استاذ بلال: صيحي لورين وتعاي للأداره مال المدرسين
لارا: ان شاء الله استاذ
راح هو واني رحت للصف شفت لورين شايله كتاب بس مو مدرسي ..دخلت الكيمياء بالجنطه ورحت لحتى اگولها انو استاذ بلال يريدنا
لارا: لورين
صعدت راسها وباوعتلي بمعنى احجي
لارا: استاذ بلال توني حكالي اناديلك ويريدنا بأداره المدرسين
لورين: شنو يريد؟
گعدت على ستول گدام لورين وحجيت : اكيد استاذ سامر قالو على الي سوينا والله يحسسوني انو مسويه جريمه شنو هاي
لورين: گومي خلي نشوفه وامرنا لله
طلعنا ورحنا لأداره المدرسين دگينا الباب طلع استاذ بلال
استاذ بلال: نزلن للطابق الأخير واني هسه اجي ..نزلنا اني ولورين وگعدنا وحده تباوع للثانيه ننتظر استاذ بلال اول مره نمر بهيج موقف وخصوصاً استاذ بـلال مستحيل يتدخل بطالبه حتى اذا نغلط يكون حسابنا مع المديره هو ما يحجي معنا ..ظلينا ننتظر شوي ونزل استاذ بلال وگفنا اني ولورين
استاذ بلال :اي شنو هذا الي سمعته من استاذ سامر ؟
نزلنا راسنا وظلينا ساكتين سوها سالفه علينا صدوگ جذب
المهم يا عيني اكلنا رزاله بطريقه تأنيب محترم
استاذ بلال: عقاب استاذ سامر جان غلط وعقابي العكس ارجعن الصف هسه وتحظير اليوم عليجن يلا واني هسه اجي
صعد هو گدامنا واني ظليت واگفه اباوع ع لورين بقهر ما صار يوم شنو هاليوم راح كله عُقوبات
رحنا للصف استقبلونا البنات
لينا: ولِك شنو قال الكم بلوووش
لارا: تسكتين لا هسه بدفره ترى طلعلي روحي
ساره: شكلها رزاله دسمه
هدى: حياتي انسي هسه هو اكيد لمصلحتكم من حكى معكم
لارا: ول ما قهرتني الرزاله الي قهرني التحظير مال اليوم كلو راح يصير عليه وعلى لورين
طفرت سناء من مكانها وجان بأيدها كتاب الفيزياء سناء: بربج صدوگ
لورين: والله
سحبت الكتاب من سناء ورحت يم لورين چانت گاعده بالسره الثاني وتراجع بهدوء وماكو احد يمها ظليت اراجع معها لأن البنات هوستهم ما تخلص لحد ما دخل استاذ بلال ..وگفنا
استاذ بلال : السلام عليكم
البنات: وعليكم السلام
استاذ بلال: تفضلن
گعدنا ..باوعت للبنات جانت سناء تأشرلي علمود الكتاب اشرتلها على جنطتي لحتى تاخذ مالتي
باوع علينا استاذ بلال گال : لارا هذا مو مكان هاله ليش مغيره مكانج؟
لارا: استاذ هاله ما موجوده و چنت اراجع ويا لورين
استاذ بلال: والأنسه هاله وين مو عدها درس؟
لارا: والله ما اعرف استاذ
استاذ بلال: تفضلي اگعدي
شكله چان معصب لأن هاله وكم بنيه ما موجودين بالصف وهو يتخبل من بنيه بدرسه تدخل ورا
گعدت بدون لا احجي كلمه
استاذ بلال : صدگ ليش تگعدين گومي اشرحي الدرس كله عليج
گلت بنفسي
"شنو الدرس كله عليه شبي هذا مصخن توني گال اني ولورين "
گمت.. مر نص الدرس واني اشرح كل ما اخلص موضوع هو يشرح ويخليني اكمل
لورين: العفو استاذ ممكن سؤال
استاذ بلال: تفضلي
لورين : استاذ انت گلت الدرس عليه وعلى لارا بـ
استاذ بلال(بمقاطعه): لارا الي جانت مقترحه عليج فالهيج العقاب حيكون كله عليها
سكتت رغم انو هي ساره الي اقترحت وساره گالت انو مو محظره كولش زين بس مو مهم اني محظره وعادي ردت ارجع اكمل شرح بس حجت لورين..
لورين :العفو استاذ بس اني هم غلطت معها يعن..
استاذ بلال: لورين غلطتي او لا گلت التحظير كله على لارا وراح ينتهي الدرس خلي تكمل شرح
YOU ARE READING
المجنونة وقعت في الحب
ChickLitفتاة في عمـر الصبـا كيف لها ان تدرك تلك الحياة بعد الخذلان....كيف لها ان تعرف من الحقيقة تمرد وخداع ...وكيف لها ان تعرف بأنه لا يريدها.....وكيف لها تعيش في واقع غير واقعها وان تعيش في خيال من نسج القيود ..ولكـن ستجد كل شي في وقته فقـط "كانت صبـورة"
