ظليت اباوع ع الكلام وعلى لينا بصدمه
هدى: شمكتوب يولي
لارا: يقول اليوم حكى ويا هاله هاجر وراح يخطب لينا نهايه هذا الأسبوع
هدى سحبت الموبايل من ايدي بسرعه وقرت الحجي
ظلينا نباوع على بعض بدون كلام
لينا : هسه شلون
هدى: شنو شلون؟
لارا: شبيكِ خخايفه لازم تكونين فرحانه
لينا: منو قال مو فرحانه طايره من الفرح بس واذا عزام رفض؟
لارا: كل عقلك يرفض ما تعرفين علاقه عزام بخالد وحسين يشبهه خالد بالأطباع يعني مستحيل يرفضو
هدى: ما اعرف الولد بس الله يجمعك معو بالحلال ياروحي ورب الكون ما تعرفين فرحتي بيكِ
اجت لينا يمنا وحظنتنا احنا الأثنين وصارت تبجي وتضحك بنفس الوقت ما اعرف اوصف كميه فرحتي بيها اصلاً ما اقدر اوصف شعوري بس صرنا احنا الـ3 نبجي ونضحك سوا
لينا: ثواني خل ارد عليه
لارا & هدى: براحتك
ظلينا نحجي اني وهدى لبين ما خلصت لينا واجت گعدت تحجي ويانا چنا نحجي بفرحه ما تنوصف
بعدين تذكرت موبايلي ما فتحته من رجعت فا رحت جبته ورجعت للصاله فتحت نت وصلتني مسجات من وسام رديت عليه وهو رد بسرعه ظليت احجي ويا شوي تمنيت يگول مثل كلام حسين بس شلت هذا التفكير من بالي بسرعه احنا متفقين للسادس يلا لينا وهدى عرفو دا احجي ويا فا تركوني براحتي ظليت احجي ويا لحد ما فاجئني بكلامه
"المحادثه"
وسام: صدوگ حبي شنو لينا ما گالتلج حسين راح يتقدملها ؟
لارا: بلي گالتلي توني
وسام: تعرفين هم بس سنتين ويتزوجون ؟
لارا: لا حسين ما گالها بس گال راح يتقدملها نهايه هذا الاسبوع
وسام: واني انتظر يوم عرسهم على نار والله
لارا: لويش؟
وسام: محظرلج مفاجأه
لارا: وانتظر المفاجأه سنتين
وسام: اي انتظري
لارا: فدووه حبيبي احجي هسه
وسام: لا انتظري لحد عرس لينا وحسين يمعوده برمشه عين تلگين السنتين طايره
لارا: زين ليش يأجلون سنتين؟
وسام: علمود لينا تكون بالسادس يم حسين على ما سمعت منه
لارا: اهاا
وسام: ايي
لارا: استأذن
وسام: الله وياج عمري
سديت المحادثه مالته وظليت اباوع ع البنات بهدوء رغم گتله استأذن بس علمود احسسه انو ضجت من كلامه او تمنيت يبرر موقفه او يگولي لا تروحين اي شي يحجي المهم ما يخليني اروح هيج ..صح تفكير غبي بس گلبي يحكم ويغلب على عقلي اني ضعيفه كدامه شخصيتي لا شيء گدام حبه
ظليت اباوع للبنات واني ساكته بس هم يحجون حاولت اشغل روحي بالموبايل شوي لحد ما گالن نريد ننام گبل نمت بدون ولا اي كلمه ظليت استغفر واحاول ابعد الأفكار عن راسي لحد ما نمت
گعدت الصبح على صوت هدى
هدى: بنااات برب قومم ما صارت عاد
لينا: هدى خلااااااص انقلعي عن وجهي يا بنت الحلال انتي منو سلطِك عليه
لارا: هدى انكبي ونامي لخاطر الله
هدى: ولكم كافي اماااانه هسه يقعد عمو همام ويشوفنا نايمين اهنا والله فشله
لارا: بييش ساعه هسه ؟
هدى: الساعه 8 ونص
YOU ARE READING
المجنونة وقعت في الحب
ChickLitفتاة في عمـر الصبـا كيف لها ان تدرك تلك الحياة بعد الخذلان....كيف لها ان تعرف من الحقيقة تمرد وخداع ...وكيف لها ان تعرف بأنه لا يريدها.....وكيف لها تعيش في واقع غير واقعها وان تعيش في خيال من نسج القيود ..ولكـن ستجد كل شي في وقته فقـط "كانت صبـورة"
