The Gangster's Princess (COMPLETED)

TGP 21

April's POV

Monday na ngayon, siyempre usual routine gigising ng maaga, kakain, maliligo, papunta sa school, magtataray, at uuwi. Pero ngayon niyaya ako manuod ni Aira ng graduation ng Grade 12, isa dun si ate Shin at kuya Blake. Ang weird ba dahil pasukan na namin pero sila graduation pa lang? Weird din para sakin eh. Pero ang start naman kasi talaga ng classes sa college sa DVU ay September.

Kagabi pa kami nakapagpaalam kay papa at pumayag naman siya na hindi na kami pumasok. Kaya ngayon alastres pa lang at kakagising ko lang. 4 pa naman yung start ng ceremony eh.

Bumaba ako sa sala at nakitang nandito na yung tatlong lalaki.

"Grabe hindi niyo man lang kami sinabihan na manonood pala tayo ng graduation. Akala namin may nangyaring masama sa inyo kasi hindi kayo pumasok. Nag-cutting tuloy kami." Sabi ni Kysler.

"Asan sila Abby?" Tanong ko habang naghihikab.

"Nandon sa taas nagre-ready na. Ikaw ba't di ka pa ready?" Tanong sakin ni Edward at umupo naman ako sa tabi niya.

"Kakagising ko lang eh." Sagot ko sa kanya.

"Batugan." Bulong niya kaya nasapak ko siya sa sikmura. Tumayo na ko at nagpunta na sa kwarto ko. Maliligo na nga ako. Nasayang effort ko sa pagtabi sa kanya.

**

Nagsuot lang ako ng plain white crop top na tshirt at jumper tapos ay doll shoes naman sa paa at bumaba na ko.

"Tignan mo kahit siya yung pinakahuling nagready siya pinakanauna." Sabi ni Edward ng natatawa.

"Masyado ka na namang amazed sa powers kong mabilis." Sabi ko sa kanya at inirapan siya. Matagal din naman akong mag-ready. Mas matagal nga lang talaga sila Abby at Aira.

Naghintay pa kami ng ilang minuto para makababa na sila Aira at umalis na kami.

Pumasok na kami sa Event Building ng school at malapit nang magsimula. Pagkapasok namin, ang daming lumapit sakin na lalaki.

"April, pwede bang magpapicture? Baka huling pagkikita na natin to eh." Nahihiyang sabi sakin nung isang lalaki.

"Oo nga April."

"Pwede bang ako din?"

"Ako din ha?"

Sabi pa nung ibang lalaki. Bigla namang humarang si Edward sa kanila kaya napasimangot sila.

"Hindi kayo pwede magpapicture. Iphotoshop niyo na lang o kaya gumawa kayo ng collage!" Sabi ni Edward at hinila na ako paalis. Baliw talaga 'to.

Umupo na kami sa bleacher. Nasa taas kami kaya kitang-kita namin yung mga tao. Asan kaya si ate? Hindi ko siya nakikita eh. Saka kung nandito na yun dapat pinagkakaguluhan na yun ngayon. Dami ba namang kakilala dito eh. 

Nagsimula na yung ceremony. Kung hindi lang talaga dahil kay ate hindi talaga ako papunta dito eh. Ang boring kaya!! Puro speech lang naman ng magulang ko. Eh hindi din naman ako nakikinig sa kanila. 

Merong isang buong row sa harapan na walang nakaupo, tas yung teacher halatang problemado na. Nakita ko na din si Tita Steffi at tito Matt. Parents ni ate Shin. Mukha din silang tensed. Bakit ba? Anong meron?

Abutan na ng diploma at bawat section yung pila. Bigla na lang bumukas ng malakas yung malaking pinto ng Event Building at meron yatang 15 plus candidates ng Grade 22 na nananakbo papunta sa unahan. Lahat sila lalaki, pero may nag-iisang babae. Si ate Shin.

Nagpalakpakan lahat ng tao at naghiyawan tas yung mga late naman tawa sila ng tawa. Sila tita at tito naman halatang nag-relax na. San naman kaya nang galing 'tong mga 'to?