قطار العمر

البارت الرابع والاربعون

قطار العمر
البارت الرابع والاربعون
للكاتب غزوان علي

وبيوم جنت بلصالون الي يوم يشتغل وعشر ماكو شغل رجعت الظهر ماكو زبائن دخلت للبيت لكيت سيف وملاك محضرين جنط ومنتظريني وجنط هوايه مال واحد يطلع ميرجع
فتحت عيووني ومصدومه وين رايحين
سيف .. رايحين لبيت عمو سالم
ميناس.. وليش هلكد ماخذين جنط وياكم
سيف .. ماما لتزعلين احنه كبرنه راح اخذ ملاك  وارجع يم عمامي المنطقه اللي سكناها شعبيه ومشاكلها هواي خليني ارجع ويه عمامي يصير ميصير  عمي سالم موجود سندي اني بس هل وحيد
ميناس.. وتعوفوني
سيف .. عمو ريسان يمج واحنا مرايحين مهاجرين تكدرين بأي وقت تجين تزورينا
ميناس.. ولك سيف شون ابقى بلياكم انت من كل عقلك
ملاك .. احسن ماما حتى هم نخفف عنكم
ميناس.. ومنو شكالكم
سيف .. بدون محد يشكي البيت صغير وفاطمه وعلي هسه هنا ومنعرف شوكت يرحون وحتى اذا راحو اكيد راح يبقون يترددون على ابوهم وهذا حقهم واني اخاف على اختي على ولد شاب وميصير هو وملاك بيت واحد وفوكاها البيت صغير وناس بوجهه ناس ٢٤ ساعه وهم حتى وضعكم يتحسن
ميناس.. ليش علي سوه شى موزين
سيف .. لا بلعكس خوش ولد وحباب بس اني اخاف على اختي والولد غريب عليها ماانتظر يصير شى وبعدها يله اقرر الوضع بلبيت والمنطقه تعبان يوم وهذا اسلم قرار حتى الكل يرتاح

احنا مو صغار بس نريد تفرغيلنا واحد من المشتملات نكعد بيه وياريت الي على جهه بيت عمو سالم حتى افتح الباب القديم البنيتي الموجود بلحديقه حتى يكدرون يدخلون وكت ميردون
ميناس.. حطيت ايدي على وجهي وكمت ابجي شون اعوفهم يرحون حضنوني حيل ويبوسون بيه
ملاك .. لتبجين فدوه ماما
ميناس.. شون ماابجي واني اشوف جهالي بعدهم صغار وراح يعوفوني ويعيشون وحدهم
سيف .. والله ماما احسن النا. وراسنا بارد بنص عمامي وياريت تجون انتم هم اكعدو بواحد من المشتملات
ميناس.. عمكم ميقبل شكد كتله
سيف .. حاولي تقنعي واذا مقتنع احنا قريبين منج شوكت متردينا يمج
ميناس.. عمك سالم يدري
سيف .. اي وكيف على الموضوع وشجعني اكثر لتبجين فدوه يوم وخلينا نفوت بفالنا والله احسن للكل
ميناس.. مسحت دموعي حسيتهم ممرتاحين هنا واله مستحيل يعوفوني
كتله ماما ابكيفك فرغنه مشتمل من المشتملات وكعد بي هو وملاك
بيومها حتى ريسان تخبل لان عافونه بس فهمته الوضع وسكت
كاعده واليوم اول يوم يعوفوني وحدي
ريسان .. شبيه حبيبي
ميناس.. گلبي نار عليهم
ريسان .. مو خابرتي عليهم وضعهم زين وخابرتي عمهم
ميناس.. اي بس مو بيدي همه دوم بحضني
ريسان .. حاجيت سيف وحاولت افهمه يبقى بس هو قافل وناهي الموضوع
اني اعرف جيه فاطمه وعلي هوايه خربطت امور بس على ايدج هاي امهم گلبه سنين اتوسل بيها يرجعون لحضني ومقبلت وكت ماضاق الحال رجعتهم حتى تخربط كولشي
ميناس.. اعرف بيها الخباثه بدمها همه هم مالهم ذنب الله بلاهم بأم حقيره
ريسان .. لتبجين كافي حيل كعد اتعب من اشوفج هيج تعبانه ومابيدي شى اغيره الدنيا افترت بيها ويوم بعد يوم كعد تضيق
ميناس.. مسحت دموعي ولزمت ايده وكتله
فدوه ريسان احنا محد طيح حظنا غير الايجارات خلي نكعد بواحد من المشتملات واحسن ماهاي الفلوس تروح ايجار تصير مصرف النا نفض ايدي وكف على حيله
ريسان ..رجعنا يعني متعبتي صار سنه كامله نفس الموضوع واني كل مره اكولج لا وترجعين تفتحين الموضوع
ميناس.. شسوي غير من الوضع الطايح حظه اريداغير واقعنا
ريسان .. كم مره كتلج شون تقبليها اعيش بيت طليقج وين اودي وجهي من الناس شيكولون كاعد بيت طليقها وفوكاها اهله بنفس المنطقه شنو كرن
ميناس.. وشعلينا بلناس
ريسان .. شون شعلينا هو لو ما الناس وحجيهم مجان عفنا زيونه وطاح حظنا صار سنه ونص متبهذلين من وره سوايه اختج وفضيحتها النا ولو ممهتمين لكلام الناس مجان صار هذا حالنا سدي الموضوع نهائياً لتفتحي
ميناس.. ماشي وسكتت وهو نزل يم جهاله وبقيت افتر بلبيت وروحي مخنوكه لزمت التلفون ودكيت على رشا
هلو رشاوي شونج
رشا .. هلو منوس الحمدلله شبيه صوتج شو مو طبيعي
ميناس.. تعبانه وحيلي مهدود على جهالي
رشا .. شكو عليهم ياعيني قبل شويه اجينا منهم وحالهم عال العال بس انتي تخافين زياده
ميناس.. شون ما اخاف وهمه بعيدين عني
رشا .. وليش متجين تعيشين هنا عندج عدا الاخذوه جهالج ٣ مشتملات اكعدي بواحد منهم
ميناس.. هسه جنت احجي ويه ريسان وقافل كولش صارسنه اتوسل بيه
رشا .. وفلوس الايجارات شجنتي تسوين بيهم
ميناس.. والله كله على سيف وملاك مردتهم يحسون بعازه انتي تعرفين مصاريفهم هوايه وخاصه ملوكه بس المدرسين الخصوصين بذاك الحساب جنت اضم الايجارات بس الهم وكل هذا وميكفي
رشا .. وليش هلمدرسين
ميناس.. تعرفين بيه ممكمله دراسه وما اعرف اقريها دروسهم صعبه والمناهج صعبه كولش وهي شاطره بس هم تحتاج احد يساعدهاخاصه الانكليزي والرياضيات بس ذوله المدرسين بذاك الحساب غير اريد يكملون دراستهم واشوفهم احسن الناس
رشا .. والله ميناس مو كدامج بس سيف وملاك احسن تربيه مربتهم
ميناس.. فدوه لگلبج لهذا مردت يتإثرون بلي صار خصصت الهم الايجارات مصرف وهسه هم اتفقت ويه سيف هو بعد يستلم الايجارويبقى مصرف اله ولأخته وسالم عينه عليهم وانتي فدوه ما اوصيج همه هم مثل جهالج
رشا .. ولج عيب عليج هيج تحجين بدون متوصين بعيوني همه
ميناس.. سالمه عيونج اروح هسه وسلميلي على رجلج
رشا .. يوصل گلبي
ميناس.. نزلت اسوي عشا جانت فاطمه كاعده بس شافتني اجت تساعدني
فاطمه .. خاله
ميناس.. ها عيني
فاطمه .. سيف وملاك من ورانا راحو
ميناس.. جنت اكشر بتيته ذبيت السجينه وباوعت عليها ليش حبيبتي هيج تكولين
فاطمه .. لان من احنا اجينا راحو
ميناس.. لا حبيبتي صدفت ليضل بالج همه من الاول عاجبهم يرحون
فاطمه .. بس لتبجين عفيه انقهر من اشوفج هيج
ميناس.. حضنتها حسيتها مثل ملوكه تموت قهر من تشوفني ابجي وبستها لتضوجين واسم الله عليج من القهر بعد ماابجي يله ساعديني حتى نكمل عشا تأخرنا