قطار العمر

البارت الواحد. العشرون

قطار العمر
البارت الواحد والعشرون
للكاتب غزوان علي

وين رايحه لج حقيره عبالج اطفرين بجهالي
ميناس.. ركضت اقفل باب الغرفه وجان يدفرها ولزمني سحل للصاله وجهالي ورايه يركضون ويبجون
فدوه عوفني دخيل الله ودخيلك
عمار.. لج ساقطه تردن تاخذين جهالي وتسافرين مگلتي عندي رجال يقبل لا هيج ضاربتني عرض الحايط
ميناس.. مشموره بلكاع يم رجله وهو واكف بنص الصاله ويمكن ٨ رياجيل واكفين متوزعين بكل مكان بلصاله واخويه بارق مشدود ايده ورجله وحلگه وحاطي يم رجلهم موقف لعدوي مااتمناه
هو انت وينك صار اشهر مااعرف شى عنك هسه تذكرت عندك جهال
عمار.. جهالي يبقون يمي انتي الظاهر فلتي ولازم اربيج من جديد تروحين تسوين معاملات وجوازات وحجز وتحضرين كولشي واني رجل كرسي مو رجلج وابو جهالج
ميناس.. الي يسمعك يكول مگابل الجهال وكاعد سألت نفسك طول هاي الاشهر شأكلو شربو نامو تمرضو ماتو على هاي الاحداث الطايح حظها صار سنين انطيتني فلس علمود جهالك لتسوي نفسك حنين واني ظالمه وحارمتك منهم كول الحق عمار انت اصلاً مابيوم حسستهم انت ابوهم واني الي سويته حتى احميهم
عمار.. وفوكاها لسانج طويل وعرمه ولج انتي شنو ماكو احد يوكف بعينج متخافين من احد
ميناس.. من مصايبك گلبي مات
عمار.. لا الموت جاي انتظري
ابو قتيبه ادخل للغرفه وجيبلي الجوازات

ميناس.. اخذ الجوازات شككهم سواهم قطع صغار اباوع على احلامي شون تتشكك بيده وتنثر بلكاع وتنداس بلرجلين واني لا حول ولا قوه اليه وفيصل عيونه مدمعه وكولشي مابيده
شككتهم ارتاحيت يله روح
عمار.. هيج بهاي السهوله والي سويتي قبل شنو ماله عقوبه
ميناس.. شتريد تسوي بعد مكافي دمرت حياتي وحياة جهالك ضرب واهانه وجوع وقهر وخيانه على مدى سنين وختمتها بعار راح يحملوه جهالك يوم منضميت للتنظيم وهسه حكمت علينا نبقى بهذا الذل والعار من حرمتنا السفر شتريد بعد اكو اقوى من هيج عقوبه

عمار.. اي اكو اقوى اخذ الجهال واخليج العمر كله تنوحين عليهم
ميناس.. حسيت ضرب گلبي من گال اخذ الجهال كله ولا جهالي  لا فدوه عمار سوي الي تريده بيه كطعني احركني موتني بس الجهال لتاخذهم مني اموت بدونهم
اني تحملت ضيمك وقهرك علمودهم لتاخذهم جان يدنج عليه ويهمس بدون ميسمعوه جماعته
عمار.. هسه واني اخذ الجهال راح تحسين بألم اقوى من الالم الي سواه بيه العار مرتضى وخلاني اشهر اعيط من الوجع اله اخليج تبجين دم اني اطرديني من بيتي
ميناس.. نزلت ابوس برجله وابجي ومنهاره احس دياخذ روحي والله اتنازلك عن البيت وعن كولشي والي تريده يجرالك بس عوفلي الجهال يتأذون اذا تأخذهم
جان يدفرني حيل أذاني مهتميت لو يكطع من لحمي عادي بس لياخذهم
عمار.. خلي البيت الج يفيدج يله جيبوهم

اشوف جهالي شون يصارخون وذوله النكسين يشيلوهم هنا عمر سيوفي ٧ سنوات وملوكه ٤ سنوات جيتت بحركه گلب عليهم
ولكم جهالي عوفوهم ابوس ايدكم رجليكم بس عوفوهم دفعوني حيل وكعت ركضت رجعت على عمار ونزلت على رجله ابوسها فدوه عمار ذول جهال مالهم ذنب بلمشاكل الي بينا ارحمني وارحمهم والله الي تريده يصير  لا اسافر حتى من البيت مااطلع بس خليهم بحضني
جان يسحلني من شعري ودك ضرب برجله وهو لابس مثل البسطال العسكري كل ضربه تاخذ روحي بس مو مثل القهر والالم الي احسه من اشوف سيف وملاك يضربون بلحقراء الي شايليهم حتى ينهزمون منهم ويصيحون ماما تعالينا نريد ماما
عمار.. اخذو الجهال وطلعو