تفاجأت بمسجات عمر ع الواتس فتحتهن
عمر: ولك عليان صحي ما تجي ويا اهلك
"ضحكت على كلامه يشم الأخبار شم ما صار ساعه من قررو اهلي وصلته السالفه رديت عليه"
علي: لا يول اجي بيوم الجمعه بس بربك لا تحكي قدام اصيل
عمر: اشو زيد قال ما تجي ؟..وترى اللهجه الكبيسيه مو لايگه عليك
علي: ما حكيت قدام اهلي لأن يفلتون قدام اصيل وانكب مالك شغل احب هاي اللهجه
عمر: تمون..من تطلع انطيني خبر علمود انتظر بالمطار
علي: هو غصب عنك تجي ورجليك فوگ راسك
عمر: لك **** احترم مو اخليك تنام بالمطار وما اجيك
علي: خرب ابو الأحترام منك
عمر: ديلا هسه انقلع اخوك سطر راسي اروح ارد عليه
علي: الله وياك
سديت الموبايل واخذ الجاكيت ومفتاح السياره والمحفظه وطلعت ...
———————ه
لارا..
ورا ما اغمى عليه بربع ساعه گعدت چان بس وسام بالغرفه استغربت لينا وعمر وين ؟
من شفت وسام يريد يلتفت عليه غمضت عيوني وسويت نفسي بعدني مو صاحيه حسيت بي گعد قريب من السديه مالتي بس ظليت مكمله حركات الافلام من صار يحجي معي احس نفسي صابني شلل" مو معقول يعني هذا ما يجذب لا لا اصلا سالفه ما تنعقل اووف ياربي احس تفكيري انشل " ظليت احجي ويا نفسي لحد ما حجت لينا وگام من يمي ظليت بلا حركه لحتى ما يحس انو چنت امثل لحد ما طلعت لينا وگف عمر يمي سويت نفسي توني صاحيه
عمر: يولي هالكثر مرتاحه بالنومه
لارا:خطيه انا بدال ما تحكيلي الحمدلله ع السلامه
عمر: يلا الحمدلله ع السلامه لوليتي
لارا: هسه اعتبرك ضمن قائمه البشر ،بي يسلمك
عمر: يلا مراح ارد لأن مريضه
لارا: راح اظل طول عمري مريضه علمود تعاملني بهاي اللطافه
عمر
1: وربي عندي الك مفاجأه راح تطيرين من الفرح بس انتظري ليوم 1-1
لارا: بلا ثقل دم بعد كثير عن 1-1 احكي من هسه بربك صار عندي فضول اعرف
عمر: لا يعني لا
وسام: الحمدلله ع السلامه لارا
سويت نفسي مصدومه عود ما جنت شايفته
لارا: الله يسلمك... عمر ايمتى نطلع؟
عمر: بس يخلص السيروم نطلع
لارا:اوووف
مر الوكت بطيئ ولينا الثوله تركتني ويا هذول العلل شلعولي گلبي بسوالفهم الي تغث
كل شوي اباوع للسيروم شوكت يخلص لحد ما خلصت ..
لارا(بفرحه): عمررر خلص
عمر: هسه اصيح الدكتور وارجع
لارا: اووكييشن
طلع عمر و وسام طلع ويا.. ورا شوي اجه الدكتور فصل السيروم واني گمت
عمر: مشكور دكتور
الدكتور: ولو هذا واجبي ...باوع عليه.. سلامتج ما تشوفين شر وترى من طلعتي على مسؤليتكم
لارا: الله يسلمك دكتور والشر ما يجيك ..ان شاء الله انتبهه ومدا تأذيني
گلت بگلبي يمعود بس خلصني طلعت روحي من الگعده بلا ما اسوي شي
الدكتور: سلامتج مره ثانيه
لارا:ربي يسلمك
طلعت اني وعمر و وسام گال لعمر هو راح يجيب الدوا ويرجع وصلنا يم السياره اجه وسام انطاني الدوا وابتسم ما حبيت اخجله رديت الأبتسامه وصعدت بالسياره بسرعه من سمعت كلامه صرت اخجل ارفع عيني بعينه ...صعد هو ورجعنا ...
وصلنا للعماره دخلنا جوه باوعت ع الدرج و للمصعد بخوف درت وجهي على لينا فهمتني ابتسمت حتى تطمني بس ظليت خايفه اجت وگفت يمي وسحبتني وعمر باوع عليه وضحك بخفه باوعتله صفح ورحت ويا لينا عود مو خايفه بس جذب حسيت راح يغمى عليه
اول ما صعدت خليت البنات يحجون واني چلبت بلينا چن راح تطير
ظل جسمي يرجف واني ابتسم مجامله ورغم هو كلها ٣ طوابق بس ما وصل المصعد الا اني گلبي بالگاع
سناء وساره سلمو عليه وصعدو ويا وسام ولينا گالت تبدل وتجي وعمر اجه معي رحنا لشقتنا دگيت الباب طلعلي بابا دخلنا جوه گبل فتت گعدت احس نفسي متكسره باوعت لبابا جان يباوع علينا الـ٣ بصدمه وكأن يريد تفسير منا
بابا: ما راح تفهموني شصاير لو شلون
عمر: عمو ما صاير شي بس رحنا للمدرسه علمود ناخذ للبنات اجازه ولارا كانت نازله من الدرج مو منتبهه التوت رجليها وطاحت على حديده نهايه الدرج وانشگت رجليها واخذنها للمستشفى وخيطو الجرح
بابا:يعني يا ابني ما عرفت تتصل بيه اجي ع المستشفى
لارا: بابا والله ما بيه شي وراد يتصل بيك اني ما خليتو هو جرح عادي على شنو يوتركم
بابا: سلامتِك بابا ما تشوفين شر
لارا: الله يسلمك ابو اسومي
طلعت ماما من المطبخ
ماما: هاي شكو؟
لارا: كنت بواحد صرت بأثنين..ماكو شي بس طخت بالمدرسه من الدرج والتوت رجلي وانشگت وخيطتها
ماما: يااااا يمه اسم الله خوما توجعك
لارا: لا حبيبتي ما توجعني اصلا اكل اوادم
عمر: شقد تستقوين بنفسك
لارا: لا تضربني بعين انت عينك ما تطيح بالگاع
گبل لا يرد دخلو عمه سهاد ولينا واصيل
عمه سهاد: الحمدلله ع السلامه
لارا: الله يسلمك عمه
عمه سهاد: غير تنتبهين يا ماما
لارا: والله عمه كنت ادرس كيمياء ومو منتبهه ع الدرج"اللهم سامحني ع الجذبه بس مو مال اترزل واگولهم نزعت السلسال علمود التفتيش وعاد هم حيل يحبون المخالفات وما يرزلوني اذا اگولهم تصير رزالتين مو وحده"
لينا باوعت عليه بشك عرفت دا اجذب بس غلست
عليها بعدين اگولها
اصيل :الحمدلله ع السلامه ام الول
لارا: الله يسلمك
عمر باوع لبابا وماما وعمه ولينا وابتسم وهم ضحكو واني واصيل نباوع لبعض بأستفهام !!
عمر: يعني عرفتو
بابا: اي عرفنا
اصيل : شنو الموضوع؟
بابا: عل راس السنه نحكيلكم
لارا: باابااا امانه احكي عمر خلاها حسره بگلبي يقول مفاجأه
اصيل : يولي وانا عزام خابرني هم قال نفس السالفه !!
لارا: بربكم شنو الموضوع ليش ما تحكون
بابا: لا تظلين تحوصين ما نحكي لو شتسوين
لارا: اووف يااا
———————ه
مرت الأيام بـ روتين كولش ممل ولحد يوم الأحد يالله داومت وطبعاً العرس ما حظرته لا اني ولا لينا
——————ه
يـوم 2014-12-29
السـاعه 10:30
چنا واگفين اهلي وبيت عمو حسام وعمو ضاري وظافر وهادي وهم اهل سناء وساره چانو ويانا وگفنا كلنا يم باب العماره ننتظر تقسيم السيارات
لشوي انقسمنا
سياره عزام (سالي وجوان ولمى وليان وسما )
سياره اصيل اخذها عمر(عمه سهاد وماما وندى وريم وعمر)
سياره خالد(ام سناء وام ساره ومحمود واحمد (اخوان ساره)
سياره بابا الشياب بيها كلهم
سياره وسام( اني وشلتي و ويانا اصيل)طبعاً بعد ما لزگنا كلنا على بابا حتى يقتنع
چنا متفقين كلنا انو نطلع لحديقه" هواري شار " لأن جانت حديقه عوائل وراها نترك الشياب ونروح بس احنا
بعد هوسه طويله عريضه انطلقت السيارات چانت فررحه ما تنوصف ويا صديقاتي وهم اتفقنا ويا شمس وريام ولورين يجن هناك حتى تكمل الشله
طبعاً كلهم طلعو للحديقه الا احنا ظلينا نفتر ورغم چان الجوو كوووولش بارد
للساعه 11:55 وصلنا للحديقه نزلو وسام واصيل واحنا نمشي وراهم
اجه عمر يمنا
لارا: شنو وينهم البقيه؟
عمر: قريب منا بس اول شي انتظري شغله
لارا: شكو ؟
اصيل والبنات و وسام ابتسمو
لارا: قولولي شكو عاد ؟
عمر: ماكو شي بس امشي
ظلينا نمشي وراها معرف من وراي سد عيوني
لارا: اووووه لينا بعدي ايددك عاد
مشيت كم خطوه واني اتذمر وراها شالو ايدهم ردت احجي بس شلتني الصدمه من الي گدامي
صرخت بأعلى صوتي ودموعي وگعت : حياااااااااااااتي
#Ghufran Alkubaisi
YOU ARE READING
المجنونة وقعت في الحب
ChickLitفتاة في عمـر الصبـا كيف لها ان تدرك تلك الحياة بعد الخذلان....كيف لها ان تعرف من الحقيقة تمرد وخداع ...وكيف لها ان تعرف بأنه لا يريدها.....وكيف لها تعيش في واقع غير واقعها وان تعيش في خيال من نسج القيود ..ولكـن ستجد كل شي في وقته فقـط "كانت صبـورة"
