قطار العمر
البارت السادس والثلاثون
للكاتب غزوان علي
(بارت طويل لأحلى المتابعين )
مابيه اجر النفس
ولا بيه انت تروح
طيفك قطاري عبر
والسجة هي الروح
تعبني مشيك ولك
واجدامي كلها جروح
يمتى لوليفك تحن
وروحك عليه تلوح
جرحك اعبدة الجرح
ليل بسهر مذبوح
زعلك عليه صعب
وردة بغصنها تفوح
راضي بعذابك واحن
تستاهل انت الروح
انتي ميناس
ميناس.. اي تفضلي محتاجه شى
اني حوراء مرت ريسان
ميناس.. بقيت صافنه بوجهه وهي تباوعلي بتك عين ومعاجبها الوضع
ردت ابلع ريك من الصدمه ماكو تالي كتلها قصدج طليقته
حوراء ..لا عيني زوجته وعلى ذمته واذا فهمج غير هذا الشى مشكلتج مو مشكلتي
ميناس.. اباوع المحل كله زبائن ومن طريقه كلامها عرفتها وكحه مو هادئه
عدنا غرفه صغيره دوم العاملات لو اني من نتعب من الشغل ندخل بيها او نبدل بيها كتلها اتفضلي ويايه مااريد احد يسمع الكلام
دخلنا للغرفه واكو كراسي اثنين كعدنا
واني بديت بلكلام
شون زوجته هو مو مطلكج
حوراء .. مو كتلج بعدني على ذمته قابل احجي هندي
ميناس.. ممكن تنصين صوتج هنا مكان شغل وعيب من الناس
حوراء .. وانتي اذا تعرفين العيب شون تحبين رجال متزوج وعنده جهال تحجن بلشرف والاخلاق والعيب وحدتجن لاعبه لعب مالكيتي غير رجلي شو اشوفج ماشاء الله حلوه وعندج محل يعني ممحتاجه لواحد مثله لو انتن تموتن على الذله متحبن اله تاخذن الشى الي مو الجن
ميناس.. اني صافنه عليها وهي مستلمتني بلكلام الصدمه جانت فوق خيالي اريد استوعب الموقف مااكدر
رغم نفس الموقف سابقاً قبل سنين تعرضتله بس جان اكو فرق بأن زوجه مرتضى جانت انسانه راقيه وهادئه ومؤدبه وبنفس الوقت اني مجان بيني وبين زوجهه اي شى ومن اجتني حجيت بكل ثقه بس هاي وحده صوتها وطريقه اسلوبها ابد محبيته وفوك كل هذا اني ريسان بينا علاقه وصار اكثر من شهر ونص نسولف للصبح وحسيت بمشاعر اتجاهه يعني شون افهم هيج وحده هجوميه بأن اني ما ادري هي على ذمته
حوراء .. شو خرسيتي اي عيني اكيد راح تحفضين كلامي وترحين تتبجبجين يمه وتسوين نفسج فقيره وانتي والي مثلج الكح.. اشرف منجن
ميناس.. لهنا وبس واحترمي نفسج من اجيتي ولهسه تتجاوزين وصوتج عالي شنو عبالج مااكدر اجاوبج اكدر اهسه اطردج منا
حوراء .. اكيد تكدرين يابو كدرتي تاخذين رجلي مني كولشي اتوقع من وحده وصخه مثلج
ميناس.. امشي اطلعي بره
حوراء .. ليش مااطلع قابل اني اريد اجي لهيج مكان قذر وفاسد اسمعي لج تعوفين رجلي لا وداعت جهالي اطيح حظج واخليج علج بحلك اليسوه والمايسوه
ميناس.. مااتهدد ومخايفه منج واحسن منافخه ريشج عليه روحي لرجلج الي حفه حتى ارضى بيه وفوكاها كذب عليه حتى بس ارضى اتزوجه امشي يله ولي واذا شفتج هنا مره ثانيه اخليهم يطيحون حظج
ميناس.. مكدرت مااعيط عليها لان اكلتني وشربتني اريد افهمها ماكو تعيط وتأشر بيدها على لحظه حسيتها تريد تضربني
حوراء .. اعوع اعوع عود تهددني اكيد اكو كومه رياجيل جواج لهذا تمشين وتهددين اكدر هسه ابلغ عليج جيش المهدي واكولهم فاتحه الصالون للدعاره والفساد اذا معفتي رجلي بحاله انعل سلفه سلفاج
ميناس.. اطلعي بره
ركعت الباب وطلعت واني ارجف اريد اتنفس ماكو دخلت تركض عليه وحده من العاملات اسمها رؤى
STAI LEGGENDO
قطار العمر
Storie d'amoreقصه عراقيه حقيقيه لامرأه تعاني من ظلم اقرب الناس الها وعدم انصافها واخذ حقوقها ياترى الزمن راح ينصفها رغم كل الظلم الي تعرضتله وهل للحب تأثير بتغير محطات العمر المؤلمه ؟
