قطار العمر

البارت الحادي عشر

قطار العمر
للكاتب غزوان علي
البارت الحادي عشر

ناصر .. هاي شكعد تسوي ولك شون تمد ايدك على نور
منذر ..اكسر راسها  اختك ممربايه واليوم اني اربيها
نور.. ركضت وره ناصر ختلت فدوه ناصر راح يموتني
ناصر .. انت اشايف نفسك وتتجاوز هيج اختي متربايه احسن منك لتشوف انطيناك مجال تلزم شعره منها وحق الي خلقك ادفنك بأيدي
منذر.. فوكاها يعني فوك متكولي عاشت ايدك ربيها
نور.. جان يلزم ناصر قميص منذر حيل ويعت بيه

لك شنو تربيها انتبه على كلامك ليش تخليني انسى صله الدم الي بينا و اعرفك شنو معنى التربيه
منذر.. اختك تتجاوز على رجلها وماعدها منطق واسلوب ترضاها تكولي انت بوخه ومابيك خير ولو بيك خير متتزوج وحده متحبك

نور.. التفت عليه ناصر انتي حجيتي هيج
مسحت دموعي وكتله بصوت قوي وبدون خوف اي گلت هيج لان هذا الحق
دخلت ماما على عياطنا ومباشره حجت عليه حتى بدون متفهم الموضوع
ولج حقيره متوبين وتالي وياج فوك مراضي ابن اختي بيج
ناصر .. يمه شون تحجين هيج شنو نسيتي هاي بنتج
منذر.. اي والله فوك مراضي بيها على سگاطها

نور .. ومااشوف غير ناصر يلزم منذر ودك ضرب على وجهه على بطنه زوعه العافيه وذاك جبان ضربله ضربه وحده ومابيه حيل يشيل ايده وامي تفاكك بيهم وتصيح واني واكفه على صفحه اتفرج وبگلبي اكول بعد اضربه حيل سگطه للسخيف واشتدت العركه ومااشوف غير حمزه يدخل وهنا حسيت الموقف بعد مجان ويايه صار ضدي وكف بنصهم وكدر يفاككهم

حمزه.. شبيكم صدوك كذب هاي تاليها احنا الاكثر من اخوه يوصل هذا حالنا
ناصر .. اسمع لك مالك مره يمي
منذر.. مو هو بكيفك
ناصر .. خلي اشوف بكيف منو اذا خليتك تتزوج نور مااتسمى رجال وهذا شاربي ازينه
حمزه .. شجاك ناصر كول ياالله شنو هذا حجيك خلي نفتهم بالاول وشنو علاقه زواج نور بعركتكم
منذر.. اختك الشفيه تتجاوز وضربتها واخوك تخبل

حمزه.. شكو بيها رجلها ومن حقه يأدبها
ناصر .. لك عار ديكولك ضربتها شون تقبل اختك تنظرب ولتكول زوجها بعد ممتزوجها اذا هسه يضرب ويعير من يتزوجها شيسوي لو لان صديقك ادافعله لتنسى المضروبه تصير اختك
حمزه.. منذر يحبها ويخاف عليها واكيد مسويه شى غلط وكاعد يعلمها ليش تكبر الموضوع
نور.. اني مااريده فدوه ناصر ابوس ايدك مااريد اتزوجه
حمزه.. تتزوجي ورجلج فوك راسج شو انتي لسانج طولان
ام ناصر .. انجبي واصعدي لغرفتج وانت يمه حمزه اخذ ابن خالتك وطلعو خلي ناصر يهدا والي صار تنسوه
ناصر .. مو احنا جهال وننساه جيبي لج
نور.. عت ايدي حيل عباله الحلقه بيدي
ناصر .. وين حلقتج
نور.. فوك
ناصر .. اركضي جيبيها هي والذهب
ام ناصر : يمه ناصر شنو هذا التصرف هو بكيفك ماعدها ام اب تره مميتين احنا حتى تمشي كلامك
منذر.. نور اليه واذا خرب كولشي اسويلكم فضيحه بلمنطقه
ناصر .. هاج استلمي ابن اختج الشريف شون يهدد عرضه ويريد يفضحه