قطار العمر

البارت الرابع والثلاثون

قطار العمر
البارت الرابع والثلاثون
للكاتب غزوان علي

ريسان .. باوعت اكو شباب بعد الربيعي واشكال شباب بيه شطت لله نار وذبو بانزين عليها كتلها سدي الباب
ميناس.. هااا اني مصدومه من تصرفاته
ريسان .. كتلج سدي الباب واصعدي
ميناس.. مااصعد وروح ماارجع وياك ردت انزل فتحت الباب عاط بيه حيل
ريسان .. ميناس سدي الباب لتصير موزينه وياج
ميناس.. اول مره يكولي ميناس كله ام سيف شكله وصوته جان مرعب صدوك خفت منه والقوه الي كنت بيها اختفت مجرد معاط بيه
صعدت وسديت الباب بس اني بارود اريد اطك عليه فر السياره واني الطريق كله دايره وجهي ودمعتي بعيني
ريسان .. من صعدت وره مهدأت كلت اني شسويت شجاني على اي اساس احجي هيج وياها درت المرايه عليها شفت ايده تفرك ايد بأيد من الاعصاب
وصلنا للبيت نزلت وركعت الباب وراها وطبت بقيت واكف وصافن على كل الي صار اني شون اتصرف هيج وياها شون راح افهمها اكيد بعد متصعد ويايه اكيد رجعت واني الطريق كله افكر دك تلفوني باوعت جرادة هسه وكتك
الوو
حيدر .. هاا ولك شوكت تجي
ريسان .. خير شصار تعرف بيه ماارجع هيج وكت اطلع بلنظيف من الاخير شكو
كام يحجي على كيف مااسمع وعطت بيه
ولك وجع علي صوتك كولشي مااسمع
حيدر .. ابوك يمي ويريد يعرف شوكت تجي وهو گلي خابر وتورطت من اشتعل عمك مجيد على هاي السالفه
ريسان .. اهوو شبيه ابويه وراه مصيبه واني الله شايفه بعيني هسه وطاكه روحي للستار شيريد مني
حيدر .. من الاخير عمك مجيد هنا وبنته جابها واجه ودينتظروك
ريسان .. من احترك عمي هو وبته الگلبه بت الگلب هاي ماعدها گرامه لك شوكت الله يخلصني منهم مو طكت مرارتي منهم يعني الله كاتبهم اليه بلدنيا حتى يطيح حظي
حيدر .. شبيك تعيط على كيفك وضعك موتمام
ريسان .. هو شوكت جان وضعي تمام شوكت اني تعدلت اموري شو كلها عوجه يوم متخبلت وتزوجت بت الزفره حوراء اكولهم مااريدها مااريدها اله اذبحها كدامهم يله يجوزون
حيدر .. تعال هسه وتفاهم على كيفك وياهم
ريسان .. مااجي وكول لأبويه ريسان مات طكت على سياره وتفحم
حيدر .. خوش والفاتحه وين حتى نجي ناخذ من خاطرك ولتنسى اريد بلثالث سمج لعبت روحنا من اللحم والتمن
ريسان .. تستهزأ حضرت جنابك

حيدر .. امشي لك عود هو عبصي دتعال قبل ما الحجي يسحلك من ياختك ويفخخك
هو بيده تعرف من تطبك عندي جفي الشر وتعال
ريسان .. اذا اجي تصير موزينه حيدر اني ادري بروحي
حيدر .. ماطول كلت حيدر مو جراده معناها اكو مصيبه وراك شكو ولك شمصخم
ريسان .. اووف بعدين احجيلك
حيدر .. واني شيصبرني لحد متجي
ريسان .. خلي نلتقي يم محل حجي كريم تعال هناك ولتخلي احد يشوفك واذا سألوك كلهم ميجي اليوم اخذ كروه للنجف وراج يبات بلكبور
حيدر .. هههههه اكولهم راح يحضر گبر مجيد وبته
ريسان .. يله انتظرك

ميناس.. رجعت ضايجه حيل طبيت شافتني عبير
عبير.. ها شو رجعتي من وكت هستوج طلعتي شرجعج
ميناس.. مردت تعرف حتى لتفتح سين وجيم ويايه شيسكتها بعد
هاا لا مو حسيت بألم بظهر وراس راح يطك فجأه يمكن ضغطي صعد
عبير.. اخذي برايستول هسه تصيرين زينه ولو شكلج مو مال ضغط صار شى ومتحجي
ميناس.. قابل شيصير
عبير.. هو اني اسألج لترجعين الجواب بسؤال
ميناس.. فدوه عبير مالي حيل لبشر عوفيني
عبير.. اكولج انمار خابرني
ميناس.. ياستار شكو شيريد
عبير.. هااا اخوج وتكولين ياستار
ميناس.. فضينا شيريد
عبير.. يكول هذا الشهر مااكدر ادزلكم ماعندي
ميناس.. هو شنو ما عنده قابل من جيبه غير الايجارات وتتوزع علينا
عبير.. اني شعليه ذاك اخوج وروحي احجي وياه اني شكو
ميناس.. جانت روحي بخشمي ومالي خلك للكلام عفتها وصعدت اول مدخلت غرفتي رحت للمرايه باوعت بشكلي تمعنت شبيه وشنو الي خله ريسان يتخبل زين هو شعليه حتى لو اكون مصلخه ابن عمي ابن خالي بعد مااصعد وياه لو بس هو تكسي بلعراق لو اعرف اروح واجي مشي شايف نفسه هذا صوجي اني احترمه وتماده بس هو مصدر منه اي شي طول هاي الاشهر شمعنه هسه
اوف اني ناقصني وجع راس هلمره عليه ريسان
شربت مسكن ومن التفكير وحركه الاعصاب الي صارتلي نمت بحيث لثاني يوم كعدت على بوسه ملاك تبوسني من خدي حتى تروح للدوام طفرت
صباح الخير ماماتي
ميناس.. صباح النور ياعيون ماماتج ساعه بيش وشو مبدله
ملاك .. ساعه ٨ الا ثلث وعمو ريسان بره دك هورن شفتج مكعدتي كلت ابوسج واروح لان تأخرت
ميناس.. حيل هلكد نمت وسيوفي اخوج
ملاك .. نايم البارحه راجع من المواد شويه ونام من وكت وكال الصبح اكعد اقرا
ميناس.. وانتي قريتي الدروس مالتج
ملاك .. اي وعندي املاء اليوم
ميناس.. روحي حبيبتي لتتأخرين
ملاك بلثالث ابتدائي وسيوفي بكلوريا سادس وكاعد عنده عطله المراجعه
كعدت متكسره وتذكرت صخمان ريسان همزين اجه علمود الجهال واله منين الكه خط الهم بهذا الوكت من السنه ومبقى شى على الامتحانات
نزلت لكيت عبير تحضر الريوك
عبير.. ها يمعوده شنو هذا النوم اهل الكهف مو مثلج
ميناس.. اكيد مو مثلي لان بقو اكثر واذا نمت ميصير
عبير.. لا ليش عيني ميصير شعندج قابل هم غم
ميناس.. فدوه اسكتي الي يسمعج يكول مسعده وبيتي على الشط
عبير.. صدوك اليوم ماما عازمتنا
ميناس.. خير شكو وشعجب اخاف عازمتج بس الج
عبير.. لا اثنينا ونور مرت فارس
ميناس.. اكو شى من وره هذا الاجتماع امج مو خاليه
عبير.. نروح ونشوف
ريسان .. وصلت للمنطقه قريب بيتنا بس مدخلت دكيت على جراده يجي يركض خرب شكله من بعيد يضحك طويل وضعيف ورجله ضعاف يشبه الجراده صعد يلهث ويصيح ولك افلت ليشوفنه الحجي ويسوينا تكه
ريسان .. شحطت السياره وطلعنا طول الطريق ساكت وهو ميحجي يخاف يحجي واعيط بيه وصلنا جسر الجادريه طبكت عليه وطفيت السياره
حيدر ..انطيني جكاره
انطيته
ورثها اليه
ورثتها
سولف اسمعك
ريسان .. من يوم مشفتها عجبتني ودخلت دماغي بس الي جان مانعني اكول متزوجه وعيب عليه اباوع على عرض غيري
حيدر .. هوب هوب هاي منو
ريسان .. ميناس
حيدر .. ياهي
ريسان .. وجع ام سيف الي اوصلها ماخذها خط ام زيونه
حيدر .. ها الحاته شبيهه
ريسان .. طلعت مطلكه
حيدر .. وشوكت عرفت
ريسان .. بحدود الشهر اختها كالت ومن يومها واني مصموط جد جدي
حيدر .. وشنو الصار
ريسان .. وسولفت الموقف كله
وهذا كام يطك اصبعتين
حيدر .. ها ولك وكعت صادوك وانت النچر ريسان .. هي بقه بيها نچر هسه شون اصلح الموقف بما ان انت مثقف اسم الله وتفتهم ولو اشك بس حيل دايخ
حيدر .. اني لو منها بس اشوفك اتفل بوجهك واكولك انت منو صخم وجهك وگلك لتتحكم بيه وتحاسبني
ريسان .. عود انت حليتها
حيدر .. انت هسه وكتك صرت عنتر بن شداد وعيطت صعدي وصعدي تكول صاعده على جبل عرفه المره لا بينك وبينها اي كلام غير السلام غير شوي شوي تتقرب منها من بدايتها امر ونهي وحساب والله هاي البنيه عاقله لو منها اخ هي مو كاعده وراك اجرك من شعرك واركع راسك بلستيرن واغمك امداك ثلث مرات وانزل
ريسان .. ولك شو انت متستحي انت ويايه عليه
حيدر .. ويه الحق ولك لو تحجي سالفتك لمخبل يكولك هبوو هبي
ريسان .. هبو هبي شنو هلمره
حيدر .. يعني من طيح الله حظك على هلسالفه الطايح حظهه