"Park Jimin!"
စာကြည့်ခန်းထဲမှအော်သံကြောင့် Hueningတစ်ယောက် အလန့်တကြားပင် အခန်းထဲအပြေးဝင်ခဲ့လိုက်မိသည်။
"ဒယ်ဒီ! ဟျောင်း!"
"မင်း အခုဘာပြောလိုက်တယ်?"
"တောင်းပန်ပါတယ် ဒယ်ဒီ ကျွန်တော် Mr.Chaminကို လက်မထပ်နိုင်ဘူး ပြီးတော့"
ညီဖြစ်သူကိုလှမ်းကြည့်လိုက်တော့ မပြောဖို့ ခေါင်းယမ်းပြနေတာကို Jiminတွေ့လိုက်ရသည်။ ဒီတစ်ကြိမ်မှ ဟျောင်းသတ္တိမရှိရင် သားနဲ့ တသက်လုံးဝေးသွားရလိမ့်မယ်။
"ကျွန်တော့်ရင်နဲ့လွယ်ပြီးမွေးခဲ့တဲ့ သားလေးလည်းရှိပြီးသားမို့ပါ"
"ဒီကောင်!"
"ဒယ်ဒီ မလုပ်ပါနဲ့"
အစ်ကိုဖြစ်သူကိုရိုက်ဖို့ရွယ်လိုက်တဲ့လက်ကြောင့် ညီဖြစ်သူမှာ မနေနိုင်တော့ဘဲ ထိုလူနှစ်ယောက်ကြား အပြေးဝင်ကာ တားဆီးလိုက်ရသည်။
"ရိုက်နှက်နေလို့ ဘာမှထူးမှာမဟုတ်ဘူး ဒယ်ဒီ အကောင်းဆုံးဖြေရှင်းဖို့ ရွေးရအောင်ပါနော်"
"မင်း ငါ့ကိုသေချာရှင်းပြ နောက်ပြီး သူ့ကိုထွက်သွားခိုင်းလိုက် ငါ သူ့မျက်နှာမမြင်ချင်ဘူး"
"ဟျောင်း"
Jiminက အလိုက်သိစွာ တစ်ခွန်းတစ်ပါဒပင် စကားမဆိုတော့ဘဲ စာကြည့်ခန်းလေးနှင့်အတူ လူနှစ်ဦးကိုကျောခိုင်းကာ ထွက်ခဲ့လိုက်သည်။
အခန်းထဲရောက်တော့မှ အသက်ဝအောင်ရှူလိုက်ပြီး ကုတင်ပေါ်ခြေပစ်လက်ပစ်ထိုင်ချလိုက်သည်။ တုန်ရီနေတဲ့ သူ့ခြေထောက်တွေအကြောင်း သူအသိဆုံး။
အေးစက်နေသည့် လက်ဖျားတွေက သူမည်မျှကြောက်ရွံ့နေခဲ့လဲဆိုတာကို သက်သေပြလို့နေသည်။ အဆင်ပြေသွားမှာပါ ဟုတ်တယ် အကုန်အဆင်ပြေသွားမှာ။
စားပွဲပေါ်တင်ထားသည့် ဖုန်းဆီကအသံကြောင့် Jimin လန့်ဖျတ်သွားရသည်။ တော်ပါသေးရဲ့ Jungkookဆီကပဲ။ Jimin အလိုလို ပြုံးလိုက်မိသည်။
"ဟယ်လို"
"နေကောင်းလား"
"ရုတ်တရက်ကြီး? အင်း ကောင်းပါတယ်"
YOU ARE READING
❝𝐎𝐍𝐄 𝐆𝐋𝐀𝐒𝐒 𝐎𝐅 𝐂𝐇𝐄𝐀𝐏 𝐂𝐇𝐀𝐌𝐏𝐀𝐆𝐍𝐄❞
Fanfictionထိုနေ့ညက ရှန်ပိန်တစ်ခွက်ကိုသာ သူ မသောက်ခဲ့ရင်။ (Chronicle of Angels-Season 2)