قطار العمر

البارت الثاني والاربعون

قطار العمر
البارت الثاني والاربعون
للكاتب غزوان علي

گولوله العشگ ذمة .....
وگولوله العيون شما تشوف تريد
بس تنترس م̷ـــِْن تعمه
وگولوله تره اليعشگ صدك ميموت 💔
بس يموت لمن ينذبح حلمه 😔

كملنا الدفنه ورجعنا واحنا بطريق الرجعه حاضنتها وتبجي بله شكول الها هسه هي بيا حال وصلنا لبيتهم جان اشوف سياره سالم وهو واكف يمها ينتظرنا وجان تشوفه ولاء من بعيد
ولاء .. هذا شجابه انتي كلتيله
ميناس.. لا والله بس هو خابر ويعيط مدري منين سامع
ولاء .. عفيه خلي يروح لتصيرلي مشاكل مناقصني اني هسه بيا حال
ميناس.. ماشي گلبي امشي ننزل واني احجي وياه
فاتت من يمه مدنجه صاح ولاء مجاوبته ولا رفعت راسها وطبت للبيت
ميناس.. انت شجابك متكولي
سالم .. بالي يمها وگلبي نار عليها
ميناس.. ميصير سالم هسه راح يجون اهل ابويه من كل مكان مجان احد يدري بوفاته وبلطريق بلغنا الكل وكلها ساعه والدنيا راح تنگلب هنا استر على البنيه وروح
سالم .. بس اطمن عليها
ميناس.. شفتها شون مكسوره وحالها التعبان يعني هسه لو الدنيا تنگلب متحاجيك لهذا روح ياعيني وبعدين نتخابر واطمنك عليها
سالم .. رايح بس اي شى يصير خابريني
ميناس.. ماشي
انداريت لكيت ريسان عيونه براسه ويهز برجله ياستار شبيه
هاا حبيبي شو مو على بعضك
ريسان .. شعنده سالم هنا وليش ركضتي عليه
ميناس.. موضوع طويل بس تفض الفاتحه احجيلك كولشي
ريسان .. واني انتظر لحد متخلص عم الجهال وكلنا ميخالف مرات ترحين يمهم واكول هم لخاطر جهالج بس جيته هنا وبهذاالتوقيت بلذات شنو معناه
ميناس.. حسيت بكلامه اتهام مو مريح
ميناس.. بلمختصر مجاي عليه جاي على ولاء
ريسان .. بت عمج ليش
ميناس.. يحبها
ريسان .. هو مو متزوج
ميناس.. موضوع طويل بعدين نسولف بيه خلي اروح للبنيه وحدها اكيد البيت يرادله ترتيب
ريسان .. اني رايح لبيت اهلي هناك ابات واجيج الصبح
ميناس.. ماشي انتبه على نفسك حبيبي
ريسان .. لتعبين نفسج
ميناس.. صار وراها راح وطبيت ركض لولاء لكيت موجود عمات بابا ٣ وبنات عمه ٧ والجيران وهي خطيه حاضنه امها وتبجي

بعدها بساعتين اجتي ماما وعبير ورنيم
حضنت رنيم مشتاقه حيل الها وسلمت على عبير اما ماما سلمت من وره خشمها بس كلت هلو ماما شونج جان تجاوبني هلو ودارت وجهه وراحت تاخذ خاطر ولاء وامها
اني هم عفتها خليها صوجي سلمت اصلاً
بقينا طول الفاتحه اتجنبها ولا گان امي
التهيت اشتغل واساعد بلمطبخ ويه البنات

يومين الفاتحه وهي ماسكتت دموعها متوقعت هلكد تحب ابوها بعد السواه بيها
تخيلت لو خوله ميته راح انهار هيج عليها صفنت واحساسي بارد جداً رغم هي امي بس ام بالاسم وبس اني گلبي صار حجر لو اتخيل صار قاسي
بليل اتصل سالم جاوبته
سالم .. شونج
ميناس.. الحمدلله
سالم .. طمنيني عليها
ميناس.. تبجي ومنهاره
سالم .. واني فرحان لو بيدي اركص
ميناس.. صخام اكو واحد يركص لان مات شخص
سالم .. مرمرني خله حياتي جحيم ولج حتى لساني مااكدر انطق كلمه الله يرحمه والمسبه واكفه على طرف لساني
ميناس.. ميجوز على الميت غير الرحمه
سالم .. اي واذكرو محاسن موتاكم موو
ميناس.. اي اكيد
سالم .. اكيد بعينج اذا هو مرحمني ودمرني وراح ياخذ حياتي مني ويامحاسن اذكرها وهو شكو شغله طايح حظها سواها بيه
ميناس.. سالم البيت هوسه يمي شتريد هسه
سالم .. بس ردت اطمن عليها والي عتاب وياج صار مده من راجعه وماادري
ميناس.. هي طلبت هيج وتعال انت بيا عين تعاتبني نسيت نفسك متزوج وعندك ٣ برگبتك
سالم .. لا منسيت ولا راح انسى بس ولاء هم متصير لغيري
ميناس.. هسه هي بيا حال عوفها خطيه كافي هم امها برگبتها
سالم .. اشيلها هي وامها على راسي بس خلي تصير مرتي
ميناس.. شنو ورشا
سالم .. شبيهه
ميناس.. شنو شبيهه غير زوجتك والها حق عليك
سالم .. عفيه حق عليه واني ممقصر بحقها ولا راح اقصر واني اكدر افتح ٤ بيوت مو بيتين لهذا اتزوج ولاء وهي بمكان ورشا تبقى بيتها معززه مكرمه