So I Married The Mafia Boss

Simula

This is chapter is dedicated to Miss_IcyHeart
__________

  "The trouble with capturing one is that that original gesture is almost impossible to equal or improve upon."
― Donald Barthelme, Sixthy Stories

Simula - Kidnapping?

"Put me down! Sino ba kayo! Please, let me go!", pagmamakaawa ko sa isa sa mga nakaitim na lalaki habang binuhat ako na tila ba ako sako ng bigas sakanyang balikat. Mga pito silang lalaki na bigla na lamang akong kinuha. Nakasuot sila ng pare-parehong mga amerikana, pare-parehong tie at pare-parehong shades.

Wala akong kaide-ideya kung bakit nila ito ginagawa sa akin. Hindi naman ako mayaman upang kidnapin nila sapagkat galing lamang ako sa mahirap na pamilya.

Wala silang masisita sa akin dahil wala kaming maipambabayad sa ransom na nais ng mga ito kung sadyang pangingidnap nga ito. Depende na lamang siguro kung ang katawan ko ang pakay nila. Thinking that makes me shiver through my spines. Nagpumiglas ako habang hinahampas ang likuran ng lalaking bumuhat sa akin. Ngunit tila ba ito bato na walang maramdaman.

"Saan niyo ako dadalhin! Pakawalan niyo na ako, please.", hindi ko mapigilang umiyak. Punung-puno ng takot ang nararamdaman ko ngayon. Nanginginig pati ang kalamnan ko. "Put me down! Please, please..", muli kong pagsusumamo subalit tila ito makinang walang naririnig.

"Wala kayong mapapala sa akin. Mahirap lang ang aking pamilya... wala kayong ransom na maaasahan sa akin. Maawa naman kayo sa akin, Manong.."

Dalawang itim na kotse ang nakaparadang naghihintay sa amin. Apat na lalaki ang sumakay sa isang kotse habang kaming apat naman sa isa.

Dahan-dahan akong pilit ipinasok ng lalaking bumuhat sa akin kanina sa loob ng sasakyan saka ito pumasok. Pinagitnaan ako ng dalawang lalaki upang matiyak na wala akong takas sa kanila. Ang isang lalaki ay nagtungo sa driver's seat upang magmaneho.

"This is kidnapping! Sino ba kayo?! Maawa naman kayo sa akin. Hindi ho ako mayaman, I swear!", malakas kong sigaw habang pinaghahampas ang mga lalaking nasa tabi ko.

Mahigpit na hinawakan ng isang lalaki ang kamay ko. "Miss Sandoval, malalaman mo ang katanungan sa mga tanong mo kapag naroon na tayo.", kalmado ngunit madiing tonong pagkakasabi nito sa akin.

Ipinagpag ko ang kamay ko ngunit madiin ang pagkakahawak nito sa akin. "Mga walanghiya! Pakawalan niyo ako! Ano'ng pupuntahang pinagsasabi niyo? Hindi ko kayo maintindihan!", umiiyak na ako. Umabot na ang takot ko hanggang sa kaibaturan ng pagkatao ko.

Halos tinawag ko na ang Diyos at mga Santo upang mailigtas lamang ako sa panganib na kinalalagyan ko ngayon.

"Miss Sandoval, mas mainam sigurong manahimik ka na lang. Malalaman mo rin lahat kapag nagkita kayo ni Boss."

Boss? Tama nga ang hinala ko, kidnapping nga ito. Pero bakit?

"Sino'ng Boss? At bakit kailangan niyo akong piliting sumama sa inyo? Bakit niyo ako kinidnap? Ano bang mapapala niyo sa akin? Wala akong maipangra-ransom sa inyo!", humihikbi kong sigaw.

Bumuntung-hininga ang lalaki. Inalis nito ang shades nito saka nagpasyang bitawan ang kamay ko. "Please, Ma'am, be patient. Malapit na tayo kay Boss."