LOHIKA [COMPLETED]

Chapter XXXVII

​"Anong kailangan ni'yo?" Lance Tenorio tried to move, ngunit dahil sa kakaopera lamang na paa niya, nanatili siyang nakahiga sa maliit na hospital bed.

​Lumapit sa kama sina Lieutenant Jiho Lim at Jiwon Natividad.

​Sandaling ipinakita ng batang lieutenant ang badge niya. "Ikaw ang kapatid ni Lucas Tenorio, tama ba? May kaunting tanong lang kami tungkol sa kapatid mo. Kailangan namin ng cooperation mo."

​Nabalutan ng lungkot at pag-aalala ang mapupungay na mga mata ni Lance. Sinubukan niyang kumalma at kontrolin ang emosyon na naghahari sa dibdib niya ngayon, ngunit lalo lamang itong umapoy nang mapunta sa bukas na telebisyon ang tingin niya. Kasalukuyang ibinabalita sa tv ang krimen na ginawa 'di umano ng kanyang Kuya Lucas.

​Jiwon took the remote control at pinatay ang tv.

​Ngayon, nasa kanila na ang buong atensyon ng maluha-luhang pasyente.

​"Lance, we're here to help your brother. So please, please, tulungan mo rin kami." Jiwon sounded a bit desperate.

​"Alam namin na hindi mamamatay tao ang kuya mo. May nasabi ba siya sa'yo tungkol kay Grady Blake at Max Moliva? Kahit ano. Kahit na maliit na bagay lang na naaalala mo. Isipin mong mabuti." Lieutenant Lim was desperate too.

​Pinipigilan ni Lance ang pagpatak ng mga luhang naipon sa kanyang mga mata, ngunit lalo lamang itong nagbagsakan. Umiling siya nang paulit-ulit bilang sagot.

​The two were disappointed. They were about to leave the ward empty-handed.

​"Sandali.." Lance stopped them.
​
​Tumigil sa paglalakad ang dalawa at nilingon ang pasyente.

​May puting sobre itong kinuha sa ilalim ng unan.

​Lieutenant Lim took it. Agad niyang binuksan ito at tiningnan ang laman. Mabilis niyang sinulyapan ang lahat ng litrato at ibinalik muli sa sobre.

​Kukuhanin na sana ni Jiwon ang sobre sa batang lieutenant, ngunit mabilis na iniwas iyon ng binata. "Hey! Kailangan ko rin makita 'yan!"

​Isinilid ni Lieutenant Lim ang sobre sa bulsa ng bomber jacket niya at mariin na tinakpan iyon ng kamay niya, upang hindi makuha ng dalaga.

​"Tama, ngayon, sigurado na talaga akong hindi si Lucas Tenorio ang pumatay kay Moliva. Pumunta siya sa hotel para kumuha ng litrato na makakasira sa career ni Grady Blake. Ako ang unang detective na nakarating sa crime scene. 'Yung sand footprints na nasa balcony, hanggang balcony lang talaga 'yun. Dinoktor ng SCID ang police report, para arestuhin ang kapatid mo. Inilagay nila na may nakita rin na sand footprints papasok sa loob ng kwarto, when in fact, wala naman talaga." The young lieutenant sounded so sure.