هدى : شوفم انا نسيت عماد والله مو هامني هسه الي يهمني عمر
اثنينا باوعنا الها بصدمه
لينا& لارا: شنووووووو
هدى : وجع فضحتوني يا ثولات اللله ياخذكم صوچي احكيلكم
لارا: ولك لينا جاي تسمعين الي اسمعوو
لينا: ايي يولي ما جاي اصدق
گامت هدى زعلت تريد تروح عبالها دا نستهزء بيها
لينا: ولك اقعدي انتي غير ما تعرفين بالسالفه وعن شنو احنا جاي نحكي
رجعت گعدت هدى وظليت تباوع علينا بزعل واحنا بالگوه كاتمين ضحكتنا
هدى: كان فهموني لخاطر الله
لارا: بالليل نروح على شقتنا ونظل سهرانين ونحكي كل شي بالتفصيل
هدى: هسه بابا ما يقبل
لارا : عمو هادي خلي عليه انا اقنعو
هدى: ماشي
ظلينا نحجي بمواضيع ثانيه ومو حاسين بالوكت لحد ما صارت الساعه 12 وربع
گام عمو ضاري استأذن لحتى يروح گامو ويا عمو هادي وعمو ظافر
اني وهدى ولينا چنا گاعدين بالزاويه صارت الصاله هوسه من كلهم گامو.. باوع علينا عمو هادي
عمو هادي: يلا هدى شنو مو ناويه تروحين
هدى: هاا... اي بابا
لارا: عمووو
عمو هادي: عيونو
لارا: يسلمها ..بس ممكن طلب ؟
عمو هادي: طلبك معروف بس لا ما اقدر
لارا: عفيييه عمو الله يخليك بس اليوم نريد نظل سوا بشقتنا عفيه عموو امااانه
عمو هادي: هسه مو نص الأمتحانات ظليتم سوى شعدها اليوم وبعدين مو تعبانين من الأمتحانات
لينا: خالوو عفيه خل نظل بس اليوم سوى امانه خاالوو
عمو هادي: وانا بيه على ملحتكم خليها تظل
رحنا اني ولينا وهدى گمزنا حظنا وهو صار يضحك
عمو هادي: يممه اللواگه مالتكم
لينا: الله يسامحك خالو احنا لوگيات
عمو هادي: خلصوني من لسانك وخل اروح هسه
...يلا جماعه تصبحون على خيير
الكل: وانت من اهله
طلعو عمو خليل وعمو ضاري وظافر وهادي هم وعوائلهم
ظلينا بس احنا گامو بابا وماما استأذنو وطلعو گلتلهم هسه اجي وراكم وطبعاً بديتها ويا عمو هادي لازم اكملها ويا عمه سهاد باوعنا الـ 3 عليها
عمه سهاد: قبل لا تبدون اخذوها وروحم ما بيه على دوختكم
الـ3 :هههههههههههه
راحت لينا بسرعه جابت موبايلها واجت طلعنا ورحنا لشقتنا بابا وماما فاتو ينامون والبنات چانو كل وحده متمدده على چربايتها بس سما ظلت يم ليان
اخذنا فراش وفرشنا بالصاله جنت بعض ورحنا طلعت تراكات النا الـ 3 بدلنا وجبنا حلويات ورجعنا للصاله
باوعنا على هدى
هدى: خييييير ليش تدحقون حكيتلكم الي عندي
لينا: يعني ما ظل شي؟
هدى: لا والله ما ظل
لينا: شوفي هدى
هدى: شنو
تمددت بالگاع وصعدت رجلي ع القنفه وخليتها رجل على رجل وهم كل وحده گاعده بجهه گعده مو مثل البشر
لينا: هدى عمر يحب وحده
هدى ظلت ساكته وتباوع عليه بصدمه وچن تريد مني تبرير ..اني ظليت ساكته ومحافظه على هدوئي
هدى (بدموع): يعني شلون؟
لينا: ما اعرف والله بس ليش اكذب عليكِ هو يحبها مو بس يحبها يموت عليها
هدى(ببجي): لييييش ما حكيتولي من البدايه ليييش خليتوني اتعلق بي بالبدايه عماد اهلي ظلموني من قالولي من الطفوله عماد لهدى وهدى لعماد وتعلقت بي تالي يروح يخطب وحده ثانيه ويقول هدى اعتبرها اخت ما اقدر اعتبرها زوجه وعلى ما نسيتو وحبيت غيرو يطلع هم مو مقسوم الي لييش
أنت تقرأ
المجنونة وقعت في الحب
ChickLitفتاة في عمـر الصبـا كيف لها ان تدرك تلك الحياة بعد الخذلان....كيف لها ان تعرف من الحقيقة تمرد وخداع ...وكيف لها ان تعرف بأنه لا يريدها.....وكيف لها تعيش في واقع غير واقعها وان تعيش في خيال من نسج القيود ..ولكـن ستجد كل شي في وقته فقـط "كانت صبـورة"
