" ဆက်မနိုးသေးဘူးလားမေမေ... ''နေမြင့်သည်ထိ ဘယ်တော့မှမအိပ်တတ်သော ဆက်အကျင့်ကြောင့်ရော... ၊ ကျောင်းဖွင့်ရက်ဖြစ်တာကြောင့်ရော... ခုနစ်နာရီကျော်သည်ထိ မထသေးသော ဆက်သည်ထူးဆန်းနေ၏ ။
" မနိုးသေးဘူးထင်ပါရဲ့ကွယ်... သွားနှိုးလိုက်ဦးသမီး... ကျောင်းနောက်ကျနေဦးမယ်... ''
ဒေါ်မိမိတာ သောက်လက်စကော်ဖီခွက်ကလေးကိုချပြီး ဆက်ရှိရာအိမ်ပေါ်ထပ်ဆီသို့...
" ဆက်ရေ... သမီး ထတော့လေ ခုနစ်နာရီကျော်နေပြီ.... ''
တံခါးကို တဒေါက်ဒေါက်ခေါက်ရင်း နှိုးနေသော်လည်း အထဲကတုန့်ပြန်သံမကြားရ ။ ဖွင့်ကြည့်ပြန်တော့လဲ အထဲက lock ချထားပြန်သည် ။
တစ်ခါမှ ဒီလိုမဖြစ်တတ်တဲ့ကလေးမို့ စိတ်ပူသွားမိ၏ ။
" ဆက်ရေ... သမီး.... ပတ္တမြားဆက်... ''
ဘယ်လိုမှခေါ်မရတော့ ။ ဒေါ်မိမိတာအောက်ကို အမြန်ပြေးဆင်းကာ အပိုဆောင်ထားသော သော့တွေကိုယူသည် ။ အပေါ်ကိုအမြန်ပြန်တက်ရင်း ဆက်ရဲ့အခန်းသော့ကိုလည်း အမောတကောရှာရသေး၏ ။ လှေကားထစ်ဇောင်းနှင့် ခြေသန်းနှင့် တိုက်မိပြီး သွေးတွေထွက်လာတာကိုသိပါသော်လည်း သမီးဇောနှင့်မို့ အရေးမလုပ်မိ ။ အပေါ်ရောက်သွားပြန်တော့ စိတ်လှုပ်ရှားပြီး လက်တွေတုန်နေပြန်သည်မို့ သော့ပေါက်ကတန်းမဝင် ။
နောက်ဆုံး တစ်ချက်အဖွင့်မှာ သော့ပွင့်သွားပြီး တံခါးကိုဖွင့်ဖွင့်ချင်းမြင်လိုက်ရသည်က...
" ဆက်... သမီးလေး..... ''
ကြမ်းပြင်ပေါ်မှာ ပုံပုံလေးလဲကျနေသောသမီးဖြစ်သူကိုမြင်လိုက်ရသောအခါ ဒေါ်မိမ်ိတာအလန့်တကြားအော်လိုက်မိ၏ ။
" ဆက်... သမီးရေ.... သမီး.... ''
ပါးစပ်ကတတွတ်တွတ်အော်ရင်း သူမလေးကိုကောက်ပွေ့ကာ ပါးလေးတွေကိုပုတ်ရင်း နှိုးနေမိသည် ။ ငိုနေတာမဟုတ်ပါဘဲနှင့် မျက်ရည်တွေကစီးကျလျှက်...