ردت اطلع
دخل وسام وسد الباب ورا ظليت ساكته واباوع عليه بخوف وهو نظراته اكلتني اكل حسيت روحي بلا ملابس وكرهت روحي من نظراته
سحبت العبايه بسرعه من الگاع ولفيتها عليه
لارا(بخوف) : وسام اطلع برا شجابك اهنا
وسام:....."لا رد"
لارا: ووووسام
وسام: هااا
لارا: ممكن تطلع برا والله اذا احد يشوفنا هيك الا يقتلوني
وسام: كل عقلج تخافين مني انيي؟→→لا بربك تخاف من خيالك مو منك حشاك انت
لارا: هسه اطلع برا الله يخليك
وسام: لج احجي وياج كلمتين
لارا: احكي بسرعه قبل لا احد يجي
وسام: لا تخافين محد يجي لأن كلهم مالتهن ما ظل شي ويروحون فا محد يفكر يجي اهنا
لارا: اووووك هسه احكي
وسام: باعي لارا اني كم يوم وراح ارجع لبغداد
لارا: اييي؟
وسام: مراح اگدر اجي بس بالعطل
لارا: ليييش وجامعتك مو بكركوك ليش تروح لبغداد؟
وسام: لا اني ادري بجامعه بغداد وما ردت اگولج لأن اني سويت تحميل لكل المواد مال الكورس الأول لأن من اول مره شفتج حبيت اتعرف عليج ومن اجت الدراسه واني عرفتج اكثر تعلقت بيج مگدرت اروح فا حملت المواد و ظليت اهنا بس هسه لازم ارجع علمود اخلص كليه واتقدملج من اسوي تحميل بس نتأخر بالزواج وما استفاد شي
لارا: ليييش ما حكيتلي من البدايه انو جامعتك ببغداد وحتى عمر ما حكى انو انت ما عندك دوام لما يروح ويجي معك
وسام: اني حلفته ما يحجي گدام اهله خفت لا احد يفلت گدامج وطلعت حجه ما اريد احد يلح عليه ارجع اداوم لأن تعبان فا هو صدّگ
لارا (ببچي): وايمتى حتروح
اجا وگف يمي وضمني لحظنه ورفع راسي صارت عيوني بعينه معرف شنو الشعور الي حسيته من خوف وخجل ما عرفت اوصفه ابد
وسام: ووولج لييش البجي لا تخليني اتراجع والله واترك هاي السنه كلها واظل مگابلج
لارا: لا لا خلص سكتت بس ايمتى تروح وايمتى ترجع
وسام: باجر اطلع لأن عندي هواي شغل ببغداد وهم اشوف السكن الي راح اگعد بي
لارا: تروح وترجع بالسلامه
وسام: يسلمج ربي
لارا: اسفه لازم اروح گلت للبنات ما اطول خاف لا احد يجي
وسام: ماشي براحتج
رحت يم الباب سحب العبايه مني
وسام: اذا تطلعين بيها كلهم راح يشكون بيج وع فكره طالعه گمر وربي بس الله يصبرني
حسيت وجهي صار احمر من الخجل بسرعه فتحت الباب وطلعت ركض واني احاول اهدي بروحي
وگفت يم باب القاعه اخذت نفس اكثر من مره ودخلت
البنات كلهم جانو گاعدين على جهه وحده والهوسه بالوسط بس النسوان فا رحت يم البنات چانو كل اثنين دا يحجون والطاوله هووسه رحت گعدت يم سناء
سناء: ليش تأخرتي؟
باوعت عليها بأستغراب ما اعرف شنو قصدها
لارا: كُنت اعدل نفسي
سناء: اهااا وهيج تتأخرين من تعدلين روحج
لارا: سناء شنو هالنبره المستفزه شبيكِ
سناء: مو ناويه تحجين يعني؟
أنت تقرأ
المجنونة وقعت في الحب
ChickLitفتاة في عمـر الصبـا كيف لها ان تدرك تلك الحياة بعد الخذلان....كيف لها ان تعرف من الحقيقة تمرد وخداع ...وكيف لها ان تعرف بأنه لا يريدها.....وكيف لها تعيش في واقع غير واقعها وان تعيش في خيال من نسج القيود ..ولكـن ستجد كل شي في وقته فقـط "كانت صبـورة"
