قطار العمر

البارت الواحد والاربعون

قطار العمر
البارت الواحد والاربعون
للكاتب غزوان علي
بارت طويل لاحلى المتابعين

وره ٥ ايام بديت افكر شلبس وشحط اريد اطلع احلى وحده ومخبوصه بلبيت اندكت الباب نزلت اركض منو اجاني فتحته واشوفها گبالي مصدكت ولج رجعتي وحضنتها حيل
ولاء .. اي رجعت
ميناس.. حياتي وحضنتها جنت حيل مشتاقه الها تعالي ادخلي
ولاء .. هاج
ميناس.. ليش مكلفه نفسج تعالي ولج شجابج
ودخلنا كعدنا بلصاله منين اندليتي البيت
ولاء .. شون مفاجأه
ميناس.. تخبل والله
ولاء .. اندليت من عبير رحت الها بالاول على الوصف مالتها وهم باركت الها على زواجها واخذت العنوان واجيت وكل شويه اخابرها لحد موصلت لبيتج
ميناس.. ليش مخابرتيني جان اني وصفت الج واوكفلج بلباب
ولاء .. مو كتلج حتى اسويها مفاجأه بله بربجن اعوفجن جم سنه اجي الكاجن متزوجات
ميناس.. هههههه شنسوي سنه الحياه
ولاء .. الف مبروك گلبي متعرفين شكد فرحت الكم وخاصه انتي لان اعرف وضعج
شونه الزواج طمنيني على زوجج طيب لو نسخه من الاول
ميناس.. لا ولج يموت فدوه لگلبه
ولاء .. ماطول فدوه لگلبه الامور عال العال
ميناس.. وانتي
ولاء .. شبيه
ميناس.. مصار تغيير بحياتج
ولاء .. اي خدودي تفحن اكثر
ميناس.. ههههه ولج لا قصدي محبيتي متزوجتي
ولاء .. ياريت تمنيت
ميناس.. وشنو المنعج
ولاء .. هذا الطايح الحظ وأشر على گلبي
ميرضى لا ينسى ولا يعيش دفن نفسه بحب فاشل
ميناس.. الى متى ولج صار سنين
ولاء .. الله وايدج اكولها مو بيدي لو عليه جان اتزوجت وعشت بس هذا مانعني مااتقبل بشر حسره اخطو خطوه يرجعني الف خطوه لوره
بله هو هذا موضوع هسه عوفينا منه من الاخير نفس الطاسه ونفس الحمام هاي اني من سافرت لحد مرجعت

شونهم جهالج شنو ماكو احد
ميناس.. بس ملوكه ونايمه هسه اكعدها الج
ولاء .. لا خطيه عوفيها هي تكعد وحدها
ميناس.. شعجب رجعتي للعراق ولا توقعت ترجعين
ولاء .. ماما حيل تمرضت وضعها حيل تعبان وهم رغد اجوها خطابه وخطيه واكفه قسمتها بسبب ماما لان ماكو احد يداريها
ميناس.. حياتي رغود راح تتزوج
ولاء .. اي يحبها وكتل نفسه عليها وهي هم بس مأجلتها لخاطر ماما ولهذا قررت ارجع شنو ذنبها تنحرم من الي تحبه واني اكدر اشوفها سعيده والحمدلله برجوعي الوضع تم
ميناس.. الف مبروك گلبي يوم الج
ولاء .. اني بدى القطار يفوتني منوس وبقى سنه سنتين وحتى قطار الزواج يودعني
ميناس.. وليش متلحكين بيه ليش متتزوجين شمنتظره
ولاء .. وداعتج كولشي ممنتظره بس مالي نفس بكل رجال الي اتزوجه راح اضلمه وراح اخونه بگلبي وعقلي واني مااحب الخيانه لان سالم بعده بيهم
ميناس..رغم كل الصار وبعدج تحبي
ولاء .. سمي غباء رعونيه طيحان حظ ماافتهم ماعندي عقل اي شى يجي بالج بس هو خارج عن ارادتي النفس ومتريد منوس واني نفسي وگلبي وعقلي قفلو عليه خليني هيج راسي بارد
ميناس.. يابارد يمعزايه وانتي ضيعتي نفسج
ولاء .. ضاعت بعد ما الكاها خليني طير حر
ميناس.. بس هيج تعارضين سنه الحياه والكون الزواج والاطفال انتي متردين تصيرين ام
ولاء .. ماكو وحده متريد بس كون من الانسان الي تحسين يستاهل تالي الليل تنامين بحضنه ويكون كولشي بيج يريده ويملكه واني كولشي بيه مو ملكي راحو ماتو
وقريت عليهم الفاتحه
ميناس.. تصرفج غلط من السما للكاع