قطار العمر

البارت العاشر

قطار العمر
للكاتب غزوان علي
البارت العاشر

كلش اوووف
بس يا اوووف
عشگناهم عشگ لا مر ولا مشيوف
چان الليل يگضي بحسرة الملهوف
ألف ياحيف ...
لا مره حسبنه احساب للفرگه
ولا دغدغ گلبنه الخوف💔

نور .. مر شهرين على الحادثه وطول هاي الفتره هدوءبس محد يحجي ويايه حتى امي صارت ضدي وخاصه من عرفت اختها تعرف ام منذر هذا السخيف حاجيلها كولشي واجتي بحجه تواسي امي بس اعرف بيها متشمته بس اني شسويت حبيت والي حبيته طلع رجال وكد كلمته وخلال شهرين ثلاث مرات اتقدملي وهمه رفضو لحد الان حتى موضوع الكليه محجو بيها ولا قدمولي على الانسيابيه واني ساكته الي جان مصبرني وجود نبأ ويايه ودوم تحاول تضحكني وتغير جو ويايه بس اني قلبي نار اشتاقيت حيل لفارس

حمزة .. تعال منذر عندي شغله وياك
منذر .. خير اخويه كول
حمزة .. مااعرف شون افتح الموضوع وياك بس لازم ننهي هذا الموضوع
منذر .. غير افتهم شكو احجي اول تالي هيج احسك مستحي مني ومتردد
حمزة .. الصراحه الموضوع يخص نور انت بعدك تريدها
منذر .. اكيد اريدها
حمزة .. اذا تريدها بعدك تعال اخطبها واتزوج بأسرع وقت
منذر .. ليش صاير شى
حمزة .. انت موغريب ابن خالتها وهي عرضك هذا السخيف يوميه جايب ناس علينا والدي كام يستحي وكال هلمره اذا جاب ناس انطيها واخلص صار اسمنا على كل لسان اني من سمعت هيج تخبلت وكتله هي تعتبر خطيبه منذر بس ابويه كال منذر مااجه بشكل رسمي وخطبها واله لو خاطبها جان كلنه للعالم البنيه مخطوبه وحتى ذاك يكطع رجله من عدنا وحسيت ابويه مل من الوضع ويمكن هلمره اذا فارس اجه وخطب ينطيها واني لو اموت مااخلي يلمس شعره من نور لهذا اجيتك اذا الك نيه وبعدك شاريها كولي

منذر .. انت من كل عقلك اخليها تروح لهذا السافل اصلاً اني ضامله ضميمه تخبل جنت اخطط الها لعبالك اني نسيت الي سواه وعبرت الشغله بس ردت الوضع يهدأ حتى اعرف شون اربي لهذا السافل
شوف حمزه باجر جايب اهلي وجاي واخطب نور وبعد مااتزوجها لازم نصفي لفارس مستحيل نبقي بدون عقاب
حمزة .. هههههه بدون عقاب كول شون راح تكطع من لحمه بيا طريقة اني الي وكفني ناصر كلي اسكت هسه لان اذا صار عليه شى احتمال اهله يذبوها براسنا ويشوهون سمعه نور لهذا ساكتين مؤقتا
منذر .. الي عندي كلته احسب حسابك وبلغ خالتي باجر يمكم

نور .. سمعت الجرس دك وهوسه وحجي وسمعت صوت الارعن منذر شكد اكرهه عرفت بيت خالتي هنا شكد مكروهين وره ساعتين انفتحت الباب حمزه وابويه
وكفت على حيلي تفاجأت صار مده مداخلين عليه
اسمعي بنتي قرينا فاتحتج على ابن خالتج منذر والخميس الخطوبه ونهايه الشهر الزواج
نور .. هنا افترت الدنيا وكعت محسيت غير اني بحضن نبأ وماما وحمزه واكف بعيد
يمه بنتي كاعد اتسمعيني احجي نور
نور .. هنا التزمت الصمت لان اعرف شمراح احجي او اسوي مراح يرحموني وبس الكتل احصله كمت على كيف وسندتني نبأ وتمدتت على الجربايه وغطيت حتى راسي مااريد اسمع احد او اشوف اي احد