قطار العمر

البارت الثالث والاربعون

قطار العمر
البارت الثالث والاربعون
للكاتب غزوان علي

بارت طويل لأحلى المتابعين 🌷

ميناس.. اتصلت بيه مريم تكمز
ولج خلي افهم شصار
مريم .. وافقو وافقو
ميناس.. منو الوافق غير تثكل خلي افهم
مريم .. حيدر خطبني وبابا وافق وباجر العقد
ميناس.. لابربج بهاي السرعه لو اطخه لو اطلع مخه
مريم .. ههههه مخ باچه اي شى المهم راح اصير مرته
ميناس.. وريسان يدري
مريم .. بابا هسه خابره كعد يسولف وياه
ميناس.. اووو واخيراً والله فرحتلج شون اهلهل
مريم .. فدوه لگلبج ليش مااعرف تفرحيلي
ميناس.. امشي خلي اروح احظر ملابسي وملابس الجهال زين وانتي خاتون شون
مريم .. والله ماادري اني حتى حفافه محافه وصايره سينما وملابس مااعرف شلبس
ميناس.. لتخافين باجر من الصبح جايتج وجايبه احلى فستان
مريم .. منين فستان
ميناس.. نسيتي اكثر زبائن التجي يدزوهم اليه اهل البدلات واعرفهم الصبح اطلع ادورلج فستان راقي على ذوقي واجي اعدلج
مريم .. مااعرف شون اشكرج
ميناس.. ماكو شكر بين الخوات يله روحي خلي احظر نفسي
وبعدها اجه ريسان يظحك
ريسان .. شفتي شكتلج مراح يتحمل
ميناس.. اي والله تعرفه
ريسان .. اعرف مراح يتحمل واحد يمها صاحبي واعرفه
ميناس.. بس تفاجأت بيك طلعت سبورتي مو معقد
ريسان .. مو قضيه سبورتي لو واحد غريب اذبحها بس الصراحه اني اريدها لحيدر الناس متتأمن منوس نسمع اشكال البلاوي والطلاكات بفلس واخاف اختي تاخذ واحد بلا ذمه ولا ضمير
ميناس.. بس هي خطبها ابن خالتك
ريسان .. بس طبعه مو مثلنا صح هو خوش ولد بس معقد وحدي اني محبيت الخطبه بس هي وافقت والحمدلله ماتمت واله جان تأذت حيدر اعز من اخويه هاج محمد صارلنا شكد مشايفي ولا عبالك عنده اهل يطورد ويه بيت خالي عود كل شهر او شهرين يمر ساعه ساعتين ويروح مسويها فضل علينا بينما حيدر اتيهي تلكي عدنا
ميناس.. وهسه راح يصير زوج اختك بعد اقوى العلاقه
ريسان .. المهم يسعدها الخبل كلشي منريد منه
ميناس.. الله يسعدهم يله تعال خلي نتعشى حتى انام من وكت ورايه كعده وتحضيرات كومه

ثاني يوم رحت اني وريسان واجرت بدله نازكه الها لونها ماروني عدله مخصره على الجسم تبرز جسمها وانوثتها نازكه كولش كيمونه واخذت شال اخاف احد غريب يدخل
وصلنا للمنطقه دخلنا ساعه ١٠ الصبح
ام ريسان .. هلا بلصباح الحلو هلا من جاينا
ميناس.. هله بيج ماما وبستها
اجه عمو
ابو ريسان .. هلا بتي شونج شون كيفج
ميناس.. الحمدلله عمو عساك سالم وبخير
ابو ريسان .. نحمده ونشكره هاي الفصعونه جابتج من الصبح
ميناس.. لازم غير اختي الصغيره
ابو ريسان .. الله يجازيج خير
ميناس.. ان شاء الله من رخصتكم
صعدت لكيتها نايمه باوعت يمنه يسره اي لكيت بطل بيه شوي مي وذبيته عليها جان تطفر من النوم
مريم .. لا منوس اكو واحد يكعد هيج
ميناس.. واكو واحد خطوبته اليوم ونايم للعشره
مريم .. عزه ساعه عشره
ميناس.. اي خاتون
مريم .. مراح الحك شون
ميناس.. اششش على كيفج شبيج رجفتي
مريم .. باعي حالي وبعد انظف البيت
ميناس.. كولشي متسوين تحيرين بنفسج وبس واني وملاك انظف البيت
مريم .. اوي اروح فدوه لمرت اخويه الورده
ميناس.. بدون لواكه ويله اتريكي حتى ابلش بوجهج وجسمج خرب تكول كيويه كلج شعر
مريم .. لتعيبين والله محافه اول مره بس حاجبي لو ما انتي سويتي على ايدج هو وشواربي الباقي ممسويته
ميناس.. روح اتريكي وتعالي اله اخليج لوز بس استعجلي
مريم .. مااريد اكل ابلشي
ميناس.. لازم تاكلين يله لتوكعين من التعب وراج حفله
مريم .. بس احنا مراح نسوي حفله
ميناس.. يبوو تسأل عن النغل منو ابوه يله استعجلي
مريم .. صار
وركض ركض اكلت وصعدت لميناس واستلمتني حفافه وشيره حارت شسوت وهي ام صالون وايدها سريعه صدوك طلعتني لوز
مريم .. عاشت ايدج هاي بلخطبه وهيج بلزواج شون
ميناس.. كله عليه مالج دخل روحي اسبحي بين ماانزل اكمل كم شغله بلبيت واصعد اشسورلج شعرج واحضر مكياجج
مريم .. والفستان
ميناس.. اوو نسيت ذاك علكته شوفي قياسج مضبوط
مريم .. فتحته يخبل ولج منوس يموت يموت
ميناس.. تلبسي بلعافيه والسعاده بس ايجار تره مو شرايه
مريم .. بس مبين جديد
ميناس.. هو انتي اول وحده راح تلبسه جان تجي تركض وتحضني وتبوسني
الله لايحرمني منج يااحلى مرت اخ بلدنيا
ميناس.. يله فضينا وكافي دلع
بيومها تعبت تعب كارثه ايد على البيت وايد نحضر الضيافه وراها صعدت على مريم شسورت شعرها طلع يخبل شلته بحركه بسيطه وبقيته مفتوح هي جمالها بشعرها ثخين حييل صح مو سرح بس من يتشسور يطلع يخبل
ومكياج بسيط بس الحمره طوخ ردت ابرز شفايفها طلعت تجنن
يله شوفي
مريم .. هاي اني
ميناس.. لا امي
مريم .. يمه طالعه اخبل هاي شسويتي بيه
ميناس.. حتى استاذ جراده يشبع بهذا الجمال
يله البسي وانزلي الناس على جيه
مريم .. وانتي
ميناس.. ادخل اسبح واطلع ابدل وانزل ما اتأخر
مريم .. ماشي
بيومها الفرحه بگلبي يمكن بكد الكون ممصدكه حيدر راح يصير اليه
صار صوت جوه هوسه وصوت هلاهل هاي منو جاي
نزلت على كيفي واشوف ام حيدر وخواته ونسوان اخوته كلها واكفات بدايه الدرج ومن نزلت اشتغلت الكولات والهوسات والهلاهل والجكليت متوقعت هيج فرحانين