ﺩﺧﻠﺖ " ﻳﺎﺳﻤﻴﻦ " ﺍﻟﻰ ﺑﻴﺘﻬﺎ ﺍﻟﺠﺪﻳﺪ .. ﺍﻟﺒﻴﺖ ﺍﻟﺬﻯ ﺩﺧﻠﺘﻪ ﻣﺮﺍﺕ ﻗﻠﻴﻠﻪ ﻣﻦ ﻗﺒﻞ .. ﻭﻫﺎ ﻫﻮ ﻭﻗﺪ ﺃﺻﺒﺢ ﺑﻴﺘﻬﺎ .. ﺍﺳﺘﺪﺍﺭﺕ ﻟﺘﻨﻈﺮ ﺍﻟﻰ ﺍﻟﺮﺟﻞ ﺍﻟﻮﺍﻗﻒ ﺧﻠﻔﻬﺎ ﺑﻌﺪﻣﺎ ﺃﻏﻠﻖ ﻋﻠﻴﻬﻤﺎ ﺑﺎﺏ ﺑﻴﺘﻬﻤــﺎ .. ﺗﺒــﺎً ﻟﺘﻠﻚ ﺍﻟﻤﺸﺎﻫﺪ ﺍﻟﺘﻰ ﺗﺘﻜﺮﺭ ﺑﺈﺳﺘﻤﺮﺍﺭ .. ﻧﻔﺲ ﺍﻟﻤﺸﻬﺪ .. ﻧﻔﺲ ﺍﻻﺣﺴﺎﺱ .. ﻧﻔﺲ ﺧﻔﻘﺎﺕ ﻗﻠﺒﻬﺎ ﺍﻟﻤﺘﺴﺎﺭﻋﺔ .. ﻧﻔﺲ ﺍﻟﺤﺰﻥ .. ﻧﻔﺲ ﺍﻟﺘﻮﺗﺮ .. ﻧﻔﺲ ﺍﻟﺮﻏﺒﺔ ﻓﻰ ﺍﻟﻬــﺮﺏ .. ﻧﻔﺲ ﺍﻹﺣﺴﺎﺱ ﺑﺎﻟﻀﻴـــﺎﻉ .. ﻟﻜﻦ ﺷﺊ ﻭﺍﺣﺪ ﻫﻮ ﺍﻟﻤﺨﺘﻠﻒ .. ﻧﻈـﺮﺍﺗﻬـــﺎ .. ﻟﻢ ﺗﻜﻦ ﻫﺬﻩ ﺍﻟﻤـﺮﺓ ﺗﻨﻈﺮ ﺍﻟﻰ ﺯﻭﺟﻬﺎ ﺑﻨﻈﺮﺍﺕ ﺗﺤﻤﻞ ﺍﻟﺨــﻮﻑ ﻓﻘﻂ .. ﺑــﻞ ﺣﻤﻠﺖ ﻧﻈﺮﺍﺗﻬــﺎ ﺃﻳﻀــﺎً ﺍﻟﻜﺜﻴــﺮ ﻣﻦ ﺍﻷﻟـــــــﻢ .
ﺍﻗﺘﺮﺏ ﻣﻨﻬﺎ " ﻋﻤﺮ " ﺑﺒﻂﺀ .. ﻛﺎﻧﺖ ﺗﺸﻌﺮ ﺑﺸﻌﻮﺭ ﻣﺨﺘﻠﻂ .. ﻛﺎﻧﺖ ﻣﺘﻮﺗﺮﺓ .. ﺷﺎﺭﺩﺓ .. ﺍﻗﺘﺮﺏ ﻣﻨﻬﺎ ﻭﻭﻗﻒ ﺃﻣﺎﻣﻬﺎ .. ﺍﺑﺘﺴﻢ ﻟﻬﺎ .. ﻟﻢ ﺗﺒﺎﺩﻟﻪ ﺍﻻﺑﺘﺴﺎﻡ .. ﻧﻈﺮﺕ ﺍﻟﻰ ﺍﻟﺒﺎﺏ ﺧﻠﻔﻪ ﺗﻮﺩ ﺍﻟﻬﺮﺏ .. ﻟﻜﻨﻬﺎ ﺗﻌﻠﻢ ﺃﻻ ﻣﺠﺎﻝ ﻟﻠﻬﺮﺏ .. ﻛﺎﻥ " ﻋﻤﺮ " ﻳﺮﺍﻗﺐ ﺍﻻﻧﻔﻌﺎﻻﺕ ﻋﻠﻰ ﻭﺟﻬﻬﺎ .. ﻭﻧﻈﺮﺍﺕ ﻋﻴﻨﻴﻬﺎ ﺍﻟﻔﺎﺭﻏﺔ .. ﺗﻮﺗﺮﻫﺎ .. ﺍﺿﻄﺮﺍﺑﻬﺎ .. ﻭﺍﻷﻫﻢ ﺣﺰﻧﻬــﺎ .. ﺍﺑﺘﺴﻢ ﻟﻬﺎ ﻗﺎﺋﻼً :
- ﻧﻮﺭﺗﻰ ﺑﻴﻨﻚ
ﻟﻢ ﺗﺠﺐ .. ﻛﺎﻥ ﻳﺒﺪﻭ ﻋﻠﻴﻬﺎ ﺍﻟﺘﻌﺐ ﻭﺍﻹﺭﻫﺎﻕ .. ﻛﺎﻧﺖ ﻛﻌﺼﻔﻮﺭ ﺻﻐﻴﺮ ﻛُﺴﺮ ﺟﻨﺎﺣﻪ .. ﻓﻠﻢ ﻳﻌﺪ ﻳﻘﻮﻯ ﻋﻠﻰ ﺍﻟﻄﻴﺮﺍﻥ .. ﺃﻣﺴﻚ ﻳﺪﻫﺎ ﺑﻴﺪﻩ ﻓﺄﺟﻔﻠﺖ .. ﻭﺍﺿﻄﺮﺑﺖ .. ﺻﻌﺪ ﺑﻬﺎ ﺍﻟﺴﻼﻟﻢ ﻭﺗﻮﻗﻒ ﺍﻣﺎﻡ ﺍﺣﺪﻯ ﺍﻟﻐﺮﻑ .. ﺷﻌﺮﺕ ﻳﻘﻠﺒﻬﺎ ﻳﺪﻕ ﺑﺸﺪﺓ .. ﻓﺘﺢ ﺍﻟﺒﺎﺏ .. ﻟﻢ ﺗﺪﺧﻞ ﻭﻟﻢ ﺗﻨﻈﺮ ﺣﺘﻰ ﺍﻟﻰ ﺍﻟﻐﺮﻓﺔ .. ﺃﺷﺎﺣﺖ ﺑﻮﺟﻬﻬﺎ .. ﻭﻫﻰ ﺗﺤﺎﻭﻝ ﺍﺧﻔﺎﺀ ﺗﻌﺒﻴﺮﺍﺕ ﺍﻷﻟﻢ ﺍﻟﻤﻮﺟﻮﺩﺓ ﻋﻠﻰ ﻭﺟﻬﻬﺎ .. ﻳﺎﺭﺏ ﻣﺎﺫﺍ ﺃﻓﻌﻞ .. ﻫﻞ ﺃﺭﺿﻰ ﺑﺎﻷﻣﺮ ﺍﻟﻮﺍﻗﻊ .. ﻭﺃﻧﺎ ﻳﺘﻴﻤﺔ ﻭﺣﻴﺪﺓ ﺿﻌﻴﻔﺔ .. ﺃﻡ ﺃﺛﻮﺭ ﻋﻠﻰ ﻫﺬﻩ ﺍﻟﺰﻳﺠﺔ ﺍﻟﺘﻰ ﺃﺭﻓﻀﻬﺎ .. ﻣﺎﺫﺍ ﺃﻓﻌﻞ .. ﺗﺄﻣﻠﻬﺎ " ﻋﻤﺮ " ﻗﺎﺋﻼً :
- ﻳﺎﻩ .. ﻛﻞ ﺩﻩ ﺟﻮﺍﻛﻰ
ﻧﻈﺮﺕ ﺍﻟﻴﻪ ﻓﻰ ﺩﻫﺸﺔ .. ﻣﺴﺘﻔﻬﻤﻪ ﻋﻦ ﻣﻌﻨﻰ ﻣﺎ ﻗﺎﻝ .. ﻓﻘﺎﻝ ﺑﺮﻗﻪ :
- ﺍﻧﺘﻰ ﻟﻴﻪ ﺧﺎﻳﻔﻪ ﻣﻨﻰ ؟ .. ﺍﻳﻪ ﻏﻴﺮﻙ ﻣﻦ ﻧﺤﻴﺘﻲ ؟ .. ﻧﻈﺮﺍﺗﻚ ﺑﻘﺖ ﻏﺮﻳﺒﺔ .. ﺃﻛﻨﻰ ﺟﺮﺣﺘﻚ .. ﺃﻭ ﻫﺠﺮﺣﻚ .. ﻟﻴﻪ ﺑﺘﺒﺼﻴﻠﻲ ﻛﺪﻩ .. ﻟﻴﻪ ﻣﺶ ﻣﺒﺴﻮﻃﻪ ﺍﻧﻚ ﻣﻌﺎﻳﺎ ؟
ﺻﻤﺘﺖ " ﻳﺎﺳﻤﻴﻦ " ﻭﻟﻢ ﺗﺠﺐ .. ﻓﺄﻛﻤﻞ :
- ﺃﻧﺎ ﻋﺎﺭﻑ ﺍﻥ ﻣﻤﻜﻦ ﻳﻜﻮﻥ ﻣﻮﺕ ﻭﺍﻟﺪﻙ ﻣﺄﺛﺮ ﻋﻠﻴﻜﻲ .. ﻭﻛﻤﺎﻥ ﻋﺎﺭﻑ ﺍﻧﻚ ﺷﻮﻓﺘﻰ ﻓﻰ ﺣﻴﺎﺗﻚ ﻛﺘﻴﺮ .. ﺑﺲ ﻣﺶ ﻋﺎﻳﺰﻙ ﺗﺨﺎﻓﻰ ﻃﻮﻝ ﻣﺎ ﺍﻧﺘﻰ ﻣﻌﺎﻳﺎ .. ﻻﻧﻰ ﺑﺤﺒﻚ ﺃﻭﻯ ﻳﺎ " ﻳﺎﺳﻤﻴﻦ " ﻭﻣﺶ ﻣﻤﻜﻦ ﺃﺳﻤﺢ ﻻﻯ ﺣﺎﺟﻪ ﺍﻧﻬﺎ ﺗﻀﺎﻳﻘﻚ ﺃﻭ ﺗﺄﺫﻳﻜﻲ
ﻧﻈﺮﺕ ﺍﻟﻴﻪ .. ﺍﻟﺘﻤﺴﺖ ﺍﻟﺼﺪﻕ ﻓﻰ ﻛﻼﻣﻪ .. ﻟﻴﺲ ﻟﺪﻳﻬﺎ ﺫﺭﺓ ﺷﻚ ﻓﻰ ﺣﺒﻪ ﻟﻬﺎ .. ﻫﻰ ﺗﻌﻠﻢ ﺃﻧﻪ ﻳﺤﺒﻬﺎ .. ﺑﻞ ﻳﻌﺸﻘﻬﺎ .. ﻟﻜﻦ ﻣﺸﺎﻋﺮﻫﺎ ﻫﻰ ﺍﻟﻤﻀﻄﺮﺑﺔ .. ﻏﻴﺮ ﻣﺴﺘﻘﺮﺓ .. ﺍﻗﺘﺮﺏ ﻣﻨﻬﺎ ﻓﺠﻔﻠﺖ .. ﺃﻣﺴﻚ ﺑﺮﺃﺳﻬﺎ ﻭﻗﺒﻞ ﺟﺒﻴﻨﻬﺎ ﻗﺎﺋﻼً :
- ﻳﻼ ﺍﺩﺧﻠﻰ
ﺷﻌﺮﺕ ﺑﺎﻟﺨﻮﻑ .. ﻧﻈﺮﺕ ﺍﻟﻰ ﻏﺮﻓﺔ ﺍﻟﻨﻮﻡ ﻓﻰ ﻭﺟﻞ .. ﺣﺒﺴﺖ ﺃﻧﻔﺎﺳﻬﺎ .. ﺍﻗﺘﺮﺏ ﻣﻨﻬﺎ ﻣﺮﺓ ﺃﺧﺮﻯ ﻭﻗﺒﻠﻬﺎ ﻓﻰ ﺟﺒﻴﻨﻬﺎ ﻭﻗﺎﻝ ﺑﺤﻨﺎﻥ :
- ﺩﻯ ﺃﻭﺿﺘﻚ ﺍﻧﺘﻰ
ﺭﻓﻌﺖ ﻋﻴﻨﻴﻬﺎ ﺍﻟﻴﻪ ﻓﻰ ﺩﻫﺸﺔ ﻭﻗﺎﻟﺖ :
- ﺃﻭﺿﺘﻰ ﺃﻧﺎ ؟
ﺍﺑﺘﺴﻢ ﻭﺃﺷﺎﺭ ﺍﻟﻰ ﺍﻟﻐﺮﻓﺔ ﺍﻟﻤﺠﺎﻭﺭﺓ ﻗﺎﺋﻼً :
- ﻭﺩﻯ ﺃﻭﺿﺘﻰ
ﻟﻢ ﺗﺼﺪﻕ " ﻳﺎﺳﻤﻴﻦ " ﻣﺎ ﺗﺴﻤﻊ .. ﻣﺎﺫﺍ ﻳﻘﺼﺪ .. ﺃﺧﺮﺟﻬﺎ ﻣﻦ ﺣﻴﺮﺗﻬﺎ ﻭﻫﻮ ﻳﻨﻈﺮ ﺍﻟﻰ ﻋﻴﻨﻴﻬﺎ ﺍﻟﻤﻨﺪﻫﺸﻪ ﺑﺤﻨﺎﻥ ﻭﻗﺎﻝ :
- ﺃﻧﺎ ﻣﻘﺪﺭ ﻛﻞ ﺍﻟﻠﻰ ﺍﻧﺘﻰ ﻓﻴﻪ .. ﻭﻣﺴﺘﻌﺪ ﺍﺳﺘﻨﻰ ﻋﻠﻴﻜﻲ ﺍﻟﻮﻗﺖ ﺍﻟﻠﻰ ﺗﺤﺒﻴﻪ .. ﺍﻟﺤﺎﺟﺔ ﺍﻟﻮﺣﻴﺪﺓ ﺍﻟﻠﻰ ﻫﺘﺼﺒﺮﻧﻰ ﻫﻮ ﺍﻧﻚ ﻋﺎﻳﺸﻪ ﻣﻌﺎﻳﺎ ﻓﻰ ﻧﻔﺲ ﺍﻟﺒﻴﺖ .. ﻣﻘﺮﻳﺒﻪ ﻣﻨﻰ .. ﺃﻧﺎ ﻋﺎﺭﻑ ﺍﻥ ﺟﻮﺍﺯﻧﺎ ﺟﻪ ﺑﺴﺮﻋﺔ ﺑﺎﻟﻨﺴﺒﺔ ﻟﻚ .. ﻭﺍﻧﻚ ﻟﺴﻪ ﻣﺶ ﻣﺴﺘﻌﺪﺓ ﻟﻠﺨﻄﻮﺓ ﺩﻯ ..
ﻧﻈﺮﺕ ﺍﻟﻴﻪ ﻏﻴﺮ ﻣﺼﺪﻗﻪ ﻣﺎ ﺗﺴﻤﻌﻪ .. ﻓﻘﺎﻝ ﻟﻬﺎ ﺑﺤﻨﺎﻥ :
- ﺃﻧﺎ ﺑﺤﺒﻚ ﺟﺪﺍً ﻳﺎ " ﻳﺎﺳﻤﻴﻦ " .. ﻭﻋﺎﻳﺰﻙ ﺃﻭﻯ .. ﺑﺲ ﻣﺶ ﻫﻘﺮﺏ ﻣﻨﻚ ﻏﻴﺮ ﺍﺫﺍ ﻛﻨﺘﻰ ﻋﺎﻳﺰﺍﻧﻰ ﺯﻯ ﻣﺎ ﺃﻧﺎ ﻋﺎﻳﺰﻙ .. ﻭﺑﺘﺤﺒﻴﻨﻰ ﺯﻯ ﻣﺎ ﺃﻧﺎ ﺑﺤﺒﻚ .. ﺃﻧﺎ ﻗﻮﻟﺘﻠﻚ ﻗﺒﻞ ﻛﺪﻩ ﻣﺶ ﻣﻤﻜﻦ ﺃﺟﺒﺮﻙ ﻋﻠﻰ ﺣﺎﺟﺔ ﻭﺍﺿﺢ ﺟﺪﺍً ﻋﻠﻴﻜﻲ ﺍﻧﻚ ﻣﺶ ﻋﺎﻳﺰﺍﻫﺎ
ﻧﻈﺮﺕ ﺍﻟﻴﻪ " ﻳﺎﺳﻤﻴﻦ " ﻭﻛﺄﻧﻬﺎ ﺗﺘﻌﺮﻑ ﻋﻠﻴﻪ ﻷﻭﻝ ﻣﺮﺓ .. ﺍﺑﺘﺴﻢ ﻟﻬﺎ .. ﻓﺒﺎﺩﻟﺘﻪ ﺍﺑﺘﺴﺎﻣﻪ ﺧﺠﻮﻟﻪ .. ﺍﺳﺘﻐﺮﺑﺖ .. ﻛﻴﻒ ﻧﺠﺢ ﻓﻰ ﺍﺯﺍﻟﻪ ﺍﻟﺘﻮﺗﺮ ﺑﺪﺍﺧﻠﻬﺎ .. ﻛﻴﻒ ﺃﺷﻌﺮﻫﺎ ﺑﺎﻟﺮﺍﺣﺔ ﻭﺑﺎﻷﻣﺎﻥ .. ﺃﺷﺎﺭ ﺍﻟﻰ ﺍﻟﻐﺮﻓﺔ ﺑﺮﺃﺳﻪ ﻗﺎﺋﻼً ﺑﺤﻨﺎﻥ :
- ﻳﻼ ﺍﺩﺧﻠﻰ .. ﻏﻴﺮﻱ ﻫﺪﻭﻣﻚ ﻭﺍﻧﺰﻟﻰ ﻋﺸﺎﻥ ﻧﺘﻌﺸﻰ ﺳﻮﺍ
ﻗﺎﻟﺖ ﺑﺤﺮﺝ :
- ﻣﻌﻠﺶ ﺃﻧﺎ ﺍﺳﻔﻪ ﺑﺲ ﺑﺠﺪ ﺗﻌﺒﺎﻧﻪ ﻭﻣﺤﺘﺎﺟﻪ ﺃﻧﺎﻡ
ﻗﺎﻝ " ﻋﻤﺮ " ﺑﺈﻫﺘﻤﺎﻡ :
- ﻃﻴﺐ ﺃﺟﺒﻠﻚ ﺍﻷﻛﻞ ﻓﻰ ﺍﻭﺿﺘﻚ
ﻗﺎﻟﺖ ﺑﺴﺮﻋﺔ :
- ﻷ .. ﺷﻜﺮﺍً .. ﺑﺲ ﺃﻧﺎ ﺑﺠﺪ ﺟﻌﺎﻧﻪ ﻧﻮﻡ
ﺗﺄﻣﻞ " ﻋﻤﺮ " ﻭﺟﻬﻬﺎ ﺍﻟﻤﺘﻌﺐ ﺛﻢ ﻗﺎﻝ ﺑﺤﻨﺎﻥ :
- ﻣﺎﺷﻰ ﻳﺎ ﺣﺒﻴﺒﺘﻰ ﻭﻻ ﻳﻬﻤﻚ .. ﺍﺩﺧﻠﻰ ﻧﺎﻣﻰ .. ﺗﺼﺒﺤﻰ ﻋﻠﻰ ﺧﻴﺮ
ﺛﻢ ﺍﻧﺤﻨﻰ ﻟﻴﻄﺒﻊ ﻗﺒﻠﻪ ﺩﺍﻓﺌﻪ ﻋﻠﻰ ﻭﺟﻨﺘﻬﺎ ﺍﻟﺘﻰ ﺍﺣﻤﺮﺕ ﻣﻦ ﺍﻟﺨﺠﻞ .. ﺩﺧﻠﺖ ﺍﻟﻐﺮﻓﺔ .. ﻛﺎﻧﺖ ﻏﺮﻓﺔ ﺟﻤﻴﻠﺔ .. ﺟﻴﺪﺓ ﺍﻷﺛﺎﺙ .. ﻟﻬﺎ ﻃﺎﺑﻊ ﻛﻼﺳﻴﻜﻰ ﻛﻤﺎ ﻫﻮ ﺍﻟﺤﺎﻝ ﻓﻰ ﺍﻷﺳﻔﻞ .. ﺃﺧﺬﺕ ﺩﺷﺎً ﻭﺗﻮﺿﺄﺕ ﻭﺻﻠﺖ .. ﻭﺍﺭﺗﺪﺕ ﺑﻴﺠﺎﻣﺘﻬﺎ ﺛﻢ ﺩﺧﻠﺖ ﺍﻟﻰ ﻓﺮﺍﺷﻬﺎ ﻭﺍﺳﺘﺴﻠﻤﺖ ﻟﻠﻨﻮﻡ ..
***********************
ﺑﻌﺪ ﻋﺪﺓ ﺳﺎﻋﺎﺕ ﻣﻦ ﺍﻟﻨﻮﻡ ﺷﻌﺮﺕ " ﻳﺎﺳﻤﻴﻦ " ﺑﺤﺮﻛﺔ ﻏﺮﻳﺒﻪ ﻓﺘﺤﺖ ﻋﻴﻨﻴﻨﻬﺎ ﻓﺠﺄﺓ ﻟﺘﺠﺪ " ﻋﻤﺮ " ﻭﺍﻗﻒ ﺑﺠﻮﺍﺭﻫﺎ .. ﺷﻌﺮﺕ ﺑﺎﻟﻔﺮﻉ .. ﻃﻤﺄﻧﻬﺎ ﻗﺎﺋﻼً :
- ﻣﺘﺨﻔﻴﺶ ﺃﻧﺎ ﺩﺧﻠﺖ ﺑﺲ ﺃﻃﻤﻦ ﻋﻠﻴﻜﻲ .. ﻟﻘﻴﺘﻚ ﻣﺶ ﻣﺘﻐﻄﻴﺔ ﻛﻮﻳﺲ ﻓﻌﺪﻟﺖ ﺍﻟﻐﻄﺎ
ﻧﻈﺮﺕ ﺍﻟﻰ ﺍﻟﻐﻄﺎﺀ ﺍﻟﻤﻠﺘﻒ ﺣﻮﻟﻬﺎ ﺟﻴﺪﺍً .. ﻫﻤﺖ ﺑﺎﻟﺠﻠﻮﺱ ﻟﻜﻨﻪ ﺃﻭﻗﻔﻬﺎ ﻗﺎﺋﻼً :
- ﻷ ﻣﺘﻘﻮﻣﻴﺶ .. ﻛﻤﻠﻰ ﻧﻮﻡ .. ﺃﻧﺎ ﺧﺎﺭﺝ
ﻧﻈﺮﺕ ﺍﻟﻰ ﺍﻟﺴﺎﻋﺔ ﺑﺠﻮﺍﺭﻫﺎ ﻗﺎﺋﻠﻪ ﺑﺼﻮﺕ ﻧﺎﻋﺲ :
- ﺃﻧﺎ ﻛﺪﻩ ﻛﺪﻩ ﻻﺯﻡ ﺃﺻﺤﻰ ﻋﺸﺎﻥ ﺑﺎﻗﻰ ﻧﺺ ﺳﺎﻋﺔ ﻋﻠﻰ ﺍﻟﻔﺠﺮ
ﻧﻈﺮ ﺍﻟﻴﻬﺎ ﺑﺤﻨﺎﻥ ﻗﺎﺋﻼً :
- ﻣﺶ ﻣﻬﻢ .. ﺻﻠﻴﻪ ﻟﻤﺎ ﺗﻘﻮﻣﻰ ﺍﻟﺼﺒﺢ
ﺭﻣﻘﺘﻪ " ﻳﺎﺳﻤﻴﻦ " ﺑﻨﻈﺮﺓ ﺣﺎﺩﻩ .. ﻭﺷﻌﺮﺕ ﺑﺈﻧﻘﺒﺎﺽ ﻓﻰ ﻗﻠﺒﻬﺎ .. ﺛﻢ ﻗﺎﻟﺖ ﺩﻭﻥ ﺃﻥ ﺗﻨﻈﺮ ﺍﻟﻴﻪ :
- ﻷ ﻫﺼﻠﻰ ﺍﻟﻔﺠﺮ ﺣﺎﺿﺮ
ﺻﻤﺖ " ﻋﻤﺮ " .. ﻇﻠﺖ ﺟﺎﻟﺴﻪ ﻓﻰ ﺍﻟﻔﺮﺍﺵ .. ﺗﺘﻤﻨﻰ ﺍﻧﺼﺮﺍﻓﻪ ﺣﺘﻰ ﺗﺴﺘﻄﻴﻊ ﺍﻟﻨﻬﻮﺽ .. ﺧﺠﻠﺖ ﺃﻥ ﻳﺮﺍﻫﺎ ﺑﺎﻟﺒﻴﺠﺎﻣﺎ .. ﺍﺳﺘﺪﺍﺭ " ﻋﻤﺮ " ﻭﻓﺘﺢ ﺍﻟﺒﺎﺏ ﻭﺍﻧﺼﺮﻑ .. ﻛﺎﻧﺖ ﺗﺸﻌﺮ ﺑﺎﻟﻀﻴﻖ ﻟﻬﺬﻩ ﺍﻟﺒﺪﺍﻳﺔ ﺍﻟﻐﻴﺮ ﻣﻮﻓﻘﻪ ﺑﻴﻨﻬﻤﺎ .. ﻓﻬﻰ ﻟﻢ ﺗﺘﺮﻙ ﺻﻼﺓ ﺍﻟﻔﺠﺮ ﻳﻮﻣﺎً .. ﺇﻻ ﻓﻰ ﺣﺎﻻﺕ ﻣﺮﺿﻬﺎ ﺍﻟﺸﺪﻳﺪ .. ﻟﻜﻨﻬﺎ ﻇﻠﺖ ﻭﻣﻨﺬ ﻧﻌﻮﻣﺔ ﺃﻇﺎﻓﺮﻫﺎ ﻣﻌﺘﺎﺩﺓ ﻋﻠﻰ ﺃﺩﺍﺀ ﺍﻟﺼﻼﺓ ﻓﻰ ﻭﻗﺘﻬﺎ ﻭﻫﺬﺍ ﺷﺄﻥ ﺍﻟﺒﻴﺖ ﻛﻠﻪ .. ﻭﻛﺎﻧﺖ ﺗﺸﻌﺮ ﺑﺎﻟﺒﺮﻛﺔ ﻓﻰ ﻳﻮﻣﻬﺎ ﻋﻨﺪﻣﺎ ﺗﺴﺘﻴﻘﻆ ﻭﺗﺼﻠﻰ ﺍﻟﻔﺠﺮ ﻭﺗﻈﻞ ﺗﺪﻋﻮ ﺍﻟﻠﻪ ﻭ ﺗﻘﺮﺃ ﻭﺭﺩﻫﺎ ﻭﺃﺫﻛﺎﺭﻫﺎ ﺣﺘﻰ ﺍﻟﺸﺮﻭﻕ .. ﻧﻈﺮﺕ ﺍﻟﻰ ﻧﻔﺴﻬﺎ ﻓﻰ ﺍﻟﻤﺮﺁﺓ ﻭﺍﺑﺘﺴﻤﺖ ﺑﺴﺨﺮﻳﺔ ﻗﺎﺋﻠﻪ .. ﻭﻣﺎﺫﺍ ﺗﻮﻗﻌﺘﻰ ﻏﻴﺮ ﺫﻟﻚ ﻣﻨﻪ ﻳﺎ " ﻳﺎﺳﻤﻴﻦ " .. ﺗﻮﺿﺄﺕ ﻭﺻﻠﺖ ﻭ ﺃﻧﻬﺖ ﺃﺫﻛﺎﺭﻫﺎ .. ﻟﻢ ﺗﺮﻏﺐ ﻓﻰ ﺍﻟﻨﻮﻡ ﻣﺮﺓ ﺃﺧﺮﻯ .. ﻭﻋﻨﺪﻣﺎ ﺃﺷﺮﻕ ﻧﻮﺭ ﺍﻟﺼﺒﺎﺡ ﺧﺮﺟﺖ ﺍﻟﻰ ﺷﺮﻓﺔ ﻏﺮﻓﺘﻬﺎ ﺗﺴﺘﻨﺸﻖ ﺗﻠﻚ ﺍﻟﻨﺴﻤﺎﺕ ﺍﻟﻤﻨﻌﺸﻪ .. ﻛﺎﻧﺖ ﻏﺮﻓﺘﻬﺎ ﺗﻄﻞ ﻋﻠﻰ ﺍﻟﺤﺪﻳﻘﺔ ﺍﻟﺨﻠﻔﻴﻪ ﻭﺍﻟﺘﻰ ﺍﻗﻞ ﻣﺎ ﻳﻘﺎﻝ ﻋﻨﻬﺎ ﺃﻧﻬﺎ ﺭﺍﺋﻌﺔ .. ﺗﺴﻠﻞ ﻋﺒﻴﺮ ﺍﻷﺯﻫﺎﺭ ﺍﻟﻤﻨﻌﺶ ﺍﻟﻴﻬﺎ .. ﻓﺄﻏﻤﻀﺖ ﻋﻴﻨﻴﻬﺎ ﻟﺘﺴﺘﻤﺘﻊ ﺑﺘﻠﻚ ﺍﻟﺮﺍﺋﺤﺔ ﺍﻟﺨﻼﺑﻪ .. ﺳﻤﻌﺖ ﻃﺮﻗﺎﺕ ﻋﻠﻰ ﺑﺎﺏ ﻏﺮﻓﺘﻬﺎ ﺩﺧﻠﺖ ﻭﻓﺘﺤﺖ ﺍﻟﺒﺎﺏ ﻟﺘﺠﺪ " ﻋﻤﺮ " ﻭﺍﻗﻔﺎً ﺃﻣﺎﻣﻬﺎ .. ﺍﺑﺘﺴﻢ ﻗﺎﺋﻼ :
- ﻟﻤﺤﺖ ﺍﻟﻨﻮﺭ ﻣﻦ ﺗﺤﺖ ﺑﺎﺑﻚ ﻋﺮﻓﺖ ﺍﻧﻚ ﺻﺎﺣﻴﻪ ﻭﻓﺎﺗﺤﻪ ﺍﻟﺒﻠﻜﻮﻧﻪ .. ﻳﻼ ﻋﺸﺎﻥ ﻧﻔﻄﺮ ﺳﻮﺍ
ﻫﻤﺖ ﺑﺎﻟﺨﺮﻭﺝ ﻓﺎﻋﺘﺮﺽ ﻃﺮﻳﻘﻬﺎ ﻭﺃﺷﺎﺭ ﺍﻟﻰ ﺍﻻﺳﺪﺍﻝ ﺍﻟﺬﻯ ﺗﺮﺗﺪﻳﻪ ﻗﺎﺋﻼ :
- ﻫﺘﻔﻄﺮﻯ ﻛﺪﻩ
ﻧﻈﺮﺕ ﺍﻟﻰ ﺍﻻﺳﺪﺍﻝ ﺛﻢ ﻗﺎﻟﺖ :
- ﺃﻧﺎ ﻛﻨﺖ ﻻﺑﺴﺎﻩ ﻻﻧﻰ ﻛﻨﺖ ﻭﺍﻗﻔﻪ ﻓﻰ ﺍﻟﺒﻠﻜﻮﻧﻪ
ﺍﺑﺘﺴﻢ ﻗﺎﺋﻼً :
- ﻣﺘﺨﻔﻴﺶ ﺃﻧﺎ ﺍﺩﻳﻨﻚ ﺃﻭﺿﻪ ﺑﺘﻄﻞ ﻋﻠﻰ ﺍﻟﺠﻨﻴﻨﻪ ﺍﻟﻠﻰ ﻭﺭﺍ ﻭﺩﻯ ﻣﺤﺪﺵ ﺑﻴﺪﺧﻠﻬﺎ ﻣﻔﺘﺎﺣﻬﺎ ﻣﻌﺎﻳﺎ
ﺃﻭﻣﺄﺕ ﺑﺮﺃﺳﻬﺎ .. ﻓﻘﺎﻝ :
- ﻫﺴﺘﻨﺎﻛﻰ ﺗﺤﺖ
ﺧﻠﻌﺖ ﺍﺳﺪﺍﻟﻬﺎ .. ﻭﺍﺭﺗﺪﺕ ﻋﺒﺎﺀﺓ ﻟﻠﺒﻴﺖ ﻣﺤﺘﺸﻤﺔ .. ﺟﻤﻌﺖ ﺷﻌﺮﻫﺎ ﻟﻠﺨﻠﻒ .. ﻛﺎﻧﺖ ﺗﺸﻌﺮ ﺑﺎﻟﺨﺠﻞ ﻣﻦ ﺭﺅﻳﺎﻩ ﺍﻳﺎﻫﺎ ﺑﺪﻭﻥ ﺣﺠﺎﺏ .. ﺛﻢ ﺗﺬﻛﺮﺕ ﺃﻧﻪ ﺑﺎﻟﻔﻌﻞ ﺭﺁﻫﺎ ﻫﻜﺬﺍ ﻣﻦ ﻗﺒﻞ .. ﺍﺑﺘﺴﻤﺖ ﻭﻫﻰ ﺗﺘﺬﻛﺮ ﺣﻨﺎﻧﻪ ﻭﺭﻗﺘﻪ ﻭﻟﻬﻔﺘﻪ ﻋﻠﻴﻬﺎ ﻳﻮﻡ ﺃﻥ ﺧﻄﻔﺖ .. ﻫﻰ ﺗﻌﻠﻢ ﺟﻴﺪﺍً ﺑﺎﻧﻪ ﻳﺤﺒﻬﺎ .. ﻻ ﺗﺸﻚ ﻟﺤﻈﺔ ﻓﻰ ﺫﻟﻚ .. ﻓﺘﺤﺖ ﺑﺎﺏ ﺍﻟﻐﺮﻓﺔ .. ﻭﺷﻌﺮﺕ ﻭﻛﺄﻧﻬﺎ ﻏﺮﻳﺒﺎً ﻳﺘﻠﻤﺲ ﻃﺮﻳﻘﻪ ﻓﻰ ﻣﻜﺎﻥ ﻳﺠﻬﻠﻪ .. ﻧﺰﻟﺖ ﺍﻟﺪﺭﺝ .. ﻭﺑﻤﺠﺮﺩ ﺃﻥ ﻭﺻﻠﺖ ﻟﻨﻬﺎﻳﺘﻪ ﻭﺟﺪﺕ " ﻋﻤﺮ " ﻳﺨﺮﺝ ﻣﻦ ﺍﺣﺪﻯ ﺍﻟﻐﺮﻑ ﺛﻢ ﻳﻤﺴﻚ ﻳﺪﻫﺎ ﻭﻳﺠﺬﺑﻬﺎ .. ﺃﺟﻠﺴﻬﺎ ﻋﻠﻰ ﻃﺎﻭﻟﺔ ﺍﻟﻄﻌﺎﻡ ﻭﺟﻠﺲ ﺑﺠﻮﺍﺭﻫﺎ .. ﻧﻈﺮﺕ ﺍﻟﻰ ﻛﻞ ﺍﻟﻄﻌﺎﻡ ﺍﻟﻤﻌﺪ ﺑﺪﻫﺸﺔ ﻗﺎﺋﻠﻪ :
- ﺍﻳﻪ ﺩﻩ ﻛﻠﻪ
ﺍﺑﺘﺴﻢ ﻗﺎﺋﻼً :
- ﺃﻭﻝ ﻣﺮﺓ ﻧﺎﻛﻞ ﻣﻊ ﺑﻌﺾ .. ﻭﺑﻌﺪﻳﻦ ﺍﻧﺘﻰ ﻣﺘﻌﺸﺘﻴﺶ ﺍﻣﺒﺎﺭﺡ
ﺍﺑﺘﺴﻤﺖ ﻗﺎﺋﻠﻪ :
- ﻋﻠﻰ ﺃﺳﺎﺱ ﺍﻧﻰ ﻫﺎﻛﻞ ﻛﻞ ﺍﻷﻛﻞ ﺩﻩ ﻳﻌﻨﻲ .. ﺃﻧﺎ ﺃﺻﻼ ﺃﻛﻠﺘﻰ ﺿﻌﻴﻔﻪ ﺃﻭﻯ
ﻭﺿﻊ ﻛﻔﻪ ﻋﻠﻰ ﻛﻔﻬﺎ ﺍﻟﻤﻮﺿﻮﻉ ﻋﻠﻰ ﺍﻟﻄﺎﻭﻟﺔ .. ﻓﺈﺿﻄﺮﺑﺖ .. ﻭﺳﺤﺒﺖ ﻳﺪﻫﺎ .. ﻟﻢ ﻳﻌﺮ ﺫﻟﻚ ﺍﻧﺘﺒﺎﻫﺎ ﻭﺃﻛﻤﻞ ﻣﺒﺘﺴﻤﺎً :
- ﻻ .. ﻻﺯﻡ ﺗﻬﺘﻤﻰ ﺑﺄﻛﻠﻚ .. ﻭﺗﺒﻄﻠﻰ ﺃﻛﻞ ﺍﻟﻌﺼﺎﻓﻴﺮ ﺑﺘﺎﻋﻚ
ﺷﺮﻋﺎ ﻓﻰ ﺗﻨﺎﻭﻝ ﺍﻟﻄﺎﻋﻢ .. ﻛﺎﻧﺖ " ﻳﺎﺳﻤﻴﻦ " ﺗﻨﻈﺮ ﻟﻤﺎ ﺣﻮﻟﻬﺎ ﺗﺘﻌﺮﻑ ﻋﻠﻰ ﺍﻟﻤﻜﺎﻥ .. ﻭﻗﻊ ﻧﻈﺮﻫﺎ ﻋﻠﻰ ﺍﻟﺤﺮﻕ ﻓﻰ ﻳﺪﻩ .. ﻓﺄﺷﺎﺣﺖ ﻭﺟﻬﻬﺎ ﻋﻦ ﻳﺪﻩ .. ﺣﺎﻭﻟﺖ ﺃﻥ ﺗﺘﻨﺎﺳﻰ ﺍﻷﻣﺮ ﻟﻜﻦ ﻫﻴﻬﺎﺕ .. ﻻﺣﻆ " ﻋﻤﺮ " ﺍﺿﻄﺮﺍﺑﻬﺎ ﻭﺗﻮﻗﻔﻬﺎ ﻋﻦ ﺍﻷﻛﻞ ﻓﻘﺎﻝ :
- ﻓﻰ ﺣﺎﺟﻪ .. ﺍﻷﻛﻞ ﻣﺶ ﻋﺎﺟﺒﻚ
ﻗﺎﻟﺖ ﺑﺴﺮﻋﺔ :
- ﻷ ﺑﺎﻟﻌﻜﺲ ..
ﻫﻨﺎ ﺣﻀﺮﺕ ﺍﻟﺨﺎﺩﻣﺔ ﻟﺘﻀﻊ ﺃﻣﺎﻣﻬﻢ ﺍﺑﺮﻳﻖ ﺍﻟﻤﺎﺀ .. ﻧﻈﺮﺕ ﺍﻟﻴﻬﺎ " ﻳﺎﺳﻤﻴﻦ " ﻣﻦ ﺭﺃﺳﻬﺎ ﻋﻠﻰ ﺃﻏﻤﺺ ﻗﺪﻣﻴﻬﺎ .. ﻛﺎﻧﺖ ﻓﺘﺎﻩ ﺟﻤﻴﻠﺔ ﺫﻭ ﻣﻼﻣﺢ ﻫﺎﺩﺋﺔ ﺗﺮﺗﺪﻯ ﺟﻠﺒﺎﺏ ﻓﻼﺣﻰ ﻭﻋﺼﺒﻪ ﻋﻠﻰ ﺭﺃﺳﻬﺎ .. ﻧﻈﺮﺕ ﺍﻟﻰ " ﻋﻤﺮ " ﻣﺒﺘﺴﻤﻪ ﻭﻗﺎﻟﺖ :
- ﺗﺆﻣﺮ ﺑﺤﺎﺟﺔ ﺗﺎﻧﻰ ﻳﺎ ﺑﺸﻤﻬﻨﺪﺱ
ﻫﺰ " ﻋﻤﺮ " ﺭﺃﺳﻪ ﺩﻭﻥ ﺃﻥ ﻳﻨﻈﺮ ﺍﻟﻴﻬﺎ ﻭﻗﺎﻝ :
- ﻻ ﺷﻜﺮﺍً
ﺧﺮﺟﺖ ﺍﻟﺨﺎﺩﻣﺔ .. ﻭﻇﻠﺖ " ﻳﺎﺳﻤﻴﻦ " ﺳﺎﻫﻤﻪ .. ﻧﻈﺮﺕ ﺍﻟﻰ " ﻋﻤﺮ " ﻗﺎﺋﻠﻪ :
- ﻫﻰ ﺍﻟﺒﻨﺖ ﺩﻯ ﺑﺘﺸﺘﻐﻞ ﻫﻨﺎ ؟
- ﺃﻳﻮﺓ
ﺑﺪﺍ ﻋﻠﻴﻬﺎ ﺍﻟﺘﺮﺩﺩ .. ﻛﺎﻥ " ﻋﻤﺮ " ﻳﺮﺩ ﺑﻼﻣﺒﺎﻻﺓ ﻭﻛﺄﻥ ﺍﻷﻣﺮ ﻻ ﻳﻤﺜﻞ ﻟﻪ ﺃﻯ ﺃﻫﻤﻴﺔ .. ﻓﻨﻈﺮﺕ ﺍﻟﻴﻪ ﻭﻗﺎﻟﺖ :
- ﻳﻌﻨﻲ ﺍﻧﺖ ﻭﻫﻰ ﻋﺎﻳﺸﻴﻦ ﻓﻰ ﺍﻟﺒﻴﺖ ﺩﻩ ﻟﻮﺣﺪﻛﻮﺍ ؟
ﻧﻈﺮ ﺍﻟﻴﻬﺎ " ﻋﻤﺮ " ﻭﺑﺪﺍ ﻣﺴﺘﻐﺮﺑﺎً ﺳﺆﺍﻟﻬﺎ ﺛﻢ ﻗﺎﻝ :
- ﺃﻳﻮﺓ
ﺗﺮﺩﺩﺕ ﻗﻠﻴﻼً ﺛﻢ ﻗﺎﻟﺖ :
- ﻫﻰ ﺟﺪﻳﺪﺓ ﻫﻨﺎ ؟
- ﻷ ﺷﻐﺎﻟﻪ ﻫﻨﺎ ﻣﻦ ﺷﻬﻮﺭ
- ﻛﺎﻥ ﻓﻰ ﻭﺍﺣﺪﺓ ﺷﻐﺎﻟﻪ ﻗﺒﻠﻬﺎ ؟
ﺑﺪﺍ ﺷﺎﺭﺩﺍً ﺛﻢ ﻗﺎﻝ ﺑﻀﻴﻖ :
- ﺃﻳﻮﺓ ﻛﺎﻥ ﻓﻰ ﻗﺒﻠﻬﺎ " ﺻﻔﻴﺔ "
ﺷﻌﺮﺕ " ﻳﺎﺳﻤﻴﻦ " ﺑﺎﻟﻐﻀﺐ ﻳﺘﺼﺎﻋﺪ ﺑﺪﺍﺧﻠﻬﺎ .. ﻭﺗﻮﻗﻔﺖ ﻋﻦ ﺍﻷﻛﻞ .. ﻧﻈﺮ ﺍﻟﻴﻬﺎ " ﻋﻤﺮ " ﺑﺪﻫﺸﻪ ﻗﺎﺋﻼً :
- ﻣﺎﻟﻚ .. ﻣﺶ ﺑﺘﺎﻛﻠﻰ ﻟﻴﻪ
ﺣﺎﻭﻟﺖ ﺗﻤﺎﻟﻚ ﺃﻋﺼﺎﺑﻬﺎ ﻭﻗﺎﻟﺖ ﺑﻬﺪﻭﺀ :
- ﻣﻔﻴﺶ ﺷﺒﻌﺖ
ﺗﻔﺮﺱ ﻓﻰ ﻭﺟﻬﻬﺎ .. ﺛﻢ ﻗﺎﻝ :
- ﺷﻜﻠﻚ ﻣﻀﺎﻳﻖ .. ﺍﻳﻪ ﺍﻟﻠﻰ ﺿﺎﻳﻘﻚ
ﻧﻈﺮﺓ ﺍﻟﻴﻪ ﻧﻈﺮﺓ ﺣﺎﺩﺓ .. ﺛﻢ ﻗﺎﻟﺖ ﻭﻫﻰ ﺗﻨﻬﺾ :
- ﺑﻌﺪ ﺍﺫﻧﻚ ﺃﻧﺎ ﻃﺎﻟﻌﻪ ﺃﻭﺿﺘﻰ
ﺗﺮﻛﺘﻪ .. ﻭﺩﺧﻠﺖ ﻏﺮﻓﺘﻬﺎ .. ﺟﻠﺴﺖ ﻋﻠﻰ ﺍﻟﺴﺮﻳﺮ ﻭﻋﻴﻨﻴﻬﺎ ﺗﺸﻌﺎﻥ ﺑﻐﻀﺐ ﻣﻜﺘﻮﻡ .. ﺑﺤﺜﺖ ﻋﻦ ﻫﺎﺗﻔﻬﺎ ﻭﺍﺗﺼﻠﺖ ﺑـ " ﺳﻤﺎﺡ " ﺍﻟﺘﻰ ﻗﺎﻟﺖ ﺑﺪﻫﺸﺔ :
- ﻓﻰ ﻋﺮﻭﺳﺔ ﺗﺘﺼﻞ ﺑﺼﺤﺒﺘﻬﺎ ﻳﻮﻡ ﺻﺒﺎﺣﻴﺘﻬﺎ ﻋﻠﻰ ﺍﻟﺼﺒﺢ ﻛﺪﻩ
ﻗﺎﻟﺖ " ﻳﺎﺳﻤﻴﻦ " ﺑﺤﺪﻩ :
- ﻻ ﺃﻧﺎ ﻋﺮﻭﺳﺔ .. ﻭﻻ ﺩﻯ ﺻﺒﺤﻴﺘﻲ
ﻗﺎﻟﺖ " ﺳﻤﺎﺡ " ﻣﺴﺘﻔﻬﻤﻪ :
- ﺍﻳﻪ ﺍﻟﻠﻰ ﺣﺼﻞ ﺷﺪﻳﺘﻮﺍ ﻣﻊ ﺑﻌﺾ
ﻗﺎﻟﺖ " ﻳﺎﺳﻤﻴﻦ " ﺑﺤﺰﻥ :
- ﺃﻧﺎ ﻛﻨﺖ ﻭﺍﺛﻘﺔ ﺍﻧﻨﺎ ﻣﻨﻨﻔﻌﺶ ﻟﺒﻌﺾ .. ﻛﺎﻥ ﻗﻠﺒﻲ ﺣﺎﺳﺲ .. ﺍﺣﻨﺎ ﻋﻤﺮﻧﺎ ﺃﺑﺪﺍً ﻣﺎ ﻫﻨﻘﺪﺭ ﻧﻔﻬﻢ ﺑﻌﺾ .. ﻭﻻ ﻧﻌﻴﺶ ﺑﺈﺳﻠﻮﺏ ﺑﻌﺾ
- ﻃﻴﺐ ﺍﻫﺪﻯ ﻭﻓﻬﻤﻴﻨﻲ ﺍﻟﻠﻰ ﺣﺼﻞ
ﺻﻤﺘﺖ " ﻳﺎﺳﻤﻴﻦ " ﻗﻠﻴﻼً .. ﻛﺎﺩﺕ ﺃﻥ ﺗﻘﺺ ﻋﻠﻴﻬﺎ ﺃﻣﺮ ﺍﻟﺨﺎﺩﻣﺔ ﺍﻟﺘﻰ ﺗﺒﻴﺖ ﻟﻴﻠﻬﺎ ﻓﻰ ﻧﻔﺲ ﺍﻟﺒﻴﺖ ﻣﻊ " ﻋﻤﺮ " ﺑﻤﻔﺮﺩﻫﻤﺎ .. ﻭﻫﻮ ﻻ ﻳﺮﻯ ﺑﺄﺳﺎً ﻓﻰ ﺫﻟﻚ .. ﻭﻳﺮﻯ ﺍﻷﻣﺮ ﻋﺎﺩﻯ ﺟﺪﺍً .. ﻟﻜﻨﻬﺎ ﺃﺣﺠﻤﺖ ﻭﻗﺎﻟﺖ ﺑﺼﻮﺕ ﺧﺎﻓﺖ :
- ﻣﺶ ﻫﻘﺪﺭ ﺃﺣﻜﻴﻠﻚ ﻳﺎ " ﺳﻤﺎﺡ .. " ﻣﻬﻤﺎ ﻛﺎﻥ ﻫﻮ ﺯﻭﺟﻰ ﺩﻟﻮﻗﺘﻰ .. ﻭﻣﻴﻨﻔﻌﺶ ﺍﺗﻜﻠﻢ ﻋﻨﻪ ﻭﺣﺶ ﻣﻊ ﺣﺪ
ﻗﺎﻟﺖ " ﺳﻤﺎﺡ " :
- ﺧﻼﺹ ﺑﺮﺍﺣﺘﻚ .. ﻃﻴﺐ ﻧﺘﻜﻠﻢ ﻓﻰ ﺍﻟﻤﺸﻜﻠﺔ ﺍﻟﻘﺪﻳﻤﺔ ﺍﻟﻠﻰ ﺃﻧﺎ ﻋﺎﺭﻓﺎﻫﺎ ﻓﻌﻼً .. ﻣﻮﺿﻮﻉ ﺍﻟﺤﺮﻳﻖ ﻭﻣﺮﺍﺕ ﺍﻟﻐﻔﻴﺮ .. ﺍﻧﺘﻰ ﺣﺴﻪ ﺑﺈﻳﻪ ﺩﻟﻮﻗﺘﻰ ﺑﺨﺼﻮﺹ ﺍﻟﻤﻮﺿﻮﻉ ﺩﻩ
ﻗﺎﻟﺖ " ﻳﺎﺳﻤﻴﻦ " ﺑﺤﻴﺮﺓ :
- ﻣﺶ ﻋﺎﺭﻓﻪ
ﻗﺎﻟﺖ " ﺳﻤﺎﺡ " :
" - ﻳﺎﺳﻤﻴﻦ " ﻟﻴﻪ ﻣﺘﺤﻄﻴﺶ ﺍﺣﺘﻤﺎﻝ ﺍﻥ ﺍﻟﺒﻨﺖ ﺍﻟﻠﻰ ﺍﺳﻤﻬﺎ " ﻭﻻﺀ " ﺩﻯ ﺑﺘﺤﺎﻭﻝ ﺗﻮﻗﻊ ﺑﻴﻨﻚ ﻭﺑﻴﻦ " ﻋﻤﺮ " ﻋﺸﺎﻥ ﺗﻤﻨﻊ ﺟﻮﺍﺯﺗﻜﻮﺍ
ﻗﺎﻟﺖ " ﻳﺎﺳﻤﻴﻦ " ﺑﺤﻴﺮﻩ :
- ﻭﻫﻰ ﺍﻳﻪ ﻣﺼﻠﺤﺘﻬﺎ ﻓﻰ ﻛﺪﻩ .. ﻫﺘﺴﺘﻔﺎﺩ ﺍﻳﻪ ﻟﻤﺎ ﺗﻤﻨﻊ ﺟﻮﺍﺯﻧﺎ
- ﺗﺴﺘﻔﺎﺩ ﺍﻧﻬﺎ ﺗﺨﺮﺏ ﻋﻠﻴﻜﻲ ﻳﺎ " ﻳﺎﺳﻤﻴﻦ " .. ﻣﺶ ﻫﻰ ﻛﺎﻧﺖ ﺑﺘﺤﺐ " ﻋﻤﺮ .. " ﻣﻤﻜﻦ ﺃﻭﻯ ﺗﻜﻮﻥ ﻏﺎﺭﺕ ﻣﻨﻚ ﻭﻋﻤﻠﺖ ﺍﻟﻔﻴﻠﻢ ﺩﻩ ﻋﻠﻴﻜﻲ ﻋﺸﺎﻥ ﻣﺘﺘﺠﻮﺯﻳﺶ ﺣﺒﻴﺒﻬﺎ .. " ﻳﺎﺳﻤﻴﻦ " ﻣﺶ ﻛﻞ ﺍﻟﻨﺎﺱ ﻃﻴﺒﺔ ﺯﻳﻚ .. ﻓﻰ ﻧﺎﺱ ﻣﺆﺫﻳﺔ ﺟﺪﺍً ﻭﻋﺎﻳﺸﺔ ﻋﻠﻰ ﺃﺫﻳﺔ ﺍﻟﻨﺎﺱ .. ﺯﻯ " ﻣﺼﻄﻔﻰ " .. ﻭﺯﻯ ﺍﻟﻠﻰ ﺍﺳﻤﻪ " ﺑﺴﻄﻮﻳﺴﻲ " ﺩﻩ .. ﻭﺯﻯ " ﻣﻬﺎ " .. ﻣﺶ ﻛﻞ ﺍﻟﻨﺎﺱ ﻃﻴﺒﺔ ﻭﺗﻌﺮﻑ ﺭﺑﻨﺎ ﻳﺎ " ﻳﺎﺳﻤﻴﻦ "
ﺻﻤﺘﺖ " ﻳﺎﺳﻤﻴﻦ " ﺗﻔﻜﺮ ﻗﻠﻴﻼً ﺛﻢ ﻗﺎﻟﺖ :
- ﻭﺍﻟﻮﺭﻕ ﺍﻟﻠﻰ ﺟﺎﺑﺘﻬﻮﻟﻰ ﻣﻦ ﺍﻟﻤﺴﺘﺸﻔﻰ ﻭﺍﻟﺮﺍﺟﻞ ﺍﻟﻠﻰ ﺷﻬﺪ
ﻗﺎﻟﺖ " ﺳﻤﺎﺡ " :
- ﺳﻬﻞ ﺃﻭﻯ ﻟﻮ ﻟﻴﻬﺎ ﺣﺪ ﻣﻌﺮﻓﺔ ﻓﻰ ﺍﻟﻤﺴﺘﺸﻔﻰ ﺗﺨﻠﻴﻪ ﻳﻀﺮﺑﻠﻬﺎ ﺍﻟﻮﺭﻕ ﺃﻭ ﻫﻰ ﺑﻨﻔﺴﻬﺎ ﺗﺎﺧﺪ ﻣﻨﻪ ﻭﺭﻗﺔ ﻓﺎﺿﻴﺔ ﻭﺗﻀﺮﺏ ﺍﻟﺘﻘﺮﻳﺮ .. ﻣﺶ ﻫﻰ ﺩﻛﺘﻮﺭﺓ ﻳﻌﻨﻲ ﺗﻌﺮﻑ ﻛﻮﻳﺲ ﻋﻦ ﺍﺻﺎﺑﺎﺕ ﺍﻟﺤﺮﻭﻕ .. ﻭﺗﻜﺘﺐ ﺗﻘﺮﻳﺮ ﻣﻴﺔ ﻣﻴﺔ ﻭﺗﺪﻳﻬﻮﻟﻚ ﻋﻠﻰ ﺍﻧﻪ ﺍﻟﺘﻘﺮﻳﺮ ﺍﻟﻠﻰ ﺟﺎﺑﺘﻪ ﻣﻦ ﺍﻻﺳﺘﻘﺒﺎﻝ .. ﺃﻣﺎ ﺑﺎﻟﻨﺴﺒﺔ ﻟﻠﺮﺍﺟﻞ .. ﻣﻤﻜﻦ ﻳﻜﻮﻥ ﺍﺗﻠﺨﺒﻂ ﺑﻴﻦ " ﻋﻤﺮ " ﻭﺑﻴﻦ ﻭﺍﺣﺪ ﺗﺎﻧﻰ .. ﺃﻭ ﻫﻰ ﻗﺎﻟﺘﻠﻪ ﺍﻧﻪ ﻳﻘﻮﻝ ﺍﻥ ﺍﻟﺮﺍﺟﻞ ﺍﻟﻠﻰ ﻛﺎﻥ ﻣﻊ ﻣﺮﺍﺕ ﺍﻟﻐﻔﻴﺮ ﻳﺒﻘﻰ " ﻋﻤﺮ .. " ﻟﻜﻦ " ﻋﻤﺮ " ﻣﻠﻮﺵ ﻋﻼﻗﺔ ﺑﺎﻟﻤﻮﺿﻮﻉ ﺃﺻﻼً
ﻗﺎﻟﺖ " ﻳﺎﺳﻤﻴﻦ : "
- ﻃﻴﺐ ﻭﺍﻟﺤﺮﻕ ﺍﻟﻠﻰ ﻓﻰ ﺍﻳﺪﻩ .. ﻭﺍﻟﻠﻰ ﻣﺮﺿﺎﺵ ﻳﻘﻮﻟﻰ ﺳﺒﺒﻪ ؟
- ﻣﻤﻜﻦ ﻳﻜﻮﻥ ﺍﺗﺤﺮﻕ ﻣﻦ ﺃﻯ ﺣﺎﺟﻪ ﻣﺶ ﺷﺮﻁ ﻧﻔﺲ ﺍﻟﺤﺮﻳﻘﺔ ﺩﻯ .. ﻳﻌﻨﻲ ﻣﻤﻜﻦ ﺍﺻﻼ ﻳﻜﻮﻥ ﺍﻟﺤﺮﻕ ﺩﻩ ﻓﻰ ﺍﻳﺪﻩ ﻣﻦ ﻗﺒﻞ ﻣﻮﺿﻮﻉ ﺣﺮﻕ ﺍﻟﺒﻴﺖ .. ﻭ " ﻻﺀ " ﺍﺳﺘﻐﻠﺖ ﺍﻟﺤﺮﻕ ﺍﻟﻠﻰ ﻓﻰ ﺍﻳﺪﻩ ﻋﺸﺎﻥ ﺗﻘﻨﻌﻚ ﺍﻧﻪ ﻟﻪ ﺩﻭﺭ ﻓﻰ ﺣﻜﺎﻳﺔ ﻣﺮﺍﺕ ﺍﻟﻐﻔﻴﺮ
ﻓﻜﺮﺕ " ﻳﺎﺳﻤﻴﻦ " ﻓﻰ ﻛﻼﻡ " ﺳﻤﺎﺡ " ﻗﻠﻴﻼً ﺛﻢ ﻗﺎﻟﺖ :
- ﻻﺯﻡ ﺃﺗﺄﻛﺪ ﺑﻨﻔﺴﻲ
- ﺍﺯﺍﻯ ؟
ﻗﺎﻟﺖ " ﻳﺎﺳﻤﻴﻦ " ﻓﺠﺄﺓ :
- ﻣﺘﻌﺮﻓﻴﺶ ﻣﺤﺎﻣﻰ ﻛﻮﻳﺲ ﻫﻨﺎ ؟
- ﻣﺤﺎﻣﻰ ؟ ! .. ﻋﺎﻳﺰﺍﻩ ﻟﻴﻪ
- ﺗﻌﺮﻓﻰ ﺑﺲ ﻭﻻ ﻣﺘﻌﺮﻓﻴﺶ
- ﺃﻋﺮﻑ ﻣﺤﺎﻣﻴﺔ ﻛﻮﻳﺴﺔ .. ﻣﺮﺍﺕ ﺻﺎﺣﺐ " ﺃﻳﻤﻦ " ﻋﺮﻓﻨﻰ ﻋﻠﻴﻬﺎ ﻭﻫﻰ ﺳﺖ ﻛﻮﻳﺴﺔ ﺃﻭﻯ ﻭﺷﺎﻃﺮﺓ
ﻗﺎﻟﺖ " ﻳﺎﺳﻤﻴﻦ " ﺑﻠﻬﻔﺔ :
- ﻛﻮﻳﺲ ﺃﻭﻯ .. ﺃﻧﺎ ﻋﺎﻳﺰﺍﻛﻰ ﺗﺨﻠﻰ ﺍﻟﻤﺤﺎﻣﻴﺔ ﺩﻯ ﺗﺤﺎﻭﻝ ﺗﻮﺻﻞ ﻟﻠﻮﺭﻕ ﺍﻟﻠﻰ ﻓﻰ ﺍﻟﻤﺴﺘﺸﻔﻰ ﻭﺃﻧﺎ ﻫﺪﻳﻜﻲ ﺍﺳﻢ ﺍﻟﻤﺴﺘﺸﻔﻰ ﻭﺍﻟﻴﻮﻡ ﺍﻟﻠﻰ ﺣﺼﻠﺖ ﻓﻴﻪ ﺍﻟﺤﺮﻳﻘﻪ .. ﻭﻫﻰ ﻣﺤﺎﻣﻴﺔ ﻳﻌﻨﻲ ﺃﻛﻴﺪ ﻟﻬﺎ ﻃﺮﻕ ﺗﻮﺻﻞ ﺑﻴﻬﺎ ﻟﻠﻮﺭﻕ ﺩﻩ ﻛﻤﺴﺘﻨﺪﺍﺕ ﺃﻛﻴﺪ ﺑﺘﺤﺘﺎﺟﻬﺎ ﻓﻰ ﺍﻟﻘﻀﺎﻳﺎ ﺑﺘﺎﻋﺘﻬﺎ .. ﻭﺷﻮﻓﻰ ﺃﺗﻌﺎﺑﻬﺎ ﻭﺃﻧﺎ ﻫﺪﻓﻌﻬﺎﻟﻬﺎ
ﻗﺎﻟﺖ " ﺳﻤﺎﺡ " ﺑﺸﻚ :
- ﻣﺶ ﻋﺎﺭﻓﻪ .. ﻃﻴﺐ ﻣﺎ ﺗﻮﺍﺟﻬﻰ " ﻋﻤﺮ "
ﻗﺎﻟﺖ " ﻳﺎﺳﻤﻴﻦ " ﺑﻴﺄﺱ ﻭﺳﺨﺮﻳﺔ :
- ﺃﻭﺍﺟﻬﻪ ﺃﻗﻮﻟﻪ ﺍﻳﻪ ؟ .. ﺃﻗﻮﻟﻪ ﺍﻧﺖ ﺯﻧﻴﺖ ﺑﻤﺮﺍﺕ ﺍﻟﻐﻔﻴﺮ ﺍﻟﻠﻰ ﻛﺎﻥ ﺑﻴﺸﺘﻐﻞ ﻋﻨﺪﻙ .. ﻭﻫﻮ ﻃﺒﻌﺎً ﻫﻴﻘﻮﻟﻰ ﺃﻳﻮﺓ .. ﻭﻳﺨﺮﺏ ﺑﻴﺘﻪ ﺑﺈﻳﺪﻩ .. ﻭﻳﻬﺪ ﺟﻮﺍﺯﻩ ﺑﻨﻔﺴﻪ .. ﻭﻫﻮ ﻋﺎﺭﻑ ﻭﻭﺍﺛﻖ ﺍﻧﻰ ﻟﻮ ﻋﺮﻓﺖ ﺣﺎﺟﻪ ﺯﻯ ﻛﺪﺓ ﻣﺴﺘﺤﻴﻞ ﺃﻛﻤﻞ ﻣﻌﺎﻩ .. !! ﺃﻛﻴﺪ ﻃﺒﻌﺎً ﻫﻴﻨﻜﺮ ﻳﺎ " ﺳﻤﺎﺡ " .. ﺍﻧﺘﻰ ﻣﺸﻔﺘﻴﺶ " ﻣﺼﻄﻔﻰ " ﻟﻤﺎ ﻭﺍﻟﺪﻯ ﻛﺎﻥ ﺑﻴﻮﺍﺟﻬﻪ ﺑﺨﻴﺎﻧﺘﻪ .. ﻓﻀﻞ ﻳﺤﻠﻒ ﺑﺎﻟﻠﻪ ﺍﻧﻪ ﻣﻈﻠﻮﻡ ﻭﺍﻥ ﺍﻟﺒﻨﺖ ﺑﺘﻔﺘﺮﻯ ﻋﻠﻴﻪ .. ﻟﺤﺪ ﻣﺎ ﺑﺎﺑﺎ ﻗﺎﻟﻪ ﻋﻠﻰ ﺍﻟﻤﺤﺎﺩﺛﺔ ﺍﻟﻠﻰ ﺷﻮﻓﺘﻬﺎ ﺑﻴﻨﻪ ﻭﺑﻴﻦ ﺍﻟﺒﻨﺖ ﺩﻯ ﺳﺎﻋﺘﻬﺎ ﻣﻘﺪﺭﺵ ﻳﻨﻜﺮ .. ﻻﻥ ﻛﺎﻥ ﻓﻰ ﻣﻌﺎﻳﺎ ﺩﻟﻴﻞ .. ﺃﻧﺎ ﻟﻮ ﺭﻭﺣﺖ ﻭﺍﺟﻬﺖ " ﻋﻤﺮ " ﻭﻛﺎﻥ ﻓﻌﻼً ﻫﻮ ﻣﺬﻧﺐ .. ﺃﻛﻴﺪ ﻫﻴﻨﻜﺮ .. ﻭﻣﺶ ﺑﻌﻴﺪ ﻳﺨﻔﻰ ﺍﻟﺸﺎﻫﺪ ﺯﻯ ﻣﺎ ﺧﻔﻰ ﻣﺮﺍﺕ ﺍﻟﻐﻔﻴﺮ .. ﻭﺳﺎﻋﺘﻬﺎ ﻋﻤﺮﻯ ﻣﺎ ﻫﻌﺮﻑ ﺃﻭﺻﻞ ﻟﻠﺤﻘﻴﻘﺔ ﺃﺑﺪﺍً .. ﻭﻫﻌﻴﺶ ﻃﻮﻝ ﻋﻤﺮﻯ ﺷﺎﻛﻪ ﻓﻴﻪ
ﻗﺎﻟﺖ " ﺳﻤﺎﺡ " :
- ﻃﻴﺐ ﺧﻼﺹ ﻫﻜﻠﻢ ﺍﻟﻤﺤﺎﻣﻴﺔ
- ﺑﺲ ﺧﻠﻴﻬﺎ ﺗﻌﺠﻞ ﺍﻟﻤﻮﺿﻮﻉ ﻳﺎ " ﺳﻤﺎﺡ " ﻋﺎﻳﺰﺓ ﺃﻋﺮﻑ ﻓﻰ ﺃﻗﺮﺏ ﻭﻗﺖ ﺍﻟﻮﺭﻕ ﺍﻟﻠﻰ ﻧﺴﺨﺘﻪ ﻣﻌﺎﻳﺎ ﺩﻩ ﺣﻘﻴﻘﻰ ﻭﻻ ﻣﺰﻭﺭ
- ﺣﺎﺿﺮ .. ﺑﺲ ﺃﻧﺎ ﻭﺍﺛﻘﺔ ﺍﻧﻪ ﻣﺰﻭﺭ
ﻗﺎﻟﺖ " ﻳﺎﺳﻤﻴﻦ " ﺑﻠﻬﻔﻪ :
- ﻳﺎﺭﻳﺖ ﻳﺎ " ﺳﻤﺎﺡ .. " ﻳﺎﺭﻳﺖ ﻳﻜﻮﻥ ﻣﺰﻭﺭ
ﺳﻤﻌﺖ ﻃﺮﻗﺎﺕ ﻋﻠﻰ ﺍﻟﺒﺎﺏ ﻓﺄﻧﻬﺖ ﺍﻻﺗﺼﺎﻝ ﻣﻊ " ﺳﻤﺎﺡ " .. ﻓﺘﺤﺖ ﻟﺘﺠﺪ " ﻋﻤﺮ " .. ﻗﺎﻝ ﻟﻬﺎ ﺑﻬﺪﻭﺀ :
- ﻣﻤﻜﻦ ﺃﺩﺧﻞ
ﺗﺮﺩﺩﺕ .. ﻟﻜﻨﻬﺎ ﺃﻓﺴﺤﺖ ﻟﻬﺎ ﺍﻟﻄﺮﻳﻖ .. ﺩﺧﻞ ﻭﺃﻏﻠﻖ ﺍﻟﺒﺎﺏ ﺧﻠﻔﻪ .. ﺟﺬﺑﻬﺎ ﻣﻦ ﻳﺪﻫﺎ ﻭﺃﺟﻠﺴﻬﺎ ﺑﺠﻮﺍﺭﻩ ﻋﻠﻰ ﺍﻟﺴﺮﻳﺮ .. ﺷﻌﺮﺕ ﺑﺎﻟﺘﻮﺗﺮ .. ﺭﻓﻊ ﻭﺟﻬﻬﺎ ﻟﺘﻨﻈﺮ ﺍﻟﻴﻪ ﺛﻢ ﻗﺎﻝ :
- ﺑﺼﻰ ﻳﺎ " ﻳﺎﺳﻤﻴﻦ .. " ﺩﻩ ﺃﻭﻝ ﻳﻮﻡ ﺟﻮﺍﺯ ﻟﻴﻨﺎ ﻭﻋﺎﻳﺰﻳﻦ ﻧﺘﻔﻖ ﻋﻠﻰ ﺣﺎﺟﺎﺕ ﻣﻌﻴﻨﻪ .. ﻋﺸﺎﻥ ﻟﺴﻪ ﺃﺩﺍﻣﻨﺎ ﻃﺮﻳﻖ ﻃﻮﻳﻞ ﻣﻊ ﺑﻌﺾ
ﺍﺳﺘﻤﻌﺖ ﻟﻪ " ﻳﺎﺳﻤﻴﻦ " ﺑﻜﻞ ﺣﻮﺍﺳﻬﺎ .. ﺃﻛﻤﻞ :
- ﺍﻧﺘﻰ ﻓﻰ ﺣﺎﺟﻪ ﺿﺎﻳﻘﺘﻚ ﻭﺍﺣﻨﺎ ﺑﻨﻔﻄﺮ .. ﻭﻟﻤﺎ ﺳﺄﻟﺘﻚ ﺍﺗﻬﺮﺑﺘﻰ .. ﻭﻃﻠﻌﺘﻰ ﺃﻭﺿﺘﻚ .. ﺍﻟﻠﻰ ﻋﺎﻳﺰﻳﻦ ﻧﺘﻔﻖ ﻋﻠﻴﻪ .. ﻫﻮ ﺍﻥ ﺍﻟﻠﻰ ﻳﻀﺎﻳﻖ ﻣﻦ ﺍﻟﺘﺎﻧﻰ ﻓﻰ ﺣﺎﺟﻪ ﻻﺯﻡ ﻳﺼﺎﺭﺣﻪ ﺑﻴﻬﺎ .. ﻟﻜﻨﻪ ﻟﻮ ﺳﻜﺖ ﻭﻛﺘﻢ ﻓﻰ ﻗﻠﺒﻪ ﺍﻷﻣﻮﺭ ﻫﺘﺘﻌﻘﺪ ﻣﺶ ﻫﺘﺘﺼﻠﺢ .. ﻻﺯﻡ ﻳﻜﻮﻥ ﻓﻰ ﺑﻴﻨﺎ ﻭﺿﻮﺡ .. ﺑﻴﻮﺕ ﻛﺘﻴﺮ ﺑﺘﺘﺨﺮﺏ ﺑﺴﺒﺐ ﻛﺪﻩ .. ﻳﻌﻨﻲ ﻛﻞ ﻭﺍﺣﺪ ﺷﺎﻳﻞ ﻣﻦ ﺍﻟﺘﺎﻧﻰ ﻓﻰ ﻧﻔﺴﻪ ﻭﺳﺎﻛﺖ .. ﻣﻊ ﺍﻧﻪ ﻟﻮ ﺍﺗﻜﻠﻢ ﻣﻤﻜﻦ ﺃﻭﻯ ﺍﻟﻤﺸﻜﻠﺔ ﺗﺘﺤﻞ ﺑﺴﻬﻮﻟﺔ
ﺻﻤﺖ ﻗﻠﻴﻼً ﺛﻢ ﻗﺎﻝ :
- ﺍﺗﻔﻘﻨﺎ .. ﺍﻟﻠﻰ ﻫﻴﻀﺎﻳﻖ ﻣﻦ ﺍﻟﺘﺎﻧﻰ ﻓﻰ ﺣﺎﺟﻪ ﻳﺼﺎﺭﺣﻪ ﺑﻴﻬﺎ ﻋﻠﻰ ﻃﻮﻝ ؟
ﺃﻭﻣﺄﺕ ﺑﺮﺃﺳﻬﺎ .. ﻓﺴﺄﻟﻬﺎ :
- ﺍﻳﻪ ﺍﻟﻠﻰ ﺿﺎﻳﻘﻚ ﻭﺍﺣﻨﺎ ﺑﻨﻔﻄﺮ ؟
ﻃﺎﻝ ﺻﻤﺘﻬﺎ ﻭﻫﻰ ﺗﺤﺎﻭﻝ ﺗﺨﻴﺮ ﺍﻟﻜﻠﻤﺎﺕ ﺍﻟﻤﻨﺎﺳﺒﺔ .. ﻭﻫﻮ ﻟﻢ ﻳﺘﻌﺠﻠﻬﺎ .. ﺑﻞ ﺍﻧﺘﻈﺮ ﺭﺩﻫﺎ .. ﻭﺃﺧﻴﺮﺍً ﻗﺎﻟﺖ :
- ﺃﻋﺎﺩﻙ ﻓﻰ ﺍﻟﺒﻴﺖ ﻟﻮﺍﺣﺪﻙ ﻣﻊ ﻭﺍﺣﺪﺓ ﺣﺘﻰ ﻟﻮ ﻛﺎﻧﺖ ﺍﻟﺨﺪﺍﻣﺔ .. ﻣﺶ ﺷﺎﻳﻒ ﺍﻥ ﺩﻯ ﺣﺎﺟﻪ ﻏﻠﻂ ؟
ﺑﺪﺍ ﻭﻛﺄﻧﻪ ﻳﻔﻜﺮ ﻓﻰ ﻛﻼﻣﻬﺎ .. ﺛﻢ ﻗﺎﻝ :
- ﺃﻧﺎ ﻣﻌﻈﻢ ﺍﻟﻴﻮﻡ ﺑﺮﻩ ﺍﻟﺒﻴﺖ .. ﻭﻫﻰ ﻣﺒﺸﻮﻓﻬﺎﺵ ﺍﻻ ﻭﻗﺖ ﻣﺎ ﺑﺘﺤﻄﻠﻰ ﺍﻷﻛﻞ .. ﺃﻭ ﻭﻗﺖ ﻣﺎ ﺑﻜﻮﻥ ﻋﺎﻳﺰ ﺃﻃﻠﺐ ﻣﻨﻬﺎ ﺣﺎﺟﻪ .. ﺍﻟﺒﻨﺖ ﺩﻯ ﻏﻠﺒﺎﻧﻪ ﻭﻳﺘﻴﻤﻪ .. ﻭﻣﻠﻬﺎﺵ ﺣﺪ ﻓﻰ ﺍﻟﺒﻠﺪ ﻭﻋﺸﺎﻥ ﻛﺪﺓ ﺧﻠﻴﺘﻬﺎ ﺗﻌﺪ ﻓﻰ ﺃﻭﺿﺔ ﺟﻤﺐ ﺍﻟﻤﻄﺒﺦ ..
ﻗﺎﻟﺖ " ﻳﺎﺳﻤﻴﻦ " ﺑﻬﺪﻭﺀ :
- ﺣﺘﻰ ﻟﻮ ﻛﺎﻥ ﺍﻟﻮﺿﻊ ﺯﻯ ﻣﺎ ﺍﻧﺖ ﺑﺘﻘﻮﻝ .. ﻣﻴﻨﻔﻌﺶ ﺗﻌﻴﺶ ﻣﻌﺎﻙ ﻓﻰ ﺍﻟﺒﻴﺖ ﻭﺍﻧﺖ ﻟﻮﺣﺪﻙ
ﺍﺑﺘﺴﻢ ﻗﺎﺋﻼً :
- ﺧﻼﺹ ﻣﺒﻘﺘﺶ ﻟﻮﺣﺪﻯ
ﻟﻢ ﺗﺒﺘﺴﻢ .. ﻓﻘﺎﻝ ﺑﺠﺪﻳﻪ :
- ﺃﻧﺎ ﻣﻜﻨﺘﺶ ﺷﺎﻳﻒ ﺍﻟﻤﻮﺿﻮﻉ ﺯﻯ ﻣﺎ ﺍﻧﺘﻰ ﺷﻴﻔﺎﻩ .. ﺃﻧﺎ ﺍﺗﻌﺎﻣﻠﺖ ﻣﻊ ﺍﻷﻣﺮ ﺩﻩ ﺑﻄﺮﻳﻘﺔ ﻋﻤﻠﻴﻪ .. ﻣﺶ ﺃﻛﺘﺮ ﻣﻦ ﻛﺪﻩ
ﺛﻢ ﺍﻗﺘﺮﺏ ﻣﻨﻬﺎ ﻭﻗﺎﻝ ﺑﺨﺒﺚ :
- ﻫﻮ ﺣﺒﻴﺒﻰ ﺑﻴﻐﻴﺮ ﻋﻠﻴﺎ ﻭﻻ ﺍﻳﻪ ؟
ﺷﻌﺮﺕ ﺑﺎﻟﺨﺠﻞ ﻹﻗﺘﺮﺍﺑﻪ ﻣﻨﻬﺎ ﻓﻮﻗﻔﺖ .. ﻓﻮﻗﻒ ﻫﻮ ﺍﻵﺧﺮ ﻭﻗﺎﻝ :
- ﻟﻮ ﺗﺤﺒﻲ ﺃﻣﺸﻴﻬﺎ ﻭﺃﺟﻴﺐ ﺑﺪﺍﻟﻬﺎ ﻭﺍﺣﺪﺓ ﻛﺒﻴﺮﺓ ﻓﻰ ﺍﻟﺴﻦ ﻣﻔﻴﺶ ﻣﺸﻜﻠﺔ
ﻧﻈﺮﺕ ﺍﻟﻴﻪ ﻗﺎﺋﻠﻪ :
- ﻣﺶ ﻋﺎﻳﺰﺓ ﺍﻛﻮﻥ ﺍﻟﺴﺒﺐ ﻓﻰ ﻗﻄﻊ ﻋﻴﺸﻬﺎ
ﻃﻤﺄﻧﻬﺎ ﻗﺎﺋﻼً :
- ﻣﺶ ﻫﺘﻜﻮﻧﻰ ﺍﻟﺴﺒﺐ ﻓﻰ ﻗﻄﻊ ﻋﻴﺸﻬﺎ ﻭﻻ ﺣﺎﺟﻪ .. ﻫﺨﻠﻴﻬﺎ ﺗﺸﺘﻐﻞ ﻣﻊ ﺍﻟﺒﻨﺎﺕ ﺍﻟﻠﻰ ﺑﻴﺸﺘﻐﻠﻮﺍ ﻓﻰ ﺍﻷﺭﺽ ﻭ ﺃﺩﻳﻬﺎ ﺃﻭﺿﺔ ﻓﻰ ﺳﻜﻦ ﺍﻟﻌﻤﺎﻝ
ﺳﻌﺪﺕ " ﻳﺎﺳﻤﻴﻦ " ﻟﻬﺬﺍ ﺍﻹﻗﺘﺮﺍﺡ .. ﻭﺳﻌﺪﺕ ﺃﻛﺘﺮ ﻷﻧﻪ ﺍﻫﺘﻢ ﺑﻤﺎ ﻳﻀﺎﻳﻘﻬﺎ .. ﺍﺑﺘﺴﻤﺖ ﻟﻪ .. ﻓﻘﺎﻝ ﺑﻤﺮﺡ :
- ﺃﺧﻴﺮﺍً ﺍﻟﺪﻧﻴﺎ ﻧﻮﺭﺕ .. ﻛﻨﺘﻰ ﻣﻀﻠﻤﺎﻫﺎ ﻋﻠﻴﺎ ﻋﻠﻰ ﺍﻟﺼﺒﺢ
ﻗﺎﻟﺖ ﺑﺨﺠﻞ :
- ﻣﻌﻠﺶ ﺃﻧﺎ ﻟﺴﻪ ﻣﺶ ﻣﺘﻌﻮﺩﺓ ﻋﻠﻰ ﺍﻟﻮﺿﻊ ﺍﻟﺠﺪﻳﺪ .. ﻭﻓﻰ ﺣﺎﺟﺎﺕ ﻛﺘﻴﺮ ﺃﻧﺎ ﻣﺴﺘﻐﺮﺑﺎﻫﺎ ﻭﻣﺶ ﻣﺘﻌﻮﺩﺓ ﻋﻠﻴﻬﺎ
ﺍﻗﺘﺮﺏ ﻣﻨﻬﺎ ﻭﺃﻣﺴﻚ ﻛﺘﻔﻴﻬﺎ .. ﻟﻢ ﺗﺒﺘﻌﺪ ﻫﺬﻩ ﺍﻟﻤﺮﺓ .. ﻧﻈﺮ ﺍﻟﻰ ﻋﻴﻨﻴﻬﺎ ﺑﺤﺐ ﻗﺎﺋﻼً :
- ﻭﺃﻧﺎ ﻧﻔﺴﻲ ﺗﺘﻌﻮﺩﻯ ﺑﺴﺮﻋﺔ ﻋﻠﻰ ﻭﺿﻌﻚ ﺍﻟﺠﺪﻳﺪ
ﺃﻓﻠﺘﺖ ﻧﻔﺴﻬﺎ ﻣﻦ ﻳﺪﻩ ﻓﺈﺑﺘﺴﻢ .. ﺛﻢ ﻗﺎﻝ ﺑﺘﺤﺪﻯ :
- ﻃﻴﺐ ﻟﻮ ﻗﻮﻟﺘﻠﻚ ﺩﻟﻮﻗﺘﻰ ﺃﻧﺎ ﻣﺶ ﺣﺎﺑﺐ ﺍﻟﻮﺿﻊ ﺩﻩ ﻭﻋﺎﻳﺰﻙ ﻣﻌﺎﻳﺎ ﻓﻰ ﺃﻭﺿﺘﻰ ﻭﺟﻮﺯﻧﺎ ﻳﺒﻘﻰ ﺣﻘﻴﻘﻲ ﻫﺘﻌﻤﻠﻰ ﺍﻳﻪ
ﻗﺎﻟﺖ " ﻳﺎﺳﻤﻴﻦ " ﺩﻭﻥ ﺗﺮﺩﺩ ﻭﺩﻭﻥ ﺃﻥ ﺗﻨﻈﺮ ﺍﻟﻴﻪ :
- ﺍﻧﺖ ﺩﻟﻮﻗﺘﻰ ﺟﻮﺯﻯ ﻭﺃﻧﺎ ﻣﻀﻄﺮﺓ ﺃﻋﻤﻞ ﺍﻟﻠﻰ ﺍﻧﺖ ﻋﺎﻳﺰﻩ
ﺳﺄﻟﻬﺎ " ﻋﻤﺮ " :
- ﺣﺘﻰ ﻟﻮ ﻛﺎﻥ ﺍﻟﻰ ﺃﻧﺎ ﻋﺎﻳﺰﻩ ﺍﻧﺘﻰ ﻣﺶ ﻋﺎﻳﺰﺍﻩ ؟
- ﺃﻳﻮﺓ
ﺍﺑﺘﺴﻢ ﻳﻄﻤﺌﻨﻬﺎ ﻗﺎﺋﻼً :
- ﻭﺃﻧﺎ ﻣﺶ ﻫﻌﻤﻞ ﺣﺎﺟﻪ ﺍﻧﺘﻰ ﻣﺶ ﻋﺎﻳﺰﺍﻫﺎ
ﺛﻢ ﻗﺎﻝ :
- ﻃﻴﺐ ﻣﻤﻜﻦ ﻧﻨﺰﻝ ﺑﺄﻩ ﻧﻜﻤﻞ ﻓﻄﺎﺭﻧﺎ
ﻧﺰﻻ ﻣﻌﺎً ﻭﺗﻨﺎﻭﻟﺖ ﻣﻌﻪ ﺍﻟﻔﻄﺎﺭ ﻫﺬﻩ ﺍﻟﻤﺮﺓ ﻭﻫﻰ ﺗﺸﻌﺮ ﺑﺈﺭﺗﻴﺎﺡ ﺃﻛﺒﺮ .
ﺑﻌﺪ ﺍﻟﻔﻄﺎﺭ ﺃﺧﺬﻫﺎ " ﻋﻤﺮ " ﻟﻴﺮﻳﻬﺎ ﺃﺭﺟﺎﺀ ﺍﻟﻤﻨﺰﻝ .. ﻭﺍﺗﻔﻖ ﻣﻊ ﺍﻟﺨﺎﺩﻣﺔ ﺃﻣﺎﻣﻬﺎ ﻋﻠﻰ ﻋﻤﻠﻬﺎ ﺍﻟﺠﺪﻳﺪ .. ﻛﺎﻧﺖ " ﻳﺎﺳﻤﻴﻦ " ﺳﻌﻴﺪﺓ ﻭ ﻫﻰ ﺗﺮﻯ ﺯﻭﺟﻬﺎ ﻳﻔﻌﻞ ﺫﻟﻚ ﻹﺭﺿﺎﺋﻬﺎ .. ﺍﻧﺒﻬﺮﺕ ﺑﻜﻞ ﺷﺊ ﻓﻰ ﺍﻟﺒﻴﺖ ﺍﻟﻜﺒﻴﺮ .. ﻭﺣﻜﺎ ﻟﻬﺎ " ﻋﻤﺮ " ﻗﻠﻴﻼً ﻋﻦ ﺗﺎﺭﻳﺦ ﻋﺎﺋﻠﺘﻪ .. ﻭﻋﻦ ﺟﺪﻭﺩﻩ .. ﻭﻛﻴﻒ ﻭﺻﻠﻮﺍ ﻣﻦ ﺍﻟﺤﻀﻴﺾ ﺍﻟﻰ ﺍﻟﻘﻤﺔ .. ﻛﺎﻧﺖ " ﻳﺎﺳﻤﻴﻦ " ﻣﺒﻬﻮﺭﺓ ﺑﻤﺎ ﺗﺴﻤﻊ ﻭﺃﻋﺠﺒﺖ ﻟﻠﻐﺎﻳﺔ ﺑﺘﺎﺭﻳﺦ ﻛﻔﺎﺡ ﺟﺪﻭﺩﻩ .. ﻭﺑﺪﺍ " ﻋﻤﺮ " ﻣﻌﺘﺰﺍً ﺑﺠﺪﻭﺩﻩ ﻭﻫﻮ ﻳﺘﺤﺪﺙ ﻋﻨﻬﻢ .. ﻟﻤﺴﺖ ﺟﺎﻧﺒﺎً ﺟﺪﻳﺪﺍً ﻓﻰ ﺯﻭﺟﻬﺎ .. ﻭﻓﺮﺣﺖ ﺃﻥ ﺍﻟﺤﺪﻳﺚ ﻗﺮﺑﻬﺎ ﻣﻨﻪ ﺧﻄﻮﺓ ﺃﺧﺮﻯ
ﺩﺧﻠﺖ ﻏﺮﻓﺘﻬﺎ ﺗﻠﻚ ﺍﻟﻠﻴﻠﺔ ﻭﻫﻰ ﺗﺸﻌﺮ ﺑﺮﺍﺣﺔ ﺃﻛﺒﺮ ﻣﻦ ﺍﻟﻠﻴﻠﺔ ﺍﻟﻤﺎﺿﻴﺔ .. ﺭﺃﺕ ﺣﻘﻴﺒﺘﻬﺎ ﺍﻟﺘﻰ ﻣﺎﺯﺍﻟﺖ ﻟﻢ ﺗﻔﺮﻏﻬﺎ ﻣﻮﺿﻮﻋﻪ ﻋﻠﻰ ﺍﻷﺭﺽ ﺑﺠﻮﺍﺭ ﺍﻟﺴﺮﻳﺮ .. ﻓﺤﻤﻠﺘﻬﺎ ﻭﻭﺿﻌﺘﻬﺎ ﻋﻠﻰ ﺍﻟﺴﺮﻳﺮ ﻭﻓﺘﺤﺘﻬﺎ .. ﺃﺧﺮﺟﺖ ﻣﻼﺑﺴﻬﺎ ﻭﻓﺘﺤﺖ ﺍﻟﺪﻭﻻﺏ ﻟﺘﻀﻌﻪ ﻓﻴﻪ ﻟﻜﻨﻬﺎ ﺷﻬﻘﺖ ﻓﻰ ﺩﻫﺸﺔ .. ﻭﺟﺪﺕ ﻓﺴﺘﺎﻥ ﻋﺮﺱ ﺃﺑﻴﺾ ﺍﻟﻠﻮﻥ .. ﻣﺮﺻﻊ ﻭﻣﻄﺮﺯ .. ﻛﺎﻥ ﺷﻜﻠﻪ ﻳﺨﻄﻒ ﺍﻷﺑﺼﺎﺭ .. ﺗﺮﻛﺖ ﻣﺎ ﺑﻴﺪﻫﺎ ﻭﺗﻠﻤﺴﺘﻪ ﻛﺎﻥ ﻧﺎﻋﻤﺎً ﻟﻠﻐﺎﻳﺔ .. ﺃﺧﺮﺟﺘﻪ ﻣﻦ ﺍﻟﺪﻭﻻﺏ ﻭﻧﻈﺮﺕ ﺍﻟﻴﻪ ﻓﻰ ﺩﻫﺸﺔ .. ﻛﻢ ﺣﻠﻤﺖ ﺑﺈﺭﺗﺪﺍﺀ ﻫﺬﺍ ﺍﻟﻔﺴﺘﺎﻥ ﺍﻟﺬﻯ ﺣﺮﻣﺖ ﻧﻔﺴﻬﺎ ﻣﻨﻪ ﻓﻰ ﺯﻭﺍﺟﻬﺎ ﺍﻷﻭﻟﻰ .. ﻷﻧﻬﺎ ﻟﻢ ﺗﻜﻦ ﺗﺸﻌﺮ ﺑﺒﻬﺠﺔ ﺍﻟﻌﺮﺱ .. ﻭﺿﻌﺘﻪ ﻣﺮﺓ ﺃﺧﺮﻯ ﻓﻰ ﺍﻟﺪﻭﻻﺏ ﻭﺃﻧﻬﺖ ﺍﻓﺮﺍﻍ ﺣﻘﻴﺒﺘﻬﺎ ﺛﻢ ﺍﺳﺘﺴﻠﻤﺖ ﻟﻠﻨﻮﻡ ﻭﺍﺑﺘﺴﺎﻣﺔ ﺻﻐﻴﺮﺓ ﻣﺮﺳﻮﻣﺔ ﻋﻠﻰ ﺛﻐﺮﻫﺎ
***********************
ﻓﻰ ﺍﻟﻴﻮﻡ ﺍﻟﺘﺎﻟﻰ ﺍﺗﺼﻠﺖ " ﻛﺮﻳﻤﻪ " ﺑـ " ﻋﻤﺮ " ﺍﻟﺬﻯ ﺍﺳﺘﻴﻘﻆ ﻣﻦ ﻧﻮﻣﻪ ﻋﻠﻰ ﺻﻮﺕ ﺟﺮﺱ ﺍﻟﻬﺎﺗﻒ ﻗﺎﻟﺖ :
- ﻣﺒﺮﻭﻙ ﻳﺎ ﺣﺒﻴﺒﻲ ﻋﻠﻴﻚ ﺍﻧﺖ ﻭﻋﺮﻭﺳﺘﻚ
- ﺍﻟﻠﻪ ﻳﺒﺎﺭﻙ ﻓﻴﻜﻲ ﻳﺎ ﻣﺎﻣﺎ
- ﻓﻴﻦ " ﻳﺎﺳﻤﻴﻦ " ﺍﺩﻳﻬﺎﻟﻰ ﺃﻛﻠﻤﻬﺎ
ﺗﻮﺗﺮ ﻗﻠﻴﻼ ﺛﻢ ﻗﺎﻝ :
- ﻫﻰ ﻣﺶ ﺟﻤﺒﻲ ﺩﻟﻮﻗﺘﻰ .. ﺷﻮﻳﺔ ﻭﻫﺨﻠﻴﻬﺎ ﺗﻜﻠﻤﻚ
- ﻃﻴﺐ ﻳﺎ ﺣﺒﻴﺒﻰ .. ﺃﻧﺎ ﺑﺲ ﻛﻨﺖ ﻋﺎﻳﺰﺓ ﺃﻗﻮﻟﻚ ﺍﻋﻤﻠﻮﺍ ﺣﺴﺎﺑﻜﻮﺍ ﺍﻧﻰ ﻫﻌﻤﻠﻜﻮﺍ ﺣﻔﻠﺔ ﻛﺒﻴﺮﺓ ﻫﻌﺰﻡ ﻓﻴﻬﺎ ﺻﺤﺎﺑﻨﺎ ﻭﺣﺒﺎﻳﺒﻨﺎ .. ﺷﻮﻓﻮﺍ ﺍﻧﺘﻮﺍ ﺍﻟﻤﻌﺎﺩ ﺍﻟﻠﻰ ﻳﻨﺎﺳﺒﻜﻮﺍ
ﻗﺎﻝ " ﻋﻤﺮ " ﺑﺪﻫﺸﺔ :
- ﺣﻔﻠﺔ ﻟﻴﻪ
- ﺍﻳﻪ ﺍﻟﻠﻰ ﺣﻔﻠﺔ ﻟﻴﻪ ؟ .. ﺍﻧﺖ ﺗﺴﻤﻊ ﺍﻟﻠﻰ ﺃﻥ ﺑﻘﻮﻟﻚ ﻋﻠﻴﻪ ﻣﺶ ﻛﻔﺎﻳﺔ ﺟﻮﺯﺕ ﺍﺑﻨﻰ ﺍﻟﻮﺣﻴﺪ ﺳﻜﻴﺘﻲ
- ﺧﻼﺹ ﻳﺎ ﻣﺎﻣﺎ ﺯﻯ ﻣﺎ ﺗﺤﺒﻲ .. ﺑﺲ ﻣﺶ ﺩﻟﻮﻗﺘﻰ ﻳﻌﻨﻲ ﺳﺒﻴﻨﺎ ﺷﻮﻳﺔ ﻛﺪﻩ
- ﺃﻧﺎ ﻗﻮﻟﺖ ﺍﻥ ﺍﻧﺘﻮﺍ ﺍﻟﻠﻰ ﻫﺘﺤﺪﺩﻭﺍ ﺍﻟﻤﻌﺎﺩ ﺍﻟﻠﻰ ﻳﻨﺎﺳﺒﻜﻮﺍ .. ﺑﺲ ﻣﺘﺘﺄﺧﺮﻭﺵ ﻋﺎﻳﺰﻳﻨﻬﺎ ﺑﺴﺮﻋﺔ ﻋﺸﺎﻥ ﻛﻞ ﺍﻟﻠﻰ ﻳﻌﺮﻑ ﺍﻧﻚ ﺍﺗﺠﻮﺯ ﻳﺰﻋﻞ ﻣﻨﻨﺎ .. ﻭﻳﻔﺘﻜﺮ ﺍﻧﻨﺎ ﻋﻤﻠﻨﺎ ﻓﺮﺡ ﻭﻣﻌﺰﻣﻨﻬﻮﺵ
- ﺣﺎﺿﺮ ﻳﺎ ﻣﺎﻣﺎ ﻫﺸﻮﻑ " ﻳﺎﺳﻤﻴﻦ " ﻭﻧﺤﺪﺩ ﻣﻌﺎﺩ
ﺧﺮﺝ " ﻋﻤﺮ " ﻣﻦ ﻏﺮﻓﺘﻪ ﻭﺍﺗﺠﻪ ﺍﻟﻰ ﻏﺮﻓﺔ " ﻳﺎﺳﻤﻴﻦ .. " ﻃﺮﻕ ﺍﻟﺒﺎﺏ ﻛﺜﻴﺮﺍً ﻭﻟﻢ ﺗﺠﺐ .. ﻓﺘﺢ ﺍﻟﺒﺎﺏ ﻓﻠﻢ ﻳﺠﺪﻫﺎ ﻓﻰ ﻏﺮﻓﺘﻬﺎ .. ﻧﺰﻝ ﻟﻢ ﻳﺠﺪﻫﺎ ﻓﻰ ﺍﻟﻤﻨﺰﻝ .. ﺃﺧﺒﺮﺗﻪ ﺍﻟﺨﺎﺩﻣﺔ ﺍﻟﺠﺪﻳﺪﺓ ﻭﺍﻟﺘﻰ ﻛﺎﻧﺖ ﺳﻴﺪﺓ ﻓﻰ ﺍﻟﻌﻘﺪ ﺍﻟﺨﺎﻣﺲ ﻣﻦ ﺍﻟﻌﻤﺮ ﺃﻧﻬﺎ ﻗﺎﻟﺖ ﺍﻧﻬﺎ ﺗﺘﻤﺸﻰ ﻗﻠﻴﻼ ﻓﻰ ﺍﻟﻤﺰﺭﻋﺔ .. ﺻﻌﺪ " ﻋﻤﺮ " ﻭﺍﺭﺗﺪﻯ ﻣﻼﺑﺴﻪ ﻭﺧﺮﺝ .. ﻋﻠﻢ ﺃﻧﻪ ﺳﻴﺠﺪﻫﺎ ﻫﻨﺎﻙ .. ﻋﻨﺪ ﺷﺠﺮﺗﻪ .. ﻭﻛﺎﻥ ﻣﺼﻴﺒﺎً .. ﺭﺃﺗﻪ ﻓﺎﺑﺘﺴﻤﺖ .. ﺍﻗﺘﺮﺏ ﻣﻨﻬﺎ ﺑﺈﺑﺘﺴﺎﻣﻪ ﻗﺎﺋﻼً :
- ﻋﺮﻓﺖ ﺍﻧﻰ ﻫﻼﻗﻴﻜﻲ ﻫﻨﺎ
ﺃﺷﺎﺭﺕ ﺍﻟﻰ ﺍﻟﺸﺠﺮﺓ ﻗﺎﺋﻠﻪ :
- ﺩﻯ ﺧﻼﺹ ﺑﻘﺖ ﺷﺠﺮﺗﻰ
ﻗﺎﻝ ﺑﻤﺮﺡ :
- ﻧﻌﻢ ؟ .. ﺩﻯ ﺷﺠﺮﺗﻰ ﺃﻧﺎ .. ﺷﺠﺮﺗﻚ ﻣﻨﻴﻦ
ﻗﺎﻟﺖ ﺑﻤﺮﺡ ﻣﻤﺜﺎﻝ :
- ﺃﻳﻮﺓ ﺷﺠﺮﺗﻰ ﻋﻨﺪﻙ ﺷﺠﺮ ﻛﺘﻴﺮ ﻓﻰ ﺍﻟﻤﺰﺭﻋﺔ .. ﻟﻜﻦ ﺩﻯ ﺣﺒﻴﺘﻬﺎ ﻣﻦ ﺃﻭﻝ ﻣﺎ ﺟﻴﺖ ﺍﻟﻤﺰﺭﻋﺔ ﻭﻣﺶ ﺑﺤﺐ ﺃﻋﺪ ﺍﻻ ﻓﻰ ﺿﻠﻬﺎ
ﺟﻠﺲ ﺑﺠﻮﺍﺭﻫﺎ ﻋﻠﻰ ﺍﻟﺠﺬﻉ ﻭﻗﺎﻝ :
- ﻋﻠﻰ ﻓﻜﺮﺓ ﺑﺄﻩ ﺃﻧﺎ ﺍﻟﻠﻰ ﺯﺭﻋﺖ ﺍﻟﺸﺠﺮ ﺩﻯ
ﻗﺎﻟﺖ ﺑﻌﺪﻡ ﺗﺼﺪﻳﻖ :
- ﻳﺎ ﺳﻼﻡ .. ﺑﺠﺪ؟
- ﺃﻳﻮﺓ ﻭﺍﻟﻠﻪ ﺃﻧﺎ ﺍﻟﻠﻰ ﺯﺭﻋﺘﻬﺎ .. ﺍﺗﺄﻛﺪﺗﻰ ﺑﺄﻩ ﺍﻧﻬﺎ ﺑﺘﺎﻋﺘﻰ ؟
ﻗﺎﻟﺖ ﺑﻌﻨﺪ ﻣﺎﺯﺣﻪ :
- ﻣﻠﻴﺶ ﺩﻋﻮﺓ ﺑﺮﺩﻩ ﺩﻯ ﺷﺠﺮﺗﻰ
- ﻃﻴﺐ ﻭﺃﻧﺎ ﻣﺴﺘﻌﺪ ﺃﺧﻠﻴﻜﻲ ﺍﻧﻚ ﺗﺸﺎﺭﻛﻴﻨﻲ .. ﺯﻯ ﻣﺎ ﺑﺘﺸﺎﺭﻛﻴﻨﻲ ﺣﻴﺎﺗﻰ
ﺍﺑﺘﺴﻤﺖ ﻭﻧﻈﺮﺕ ﺍﻟﻴﻪ ﻗﺎﺋﻠﻪ :
- ﺍﻧﺎ ﺷﻮﻓﺖ ﻓﻰ ﺩﻭﻻﺑﻲ ﻓﺴﺘﺎﻥ .. ﻓﺴﺘﺎﻥ ﻓﺮﺡ
- ﺃﻳﻮﺓ ﺩﻩ ﻓﺴﺘﺎﻧﻚ ..
ﺍﺑﺘﺴﻤﺖ ﻗﺎﺋﻠﻪ :
- ﻭﻋﺮﻓﺖ ﻣﻘﺎﺳﻲ ﻣﻨﻴﻦ ؟
- ﻣﻦ ﻓﺴﺘﺎﻥ " ﺭﻳﻬﺎﻡ " ﺍﻟﻠﻰ ﺍﺩﻳﺘﻴﻪ ﻝ " ﻛﺮﻡ .. " ﺍﻧﺘﻰ ﻭﺃﺧﺘﻚ ﻧﻔﺲ ﺍﻟﻄﻮﻝ ﻭﻧﻔﺲ ﺍﻟﻮﺯﻥ ﺗﻘﺮﻳﺒﺎً .. ﻟﻮ ﻣﺶ ﻣﻈﺒﻮﻁ ﻋﻠﻴﻜﻰ ﻗﻮﻟﻴﻠﻰ ﻭﺃﻧﺎ ﺃﺟﻴﺐ ﻭﺍﺣﺪﺓ ﺗﻌﺪﻟﻬﻮﻟﻚ
ﻗﺎﻟﺖ ﺑﺼﻮﺕ ﺧﺎﻓﺖ :
- ﻣﺎ ﻗﺴﺘﻮﺵ
ﻗﺎﻝ ﺑﻬﻤﺲ :
- ﻭﺃﻧﺎ ﻣﺸﺘﺎﻕ ﺃﻭﻯ ﺍﻧﻚ ﺗﻠﺒﺴﻴﻪ ﻭﺃﺷﻮﻓﻪ ﻋﻠﻴﻜﻲ .. ﺑﺲ ﻣﺘﻠﺒﺴﻴﻬﻮﺵ ﺃﺩﺍﻣﻰ ﺇﻻ ﻟﻤﺎ ﺗﺤﺴﻲ ﺍﻧﻚ ﻣﺴﺘﻌﺪﻩ ﺍﻧﻚ ﺗﻜﻮﻧﻰ ﻋﺮﻭﺳﺘﻰ ﺃﻛﻤﻞ ﻫﺎﻣﺴﺎً :
- ﺃﻧﺎ ﺑﺤﺒﻚ ﺃﻭﻯ
ﺗﺴﺎﺭﻋﺖ ﺿﺮﺑﺎﺕ ﻗﻠﺒﻬﺎ ﻣﺮﺓ ﺃﺧﺮﻯ .. ﺍﻗﺘﺮﺏ ﻣﻨﻬﺎ ﺃﻛﺜﺮ .. ﻓﺠﺄﺓ ﺭﻥ ﺟﺮﺱ ﻫﺎﺗﻔﻬﺎ ﻟﻴﻘﻄﻊ ﺳﺤﺮ ﺗﻠﻚ ﺍﻟﻠﺤﻈﺔ .. ﻧﻬﻀﺖ ﻣﻦ ﻋﻠﻰ ﺍﻟﺠﺬﻉ ﻭﺍﻻﺣﻤﺮﺍﺭ ﻳﻐﺰﻭ ﻭﺟﻬﻬﺎ ﻭﻗﺎﻟﺖ ﺑﺴﺮﻋﺔ ﺩﻭﻥ ﺃﻥ ﺗﻨﻈﺮ ﺍﻟﻴﻪ :
- ﺩﻯ " ﺭﻳﻬﺎﻡ " ﻫﺮﻭﺡ ﺃﻛﻠﻤﻬﺎ ﻣﻦ ﺍﻟﺒﻴﺖ
ﻣﺸﺖ ﻓﻰ ﺍﺗﺠﺎﻩ ﺍﻟﻤﻨﺰﻝ ﻭﻫﻰ ﺗﺤﺎﻭﻝ ﺗﻨﻈﻴﻢ ﺿﺮﺑﺎﺕ ﻗﻠﺒﻬﺎ .. ﺭﺩﺕ ﻋﻠﻰ ﺃﺧﺘﻬﺎ :
" - ﺳﻤﺴﻤﺔ " ﺣﺒﻴﺒﺘﻰ ﺻﺒﺎﺡ ﺍﻟﺨﻴﺮ
- ﺻﺒﺎﺡ ﺍﻟﻨﻮﺭ ﻳﺎ " ﺭﻳﻬﺎﻡ "
- ﺍﻳﻪ ﺃﺧﺒﺎﺭﻙ ﺍﻟﻨﻬﺎﺭﺩﺓ
- ﺗﻤﺎﻡ ﺍﻟﺤﻤﺪ ﻟﻠﻪ
- ﻣﺎﻝ ﺻﻮﺗﻚ .. ﻣﺘﻮﺗﺮﺓ ﻛﺪﺓ ﻟﻴﻪ .. ﺍﺧﺎﻧﻘﺘﻮﺍ ﻭﻻ ﺣﺎﺟﻪ
ﺍﺑﺘﺴﻤﺖ " ﻳﺎﺳﻤﻴﻦ " ﻗﺎﺋﻠﻪ ﺑﺼﻮﺕ ﻣﻀﻄﺮﺏ :
- ﻷ .. ﻷ .. ﻣﺘﺨﺎﻧﻘﻨﺎﺵ .. ﻋﺎﺩﻯ ﻳﻌﻨﻲ .. ﻣﺶ ﻣﺘﻮﺗﺮﻩ .. ﻋﺎﺩﻯ
ﺿﺤﻜﺖ " ﺭﻳﻬﺎﻡ " ﻗﺎﺋﻠﻪ :
- ﻋﻴﻨﻲ ﻋﻠﻴﻜﻲ ﺑﺎﺭﺩﻩ
" - ﺭﻳﻬﺎﻡ " ﺑﻄﻠﻰ
- ﻃﻴﺐ ﺃﻧﺎ ﺣﺒﻴﺖ ﺃﻃﻤﻦ ﺑﺲ ﻣﻜﻨﺘﺶ ﺃﻋﺮﻑ ﺍﻧﻰ ﺑﺘﺼﻞ ﻓﻰ ﻭﻗﺖ ﻣﺶ ﻣﻨﺎﺳﺐ
" ﻳﺎﺳﻤﻴﻦ " ﺑﻐﻀﺐ :
" - ﺭﻳﻬﺎﻡ " ﻟﻮ ﻣﺒﻄﻠﺘﻴﺶ ﻫﻘﻔﻞ
ﺍﺳﺘﻤﺮﺕ " ﺭﻳﻬﺎﻡ " ﻓﻰ ﺍﻟﻀﺤﻚ ﻗﺎﺋﻠﻪ :
- ﺃﻧﺎ ﺍﻟﻠﻰ ﻫﻘﻔﻞ ﺃﻧﺎ ﻣﺶ ﻓﻀﻴﺎﻟﻚ .. ﻳﻼ ﺳﻼﻡ
ﺍﻗﺘﺮﺏ ﻣﻨﻬﺎ " ﻛﺮﻡ " ﻗﺎﺋﻼً :
- ﺑﺘﻜﻠﻤﻰ ﻣﻴﻦ ؟
ﺍﺑﺘﺴﻤﺖ ﻗﺎﺋﻠﻪ :
" - ﻳﺎﺳﻤﻴﻦ " ﻛﻨﺖ ﺑﻄﻤﻦ ﻋﻠﻴﻬﺎ
ﺟﺬﺑﻬﺎ ﻣﻦ ﻳﺪﻫﺎ ﻗﺎﺋﻼً :
- ﻃﻴﺐ ﺗﻌﺎﻟﻰ ﺃﻗﻮﻟﻚ ﻛﻠﻤﻪ ﺳﺮ
ﻫﺘﻔﺖ ﻗﺎﺋﻠﻪ :
- ﻫﻮ ﺍﻧﺖ ﻟﺴﻪ ﻓﻰ ﻋﻨﺪﻙ ﺃﺳﺮﺍﺭ
ﺿﺤﻚ ﻗﺎﺋﻼً :
- ﻳﻮﻭﻭﻭﻭﻭﻩ ﻛﺘﻴﺮ ﺃﻭﻯ ﺗﻌﺎﻟﻰ ﺑﺲ ﻭﺃﻧﺎ ﺃﺣﻜﻴﻠﻚ
ﺗﻮﺟﻬﺖ " ﻳﺎﺳﻤﻴﻦ " ﺍﻟﻰ ﺍﻟﻤﻄﺒﺦ .. ﻟﺘﻌﺪ ﻣﻊ ﺍﻟﺨﺎﺩﻣﺔ ﻃﻌﺎﻡ ﺍﻟﻐﺪﺍﺀ .. ﺃﺭﺍﺩﺕ ﺃﻥ ﺗﻄﺒﺦ ﺑﻴﺪﻫﺎ .. ﻟﺘﺮﻯ ﺭﺃﺳﻪ ﻓﻰ ﻃﻌﺎﻣﻬﺎ .. ﻋﺎﺩ " ﻋﻤﺮ " ﻟﻴﺠﺪﻫﺎ ﻓﻰ ﺍﻟﻤﻄﺒﺦ ﻧﻈﺮ ﺍﻟﻴﻬﺎ ﺑﺨﺒﺚ ﻭﻏﻤﺰ ﻳﻌﻴﻨﻪ :
- ﺍﺣﻤﺮﺕ ﻭﺟﻨﺘﺎﻫﺎ ﻣﺮﺓ ﺃﺧﺮﻯ ﻭﺗﺠﺎﻫﻠﺖ ﺍﻟﻨﻈﺮ ﺍﻟﻴﻪ .. ﻓﻘﺎﻝ :
- ﺑﺘﻌﻤﻠﻰ ﺍﻳﻪ
- ﺑﺤﻀﺮ ﺍﻟﻐﺪﺍ
ﺍﻗﺘﺮﺏ ﻣﻨﻪ ﻣﺒﺘﺴﻤﺎً :
- ﻳﻌﻨﻲ ﻫﺘﺄﻛﻠﻴﻨﻲ ﻣﻦ ﺍﻳﺪﻙ ﺍﻟﻨﻬﺎﺭﺩﺓ
ﺃﻭﻣﺄﺕ ﺑﺮﺃﺳﻬﺎ ﻣﺒﺘﺴﻤﻪ .. ﻓﺎﺑﺘﺴﻤﺖ ﺍﻟﺨﺎﺩﻣﺔ ﻭﺧﺮﺟﺖ ﻣﻦ ﺍﻟﻤﻄﺒﺦ .. ﻓﻨﻈﺮ ﺍﻟﻴﻬﺎ " ﻋﻤﺮ " ﻭﻫﻰ ﺗﻐﺎﺩﺭ ﺛﻢ ﺍﻟﺘﻔﺖ ﺍﻟﻰ " ﻳﺎﺳﻤﻴﻦ " ﻗﺎﺋﻼً ﺑﻤﺮﺡ :
- ﺳﺖ ﺫﻭﻭﻭﻭﻕ ﻣﻔﻴﺶ ﺑﻌﺪ ﻛﺪﻩ
ﺳﺄﻟﺘﻪ :
- ﻟﻴﻪ ؟
ﻃﺒﻊ ﻗﻠﺒﻪ ﻋﻠﻰ ﻭﺟﻨﺘﻬﺎ ﻗﺎﺋﻼً :
- ﻋﺸﺎﻥ ﺳﺎﺑﺘﻨﻰ ﺃﺳﺘﻔﺮﺩ ﺑﻴﻜﻲ ﺑﺮﺍﺣﺘﻰ ﻓﻰ ﺍﻟﻤﻄﺒﺦ
ﺣﺎﻭﻝ ﻣﻌﺎﻧﻘﺘﻬﺎ ﻓﻬﺮﺑﺖ ﻣﻨﻪ ﻭﻗﺎﻟﺖ :
- ﻟﻮ ﺳﻤﺤﺖ ﺍﻃﻠﻊ ﺑﺮﻩ .. ﺧﻠﻴﻨﻲ ﺃﺭﻛﺰ
- ﻫﻮ ﺍﻧﺎ ﻳﻌﻨﻲ ﻣﺸﺘﺖ ﺗﺮﻛﻴﺰﻙ
- ﺃﻳﻮﺓ ﻣﺸﺘﺖ ﺗﺮﻛﻴﺰﻯ
- ﻃﻴﺐ ﻫﺨﺮﺝ .. ﻣﺎﻣﺎ ﻫﻨﺎﻙ ﻭﺍﻧﺘﻰ ﻫﻨﺎ .. ﻭﺃﻧﺎ ﺍﻟﻠﻲ ﻛﻨﺖ ﺑﺘﺮﻳﻖ ﻋﻠﻰ ﺑﺎﺑﺎ ﻟﻤﺎ ﻣﺎﻣﺎ ﺗﻄﺮﺩﻩ ﻣﻦ ﺍﻟﻤﻄﺒﺦ .. ﻃﻠﻌﺖ ﻣﺮﺍﺗﻰ ﺯﻯ ﺃﻣﻰ
ﺍﺑﺘﺴﻤﺖ ﻗﺎﺋﻠﻪ ﺑﺘﺤﺪﻯ :
- ﺑﺮﻩ ﻟﻮ ﺳﻤﺤﺖ
ﻗﺎﻝ ﺑﻠﻬﺠﺔ ﻣﺴﺮﺣﻴﻪ :
- ﺃﻭﺍﻣﺮ ﻣﻌﺎﻟﻴﻚ ﻳﺎ ﺑﺎﺷﺎ
ﺧﺮﺝ .. ﻋﺎﺩﺕ ﺍﻟﺨﺎﺩﻣﺔ .. ﻓﺸﻌﺮﺕ " ﻳﺎﺳﻤﻴﻦ " ﺑﺎﻟﺨﺠﻞ ﻣﻦ ﻧﻈﺮﺍﺗﻬﺎ .. ﻓﺘﻤﺘﻤﺖ :
- ﺭﺑﻨﺎ ﻳﺨﻠﻴﻜﻮﺍ ﻟﺒﻌﺾ .. ﻭﻳﺤﺒﺒﻜﻮﺍ ﻓﻰ ﺑﻌﺾ ﻛﻤﺎﻥ ﻭﻛﻤﺎﻥ
ﻭﺟﺪﺕ ﻧﻔﺴﻬﺎ ﺗﺮﺩﺩ ﺑﻘﻠﺒــﻬﺎ : ﺁﻣﻴــﻦ
*****************************
- ﻳﻌﻨﻲ ﺍﺑﻦ ﺃﺧﻮﻳﺎ ﻳﺘﺠﻮﺯ ﻭﺃﻧﺎ ﺁﺧﺮ ﻣﻦ ﻳﻌﻠﻢ
ﻫﺘﻔﺖ " ﺛﺮﻳﺎ " ﺑﺘﻠﻚ ﺍﻟﻌﺒﺎﺭﺓ ﺑﻐﻀﺐ ﻓﻘﺎﻝ " ﻧﻮﺭ " ﻳﻬﺪﺋﻬﺎ :
- ﺍﻟﻤﻮﺿﻮﻉ ﺟﻪ ﺑﺴﺮﻋﺔ ﻳﺎ " ﺛﺮﻳﺎ .. " ﻭﻭﺍﻟﺪ ﺍﻟﺒﻨﺖ ﺗﻮﻓﻰ ﻳﻌﻨﻰ ﻣﻜﻨﺶ ﻳﻨﻔﻊ ﻳﺘﻌﻤﻞ ﻓﺮﺡ
ﺃﻛﻤﻠﺖ " ﺛﺮﻳﺎ " ﺑﻐﻀﺐ ﻭﻛﺄﻧﻬﺎ ﻟﻢ ﺳﺘﺘﻤﻊ ﺍﻟﻴﻪ :
- ﻳﻌﻨﻲ ﻋﺸﺎﻥ ﻫﻰ ﻣﻄﻠﻘﺔ ﻣﺎ ﻳﺘﻌﻤﻠﺶ ﻓﺮﺡ .. ﻃﻴﺐ ﺫﻧﺒﻪ ﺍﻳﻪ " ﻋﻤﺮ " ﻭﺩﻯ ﺃﻭﻝ ﻣﺮﺓ ﻳﺘﺠﻮﺯ ﻓﻴﻬﺎ .. ﺫﻧﺒﻪ ﺍﻳﻪ ﻳﺘﺠﻮﺯ ﻣﻦ ﻏﻴﺮ ﻓﺮﺡ
ﻗﺎﻟﺖ " ﻛﺮﻳﻤﻪ : "
- ﺃﻧﺎ ﻗﻮﻟﺘﻠﻪ ﺍﻧﻨﺎ ﻫﻨﻌﻤﻠﻪ ﺣﻔﻠﺔ ﻛﺒﻴﺮﺓ ﻟﻤﺎ ﻳﺮﺣﻌﻮﺍ ﺍﻥ ﺷﺎﺀ ﺍﻟﻠﻪ ﻭﻧﻌﺰﻡ ﺍﻟﻨﺎﺱ ﻛﻠﻬﺎ
ﻗﺎﻟﺖ " ﺛﺮﻳﺎ " ﺑﺤﺪﻩ :
- ﺑﻌﺪ ﻣﺎ ﺩﺧﻠﻮﺍ ﺧﻼﺹ ﻫﻨﻌﻤﻞ ﺣﻔﻠﺔ .. ﻣﺎ ﻛﺎﻥ ﻣﻦ ﺍﻷﻭﻝ .. ﻭﻻ ﺍﻟﻬﺎﻧﻢ ﻛﺎﻧﺖ ﻣﺘﺴﺮﺑﻌﻪ ﻋﻠﻰ ﺍﻟﺠﻮﺍﺯ .. ﺍﻳﻪ ﻣﺶ ﻗﺎﺩﺭﺓ ﺗﺴﺘﻨﻰ ﻟﻤﺎ ﺩﻣﻌﺘﻬﺎ ﻋﻠﻰ ﺑﺎﺑﺎﻫﺎ ﺗﻨﺸﻒ .. ﺍﻳﻪ ﻣﻠﻬﺎ ﻣﻠﻬﻮﻓﺔ ﻋﻠﻰ ﺍﻟﺠﻮﺍﺯ ﻛﺪﻩ
ﻗﺎﻝ " ﻧﻮﺭ " ﺑﻨﻔﺎﺫ ﺻﺒﺮ :
- ﻳﺎ " ﺛﺮﻳﺎ " ﻗﻮﻟﺘﻠﻚ 100 ﻣﺮﺓ ﺍﻥ " ﻋﻤﺮ " ﻫﻮ ﺍﻟﻠﻰ ﺃﺻﺮ ﻋﻠﻰ ﺍﻟﺪﺧﻠﻪ ﻭﺍﻥ ﻣﺮﺍﺗﻪ ﺗﺒﻘﻰ ﻓﻰ ﺑﻴﺘﻪ
ﺛﻢ ﻧﻬﺾ ﻗﺎﺋﻼً :
- ﺍﻧﺎ ﻗﺎﻳﻢ ﺍﺷﻮﻑ ﺷﻐﻠﻰ ﻋﻦ ﺍﺫﻧﻜﻮﺍ
ﻛﺎﻥ ﻳﻌﻠﻢ ﺑﺄﻥ ﺍﻟﺤﻮﺍﺭ ﻣﻊ ﺃﺧﺘﻪ ﻭﻫﻰ ﻏﺎﺿﺒﻪ ﻫﻮ ﺿﺮﺏ ﻣﻦ ﺍﻟﻌﺒﺚ .. ﻗﺎﻟﺖ " ﺍﻳﻨﺎﺱ " ﺑﺤﻘﺪ :
- ﺑﻜﺮﺓ ﻳﺰﻫﻖ ﻣﻨﻬﺎ ﻭﻳﻌﺮﻑ ﺍﻧﻪ ﺍﺭﺗﻜﺐ ﺃﻛﺒﺮ ﻏﻠﻄﻪ ﻓﻰ ﺣﻴﺎﺗﻪ .. ﻭﻳﻄﻠﻘﻬﺎ ﺯﻯ ﻣﺎ ﺍﻟﻠﻰ ﻗﺒﻠﻪ ﻃﻠﻘﻬﺎ
****************************
ﺃﺻﺮﺕ " ﻳﺎﺳﻤﻴﻦ " ﻋﻠﻰ ﺃﻥ ﺗﻌﺪ ﻃﺎﻭﻟﺔ ﺍﻟﻄﺎﻋﻢ ﺑﻨﻔﺴﻬﺎ .. ﺃﻧﻬﺖ ﺍﻋﺪﺍﺩﻫﺎ ﻭﻃﺮﻗﺖ ﺑﺎﺏ ﺍﻟﻤﻜﺘﺐ .. ﻛﺎﻧﺖ ﺗﻨﺘﻈﺮ ﺃﻥ ﻳﺄﺫﻥ ﻟﻬﺎ " ﻋﻤﺮ " ﺑﺎﻟﺪﺧﻮﻝ ﻟﻜﻨﻬﺎ ﻭﺟﺪﺗﻪ ﻳﻔﺘﺢ ﺍﻟﺒﺎﺏ ﺑﻨﻔﺴﻪ ﻣﺒﺘﺴﻤﺎً .. ﺍﺑﺘﺴﻤﺖ ﻟﻪ ﻗﺎﺋﻼً :
- ﺍﻟﺴﻔﺮﺓ ﺟﺎﻫﺰﺓ
ﺗﻮﺟﻬﺎ ﺍﻟﻰ ﻏﺮﻓﺔ ﺍﻟﻄﻌﺎﻡ ﻭﺟﻠﺴﺎ ﻣﻌﺎً .. ﻧﻈﺮﺕ ﺍﻟﻴﻪ ﻟﺘﺮﺍﻗﺐ ﺗﻌﺒﻴﺎﺕ ﻭﺟﻬﻪ .. ﻧﻈﺮ ﺑﺴﻌﺎﺩﺓ ﺍﻟﻰ ﻛﻞ ﻣﺎ ﺃﻋﺪﺗﻪ ﻭﻗﺎﻝ ﺑﺪﻫﺸﺔ :
- ﺍﻧﺘﻰ ﺳﺎﻋﺪﺗﻰ ﺍﻟﺴﺖ ﻓﻰ ﻛﻞ ﺍﻷﻛﻞ ﺩﻩ
ﻗﺎﻟﺖ ﺑﻤﺮﺡ :
- ﻗﺼﺪﻙ ﻫﻰ ﺍﻟﻠﻰ ﺳﺎﻋﺪﺗﻨﻰ
ﻧﻈﺮ ﺍﻟﻴﻬﺎ ﺑﺈﻋﺠﺎﺏ ﻗﺎﺋﻼً :
- ﺩﻩ ﻃﻠﻌﺖ ﻣﺮﺍﺗﻰ ﺷﺎﻃﺮﺓ ﺃﻭﻯ ﻭ ﺃﻧﺎ ﻣﻌﺮﻓﺶ .. ﺃﻧﺎ ﻗﻮﻟﺖ ﺃﺧﺮﻙ ﺻﻨﻴﺔ ﺍﻟﻤﻜﺮﻭﻧﺔ ﺑﺎﻟﺒﺸﺎﻣﻴﻞ
ﺿﺤﻜﺖ ﻗﺎﺋﻠﻪ :
- ﺁﻩ ﺍﻟﻠﻰ ﺧﺪﺗﻬﺎ ﻣﻦ ﺑﻴﺖ ﺻﺎﺣﺒﻚ ﻭﺍﻧﺖ ﻧﺎﺯﻝ
ﺿﺤﻚ ﻗﺎﺋﻼً :
- ﺍﻋﻤﻞ ﺍﻳﻪ ﻳﻌﻨﻰ ﻣﺎ ﺍﻧﺘﻰ ﻛﻨﺘﻰ ﻣﻌﺬﺑﺎﻧﻰ .. ﻗﻮﻟﺖ ﺃﻫﻰ ﺃﻯ ﺣﺎﺟﻪ ﻣﻦ ﺭﻳﺤﺘﻚ .. ﻋﻠﻰ ﻓﻜﺮﺓ ﻣﺎﻣﺎ ﻛﻠﺖ ﻣﻨﻬﺎ ﻣﻌﺎﻳﺎ ﻭﻋﺠﺒﺘﻬﺎ ﺟﺪﺍً .. ﺭﻏﻢ ﺍﻥ ﻣﺎﻣﺎ ﻣﺒﻴﻌﺠﺒﻬﺎﺵ ﺑﺴﻬﻮﻟﻪ ﺃﻛﻞ ﺣﺪ
ﺍﺑﺘﺴﻤﺖ ﺑﺴﻌﺎﺩﺓ ﻭﻗﺎﻟﺖ :
- ﻛﻮﻳﺲ ﻳﻌﻨﻲ ﻣﺎﻣﺎ " ﻛﺮﻳﻤﻪ " ﻋﺠﺒﻬﺎ ﺃﻛﻠﻰ
ﻗﺎﻝ ﻭﻗﺪ ﺗﺬﻛﺮ ﻓﺠﺄﺓ :
- ﺻﺤﻴﺢ ﻛﻠﻤﺘﻚ ﺍﻟﻨﻬﺎﺭﺩﺓ ﻭﺳﺄﻟﺖ ﻋﻨﻚ .. ﺑﺲ ﻛﻨﺖ ﻟﺴﻪ ﺻﺎﺣﻰ ﻣﻦ ﺍﻟﻨﻮﻡ ﻭﻗﻮﻟﺘﻠﻬﺎ ﺍﻧﻚ ﻫﺘﻜﻠﻤﻴﻬﺎ
- ﺧﻼﺹ ﺑﻌﺪ ﺍﻟﻐﺪﺍ ﻫﻜﻠﻤﻬﺎ ﺍﻥ ﺷﺎﺀ ﺍﻟﻠﻪ
ﻗﺎﻝ " ﻋﻤﺮ " ﺑﻠﻬﻔﻪ :
- ﻃﻴﺐ ﻳﻼ ﻻﻧﻰ ﻭﺍﻗﻊ ﻣﻦ ﺍﻟﺠﻮﻉ ﻭﺭﻳﺤﺔ ﺍﻷﻛﻞ ﻓﺘﺤﺖ ﻧﻔﺴﻰ ﻋﻠﻰ ﺍﻵﺧﺮ
ﺭﺍﻗﺒﺘﻪ " ﻳﺎﺳﻤﻴﻦ " ﺑﺴﻌﺎﺩﺓ ﻭﻫﻮ ﻳﺄﻛﻞ ﻣﻦ ﻃﻌﺎﻣﻬﺎ ﺑﻨﻬﻢ ﻭﻳﺸﻴﺪ ﺑﻪ .. ﺍﺳﺘﻴﻘﻈﺖ " ﻳﺎﺳﻤﻴﻦ " ﻓﻰ ﺍﻟﻴﻮﻡ ﺍﻟﺘﺎﻟﻰ ﻗﺒﻞ ﺃﺫﺍﻥ ﺍﻟﻔﺠﺮ ﻛﺎﻟﻌﺎﺩﺓ .. ﺗﻮﺿﺄﺕ ﻭﺻﻠﺖ ﻗﻴﺎﻡ ﻭﺍﻧﺘﻈﺮﺕ ﺍﻟﻔﺠﺮ .. ﻭﻗﻔﺖ ﻓﻰ ﺍﻟﺸﺮﻓﻪ .. ﺗﺮﺍﻗﺐ ﺍﻟﺤﺪﻳﻘﺔ ﻓﻰ ﺍﻟﻠﻴﻞ .. ﺍﺑﺘﺴﻤﺖ ﻭﻫﻰ ﺗﺘﺬﻛﺮ ﻣﺪﺍﻋﺒﺎﺕ " ﻋﻤﺮ " ﻭﻣﺮﺣﻪ ﻣﻌﻬﺎ .. ﺑﻌﺪ ﺍﻟﻔﻄﺎﺭ ﺟﻠﺴﺎ ﻳﺤﺘﺴﻴﺎﻥ ﺍﻟﺸﺎﻯ ﻓﻰ ﺍﻟﺸﺮﻓﺔ .. ﻛﺎﻧﺖ " ﻳﺎﺳﻤﻴﻦ " ﺷﺎﺭﺩﻩ ﻓﺴﺄﻟﻬﺎ " ﻋﻤﺮ : "
- ﺑﺘﻔﻜﺮﻯ ﻓﻰ ﺍﻳﻪ
ﺍﻧﺘﺒﻬﺖ ﻣﻦ ﺷﺮﻭﺩﻫﺎ ﻋﻠﻰ ﺳﺆﺍﻟﻪ ﻓﻘﺎﻟﺖ ﺑﺘﺄﺛﺮ :
" - ﺭﻳﻬﺎﻡ " ﻭﺣﺸﺘﻨﻰ ﺃﻭﻯ .. ﻃﻮﻝ ﻋﻤﺮﻧﺎ ﻭﺍﺣﻨﺎ ﻣﻊ ﺑﻌﺾ ﻭﻋﻤﺮﻧﺎ ﻣﺎ ﺍﻓﺘﺮﻗﻨﺎ ﺃﺑﺪﺍً
ﺭﺍﻗﺐ " ﻋﻤﺮ " ﺗﻌﺒﻴﺮﺍﺕ ﻭﺟﻬﻬﺎ ﺍﻟﺤﺰﻳﻨﻪ ﺛﻢ ﻗﺎﻝ ﻓﺠﺄﺓ :
- ﺗﺤﺒﻲ ﻧﺮﻭﺡ ﻟـ " ﺳﻤﺎﺡ " ﻭ " ﺃﻳﻤﻦ " ﺍﻟﻨﻬﺎﺭﺩﺓ
ﻧﻈﺮﺕ ﺍﻟﻴﻪ ﻓﻰ ﺩﻫﺸﺔ ﻏﻴﺮ ﻣﺼﺪﻗﻪ ﻭﻗﺎﻟﺖ :
- ﺑﺠﺪ ؟ .. ﻳﻨﻔﻊ ﻧﺮﻭﺣﻠﻬﻢ ﺍﻟﻨﻬﺎﺭﺩﺓ
ﺍﺑﺘﺴﻢ ﻭﻗﺮﺏ ﻛﺮﺳﻴﻪ ﻣﻨﻬﺎ ﻗﺎﺋﻼً :
- ﺃﻳﻮﺓ ﻃﺒﻌﺎ ﻳﻨﻔﻊ .. ﺃﻧﺎ ﻋﺎﺭﻑ ﺍﻥ " ﺳﻤﺎﺡ " ﻫﻰ ﺃﻗﺮﺏ ﺻﺎﺣﺒﻪ ﻟﻴﻜﻲ .. ﻭﺍﻧﻚ ﺑﺘﻌﺘﺒﺮﻳﻬﺎ ﺯﻯ " ﺭﻳﻬﺎﻡ " ﺃﺧﺘﻚ .. ﺃﻛﻴﺪ ﻟﻤﺎ ﺗﺸﻮﻓﻴﻬﺎ ﻫﺘﺨﻔﻒ ﻋﻨﻚ ﺷﻮﻳﻪ ﺑﻌﺪ " ﺭﻳﻬﺎﻡ "
ﻧﻈﺮﺕ ﺍﻟﻴﻪ " ﻳﺎﺳﻤﻴﻦ " ﺑﻨﻈﺮﺓ ﺍﻣﺘﻨﺎﻥ ﻭﺳﻌﺎﺩﺓ ﻣﻤﺰﻭﺟﺔ ﺑـ .. ﺍﻟﺤـــﺐ .. ﺑﺎﺩﻟﻬﺎ ﻧﻈﺮﺗﻬﺎ ﻗﺎﺋﻼً ﺑﻠﻬﻔﻪ :
- ﻟﻮ ﻛﻨﺖ ﺃﻋﺮﻑ ﺍﻥ ﺍﻗﺘﺮﺍﺣﻰ ﻫﻴﺨﻠﻴﻜﻲ ﺗﺒﺼﻴﻠﻰ ﻛﺪﻩ .. ﻛﻨﺖ ﺍﻗﺘﺮﺣﺘﻪ ﻋﻠﻴﻜﻲ ﻣﻦ ﺯﻣﺎﻥ
ﺍﻧﺘﺒﻬﺖ " ﻳﺎﺳﻤﻴﻦ " ﻓﺄﺷﺎﺣﺖ ﺑﻮﺟﻬﻬﺎ ﺑﺨﺠﻞ .. ﻓﻘﺎﻝ " ﻋﻤﺮ " ﻣﺆﻧﺒﺎً ﻧﻔﺴﻪ ﺑﻤﺮﺡ :
- ﻳﺎﺭﻳﺘﻨﻰ ﻣﻜﻨﺘﺶ ﺍﺗﻜﻠﻤﺖ .. ﺃﻫﻮ ﺩﺍﻳﻤﺎً ﻛﺪﻩ ﺃﻗﻄﻊ ﺍﻟﻠﺤﻈﺔ ﺍﻟﺤﻠﻮﺓ ﺑﺎﻟﻜﻼﻡ ﺍﻟﻜﺘﻴﺮ ﺍﻟﻠﻰ ﻳﺨﻠﻴﻜﻲ ﺗﺘﻜﺴﻔﻰ ﻭﺗﺒﻌﺪﻯ ﻋﻨﻰ
ﻧﻈﺮﺕ ﺍﻟﻴﻪ ﺿﺎﺣﻜﺔ .. ﻛﺎﻧﺖ ﺗﺸﻌﺮ ﺑﺄﻧﻬﺎ ﺍﺳﺘﻄﺎﻋﺖ ﻓﻰ ﺍﻟﻴﻮﻣﻴﻦ ﺍﻟﻤﺎﺿﻴﻴﻦ ﺃﻥ ﺗﻘﺘﺮﺏ ﻣﻨﻪ ﺃﻛﺜﺮ .. ﻭﺗﺘﺂﻟﻒ ﻣﻌﻪ ﺃﻛﺜﺮ .. ﻭﻫﺬﺍ ﺍﻷﻣﺮ ﺃﺳﻌﺪﻫﺎ ﻟﻠﻐﺎﻳﺔ .. ﻛﺎﻧﺖ ﺗﺸﻌﺮ ﺑﺎﻟﺮﺍﺣﺔ ﻭﺍﻟﺴﻜﻴﻨﺔ ﻭﻫﻰ ﻣﻌﻪ .. ﻛﺎﻥ ﻗﻠﺒﻬﺎ ﻳﺨﻔﻖ ﺑﺠﻨﻮﻥ ﻛﻠﻤﺎ ﺍﻗﺘﺮﺏ ﻣﻨﻬﺎ .. ﻧﻈﺮﺕ ﺍﻟﻴﻪ ﻭﻫﻮ ﻳﺘﺤﺪﺙ ﺍﻟﻰ ﻫﺎﺗﻔﻪ ﻭﻫﻰ ﺗﺒﺘﺴﻢ ﺑﺴﻌﺎﺩﺓ ﻭﺗﺸﻌﺮ ﺑﺎﻥ ﻗﻠﺒﻬﺎ ﺳﺎﺭ ﻳﻨﺒﺾ ﺑﺤﺒﻪ
ﺍﺭﺗﺪﺕ ﻣﻼﺑﺴﻬﺎ ﻭﺧﺮﺟﺖ ﻣﻊ " ﻋﻤﺮ " .. ﻭﺗﻮﺟﻬﺎ ﺍﻟﻰ ﺑﻴﺖ " ﺃﻳﻤﻦ " ﻭ " ﺳﻤﺎﺡ " .. ﺗﻮﻗﻒ ﺑﺎﻟﺴﻴﺎﺭﺓ ﺃﻣﺎ ﺍﻟﺒﻴﺖ ﻭﻗﺒﻞ ﺃﻥ ﺗﻨﺰﻝ ﺃﻣﺴﻚ ﻳﺪﻫﺎ ﻗﺎﺋﻼً :
" - ﻳﺎﺳﻤﻴﻦ .. " ﻣﺶ ﻋﺎﻳﺰﻳﻦ ﻧﻄﻮﻝ ﺃﻭﻯ .. ﻣﺎﺷﻰ .. ﻋﺸﺎﻥ ﺣﺎﺑﺐ ﻧﺨﺮﺝ ﺳﻮﺍ ﻭﻧﺘﻌﺸﻰ ﺑﺮﻩ
ﺍﺑﺘﺴﻤﺖ ﻟﻪ ﻭﺃﻭﻣﺄﺕ ﺑﺮﺃﺳﻬﺎ .. ﺟﻠﺴﺖ ﺍﻟﻔﺘﺎﺗﺎﻥ ﻓﻰ ﻏﺮﻓﺔ ﺃﻏﻠﻘﺖ " ﺳﻤﺎﺡ " ﺍﻟﺒﺎﺏ ﺛﻢ ﻧﻈﺮﺕ ﻟﻌﻼﻣﺎﺕ ﺍﻟﺴﻌﺎﺩﺓ ﻋﻠﻰ ﻭﺟﻪ ﺻﺪﻳﻘﺘﻬﺎ ﻭﻗﺎﻟﺖ ﺑﺴﻌﺎﺩﻩ :
- ﺍﻳﻪ ﺍﻟﻠﻰ ﺃﻧﺎ ﺷﻴﻔﺎﻩ ﺩﻩ .. ﻋﻴﻨﻲ ﻋﻠﻴﻜﻲ ﺑﺎﺭﺩﻩ
ﺿﺤﻜﺖ " ﻳﺎﺳﻤﻴﻦ " ﻗﺎﺋﻠﻪ :
- ﺍﻧﺘﻰ ﻫﺘﻌﻤﻠﻰ ﺯﻯ " ﺭﻳﻬﺎﻡ "
ﺍﺑﺘﺴﻤﺖ " ﺳﻤﺎﺡ .. " ﺛﻢ ﺍﺧﺘﻔﺖ ﺍﺑﺘﺴﺎﻣﺘﻬﺎ ﻭﻛﺄﻧﻬﺎ ﺗﺬﻛﺮﺕ ﺷﻴﺌﺎً .. ﻗﺎﻟﺖ " ﻳﺎﺳﻤﻴﻦ " :
- ﺍﻳﻪ ﻣﺎﻟﻚ ؟
ﻗﺎﻟﺖ " ﺳﻤﺎﺡ " ﻣﺤﺎﻭﻟﺔ ﺍﻻﺗﺒﺎﺳﻢ ﻣﺮﺓ ﺃﺧﺮﻯ :
- ﻷ ﻣﻔﻴﺶ ﺣﺎﺟﺔ
ﻗﺎﻟﺖ " ﻳﺎﺳﻤﻴﻦ " ﺑﻘﻠﻖ :
- ﺍﻟﻨﻮﻧﻮ ﻛﻮﻳﺲ ؟
ﻣﺴﺤﺖ " ﺳﻤﺎﺡ " ﻋﻠﻰ ﺑﻄﻨﻬﺎ ﻭﺍﺑﺘﺴﻤﺖ ﻗﺎﺋﻠﻪ :
- ﺍﻫﺎ ﻛﻮﻳﺲ ﺍﻟﺤﻤﺪ ﻟﻠﻪ
- ﺍﻣﺎﻝ ﻣﺎﻟﻚ .. ﻭﺷﻚ ﺍﺗﻐﻴﺮ ﻓﺠﺄﺓ
ﺑﺪﺍ ﻋﻠﻰ " ﺳﻤﺎﺡ " ﺑﻌﺾ ﺍﻟﺘﺮﺩﺩ ﺛﻢ ﻗﺎﻟﺖ :
- ﻷ ﻣﺘﺎﺧﺪﻳﺶ ﻓﻰ ﺑﺎﻟﻚ
ﺗﻔﺮﺳﺖ " ﻳﺎﺳﻤﻴﻦ " ﻓﻰ ﺻﺪﻳﻘﺘﻬﺎ ﺛﻢ ﻗﺎﻟﺖ :
" - ﺳﻤﺎﺡ " ﺃﻧﺎ ﻋﺎﺭﻓﺎﻛﻰ ﻛﻮﻳﺲ ﺃﻭﻯ .. ﻓﻰ ﺣﺎﺟﻪ ﺍﻧﺘﻰ ﻣﺨﺒﻴﺎﻫﺎ ﻋﻨﻰ
ﺗﻨﻬﺪﺕ " ﺳﻤﺎﺡ " ﻭﻗﺎﻟﺖ :
- ﻳﺎ ﺑﻨﺘﻰ ﻣﺘﻮﻫﻤﻴﺶ ﻧﻔﺴﻚ .. ﺃﻧﺎ ﺑﺲ ﺣﺴﻴﺖ ﺑﺎﻟﺘﻌﺐ ﺷﻮﻳﺔ
ﻗﺎﻟﺖ " ﻳﺎﺳﻤﻴﻦ " ﻓﺠﺄﺓ :
- ﻛﻠﻤﺘﻰ ﺍﻟﻤﺤﺎﻣﻴﺔ
ﻧﻈﺮﺕ " ﺳﻤﺎﺡ " ﺍﻟﻰ ﺻﺪﻳﻘﺘﻬﺎ ﻭﺻﻤﺘﺖ .. ﺣﺜﺘﻬﺎ " ﻳﺎﺳﻤﻴﻦ " ﻗﺎﺋﻠﻪ :
" - ﺳﻤﺎﺡ " ﺭﺩﻯ ﻋﻠﻴﺎ .. ﻛﻠﻤﺘﻰ ﺍﻟﻤﺤﺎﻣﻴﺔ ﺻﺤﺒﺘﻚ
ﻗﺎﻟﺖ " ﺳﻤﺎﺡ " ﺑﺈﺳﺘﺴﻼﻡ :
- ﺃﻳﻮﺓ
- ﻭﻭﺻﻠﺖ ﻟﺤﺎﺟﺔ ؟
ﺑﺪﺍ ﻋﻠﻴﻬﺎ ﺍﻟﺘﺮﺩﺩ ﻣﺮﺓ ﺃﺧﺮﻯ ﺛﻢ ﻗﺎﻟﺖ :
- ﺃﻳﻮﺓ
ﻗﺎﻟﺖ " ﻳﺎﺳﻤﻴﻦ " ﺑﺤﺪﻩ :
" - ﺳﻤﺎﺡ " ﻗﻮﻟﻴﻠﻰ ﺑﻼﺵ ﺗﻌﺐ ﺍﻷﻋﺼﺎﺏ ﺩﻩ
ﻗﺎﻣﺖ " ﺳﻤﺎﺡ " ﻭﺧﺮﺟﺖ .. ﺛﻢ ﻋﺎﺩﺕ ﺑﻮﺭﻗﺘﻴﻦ ﻭﺃﻋﻄﺘﻬﻢ ﻟـ " ﻳﺎﺳﻤﻴﻦ .. " ﻧﻈﺮﺕ " ﻳﺎﺳﻤﻴﻦ " ﺍﻟﻰ ﺍﻟﻮﺭﻕ ﻓﻰ ﻳﺪﻫﺎ .. ﻫﻮ ﻧﻔﺴﻪ ﺍﻟﻮﺭﻕ ﺍﻟﺬﻯ ﺃﻋﻄﺘﻬﺎ " ﻭﻻﺀ " ﻧﺴﺨﻪ ﻣﻨﻪ
ﻗﺎﻟﺖ " ﺳﻤﺎﺡ " :
- ﻗﺎﻟﺘﻠﻰ ﺍﻥ ﺍﻟﻮﺭﻕ ﻣﻮﺟﻮﺩ ﻓﻌﻼ ﻓﻰ ﻣﻠﻔﺎﺕ ﺍﻟﻤﺴﺘﺸﻔﻰ ﻭﺟﺒﺘﻠﻰ ﺍﻟﻨﺴﺨﺔ ﺩﻯ .. ﻭﻛﻤﺎﻥ ﻭﺭﻕ ﻣﺘﺎﺑﻌﺔ ﺍﻟﺤﺎﻟﺘﻴﻦ ﺷﺎﻓﺘﻪ ﺑﻨﻔﺴﻬﺎ
ﻛﺎﻧﺖ " ﻳﺎﺳﻤﻴﻦ " ﺗﻨﻈﺮ ﺍﻟﻰ ﺍﻟﻮﺭﻕ ﺑﺄﻋﻴﻦ ﻣﺘﺠﻤﺪﻩ .. ﺃﻛﻤﻠﺖ " ﺳﻤﺎﺡ " ﺑﺄﺳﻰ :
- ﺃﻧﺎ ﻛﻨﺖ ﻧﺎﻭﻳﻪ ﺍﺗﺼﻞ ﺑﻴﻜﻲ ﻭﺃﻗﻮﻟﻚ ﻋﻠﻰ ﺍﻟﻠﻪ ﻭﺻﻠﺘﻠﻪ .. ﺑﺲ ﻟﻤﺎ ﺷﻮﻓﺘﻚ ﺩﺍﺧﻠﻪ ﻋﻠﻴﺎ ﻓﺮﺣﺎﻧﻪ ﻭﺑﺎﻳﻦ ﻋﻠﻴﻜﻲ ﺍﻧﻚ ﻣﺒﺴﻮﻃﻪ ﺍﺗﺮﺩﺩﺕ ﺃﻗﻮﻟﻚ
ﻧﻈﺮﺕ ﺍﻟﻴﻬﺎ " ﻳﺎﺳﻤﻴﻦ " ﻭﻫﻰ ﺗﻐﺎﻟﺐ ﺩﻣﻮﻋﻬﺎ ﻗﺎﺋﻠﻪ :
- ﻟﻴﻪ ﺍﺗﺮﺩﺩﺗﻰ ﺗﻘﻮﻟﻴﻠﻰ ..
ﻧﻈﺮﺕ " ﻳﺎﺳﻤﻴﻦ " ﺍﻟﻰ ﺍﻟﻮﺭﻕ ﺍﻟﺬﻯ ﺑﻴﺪﻫﺎ .. ﻭﻗﺪ ﺗﺠﻤﻌﺖ ﺍﻟﺪﻣﻮﻉ ﺑﻌﻴﻨﻴﻬﺎ ﻭﻗﺎﻟﺖ ﺑﺼﻮﺕ ﻣﺮﺗﺠﻒ :
- ﺍﻟﻮﺭﻕ ﺩﻩ ﻣﻴﺜﺒﺘﺶ ﺣﺎﺟﻪ .. ﻳﻌﻨﻲ .. ﻋﺎﺩﻯ .. " ﻋﻤﺮ " ﻛﺎﻥ ﻣﺎﺷﻰ .. ﻭﻟﻘﻰ ﺍﻟﺤﺮﻳﻘﻪ .. ﻭﺣﺎﻭﻝ ﻳﺴﺎﻋﺪ ﺍﻟﺴﺖ ﺍﻧﻬﺎ ﺗﺨﺮﺝ .. ﻭﺍﻟﺮﺍﺟﻞ ﺷﺎﻓﻪ ﻭﺍﻓﺘﻜﺮﻩ ﻛﺎﻥ ﻣﻌﺎﻫﺎ ﻓﻰ ﺍﻟﺒﻴﺖ .. ﻟﻜﻦ " ﻋﻤﺮ " ﻣﻠﻮﺵ ﺩﻋﻮﺓ ﺑﺎﻟﺒﻴﺖ ﺩﻩ .. ﻭﻣﻠﻮﺵ ﺩﻋﻮﺓ ﺑﺎﻟﻘﺼﺔ ﺩﻯ
ﺛﻢ ﺍﻛﻤﻠﺖ ﺑﻠﺤﻤﺎﺱ ﻭﺑﺸﻔﺘﻴﻦ ﻣﺮﺗﺠﻔﺘﻴﻦ :
" - ﻋﻤﺮ " ﺑﻴﺤﺐ ﻳﺴﺎﻋﺪ ﺍﻟﻨﺎﺱ .. ﺍﻧﺘﻰ ﻧﺎﺳﻴﻪ ﺍﻟﻠﻰ ﻋﻤﻠﻪ ﻣﻊ ﺍﻟﻌﺎﻣﻞ ﺍﻟﻠﻰ ﺍﻳﺪﻩ ﺍﺗﺤﺸﺮﺕ ﻓﻰ ﺍﻟﻤﺎﻛﻨﺔ .. ﻫﻮ ﻋﻠﻰ ﻃﻮﻝ ﺑﻴﺤﺐ ﻳﺴﺎﻋﺪ ﺍﻟﻨﺎﺱ .. ﻫﻮ ﺣﺎﻭﻝ ﻳﺴﺎﻋﺪﻫﺎ .. ﺑﺲ ﻣﺶ ﺃﻛﺘﺮ ﻣﻦ ﻛﺪﻩ
ﺛﻢ ﻧﻈﺮﺕ ﺍﻟﻰ " ﺳﻤﺎﺡ " ﺑﻌﻴﻨﻴﻦ ﺩﺍﻣﻌﺘﻴﻦ ﻗﺎﺋﻠﻪ :
- ﺻﺢ ؟
ﻧﻈﺮﺕ " ﺳﻤﺎﺡ " ﺍﻟﻰ ﻧﻈﺮﺓ ﺍﻟﺮﺟﺎﺀ ﻓﻰ ﻋﻴﻦ ﺻﺪﻳﻘﺘﻬﺎ ﻭﺍﻟﺘﻰ ﺗﺮﺟﻮﻫﺎ ﺍﻟﻰ ﻣﻮﺍﻓﻘﺘﻬﺎ ﻋﻠﻰ ﻛﻼﻣﻬﺎ ﺣﺘﻰ ﻟﻮ ﺑﺎﻟﻜﺬﺏ .. ﻭﺭﻏﻢ ﺍﻟﺸﻚ ﺍﻟﺬﻯ ﻛﺎﻥ ﻳﺴﺎﻭﺭ " ﺳﻤﺎﺡ " ﺍﻟﻰ ﺃﻧﻬﺎ ﺍﺳﺘﺠﺎﺑﺖ ﻟﻠﺮﺟﺎﺀ ﻓﻰ ﺃﻋﻴﻦ ﺻﺪﻳﻘﺘﻬﺎ ﺍﻟﺪﺍﻣﻌﻪ ﻭﻗﺎﻟﺖ :
- ﺻﺢ .. ﺃﻛﻴﺪ ﺍﻟﻤﻮﺿﻮﻉ ﺯﻯ ﻣﺎ ﺍﻧﺘﻰ ﻗﻮﻟﺘﻰ
ﺃﻭﻣﺄﺕ " ﻳﺎﺳﻤﻴﻦ " ﺑﺮﺃﺳﻬﺎ ﻭﻫﻰ ﺗﺤﺎﻭﻝ ﺃﻥ ﺗﻐﺎﻟﺐ ﺩﻣﻮﻋﻬﺎ ﻭﻧﻈﺮﺕ ﺍﻟﻰ ﺍﻟﻮﺭﻕ ﺛﻢ ﻣﺰﻗﺘﻪ .. ﺛﻢ ﻧﻈﺮﺕ ﺍﻟﻰ ﺻﺪﻳﻘﺘﻬﺎ ﻗﺎﺋﻠﻪ ﺑﺤﺰﻡ :
- ﺧﻼﺹ ﺍﻟﻤﻮﺿﻮﻉ ﺩﻩ ﺍﺗﻘﻔﻞ ﻭﻣﺶ ﻫﻴﺘﻔﺘﺢ ﺗﺎﻧﻰ
- ﻣﺎﺷﻰ
ﺣﺎﻭﻟﺖ " ﺳﻤﺎﺡ " ﺍﻟﺘﺤﺪﺙ ﻓﻰ ﺃﻣﻮﺭ ﻣﺨﺘﻠﻔﺔ ﻣﻊ " ﻳﺎﺳﻤﻴﻦ " ﺍﻟﺘﻰ ﺟﺎﻫﺪﺕ ﺑﺪﻭﺭﻫﺎ ﻟﻺﻧﺪﻣﺎﺝ ﻣﻊ " ﺳﻤﺎﺡ " ﻭﺗﻨﺎﺳﻰ ﺍﻟﻤﻮﺿﻮﻉ ﺗﻤﺎﻣﺎً
ﺧﺮﺟﺖ " ﻳﺎﺳﻤﻴﻦ " ﻣﻊ " ﻋﻤﺮ " ﻭﺭﻛﺒﺎ ﺍﻟﺴﻴﺎﺭﺓ .. ﻧﻈﺮ ﺍﻟﻴﻬﺎ ﻳﺮﺍﻗﺐ ﺍﻧﻔﻌﺎﻻﺗﻬﺎ ﻗﺎﺋﻼً :
- ﺣﺒﻴﺒﺘﻰ ﻓﻰ ﺣﺎﺟﻪ ﺿﺎﻳﻘﺘﻚ
ﺭﺳﻤﺖ ﺍﺑﺘﺴﺎﻣﺔ ﻋﻠﻰ ﺷﻔﺘﻴﻬﺎ ﻭﻧﻈﺮﺕ ﺍﻳﻪ ﻗﺎﺋﻠﻪ :
- ﻻ ﺃﺑﺪﺍً
- ﻛﻨﺖ ﻓﺎﻛﺮﻙ ﻫﺘﻜﻮﻧﻰ ﻣﺒﺴﻮﻃﺔ ﻟﻤﺎ ﺗﺸﻮﻓﻰ " ﺳﻤﺎﺡ "
- ﺃﻧﺎ ﻓﻌﻼً ﻣﺒﺴﻮﻃﺔ .. ﻣﺒﺴﻮﻃﺔ ﺃﻭﻯ
ﺍﺑﺘﺴﻢ ﻗﺎﺋﻼً :
- ﺣﺒﻴﺒﺘﻰ ﺗﺤﺐ ﺗﺮﻭﺡ ﻓﻴﻦ ؟
ﻗﺎﻟﺖ ﻣﺒﺘﺴﻤﺔ :
- ﺍﻧﺎ ﻣﻌﺮﻓﺶ ﺃﻣﺎﻛﻦ ﻓﻰ ﺍﻟﻤﻨﺼﻮﺭﺓ .. ﻭﻣﺨﺮﺟﺘﺶ ﻓﻴﻬﺎ ﻗﺒﻞ ﻛﺪﻩ .. ﻳﺪﻭﺑﻚ ﺑﺎﺟﻰ ﻟـ " ﺳﻤﺎﺡ " ﺑﺲ
ﺃﻭﻗﻒ " ﻋﻤﺮ " ﺳﻴﺎﺭﺗﻪ ﻋﻠﻰ ﺍﻟﻨﻴﻞ ﻭﻧﺰﻝ ﺍﻹﺛﻨﺎﻥ ﻣﻌﺎً ﻳﻨﻌﻤﺎﻥ ﺑﻨﺴﻤﺎﺕ ﺍﻟﻠﻴﻞ ﺍﻟﻤﻨﻌﺸﺔ .. ﺍﺑﺘﺴﻤﺖ " ﻳﺎﺳﻤﻴﻦ " ﺗﺮﺍﻗﺐ ﺍﻟﻘﻤﺮ ﻓﻮﻗﻬﻤﺎ .. ﺷﻌﺮﺕ ﺑﺎﻟﺨﺠﻞ ﻋﻨﺪﻣﺎ ﺍﺭﺗﻄﻤﺖ ﺑﻨﻈﺮﺍﺕ " ﻋﻤﺮ " ﺍﻟﻤﺘﻔﺤﺼﺔ ﻭﻗﺎﻟﺖ :
- ﺍﻧﺖ ﻋﻠﻰ ﻃﻮﻝ ﺑﺘﺒﺼﻠﻰ ﻛﺪﻩ
- ﺃﻳﻮﺓ ﻭﻫﻔﻀﻞ ﺃﺑﺼﻠﻚ ﻛﺪﻩ
ﻗﺎﻟﺖ ﺑﻤﺮﺡ :
- ﻋﺎﺩﻯ ﻛﻞ ﺍﻟﺮﺟﺎﻟﺔ ﺑﺘﻘﻮﻝ ﻛﺪﺓ ﻓﻰ ﺍﻷﻭﻝ ﻭﺑﻌﺪ ﻓﺘﺮﺓ ﻣﻦ ﺍﻟﺠﻮﺍﺯ ﺑﻴﺘﺤﻮﻟﻮﺍ ﻟﻠﻨﺴﺨﺔ ﺍﻟﻤﺼﺮﻳﻪ ﺍﻟﻤﻌﺘﻤﺪﻩ ﻟﻠﺰﻭﺝ ﺍﻟﻤﺼﺮﻱ
ﺿﺤﻚ " ﻋﻤﺮ " ﺣﺘﻰ ﺩﻣﻌﺖ ﻋﻴﻨﺎﻩ ﻭﻗﺎﻝ :
- ﻭﺍﻟﻠﻪ ﺩﻩ ﻓﻰ ﺍﻳﺪ ﺣﻀﺮﺗﻚ .. ﻟﻮ ﻣﺘﺤﻮﻟﺘﻴﺶ ﻟﻠﻨﺴﺨﺔ ﺍﻟﻤﺼﺮﻳﻪ ﺍﻟﻤﻌﺘﻤﺪﻩ ﻟﻠﺰﻭﺟﺔ ﺍﻟﻤﺼﺮﻳﺔ ﻓﺄﻧﺎ ﺃﻛﻴﺪ ﻣﺶ ﻫﺘﺤﻮﻝ
ﺍﺑﺘﺴﻤﺖ ﻗﺎﺋﻠﻪ :
- ﻗﺼﺪﻙ ﺍﻳﻪ ﺑﺄﻩ ﻳﺎ ﺑﺸﻤﻬﻨﺪﺱ ﺑﺎﻟﻨﺴﺨﺔ ﺍﻟﻤﻌﺘﻤﺪﺓ ﻟﻠﺰﻭﺟﺔ ﺍﻟﻤﺼﺮﻳﺔ
ﻗﺎﻝ ﺑﻤﺮﺡ :
- ﻗﺼﺪﻯ ﺑﺄﻩ ﺍﻧﻚ ﺗﺘﺤﻮﻟﻰ ﻟﻜﺎﺋﻦ ﻫﻼﻣﻰ ﻏﻴﺮ ﻣﻌﻠﻮﻡ ﺗﻔﺎﺻﻴﻠﻪ ﻭﺗﻀﺎﺭﻳﺴﻪ ﺑﻮﺿﻮﺡ
ﺿﺤﻜﺖ " ﻳﺎﺳﻤﻴﻦ " ﺑﺸﺪﺓ ﻓﺄﻛﻤﻞ ﻗﺎﺋﻼً :
- ﻭﺃﻓﺘﺢ ﺑﺎﺏ ﺍﻟﺒﻴﺖ ﺃﻻﻗﻰ ﺑﺘﺼﺮﺧﻲ ﺑﺼﺮﺧﺔ ﻃﺮﺯﺍﻥ ﻭﺑﺘﺠﺮﻯ ﻭﺭﺍ ﺍﻟﻮﻻﺩ
ﺍﺯﺩﺍﺩﺕ ﺿﺤﻜﺎﺗﻬﺎ ﻓﺄﻛﻤﻞ :
- ﻭﺍﻟﻜﺒﻴﺮﺓ ﺑﺄﻩ ﺃﻻﻗﻴﻜﻲ ﻧﺎﺳﻴﻪ ﺍﺳﻤﻰ ﻭﺑﺘﻨﺪﻫﻴﻠﻰ ﻭﺗﻘﻮﻟﻴﻠﻰ ﺑﺎﺑﺎ ﺯﻯ ﻣﺎ ﺍﻟﻮﻻﺩ ﻫﻴﻘﻮﻟﻮﻟﻰ .. ﺳﺎﻋﺘﻬﺎ ﻫﺮﻭﺡ ﺷﺎﻳﻠﻚ ﺍﻧﺘﻰ ﻭﻫﻤﺎ ﻭ ........
ﻧﻈﺮﺕ ﺍﻟﻴﻪ ﺑﺘﺤﺪﻯ .. ﻓﺈﺑﺘﺴﻢ ﻭﺃﺷﺎﺭ ﻟﻘﻠﺒﻪ ﻗﺎﺋﻼً :
- ﻭﺃﺣﻄﻜﻮﺍ ﺟﻮﻩ ﻗﻠﺒﻲ
ﻗﺎﻟﺖ ﻣﺘﻈﺎﻫﺮﻩ ﺑﺎﻟﺠﺪﻳﻪ :
- ﺧﻼﺹ ﻭﺃﻧﺎ ﻣﻮﺍﻓﻘﺔ .. ﺃﻧﺎ ﻣﺶ ﻫﺘﺤﻮﻝ ﻣﻘﺎﺑﻞ ﺍﻥ ﺍﻧﺖ ﻛﻤﺎﻥ ﻣﺘﺘﺤﻮﻟﺶ
ﺍﻗﺘﺮﺏ ﺑﻮﺟﻬﻪ ﻣﻨﻬﺎ ﺑﺸﺪﺓ ﻗﺎﺋﻼً :
- ﺍﺗﻔﻘﻨﺎ
ﻧﻈﺮﺕ ﺣﻮﻟﻬﺎ ﻭﺭﺟﻌﺖ ﻟﻠﺨﻠﻒ .. ﻓﺈﻋﺘﺪﻝ ﻭﻗﺎﻝ ﺑﺨﺒﺚ :
- ﻣﺎﺷﻰ ﻣﻌﺎﻛﻰ ﺣﻖ ﻟﻴﻨﺎ ﺑﻴﺖ ﻧﺘﻠﻢ ﻓﻴﻪ
ﺿﺤﻜﺖ ﻭﺃﺷﺎﺣﺖ ﺑﻮﺟﻬﻬﺎ .. ﺫﻫﺒﺎ ﻣﻌﺎً ﻟﺘﻨﺎﻭﻝ ﺍﻟﻄﺎﻋﻢ ﻓﻰ ﺃﺣﺪ ﺍﻟﻤﻄﺎﻋﻢ .. ﻛﺎﻥ ﺃﺣﺪ ﺍﻟﻤﻄﺎﻋﻢ ﺍﻟﻬﺎﺩﺋﺔ ﺍﻟﻤﻄﻠﺔ ﻋﻠﻰ ﺍﻟﻨﻴﻞ .. ﻛﺎﻧﺖ " ﻳﺎﺳﻤﻴﻦ " ﺗﺸﻌﺮ ﺑﺴﻌﺎﺩﺓ ﺑﺎﻟﻐﺔ ﻭﻫﻰ ﺟﺎﻟﺴﻪ ﺑﺠﻮﺍﺭ ﺯﻭﺟﻬﺎ .. ﺗﺮﻙ ﻫﺎﺗﻔﻪ ﻭ ﻣﺎﺩﻟﻴﺔ ﻣﻔﺎﺗﻴﺠﻪ ﻋﻠﻰ ﺍﻟﻄﺎﻭﻟﺔ ﻭﺫﻫﺐ ﺍﻟﻰ ﺣﻤﺎﻡ .. ﺃﻣﺴﻜﺖ ﺍﻟﻤﻴﺪﺍﻟﻴﻪ ﻭﺗﻔﺤﺼﺘﻬﺎ .. ﺍﺑﺘﺴﻤﺖ ﻋﻨﺪﻣﺎ ﻭﺟﺪﺕ ﺍﻟﻘﻠﺐ ﺍﻟﺬﻯ ﻳﺤﻤﻞ ﺍﺳﻤﻬﺎ .. ﻧﻈﺮﺕ ﺣﻮﻟﻬﺎ ﻭﺃﻋﺎﺩﺕ ﺍﻟﻤﻴﺪﺍﻟﻴﻪ ﻣﻜﺎﻧﻬﺎ ﺑﺴﺮﻋﺔ ﻗﺒﻞ ﺃﻥ ﻳﻌﻮﺩ .. ﻋﺎﺩ " ﻋﻤﺮ " ﻟﻴﺠﺪﻫﺎ ﻣﺒﺘﺴﻤﻪ ﻭ ﺍﺣﺪ ﺍﻟﺮﺟﺎﻝ ﻋﻠﻰ ﺍﻟﻄﺎﻭﻟﺔ ﺍﻟﻤﺠﺎﻭﺭﺓ ﻳﻨﻈﺮ ﺍﻟﻴﻬﺎ .. ﺷﻌﺮ ﺑﻐﻴﺮﺓ ﺷﺪﻳﺪﻩ .. ﺗﺎﺑﻌﺘﻪ " ﻳﺎﺳﻤﻴﻦ " ﺑﺪﻫﺸﺔ ﻭﻫﻮ ﻳﺬﻫﺐ ﻭﻳﻘﻒ ﺃﻣﺎﻡ ﺍﻟﺮﺟﻞ ﻗﺎﺋﻼً :
- ﻓﻰ ﺣﺎﺟﻪ ؟
ﺍﻟﺘﻔﺖ ﺍﻟﺮﺟﻞ ﺍﻟﻴﻪ ﻗﺎﺋﻼً :
- ﻓﻰ ﺍﻳﻪ ﺣﻀﺮﺗﻚ
ﺍﺭﺗﻔﻊ ﺻﻮﺕ " ﻋﻤﺮ " ﻗﻠﻴﻼ ﻭﻗﺎﻝ ﺑﻐﻀﺐ :
- ﺃﺻﻠﻚ ﺑﺘﺒﺺ ﻟﻤﺮﺍﺗﻰ ﺃﻭﻯ .. ﻓﺤﺒﻴﺖ ﺃﻋﺮﻑ ﻳﻌﻨﻰ ﻓﻰ ﺣﺎﺟﻪ ؟
ﺷﻌﺮ ﺍﻟﺮﺟﻞ ﺑﺎﻟﺤﺮﺝ ﻭﻗﺎﻝ :
- ﺍﻧﺎ ﻣﺒﺼﺘﻠﻬﺎﺵ
ﻛﺎﻧﺖ ﺃﻋﻴﻦ " ﻋﻤﺮ " ﺗﺸﻌﺎﻥ ﻏﻀﺒﺎً ﻭﺭﻣﻖ ﺍﻟﺮﺟﻞ ﺑﻨﻈﺮﻩ ﺻﺎﺭﻣﺔ ﺛﻢ ﺗﻮﺟﻪ ﺍﻟﻰ ﻃﺎﻭﻟﺘﻬﻢ ﻭﺟﺬﺏ " ﻳﺎﺳﻤﻴﻦ " ﻣﻦ ﻳﺪﻫﺎ ﻭﺟﻠﺴﻮﺍ ﻋﻠﻰ ﻃﺎﻭﻟﺔ ﺃﺧﺮﻯ ﺑﻌﻴﺪﺓ ﻋﻦ ﻫﺬﺍ ﺍﻟﺮﺟﻞ .. ﻃﺎﻝ ﺍﻟﺼﻤﺖ ﺑﻴﻨﻬﻤﺎ .. ﺛﻢ ﻓﺘﺢ " ﻋﻤﺮ " ﺍﻟﻤﻨﻴﻮ ﻗﺎﺋﻼً ﺑﻬﺪﻭﺀ :
- ﺗﺤﺒﻲ ﺗﺎﻛﻠﻰ ﺍﻳﻪ
ﻧﻈﺮﺕ ﺍﻟﻴﻪ ﺗﺤﺎﻭﻝ ﻣﻌﺮﻓﺔ ﻣﺎ ﻳﻔﻜﺮ ﻓﻴﻪ .. ﻭﺟﺪﺕ ﻧﻔﺴﻬﺎ ﺗﻘﻮﻝ ﺑﺘﻠﻘﺎﺋﻴﻪ :
- ﺃﻧﺎ ﻣﺒﺼﺘﻬﻠﻮﺵ ﻋﻠﻰ ﻓﻜﺮﺓ .. ﻭﻣﻜﻨﺘﺶ ﻭﺍﺧﺪﻩ ﺑﺎﻟﻰ ﺍﻧﻪ ﺑﻴﺒﺼﻠﻰ ﺃﺻﻼً
ﻧﻈﺮ " ﻋﻤﺮ " ﺍﻟﻴﻬﺎ ﻟﺘﺘﻼﻗﻰ ﻧﻈﺮﺍﺗﻬﻤﺎ .. ﻣﺮﺕ ﻟﺤﻈﺎﺕ .. ﺛﻢ ﺃﻣﺴﻚ ﻛﻔﻴﻬﺎ ﺑﻴﻦ ﻛﻔﻴﻪ ﻗﺎﺋﻼً ﺑﻬﺪﻭﺀ :
- ﻫﻮ ﺍﻧﺎ ﻗﻮﻟﺖ ﺍﻧﻚ ﺑﺼﺘﻴﻠﻪ
ﻗﺎﻟﺖ ﺷﺎﺭﺣﻪ :
- ﻷ ﺑﺲ ﺃﻧﺎ ﺧﻔﺖ ﺗﻜﻮﻥ ﺍﻓﺘﻜﺮﺕ ﻛﺪﻩ
ﺍﺑﺘﺴﻢ ﻗﺎﺋﻼً :
" - ﻳﺎﺳﻤﻴﻦ " ﺍﻧﺎ ﻋﺎﺭﻑ ﻛﻮﻳﺲ ﺃﻧﺎ ﻣﺘﺠﻮﺯ ﻣﻴﻦ
ﺯﺍﺩ ﻣﻦ ﺿﻐﻂ ﻛﻔﻴﻪ ﻋﻠﻰ ﻛﻔﻬﺎ ﻓﺎﺑﺘﺴﻤﺖ ﻟﻪ ﻓﻰ ﺧﺠﻞ ﻭﻗﺪ ﺃﺳﻌﺪﻫﺎ ﺛﻘﺘﻪ ﺑﻬﺎ .. ﻃﻠﺒﺎ ﺍﻟﻄﻌﺎﻡ .. ﻇﻼ ﻳﺘﺤﺪﺛﺎﻥ ﻣﻌﺎً .. ﺣﺘﻰ ﺃﺧﺬﻫﻢ ﺍﻟﺤﺪﻳﺚ ﺣﻮﻝ ﻗﻀﻴﺔ ﺍﻻﺧﺘﻄﺎﻑ .. ﻗﺎﻝ " ﻋﻤﺮ " ﺑﻀﻴﻖ :
- ﻣﺶ ﻫﺮﺗﺎﺡ ﺇﻻ ﻟﻤﺎ ﻳﻤﺴﻜﻮﻩ
ﺃﻛﺪﺕ " ﻳﺎﺳﻤﻴﻦ " ﻗﺎﺋﻠﻪ :
- ﺃﻛﻴﺪ ﻫﻴﻤﺴﻜﻮﻩ ﺍﻥ ﺷﺎﺀ ﺍﻟﻠﻪ
ﺛﻢ ﻗﺎﻟﺖ ﺑﻘﻠﻖ :
- ﺑﺲ ﺧﺎﻳﻔﺔ ﻣﻴﻘﺪﺭﻭﺵ ﻳﺜﺒﺘﻮﺍ ﺍﻟﺘﻬﻤﺔ ﻋﻠﻴﻬﻢ
ﻗﺎﻝ " ﻋﻤﺮ " ﺑﺜﻘﻪ :
- ﻷ ﻫﻴﻘﺪﺭﻭﺍ ﻳﺜﺒﺘﻮﻫﺎ ﺍﻥ ﺷﺎﺀ ﺍﻟﻠﻪ .. ﻭﺃﺻﻼً ﻫﻤﺎ ﺃﻏﺒﻴﺔ ﺟﺪﺍً ﻛﺎﻧﻮﺍ ﻣﻜﻤﻤﻴﻨﻚ ﻭﻣﻐﻤﻴﻴﻦ ﻋﻴﻨﻴﻜﻰ ﻋﻠﻰ ﺃﺳﺎﺱ ﻣﺘﺘﻌﺮﻓﻴﺶ ﻋﻠﻴﻬﻢ .. ﻟﻜﻦ ﻛﺎﻧﻮﺍ ﺑﻴﺘﻌﺎﻣﻠﻮﺍ ﻣﻦ ﻏﻴﺮ ﺟﻮﺍﻧﺘﻰ .. ﻳﻌﻨﻲ ﺑﺼﻤﺎﺗﻬﻢ ﻣﺎﻟﻴﻪ ﺍﻟﺒﻴﺖ
ﻗﺎﻟﺖ " ﻳﺎﺳﻤﻴﻦ " ﻭﻫﻰ ﺗﻔﻜﺮ :
- ﺑﺲ ﻣﺶ ﻣﻤﻜﻦ ﻳﻮﺻﻠﻮﺍ ﻟﻠﺒﻴﺖ ﺩﻩ ﻭﻳﻤﺴﺤﻮﺍ ﺑﺼﻤﺎﺗﻬﻢ
ﻗﺎﻝ " ﻋﻤﺮ " ﺷﺎﺭﺣﺎً :
- ﺍﻟﺒﻮﻳﺲ ﺭﻓﻊ ﺍﻟﺒﺼﻤﺎﺕ ﺧﻼﺹ .. ﻳﻌﻨﻰ ﺣﺘﻰ ﻟﻮ ﻣﺴﺤﻮﻫﺎ ﻫﻰ ﺧﻼﺹ ﺍﺗﺜﺒﺘﺖ ﻓﻰ ﺍﻟﻤﺤﻀﺮ .. ﻭﻛﻤﺎﻥ ﺍﻟﺒﻴﺖ ﺃﻧﺎ ﺃﻓﻠﺘﻪ ﻛﻮﻳﺲ ﻭﻏﻴﺮﺕ ﺍﻟﺒﺎﺏ ﻟﺒﺎﺏ ﺣﺪﻳﺪ ﻳﻌﻨﻲ ﻣﺤﺪﺵ ﻳﻘﺪﺭ ﻳﺪﺧﻠﻪ
ﺍﻧﺘﺒﻬﺖ " ﻳﺎﺳﻤﻴﻦ " ﻟﻜﻠﻤﺎﺗﻪ ﻭﻗﺎﻟﺖ ﺑﺈﺳﺘﻐﺮﺍﺏ :
- ﺍﺯﺍﻯ ﻳﻌﻨﻲ ﻏﻴﺮﺕ ﺍﻟﺒﺎﺏ ﻭﺃﻓﻠﺖ ﺍﻟﺒﻴﺖ .. ﻭﺻﺤﺎﺏ ﺍﻟﺒﻴﺖ ﻟﻤﺎ ﻳﺮﺟﻌﻮﺍ ﺃﻛﻴﺪ ﻫﻴﻌﻤﻠﻮﻟﻚ ﻣﺸﺎﻛﻞ ﻋﺸﺎﻥ ﻏﻴﺮﺕ ﺑﺎﺏ ﺑﻴﺘﻬﻢ
ﻗﺎﻝ " ﻋﻤﺮ " ﻭﻫﻮ ﻳﻜﻤﻞ ﻃﻌﺎﻣﻪ :
- ﻷ ﻣﺤﺪﺵ ﻫﻴﻌﻤﻠﻰ ﻣﺸﺎﻛﻞ
ﺑﻠﻌﺖ ﺭﻳﻘﻬﺎ ﻭﻗﺎﻟﺖ ﺑﻘﻠﻖ :
- ﺍﺯﺍﻯ ﺗﻀﻤﻦ ﺍﻧﻬﻢ ﻣﺶ ﻫﻴﻌﻤﻠﻮﻟﻚ ﻣﺸﺎﻛﻞ
ﺻﻤﺖ ﻗﻠﻴﻼً .. ﻭﺑﺪﺍ ﻭﻛﺄﻧﻪ ﻳﻔﻜﺮ .. ﺛﻢ ﻧﻈﺮ ﺍﻟﻴﻬﺎ ﻟﻴﻔﺠﺮ ﻗﻨﺒﻠﺔ ﻓﻰ ﻭﺟﻬﻬﺎ :
- ﻷﻥ ﺍﻧﺎ ﺻﺎﺣﺐ ﺍﻟﺒﻴﺖ
ﺷﻌﺮﺕ ﺑﻘﻠﺒﻬﺎ ﻭﻗﺪ ﺗﻮﻗﻒ ﻋﻦ ﺍﻟﺨﻔﻘﺎﻥ .. ﻭﺑﺮﺋﺘﻬﺎ ﻭﻗﺪ ﺷﻠﺖ ﻋﻠﻰ ﺍﻟﺤﺮﻛﺔ .. ﻟﺤﻈﺎﺕ .. ﺛﻢ ﻋﺎﺩﺕ ﺃﺟﻬﺰﺗﻬﺎ ﻟﻠﻌﻤﻞ ﻣﺮﺓ ﺃﺧﺮﻯ ﻟﻜﻦ ﺑﺼﻮﺭﺓ ﺟﻨﻮﻧﻴﻪ .. ﻗﺎﻟﺖ ﺑﺼﻮﺕ ﺣﺎﻭﻟﺖ ﺃﻥ ﻳﺒﺪﻭ ﻃﺒﻴﻌﻴﺎً :
- ﻳﻌﻨﻲ ﺍﻟﺒﻴﺖ ﺩﻩ ﺑﺘﺎﻋﻚ ؟ .. ﻣﻠﻜﻚ ؟
ﺭﺩ ﺑﻬﺪﻭﺀ ﻭﻫﻮ ﻳﺒﺪﻭ ﺷﺎﺭﺩﺍً :
- ﺃﻳﻮﺓ ﻣﻠﻜﻰ .. ﺑﺲ ﻣﺒﺮﻭﺣﻮﺵ ﻛﺘﻴﺮ .. ﺭﻭﺣﺘﻪ ﻛﺎﻡ ﻣﺮﺓ ﺑﺲ
ﺭﺍﻗﺒﺖ ﻭﺟﻬﻪ ﻟﺘﺮﻯ ﻋﻠﻴﻪ ﺗﻌﺒﻴﺮﺍﺕ ﻏﺮﻳﺒﺔ ﻛﻤﻦ ﻳﺘﺬﻛﺮ ﺷﻴﺌﺎً ﻳﻀﺎﻳﻘﻪ .. ﺛﻢ ﻫﺬ ﺭﺃﺳﻪ ﻭﻛﺄﻧﻪ ﻳﺤﺎﻭﻝ ﻧﻔﺾ ﺗﻠﻚ ﺍﻟﺬﻛﺮﻯ ﻣﻦ ﺭﺃﺳﻪ .. ﺍﺳﺘﺄﺫﻧﺖ ﻟﺘﺬﻫﺐ ﺍﻟﻰ ﺍﻟﺤﻤﺎﻡ .. ﺩﺧﻠﺖ ﺍﻟﻰ ﺍﻟﺤﻤﺎﻡ ﻭﻫﻰ ﺗﺮﺗﻌﺶ .. ﻭﻗﻔﺖ ﺃﻣﺎﻡ ﺍﻟﻤﺮﺁﻩ ﺗﻨﻈﺮ ﺍﻟﻰ ﻭﺟﻬﻬﺎ ﺍﻟﻤﻀﻄﺮﺏ .. ﻭﻧﻈﺮﺍﺗﻬﺎ ﺍﻟﺸﺎﺭﺩﺓ ﺍﻟﻤﺘﻮﺗﺮﺓ .. ﺑﻴﺘﻪ .. ﻣﻠﻜﻪ .. ﻫﻮ ﺻﺎﺣﺐ ﺍﻟﺒﻴﺖ .. ﺍﻟﺒﻴﺖ ﺍﻟﺬﻯ ﺯﻧﺖ ﻓﻴﻪ ﺯﻭﺟﺔ ﺍﻟﻐﻔﻴﺮ ﻣﻊ ﺭﺟﻞ .. ﻇﻨﺖ ﺃﻥ " ﻋﻤﺮ " ﻟﻴﺲ ﻟﻪ ﻋﻼﻗﺔ ﺑﺎﻟﺒﻴﺖ ﻭﻣﺎ ﺣﺪﺙ ﻓﻴﻪ .. ﻟﻜﻨﻪ ﺻﺎﺣﺐ ﺍﻟﺒﻴﺖ .. ﻭﻣﺎﻟﻜﻪ .. ﻟﻤﺎﺫﺍ ﻳﺸﺘﺮﻯ ﺭﺟﻼً ﻣﺜﻠﻪ ﻣﺜﻞ ﻫﺬﺍ ﺍﻟﺒﻴﺖ ﺍﻟﻤﻮﺟﻮﺩ ﻋﻠﻰ ﺃﻃﺮﺍﻑ ﺍﻟﻘﺮﻳﺔ ﻭﺍﻟﺬﻯ ﻻ ﻳﺤﺘﻮﻯ ﺇﻻ ﻋﻠﻰ ﻓﺮﺍﺵ ﻭﺩﻭﻻﺏ ﻭﺑﻀﻊ ﺍﻷﻭﺍﻧﻰ ﺍﻟﺒﺴﻴﻄﺔ .. ﻣﺎﺫﺍ ﻳﻔﻌﻞ ﺭﺟﻼً ﻣﺜﻠﻪ ﻓﻰ ﻫﺬﺍ ﺍﻟﺒﻴﺖ ﺍﻟﺬﻯ ﻗﺎﻝ ﺍﻧﻪ ﺯﺍﺭﻩ ﻣﺮﺍﺕ .. ﻟﻢ ﻳﺬﻫﺐ ﺍﻟﻴﻪ ﺍﻻ ﻟﺴﺒﺐ ﻭﺍﺣﺪ .. ﻟﻜﻰ ﻳﻠﺘﻘﻰ ﻓﻴﻪ ﺑﻌﺸﻴﻘﺘﻪ ﺑﻌﻴﺪﺍً ﻋﻦ ﺃﻋﻴﻦ ﺯﻭﺟﻬﺎ .. ﻭﺑﻌﻴﺪﺍً ﻋﻦ ﺃﻋﻴﻦ ﺍﻟﺨﺪﻡ .. ﻟﻜﻢ ﺗﻤﻨﺖ ﺃﻥ ﻳﻜﻮﻥ ﺑﺮﺋﻴﺎً .. ﻟﻜﻢ ﺣﺎﻭﻟﺖ ﺗﻨﺎﺳﻰ ﺗﻠﻚ ﺍﻟﺤﺎﺩﺛﺔ ﻭﺗﺠﺎﻫﻠﻬﺎ ﻭﻛﺄﻧﻬﺎ ﺷﻴﺌﺎً ﻟﻢ ﻳﻜﻦ .. ﻟﻜﻨﻪ ﺃﺛﺒﺖ ﻟﻬﺎ .. ﺃﻧﻪ ﻫﻮ ﻧﻔﺴﻪ ﺍﻟﺮﺟﻞ ﺍﻟﺬﻯ ﺯﻧﻰ ﺑﺰﻭﺟﺔ ﺍﻟﻐﻔﻴﺮ ﻓﻰ ﻫﺬﺍ ﺍﻟﺒﻴﺖ ﺍﻟﻤﺤﺘﺮﻕ .. ﻧﻈﺮﺕ ﺍﻟﻰ ﻧﻔﺴﻬﺎ ﻓﻰ ﺍﻟﻤﺮﺁﻩ ﻟﺘﻘﺴﻂ ﻣﻦ ﻋﻴﻨﻴﻬــﺎ ﺩﻣﻌــﺔ ﺣﺰﻳﻨــﺔ .. ﻳﻌﻘﺒﻬﺎ ﺷﻼﻻً ﻣﻦ ﺍﻟﺪﻣـــﻮﻉ ﺍﻟﺼﺎﻣﺘـــﺔ
