﻤﻴﻦ " ﺗﺤﺎﻭﻝ ﺍﺳﺘﻴﻌﺎﺏ ﻣﺎ ﻳﻔﻌﻠﻪ .. ﻭﻟﻤﺎﺫﺍ ﻳﻔﻌﻠﻪ .. ﺍﻣﺎ ﻫﻮ ﻓﻈﻞ ﻳﻨﻈﺮ ﺍﻟﻴﻬﺎ ﻓﻰ ﺍﻟﻤﺮﺁﻩ ﺍﻟﺠﺎﻧﺒﻴﻪ ﻭﻫﻮ ﻳﺒﺘﺴﻢ ﺑﻴﻦ ﺍﻟﺤﻴﻦ ﻭﺍﻵﺧﺮ .. ﻟﻜﻨﻬﺎ ﺗﺤﺎﺷﺖ ﺍﻟﻨﻈﺮ ﻓﻰ ﻫﺬﺍ ﺍﻹﺗﺠﺎﻩ ﺗﻤﺎﻣﺎ ﺣﺘﻰ ﻻ ﺗﺘﻼﻗﻰ ﻋﻴﻨﺎﻫﺎ ﺑﻌﻴﻨﻴﻪ .. ﻭﺻﻼ ﺍﻟﻰ ﺍﻟﻤﻮﻗﻒ .. ﻧﺰﻟﺖ " ﻳﺎﺳﻤﻴﻦ " ﻟﺘﺒﺤﺚ ﻋﻦ ﺳﻴﺎﺭﺓ ﻣﺘﻮﺟﻬﻪ ﺍﻟﻰ ﻣﻜﺎﻥ ﺍﻟﻤﺰﺭﻋﺔ .. ﻭﺟﺪﺕ ﺑﺴﻬﻮﻟﻪ ﺭﻛﺒﺖ ﻓﻰ ﺍﻟﻤﻘﻌﺪ ﺧﻠﻒ ﺍﻟﺴﺎﺋﻖ .. ﻭﻟﺪﻫﺸﺘﻬﺎ ﻟﻠﻤﺮﺓ ﺍﻟﺜﺎﻧﻴﺔ ﻭﺟﺪﺕ " ﻋﻤﺮ " ﻳﺼﻌﺪ ﻟﻴﺮﻛﺐ ﺑﺠﻮﺍﺭﻫﺎ .. ﻧﻈﺮﺕ ﺍﻟﻴﻪ ﺑﺪﻫﺸﺔ ﻣﻤﺰﻭﺟﻪ ﺑﺎﻟﻐﻀﺐ .. ﻟﻜﻨﻪ ﻗﺎﺑﻞ ﻧﻈﺮﺓ ﺍﻟﻐﻀﺐ ﻓﻰ ﻋﻴﻨﻴﻬﺎ ﺑﻨﻈﺮﺓ ﻣﺮﺣﻪ ﻭﺍﺑﺘﺴﺎﻣﻪ ﻋﺬﺑﻪ .. ﺍﻟﺘﻔﺘﺖ ﻟﺘﻨﻈﺮ ﺍﻟﻰ ﺍﻟﺸﺒﺎﻙ ﻭﺻﻤﻤﺖ ﺃﻥ ﺗﻨﻈﺮ ﻣﻨﻪ ﻃﻮﺍﻝ ﺍﻟﻄﺮﻳﻖ ﻭﺃﻻ ﺗﻠﺘﻔﺖ ﺍﻟﻲ " ﻋﻤﺮ " ﺃﺑﺪﺍً .. ﻭﺿﻌﺖ ﺣﻘﻴﺒﺘﻬﺎ ﺑﻴﻨﻬﻤﺎ .. ﺃﺧﺬ ﻳﻨﻈﺮ ﺍﻟﻰ ﺍﻟﺤﻘﻴﺒﺔ ﺛﻢ ﺍﻟﻴﻬﺎ .. ﻧﻈﺮﺕ ﺍﻟﻴﻪ ﺑﺘﺤﺪﻯ .. ﻓﻨﻈﺮ ﺍﻟﻴﻬﺎ ﺑﻤﻜﺮ .. ﻭﻭﺟﺪﺗﻪ ﻳﻤﻴﻞ ﻋﻠﻴﻬﺎ ﻗﻠﻴﻼً ﻭﻳﻬﻤﺲ ﻗﺎﺋﻼً :
- ﻟﻮ ﺑﺘﻌﻤﻠﻰ ﻛﺪﻩ ﻣﻊ ﺍﻯ ﺣﺪ ﻳﺮﻛﺐ ﺟﻤﺒﻚ .. ﻓﺪﻯ ﺣﺎﺟﻪ ﺗﺒﺴﻄﻨﻰ
ﺍﻟﺘﻔﺘﺖ ﻟﺘﻨﻈﺮ ﺍﻟﻰ ﺍﻟﺸﺒﺎﻙ ﺩﻭﻥ ﺃﻥ ﺗﺮﺩ ﻋﻠﻴﻪ .. ﺍﻛﺘﻤﻞ ﺍﻟﻌﺪﺩ ﻭﺍﻧﻄﻠﻖ ﺍﻟﺴﺎﺋﻖ ﻓﻰ ﻃﺮﻳﻘﻪ .. ﻟﻢ ﻳﻌﺘﺎﺩ " ﻋﻤﺮ " ﺑﺎﻟﻄﺒﻊ ﻋﻠﻰ ﺭﻛﻮﺏ ﺍﻟﻤﻮﺍﺻﻼﺕ ﺍﻟﻌﺎﻣﺔ .. ﻟﺬﻟﻚ ﻛﺎﻥ ﻳﺠﻬﻞ ﺃﻥ ﺍﻟﻤﻌﻘﺪ ﺍﻟﺬﻯ ﺍﺧﺘﺎﺭﻩ ﺗﺤﺪﻳﺪﺍً ﻫﻮ ﺃﺳﻮﺃ ﻣﻮﺿﻊ ﻓﻰ ﺍﻟﺴﻴﺎﺭﺓ ﻷﻥ ﺍﻟﺮﺍﻛﺐ ﻓﻰ ﻫﺬﺍ ﺍﻟﻤﻘﻌﺪ ﺗﺼﺒﺢ ﻋﻠﻴﻪ ﻣﻬﻤﺔ ﺍﻋﻄﺎﺀ ﺍﻷﺟﺮﻩ ﻣﻦ ﺍﻟﺮﻛﺎﺏ ﺍﻟﻰ ﺍﻟﺴﺎﺋﻖ ﻭﺑﺎﻗﻰ ﺍﻟﻤﺎﻝ ﻳﻌﻴﺪﻩ ﺍﻟﻰ ﺍﻟﺮﻛﺎﺏ .. ﻛﻞ ﺩﻗﻴﻘﺘﻴﻦ ﻳﺠﺪ ﻣﻦ ﻳﺮﺑﺖ ﻋﻠﻰ ﻛﺘﻔﻪ ﻟﻴﻌﻄﻴﻪ ﺍﻷﺟﺮﺓ ﻭﻳﻨﺘﻈﺮ ﺍﻟﺒﺎﻗﻰ .. ﺷﻌﺮ ﺑﺎﻟﺤﻨﻖ ﻭﺍﻟﻀﻴﻖ .. ﺃﻣﺎ " ﻳﺎﺳﻤﻴﻦ " ﻓﻜﺎﻧﺖ ﺳﻌﻴﺪﺓ ﻟﻠﻐﺎﻳﺔ ﻋﻨﺪﻣﺎ ﺍﻟﺘﻔﺘﺖ ﺍﻟﻴﻪ ﻭﺭﺃﺕ ﻋﻼﻣﺎﺕ ﺍﻟﻀﻴﻖ ﻋﻠﻰ ﻭﺟﻬﻪ .. ﺷﻌﺮﺕ ﺑﺄﻧﻬﺎ ﺍﻧﺘﻘﻤﺖ ﻣﻨﻪ ﺑﻄﺮﻳﻘﻪ ﻣﺎ .. ﻧﻈﺮ ﺍﻟﻴﻬﺎ ﻟﻴﺠﺪﻫﺎ ﺗﻨﻈﺮ ﺍﻟﻰ ﺍﻟﺸﺒﺎﻙ ﻣﺒﺘﺴﻤﻪ .. ﻓﺈﺑﺘﺴﻢ ﻭﺃﻣﺎﻝ ﺑﺮﺃﺳﻪ ﺗﺠﺎﻫﻬﺎ ﻗﺎﺋﻼً ﺑﻬﻤﺲ :
- ﻓﺪﺍﻛﻰ .. ﺍﻟﻤﻬﻢ ﺍﻧﻰ ﺁﻋﺪ ﺟﻤﺒﻚ
ﺗﻼﺷﺖ ﺍﺑﺘﺴﺎﻣﺘﻬﺎ .. ﻭﺧﻔﻖ ﻗﻠﺒﻬﺎ .. ﺗﺒﺎً ﻟﻚ ﺃﻳﻬﺎ ﺍﻟﻘﻠﺐ ﺍﻟﺬﻯ ﻻ ﺗﻜﺎﺩ ﺗﺴﻤﻊ ﺻﻮﺗﻪ ﺣﺘﻰ ﺗﻘﻔﺰ ﺛﺎﺋﺮﺍً ﻣﻌﻠﻨﺎً ﻋﻦ ﻋﺼﻴﺎﻧﻚ ﻷﻭﺍﻣﺮﻱ .. ﻇﻠﺖ ﺗﻨﻈﺮ ﻣﻦ ﺍﻟﺸﺒﺎﻙ .. ﺑﻌﺪ ﺩﻗﻴﻘﻪ ﺃﻣﺎﻝ ﺭﺃﺳﻪ ﻣﺮﺓ ﺃﺧﺮﻯ ﻗﺎﺋﻼً :
- ﺗﺴﻠﻤﻲ ﺍﻳﺪﻙ ﺍﻟﻤﻜﺮﻭﻧﺔ ﻋﺠﺒﺘﻨﻰ ﺃﻭﻯ .. ﻣﻜﻨﺘﺶ ﺃﻋﺮﻑ ﺍﻧﻚ ﺷﺎﻃﺮﻩ ﻛﺪﻩ
ﻟﻢ ﺗﺒﺪﻯ ﺃﻯ ﺭﺩ ﻓﻌﻞ ﻓﺄﻛﻤﻞ ﻗﺎﺋﻼً :
- ﻏﺮﺕ ﺍﻥ ﺣﺪ ﻳﺎﻛﻞ ﻣﻨﻬﺎ ﻏﻴﺮﻱ ﻋﺸﺎﻥ ﻛﺪﻩ ﺧﺪﺗﻬﺎ ﻣﻌﺎﻳﺎ .. ﺳﺒﺘﻬﺎ ﻓﻰ ﺍﻟﻌﺮﺑﻴﺔ
ﺣﺎﻭﻟﺖ ﻗﺪﺭ ﺍﻹﻣﻜﺎﻥ ﺃﻥ ﺗﺼﻢ ﺃﺫﻧﻬﺎ ﻋﻦ ﻛﻠﻤﺎﺗﻪ .. ﻭﺃﻻ ﺗﺘﺄﺛﺮ ﺑﻤﺎ ﻳﻘﻮﻝ .. ﺻﻤﺖ ﻗﻠﻴﻼً ﺛﻢ ﺃﺗﺎﻫﺎ ﺻﻮﺗﻪ ﺑﺸﺊ ﻣﻦ ﺍﻷﻟﻢ :
- ﻧﻔﺴﻲ ﺃﻓﻬﻢ ﺣﺎﺟﻪ ﻭﺍﺣﺪﻩ ﺑﺲ .. ﺍﻧﺘﻰ ﻟﻴﻪ ﺭﻓﻀﺎﻧﻰ
ﻗﻄﺒﺖ ﺟﺒﻴﻨﻬﺎ ﻭﻫﻰ ﺗﺘﺬﻛﺮ ﺍﻷﺳﺒﺎﺏ ﺍﻟﻜﺜﻴﺮﺓ ﺍﻟﺘﻰ ﺗﺠﻌﻠﻬﺎ ﺗﺮﻓﻀﻪ
ﺣﺜﻬﺎ ﻗﺎﺋﻼً :
- ﻣﺶ ﻫﺘﻴﺮﻳﺤﻴﻨﻲ ﻭﺗﻌﺮﻓﻴﻨﻲ ﺍﻟﺴﺒﺐ ؟
ﺻﻤﺘﺖ ﻭﻟﻢ ﺗﺠﺐ .. ﺃﺗﻰ ﻣﻜﺎﻥ ﻧﺰﻭﻟﻬﻤﺎ .. ﻧﺰﻝ ﺃﻭﻻً ﺛﻢ ﻧﺰﻟﺖ " ﻳﺎﺳﻤﻴﻦ " ﻛﺎﻧﺖ ﻣﺘﻮﺟﻪ ﺍﻟﻰ ﺍﻟﺒﻮﺍﺑﻪ ﻋﻨﺪﻣﺎ ﺍﻋﺘﺮﺽ ﻃﺮﻳﻘﻬﺎ ﻗﺎﺋﻼً ﺣﺰﻡ :
- ﻣﺶ ﻫﺴﻴﺒﻚ ﺗﻌﺪﻯ ﺇﻻ ﻟﻤﺎ ﺗﻘﻮﻟﻴﻠﻰ ﺳﺒﺐ ﻭﺍﺣﺪ ﻟﺮﻓﻀﻚ ﻟﻴﻪ
ﻧﻈﺮﺕ ﺍﻟﻴﻪ ﺑﺤﺪﻩ ﻭﺣﺎﻭﻟﺖ ﺍﻟﻤﺮﻭﺭ ﻟﻜﻨﻪ ﺳﺪ ﻋﻠﻴﻬﺎ ﺍﻟﻄﺮﻳﻖ ﻧﻈﺮﺕ ﺍﻟﻴﻪ ﻏﺎﺿﺒﻪ ﻭﻗﺎﻟﺖ :
- ﻟﻮ ﺳﻤﺤﺖ ﻋﺪﻳﻨﻲ .. ﻣﻴﺼﺤﺶ ﺍﻟﻠﻰ ﺍﻧﺖ ﺑﺘﻌﻤﻠﻪ ﺩﻩ
ﻗﺎﻝ ﺑﺘﺼﻤﻴﻢ :
- ﺃﺳﻤﻊ ﺳﺒﺐ ﻭﺍﺣﺪ ﻭﺳﺎﻋﺘﻬﺎ ﻫﻌﺪﻳﻜﻲ
ﻗﺎﻟﺖ ﺑﺘﺤﺪﻯ :
- ﻣﺶ ﻫﺘﻜﻠﻢ
ﻗﺎﻝ ﺑﺘﺤﺪﻯ ﻣﻤﺎﺛﻞ :
- ﻣﺶ ﻫﻌﺪﻳﻜﻲ
ﺯﻓﺮﺕ ﻭﻧﻈﺮﺕ ﺣﻮﻟﻬﺎ .. ﻟﻢ ﺗﺠﺪ ﻣﻦ ﻳﻨﻘﺬﻫﺎ ﻣﻦ ﻫﺬﺍ ﺍﻟﻤﺄﺫﻕ .. ﻗﺎﻝ " ﻋﻤﺮ " ﺑﻨﻔﺎﺫ ﺻﺒﺮ :
- ﻫﺎ .. ﻣﺶ ﻫﻨﻔﻀﻞ ﻭﺍﻗﻔﻴﻦ ﻛﺪﻩ ﻛﺘﻴﺮ
ﺛﻢ ﻗﺎﻝ ﺑﺨﺒﺚ :
- ﻭﺑﻌﺪﻳﻦ ﻟﻮ ﺣﺪ ﻣﻦ ﺟﻮﻩ ﺍﻟﻤﺰﺭﻋﺔ ﺷﺎﻓﻨﺎ ﻭﺍﻗﻔﻴﻦ ﻣﻊ ﺑﻌﺾ ﺃﻛﻴﺪ ﻫﻴﻘﻮﻟﻮﺍ ﺍﻟﻤﻮﺿﻮﻉ ﻓﻴﻪ ﺍﻥ .. ﻭﺍﻧﺘﻰ ﻋﺎﺭﻓﻪ ﺍﻟﻨﺎﺱ ﻫﻨﺎ ﻣﺒﺘﺴﻜﺘﺶ
ﻧﻈﺮﺕ ﺍﻟﻴﻪ ﺑﻐﻀﺐ ﻗﺎﺋﻠﻪ :
- ﻃﻴﺐ ﻋﺪﻳﻨﻲ
ﻗﺎﻝ ﺑﺒﺮﻭﺩ :
- ﻗﻮﻟﻴﻠﻲ ﺳﺒﺐ ﻭﺍﺣﺪ ﻭﺃﻧﺎ ﺍﻋﺪﻳﻜﻲ
ﺻﻤﺘﺖ ﻗﻠﻴﻼ ﺛﻢ ﻗﺎﻟﺖ ﺑﺤﺪﻩ :
- ﺃﻧﺎ ﻭﺍﻧﺖ ﻣﻨﻨﻔﻌﺶ ﻟﺒﻌﺾ ﻟﻤﻠﻴﻮﻥ ﺳﺒﺐ
ﻗﺎﻝ ﺑﻨﻔﺲ ﺍﻟﺒﺮﻭﺩ :
- ﺍﺩﻳﻨﻲ ﺳﺒﺐ ﻭﺍﺣﺪ ﻣﻦ ﺍﻟﻤﻠﻴﻮﻥ ﺳﺒﺐ ﺩﻭﻝ
ﻋﻀﺖ ﻋﻠﻰ ﺷﻔﺘﻴﻬﺎ ﺛﻢ ﻧﻈﺮﺕ ﺍﻟﻴﻪ ﻗﺎﺋﻠﻪ :
- ﺍﻧﺖ ﻓﻰ ﻃﺮﻳﻖ ﻏﻴﺮ ﺍﻟﻠﻰ ﺃﻧﺎ ﻣﺎﺷﻴﺔ ﻓﻴﻪ .. ﻓﻰ ﻣﻠﻴﻮﻥ ﺍﺧﺘﻼﻑ ﺑﻴﻨﻰ ﻭﺑﻴﻨﻚ
ﺛﻢ ﻗﺎﻟﺖ ﺑﺤﺪﻩ :
- ﻣﻤﻜﻦ ﺑﺄﻩ ﺗﻌﺪﻳﻨﻲ
ﺻﻤﺖ ﻗﻠﻴﻼً ﺛﻢ ﻗﺎﻝ :
- ﻫﺴﺎﻋﺪﻙ ﺍﻧﻚ ﺗﻮﺻﻠﻰ ﻟﻠﻄﺮﻳﻖ ﺍﻟﻠﻰ ﺃﻧﺎ ﻓﻴﻪ ﻭﺗﻤﺸﻰ ﻣﻌﺎﻳﺎ ﻓﻴﻪ
ﻗﺎﻟﺖ ﺑﺤﺰﻡ ﻭﻛﺄﻥ ﻛﻼﻣﻪ ﺃﻫﺎﻧﻬﺎ :
- ﺃﺑﺪﺍً .. ﻣﺘﻤﻨﺎﺵ ﺃﺑﺪﺍً ﺍﻧﻰ ﺃﻣﺸﻰ ﻓﻰ ﺍﻟﻄﺮﻳﻖ ﺍﻟﻠﻰ ﺍﻧﺖ ﻣﺎﺷﻰ ﻓﻴﻪ
ﺗﺄﻣﻠﻬﺎ ﻗﻠﻴﻼ .. ﻗﺎﻟﺖ ﻓﻰ ﻧﻔﺴﻬﺎ ﻟﻘﺪ ﺃﻏﻀﺒﺘﻪ ﺍﻵﻥ .. ﻭﻟﻦ ﻳﻌﺎﻭﺩ ﺍﻟﺘﻔﻜﻴﺮ ﻓﻴﻬﺎ ﻣﺮﺓ ﺃﺧﺮﻯ .. ﺣﺴﻨﺎً ﻫﺬﺍ ﻣﺎ ﺃﺭﺩﺗﻪ .. ﻭﻗﺪ ﺣﺼﻠﺖ ﻋﻠﻴﻪ .. ﺃﺗﺎﻫﺎ ﺻﻮﺕ " ﻋﻤﺮ " ﺍﻟﺤﺎﻧﻰ ﻭﺍﺑﺘﺴﺎﻣﺘﻪ ﺍﻟﻌﺬﺑﻪ ﻟﺘﺼﺪﻣﻬﺎ ﻗﺎﺋﻼً :
- ﻟﻮ ﺍﻧﺘﻰ ﻣﺶ ﻋﺎﻳﺰﺓ ﺗﻤﺸﻰ ﻓﻰ ﻃﺮﻳﻘﻲ .. ﺃﻧﺎ ﻫﻮﺻﻞ ﻟﻠﻄﺮﻳﻖ ﺍﻟﻠﻰ ﺍﻧﺘﻰ ﻓﻴﻪ .. ﻭﺃﻣﺸﻰ ﻣﻌﺎﻛﻰ ﻓﻴﻪ .. ﺍﻟﻤﻬﻢ ﻋﻨﺪﻯ ﺍﻧﻨﺎ ﻧﻜﻮﻥ ﺳﻮﺍ
ﻋﺎﻧﻘﻬﺎ ﺑﻌﻴﻨﻴﻪ ﻟﻠﺤﻈﺔ ﻗﺒﻞ ﺃﻥ ﻳﺒﺘﻌﺪ ﺟﺎﻧﺒﺎً ﻟﻴﻔﺴﺢ ﻟﻬﺎ ﺍﻟﻄﺮﻳﻖ .. ﻣﺸﺖ ﻭﺩﺧﻠﺖ ﻣﻦ ﺍﻟﺒﻮﺍﺑﻪ .. ﻭﻗﺒﻞ ﺩﺧﻮﻟﻬﺎ ﺃﻟﻘﺖ ﻋﻠﻴﻪ ﻧﻈﺮﺓ ﻭﻫﻮ ﻳﻌﺎﻭﺩ ﺃﺩﺭﺍﺟﻪ ﻟﻴﺤﻀﺮ ﺳﻴﺎﺭﺗﻪ ﺍﻟﺘﻰ ﺗﺮﻛﻬﺎ
***************************
- ﻣﻤﻤﻤﻤﻤﻢ ﻧﻔﺴﻬﺎ ﻓﻰ ﺍﻷﻛﻞ ﺣﻠﻮ ﺃﻭﻯ .. ﻷ ﻛﺪﻩ ﺍﻧﺎ ﺍﻃﻤﻨﺖ ﻋﻠﻴﻚ
ﻗﺎﻟﺖ " ﻛﺮﻳﻤﻪ " ﻫﺬﻩ ﺍﻟﻌﺒﺎﺭﻩ ﻹﺑﻨﻬﺎ ﻭﻫﻤﺎ ﺟﺎﻟﺴﺎﻥ ﻣﻌﺎً ﻋﻠﻰ ﻃﺎﻭﻟﺔ ﻓﻰ ﺍﻟﻤﻄﺒﺦ
ﺍﺑﺘﺴﻢ " ﻋﻤﺮ " ﻗﺎﺋﻼً :
- ﻛﻮﻳﺲ ﺃﻭﻝ ﺍﻟﻄﺮﻳﻖ ﺧﻄﻮﻩ .. ﺩﻟﻮﻗﺘﻰ ﺣﺒﻴﺘﻰ ﺃﻛﻠﻬﺎ ﺑﻜﺮﻩ ﺗﺤﺒﻴﻬﺎ
ﺍﺑﺘﺴﻤﺖ " ﻛﺮﻳﻤﻪ " ﻗﺎﺋﻠﻪ :
- ﺑﺲ ﺍﻧﺖ ﺭﻫﻴﺐ ﻳﺎ " ﻋﻤﺮ " ﺣﺪ ﻳﺘﻌﺰﻡ ﻋﻨﺪ ﻭﺍﺣﺪ ﺻﺤﺒﻪ ﻭﻳﺎﺧﺪ ﺑﺎﻗﻰ ﺍﻷﻛﻞ ﻭﻫﻮ ﻧﺎﺯﻝ
ﺿﺤﻚ " ﻋﻤﺮ " ﺑﺸﺪﺓ ﻗﺎﺋﻼً :
- ﻧﻔﺲ ﺍﻟﻠﻰ ﻗﺎﻟﻬﻮﻟﻰ " ﺃﻳﻤﻦ "
ﻗﺎﻟﺖ " ﻛﺮﻳﻤﻪ " ﻓﻰ ﺳﺮﻭﺭ :
- ﺭﺑﻨﺎ ﻳﺴﻌﺪﻙ ﻳﺎ ﺣﺒﻴﺒﻰ ﻭﻳﻨﻮﻟﻚ ﺍﻟﻠﻰ ﻓﻰ ﺑﺎﻟﻚ
ﻗﺒﻞ " ﻋﻤﺮ " ﻳﺪﻫﺎ ﻗﺎﺋﻼً :
- ﻳﺎﺭﺏ ﻳﺎ ﻣﺎﻣﺎ
**************************
ﻓﻰ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻰ ﻭﻗﻔﺖ " ﻛﺮﻡ " ﻋﻠﻰ ﺑﺎﺏ ﻣﻜﺘﺐ " ﺭﻳﻬﺎﻡ " .. ﻛﺎﻥ ﻗﺪ ﺗﺤﺎﺷﻰ ﺍﻟﺬﻫﺎﺏ ﺍﻟﻰ ﺍﻟﻌﻤﻞ ﻭﺭﺅﻳﺘﻬﺎ ﻣﻨﺬ ﺃﻥ ﺍﻧﻔﻌﻠﺖ ﻋﻠﻴﻪ ﻓﻰ ﻣﻜﺘﺒﻪ ﺑﺴﺒﺐ ﻛﻠﻤﺎﺗﻪ .. ﻭﻗﻒ ﺃﻣﺎﻡ ﺍﻟﻤﻜﺘﺐ ﻓﻨﻈﺮﺕ ﺍﻟﻴﻪ ﺛﻢ ﻋﺎﺩﻭﺕ ﻋﻤﻠﻬﺎ ﻓﻰ ﺻﻤﺖ .. ﺗﻨﺤﻨﺢ ﻭﺷﻌﺮ ﺑﺎﻟﺤﺮﺝ ﻗﻠﻴﻼً ﻫﻮ ﻳﻘﻮﻝ :
- ﺃﻧﺎ ﺁﺳﻒ ﻋﻠﻰ ﺍﻟﻜﻼﻡ ﺍﻟﻠﻲ ﻗﻮﻟﺘﻬﻮﻟﻚ ﺁﺧﺮ ﻣﺮﺓ ﻓﻰ ﻣﻜﺘﺒﻲ
ﻧﻈﺮﺕ ﺍﻟﻴﻪ ﺻﺎﻣﺘﻪ .. ﻓﺄﻛﻤﻞ ﻗﺎﺋﻼً :
- ﺃﻧﺎ ﻣﻜﻨﺶ ﻗﺼﺪﻯ ﺃﻫﻴﻨﻚ ﺃﻭ ﺃﺟﺮﺣﻚ .. ﻭﺃﻧﺎ ﻋﺎﺭﻑ ﻭﻭﺍﺛﻖ ﺍﻧﻚ ﺑﻨﺖ ﻣﺤﺘﺮﻣﻪ .. ﻭﻓﻌﻼً ﻛﻼﻣﻰ ﻣﻜﻨﺶ ﻳﺼﺢ ﺃﻗﻮﻟﻬﻮﻟﻚ
ﺃﻭﻣﺄﺕ " ﺭﻳﻬﺎﻡ " ﺑﺮﺃﺳﻬﺎ ﺛﻢ ﻋﺎﻭﺩﺕ ﻣﺰﺍﻭﻟﺔ ﻋﻤﻠﻬﺎ :
ﺗﻔﺮﺱ ﻓﻴﻬﺎ " ﻛﺮﻡ " ﻗﺎﺋﻼً :
- ﻳﻌﻨﻲ ﺧﻼﺹ ﺳﻤﺤﺘﻴﻨﻲ؟
ﻧﻈﺮﺕ ﺍﻟﻴﻪ ﻗﺎﺋﻠﻪ :
- ﺧﻼﺹ ﻣﺤﺼﻠﺶ ﺣﺎﺟﻪ
ﺍﺑﺘﺴﻢ ﻭﻗﺎﻝ ﻗﺒﻞ ﺃﻥ ﻳﻐﺎﺩﺭ .. ﻣﺴﺘﻨﻰ ﺍﻟﺒﺮﻳﺪ ﻓﻰ ﻣﻜﺘﺒﻲ
ﺃﺣﻀﺮﺕ " ﺭﻳﻬﺎﻡ " ﺍﻟﺒﺮﻳﺪ ﻭﻫﻰ ﺗﺒﺘﺴﻢ ﻓﻰ ﻧﻔﺴﻬﺎ
ﻓﺠﺄﺓ ﺳﻤﻊ ﺍﻟﺠﻤﻴﻊ ﺃﺻﻮﺍﺕ ﻫﺮﺝ ﻭﻣﺮﺝ .. ﺧﺮﺟﺖ " ﻳﺎﺳﻤﻴﻦ " ﻣﻦ ﻣﻜﺘﺒﻬﺎ ﻟﺘﺴﺘﻄﻠﻊ ﺍﻷﻣﺮ .. ﻭﺟﺪﺕ ﺃﻋﺪ ﺍﻟﻌﻤﺎﻝ ﻳﺠﺮﻱ ﻓﻰ ﺍﺗﺠﺎﻩ .. ﻭﻋﺎﻣﻞ ﺁﺧﺮ ﻗﺎﺩﻡ ﻣﻬﺮﻭﻝ ﻣﻦ ﻧﻔﺲ ﺍﻟﻄﺮﻳﻖ ﻓﺄﻭﻗﻔﺘﻪ " ﻳﺎﺳﻤﻴﻦ " ﻗﺎﺋﻠﻪ :
- ﻟﻮ ﺳﻤﺤﺖ .. ﺍﻳﻪ ﺍﻟﻠﻰ ﺣﺼﻞ ؟
ﻗﺎﻝ ﺍﻟﺮﺟﻞ ﻭﻫﻮ ﻳﻠﻬﺚ :
- ﻋﺎﻣﻞ ﺍﻳﺪﻩ ﺍﺗﺤﺸﺮﺕ ﻓﻰ ﻣﺎﻛﻨﻪ ﻃﺤﻦ ﺍﻟﺤﺮﻭﺏ .. ﺟﻪ ﺍﻟﺒﺸﻤﻬﻨﺪﺱ " ﻋﻤﺮ " ﻳﺴﺎﻋﺪﻩ ﻗﺎﻣﺖ ﺍﻟﻤﺎﻛﻨﻪ ﻃﺎﻳﻠﻪ ﺍﻳﺪﻩ ﻫﻮ ﻛﻤﺎﻥ
ﺃﺻﺎﺏ " ﻳﺎﺳﻤﻴﻦ " ﺍﻟﻔﺰﻉ ﻭﺷﻌﺮﺕ ﺑﻘﻠﺒﻬﺎ ﻳﻬﻮﻯ ﻋﻠﻰ ﺍﻷﺭﺽ .. ﺃﺳﺮﻋﺖ " ﻳﺎﺳﻤﻴﻦ " ﻓﻰ ﺍﺗﺠﺎﻩ ﻣﺨﺰﻥ ﺍﻷﺩﻭﻳﺔ ﻭﺃﺣﻀﺮﺕ ﺷﻨﻄﺔ ﺍﻹﺳﻌﺎﻓﺎﺕ ﺍﻷﻭﻟﻴﺔ .. ﺛﻢ ﺫﻫﺒﺖ ﻣﺴﺮﻋﻪ ﻓﻰ ﺍﻹﺗﺠﺎﻩ ﺍﻟﺬﻯ ﺫﻫﺐ ﻓﻴﻪ ﺍﻟﻌﺎﻣﻞ .. ﺭﺃﺕ ﻋﺪﺓ ﻋﻤﺎﻝ ﻣﺘﺠﻤﻌﻴﻦ ﺧﺎﺭﺝ ﺍﻟﻤﺒﻨﻰ ﻭﺃﺣﺪ ﺍﻟﻌﻤﺎﻝ ﻳﻘﻒ ﻋﻠﻰ ﺍﻟﺒﺎﺏ ﻳﻤﻨﻌﻬﻢ ﻣﻦ ﺍﻟﺪﺧﻮﻝ .. ﺃﺳﺮﻋﺖ ﻭﺻﺮﺧﺖ ﻓﻴﻪ ﻗﺎﺋﻠﻪ :
- ﻋﺪﻳﻨﻲ ﺑﺴﺮﻋﺔ
ﺃﻓﺴﺢ ﺍﻟﺮﺟﻞ ﻟﻬﺎ ﺍﻟﻄﺮﻳﻖ ﺩﺧﻠﺖ ﻟﺘﺠﺪ ﺭﺟﻞ ﻧﺎﺋﻢ ﻋﻠﻰ ﺍﻷﺭﺽ ﻭﺣﻮﻟﻪ ﺭﺟﻠﻴﻦ .. ﺑﺤﺜﺖ ﺑﻨﻈﺮﻫﺎ ﻋﻦ " ﻋﻤﺮ " ﻓﻠﻢ ﺗﺠﺪﻩ .. ﺫﻫﺒﺖ ﺍﻟﻴﻬﻢ ﻟﺘﺠﺪ ﻳﺪ ﺍﻟﺮﺟﻞ ﻓﻰ ﺣﺎﻟﻪ ﻳﺮﺛﻰ ﻟﻬﺎ .. ﻓﻠﻘﺪ ﺃﺟﻬﺰﺕ ﺍﻟﻤﺎﻛﻴﻨﻪ ﻋﻠﻰ ﻛﻔﻪ .. ﻭﺍﻟﺮﺟﻞ ﻓﻘﺪ ﻭﻋﻴﻪ ﻣﻦ ﺷﺪﺓ ﺍﻷﻟﻢ .. ﺧﻔﻖ ﻗﻠﺒﻬﺎ ﺑﻘﻮﺓ ﺗﺮﻯ ﻣﺎﺫﺍ ﺃﺻﺎﺏ " ﻋﻤﺮ " ﻭﺃﻳﻦ ﻫﻮ ﺍﻵﻥ .. ﻫﻞ ﺃﺻﻴﺐ ﻣﺜﻠﻪ .. ﺟﺜﺖ ﺑﺠﻮﺍﺭ ﺍﻟﺮﺟﻞ ﺍﻟﻔﺎﻗﺪ ﺍﻟﻮﻋﻰ ﻭﺃﺧﺮﺟﺖ ﻣﻦ ﺍﻟﺤﻘﻴﺒﻪ ﺍﻟﺘﻰ ﺗﺠﻤﻠﻬﺎ ﻗﻤﺎﺷﺔ ﻃﻮﻳﻠﺔ ﺭﺑﻄﺖ ﺑﻬﺎ ﺭﺳﻐﻪ ﺑﻘﻮﺓ ﻟﻜﻰ ﺗﻘﻠﻞ ﻣﻦ ﺍﻟﺪﻡ ﺍﻟﺬﻯ ﻳﻔﻘﺪﻩ .. ﻗﺎﻝ ﻟﻬﺎ ﺃﺣﺪ ﺍﻟﺮﺟﻠﻴﻦ ﻣﺶ ﻫﺘﺮﺑﻄﻰ ﻛﻒ ﺍﻳﺪﻩ ﺍﻟﻠﻰ ﺑﺘﻨﺰﻑ ﺩﻯ .. ﻧﻈﺮﺕ ﺍﻟﻴﻪ ﻗﺎﺋﻠﻪ :
- ﻷﻥ ﻋﻈﻢ ﻛﻔﻪ ﻛﻠﻪ ﻣﻜﺴﻮﺭ ﺍﻟﻤﻔﺮﻭﺽ ﻣﻴﺘﺤﺮﻛﺶ ﻟﺤﺪ ﻣﺎ ﺍﻹﺳﻌﺎﻑ ﺗﻴﺠﻲ ﺗﺸﻴﻠﻪ ﺯﻯ ﻣﺎ ﻫﻮ ﻛﺪﻩ
ﺛﻢ ﻗﺎﻟﺖ ﺑﻠﻬﻔﻪ :
- ﻓﻴﻦ ﺍﻟﺒﺸﻤﻬﻨﺪﺱ " ﻋﻤﺮ " ؟ .. ﺟﺮﺍﻟﻪ ﺣﺎﺟﻪ ؟
ﺳﻤﻌﺖ ﺣﺮﻛﺔ ﺧﻠﻔﻬﺎ ﻧﻈﺮﺕ ﻟﺘﺠﺪ " ﻋﻤﺮ .. " ﻭﻗﻔﺖ ﻓﻰ ﻫﻠﻊ ﻭﻫﻰ ﺗﻨﻈﺮ ﺍﻟﻰ ﻗﻤﻴﺼﻪ ﺍﻷﺑﻴﺾ ﺍﻟﺬﻯ ﺻﺒﻎ ﺑﺎﻟﻠﻮﻥ ﺍﻷﺣﻤﺮ ﺍﻟﺪﺍﻣﻰ .. ﻛﺎﻥ ﻳﻤﺴﻚ ﻗﻄﻌﻪ ﻗﻤﺎﺵ ﻭﻳﻀﻐﻂ ﺑﻬﺎ ﻋﻠﻰ ﻛﻔﻪ .. ﻫﺘﻔﺖ ﻗﺎﺋﻠﻪ ﺑﺼﻮﺕ ﻣﺮﺗﺠﻒ :
- ﺍﻧﺖ ﻛﻮﻳﺲ؟
ﻧﻈﺮ ﺍﻟﻴﻬﺎ ﻳﺘﺄﻣﻞ ﺍﻟﺨﻮﻑ ﻭﺍﻟﻠﻬﻔﺔ ﻋﻠﻰ ﻭﺟﻬﻬﺎ .. ﻭﻧﻈﺮﺍﺕ ﻋﻴﻨﻴﻬﺎ ﺍﻟﺪﺍﻣﻌﻪ ﻭﺍﻟﺘﻰ ﺗﻨﺘﻘﻞ ﺑﺴﺮﻋﺔ ﻭﻟﻮﻋﻪ ﺑﻴﻦ ﻭﺟﻬﻪ ﻭﻛﻔﻪ .. ﻗﺎﻝ ﺑﺼﻮﺕ ﺧﺎﻓﺖ :
- ﻣﺘﺨﻔﻴﺶ
ﺍﺯﺩﺍﺩ ﻟﻤﻌﺎﻥ ﺍﻟﺪﻣﻮﻉ ﻓﻰ ﻋﻴﻨﻴﻬﺎ ﻭﻛﺮﺭﺕ ﺳﺆﺍﻟﻬﺎ ﻭﻛﺄﻧﻬﺎ ﻟﻢ ﺗﺴﻤﻊ ﺍﺟﺎﺑﺘﻪ :
- ﺍﻧﺖ ﻛﻮﻳﺲ ؟ .. ﺍﻳﺪﻙ ﺣﺼﻠﻬﺎ ﺣﺎﺟﻪ ؟
ﺃﺯﺍﺡ " ﻋﻤﺮ " ﻗﻄﻌﺔ ﺍﻟﻘﻤﺎﺵ ﻟﻴﺮﻳﻬﺎ ﺟﺮﺣﺎً ﺻﻐﻴﺮﺍً ﻓﻰ ﻳﺪﻩ .. ﻭﻧﻈﺮ ﺍﻟﻴﻬﺎ ﻗﺎﺋﻼً :
- ﺍﻟﺤﻤﺪ ﻟﻠﻪ ﺭﺑﻨﺎ ﺳﺘﺮﻫﺎ ﻣﻌﺎﻳﺎ ..
ﻧﻈﺮﺕ ﺍﻟﻰ ﻗﻤﻴﺼﻪ ﺍﻟﻤﺒﻠﻞ ﺑﺎﻟﺪﻣﺎﺀ ﻭﻫﻰ ﻣﺎﺯﺍﻟﺖ ﺑﻌﺪ ﺗﺤﺖ ﺗﺄﺛﻴﺮ ﺍﻟﺼﺪﻣﺔ ﻭﻗﺎﻟﺖ :
- ﺃﻣﺎﻝ ﺍﻳﻪ ﺍﻟﺪﻡ ﺍﻟﻠﻰ ﻋﻠﻰ ﻗﻤﻴﺼﻚ ﺩﻩ
ﺃﺟﺎﺑﻬﺎ ﻗﺎﺋﻼً :
- ﺩﻩ ﻣﺶ ﺩﻣﻰ .. ﺩﻩ ﺩﻡ ﺍﻟﻌﺎﻣﻞ ﺍﻟﻠﻰ ﺍﺗﺼﺎﺏ
ﻓﻰ ﺗﻠﻚ ﺍﻟﻠﺤﻈﺔ ﺣﻀﺮﺕ ﺳﻴﺎﺭﺓ ﺍﻹﺳﻌﺎﻑ ﻭﻧﻘﻠﻮﺍ ﺍﻟﻌﺎﻣﻞ ﺍﻟﻴﻬﺎ ﻭﺃﻣﺮ " ﻋﻤﺮ " ﺭﺟﻠﻴﻦ ﻣﻦ ﺭﺟﺎﻟﻪ ﺑﺎﻟﺬﻫﺎﺏ ﻣﻊ ﺍﻟﻌﺎﻣﻞ ﺍﻟﻰ ﺍﻟﻤﺴﺘﺸﻔﻰ ﻭﻣﺘﺎﺑﻌﺘﻪ ﺑﺘﻔﺎﺻﻴﻞ ﺣﺎﻟﺘﻪ
ﺗﻌﺎﻟﺖ ﺻﻮﺕ ﺳﺮﻳﻨﻪ ﺳﻴﺎﺭﺓ ﺍﻹﺳﻌﺎﻑ ﻭﻫﻰ ﺗﺒﺘﻌﺪ ﻟﺘﻐﺎﺩﺭ ﺍﻟﻤﺰﺭﻋﺔ ﺍﻟﺘﻔﺖ " ﻋﻤﺮ " ﺍﻟﻰ " ﻳﺎﺳﻤﻴﻦ " ﻣﺮﺓ ﺃﺧﺮﻯ ﻳﺘﻔﺮﺱ ﻓﻰ ﻭﺟﻬﻬﺎ ﻭﻳﺮﺍﻗﺐ ﻛﻞ ﺧﻠﺠﺎﺗﻪ .. ﻗﺎﻟﺖ ﻟﻪ " ﻳﺎﺳﻤﻴﻦ " ﻭﻫﻰ ﺗﺤﺎﻭﻝ ﺍﺳﺘﺠﻤﺎﻉ ﺷﺘﺎﺕ ﻧﻔﺴﻬﺎ :
- ﻻﺯﻡ ﺗﻄﻬﺮ ﺍﻟﺠﺮﺡ ﻭﺗﺮﺑﻄﻪ .. ﻣﺘﺴﺘﻬﻮﻧﺶ ﺑﻴﻪ
ﻟﻤﻌﺖ ﻋﻴﻨﺎﻩ ﻭﺍﺑﺘﺴﻢ ﻟﻬﺎ ﻗﺎﺋﻼً ﺑﺼﻮﺕ ﻫﺎﻣﺲ :
- ﺧﺎﻳﻔﻪ ﻋﻠﻴﺎ ؟
ﺗﺤﺎﺷﺖ ﺍﻟﻨﻈﺮ ﺍﻟﻴﻪ ﻭﻗﺎﻟﺖ :
- ﺃﻧﺎ ﻫﺮﻭﺡ ﺃﻛﻤﻞ ﺷﻐﻠﻰ .. ﺑﻌﺪ ﺍﺫﻧﻚ
ﺃﻭﻗﻔﻬﺎ ﻗﺎﺋﻼً :
- ﻋﺎﺭﻓﻪ .. ﺃﻧﺎ ﻛﻨﺖ ﺑﺪﺃﺕ ﺃﻳﺄﺱ .. ﻭﺃﺣﺲ ﺍﻧﻰ ﻣﺶ ﻣﻤﻜﻦ ﻫﻌﺮﻑ ﺃﺧﻠﻴﻜﻲ ﺗﺤﺒﻴﻨﻰ
ﺛﻢ ﺍﺑﺘﺴﻢ ﻗﺎﺋﻼً :
- ﺑﺲ ﺃﻧﺎ ﺩﻟﻮﻗﺘﻰ ﺍﻃﻤﻨﺖ
ﺷﻌﺮﺕ ﺑﺄﻥ ﻭﺟﻨﺘﻴﻬﺎ ﺳﺎﺭﺗﺎ ﺟﻤﺮﺗﻴﻦ ﻣﺸﺘﻌﻠﺘﻴﻦ ﻭﻧﻈﺮﺕ ﺍﻟﻴﻪ ﻗﺎﺋﻠﻪ ﺑﺘﻮﺗﺮ ﻭﺑﺼﻮﺕ ﻣﺮﺗﺠﻒ ﺗﺪﺍﻓﻊ ﻋﻦ ﻧﻔﺴﻬﺎ :
- ﻟﻮ ﻛﺎﻥ ﺃﻯ ﺣﺪ ﻣﻜﺎﻧﻚ ﻛﻨﺖ ﻫﻘﻠﻖ ﺑﺮﺩﻩ ﺃﻣﺎ ﺃﺷﻮﻑ ﻗﻤﻴﺼﻪ ﻏﺮﻗﺎﻥ ﺩﻡ ﻛﺪﻩ .. ﻳﻌﻨﻲ ﻣﺶ ﺣﺎﺟﻪ ﺧﺎﺻﻪ ﺑﻴﻚ ﺍﻧﺖ
ﺃﺧﻔﺾ ﺭﺃﺳﻪ ﻗﻠﻴﻼ ﻭﻧﻈﺮ ﻓﻰ ﻋﻴﻨﻴﻬﺎ ﻣﺒﺎﺷﺮﺓ ﻗﺎﺋﻼً :
- ﺃﻧﺎ ﻣﺶ ﺻﻐﻴﺮ ﻳﺎ " ﻳﺎﺳﻤﻴﻦ " .. ﺃﻧﺎ ﻋﺎﺭﻑ ﻛﻮﻳﺲ ﺍﻳﻪ ﺍﻟﻠﻰ ﺃﻧﺎ ﺷﻮﻓﺘﻪ ﻓﻰ ﻋﻴﻨﻴﻜﻲ
ﺷﻌﺮﺕ ﺑﺎﻹﺭﺗﺒﺎﻙ .. ﺧﻔﻀﺖ ﺑﺼﺮﻫﺎ ﺛﻢ ﺳﺎﺭﺕ ﻓﻰ ﺍﺗﺠﺎﻩ ﺍﻟﺒﺎﺏ .. ﺍﻟﺘﻔﺖ " ﻋﻤﺮ " ﺍﻟﻴﻬﺎ ﻗﺎﺋﻼً ﺑﺼﻮﺕ ﻋﺎﻟﻰ :
- ﺃﻳﻮﺓ .. ﺍﻫﺮﺑﻰ ﺍﻟﻌﺎﺩﺓ
ﻛﺎﻧﺖ ﺑﺎﻟﻔﻌﻞ ﺗﻌﻠﻢ ﺃﻧﻪ ﻣﺤﻖ .. ﻣﺤﻖ ﻓﻰ ﺍﻷﻣﺮﻳﻦ .. ﻣﺤﻖ ﻓﻴﻤﺎ ﺭﺁﻩ ﻓﻰ ﻋﻴﻨﻴﻬﺎ .. ﻭﻣﺤﻖ ﻓﻰ ﺃﻧﻬﺎ ﺗﻬﺮﺏ .
********************
ﺫﻫﺐ " ﻋﻤﺮ " ﻓﻰ ﺍﺗﺠﺎﻩ ﺑﻴﺖ ﺍﻟﻤﺰﺭﻋﺔ ﻟﻴﺠﺪ ﺃﻣﻪ ﻣﻘﺒﻠﻪ ﻋﻠﻴﻪ ﺗﻬﺘﻒ ﻓﻰ ﻟﻮﻋﻪ :
" - ﻋﻤﺮ " ﺍﻳﻪ ﺍﻟﻠﻰ ﺣﺼﻞ .. ﺍﻳﻪ ﺍﻟﺪﻡ ﺩﻩ
ﻧﻈﺮﺕ ﺍﻟﻰ ﻳﺪﻩ ﻫﺎﺗﻔﻪ :
- ﻣﺎﻟﻚ ﻳﺎ ﺍﺑﻨﻰ ﺍﻳﻪ ﺍﻟﻠﻰ ﺣﺼﻞ
ﻣﺴﺢ " ﻋﻤﺮ " ﻋﻠﻰ ﻛﺘﻔﻬﺎ ﻭﻃﻤﺄﻧﻬﺎ ﻗﺎﺋﻼً :
- ﻣﺘﺤﻔﻴﺶ ﻋﻠﻴﺎ ﺃﻧﺎ ﻛﻮﻳﺲ ﺩﻩ ﺟﺮﺡ ﺑﺴﻴﻂ
ﻫﺘﻔﺖ ﻓﻰ ﻟﻮﻋﻪ :
- ﺟﺮﺡ ﺑﺴﻴﻂ ﺃﻣﺎﻝ ﺍﻳﻪ ﺍﻟﺪﻡ ﺩﻩ ؟
ﻗﺎﻝ ﺷﺎﺭﺣﺎً :
- ﺩﻩ ﺩﻡ ﺍﻟﻌﺎﻣﻞ ﺍﻟﻠﻰ ﺍﺗﺼﺎﺏ ﻛﻨﺖ ﺑﺤﺎﻭﻝ ﺃﻃﻠﻊ ﺍﻳﺪﻩ ﺍﻟﻠﻰ ﺍﺗﺤﺸﺮﺕ ﻓﻰ ﺍﻟﻤﺎﻛﻨﻪ
ﻗﺎﻟﺖ " ﻛﺮﻳﻤﻪ " ﺑﻘﻠﻖ :
- ﻭﻫﻮ ﻓﻴﻦ ﺩﻟﻮﻗﺘﻰ
ﻗﺎﻟﺖ " ﻋﻤﺮ " ﺑﺄﺳﻰ :
- ﺍﻹﺳﻌﺎﻑ ﺟﻢ ﺧﺪﻭﻩ ﻣﻦ ﺷﻮﻳﺔ .. ﻭﺃﻧﺎ ﻫﻄﻠﻊ ﺑﺲ ﺁﺧﺪ ﺷﺎﻭﺭ ﻭﺃﻏﻴﺮ ﻫﺪﻭﻣﻰ ﻭﺃﺭﻭﺣﻠﻪ ﻋﻠﻰ ﻫﻨﺎﻙ
ﺩﺧﻞ " ﻋﻤﺮ " ﺍﻟﺒﻴﺖ ﺛﻢ ﺻﻌﺪ ﺍﻟﻰ ﻏﺮﻓﺘﻪ .. ﺩﺧﻠﺖ " ﻛﺮﻳﻤﻪ " ﺍﻟﺒﻴﺖ ﺟﻠﺴﺖ ﻋﻠﻰ ﺃﺣﺪ ﺍﻟﻤﻘﺎﻋﺪ ﺗﻠﺘﻘﻂ ﺃﻧﻔﺎﺳﻬﺎ ﻭﺗﻬﺪﺉ ﻣﻦ ﺭﻭﻋﺘﻬﺎ ﺛﻢ ﺻﻌﺪﺕ ﺍﻟﻰ ﻏﺮﻓﺔ " ﺛﺮﻳﺎ " ﺍﻟﺘﻰ ﻛﺎﻧﺖ ﺗﺠﻠﺲ ﻣﻊ " ﺍﻳﻨﺎﺱ " ﻟﺘﺨﺒﺮﻫﻤﺎ ﺑﻤﺎ ﺣﺪﺙ .. ﻧﻬﻀﺖ " ﺍﻳﻨﺎﺱ " ﻭﻃﺮﻗﺖ ﺑﺎﺏ ﻏﺮﻓﺔ " ﻋﻤﺮ .. " ﻛﺎﻥ ﻗﺪ ﺍﻧﺘﻬﻰ ﻣﻦ ﺍﺭﺗﺪﺍﺀ ﻣﻼﺑﺴﻪ .. ﻓﺘﺢ ﺍﻟﺒﺎﺏ ﻟﻴﺠﺪ " ﺍﻳﻨﺎﺱ " ﺃﻣﺎﻣﻪ .. ﺳﺎﻟﺘﻪ ﻗﺎﺋﻠﻪ ﺑﺼﻮﺕ ﻧﺎﻋﻢ :
" - ﻋﻤﺮ " ﺍﻧﺖ ﻛﻮﻳﺲ .. ﺍﻳﻪ ﺍﻟﻠﻰ ﻃﻨﻂ ﺑﺘﻘﻮﻟﻪ ﺩﻩ
ﻗﺎﻝ " ﻋﻤﺮ " :
- ﻣﺤﺼﻠﺶ ﺣﺎﺟﻪ .. ﺍﻟﺤﻤﺪﻟﻠﻪ
ﻗﺎﻟﺖ " ﺍﻳﻨﺎﺱ " ﺑﻌﺘﺎﺏ :
- ﻭﺍﻧﺖ ﻣﺎﻟﻚ ﻭﻣﺎﻝ ﺍﻟﻌﺎﻣﻞ .. ﻛﻨﺖ ﺗﺨﻠﻰ ﺃﻯ ﺣﺪ ﻣﻦ ﺍﻟﺮﺟﺎﻟﻪ ﺍﻟﻤﻮﺟﻮﺩﻳﻦ ﻳﺴﺎﻋﺪﻩ .. ﺍﻓﺮﺽ ﻛﺎﻧﺖ ﺍﻟﻤﺎﻛﻨﺔ ﺿﻴﻌﺖ ﺍﻳﺪﻙ ﺍﻧﺖ ﻛﻤﺎﻥ
ﻗﺎﻝ " ﻋﻤﺮ " ﺑﻨﻔﺎﺫ ﺻﺒﺮ ﻭﺿﻴﻖ :
- ﻳﻌﻨﻲ ﺃﻃﻠﺐ ﻣﻦ ﺍﻟﺮﺟﺎﻟﻪ ﺍﻟﻮﺍﻗﻔﻴﻦ ﺍﻧﻬﻢ ﻳﺴﺎﻋﺪﻭﻩ ﻭﺃﻧﺎ ﻣﺶ ﺭﺍﺟﻞ ﻳﻌﻨﻰ ؟ .. ﺃﻗﻒ ﺃﺗﻔﺮﺝ ﻋﻠﻴﻬﻢ ؟
ﺣﺎﻭﻟﺖ ﺍﻣﺘﺼﺎﺹ ﻏﻀﺒﻪ ﻗﺎﺋﻠﻪ ﺑﺼﻮﺕ ﻧﺎﻋﻢ :
- ﺃﻧﺎ ﺑﺲ ﻛﻨﺖ ﺧﺎﻳﻔﻪ ﻋﻠﻴﻚ .. ﺃﻭﻝ ﻣﺎ ﺳﻤﻌﺖ ﻣﻦ ﻃﻨﻂ ﺟﻴﺖ ﻋﻠﻰ ﻃﻮﻝ ﺃﻃﻤﻦ ﻋﻠﻴﻚ
ﺗﻤﺘﻢ " ﻋﻤﺮ : "
- ﺷﻜﺮﺍً ﻳﺎ " ﺍﻳﻨﺎﺱ "
ﺃﻣﺴﻜﺖ ﻳﺪﻩ ﺍﻟﻤﺼﺎﺑﻪ ﻗﺎﺋﻠﻪ :
- ﻣﺶ ﻫﺘﺮﻭﺡ ﻟﻠﺪﻛﺘﻮﺭ ﻳﺸﻮﻓﻬﺎﻟﻚ
ﻧﺰﻉ ﻳﺪﻩ ﻣﻦ ﻳﺪﻫﺎ ﻗﺎﺋﻼً :
- ﺍﻥ ﺷﺎﺀ ﺍﻟﻠﻪ .. ﻳﻼ ﺳﻼﻡ
ﺛﻢ ﻧﺰﻝ ﻣﺴﺮﻋﺎً ﻭﺗﻮﺟﻪ ﺍﻟﻰ ﺍﻟﻤﺴﺘﺸﻔﻰ ﺍﻟﺘﻰ ﺃﺧﺬﻭﺍ ﺍﻟﻌﺎﻣﻞ ﺍﻟﻴﻬﺎ .. ﺍﺳﺘﻘﺒﻠﻪ ﺃﺣﺪ ﺍﻟﺮﺟﺎﻝ ﺍﻟﺬﻳﻦ ﺫﻫﺒﻮﺍ ﻓﻰ ﺳﻴﺎﺭﺓ ﺍﻹﺳﻌﺎﻑ ﺑﺼﺤﺒﺔ ﺍﻟﻌﺎﻣﻞ .. ﻓﺴﺄﻟﻪ " ﻋﻤﺮ " ﺑﺈﻫﺘﻤﺎﻡ :
- ﺍﻳﻪ ﺃﺧﺒﺎﺭﻩ ﺩﻟﻮﻗﺘﻰ ؟
ﻗﺎﻝ ﺍﻟﺮﺟﻞ :
- ﺑﻴﻘﻮﻟﻮﺍ ﻣﺤﺘﺎﺝ ﻋﻤﻠﻴﺎﺕ ﻛﺘﻴﺮ ﻋﺸﺎﻥ ﺍﻳﺪﻩ ﺗﺮﺟﻊ ﺯﻯ ﺍﻷﻭﻝ .. ﻭﺃﻫﻠﻪ ﺟﻮﻩ ﻗﺎﻟﺒﻴﻨﻬﺎ ﻣﻨﺎﺣﻪ
ﺩﺧﻞ " ﻋﻤﺮ " ﻓﻮﺟﺪ ﺍﻣﺮﺃﺓ ﺑﺴﻴﻄﺔ ﺗﺮﺗﺪﻯ ﺍﻟﺴﻮﺍﺩ ﺗﺒﻜﻰ ﺃﻣﺎﻡ ﻏﺮﻓﺔ ﺍﻟﻌﻤﻠﻴﺎﺕ ﻭﺑﺠﻮﺍﺭﻫﺎ ﺭﺟﻞ ﻛﺒﻴﺮ ﻳﺮﺗﺪﻯ ﺟﻠﺒﺎﺑﺎَ ﻭﻳﺒﺪﻭ ﻋﻠﻴﻪ ﺍﻟﺒﺴﺎﻃﺔ ﻫﻮ ﺍﻵﺧﺮ ﻭﻛﺎﻥ ﻳﺒﻜﻰ ﺑﺤﺮﻗﺔ ﻭﻳﺘﻤﺘﻢ ﺑﺸﻔﺘﻴﻪ ﺑﻜﻠﻤﺎﺗﻪ ﺧﺎﻓﺘﻪ .. ﻗﺎﻝ ﺍﻟﺮﺟﻞ ﺍﻟﺬﻯ ﺑﺼﺤﺒﺔ " ﻋﻤﺮ " :
- ﺩﻩ ﺃﺑﻮﻩ .. ﻭﺩﻯ ﺃﻣﻪ
ﺍﻗﺘﺮﺏ " ﻋﻤﺮ " ﻣﻦ ﺍﻟﺮﺟﻞ ﻗﺎﺋﻼً :
- ﻣﺘﻘﻠﻘﺶ ﻳﺎ ﺣﺞ ﺍﻥ ﺷﺎﺀ ﺍﻟﻠﻪ ﻫﻴﻘﻮﻡ ﺑﺎﻟﺴﻼﻣﻪ
ﻗﺎﻝ ﺍﻟﺮﺟﻞ :
- ﻳﺎﺭﺏ .. ﻳﺎﺭﺏ
ﻫﺘﻔﺖ ﺍﻷﻡ ﻓﻰ ﺣﺴﺮﻩ ﻭﺳﻂ ﺷﻬﻘﺎﺗﻬﺎ :
- ﻳﺎ ﻋﻴﻨﻲ ﻋﻠﻴﻚ ﻳﺎ ﺍﺑﻨﻰ .. ﺍﻳﺪﻙ ﺭﺍﺣﺖ ﻳﺎ ﺍﺑﻨﻰ ..
ﺍﻟﺘﻔﺖ " ﻋﻤﺮ " ﺍﻟﻴﻬﺎ ﻗﺎﺋﻼً :
- ﻣﺘﻘﻮﻟﻴﺶ ﻛﺪﻩ ﻳﺎ ﺣﺠﻪ ﺍﻥ ﺷﺎﺀ ﺍﻟﻠﻪ ﻫﻴﺒﻘﻰ ﺑﺨﻴﺮ
ﻗﺎﻟﺖ ﻟﻪ ﺍﻟﻤﺮﺃﺓ ﻓﻰ ﻟﻮﻋﻪ :
- ﺩﻩ ﺑﻴﻘﻮﻟﻮﻟﻚ ﻣﺤﺘﺎﺝ ﻋﻤﻠﻴﺎﺕ ﺃﺩ ﻛﺪﻩ ﻭﺃﺩﻭﻳﺔ ﺃﺩ ﻛﺪﻩ .. ﻭﺍﺣﻨﺎ ﻧﺎﺱ ﻋﻠﻰ ﺃﺩ ﺣﺎﻟﻨﺎ
ﻭﺍﻧﻔﺠﺮﺕ ﻓﻰ ﺑﻜﺎﺀ ﺷﺪﻳﺪ
ﺭﺑﺖ " ﻋﻤﺮ " ﻋﻠﻰ ﻛﺘﻔﻬﺎ ﻗﺎﺋﻼً :
- ﻣﺘﻘﻠﻘﻴﺶ ﻛﻞ ﻣﺼﺎﺭﻳﻒ ﺍﻟﻌﻤﻠﻴﺎﺕ ﻭﺍﻷﺩﻭﻳﺔ ﺃﻧﺎ ﻫﺪﻓﻌﻬﻢ ﺍﻥ ﺷﺎﺀ ﺍﻟﻠﻪ .. ﻭﻛﻤﺎﻥ ﻣﺮﺗﺒﻪ ﻫﻴﻮﺻﻞ ﺃﻭﻝ ﻛﻞ ﺷﻬﺮ ﻣﺶ ﻧﺎﻗﺺ ﻣﻨﻪ ﺣﺎﺟﻪ .. ﻟﺤﺪ ﻣﺎ ﻳﻘﻮﻡ ﺑﺎﻟﺴﻼﻣﺔ ﺍﻥ ﺷﺎﺀ ﺍﻟﻠﻪ
ﻧﻈﺮﺕ ﺍﻟﻤﺮﺃﺓ ﺍﻟﻴﻪ ﻏﻴﺮ ﻣﺼﺪﻗﻪ ﻭﺗﻤﺘﻤﺖ :
- ﺍﻧﺖ ﻣﻴﻦ ﻳﺎ ﺍﺑﻨﻰ ﻭﻫﺘﻌﻤﻞ ﻣﻌﺎﻧﺎ ﻛﺪﻩ ﻟﻴﻪ ؟
ﻗﺎﻝ " ﻋﻤﺮ " ﺷﺎﺭﺣﺎً :
- ﺃﻧﺎ " ﻋﻤﺮ ﺍﻷﻟﻔﻰ " ﺻﺎﺣﺐ ﺍﻟﻤﺰﺭﻋﺔ ﺍﻟﻠﻰ ﺍﺑﻨﻚ ﺑﻴﺸﺘﻐﻞ ﻓﻴﻬﺎ .. ﻭﻃﺎﻟﻤﺎ ﺍﺗﺼﺎﺏ ﻭﻫﻮ ﺑﻴﺸﺘﻐﻞ ﻓﻰ ﺍﻟﻤﺰﺭﻋﺔ ﻋﻨﺪﻯ ﻳﺒﺄﻩ ﺃﻧﺎ ﻣﺘﻜﻔﻞ ﺑﻜﻞ ﻣﺼﺎﺭﻳﻒ ﻋﻼﺟﻪ
ﺃﻣﺴﻚ ﺍﻟﺮﺟﻞ ﻳﺪ " ﻋﻤﺮ " ﻭﻗﺒﻠﻬﺎ ﺑﺴﺮﻋﺔ .. ﺳﺤﺐ " ﻋﻤﺮ " ﻳﺪﻩ .. ﻓﻘﺎﻝ ﺍﻟﺮﺟﻞ ﺑﺎﻛﻴﺎً :
- ﺭﺑﻨﺎ ﻳﻜﺮﻣﻚ ﻭﻳﻜﻔﻴﻚ ﺷﺮ ﻃﺮﻳﻘﻚ ﻭﻳﺒﺎﺭﻛﻠﻚ ﻓﻰ ﺻﺤﺘﻚ ﻭﻋﻔﻴﺘﻚ ﻳﺎ ﻗﺎﺩﺭ ﻳﺎ ﻛﺮﻳﻢ
ﺗﺄﺛﺮ " ﻋﻤﺮ " ﻟﻠﻐﺎﻳﺔ ﻣﻦ ﺣﺎﻟﺔ ﻭﺍﻟﺪﺍﻩ .. ﻃﻠﺐ ﻣﻦ ﺍﻟﺮﺟﻞ ﺍﻟﺬﻯ ﺑﺠﻮﺍﺭﻩ ﺃﻥ ﻳﺒﻘﻰ ﻓﻰ ﺍﻟﻤﺴﺘﺸﻔﻰ ﻣﻌﻬﻤﺎ ﻭ ﻗﺎﻡ ﺑﺤﺠﺰ ﻏﺮﻓﺔ ﻟﻬﻢ ﻛﻤﺮﺍﻓﻘﻴﻦ ﻟﻠﻤﺮﻳﺾ
ﻋﺎﺩ " ﻋﻤﺮ " ﺍﻟﻰ ﺍﻟﻤﺰﺭﻋﺔ .. ﺧﺮﺝ " ﻋﻤﺮ " ﻣﻦ ﺍﻟﺴﻴﺎﺭﺓ ﻓﺄﻗﺒﻞ ﻋﻠﻴﻪ " ﺃﻳﻤﻦ " ﻗﺎﺋﻼً :
- ﺍﻟﺤﻖ ﻳﺎ " ﻋﻤﺮ " ﻣﺨﺰﻥ ﺍﻟﻌﻠﻒ ﻭﻟﻊ
ﺻﺎﺡ " ﻋﻤﺮ " ﻓﻰ ﻓﺰﻉ :
- ﺍﻳﻪ ؟ .. ﻭﻟﻊ ؟
ﻗﺎﻝ " ﺃﺳﻤﻦ " ﺷﺎﺭﺣﺎً ﻭﻫﻮ ﻳﻨﻬﺞ :
- ﺃﻳﻮﺓ ﺑﺲ ﻣﺘﻘﻠﻘﺶ ﺍﻟﺮﺟﺎﻟﻪ ﻃﻔﻮﻩ
ﺃﺳﺮﻉ " ﻋﻤﺮ " ﺍﻟﺨﻄﻰ ﺍﻟﻰ ﻣﺨﺰﻥ ﺍﻟﻌﻠﻒ ﻟﻴﺠﺪ ﺟﺰﺀ ﻛﺒﻴﺮ ﻣﻦ ﺍﻟﻌﻠﻒ ﺍﻟﻤﺨﺰﻥ ﺍﺣﺘﺮﻕ ﺗﻤﺎﻣﺎً ﻭﺗﺤﻮﻝ ﺍﻟﻰ ﺭﻣﺎﺩ .. ﻧﻈﺮ ﺍﻟﻰ ﺍﻟﺮﺟﺎﻝ ﺍﻟﻠﺬﻳﻦ ﻳﺤﻤﻠﻮﻥ ﻃﻔﺎﻳﺎﺕ ﺍﻟﺤﺮﻳﻖ ﺍﻟﺼﻐﻴﺮﻩ ﻭﻗﺎﻝ ﺑﻠﻬﻔﻪ :
- ﺣﺪ ﺍﺗﺼﺎﺏ ؟
ﻗﺎﻝ ﻟﻪ ﺃﺣﺪ ﺍﻟﺮﺟﺎﻝ :
- ﻷ ﻳﺎ ﺑﺸﻤﻬﻨﺪﺱ ﻣﺘﻘﻠﻘﺶ ﻣﺤﺪﺵ ﻛﺎﻥ ﻓﻰ ﺍﻟﻤﺨﺰﻥ
ﺃﻗﺒﻞ " ﺃﻳﻤﻦ " ﻟﻴﻘﻒ ﺑﺠﻮﺍﺭ " ﻋﻤﺮ " ﻓﺎﻟﺘﻔﺖ ﺍﻟﻴﻪ " ﻋﻤﺮ " ﻗﺎﺋﻼً :
- ﻋﻢ " ﻋﺒﺪ ﺍﻟﺤﻤﻴﺪ " ﻓﻴﻦ ؟ .. ﻣﺶ ﺍﻟﻤﻔﺮﻭﺽ ﻳﻜﻮﻥ ﻓﻰ ﺍﻟﻤﺨﺰﻥ ؟
ﻗﺎﻝ " ﺃﻳﻤﻦ " ﻓﻰ ﺣﻴﺮﻩ :
- ﻣﻦ ﺳﺎﻋﺔ ﺍﻟﺤﺮﻳﻘﻪ ﻭﻫﻮ ﻣﻈﻬﺮﺵ
ﻗﺎﻝ " ﻋﻤﺮ " ﺑﺈﺳﺘﻐﺮﺍﺏ :
- ﻏﺮﻳﺒﻪ
ﺿﺮﺏ " ﺃﻳﻤﻦ " ﻛﻔﺎً ﺑﻜﻒ ﻗﺎﺋﻼً :
- ﺳﺒﺤﺎﻥ ﺍﻟﻠﻪ ﺣﺎﺩﺛﺘﻴﻦ ﻓﻰ ﺍﻟﻤﺰﺭﻋﺔ ﻓﻰ ﻳﻮﻡ ﻭﺍﺣﺪ
ﺗﺮﻛﻪ " ﺃﻳﻤﻦ " ﻭﺫﻫﺐ ﻟﻴﺒﺤﺚ ﻋﻦ " ﻳﺎﺳﻤﻴﻦ " ﻟﻜﻨﻪ ﻗﺎﺑﻞ ﻋﻤﺘﻪ ﻭﻫﻰ ﻣﻘﺒﻠﻪ ﻧﺤﻮﻩ ﻗﺎﺋﻠﻪ :
- ﺍﻳﻪ ﺍﻟﻠﻰ ﺣﺼﻞ ﻳﺎ " ﻋﻤﺮ "
ﻗﺎﻝ " ﻋﻤﺮ " ﻭﻫﻮ ﻳﺴﺮﻉ ﺑﺎﻹﻧﺼﺮﺍﻑ :
- ﻫﺤﻜﻴﻠﻚ ﺑﻌﺪﻳﻦ ﻳﺎ ﻋﻤﺘﻮ
ﺃﻣﺴﻜﺘﻪ ﻣﻦ ﺫﺭﺍﻋﻪ ﻟﺘﻮﻗﻔﻪ ﻭﻗﺎﻟﺖ ﺑﺤﻨﻖ :
- ﺣﺮﻕ ﺍﻟﻤﺨﺰﻥ ﻭﻫﺮﺏ ﻣﺶ ﻛﺪﻩ
ﻧﻈﺮ " ﻋﻤﺮ " ﺍﻟﻴﻬﺎ ﻭﻗﺎﻝ ﺑﺪﻫﺸﺔ :
- ﺗﻘﺼﺪﻯ ﻣﻴﻦ ؟
ﻗﺎﻟﺖ ﺑﺤﺪﻩ :
- ﺃﻗﺼﺪ " ﻋﺒﺪ ﺍﻟﺤﻤﻴﺪ " ﺍﻟﻠﻰ ﺍﻧﺖ ﺳﻠﻤﺘﻪ ﻣﻔﺎﺗﻴﺢ ﻣﺨﺰﻥ ﺍﻟﻌﻠﻒ ﻭﻭﺛﻘﺖ ﻓﻴﻪ ﺑﺲ ﻋﺸﺎﻥ ﺑﻨﺘﻪ ﺗﺒﻘﻰ ﺣﺒﻴﺐ ﺍﻟﻘﻠﺐ
ﺷﻌﺮ " ﻋﻤﺮ " ﺑﺎﻟﻐﻀﺐ ﻭﺣﺎﻭﻝ ﺍﻻﻧﺼﺮﺍﻑ ﻗﺎﺋﻼ :
- ﺑﻌﺪ ﺍﺫﻧﻚ ﻳﺎ ﻋﻤﺘﻮ
ﺃﻭﻗﻔﺘﻪ ﻣﺮﺓ ﺃﺧﺮﻯ ﻗﺎﺋﻠﻪ :
- ﺃﻛﻴﺪ ﻋﻤﻞ ﻛﺪﻩ ﻟﺼﺎﻟﺢ ﺃﻯ ﻣﺰﺭﻋﺔ ﻣﻦ ﺍﻟﻤﺰﺍﺭﻉ ﺍﻟﻤﻨﺎﻓﺴﻪ .. ﺧﺎﺻﺔ ﺑﻌﺪ ﻣﺎ ﻋﺮﻓﻮﺍ ﺟﻮﺩﺓ ﺍﻟﻌﻠﻒ ﺍﻟﻠﻰ ﺑﻘﻴﻨﺎ ﺑﻨﺴﺘﺨﺪﻣﻪ ﺩﻟﻮﻗﺘﻰ .. ﻣﺶ ﺑﻌﻴﺪ ﻳﻜﻮﻧﻮﺍ ﺍﺩﻭﻩ ﺭﺷﻮﻳﺔ ﻋﺸﺎﻥ ﻳﺤﺮﻗﻠﻨﺎ ﺍﻟﻤﺨﺰﻥ .. ﻭﻭﺍﺣﺪ ﺟﻌﺎﻥ ﺯﻯ ﺩﻩ ﻣﺎ ﻫﻴﺼﺪﻕ ﻃﺒﻌﺎً ﻓﺮﺻﺔ ﻭﺟﺎﺗﻠﻪ ﻟﺤﺪ ﻋﻨﺪﻩ
ﺻﻤﺘﺖ ﻗﻠﻴﻼً ﺛﻢ ﻗﺎﻟﺖ ﺑﺤﺰﻡ :
- ﻻﺯﻡ ﺗﺒﻠﻎ ﻋﻦ " ﻋﺒﺪ ﺍﻟﺤﻤﻴﺪ " ﻋﺸﺎﻥ ﻳﺘﺴﺠﻦ
ﻧﺰﻉ " ﻋﻤﺮ " ﺫﺭﺍﻋﻪ ﻣﻦ ﻳﺪﻫﺎ ﻭﻧﻈﺮ ﺍﻟﻴﻬﺎ ﺑﺼﺮﺍﻣﺔ ﺛﻢ ﻏﺎﺩﺭ ﺩﻭﻥ ﺃﻥ ﻳﻨﻄﻖ ﺑﻜﻠﻤﺔ
