قطار العمر

البارت الرابع

قطار العمر
للكاتب غزوان علي
البارت الرابع

موجوعين
            موهسة
من سنين موجوعين...!

قهر جبناها ظيم بظيم
بهاي الدنيا شمسوين.....؟

ميناس ..انت شكعد تسوي
مؤيد .. هااا لا بس ردت اشوف الوقت
ميناس .. يعني البيت كله ساعات متجي تشوف الوقت اله هنا وبليل
مؤيد .. لدوخيني ونامي
ميناس .. خفت منه حيل وعرفت ناويه نيه سوده وراها بيومين اجتني خالتي
حوراء .. تعالي بنتي اكعدي
تفضلي خاله محتاجه شى
اسمعي منوس تعرفين بيه شكد احبج والله شاهد اعتبرج حالج من حال بناتي اذا مواكثر والصراحه حابه تعيشين العمر كله يمي
ميناس .. ياريت خاله بس شون وماما شون تقنعيها

حوراء.. اني اريدج تصيرين جنتي مويد يريدج ويكول بنت خالتي ولحمي ودمي واحسن من الغريبه ويريد يتزوجج
ميناس .. انصدمت بس معرفت شجاوب وخاصه اني ابد محبيته حسيت عينه وصخه وابد موراحه رغم هو حلو واشكر اصلاً شكاره حيل طاغي بس ابد مستلطفته وخفت منه
خاله والله ماافكر بالزواج واعتبر مؤيد اخويه
حوراء .. فكري ياامي والله احطج بعيوني اقلها ويه البنات وتخلصين من ضيم خوله وخبالها
والله لو اكدر جان هسه كتلج موافقه بس والله اني صغيره وماافكر اتزوج ابد
حوراء.. بكيفج مااكدر اجبرج بس هم فكري مخسرانه خساره

وكعدت فكرت مكان المره عشره والنتيجه وحده مااطيقه وهو وراها بيومين راح للبصره ارتاحيت ورجعت اخذ راحتي بالبيت بس من طلع جانت نظراته تتوعد الي مهتميت وبقيت امشي ايامي بهدوء وراها بشهر رد رجع اني هسه صارلي اكثر من ٥ اشهر بيت خالتي بس وجود مؤيد هو الي كاعد يضايقني ومن رجع وراها بكم يوم رجع فتح الموضوع وهم كان ردي نفس الرد بس هو حسيته تخبل كام يتقصد يزعجني ومن يشوفني وحدي يطخ بيه واني اخاف منه
ومره كاعد اسبح شفت اليده مال باب الحمام تريد تنفتح كمزت وصحت منوو منوو قفلته اني اخاف اقفل الحمام بس اسد الباب اكول اخاف اختنك يصير شى اقلها اعيط ويدخلون الي بس من حسيت الباب راد ينفتح قفلته وخليت ملابس على الفتحه الجوه مال الباب حس گلبي مويد وره هاي الحركه وتوالت حرشاته وكمت حتى اخاف انام لان مره واني نايمه حسيت ايد انمدت عليه ويتلمس صدري كمزت جان اشوف مؤيد ورجف
انت شكعد تسوي
انتي ليش رفضتيني
هي كوه مااريدك يعني لو ازوجك لو تتحارش بيه وجان يهجم عليه يريد يبوسني وعطت خاله خاله وهو من عياطي طفر
كعدت ابجي حييل
حنين .. شكوو ولج اجيت اركض من جوه بيج شى
فدوه حنين ابعدي اخوج مني
منو مؤيد شبيه
جان هنا بالغرفه وراد يتعدى عليه
حنين .. مستحيل منوس اخويه عاقل والعيبه متطلع منه وشون يتحارش وانتي عرضه وراد يخطبج
والله تحارش حتى لزم صدري وكمت ابجي بقوه

حنين .. اششش اسكتي هسه اكول لماما ومااخلي يوصلج
حسيت من نظرات حنين وخالتي ممصدكيني لان يعرفون بيه هادئ بس هو من جوه لجوه حقير وعيونه قذره وتوالت حرشاته وكام يحاسبني على كولشي
بده يشد وياي ويحاسب ويحارب على لبسي  وعلى شعري وعلى كولشي كتله انت متحكمني لا اخويه ولا مسؤل عني مالك حق تتحكم بيه كلي ابن خالتج بوقتها استفزني بلكلام وغلطت عليه كتله لتخليني مثل مسحلت نقيب مرتضى  اسحلك كال ها طالعه عينج كتله والله بكيفي بقه يتوعد كال سهله ميناس كتله سهله
خفت ليسوي شى ويكسرني