ကျောင်းတက်တာ တစ်ပတ်ရှိသွားပြီ... ။ ဆက်နှင့်ချမ်း အခုချိန်ထိ ပြန်မတွေ့ဖြစ်သေး ။ ဆက် နေရာတိုင်းကိုသတိထားကြည့်သော်လည်း အခုထိ တစ်ခါမှမတွေ့ရသေးတာ အံ့သြရသည် ။ သူမကို ပြောချင်သည့် မေးချင်သည့် အကြောင်းအရာတွေက တောင်လိုပုံနေ၏ ။
ဒီနေ့တော့ သူမစိတ်ထဲမှာ တွေ့နိုင်မှာပါဟုထင်နေမိသည် ။ မိုးလင်းကတည်းက သူမအကြောင်းကခေါင်းထဲကို အရင်ဝင်လာသည် ။ အိမ်ကလူတွေကိုတော့ ချမ်းနှင့်တွေ့သည်ကိုပြောမပြထား ။ မေမေ့ကိုတော့ တမင်မပြောတာဖြစ်ကာ ဘွားနှင့်ဘကိုတော့ ချမ်းအခြေအနေကဘာမှန်းသေချာမသိရသေး၍ ပြောမထားခြင်းဖြစ်သည် ။
ဆက်စိတ်ထဲမှာတွေးထားတာတစ်ခုရှိသည် ။ ချမ်းနှင့်ဒီတစ်ခါ တွေ့ရလျှင် ဘယ်လိုအခြေအနေမျိုးမှာမဆို သူမသိချင်တာတွေကို မေးမှဖြစ်မည် ။ ချမ်းသူမကို တကယ်မမှတ်မိတာလား ၊ မမှတ်မိချင်ယောင်ဆောင်တာလားဆိုတာကို သဲသဲကွဲကွဲသိရမှဖြစ်မည် ။
ကျောင်းသွားခါနီး ဖုန်းနှင့်နားကြပ်ကလေးကို လွယ်အိတ်ထဲထည့်တော့ ချမ်းနှင့်ဆင်တူဝယ်ထားသော နားကြပ်ပန်းရောင်လေးကို သတိရမိပြန်သည် ။ အကယ်၍များ ချမ်းနှင့်တွေ့ခဲ့လျှင် ထောက်ပြစရာတစ်ခုတိုးစေရန် ဆက် ထိုနားကြပ်လေးကိုယူသွားမည်ဟု စိတ်ကူးမိလိုက်သည် ။
သို့သော်...
" ကျွတ်... ငါဘယ်နားထားမိပါလိမ့်... ''
သူမအား ချမ်းအဆက်အသွယ်မလုပ်သောအချိန် တစ်နှစ်ပြည့်သည့်နေ့က သူမနာကြည်းစွာဖြင့် ထိုနားကြပ်ကလေးကို လုံးဝဆက်မသုံးတော့ဖို့ ဆုံးဖြတ်ခဲ့သည် ။
" ပုံးတစ်ခုခုထဲကို ထည့်လိုက်တယ်လို့တော့ ထင်တာပါဘဲ... ''
ဗီဒိုပေါ် ၊ စာအုပ်စင်ပေါ်တွေမှာ တင်ထားသော ကဒ်ထူပုံးတွေကို ဆက် ဝေ့ဝဲကြည့်လိုက်မိသည် ။
လက်မှာပတ်ထားသော နာရီလေးကိုလည်းတစ်ချက်ကြည့်ရသေး၏ ။ ကျောင်းနောက်ကျလို့ကလည်း မဖြစ် ။ ကိုယ့်ဘာသာကိုယ် သွားတာဆိုလျှင် ကိစ္စမရှိပေမယ့် ဦးတိကျကြီးက အချိန်ကိုက်ရောက်ရောက်လာတတ်လွန်း၍ ။
ကျောင်းပို့ပေးမယ့်လူက စောင့်နေရလျှင် နည်းနည်းအားနာစရာကောင်းသည်မဟုတ်ပါလား ။
