چانت مسجات من وسام فتحتها بس ما اعرف ليش توترت
"المحادثه"
وسام: هلوو حياتي صباح الخير ..اعذريني چنت نايم البارحه وما گدرت ارد
وسام: لوليتي اعرف اليوم مشغوله ما تگدرين تشوفيني بس باجر بمهر عزام لازم اشوفج اريد اگولج شغله كوولش مهمه
"لما شفت كلمه حياتي ما اعرف شنو هالشعور الغريب الي اجاني بس احس نفسي ملكت الدنيا كلها "
لارا: هلوات ..صباح الأنوار
لارا: لا عادي ..نوم الهنى
لارا: شنو هي الشغله صاير شي وياك
"ورا دقيقتين رد "
وسام: باجر عود اگولج
لارا: شنو صاير؟
وسام: خلص لا يظل بالج باجر تعرفين
لارا: اوك
وسام: شلون چانت الأمتحانات ؟
لارا: الحمدلله جانت سهله
وسام: اي خوش
ظليت احجي ويا وچنت جوعانه فا گمت رحت للمطبخ وحظرت الريوگ ورجعت للصاله البيت چان فاضي بس جوان وريم نايمين ...شكلهم راحو لبيت عمو حسام
ظليت احجي ويا وسام لحد ما دخلو اهلي سلمو و صبّحت على بابا وماما
ماما: ايمتى قعدتي؟
لارا: قبل شوي ما صار زمان
ماما: الساعه 1 الا ربع وما صار زمان ما شبعتي نوم البارحه كلو نايمه واليوم هم
لارا: وحده الا رررربع ، انا بالـ11 قعدت
ماما: زين خواتِك ما قعدم ؟
لارا: لا بعدهم
ماما: شنو ينتظرون وشنو يلحقون يسون لباكر
لارا: والله ما اعرف هسه اقوم اقعدهم
ماما: ماشي
رجعت فتحت الموبايل رديت ع مسجات وسام و ودعته وسديت النت
اخذت المواعين للمطبخ غسلتهن ورجعت گعدت خواتي وناديت لينا وليان ويانا وماما وعمه سهاد طلعو يشترون ملابس الهم وعزام والولد راحو يكملون تجهيزات
ظلينا بهوستنا نجهز للحفله ونرگص ونهوس واني ولينا ولا وگفنا بس نغني چنت فررحانه بشكل ما ينوصف... لحد ما صارت الساعه بالـ 2 ونص انهلكنا وطبعاً ماما وعمه سهاد اول ما رجعن تعشن وفاتن بسابع نومه علمود يلحگن يگعدن الصبح
اما احنا للساعه 3 من التعب كل وحده انشمرت بمكان.. البنات كلهن نامن بالغرفه واني ولينا نمنا بالصاله
•••••••••••••••••••••••ه
لينـا..
گعدت الساعه 8 الا ربع چنت متحمسه كولش رحت سبحت لأن اعرف من يگعدون لو اموت ما اسبح بسرعه
طلعت من الحمام رحت صليت ورجعت گومت لارا من مكانها سحل للحمام
#ضد-العطف
واني رحت للمطبخ اسوي ريوگ بين ما تخلص لارا ...طلعت لارا من الحمام فا اخذ الريوگ للصاله وظليت افتر بالبرامج بالفون انتظرها بين ما تخلص صلاه
خلصت صلاه واجت گعدت يمي
لارا: يلا غردي طول فترة الأمتحانات ما اعرف عنِك اي شي
لينا: ما صار شي مهم
لارا: تحكين لا بالقوري
لينا: والله ما صار شي بس حسين كل ما ارجع من الأمتحان يرسل يسألني شلون جاوبت ويشجعني ويروح
لارا: ما يلح معك بالكلام؟
لينا: لا ابد كلامو معي حييل محترم ما يحسسني اني وحده رخيصه وتحكي مع الرايح والجاي
YOU ARE READING
المجنونة وقعت في الحب
ChickLitفتاة في عمـر الصبـا كيف لها ان تدرك تلك الحياة بعد الخذلان....كيف لها ان تعرف من الحقيقة تمرد وخداع ...وكيف لها ان تعرف بأنه لا يريدها.....وكيف لها تعيش في واقع غير واقعها وان تعيش في خيال من نسج القيود ..ولكـن ستجد كل شي في وقته فقـط "كانت صبـورة"
