چنت اكتب لحتى اجاوبه ما حسيت الا الفون انسحب من ايدي..
باوعت جان اخويه اسامه اخذت نفس براحه
لارا: اسامه كم مره اقولك لا تسحب الموبايل جيبوو
اسامه:لولو عفيه تعالي نلعب
لارا: جيب الموبايل هسه اريد اقوم اقرا مالي خلقك
شمر الموبايل عليه
اسامه: الله شمكروهه
لارا: تولي عن وجهي لا اقوم هسه اكفخك ما ظليت بس انت
سوه اصبعه على راسه(بكيفي) ..الأثول حرگ اعصابي زعاطيط اخر زمن والله يربي
رجعت فتحت الموبايل كتبت لوسام ع العكس مو رسميه ويا احد وسديت النت بسرعه
رحت اخذت الكتب وظليت ادرس ..
مرت الـ٣ ايا بسرعه ونفس الروتين
يوم الثلاثاء 2014-12-13 الساعه 4 وربع الفجر ..گعدت على صوت المنبهه ..يبووو بارده تكتل اريد اگوم ما اگدر احس اطرافي جامده من البرد والأنفلونزا موتتني گمت بتثاقل مو طبيعي رحت غسلت وطلعت صليت وقريت قرآءن وظليت بمكاني استغفر لحد ما حسيت انو الشمس بدت تشرق شفت الساعه چانت سته وعشره رحت گعدت جوان وسما وريم واني رحت بدلت وطلعت للبلكونه الهوا چان يضرب بوجهي ورغم البرد كتلني بس ما اريد ادخل اعشق هذا الجو طلعت ريم وگفت يمي
ريم: امشي ادخلي نتريگ
لارا: مو مشتهيه
ريم: امشي بس اشربي شي حار لأن حتى صوتِك ما ينسمع شبيكِ؟
لارا: ما بيه شي بس منشوله وبلاعيمي توجعني
ريم: لا ما بيكِ شي امشي تريگي واخذي دوا قبل لا نروح
لارا: ماشي هسه اجي
ريم: اوك لا تطولين بس لفي شعرِك راح تتمرضين اكثر
لارا: ماشي
ظليت واگفه شوي وفتت جوا لحتى البس الشال واتريگ...
ريــم ...
گعدتني لارا الصبـح چانت الساعه ستـه وعشره گمت بسرعه غسلت وجهي وفرچت وتوضيت وطلعت بسرعه لحتى اصلي گبل لا تطلع الشمس ..خلصت صلاه رحت بدلت ورحت للمطبخ شفت جوان محظره الريوگ ابتسمتلها وطلعت وهي طلعت وراي للصاله انتبهت انو لارا مچانت موجوده رحت للغرفه هم ماكو ردت اطلع شفت باب البلكونه مفتوحه ..طلعت للبلكونه چانت لارا صافنه رحت وگفت يمها حجيت وياها شوي ورجعت للصاله ..گعدت اني وسما وجوان نتريگ بين ما تجي لارا
سما: خايفه من الأنكلش
ريم: لا تخافين ترى سهل وبعدين من ايمتى انتي تخافين درجاتِك ما شاء لله اقل درجه 95 ع شنو الخوف
سما: مدري بس متوتره حيل
طلعت لارا وگالت: يمممممه اسم الله سما تخاف لا ومن شنو من الأنگلش
سما: والله مو ناقصه الأستهزاء مالتك
لارا: منو قال جاي استهزء حبيبتي يمكن اخاف على ريم وجوان ولينا من درجاتهم بس انتي و ليان ما اخاف عليكم ع شنو خايفه معرف
سما: الله كريم
گبل لا تگعد لارا اندگ الباب راحت تفتحه چانو لينا وليان وسناء ابتسمت
لارا: تفضلو
دخلن جوا ..
سناءوليان ولينا: صباح الخير
البنات : صباح الانوار
جوان: فوتم تريگم معنا
لينا: انا وليان تريگنا وجينا
سناء : وانا هم والله
لارا: يطبكم مرض قابل راح اتوسل بيكم
لينا: انكبي وفوتي خلصينا انتي كل سنه يلا تاكلين لقمه
لارا: بلا ما تحكين اكيد راح افوت
لينا: البنيه ناويه مكاونه (عركه) من الصبح
ريم: خلصو عاد
فاتت لارا تريگت ..خلصنا وطلعنا كلنا انتظرنا الباص شوي واجه
صعدت تفاجات بوجود صديقتي سراء رحت يمها
ريم: صبااحوو سروش
سراء: صباح الأنوار حياتي
ريم: اشو بهذا الباص شعجب؟
سراء: مو گتلج انتقلنا من الشقه القديمه
ريم: بعني بهاي المنطقه حلووو صرتي قريبه علينا
ظلينا نحجي لحد ما وصلنا للمدرسه نزلنا من الباص صعدنا اني وسراء للصف والبقيه كل وحده توزعت لصفها
اول ما دخلنا طفرت علينا ايلاف كالعاده چان سلامي ويا ايلاف مثل سلام الزلم بالأنبار ودائماً سراء تستغرب هالشي
سراء: والله نفسي اعرف شنو نوع السلام هذا
ايلاف: امم خل اگولج هاي المره لان حا تظل حسره بگلبج
سراء: يالله الوفه غردي
ايلاف: يمعوده هو هذا السلام سلام الزلم بالأنبار يعني مال هاي الثوله اسلم عليها بطريقه انثويه كولش عيب
ريم: ديلا عاد كلِك انثوثه يا مارلين مونرو
ايلاف: انجبي واحجي بلهجتي تقهريني اني وسراء من تحجون بلهجتكم
ريم: هسه انكبي واطلعي وقومي عن الاستول مالتي شنو لطشتي
گامت ايلاف واني گعدت چانت الاستولات مالتنا جنب بعض اني يم الحايط وبالنص سراء ويمها ايلاف وطبعاً كل يوم المدرسات يفرقونا واحنا نرجع سويه
...نسيت اعرفكم عن ايلاف وسراء
ايلاف : من الأنبار منطقه القائم عمرها 17 وهي وسراء ميلادهم بنفس اليوم
أنت تقرأ
المجنونة وقعت في الحب
ChickLitفتاة في عمـر الصبـا كيف لها ان تدرك تلك الحياة بعد الخذلان....كيف لها ان تعرف من الحقيقة تمرد وخداع ...وكيف لها ان تعرف بأنه لا يريدها.....وكيف لها تعيش في واقع غير واقعها وان تعيش في خيال من نسج القيود ..ولكـن ستجد كل شي في وقته فقـط "كانت صبـورة"
