قطار العمر

البارت السابع

قطار العمر
للكاتب غزوان علي
البارت السابع

فارس .. طول فتره الالتحاق مالتي ونور مفاركت خيالي احس يومي فارغ ومن اتعب من التدريب اغمض اتخيل ضحكتها عيونها من هي عصبيه وابتسم حتى بعصبيتها حلوه جان الامر كولش يحبني يكول انت مبين ابن خير واوادم وماعندي اذيه لهذا يساعدني ومره صاحني كلي انزل قبل نهايه ٢١ يوم تفاجأت منه بس هو كال لان شفتك دوم تساعد اصدقائك والكل يحمد بيك وبأخلاقك وخاصه من صار موقف صديق ويايه سوه مكسوره ومنطيت بيه رغم هو مع الاسف انطه بيه بس من حقق الامر لان مصدك اني أذي احد عرف الحقيقه وعاقب الولد وكافأني ونزلني اول يوم نزلت نمت من الظهر لثاني اليوم الصبح من التعب وفزيت ساعه ٦ الصبح بدلت وكلت خلي اروح افاجأها اكيد حاسبه الايام لان كتلها ٢١ يوم اني مااشوفج طلعت اتمشى وراها بس تأخرت وصلت قريب المدرسه وشفت ولد يحاجيها بالبدايه مدخلت بس الوب هذا منو اني شايفه بس وين مااذكر ومن جرها من ايدها وشفتها عصبيه تخبلت عقل مضل بيه جيتت عليه حتى بدون ماااسأله انت منو لان اني اعرف اخوتها وهذا مو منهم ضربته بوجهه وتلازمنا وكامت تعيط

نور .. فدوه كافي فضحتوني
منذر ..لزمت الولد الي تهجم عليه عرفته نفسه الي قبل مده  دعمها سحبت سلاحي عليه وهو وكف
فارس .. لك حقير جبان تسحب سلاحك عليه

مابيك خير بالايد كامش السلاح مثل الجاهل
منذر ..انت منو وتدخل بينا
نور .. فدوه منذر رجع سلاحك فدوه
منذر .. انجبي انتي وسكتي حسابج انتي بعدين
فارس .. لك انت شون تحجي هيج وياها ومهمني السلاح وجيتت عليه والجبان ضرب طلقه بالهوا
لك سافل تتعدى عليه بأي صفه
نور .. كمت ابجي واضرب على وجهي البنات التمو يتفرجون والمديره طلعت تركض تخزيت دخيلك ربي شنو هاي الفضيحه من الصبح
فارس .. انت شون تتحارش بنات الناس عار ماعندك عرض
منذر .. عطت هاي بنت خالتي وخطيبتي
نور .. اندار عليه فارس مصدوم وفتح عيونه واني ابجي ودنجت
فارس .. خطيبتك
منذر .. اي وانت بأي صفه تضربني هيج اليوم اله اربيك

وجان توكف نور بنصنا كافي فضحتني كافي رحمه لأهلك املخ روحي يله ترتاح المديره راح تفصلني بسبب عركتكم
فارس .. شفتها تبجي ومنهاره وانصدمت هي مخطوبه انداريت عليها باوعت بنظره الم حسيت منظري زباله واتذكرت هذا الولد جان ويه حمزه وبنفس الوقت عبالك انجرح گلبي رغم كولشي ماكو بينا بس وقت من الاوقات حسيتها مالتي
باوعت على ابن خالتها وكتله

اعذرني اخي مجنت اعرف صفه القرابه الي بينكم عبالي واحد من الشارع ويتحارش
منذر .. وانت شنو يمه واكف بودي كارد للبنات ياهو الي يتحارش تضربه وتعال كولي انت مو نفسك الي قبل مده ردت تدعمها شعندك هنا هاا

فارس .. هذا طريقي وشارع الدوله وبأي مكان اكد افوت احد كلك الشارع ملكك
منذر .. انت مبين لسانك طويل ويرادله كص واني اليوم راح اكصه الك
نور .. كافي لخاطر النبي مو انفضحت روح منذر واله اكول لبابا على الي سويته
منذر .. يعني فوكاها فوك ماهو الي تحارش
نور .. كافي