တိမ်လွှာ ဘယ်မှာလဲ.....(episode 3)
--------------------------------ဒီနေ့ဟိုဦးလေးကြီးကို သူမတွေ့ရပါ။ အသားနှင့်ဟင်းရွက်များယူပြီးသည်အထိ ကောင်တာတွင် ဦးလေးကြီးရှိမနေပါ။ ဝေ့ဝဲကြည့်ပြန်တော့လည်း အနီးအနားတွင်မရှိ။ သူဘယ်တွေရောက်နေပါလိမ့်ကွယ်။ သူဒီကိုလာရခြင်းအကြောင်းအရင်းက ထိုလူကြီးကြောင့်မဟုတ်လား။ ဟော့ပေါ့စားချင်သည်ဆိုသော်လည်း သူကြိုက်လှသည့် မှိုဝက်သားလုံးသည် ဒီဆိုင်တွင်မရပါ။ သူစားချင်မှတော့ ရွှေလာတွင်သာသွားစားလိုက်မည်ပေါ့။
ခုတော့ တကူးတကဆိုင်ကယ်တက္ကစီနှင့်လာခဲ့ရသည်ကိုပင် နှမြောနေမိသည်။ ခုလိုဆို ထိုဦးလေးကြီးကို အကဲခတ်ပြီး သူ့ကိုယ်သူစမ်းစစ်ရမည့်အတွေးကို မေ့ပစ်လိုက်ရတော့မည်ပေါ့။ နေဦး...မဟုတ်သေးပါဘူး။ ဒီဦးလေးကြီးကိုလာကြည့်ပြီး ဦးတင်ကိုကိုရဲ့ပရိုပိုစ့်ကို စဉ်းစားဖို့ဆိုသည်က သဘောတရားလွဲနေသလိုပင်။ ဦးတင်ကိုကိုက ဒီဦးလေးကြီးလိုခန့်ညားနိုင်ပါ့မလား။ ရုပ်ကိုမြင်ဖူးတာလည်းမဟုတ်။ ဒီဦးလေးကြီးကို တိမ်လွှာက တစ်ဖက်သတ်ချစ်သည်ဆိုပြန်ဦး သူ့အချစ်က ဒီဦးလေးကြီးနှင့်ပဲ သက်ဆိုင်လိမ့်မည်မဟုတ်လား။ ဘယ်လိုလုပ် ဦးတင်ကိုကိုဘက်ပြောင်းပြီးချစ်နိုင်ပါ့မလဲ။ စိတ်ရှုပ်ဖို့ကောင်းလိုက်တာ။ ဒီလူကြီးနှစ်ယောက်ကြားထဲမှာပင် သူ့အတွေးတွေက ဟိုရောက်လိုက်ဒီရောက်လိုက်ဖြင့် ရောက်တက်ရာရာရောက်၍နေသည်။ ဘာလုပ်ရမှန်းစဉ်းစား၍မရသောကြောင့် ကင်ထားသောအကင်များကိုသာစားရန် ဆုံးဖြတ်ချက်ချလိုက်တော့သည်။"Side dish အတွက် မာလာရှမ်းကောတွေရပြီ...."
အို...ဒါဟိုလူကြီးအသံပါ။ သူမော့ကြည့်လိုက်တော့ ထိုလူကြီးက လင်ဗန်းကြီးတစ်ခုကိုကိုင်ပြီး kitchen ရှေ့တွင်ရပ်နေလေသည်။ ပြီးတော့ တိမ်လွှာ့ဘက်ကို အကဲခတ်ကြည့်သလို တစ်ချက်ဝေ့ကြည့်ပြီးနောက် stuff တစ်ယောက်ကို သူ့လင်ဗန်းကြီးထိုးပေးလိုက်သည်။ ထိုလူကြီးက kitchen ထဲပြန်ဝင်သွားလေသည်။ ဟောတော် အဲ့အခန်းထဲသူဘာတွေအလုပ်ရှုပ်နေပါလိမ့်။ သူ့ကိုတကူးတကလာကြည့်တဲ့သူတစ်ေယာက်အတွက် ကောင်တာပေါ်တွင်ထိုင်နေပေးဖို့ကောင်းသည်။ ဒီလူကြီးလည်း လူအတစ်ယောက်ပေလားမသိ အနည်းဆုံးတော့ လူတစ်ယောက်ရဲ့ မျက်နှာရိပ်မျက်နှာထားကို အကဲခတ်တတ်ရမည်မဟုတ်လား။
![](https://img.wattpad.com/cover/192268622-288-k752556.jpg)
YOU ARE READING
~ တိမ္လႊာ ဘယ္မွာလဲ ~
Romanceage gap အရမ္းႀကိဳက္တဲ့ ကြၽန္ေတာ့္အတြက္ တစ္ခါမွ မေရးဖူးတဲ့ age gapမ်ိဳးပါ😁😁😁 အသက္၂၀ေလာက္ကြာျခားမႈၾကားက ႐ိုဆန္ဆန္ခ်စ္ျခင္းႏွင့္ angst နည္းနည္းပါပါမယ္ #BL, #Romance, #Angst, #Age_gap