قطار العمر

البارت السادس

قطار العمر
للكاتب غزوان علي
البارت السادس

فارس .. ركضت وشفت جيرانه الي بالفرع تقريباً مقابيل بيتنا لازم سلاح ويعيط اني مااعرفه معرفه شخصيه بس الولد هادئ ورزن وعلى كد السلام بينا
شكوو حمزه شبيك تعيط ومااشوفه غير يلزمني من ياخه القميص

شبيك تخبلت
حمزه .. انت شون تتجرأ وتتحارش بأختي شعبالك ماوراها زلم
فارس .. اختك منو خلي افتهم عوفني
حمزه .. اليوم اخلي دمك بطولك
وجان يسحب طلقه ويريد يضربني وصار عياط والدنيا نگلبت وكف مقابيله ابويه الي رباني  ابني فهمنا وعلى كيفك وتعوذ من الشيطان
حمزه .. وخر حجي منا اليوم هذا ماابقي عايش هم داعم اختي وهم متحارش بيها
فارس .. هنا طخت عندي هذا اخو نور
اوكف حمزه انت مفتهم غلط
حمزه .. لا غلط ولا شى الي يلمس شعره من اختي احركه واحرك اهله
عمامي تصايحوا وناس لزمت ناس هسه غير افهمه ماكو تالي ركضو ولد عمي همه هم بالامن جانو وراد يصير بحر دم
تالي وكفت كبالهم

اوكفوا شبيكم صدوك كذب خلي افهمك
اخويه بس خلي الزفه تروح يعني تراضاها اختي واكفه بدلة عرسها وبالشارع وهاي الفضيحه كبال عيالها واحنا جيران اقلها حق الجار على الجار
حمزه .. مكلت لنفس قبل متتحارش بنات الناس وراعيت الجيره
فارس .. الي تريده يجرالك بس خلي الزفه تروح وحاظر اني
سكت ورحت تقربت من ميناس وشفتها طالعه تخبل وعيونها كلها دموع لزمتها وكتلها
لتنسين اني حزام ظهرج وشوكت متريديني بس اشري تلكيني يمج

ميناس .. جنت كولش خايفه عليه من هذا الولد وصارت هوسه ومن فضت كلت لو طلقه تايهه طالعه وكاتله عمار ومخلصتني مجان انتهى عذابي وتقرب فارس وعيونه كلها الم ومن كلي حزام ظهرج بجيت
وجان يبوسني من راسي وجرني عمار وصعدني للسياره

فارس .. تفضل بيتنا وخلي نتفاهم كافي فضايح
حمزه .. فوكاها بيتكم
فارس .. يابه بيتكم بيتنا ماكو فرق امشي ورحت لبيتهم ويايه ابويه الي رباني وابن عم ابويه ولده اثنين طبينا وتعذرت منه كدامهم بس محجيت على نور هو بقى شايط ويعيط ويتوعد الي عرفته هو ضابط استخبارات يداوم بالشعبه الخامسه والدنيا متشيله ونافخ نفسه كتله

شوف حمزه اني مااعرفك والي بينا السلام وبس ويشهد الله مجنت اعرف بيها اختك ومتحارشت بس صار موقف وكتله على الدعمه بس مكتله شون اتجاوزت اخته وصار عبالك الحق الها من شفت رجع يعيط ومينطي مجال ودخل اخوه الجبير وبدخوله شبه هدء الوضع وخاصه من فهمته بس حمزه يفور وساكت
زين من رخصت الاخوه وعمامي اريدك كلمه على صفحه
طلعنا بالحديقة
شوف حمزه اختك تجاوزت عليه وحجيتله كولشي بالتفصيل
حمزه .. مستحيل اختي متتجاوز
اعتقد لو انت بمكاني مو تلزمها وتلوي ايدها يمكن تفرغ السلاح براسها اني ماشي بطريقي وهي اعترضتني واتحارشت
بداً يهدأ وكال اروح اصيحها وافتهم منها
لتصيحها هسه انت اخوها واكعد وياها وحدك مااريد تنحرج كدام عمامي ولا كدامي واذا نكرت اني محقوق الك وتدلل
سكت اخوها وحسيته صدكني ورجعنا دخلنا وكدام الكل كلت اني اعتذر واحسبوها عليه
حمزه .. مصار شى سوء تفاهم واني هم اعتذر لان اعترضت زفة اختك