قطار العمر

الجزءالثاني من البارت الاخير

قطار العمر
الجزء الثاني من البارت الاخير
للكاتب غزوان علي

ولاء .. زين نعقد باجر واسبوع الجاي نتزوج
سالم .. المهم العقد باجر
ولاء .. ماشي باجر باجر

ميناس.. طلعنا وسالم بعده ممصدك وكل شويه يكول هاي صدوك راح تصير مرتي
ههههه اي يمعود راح تصير مرتك
زين شون قنعتيها ورشا شراح اكول الها
ميناس.. زين من اتذكرت عندك مره ثانيه
سالم .. والله لو السما تنطبك على الكاع باجر عاقد عليها
ميناس.. لتخاف رشا قابله وحجيتله كولشي وهو بس يسوق وساكت
راعي الله برشا لو ما هي مجان هاي فرحتك
سالم .. والله اني احترمها واقدرها وعمري مأذيتها ولا راح أذيها
ميناس.. اعرفك طيب وتستاهل كل خير
ولك صارن اثنين نسوان يعينك الله يسويلم ههههههه
سالم .. خلي تصير ولاء زوجتي وبعد كولشي مااريد من الدنيا

رشا .. خابرتني ميناس وحجتلي كولشي واني كعدت بلكاع ابجي ساعه اكول صخام بوجهج شسويتي بروحج وساعه اكول هو هذا الصح حرت بس هو اجه ومحجه اي شى واني هم مفتحت اي موضوع وثاني يوم عقدوا ومبلغني ساعات احسه جمر تحرك بلحمي شون سلمت رجلي لغير مره
ولاء .. طلعنا من الشيخ واخذ الاوراق وانطاهن لمحامي يصدقهن بلمحكمه
لازم ايدي طول الطريق وميريد يعوفها وساكتين لحد موصلنا لبيتنا طبينا وامي ورغد استقبلونا بلهلاهل والچگليت لهسه اني وياه ممستوعبين الصار
وكعدنا وكيك وشربت وعافونا وحدنا ومحسيت غير سالم يوكف ويجرني لحضه ويجر تنهيده حسيتها زرفت صدره وطلعت

سالم .. صرتي اليه ولج انتي مرتي ممصدك
ولاء .. دنجت خجلانه منه اي مرتك
جان يشيلني ويفتر كافي واضحك وكفني ورجع حيل حضني
سالم ..افيييش ياريحتج افيش ياجنه عمري ولاء انتي مرتي بعد محد ياخذج مني انتي حلالي
ولاء .. لزمت وجهه وكتله وانت حبيبي وامنيه حياتي وصرت الي
وبسته من خده جان يجر شفايفي بكل شوق بلحظتها اني هم بادلته بكل لهفه وگأني رجعت بنت ١٩ سنه الحبته وجانت تخاف لحد يشوفها وياه جان يبوسني بقوه وحب ولهفه واني مثله صبر سنين وبعد كل الصار هياتني بحضنه واله
سالم .. حبيبي لكيت مشتمل كبال بيتي عادي
ولاء .. اي عادي المهم مو بيت واحد
سالم .. يخبل وجديد وهسه العماله طالعه منه نروح باجر نشوفه ونطلع بعدها نأثثه واذا حابه شى بس إشري
ولاء .. كولشي ما اريد بس انت
سالم .. ااااخ الله احس گلبي راح يوكف من الفرحه ممصدك
ولاء .. لا صدك اني مرتك هسه

بعدها بأسبوع مقبلت البس بدله استحيت رغم الحاح ميناس وماما ورغد وحتى سالم مقبلت لبست فستان ابيض طويل يشبه البدله راقي كولش وميناس استلمتني مكياج وشعري كتلها بس شسوري مااريد اي تسريحه
ميناس.. ولج طلعتي ملاك تخبلين
ولاء .. صدوك حلوه الله عليج
ميناس.. تموتين وروح ابويه هسه سالم بس يشوفج ينجلط
ولاء .. اسم الله
ميناس.. هله هله بعدنا بسم الله
ولاء .. غير رجلي ولج ممصدكه بعد كل هذا العذاب صرت زوجته
ميناس.. ربج هو قسمتج وانتي بطن امج شكد صارت مصايب وتاليها صرتي اله
ولاء .. وزوجته شون
ميناس.. مكال الها اليوم كال راح اسافر اليوم ومااكولج يايوم الزواج حتى لتفكر وهو حجز الكم يوم بلفندق وباجر من الصبح ترحون لتركيا
ولاء .. زين يسوي اني مردت تركيا بس هو راد
ميناس.. روحي تونسي يحضي اكو احلى من هيج شهر عسل هم حبيب العمر وهم بأحلى الاماكن
ولاء .. ولج صرت مرته صرت مرته
ميناس.. كلللوووووووووووش