قطار العمر

البارت الثاني عشر

قطار العمر
للكاتب غزوان علي
البارت الثاني عشر

ميناس.. ركضنا مثل المخابيل اخويه كله ولا فارس جانت دقايق معدوده بس مهمه بحياتنا حتى ابني نسيته وعفته يبجي من اثر الصياح مهتميت هذا اخويه ومو اي اخ هذا فارس اب واخ وسند الي طلعت حافيه وارجف امي عياطها وصل المنطقه كلها حتى الي مهتم بلطلقه وصوتها اكيد يطلع يسمع شنو هذا العياط

فارس.. جنت امشي وزهكانه روحي وصدري يوجعني من الخنكه مشتاقلها واريد اشوفها وكلامها اخر مره تعبني وزاد حملي وخلاني اوصل مرحله لو قاتل يامقتول عقلي فقد التركيز والثگل وكولشي بقيت افكر بشى واحد شون اتزوجها واني اتمشى راجع للبيت وصلت قريب لبيتها حتى من اوصل قريب بيتها احس الهوا يختلف لان اكول كعد تتنفس منه ريحته غير  شكل يفتح صدري وامشي بهدوء وشارد الفكر وبيدي علاكه مال غراض للبيت وكم بطل ببسي كزاز جبتهم للغدا والمح حمزه ومنذر ينزلون من السياره اني شفت منذر لو عيوني صارت براسي هذا شعنده جاي الچلب مكافي كتل ابوها زين وحمزه هذا من كل عقله يلفي واحد كتل ابوه اكيد موطبيعي مشيت من يمهم بس اني نار وتاكل بيه بديت اتخيل شون يشوفها ويشم ريحتها لو يجوز ترجعله واني امشي تعديتهم بشبر جان منذر يكول
منذر.. هااااااا عار عبالك ناسي الي سويته بس ضامها الك خوش ضميمه روح اختل بحضن امك من هسه فرغتلك وجايك السره

فارس.. انداريت عليه لك تحجي ويايه
منذر.. ويه خيالك هو اكو عار غيرك بلشارع
فارس.. محسيت بنفسي غير مجيت عليه وكسرت البطاله براسه وكع رأساً ونمت عليه ودك بوكسات لا بقيت خشم وسنون وحمزه يريد يفكني منه حتى حمزه ضربته ملخت وجهه بلحظتها اتذكرت نور ودمعاتها وانهيارها وشون فاركني عنها واني اضرب وفاقد ومنذر شبه فقد الوعي جان احس بشى حار اخترق جسمي وكعت صفح بس واعي رفعت راسي واشوف حمزه بيده السلاح وضربني بس من حراره الصواب مااعرف ضربني برجلي لو بطني وكعت

ميناس.. شفت اخويه مدد والشارع مليان دم امي من حلات روحها جيتت على حمزه ملخت وجهه وتعيط وحسن يريد يلزمها ميكدر وسالم وانمار يشيلون بفارس وميعرفون شصار

نور.. جنا كاعدين اني ونبأ بلمطبخ نسوي غده اساعدها اني مالي خلك ملابسي الي لابستهم بس شسوي لازم اساعدها خطيه شنو ذنبها البيت كله عليها وساكته خلف الله عليها متحمله كولشي وساكته وهجر اخويه وتأمر امي عليها ومن احجي وياها تكول فتره وتعدي واني كعد اسوي الخضره سمعنا صوت طلقه قريبه كولش وثواني صار صوت عياط طفرت ماما ونبأ واني لحكتهم
ماما وصلت قبلي لباب الشارع باوعت جان تعيط طبي جوه
نور.. بس اشوف شكوو
كتلج طبي جوه لا انزع الي برجلي وعلى راسج لتعاندين

نور.. ضليت صافنه شصار وهيج تعصبت ماما وسمعت صوت اي هاي صوت خوله ام فارس وتصيح ابني كتلتو اني لطمت على وجهي وركض للسطح سويت الدرج بايتين ومن السطح شفت اخوه ولد ثاني شايلي والدم ينكط منه اني متحملت المنظر حسيت خسرته مثل بابا تراوالي نفس الشى كعدت بلكاع الطم ملخت وجهي شعري فاقده حتى راسي يجري دم محسيت غير نبأ تلزم ايدي بكل قوتها وتحاول تهديني
مات مات لج نبأ فارس راح مني
نبأ .. مابي شى والله ولج راح تموتين ارحمي بحالج تصوب بس
نور.. لا شفته من شايلي ينكط دم مات ورجعت الطم
نبأ .. بروح ابوج كافي والنبي مابيه شى تصوب
نور.. منو ضربه وشعنده منذر باب بيتنا شصاير ولج راح اموت
نبأ .. منعرف شكو بس شفت منذر مدد باب البيت وحمزه بيده السلاح وامج وام فارس ناس تعيط على ناس صرنا فرجه للمنطقه كلها