Tagalog Poetry

IIWAN MO DIN AKO

Heto nanaman ako,
Nagsusulat ng tulang iaalay sayo
Nais kong malaman mo
Na ang tulang ito, ay para sayo.
Kaya sana basahin mo.

Uumpisahan ko sa simula.
sa simula kung pano tayo nagkakilala.
Na sa bawat oras na kasama ka.
Nakakalimutan ang problema,
Dahil sa dulot mong saya.

Saya na kahit kailan ay di mapapatunayan ng iba.
Dahil alam kong sayo ko lang
nararamdaman ang tunay na ligaya.

Hanggang sa tayo ay nagkagustuhan.
Sa mga parang hindi natin inasahan.
Lumipas ang mga araw.
Nagbalik kang manligaw.
Hindi alam kung ikaw ay papayagan.

Hindi dahil sa ikaw ang gusto ko
Hindi dahil ikaw ang tinitibok nitong puso ko.

Natatakot kasi akong katulad ka din niya.
Matatakot kasi akong masaktan katulad ng ginawa niya.
Natatakot ako nakapag lumalim pa ang nararamdaman,
Isa kadin sa mga taong nagbabalak na ako ay iwan.

Natatakot akong, ang dating alaala ay muli kong balikan.
Alaalang pilit kung tinatakasan.
Mga alaala noong ako ay nasaktan.
Dahil hanggang ngayon ay hindi ko parin nakalimutan ang nakaraan.

Ang nakaraan na binigyan nya ng kulay ang mundo ko.
At ang nakaraang dinurog niya ang puso ko.
Ang puso kong nilagyan niya ng galit at poot.
Galit at poot na mahirap ibaon sa limot.

Sana maintindihan mo ang desisyon ko.
Desisyon kong hindi ka payagang ligawan ako.
Hindi dahil sa hindi kita gusto.
Kundi dahil ayoko ng maulit ang dati.
Ang dating masaktan muli.

Sinulat ko ang tulang ito.
Para sabihin sayo na kung magmamahal ka.
Pumili ka ng taong babagay sayo.
Kung magmamahal ka.
Dahil alam kong "IIWAN MO DIN AKO"