ما حسيت الا فتح عين وحده
علي: مضيعه شي بوجهي؟
لارا: هاااا اااي اأأأ اقصد لا جيت اقعدك
گام من مكانه وگعد نفس گعدتي وگدامي بالضبط ورفع حاجب
علي: وليش تقطعين بكلامج شنو معجبه بيه
گلت " اي" بدون شعور لأن چنت بعدني صافنه بعيونه
ما صحيت من صفنتي الا على ضحكته
لارا: شبييك؟
علي: لعد طلعتي معجبه بيه
لارا: انطم انطم منو قالك
علي:انتي توني گلتي
لارا: ايمتى حكيت هييييك
علي: همداج يا ثوله
گمت من مكاني وبسرعه گتله يحظر نفسه لأن راح يطلعون هسه وطلعت من الغرفه ركض
چانت الدموع بطارف عيني من الفشله رحت غسلت وجهي واخذت نفس "عاادي اصلاً تحدث في ارقى العوائل"
رحت للغرفه الي بيها البنات عدلت شكلي لبين ما خلصو الكل وطلعنا كلنا واحنا كالعاده ويا اصيل بس هالمره زيد راح ويا ايمن واجت هدى بمكانه
والأغراض نصها صارت بسياره اصيل فا طلعنا كدامهم وهم شغلت اغاني وسويت السياره هوسه
وصلنا للحديقه نزلنا لحتى نشوف مكان مناسب يگعدون بي
فرينا الحديقه كلها واني رجليه راحت من التعب اعرف اذا حجيت واصيل راح يعاندني فا رحت يم علي
لارا(بهمس): علاوووي
علي: عيونه
لارا: يسلمها
علي: ربي يسلمج
لارا: علي بربك هلكنا من المشي احكي مع اصيل حتى نقعد بمكان عاد
علي: وين الرياضيه ام السباقات
لارا: يمعود يا رياضيه يا سباقات هاي بالأبتدائيه هسه عجزنا
علي: ثواني احجي ويا اصيل وارجع اشوف التغيير
لارا: اوك
رجع حجه ويا اصيل وشاف مكان گعدنا بي لحتى من يجون البقيه هم يگعدون اهنا
نزلنا الأغراض للگاع وگعدنا كلنا
علي: اييي لارا شنو تاركه السباقات المدرسيه؟
لارا: بلي اخر سباق شاركات بي بالسادس ابتدائي
علي: ليييش حرامات ولج
لارا: بالمتوسطه استحيت ادخلها
علي: وتتركين شي تحبي علمود العيب ليش ولج
لارا: مدري بعد وهسه اصلاً صرت اتعب بسرعه لياقتي راحت
علي: من باجر راح احجي ويا عمو همام ونشوف مكان اني وياج وزيد علمود ترجعين للركض حتى لو مو علمود السباقات علمود نفسج لأن هوايتج هاي
YOU ARE READING
المجنونة وقعت في الحب
ChickLitفتاة في عمـر الصبـا كيف لها ان تدرك تلك الحياة بعد الخذلان....كيف لها ان تعرف من الحقيقة تمرد وخداع ...وكيف لها ان تعرف بأنه لا يريدها.....وكيف لها تعيش في واقع غير واقعها وان تعيش في خيال من نسج القيود ..ولكـن ستجد كل شي في وقته فقـط "كانت صبـورة"
