Malapit na mag isang taon,
subalit sugat ko'y di pa rin naghihilom
Sakit ay akin pa ring nararamdaman,
patuloy ko itong iniiyakan
Paulit-ulit kong tinatanong ang kapalaran,
kung bakit niya ito pinayagan
Bakit tadhana ay sumang-ayon,
at hinayaan akong makulong
Makulong sa nagdaan naming kahapon,
malunod sa mga alaala namin noon
Mag-iisang taon na ngunit parang
kanina ko lang ito nalaman
Ako ba'y nahihibang,
bakit hindi kita kayang bitawan
Bakit hindi ko magawang kalimutan,
pansamantala ang iyong pangalan.
BINABASA MO ANG
Her Poetic Thoughts
PoetryHalo-halong mga tula, salitang aking binuo at nilikha Kalungkutang nakatago sa aking puso, emosyong patuloy na umuusbong Pangungulilang nadarama, nakabalot na ito sa aking sistema Hindi ako makata, ngunit sa mga salita ko ay masasaktan ka Hindi ako...
