لارا:هذول شجابهم اهناا
لينا باوعت ع المكا الي اني مركزه بي
لينا: هييييييي هسه يسولنا سالفه ويا عمر
التفتت وردت وجهي ع لينا ونزلت راسي كولش
لارا: نزلي راسك الله ياخذك
هدى:فهموني شصاير
لينا: يولي تتذكرين من انا ولارا حكينالك عن الولد الأربعه الصاكين الي شفناهم من طلعنا ويا ساره وسناء قبل لا تجين بيوم؟
هدى: هااا ايي تذكرت شبيهم؟
لارا: شقد غبيه يربك هم هذول نفسهم
هدى: واذا نفسهم هم شعليهم بيكم؟
ظليت اباوع ع لينا ما عرفت شنو احجي لأن ما گلنا عن سالفه وسام وحسين
لينا: هدى بعدين احكيلِك بالبيت
سكتنا وظلينا على گعدتنا لحد ما اجه عمر گعد گدامنا وظل يباوع علينا بأستغراب
عمر: ليش وجوهكم مخطوفه هِيك؟
لينا: هاا لا ماكو شي
لارا: وين الأكل مو متت جوع
عمر: هسه يجيبو
انتظرنا عشر دقايق وصل الأكل رفعت راسي اجت عيني بعين الولد چان گاعد بالطاوله المقابيلنا هو وصديقه چانت بعيونه نظره استهزاء على خبث معرف شنو هي
نزلت راسي ورجعت اكل بس احس نفسي راح اغص بالأكل وكل شوي اباوع ع لينا نفسي بالضبط
خلصنا الأكل ما رحت غسلت ايدي چان عندي بالجنطه علبه لكلينكس مبللو حتى عمر والبنات ما خليتهم يروحون.. ظلينا گاعدين شوي نحجي نسيت الموضوع شوي واستعدت ثقتي بنفسي لأن ما مسويه اي شي انتظرنا لحد ما خلص عمر الچاي وگمنا كلنا طلعنا اجت عيني بعينه باوعت عليه بأستهزاء او نظره تكبر مع ثقه المهم اريد اقهره وحصلت الشي الي اريده ظل يباوع عليه لحد ما طلعت بالگوه كتمت ضحكتي على شكله شلون انگلب
وصلنا يم السياره وهم نفس گعدتنا من اجينا لينا گدام واني وهدى ورا ..رجعنا للبيت وصلنا هدى ورجعنا عمر صف السياره بالگراج ونزلنا كلنا احس رجليه بعد ما تشيلني من گد التعب اخذت الأغراض مالتي ونصها شالها عمر عني عطف عليه مبين شكلي منتهي
دخلت للعماره باوعت للدرج من التعب نسيت حتى خوفي من المصعد فا قررت انو اترك شي اسمه خوف واحاول منا ورايح بالمصعد رحت ويا عمر ولينا اول ما صعدت چنت على وشك انو اتراجع بس تماسكت وحاولت الهي روحي بأي شي وصلنا للطابق مالنا طلعنا من المصعد احس روحي رجعتلي
طلع عمر گدامنا واني ولينا نمشي ورا
لينا: لا عبالك نسيت باكر تحكيلي شصار معِك اليوم ولو متأكده شفتي وسام
لارا: ايي عفيه بس اليوم اعفيني عود باكر احكيلك لأن ما بيه
لينا: ان شاء الله وصلنا يم الشقق مالتنا چان عمو خليل وخاله هاله وعلي وزيد واگفين ع الباب واهلي وبيت عمو حسام كلهم واگفين هم رحت سلمت عليهم
لارا: زين ليش كلكم واقفين اهنا
خاله هاله: لارا حياتي
لارا: عيونها
خاله هاله: يسلم عيونج ..لارا ماما عمچ صار عنده شغل ضروري بالمستشفى واليوم الفجر لازم نطلع لبريطانيا
لارا: خاله اعرف جاي تشاقين ما اصدق
عمو خليل:يا بنتي حقك والله بس مو بأيدي اتصلو عليه وگالو ضروري تجي و اتصل عليه مدير زيد گال لازم يجي لأن هاي السنه بكلوريا وفاتته دروس
YOU ARE READING
المجنونة وقعت في الحب
ChickLitفتاة في عمـر الصبـا كيف لها ان تدرك تلك الحياة بعد الخذلان....كيف لها ان تعرف من الحقيقة تمرد وخداع ...وكيف لها ان تعرف بأنه لا يريدها.....وكيف لها تعيش في واقع غير واقعها وان تعيش في خيال من نسج القيود ..ولكـن ستجد كل شي في وقته فقـط "كانت صبـورة"
