شفت وسام واگف رغم چنت ميته تعب بس ابتسمت بتعب اجا يمي
لارا: ليش واقف اهنا
وسام: چنت انتظرج ليش تأخرتي طمنيني شلون جاوبتي
لارا:الحمدلله سهله
وسام: لعد ليش تأخرتي؟
لارا: انتظرنا البنات بالباص
وسام: اهاا
لارا: انا استأذن
وسام: انتظري شوي شعندج مشتاقلج كولش
لارا: اريد اروح ارتاح تعبانه حيل
وسام: لعد افتحي موبايلج اليوم ومن تفتحين ارسليلي
لارا: اوك
تركته بسرعه وصعدت للشقه ما ردت اّطول خاف لا احد يشك .. دخلت للشقه والبنات داخلين گبلي ..شفت بس ماما گاعده بابا چان طالع سلمت على ماما
ماما: هاا بشريني شلون جاوبتي
لارا: الحمدلله سهله جاوبت
ماما: الحمدلله ..يلا ماما روحي بدلي بين ما اصب الغدى
لارا:ما اريد اريد بس،انام من اول البارحه مو نايمه بس نص ساعه
ماما: يا ماما انا مو قولتلك نامي لا تظلين تقرين
لارا: ردت اخلص الماده هسه اروح انام راسي حيل يوجعني
ماما: روحي ماما
رحت للغرفه غيرت ملابسي علگتها بالكنتور چان الجاگيت الي لبسته من رحت ع المطار واگع بالگاع شلته تذكرت الأسواره أّلي جابه الي علي نسيت وعدي لعلي بأني اظل لابسته طلعته من الجاكيت ولبسته ورحت نمت
•°•°•°•°•°•°•°•°•°•°•°•°•°ه
علـي..
امريـكا - ولايه ميشيغان -لانسنـج
السـاعه 6:12
كالعاده گعدت الفجر صليت وسبحت ولبست تراك للرياضه ..شغلت اذكار الصباح خليت الهيتفون بأذني وطلعت
خلال هاي الفتره چنت مكرس كل وقتي بشغلي احاول اشغـل نفسـي وما افكر
بعد ما رحنا لبريطانيا ظليت ٣ ايام وراها رجعت لأمريكا اول ما وصلت حسيت كل شي يخنگني تفكيري كله يم لارا وما صارت اي دوله تعجبني بعد ما شفت العراق تمنيت لو ظال اهنا وما رجعت وشفت العراق او شايف لارا ع الأقل چنت بعيد ومتحمل بس رجعت وشفتها صرت بكل لحظه اتخيلها بكل مكان واشتاقلها
ظليت اركض لحد ما تعبت رجعت للشقه سبحت ورحت حظرت ريوگ طلعت طاوه دا اسوي بيض تذكرت لارا من وگعت بحظني مجرد ذكراها تخليني ابتسم اووف الله يصبرني وارجع واخطبها وتكون حلال عليه وملكي وحد اله اي كلمه عليها غيري وتصير بحظني بس اني وتحت جناحي اني تظل گدامي طول الوكت وتملي عليه دنيتي بضحكها وخبالها وفرحها وحزنها اااااخ ياربي اصدگ هيج وتصير قسمتي
خلصت الريوگ اخذته للصاله وظليت اكل وافكر بيها
---------ه
لارا...
گعدت الساعه 10 بالليل اصلاً معرف شلون نمت هالوكت كله ورغم اني ما احب انام هواي ومن الساعه 11 الصبح للـ 10 بس من التعب ما حسيت گمت من مكاني چني وحده سكرانه
طلعت للصاله بالگوه فاتحه عيوني چانو اهلي كلهم گاعدين
بابا: صح النوم
لارا: يصح بدنك..ليش ما قعدتوني حيل طولت بالنومه
ماما: صارلك يومين مو نايمه وجسمك يحتاج راحه
لارا: الحمدلله هسه عوضت ..اقول ماما
ماما: ها ماما
لارا: جوعانه
ماما: خليتلك من العشا
لارا: شنو تعشيتم ؟
ماما: كباب
لارا: ماشي اروح اغسل واصلي لأن الفروض كلها ضاعت عليه
ماما&بابا: براحتك
أنت تقرأ
المجنونة وقعت في الحب
ChickLitفتاة في عمـر الصبـا كيف لها ان تدرك تلك الحياة بعد الخذلان....كيف لها ان تعرف من الحقيقة تمرد وخداع ...وكيف لها ان تعرف بأنه لا يريدها.....وكيف لها تعيش في واقع غير واقعها وان تعيش في خيال من نسج القيود ..ولكـن ستجد كل شي في وقته فقـط "كانت صبـورة"
