قطار العمر

البارت التاسع والعشرون

قطار العمر
البارت التاسع والعشرون
للكاتب غزوان علي
(بارت طويل تعويض لأحلى المتابعين)

اصعب شى بلحياه من تكونين عايشه على سكة قطار وحده وماشيه على خط سير واحد  وهادئه البال وصدفه يجي واحد ويسحبج  من ايدج بكل حب وحنيه ويكولج تعالي اركبي ويايه خطنا واحد طريقنا واحد راح اراويج جمال محطاتي وما اخليج تتندمين بيوم ويرفض العقل  لان تشوفين قطار العمر مالتج ماشي بهدوء وعلى وتيره هادئه
ميستسلم ويرجع يمسك گلبج وينادي ويكوله انت تعال ويايه وراح اعيشك احلى محطات العمر والگلب يروح وتنادين عليه ميسمعلج تضطرين تنزلين من قطارج وتركبين قطار هذا الشخص ويبدأ بهدوء يتحرك تلاحظين الطريق الي ماشي بيه كله ورد وزرع وهوا نقي وهدير العصافير يرن بأذنج تعيشين وياه على هذا القطار احلى حلم وردي وتبدين تعلنين استسلامج ويبدأ العقل يرضخ اله والجسد والروح تكون ملكه ترجعين تباوعين عليه تحسيه كولشي بحياتج وتحول هذا المجهول الى حبيب الروح والعمر واعز الناس كلها ومستعده ترحين وياه للموت المهم ايده بأيدج
على لحظات تغمضين عيونج وتستسلمين وانتي بقمه الرضا والسعاده وتعلنين نفسج ملك اله بكلمه ينزل دمعتج وبكلمه يضحكج
هو المتحكم بكولشي حتى صحتج

تغمضين عيونج وتمشين  بهذا الطريق وكل ما تفتحين عيونج يكولج غمضيهم اني يمج اني ما اعوفج انتي الي واني الج وتإمنين بيه لدرجه الجنون  وفجأه تلكين روحج مشموره من القطار شنو شعورج

هذا حالي مشيت واني مغمضه اخذني من حياتي ومن كولشي وتالي شمرني بمحطه قاسيه اباوع محطه مظلمه بارده كلها اصوات مخيفه ارضها شوك وسماها غربان وزرعها محروك وهواها دخان هاي المحطه الي شمرني بيها سالم سألته ليش
كال لخاطرج حتى تعيشين
ليش هو الي يعوف روحه وعمره وقطار حياته يكدر يرجعله يكدر يعيش مرات الموت ارحم من ان تعيش وانت تتمنى بكل لحظه تموت الموت ارحم من تشوف الي حبيته عايش وسعيد ويه غيرك وانت متروك بمكان اظلم موحش قاسي عايش على الذكريات والامنيات
ركضت وراها عسى يرجعني لقطاري بس ماكو شى يرجع مثل الاول صعد انسانه بمكاني بحجه حتى تعيش
لو ميته ارحملي من الي حسيته واني اشوف الي تعبت وسهرت وبجيت وانضربت واحتركت علموده عايش ويه غيري ومتهني

كعدت من الغيبوبه وتمنيت ابقى بيها تمنيت ميته اهون عندي وخاصه واني اتخيله وياها التزمت الصمت حتى لساني رافض النطق موبيدي ولا اتمارض بس كميه الالم الي احسها خلت جسمي وعقلي وگلبي يرفضون الحياه حاولو يخلوني احجي وما فاد شهر ونص حارو وين يودون مره اطباء مره شيوخ وساده بس يردون انطق لا حياه لمن تنادي
وبيوم حاله حال باقي الايام الي تعبت من احسابها اخذتني ماما اروح احلل تحاليل عامه حتى ريوك ممتريكه اخذنا التحاليل ماما كالت مابيه ارجع خلي ننتظر ناخذ اول وجبه والي تتأخر نجي باجر نستلمهم رغد ويايه اني مثل الميت همه يلبسون همه يغسلون عايشه بغير ملكوت كاعدين بالانتظار هو مجمع جبير اكثر من طبيب بيه لمحت ميناس وياها بنيه طويله حلوه لابسه جبه اسلاميه ونازك شكلها مدري ليش حسيتها زوجه سالم لان اني شايفه كل اهل زوجها واعرفهم هاي غريبه لوتني بطني وحسيت الم بگلبي ردت اعرف هي شون اكوم وشون اعرف اشرت لرغد اروح للحمام خطيه حايره بيه وشايله همي من يوم الي وكعت بيه اشرتلها ابقي مقبلت اله تجي وصلنا للحمام بس دخلت غسلت ايدي وجهي وارجف طلعت شفتهم من بعيد
ردت بس اعرف همه لو لا
رغد .. بيج شى لولو امشي خلي نرجع لمكانه
ولاء .. اشر براسي لا باوعت شافت ميناس
رغد .. هاي منو وياها
ولاء .. اشرت ماادري
رغد .. تردين تعرفين منو وليش هنا
ولاء .. اشرت اي بقوه
رغد .. صار وتدللين تعالي خلي نروح لذيج الغرفه الي بصف المختبر نشوفهم احسن وهم نعرف ليش هنا اتوقع انتي عبالج هاي البنيه زوجه سالم
ولاء .. اشر اييي رغد رغم صغر سنها بس كولش ذكيه وتفهمني حيل
دقايق وصاحو اسمها معرفنا ليش لحد مسمعت ميناس تكول مبروك رشا سالم هسه راح يطير من الفرحه والله وصرت اب يسويلم ويضحكون
بلحظتها جمدت ايدي ورجلي ما احس بيهم يريد يغمى عليه يعني مكافي بيوم عرسه ردت انجلط هسه احظر لحظه ميكولون زوجته حامل هيج حظي فكر من دون كل الايام تجي وتحلل طبعاً بذيج الفتره قلت الاطباء والمختبرات لهذا تشوف مختبر واحد على يمكن ٥ مناطق او ٦ وهذا جان مجمع لهذا كولش هواي الناس تجي بس ليش بليوم الي اني احلل بيه