Phoenix Series #5: My Fight For Love(COMPLETED)

Chapter 35

CHAPTER 35

NAABUTAN KO si Jastin sa salas na ginugulo ng mga kasamahan namin. Napangiti ako at napailing nang makitang ginugulo ni Clyde, Edsel at Rein ang buhok ni Jastin at ang binata ay inis na sinasaway ang mga ito.

Kahit naiinis si Jastin ay alam kong masaya ito dahil naririto ang mga kaibigan namin.

Napalingon ako kay Prince nang makitang pinaalis nito si Ethan at Ryder na prenteng nakaupo sa mahabang sofa. Sumunod naman ang dalawa at sabay na nagkatinginan nang humiga si Prince sa sofa.

Napailing si Ethan.

"Sa lahat ba naman kasi ng puwedeng maging hobby, ang pagtulog pa ang napili." Anito at namulsa. "Pinupuyat ka ba ng kapat-" Naputol ang sasabihin ni Ethan nang bigla itong binato ng throw pillow ni Prince at muling pumikit para matulog.

Napailing ako. Katulad ni Ethan ay napapansin kong mahilig talagang matulog ni Prince. Natutulog ito kapag may pagkakataon. Minsan ay wala itong pakialam kahit maingay sa paligid nito. Nabibilib pa nga ako minsan dahil sa isang pikit lang nito ay tulog na agad.

I look at Ryder who just shrugged his shoulders. Naglakad ito patungo sa pang isahang sofa at salubong ang mga kilay nito habang panay ang tingin sa cellphone na tila ba may hinihintay itong tawag mula doon.

Buong araw ay nagmistulang palengke ang kabuuan ng bahay dahil sa kaingayan ng mga Phoenix. Parang may rambulan na naganap dahil nagkalat ang mga throwing pillows dahil sa kakulitan ng mga ito. Panay din ang pambubuwesit nila kay Jastin na ikinailing ko na lang. Minsan lang kaming magsama-sama at hindi pa kumpleto kaya sinulit ng lahat ang buong araw.

Nagkanya-kanya kami nina Sharmaine, Princess at Amber. Hinayaan namin ang mga kalalakihan na nagbibiruan sa salas.

"Sinabi mo na ba?" Pabulong na tanong ni Sharmaine.

Tinignan ko ito.

"Ang alin?" Tanong ko.

"Na nilibing mo ng buhay si Minerva." Anito.

Umiling ako at ngumiti.

"Kahit naman sabihin ko, walang pakialam si Jastin." Sambit ko.

Bumaba ang tingin nito sa tiyan ko.

"Alam na niyang buntis ka?" Tumango ako.

"So, anong plano niya?"

"Sharm, gusto ko munang gumaling siya bago namin pag-usapan ang lahat." Sambit ko at napatingin ako kay Jastin na seryosong nakikipag-usap kay Rein.

Tumingin ito sa akin at nagsalubong ang mga mata namin.

He smiled and he mouthed "I love you." I smiled and mouthed back "I love you, too."

"Mukhang okay na kayo pero nakakadiri kayong dalawa." Sharmaine rolled her eyes.

Tinalikuran ako nito at tumabi kay Princess at Amber. Napailing na lang ako at ngumiti. Napaka-bitter talaga ng babaeng 'yon.

Ilang sandali lang ay nagpaalam na ang lahat para umuwi pabalik ng Maynila. Gusto lang talaga nilang bisitahin at kumustahin si Jastin kaya personal na pumunta ang mga ito para sa kaibigan. Umuwi ang lahat maliban kay Rein na magpapaiwan dahil aasikasuhin nito si Jastin para sa mas mabilis na paggaling nito.

Tumahimik ang bahay nang makaalis ang lahat. At si Rein ay hinayaan kong asikasuhin ang mga dapat gawin ni Jastin para tuluyan na itong makalakad ulit.

Rein stayed here in Tagaytay for a couple of weeks. Araw-araw ay nakikita ko ang improvement sa kalagayan ni Jastin. Paunti-unti ay nakakalakad na ito. Hindi na ito masyadong nakaupo sa wheelchair nito. Konti na lang ay maibabalik na nito sa normal ang lahat.