LOHIKA [COMPLETED]

Chapter LVI

Jiwon noticed the name tag that Sujin Lim was holding. Nilapitan niya ang dalaga at sandaling sinulyapan ang hawak nitong bagay. Nang masiguro niya na iyon na nga ang name tag niya, hindi na siya nagdalawang isip na kuhanin ito. "Excuse me, sa 'kin 'yan."

"Oh..." Agad na isinauli ni Sujin ang name tag sa dalagang kaharap niya. Naroon pa rin ang malalim na pag-iisip niya kung saan niya nakita ang initials na iyon, kaya naman hindi na niya pinalagpas ang pagkakataon na magtanong. "J.D.N. ang initials mo?"

"Yes." Jiwon wanted to add a question, but Claudine stole the opportunity.

Nagningning ang mga mata ni Claudine nang makita niya ang hawak na name tag ni Jiwon. "Nahanap mo na pala! Let's go na, Jiwon. Magpalit ka na ng damit. Sasamahan na kita." Masigla at excited niyang hinila papunta sa Senior's Building ang dalaga.

As Sujin sat on the vacant chair na pinaggigitnaan ng dalawa niyang kaibigan na sina Meanne at Valerry, laman pa rin ng isipan niya ang katanungan tungkol sa initials ng dalaga. Then out of the blue, she finally remembered. Her friends were startled sa biglaang pagtayo niya. "Music box!"

***

Nagkalat sa sahig ang mga tauhan sa Sketch Bar, isang kabubukas lamang na bar sa Sulyapan Street, Barangay Canoonan. Namimilipit sa sakit ng katawan ang mga kalalakihan at ang iba ay tulog sa lakas ng tama sa katawan nila.

The man who was responsible for their serious pain was still insanely in good condition. Tila ba wala itong naging tama sa katawan mula sa pakikipaglaban nang mag-isa. Nagawa niyang panatilihin ang tigas, tapang at yabang mula sa mga mata niya, hanggang sa tuluyan na niyang makaharap sa isang sulok ng bar ang taong totoong pakay niya sa mapanganib na lugar.

"Boss, bawal 'tong ginagawa mo!" Bakas ang takot sa boses at maliliit na mata ni Bonardino Agustin. Mas kilala bilang alyas 'Bola'. Lalo siyang lumiit, dahil sa pagsiksik niya sa sulok ng pader. Nakaupo siya roon na parang pinagalitan ng magulang.

"Hindi ba't mas bawal 'tong ginagawa ni'yo?" Lieutenant Lim was referring to the illegal activities na nagaganap sa bar na kinaroroonan nila, pati na rin ang totoong business nitong panloloko sa mga taong gustong dumoble ang pera sa bangko.

"Ano bang kailangan mo? P'wede naman nating pag-usapan eh." He was thinking that he can manipulate the young lieutenant.

Humila ng upuan ang binata. Iniharap niya iyon kay Bola at doon siya mayabang na umupo. "Water Pipe Serial Murder Case."

"Boss, matagal na panahon na 'yan. Napatunayan naman na wala talaga akong kinalaman sa kasong 'yon eh! Pipitsugin' manggagantso lang ako! Isa pa, kababalik ko lang dito sa Yonhwa! Ang ganda naman ng salubong mo sa 'kin eh!"

"Hindi ako nakikipagbiruan. Alam kong may kinalaman ka sa kasong 'yon." Mayabang na kinasa ng binata ang baril niya. "Magsasalita ka ba o hindi?"

"Wala talaga, boss!" Napalunok ng laway ang takot na takot na swindler. Hindi maalis ang tingin niya sa baril na hawak ng batang lieutenant. Pinanood niya kung paano iyon kabitan ng silencer.